စိတ်ဝိညာဉ်နတ်ဘုရားဆရာသခင်စာရင်း

ကျင်းဖုန်းလင်စိတ်ဝိညာဉ်နတ်ဘုရားဆရာသခင်လိုပဲ ငွေရောင်တူစိတ်ဝိညာဉ်နတ်ဘုရားဆရာသခင်က လီဖူချန်းထံ အသားတင်ကြွယ်ဝမှုနှစ်ထရီလီယံအထိ ယူလာခဲ့တယ်။

အခုဆိုရင် လီဖူချန်းရဲ့အသားတင်ကြွယ်ဝမှုက အဆင့်နိမ့်နတ်ဘုရားကျောက်တုံးခြောက်ရာထရီလီယံကျော် ရှိနေပါပြီ။

ဒါက လီဖူချန်းရဲ့မျှော်မှန်းချက်ကို အကြီးအကျယ်ကျော်လွန်ခဲ့တယ်။

စိတ်ဝိညာဉ်ဝါးမျိုခြင်းသဲကန္တရကို မဝင်ခင် လီဖူချန်းရဲ့ရည်မှန်းချက်က အဆင့်နိမ့်နတ်ဘုရားကျောက်တုံးဒါဇင်ဒါမှမဟုတ်နှစ်ဆယ်ထရီလီယံလောက်သာဖြစ်ပြီး သူက ဒါနဲ့ပတ်သက်ပြီး အများကြီးမစဉ်းစားခဲ့ပါဘူး။

‌နောက်ပိုင်းမှာ လီဖူချန်းက စိတ်ဝိညာဉ်နတ်ဘုရားဆရာသခင်အချို့ကို ထပ်တွေ့ခဲ့ပေမယ့် ဒီစိတ်ဝိညာဉ်နတ်ဘုရားဆရာသခင်တွေက အလွန်သတိကြီးပြီး လီဖူချန်းကို သတ်ဖို့ မလာကြပါဘူး။ လီဖူချန်းကလဲ ရန်မစပါဘူးလေ။

"စိတ်ဝိညာဉ်နတ်ဘုရားဆရာသခင်ဆီးနှင်းခဲ၊ ငါတို့မောင်နှစ်မနှစ်ယောက်က မင်းကို နေရာလပ်လက်စွပ်ပေးပြီးပြီပဲ။ မင်း ဘာလိုချင်သေးတာလဲ"

ဒါက သဲကန္တာရတစ်ခုဖြစ်ပေမယ့် သဲကန္တာရရဲ့မျက်နှာပြင်ကို အပြာဖျော့ရောင်ဆီးနှင်းခဲအလွှာတစ်ခုက ဖုံးလွှမ်းထားတယ်၊ ဆီးနှင်းခဲအထက်မှာတော့ ပုံရိပ်သုံးခုရှိတယ်။

ဒီပုံရိပ်သုံးခုစလုံးက စိတ်ဝိညာဉ်နတ်ဘုရားဆရာသခင်တွေပါပဲ။

ဘယ်ဘက်ရှိစိတ်ဝိညာဉ်နတ်ဘုရားဆရာသခင်နှစ်ယောက်က မောင်နှစ်မတွေဖြစ်တယ်၊ တစ်ယောက်ကို ဦးချိုနက်စိတ်ဝိညာဉ်နတ်ဘုရားဆရာသခင်လို့ခေါ်ပြီး အခြားတစ်ယောက်ကို ကျူပင်စိတ်ဝိညာဉ်နတ်ဘုရားဆရာသခင်လို့ခေါ်တယ်။

ညာဘက်ရှိ စိတ်ဝိညာဉ်နတ်ဘုရားဆရာသခင်က အပြာဖျော့ရောင်ချပ်ဝတ်ကို ဝတ်ဆင်ထားပြီး အပြာဖျော့ရောင်ရေခဲချီတစ်ခုက သူ့ခန္ဓာကိုယ်ပေါ်မှာ စွဲကျန်နေတယ်။ ဒီရေခဲနယ်မြေကို သူ ဖန်တီးထားမှန်း သိသာတယ်။

"ငါကို အရူးလို့ မင်းတို့ ထင်နေတာလား၊ မင်းတို့မှာ အခြားနေရာလပ်လက်စွပ်တွေရှိတာ ငါ သိတယ်နော်" ဆီးနှင်းခဲစိတ်ဝိညာဉ်နတ်ဘုရားဆရာသခင်က နှာခေါင်းရှုံ့လိုက်တယ်။

"ဆီးနှင်းခဲစိတ်ဝိညာဉ်နတ်ဘုရားဆရာသခင်၊ မင်း အရမ်းအနိုင်မကျင့်လွန်းနဲ့နော်"

ဦးချိုနက်စိတ်ဝိညာဉ်နတ်ဘုရားဆရာသခင်က အလွန်ဒေါသထွက်နေတယ်၊ ဒါပေမယ့် သူ လုပ်နိုင်တာ ဘာမှမရှိပါဘူး။

သူက အလယ်ဆင့်စိတ်ဝိညာဉ်နတ်ဘုရားဆရာသခင်တစ်ယောက်ဖြစ်သလို သူ့ညီမက အလယ်ဆင့်စိတ်ဝိညာဉ်နတ်ဘုရားဆရာသခင်ကို ခြေချကာစဖြစ်တယ်၊ ဒါတောင် သူနဲ့ဆီးနှင်းခဲစိတ်ဝိညာဉ်နတ်ဘုရားဆရာသခင်ကြားကွာဟချက်က မတော်တရားကြီးလွန်းနေပါသေးတယ်။

တစ်ဖက်လူက အားကောင်းစိတ်ဝိညာဉ်နတ်ဘုရားဆရာသခင်ဖြစ်ရုံသာမက စန်းလန်စိတ်ဝိညာဉ်နတ်ဘုရားဆရာသခင်စာရင်းမှာလဲ အဆင့်၉၈၅ဖြစ်တယ်။

စန်းလန်စိတ်ဝိညာဉ်ဆရာသခင်စာရင်း၊ စန်းလန်မြို့ရဲ့အကွအဝေးအတွင်းရှိစိတ်ဝိညာဉ်နတ်ဘုရားဆရာသခင်စာရင်း။

စန်းလန်မြို့က အဆင့်၃နတ်ဘုရားမြို့တစ်ခုဖြစ်ပြီး ၎င်းရဲ့နယ်နိမိတ်အတွင်းမှာ အဆင့်၂နတ်ဘုရားမြို့သုံးမြို့နဲ့ အဆင့်၁နတ်ဘုရားမြို့တစ်ဆယ့်ရှစ်မြို့ရှိတယ်။

ကြိုတင်ခန့်မှန်းချက်တွေအရ စန်းလန်မြို့တစ်မြို့လုံးရှိ စိတ်ဝိညာဉ်နတ်ဘုရားဆရာသခင်တွေရဲ့အရေအတွက်က တစ်သန်းထက်မနည်းပါဘူး၊ ဒါပေမယ့် စန်းလန်မြို့ထဲရှိ စိတ်ဝိညာဉ်နတ်ဘုရားဆရာသခင်စာရင်းက တစ်ထောင်သာ ရှိတယ်။

In other words, out of a thousand spirit masters, only one can go to the blue spirit master list.

အခြားစကားဖြင့်ဆိုရရင် စိတ်ဝိညာဉ်နတ်ဘုရားဆရာသခင်တစ်ထောင်မှာတစ်ယောက်ကပဲ စန်းလန်မြို့စိတ်ဝိညာဉ်နတ်ဘုရားဆရာသခင်စာရင်းထဲ ဝင်နိုင်တယ်။

It is conceivable how terrifying the spirit masters on the Canglan spirit master list are.

ဒါကို ကြည့်ပြီး စန်းလန်စိတ်ဝိညာဉ်နတ်ဘုရားဆရာသခင်စာရင်းပေါ်ရှိ စိတ်ဝိညာဉ်နတ်ဘုရားဆရာသခင်တွေက ဘယ်လောက်တောင်ကြောက်စရာကောင်းသလဲကို တွေးတောနိုင်တယ်။

ဆီးနှင်းခဲစိတ်ဝိညာဉ်နတ်ဘုရားဆရာသခင်က စန်းလန်စိတ်ဝိညာဉ်နတ်ဘုရားဆရာသခင်စာရင်းမှာ အဆင့်၉၈၅ဖြစ်တယ်။ သူ့ခွန်အားက အားကောင်းစိတ်ဝိညာဉ်နတ်ဘုရားဆရာသခင်အများစုကို ရိုက်နှက်ဖို့ လုံလောက်တယ်၊ အလယ်ဆင့်စိတ်ဝိညာဉ်နတ်ဘုရားဆရာသခင်နှစ်ယောက်လောက်က စကားထဲ ထည့်ပြောစရာတောင် မလိုပါဘူး။

သူတို့အခုထိအသက်ရှင်နေနိုင်တဲ့အကြောင်းရင်းကတော့ သူတို့မှာ အခွင့်အရေးတစ်ခုရှိလို့ပဲ။ သူတို့က အန္တရာယ်နယ်မြေတစ်ခုမှာ ကြယ်လေးလုံးအဆင့်နိမ့်အဆောင်အနည်းငယ်ကို ရရှိခဲ့တယ်။

ဒီကြယ်လေးလုံးအဆင့်နိမ့်အဆောင်တွေမှာ ခံစစ်အဆောင်တွေနဲ့တိုက်ခိုက်ရေးအဆောင်တွေ ပါဝင်တယ်။

ကံမကောင်းစွာနဲ့ ကြယ်လေးလုံးအဆင့်နိမ့်တိုက်ခိုက်ရေးအဆောင်က ဆီးနှင်းခဲစိတ်ဝိညာဉ်နတ်ဘုရားဆရာသခင်ကို နာကျင်စေနိုင်ပေမယ့် ဆီးနှင်းခဲစိတ်ဝိညာဉ်နတ်ဘုရားဆရာသခင်ကို မသတ်ဖြတ်နိုင်ပါဘူး။

ရန်သူရဲ့ခန္ဓာကိုယ်ပေါ်ရှိအပြာဖျော့ရင်ချပ်ဝတ်က ဆန်းကြယ်နတ်ဘုရားချပ်ဝတ်ဖြစ်တယ်၊ အဲဒါက ကြယ်လေးလုံးအဆင့်နိမ့်တိုက်ခိုက်ရေးအဆောင်ရဲ့တိုက်ခိုက်မှုအများစုကို ရင်ဆိုင်ဖို့ လုံလောက်တယ်။

ကြည့်ရသလောက် ကြယ်လေးလုံးအဆင့်နိမ့်ခံစစ်အဆောင်ရဲ့စွမ်းအားက အဆက်မပြတ်သုံးစွဲနေပြီး မကြာမီလောက်မှာ ၎င်းက လုံးဝစွမ်းအားကုန်ခန်းသွားလိမ့်မယ်။

ချီချီ......

ဆီးနှင်းခဲစိတ်ဝိညာဉ်နတ်ဘုရားဆရာသခင်က ကြယ်လေးလုံးအဆင့်နိမ့်ခံစစ်အဆောင်ရဲ့စွမ်းအားကို အဆက်မပြတ်ကုန်ဆုံးစေနေတယ်။ တစ်ချိန်တည်းမှာ အောက်ဘက်ရှိဆီးနှင်းခဲနယ်မြေက ပိုပိုထူထပ်ပြီး အေးစက်လာတယ်။

ရုတ်တရက် အက်ကြောင်းတွေက ဆီးနှင်းခဲမြေပြင်ပေါ်မှာ ထွက်ပေါ်လာတယ်။

ဆီးနှင်းခဲစိတ်ဝိညာဉ်နတ်ဘုရားဆရာသခင်က မျက်မှောင်ကြုတ်လိုက်တယ်။

နောက်အခိုက်အတန့်မှာ ဆီးနှင်းခဲမြေပြင်က ပျက်ဆီးသွားပြီး ကောင်းကင်က ‌သဲတွေနဲ့ ပြည့်နှက်သွားတယ်။

"မကောင်းတော့ဘူး"

ဆီးနှင်းခဲစိတ်ဝိညာဉ်နတ်ဘုရားဆရာသခင်ရဲ့မျက်နှာက အရုပ်ဆိုးသွားတယ်၊ ပြေးလာနေတာက လက်ရွေးစင်အဆင့်စိတ်ဝိညာဉ်ဝါးမျိုခြင်းသဲလူသားတစ်ယောက်ဖြစ်နေတယ်လေ။

သူက စန်းလန်စိတ်ဝိညာဉ်နတ်ဘုရားဆရာသခင်စာရင်းမှာ အဆင့်၀၈၅ဖြစ်ပေမယ့် သူက အဆင့်နိမ့်ဆန်းကြယ်နတ်ဘုရားတစ်ယောက်ကိုယှဉ်နိုင်တဲ့လက်ရွေးစင်အဆင့်စိတ်ဝိညာဉ်နတ်ဘုရားဆရာသခင်မှ အဝေးကြီးလိုပါသေးတယ်၊ သူက တစ်ချက်ကလေးတောင် မခုခံနိုင်ပါဘူး။ သူက အဝေးကို မပြေးရင် သေခြင်းအဆုံးသတ်တစ်ခုသာ ရှိတယ်။

"ရေခဲရွေ့လျားထွက်ပြေးခြင်း"

ဆီးနှင်းခဲစိတ်ဝိညာဉ်နတ်ဘုရားဆရာသခင်က သူ့ရဲ့စိတ်ဝိညာဉ်နတ်ဘုရားအတတ်ကို ထုတ်ပြကာ ချက်ချင်း ထွက်ပြေးသွားခဲ့တယ်။

ဘယ်လောက်ထိ ထွက်ပြေးသလဲ မသိတော့ဘူး၊ ဆီးနှင်းခဲစိတ်ဝိညာဉ်နတ်ဘုရားဆရာသခင်က ရပ်တန့်လိုက်တယ်။

ဒီအချိန်မှာ သူက အတော်အလေးစိတ်ဓာတ်ကျမိတယ်။ အစက သူက ဦးချိုနက်စိတ်ဝိညာဉ်နတ်ဘုရားဆရာသခင်နှစ်ယောက်ကို အနိုင်ယူတော့မလိုလေ။

ဟေး......

ရုတ်တရက် ဆီးနှင်းခဲစိတ်ဝိညာဉ်နတ်ဘုရားဆရာသခင်က နောက်ထပ်စိတ်ဝိညာဉ်နတ်ဘုရားဆရာသခင်ကို ရှာတွေ့ခဲ့တယ်။

ဒီစိတ်ဝိညာဉ်နတ်ဘုရားဆရာသခင်က အလွန်ထူးခြားတယ်။ သူ့ရဲ့စိတ်ဝိညာဉ်နတ်ဘုရားစွမ်းအားက အလယ်ဆင့်စိတ်ဝိညာဉ်နတ်ဘုရားအဆင့်မှာရှိပေမယ့် သူ ဖော်ထုတ်တဲ့ချီက စိတ်ဝိညာဉ်နတ်ဘုရားဆရာသခင်အဆင့်မှာ ရှိတယ်။ အခြားသူတွေက မမြင်နိုင်ပေမယ့် သူက အနည်းငယ်မြင်နိုင်ပါတယ်။

"ဆီးနှင်းခဲနယ်မြေ"

ပထမဆုံးအကြိမ် ဆီးနှင်းခဲစိတ်ဝိညာဉ်နတ်ဘုရားဆရာသခင်က သူ့ရဲ့နတ်ဘုရားအတတ်တွေကို ထုတ်ပြခဲ့ပြီး အဆုံးမဲ့ဆီးနှင်းခဲစိတ်ဝိညာဉ်နတ်ဘုရားစွမ်းအားက ရန်သူကို ဖုံးလွှမ်းသွားခဲ့တယ်။

"ဘယ်လိုတောင်အားကောင်းတဲ့ဆီးနှင်းခဲစိတ်ဝိညာဉ်နတ်ဘုရားစွမ်းအားလဲ"

လီဖူချန်းက ကြောက်ရွံ့သွားတယ်။ သူက အဝေးကြီးမှာရှိတာတောင် ဆီးနှင်းခဲစိတ်ဝိညာဉ်နတ်ဘုရားဆရာသခင်ရဲ့နတ်ဘုရားစွမ်းအားတိုက်စားမှုကို မခုခံနိုင်ပါဘူး။

သူ ခန့်မှန်းတာ မှန်ရင် ရန်သူရဲ့ဆီးနှင်းခဲစိတ်ဝိညဉ်နတ်ဘုရားစွမ်းအားက အဆင့်၇ကို ရောက်ရှိပေလိမ့်မယ်၊ ဒါက စိတ်ဝိညာဉ်နတ်ဘုရားဆရာသခင်အများစုထက် သာလွန်နေပါပြီ။

"ဆီးနှင်းခဲဓား"

ဆီးနှင်းခဲဓားတစ်လက်က ဆီးနှင်းခဲစိတ်ဝိညာဉ်နတ်ဘုရားဆရာသခင်ရဲ့လက်ထဲမှာ သိပ်သည်းသွားပြီး ဆီးနှင်းခဲဓားကို ဝှေ့ယမ်းလိုက်ရာ ဆီးနှင်းခဲဓားချီတစ်ခုက လီဖူချန်းကို ရိုက်ခတ်လာတယ်။

လီဖူချန်းက လစ်လျူမရှုရဲပါဘူး၊ မူလအဆုံးစွန်းခုတ်ချက်ကို အသက်သွင်းကာ အနက်ရောင်ဓားချီကို ထုတ်လွှတ်လိုက်တယ်။

အုန်း......

အနက်ရောင်ဓားချီက အနက်ရောင်ပုံဆောင်ခဲတစ်ခုပမာ ပျက်ဆီးသွားပြီး ဆီးနှင်းခဲဓားချီက လီဖူချန်းဆီ ဆက်လက်ရိုက်ခတ်လာတယ်။

ဆီးနှင်းခဲဓားချီက မရောက်ခင် လီဖူချန်းပတ်လည်ရှိဧရိယာက စတင်အေးခဲသွားပြီး အပူချိန်က လျော့ကျသွားတယ်။

ထာဝရတည်မြဲခြင်းဓားချီ။

လီဖူချန်းရဲ့ခန္ဓာကိုယ်က ဓားချီအဖြစ် ပြောင်းကာ ပျံ့နှံ့သွားတယ်။

မည့်သို့ပင်ဆိုစေကာမူ၊ ကြီးမားတဲ့ဓားချီပမာဏတစ်ခုကို ဆီးနှင်းခဲဓားချီက တိုက်စားကာ ရေခဲပုံဆောင်ခဲတွေအဖြစ် ပြောင်းလဲပစ်ခဲ့တယ်။

ချက်ချင်းပဲ လီဖူချန်းရဲ့ဓားတာအိုစိတ်ဝိညာဉ်နတ်ဘုရားစွမ်းအားက ဆုံးရှုံးသွားတယ်။

နောက်ထပ်ဓားချက်တစ်ရာသာရှိရင် လီဖူချန်းက သေမှာ အသေအချာပဲ။

"စိတ်ဝိညာဉ်နတ်ဘုရားဆရာသခင်စာရင်းထဲက တည်ရှိမှုများလား" လီဖူချန်းရဲ့မျက်နှာက လေးနက်သွားတယ်။ သူက အားကောင်းစိတ်ဝိညာဉ်နတ်ဘုရားဆရာသခင်တစ်ယောက်နဲ့ တွေ့ရင်တောင် ဒီလောက်ထိအရှက်ရစရာမဖြစ်ဘူးလို့ သူက တွေးခဲ့တယ်၊ စိတ်ဝိညာဉ်နတ်ဘုရားဆရာသခင်စာရင်းရဲ့တည်ရှိမှုကတင် ဒီလိုအားကောင်းတဲ့တိုက်ခိုက်ရေးစွမ်းအတစ်ခုရှိမှာ။

လီဖူချန်းက မိုမိုကို မခေါ်ထုတ်ခဲ့ပါဘူး။

မိုမိုရဲ့ခွန်အားက သူ့ထက် အများကြီးဆိုးတယ်၊ ဒါကြောင့် ထွက်လာလို့လဲ အသုံးမဝင်ပါဘူး။

"မရုန်းကန်နဲ့တော့၊ အဲဒါက အသုံးမဝင်ဘူး" ဆီးနှင်းခဲစိတ်ဝိညာဉ်နတ်ဘုရားဆရာသခင်က ပြောလိုက်တယ်။

လီဖူချန်းက ပြောလိုက်တယ်"အဲလို ဖြစ်နိုင်ပါ့မလား"

လီဖူချန်းရဲ့စိတ်ဝိညာဉ်ပင်လယ်ထဲမှာ မီးဘောလုံးတစ်လုံးက သိပ်သည်းလာတယ်။

နောက်အခိုက်အတန့်မှာ မီးဘောလုံးက ဆီးနှင်းခဲစိတ်ဝိညာဉ်နတ်ဘုရားဆရာသခင်ဆီ တိုက်ခိုက်လာတယ်။

"စိတ်ဝိညာဉ်တာအိုနတ်ဘုရားအတတ်၊ မင်းက စိတ်ဝိညာဉ်ကျင့်ကြံသူတစ်ယောက်ပဲ"

ဆီးနှင်းခဲစိတ်ဝိညာဉ်နတ်ဘုရားဆရာသခင်က မှင်တက်သွားတယ်။ သူက စိတ်ဝိညာဉ်ကျင့်ကြံခြင်းအပေါ် အလွန်စိုးရိမ်မိပါသေးတယ်။

မီးဘောလုံးရဲ့အနှစ်သာရက စိတ်ဝိညာဉ်စွမ်းအားဖြစ်တယ်၊ ဒါကြောင့် ဆီးနှင်းခဲစိတ်ဝိညာဉ်နတ်ဘုရားဆရာသခင်က အံ့အားသင့်ချိန်သာရှိခဲ့ကာ မီးဘောလုံးက ထိမှန်သွားတယ်။

ဆီးနှင်းခဲစိတ်ဝိညာဉ်နတ်ဘုရားဆရာသခင်အံ့အားသင့်တာကတော့ မီးဘောလုံးရဲ့စွမ်းအားက အရမ်းမကြီးပေမယ့် သူ့ကို သက်သောင့်သက်သာမဖြစ်စေပါဘူး၊ သူ့ရဲ့စိတ်ဝိညာဉ်က အနည်းငယ်ပူလာတယ်။

ဆုံးဖြတ်ချက်ပြတ်ပြတ်သားသားချပြီးနောက် ဆီးနှင်းခဲစိတ်ဝိညာဉ်နတ်ဘုရားဆရာသခင်က လီဖူချန်းကို ဆက်တိုက်ခိုက်လာတယ်။

မီး‌ဘောလုံးက ဆီးနှင်းခဲစိတ်ဝိညာဉ်နတ်ဘုရားဆရာသခင်ကို နာကျင်ဖို့ မတတ်နိုင်တာကို မြင်တဲ့အခါ လီဖူချန်းက အံ့အားသင့်ခြင်းမရှိခဲ့ပါဘူး။

သူ့ရဲ့နတ်ဘုရားစိတ်ဝိညာဉ်က အလယ်ဆင့်ဆန်းကြယ်နတ်ဘုရားအဆင့်မှာရှိပေမယ့် မီးစွမ်းအင်ဘောလုံးက အဆင့်နိမ့်စိတ်ဝိညာဉ်တာအိုအစစ်အမှန်နတ်ဘုရားအတတ်တစ်ခုသာဖြစ်ပြီး အဆင့်က နိမ့်လွန်းပါတယ်။

မီးစွမ်းအင်ဘောလုံးက အလယ်ဆင့်စိတ်ဝိညာဉ်တာအိုအစစ်အမှန်နတ်ဘုရားအတတ်သာဆိုရင် ရန်သူကို အနည်းငယ်ထိခိုက်စေဖို့ လုံလောက်ပါတယ်။

စွမ်းအင်မီးဘောလုံးက ဆီးနှင်းခဲစိတ်ဝိညာဉ်နတ်ဘုရားဆရာသခင်ကို မနာကျင်စေပေမယ့် လီဖူချန်းက စွမ်းအင်မီးဘောလုံးနဲ့ ဆက်လက်တိုက်ခိုက်ခဲ့ပါတယ်။ သူက မယုံကြည်ပါဘူး။ တစ်ဖက်လူရဲ့စိတ်ဝိညာဉ်က စွမ်းအင်မီးဘောလုံးကို လုံးဝမတုံ့ပြန်ဘူးဆိုတာ သူက မယုံပါဘူး။

ဒါက ပိန်ပါးတဲ့လူတစ်ယောက်က သန်မာတဲ့လူတစ်ယောက်ကို တိုက်ခိုက်နေတာနဲ့ တူတယ်။ ရန်သူက လက်သီးတစ်ချက်ကို ရင်ဆိုင်နိုင်ပေမယ့် လက်သီးဆယ်ချက်၊ လက်သီးအချက်တစ်ရာကို မရင်ဆိုင်နိုင်ပါဘူး။

ရပ်တန့်ခြင်းမရှိဘဲ လီဖူချန်းက ဆီးနှင်းခဲစိတ်ဝိညာဉ်နတ်ဘုရားဆရာသခင်ကို ဆက်လက်တိုက်ခိုက်နေခဲ့တယ်။

အချိန်အတော်ကြာပြီးနောက် ဆီးနှင်းခဲစိတ်ဝိညာဉ်နတ်ဘုရားဆရာသခင်က အနည်းငယ်ဂနာမငြိမ်ဖြစ်လာတယ်။

တစ်ဖက်လူက စိတ်ဝိညာဉ်တိုက်ခိုက်မှုများစွာကို ထုတ်ဖော်နိုင်မှာမဟုတ်ဘူးလို့ သူ ထင်ထားခဲ့တာ။ လီဖူချန်းရဲ့စိတ်ဝိညာဉ်တိုက်ခိုက်မှုတွေက တစ်ခုပြီးတစ်ခုရောက်လာပြီး လုံးဝမရပ်တန့်ဘူးဆိုတာ သူက ဘယ်လိုလုပ်ပြီး သိမှာလဲ။

ပြီးတော့ သူ့ရဲ့နတ်ဘုရားစိတ်ဝိညာဉ်က အစမှာ ပူရုံမျှဖြစ်ခဲ့တယ်၊ တဖြည်းဖြည်းနဲ့ ပိုပူလာတယ်၊ နတ်ဘုရားစိတ်ဝိညာဉ်အချို့က စတင်အရည်ပျော်ကျလာတယ်၊ ဒါက သူ့ခွန်အားကို လျော့ကျသွားစေခဲ့ပြီး သူ့ရဲ့အခြေအနေက တဖြည်းဖြည်းအားနည်းလာတယ်။

အခြားတစ်ဖက်မှာ။ လီဖူချန်းက ဓားချီအဖြစ်သို့ ပြောင်းလဲနေခဲ့တယ်၊ ဒါက သူ့ရဲ့တိုက်ခိုက်ရေးထိခိုက်မှုကို လမ်းလွှဲပေးရုံသာမက သူ့ကိုယ်သူပြန်ဖြည့်ဖို့ ကောင်းကင်ဘုံနဲ့မြေကြီးကြားရှိချီကိုလဲ လုယက်စေတယ်။

"တောက်"

ဆီနှင်းခဲစိတ်ဝိညာဉ်နတ်ဘုရားဆရာသခင်က ဘယ်အချိန်မှာလက်လွတ်ရမလဲ၊ ဘယ်အချိန်မှာ ဆွဲကိုင်ရမလဲကို သိတဲ့သူတစ်ယောက်ဖြစ်တယ်။ လီဖူချန်းကို ဘာမှ မလုပ်နိုင်တော့တာကို မြင်ပြီး သူက ဆုံးဖြတ်ချက်ပြတ်ပြတ်သားသားချကာ ချက်ချင်းထွက်ခွာလာခဲ့တယ်။

"စိတ်ဝိညာဉ်နတ်ဘုရားဆရာသခင်စာရင်းရဲ့တည်ရှိမှုဆိုတဲ့အတိုင်းပဲ၊ လက်ရှိအချိန်မှာ ငါက မယှဉ်နိုင်သေးဘူးပဲ"

"အခုက ထွက်ခွာသွားဖို့ အချိန်ပဲ"

အဆင့်နိမ့်နတ်ဘုရား‌ကျောက်တုံးခြောက်ရာထရီလီယံကျော်က လီဖူချန်းအနေနဲ့ အချိန်အကြာကြီးအသုံးပြုဖို့ လုံလောက်တယ်၊ ဒါကြောင့် စိတ်ဝိညာဉ်ဝါးမျိုခြင်းသဲကန္တရမှာ ဆက်လက်လှည့်လည်ကျင့်ကြံဖို့ မလိုအပ်ပါဘူး။

ဒါပေမယ့် မင်းက ထွက်သွားချင်ရင်တောင် စိတ်ဝိညာဉ်ဝါးမျိုခြင်းသဲကန္တရမှ ထွက်ခွာလို့မရပါဘူး။ နောက်နှစ်အထိ လီဖူချန်းက စိတ်ဝိညာဉ်ဝါးမျိုခြင်းသဲကန္တရမှ ထွက်သွားဖို့ နည်းလမ်းကို မတွေ့ခဲ့ဘူး၊ ဒါပေမယ့် သူ့ရဲ့အသားတင်ကြွယ်ဝမှုက တစ်ရာထရီလီယံလောက်လောက် ထပ်တိုးလာခဲ့တယ်။

"သဲဂိတ်ပဲ"

ဒီနေ့မှာ လီဖူချိန်းက သဲနဲ့ပြုလုပ်တားတဲ့ဝင်ပေါက်တစ်ခုကို တွေ့ခဲ့တယ်၊ သူက မပျော်ရွှင်ဘဲ မနေနိုင်တော့ပါဘူး။

သဲဂိတ်က စိတ်ဝိညာဉ်ဝါးမျိုခြင်းသဲကန္တရမှာ ကျပန်းထွက်ပေါ်လာလေ့ရှိပြီး ၎င်းက စိတ်ဝိညာဉ်ဝါးမျိုခြင်းသဲကန္တရမှ ထွက်သွားဖို့ နည်းလမ်းတွေထဲကတစ်ခုဖြစ်တယ်။

သဲဂိတ်ကို ဝင်ရောက်ပြီး‌နောက် လီဖူချန်းက စိတ်ဝိညာဉ်ဝါးမျိုခြင်းသဲကန္တရမှ ထွက်ခွာလာခဲ့တယ်။

ငွေရောင်ငှက်တောင်မွေးမြို့ကို မပြန်ဘဲ လီဖူချန်းက အနီးနားရှိမြို့တစ်မြို့ကို နေထိုင်ဖို့ ရွေးချယ်ခဲ့တယ်။

"ရေခဲပြာသံ၊ ကြယ်လေးလုံးအလယ်ဆင့်သန့်စင်ခြင်းပစ္စည်း"

"ယန်းဝူကျင်း၊ ကြယ်လေးလုံးအဆင့်မြင့်သန့်စင်ခြင်းပစ္စည်း"

"လန်ရွှယ်မြက်၊ ကြယ်လေးလုံးအဆင့်နိမ့်နတ်ဘုရားမြက်"

"သုံးရောင်ခြယ်ပုလဲမြက်၊ ကြယ်လေးလုံးအလယ်ဆင့်နတ်ဘုရားမြက်"

……

စားသောက်ဆိုင်ထဲမှာ လီဖူချန်းက ရိတ်သိမ်းထားတာတွေကို စတင်ရေတွက်ခဲ့တယ်။

"အမ်၊ ဒီသံအပိုင်းအစက"

လီဖူချန်းက ဟော်ယန်စိတ်ဝိညာဉ်နတ်ဘုရားဆရာသခင်ရဲ့နေရာလပ်လက်စွပ်ထဲမှာ အနက်ရောင်သံအပိုင်းအစတစ်ခုကို တွေ့ခဲ့တယ်။

ဒီအနက်ရောင်သံအပိုင်းအစက အလွန်သာမန်ဆန်ပေမယ့် နေရာလပ်-အချိန်စွမ်းအားလှိုင်းဖျော့ဖျော့ကို ထုတ်လွှတ်နေတယ်။

သံအပိုင်းအစကို ယူထုတ်ပြီးနောက် လီဖူချန်းက ဂရုတစိုက်လေ့လာခဲ့တယ်။

အချိန်တစ်ခုထိ လေ့လာပြီးနောက် လီဖူချန်းက နေရာလပ်-အချိန်စွမ်းအားအတက်အကျကလွဲပြီး သံအပိုင်းအစရဲ့အထူးလက္ခဏာရပ်တွေကို သတိမပြုမိခဲ့ပါဘူး။

"မင်းက နေရာလပ်-အချိန်စိတ်ဝိညာဉ်နတ်ဘုရားစွမ်းအားကို ထည့်သွင်းစေချင်တာလား" လီဖူချန်းက သူ့ရဲ့နေရာလပ်-အချိန်စိတ်ဝိညာဉ်နတ်ဘုရားစွမ်းအားကို ထည့်သွင်းခဲ့တယ်။

နောက်အခိုက်အတန့်မှာ လီဖူချန်းက နေရာလပ်-အချိန်တစ်ခုသို့ ရောက်သွားခဲ့တယ်။

ဒါက တလက်လက်တောက်ပနေတဲ့နေရာလပ်-အချိန်တစ်ခုဖြစ်ပြီး အထဲမှာ ကြယ်တွေက မရေမတွက်နိုင်လောက်အောင်ရှိတယ်။

"ကြယ်တွေလား"

လီဖူချန်းရဲ့အရှေ့မှာ နေရာလပ်-အချိန်စွမ်းအားမှသိပ်သည်းထားတဲ့အရိပ်တစ်ခုက ရုတ်တရက် ထွက်ပေါ်လာတယ်၊ ထို့နောက် အလင်းတစ်ခုအဖြစ် ပြောင်းကာ နေရာလပ်-အချိန်အနက်ပိုင်းထဲသို့ ချက်ချင်း ပျံသန်းသွားတော့တယ်။

"ဒီလောက်တောင်မြန်တာ၊ ဒါက ဆန်းကြယ်နတ်ဘုရားအတတ်တစ်ခုလား"

လီဖူချန်းက မှင်တက်သွားတယ်။

အလင်းနဲ့အရိပ်ရဲ့အရှိန်က မြန်လွန်းတယ်၊ သူ့ထက် ဆယ်ဆကျော်ပိုမြန်တယ်။

နေရာလပ်-အချိန်က ပျက်ဆီးသွားပြီး လီဖူချန်းက အစစ်အမှန်ကမ္ဘာသို့ ပြန်ရောက်လာခဲ့တယ်။ တစ်ချိန်တည်းမှာ သူ့စိတ်ထဲမှာ သတင်းအချက်အလက်အပိုင်းအစတစ်ခုက ထွက်ပေါ်လာတယ်။

ဒီသတင်းအချက်အလက်က ကြယ်လိုက်ဖမ်းခြင်းကို ကျင့်ကြံဖို့ အချက်အလက်ဖြစ်တယ်။

လီဖူချန်းမှန်းထားသလိုပဲ၊ ကြယ်လိုက်ဖမ်းခြင်းက တကယ်ကို ဆန်းကြယ်နတ်ဘုရားအတတ်တစ်ခုပဲ၊ ၎င်းက အဆင့်မြင့်ဆန်းကြယ်နတ်ဘုရားအတတ်တစ်ခုပဲ။

"ကြယ်လိုက်ဖမ်းခြင်းနဲ့ဆိုရင် ငါ့ရဲ့အသက်ရှင်နိုင်စွမ်းက ဆယ်ဆတိုးလာမှာ၊ နေရာလပ်-အချိန်ဥပဒေသကလဲ တိုးတက်လာနိုင်မယ်"

လီဖူချန်းရဲ့မျက်နှာက ရွှင်ပြုံးနေတော့တယ်။ အံ့အားသင့်စရာတွေက ရုတ်တရက် ရောက်လာခဲ့တာလေ။

.........

ရိတ်သိမ်းမှုတွေအားလုံးကို နတ်ဘုရားကျောက်တုံးနဲ့ လီဖူချန်းက အစားမထိုးခဲ့ပါဘူး။ စိတ်ဝိညာဉ်နတ်ဘုရားဆရာသခင်အချို့ကို သတ်ပြီးနောက် လီဖူချန်းက အဆင့်နိမ့်နတ်ဘုရား‌ကျောက်တုံးငါးရာထရီလီယံကို ရရှိခဲ့တယ်။ သူက စိတ်ဝိညာဉ်ဝါးမျိုခြင်းသဲအမြုတေနဲ့စိတ်ဝိညာဉ်ဝါးမျိုခြင်းသဲပုံဆောင်ခဲတို့ကို ရောင်းချရင် ဒီအရေအတွက်က ရှစ်ရာထရီလီယံထိ တိုးလာပါလိမ့်မယ်။ ဒါကြောင့် သူက ရရှိသမျှအရာအားလုံးကို မရောင်းချခဲ့ပါဘူး။

မည်သို့ပင်ဖြစ်စေ၊ အဆင့်နိမ့်နတ်ဘုရားကျောက်တုံးရှစ်ရာထရီလီယံက လုံလောက်နေပါပြီ။ အဆင့်နိမ့်နတ်ဘုရားကျောက်တုံးတွေအပြင် လီဖူချန်းက ဒီစိတ်ဝိညာဉ်နတ်ဘုရားဆရာသခင်တွေရဲ့နေရာလပ်လက်စွပ်မှ အလယ်ဆင့်နတ်ဘုရားကျောက်တုံးနှစ်ဆယ်ဘီလီယံကို ရရှိခဲ့တယ်၊ ဒါက အဆင့်နိမ့်နတ်ဘုရားကျောက်တုံးနှစ်ရာထရီလီယံနဲ့ ညီမျှတယ်။

……စိတ်ဝိညာဉ်ဝါးမျိုခြင်းသဲအမြုတေနဲ့စိတ်ဝိညာဉ်ဝါးမျိုခြင်းသဲပုံဆောင်ခဲတို့ကို ရောင်းချပြီးနောက် လီဖူချန်းက အဆင့်မြင့်နေရာလပ်-အချိန်အစစ်အမှန်နတ်ဘုရားအတတ်ကို စတင်လေ့လာခဲ့တယ်။

"ခက်ခဲလွန်းတယ်၊ အဆင့်မြင့်ဆန်းကြယ်နတ်ဘုရားအတတ်တွေက နားလည်ရတာ ဒီလောက်မလွယ်ဘူးပဲ"

ကြယ်လိုက်ဖမ်းခြင်းကို ဝင်ခွင့်အဆင့်အထိ ကျင့်ကြံနိုင်ဖို့ လီဖူချန်းက လဝက်ကြာခဲ့တယ်လေ။

ကြိုးစားမှုနဲ့ ထိုက်တန်ပါတယ်။ ကြယ်လိုက်ဖမ်းခြင်းဝင်ခွင့်အဆင့်ရဲ့အရှိန်က လီဖူချန်းရဲ့ယခင်အရှိန်ကို ကျော်ဖြတ်ခဲ့တယ်။

လီဖူချန်းက ကြယ်လိုက်ဖမ်းခြင်းကို ဆက်လက်ကျင့်ကြံနေခဲ့တယ်။

နောက်ထပ်သုံးလကြာပြီးနောက်။

ကြယ်လိုက်ဖမ်းခြင်းက စဦးအခြေအနေကို ရောက်ရှိခဲ့တယ်။

"ငါ့ရဲ့လက်ရှိအရှိန်က ယခင်ကထက် ဆယ်ဆပိုမြန်တယ်။ ဆန်းကြယ်နတ်ဘုရားအောက်မှာ ငါနဲ့ မြန်နှုန်းချင်းယှဉ်နိုင်တဲ့လူတွေအများကြီးမရှိဘူးလို့ ငါ ခန့်မှန်းထားတယ်"

အဆင့်မြင့်နေရာလပ်-အချိန်ဆန်းကြယ်နတ်ဘုရားအတတ်နဲ့အတူ လီဖူချန်းရဲ့အရှိန်က အဆင့်မြင့်စိတ်ဝိညာဉ်နတ်ဘုရားတွေထဲမှာ နံပါတ်၁တည်ရှိမှုတစ်ခုဖြစ်တယ်၊ ဒါတောင် ကြယ်လိုက်ဖမ်းခြင်းက စဦးအဆင့်မှာပဲ ရှိသေးတာနော်။

လီဖူချန်းရဲ့နေရာလပ်-အချိန်စွမ်းအားက အဆင့်နိမ့်စိတ်ဝိညာဉ်နတ်ဘုရားအဆင့်မှာပဲရှိတယ်ဆိုတာ မင်း သိရမယ်။ အလယ်ဆင့်စိတ်ဝိညာဉ်နတ်ဘုရားဒါမှမဟုတ်အဆင့်မြင့်စိတ်ဝိညာဉ်နတ်ဘုရားတစ်ယောက်ဆိုရင်ရော ဘယ်လိုလဲ။

အဆင့်နိမ့်စိတ်ဝိညာဉ်နတ်ဘုရားနှောင်းပိုင်းအခြေအနေ၊ အဆင့်နိမ့်စိတ်ဝိညာဉ်နတ်ဘုရားအထွတ်အထိပ်အခြေအနေ၊ အဆင့်နိမ့်စိတ်ဝိညာဉ်နတ်ဘုရားပြီးပြည့်စုံခြင်းအခြေအနေ.....

ကြယ်လိုက်ဖမ်းခြင်းကို ကျင့်ကြံတာက လီဖူချန်းကို နေရာလပ်-အချိန်ဥပဒေသနဲ့ ပတ်သက်ပြီး အတွေးအမြင်အမြောက်အများဖြစ်လာစေတယ်၊ နေရာလပ်-အချိမ်ဥပဒေသနယ်ပယ်က မှန်မှန်တိုးတက်လာနေတယ်။

အုန်း......

မမြင်နိုင်တဲ့ဟိန်းသံက ထွက်ပေါ်လာပြီး လီဖူချန်းရဲ့နေရာလပ်-အချိန်ဥပဒေသက အလယ်ဆင့်စိတ်ဝိညာဉ်နတ်ဘုရားအဆင့်ကို ရောက်ရှိထားတယ်။

အလယ်ဆင့်စိတ်ဝိညာဉ်နတ်ဘုရားပျမ်းမျှအခြေအနေ၊ အလယ်ဆင့်စိတ်ဝိညာဉ်နတ်ဘုရားနှောင်းပိုင်းအခြေအနေ၊ အလယ်ဆင့်စိတ်ဝိညာဉ်နတ်ဘုရားအထွတ်အထိပ်အခြေအနေ၊ အလယ်ဆင့်စိတ်ဝိညာဉ်နတ်ဘုရားပြီးပြည့်စုံခြင်းအခြေအနေ။

ချက်ချင်းပဲ သူက အဆင့်မြင့်စိတ်ဝိညာဉ်နတ်ဘုရားအဆင့်ထိ ချိုးဖြတ်ခဲ့ပြီး ပျမ်းမျှအဆင့်မြင့်စိတ်ဝိညာဉ်နတ်ဘုရားအဆင့်ရောက်မှ ရပ်တန့်ခဲ့တယ်။

ဒိီအချိန်မှာ လီဖူချန်းရဲ့နေရာလပ်-အချိန်စိတ်ဝိညာဉ်နတ်ဘုရားစွမ်းအားခွန်အားက ပထမအဆင့်မှ ဒုတိယအဆင့်ထိ ရောက်ရှ်ိလာခဲ့တယ်။

"နေရာလပ်-အချိန်ကျင့်ကြံခြင်းအခြေခံက ချိုးဖြတ်တော့မယ်"

ဥပဒေသနယ်ပယ်က ထိုးတက်သွားပြီး အသက်နယ်ပယ်က အလယ်ဆင့်စိတ်ဝိညာဉ်နတ်ဘုရားအဆင့်ကို ရောက်ရှိလာခဲ့တယ်။ လီဖူချန်းက နေရာလပ်-အချိန်နတ်ဘုရားစွမ်းအားကို အလယ်ဆင့်စိတ်ဝိညာဉ်နတ်ဘုရားအဆင့်သို့ မြှင့်တင်ခဲ့တယ်။ ခွန်အားအဆင့်က တတိယအဆင့်ဖြစ်လာပြီး စိတ်ဝိညာဉ်နတ်ဘုရားစွမ်းအားအညွှန်းကိန်းက ၁.၂ဘီလီယံဖြစ်တယ်။

နေရာလပ်-အချိန်စိတ်ဝိညာဉ်စွမ်းအားကျင့်ကြံခြင်းအခြေခံက အလယ်ဆင့်စိတ်ဝိညာဉ်နတ်ဘုရားအဆင့်ကို ရောက်ရှိထားတယ်။ လီဖူချန်းက ကြယ်လိုက်ဖမ်းခြင်းကို အသုံးပြုတဲ့အခါ အရှိန်က ပိုတောင်မြန်လာတယ်။ ယခု သူ့ရဲ့အရှိန်က ပိုအားနည်းတဲ့အဆင့်နိမ့်ဆန်းကြယ်နတ်ဘုရားတွေနဲ့ ယှဉ်နိုင်တယ်။

နေရာလပ်-အချိန်ဥပဒေသနယ်ပယ်က ပျမ်းမျှအဆင့်မြင့်စိတ်ဝိညာဉ်နတ်ဘုရားနယ်ပယ်ကို မြှင့်တက်ခဲ့တာကြောင့် လီဖူချန်းရဲ့ကြယ်လိုက်ဖမ်းခြင်းနားလည်မှုအရှိန်က ပိုတောင်မြန်တယ်။

လအနည်းငယ်ကျော်လာပြီး ကြယ်လိုက်ဖမ်းခြင်းက အသေးစားအောင်မြင်မှုအခြေအ‌နေကို ရောက်ရှိလာခဲ့တယ်။

အသေးစားအောင်မြင်မှုအခြေအနေရှိကြယ်လိုက်ဖမ်းခြင်းအရှိန်က အိမ်မက်အလား မြန်ဆန်ပြီး အကွာအဝေးရှည်တည်‌နေရာရွှေ့ပြောင်းခြင်းနဲ့ ယှဉ်နိုင်တယ်။

ယခု သူ့ရဲ့အရှိန်က အဆင့်နိမ့်ဆန်းကြယ်နတ်ဘုရားအများစုထက် ပိုမြန်တယ်လို့ လီဖူချန်းက ခံစားမိတယ်။ ဒါပေမယ့် ဒါက သူ့ရဲ့ကိုယ်ပိုင်အမြင်သာဖြစ်တယ်။

နေရာလပ်-အချိန်ဥပဒေသက တိုးတက်ခဲ့ပြီး ကြယ်လိုက်ဖမ်းခြင်းထိုးထွင်းသိမြင်မှုအရှိန်က မြင့်တက်လာကာ ကြယ်လိုက်ဖမ်းခြင်းက အသေးစားအောင်မြင်မှုအခြေအနေသို့ ရောက်ရှိလာခဲ့တယ်၊ ဒါက လီဖူချန်းကို နေရာလပ်-အချိန်အသိအမြင်အမြောက်အများရရှိလာစေခဲ့တယ်။

အဆင့်မြင့်စိတ်ဝိညာဉ်နတ်ဘုရားနှောင်းပိုင်းအခြေအနေ၊ အဆင့်မြင့်စိတ်ဝိညာဉ်နတ်ဘုရားအထွတ်အထိပ်အခြေအနေ၊ အဆင့်မြင့်စိတ်ဝိညာဉ်နတ်ဘုရားပြီးပြည့်စုံခြင်းအခြေအနေ။

ရက်အနည်းငယ်အတွင်းမှာ လီဖူချန်းရဲ့နေရာလပ်-အချိန်ဥပဒေသနယ်ပယ်က စိတ်ဝိညာဉ်နတ်ဘုရားအကန့်အသတ်ကို ရောက်ရှိလာခဲ့တယ်။

မကြာမီမှာတော့။

အုန်း......

နေရာလပ်-အချိန်ဥပဒေသနယ်ပယ်က အဆင့်နိမ့်ဆန်းကြယ်နတ်ဘုရားနယ်ပယ်သို့ ချိုးဖြတ်ခဲ့တယ်။

အဆင့်နိမ့်ဆန်းကြယ်နတ်ဘုရားစဦးအခြေအနေ၊ အဆင့်နိမ့်ဆန်းကြယ်နတ်ဘုရားပျမ်းမျှအခြေအနေ၊ အဆင့်နိမ့်ဆန်းကြယ်နတ်ဘုရားနှောင်းပိုင်းအခြေအနေ။

အဆုံးမှာ လီဖူချန်းရဲ့နေရာလပ်-အချိန်ဥပဒေသနယ်ပယ်က အဆင့်နိမ့်ဆန်းကြယ်နတ်ဘုရားနှောင်းပိုင်းအခြေအနေမှာ ရှိတယ်။

တစ်ချိန်တည်းမှာ လီဖူချန်းရဲ့နေရာလပ်-အချိန်စိတ်ဝိညာဉ်နတ်ဘုရားစွမ်းအားအညွှန်းကိန်းက ၁.၂ဘီလီယံမှ နှစ်ဘီလီယံသို့ ရောက်ရှိလာခဲ့ပြီး နေရာလပ်-အချိန်စိတ်ဝိညာဉ်နတ်ဘုရားစွမ်းအားက စတုတ္ထမြောက်အဆင့်ကို ရောက်ရှိလာခဲ့တယ်၊ ဒါက မယုံနိုင်စရာပါပဲ။

ဒီအချိန်မှာ လီဖူချန်းက ကြယ်လိုက်ဖမ်းခြင်းကို ထုတ်ဖော်ခဲ့ပြီး အရှိန်က အဆများစွာပိုမြန်လာတယ်။

သူ့ရဲ့လက်ရှိအရှိန်က အဆင့်နိမ့်ဆန်းကြယ်နတ်ဘုရားအများစုထက် သေချာပေါက် ပိုမြန်ပြီး သူက မြန်နှုန်းမကောင်းတဲ့အလယ်ဆင့်ဆန်းကြယ်နတ်ဘုရားအချို့ကိုတောင် ယှဉ်ပြိုင်နိုင်တယ်။

ကြယ်လိုက်ဖမ်းခြင်းက အသေးစားအောင်မြင်မှု(ရှောင်ချန်အ‌‌ခြေအနေ)ကို ရောက်ရှိပြီးနောက် လီဖူချန်းအနေနဲ့ ဆက်လက်တိုးတက်ဖို့ ခက်ခဲလာတယ်။

"မှန်ကန်တဲ့နည်းလမ်းကတော့ နေရာလပ်-အချိန်ဥပဒေသနယ်ပယ်ကို အသားကျအောင် အရင်လုပ်တာပဲ"

လီဖူချန်းရဲ့နေရာလပ်-အချိန်ဥပဒေသက အဆင့်နိမ့်ဆန်းကြယ်နတ်ဘုရားနှောင်းပိုင်းအခြေအနေကို ရောက်ရှိထားတာကို မကြည့်ပါနဲ့၊ ဒါပေမယ့် တကယ်တော့ အဲဒါက အချည်းနှီးသာ ဖြစ်သေးပြီး သူ့ရဲ့နောက်ခံက အလွန်တိမ်တယ်။ ဒီအချိန်မှာ သူက ပိုပြီးအသားကျအောင်လုပ်ဖို့ လိုအပ်တယ်၊ နေရာလပ်-အချိန်နတ်ဘုရားအတတ်တွေကို ပိုဖန်တီးဖို့ လိုအပ်တယ်။ နတ်ဘုရားအတတ်တွေ ဖန်တီးရင်း အခြေခံပိုနက်ရှိုင်းလာတာနဲ့အမျှ အနာဂတ်မှာ ကြယ်လိုက်ဖမ်းခြင်းကို နားလည်ရတာ ပိုလွယ်ကူလာလိမ့်မယ်။

အိမ်မက်ပမာ ဘဝစီးမျောခြင်း။

လီဖူချန်းက အိမ်မက်ပမာဘဝစီးမျောခြင်းကို အဆင့်မြင့်စိတ်ဝိညာဉ်နတ်ဘုရားအတတ်အဆင့်သို့ အရင်မြှင့်တင်ခဲ့တယ်။

ထို့နောက် လီဖူချန်းက နေရာလပ်-အချိန်နတ်ဘုရားအတတ်တစ်ခုဖြစ်တဲ့နေရာလပ်-အချိန်ဖြတ်တောက်ခြင်းကို ဖန်တီးခဲ့တယ်။

ဒီစိတ်ဝိညာဉ်နတ်ဘုရားအတတ်က နေရာလပ်-အချိန်အပိုင်းအစတစ်ခုကို ဖြတ်နိုင်တယ်၊ ဒါပေမယ့် အဲဒါကလဲ ရန်သူကို ဗလာနတ္ထိအဖြစ် ဖြတ်တောက်စေနိုင်တယ်။

ဒါက မပြီးသေးပါဘူး။ လီဖူချန်းအနေနဲ့ ဒုတိ‌ယမြောက်နေရာလပ်-အချိန်စိတ်ဝိညာဉ်နတ်ဘုရားအတတ်ဖြစ်တဲ့နေရာလပ်-အချိန်ထာဝရတည်မြဲခြင်းကို ဖန်တီးခဲ့တယ်။

ဒါက နတ်ဘုရားခန္ဓာကိုယ်စိတ်ဝိညာဉ်နတ်ဘုရားအတတ်တစ်ခုဖြစ်တယ်။ နေရာလပ်-အချိန်ဥပဒေသရဲ့လက္ခဏာကြောင့် နေရာလပ်-အချိန်ထာဝရတည်မြဲခြင်းက ထာရတည်မြဲခြင်းဓားချီထက် ပိုကြောက်စရာကောင်းတယ်။ လီဖူချန်းက ကြောက်စရာကောင်းတဲ့ရန်သူတစ်ယောက်နဲ့ တွေ့ဆုံရရင် ရန်သူက ထာဝရတည်မြဲခြင်းဓားချီကို အလွယ်တကူချိုးဖြတ်နိုင်ပေမယ့် ဆယ်‌ဆပိုမသန်မာရင် နေရာလပ်-အချိန်ထာတရတည်မြဲခြင်းကို ချိုးဖြတ်ဖို့ မဖြစ်နိုင်ပါဘူး။

ဟူး......

ရှည်လျားတဲ့ချီအရှိန်အဝါတစ်ခုနဲ့အတူ လီဖူချန်းက ထွက်ခွာလာခဲ့တယ်။

ပြောရရင် သူက ခရမ်းရောင်တိမ်နတ်ဘုရားကမ္ဘာကို ရောက်ကတည်းက နတ်ဘုရားမြို့ကြီးကို မရောက်ရှိသေးပါဘူး။

သူ နတ်ဘုရားမြို့ကြီးကို မသွားရသေးတဲ့အကြောင်းရင်းကတော့ အဲဒါက ဝေးလွန်းလို့ပါပဲ။

နတ်ဘုရားမြို့ကြီးနှစ်မြို့ကြားအကွာအဝေးက မိုင်ဆယ်ဘီလီယံအနည်းဆုံးရှိတယ်။

ဒါက အလွန်ဖိနှိပ်တဲ့ခရမ်းရောင်တိမ်နတ်ဘုရားကမ္ဘာဆိုတာ မင်း သိရမယ်။ မိုင်ဆယ်ဘီလီယံက အလွန်ရှည်လျားတဲ့အကွာအဝေးတစ်ခုပဲ။ အစစ်အမှန်နတ်ဘုရားတစ်ယောက်အတွက် နတ်ဘုရားမြို့တစ်မြို့မှ နောက်တစ်မြို့ကို ခရီးသွားဖို့ဆိုရင် နှစ်တစ်သောင်းကြာလိမ့်မယ်။

ဒါက ဝေးလွန်းပါတယ်၊ လီဖူချန်းက သူ့အချိန်အားလုံးကို လမ်းပေါ်မှာပဲ မဖြုန်းတီးနိုင်ပါဘူး။

ဒါ့အပြင် ထိုအချိန်မှာ သူက နတ်ဘုရားမြို့ကြီးကို သွားစရာမလိုခဲ့ပါဘူး။

ဒါပေမယ့် အခု ကျင့်ကြံခြင်းအခြေခံတိုးတက်လာပြီး ခွန်အားတိုးမြှင့်လာမှုနဲ့အတူ သူက နတ်ဘုရားမြို့ကြီးကို သွားဖို့ လိုအပ်တယ်လို့ လီဖူချန်းက ခံစားမိတယ်။ တကယ်တော့ နတ်ဘုရားမြို့နဲ့ယှဉ်ရင် နတ်ဘုရားမြို့ကြီးက ပိုစည်ကားပြီးပစ္စည်းကောင်းတွေ ပိုရှိတယ်။ လီဖူချန်းက ဆန်းကြယ်နတ်ဘုရားအသုံးအဆောင်ပစ္စည်းဓားရှည်တစ်လက်ကို ပြုလုပ်ချင်နေတာလေ။

ထပ်ပြောရရင် အသက်နယ်ပယ်ကိုတိုးစေတဲ့ကြယ်သုံးလုံးထိပ်တန်းအဆင့်ဆေးကို သန့်စင်ဖို့အတွက် အဓိကပါဝင်ပစ္စည်းတွေကိုလဲ သူက လိုအပ်တယ်။

လီဖူချန်းရဲ့လက်ရှိအရှိန်က သာမန်စိတ်ဝိညာဉ်နတ်ဘုရားဆရာသခင်တွေထက် ပိုမြန်တယ်၊ ဆယ်ဆပိုမြန်တယ်။

ဒါက ကြယ်လိုက်ဖမ်းခြင်းကို အသုံးမပြုသေးရတာနော်။ တကယ်တော့ ကြယ်လိုက်ဖမ်းခြင်းကို ထုတ်ဖော်ခြင်းက နေရာလပ်-အချိန်စိတ်ဝိညာဉ်နတ်ဘုရားစွမ်းအားများစွာကို ကုန်ဆုံးစေတယ်။

""ရက်အနည်းငယ်ကြာပြီးရင်‌တော့ ငါ ဟွမ်ဖုန်မြို့ကို ရောက်လောက်မယ်"

ဟွမ်ဖုန်မြို့၊ အဆင့်၃နတ်ဘုရားမြို့ကြီးတစ်ခုဖြစ်တဲ့စန်းလန်မြို့ကြီးရဲ့နယ်နိမိတ်အတွင်းရှိအဆင့်၁နတ်ဘုရားမြို့။

ဒါက လီဖူချန်းနဲ့အနီးကပ်ဆုံးနတ်ဘုရားမြို့ကြီးဖြစ်တယ်။

ဟွမ်ဖုန်မြို့ကြီးနဲ့ပိုနီးကပ်လာလေလေ၊ သန်မာတဲ့လူတွေက ပိုများလာလေလေပဲ။

လီဖူချန်းက နတ်ဘုရားမြို့တွေမှာ ရှားပါးတဲ့ ဆန်းကြယ်နတ်ဘုရားများစွာကို ဆုံတွေ့ခဲ့တယ်။ ကံကောင်းစွာနဲ့ ဒီဆန်းကြယ်နတ်ဘုရားတွေက အလယ်ဆင့်စိတ်ဝိညာဥ်နတ်ဘုရားတစ်‌ယောက်ဖြစ်တဲ့လီဖူချန်းကို စိတ်ဝင်စားခြင်းမရှိပါဘူး။

ထပ်ပြောရရင် လီဖူချန်းက ပိုင်နက်နတ်ဘုရားအချို့ကို မြင်တွေ့ခဲ့တယ်။

အုန်း အုန်း အုန်း......

သူ့အရှေ့မှာ တိုက်ခိုက်သံတစ်ခုထွက်ပေါ်နေတယ်၊ လီဖူချန်းက ကြည့်လိုက်တယ်။ မနီးမဝေးမှာ အဆင့်မြင့်စိတ်ဝိညာဉ်နတ်ဘုရားနှစ်ယောက်က တိုက်ခိုက်နေတာပဲ။

ဒီအဆင့်မြင့်စိတ်ဝိညာဉ်နတ်ဘုရားနှစ်ယောက်လုံးက စိတ်ဝိညာဉ်နတ်ဘုရားဆရာသခင်တွေပါပဲ။

ဒါပေမယ့် သာမန်စိတ်ဝိညာဉ်နတ်ဘုရားဆရာသခင်သာဖြစ်တယ်။

စိတ်ဝိညာဉ်နတ်ဘုရားဆရာသခင်နှစ်ယောက်၊ တစ်ယောက်က ငယ်ရွယ်တဲ့ဓားသမားတစ်ယောက်ဖြစ်ပြီး အခြားတစ်ယောက်က အမည်းရောင်မျက်နှာဖုံးဝတ်လူတစ်ယောက်ဖြစ်တယ်။

အမည်းရောင်မျက်နှာဖုံးဝတ်လူက အရိပ်တစ်ခုအလား လူရွယ်ဓားသမားကို ထောင့်တိုင်းမှ တိုက်ခိုက်နေတယ်။ တစ်ခဏအတွင်း လူရွယ်ဓားသမားကို အမည်းရောင်မျက်နှာဖုံးဝတ်လူက အနည်းဆုံးအကြိမ်ဒါဇင်အထိ တိုက်ခိုက်ခဲ့ပြီး လူရွယ်ရဲ့ချီက တဖြည်းဖြည်းအားနည်းလာတယ်။

"မင်းက ဘယ်သူလဲ မင်းက ဘာလို့ ငါ့ကို တိုက်ခိုက်ရတာလဲ" ယန်ပိုင်ရှန်က အလွန်စိတ်ဓာတ်ကျမိတယ်။ အမည်းရောင်မျက်နှာဖုံးဝတ်လူက သူ့ထက် အများကြီးပိုမသန်မာပါဘူး။ တိုက်ခိုက်ရေးစွမ်းအားအရ သူ့ထက် နိမ့်ကျတယ်။  ဒါပေမယ့် အမည်းရောင်မျက်နှာဖုံးလူရဲ့နတ်ဘုရားခန္ဓာကိုယ်စိတ်ဝိညာဥ်နတ်ဘုရားအတတ်က  အားကောင်းလွန်းတာကြောင့် သူက ရန်သူကို ထိတောင်မထိနိုင်ပါဘူး။

လီဖူချန်းက မကူညီချင်ပေမယ့် စဉ်းစားကြည့်လိုက်တော့ ဒီနေရာက ဟွမ်ဖုန်မြို့ဖြစ်တယ်။   တစ်ဖက်လူအများစုက ဟွမ်ဖုန်မြို့က ဖြစ်တယ်။ မိတ်ဆွေတစ်ယောက်ပိုလာခြင်းက သူ့ရဲ့ဒုက္ခအများစုကို ကူညီပေးနိုင်မှာပဲ။

ဒါကြောင့် လီဖူချန်းက ဝင်ရောက်စွက်ဖက်ခဲ့တယ်။

သူ့အကူအညီရဲ့ပစ်မှတ်က လူရွယ်ဓားသမားပါပဲ။

ဒီလူရွယ်ဓားသမားက ဖြောင့်မတ်တည်ကြည်တဲ့စိတ်နေသဘောထားရှိပြီး ကြည်လင်တဲ့မျက်လုံးတွေရှိတယ်။ ပထမဆုံးအကြည့်နဲ့တင် သူက လူကောင်းတစ်ယောက်မှန်း သိသာတယ်။

အခြားတစ်ဖက်မှာ မျက်နှာဖုံးဝတ်လူက အဆုံးမဲ့သတ်ဖြတ်ခြင်းဆန္ဒတို့ ပြည့်နေတယ်။ ဒီသတ်ဖြတ်ခြင်းအရှိန်အဝါထဲမှာ ဖယ်ရှားဖို့ခက်ခဲတဲ့ယုတ်မာကောက်ကျစ်တဲ့စိတ်ထားရှိတယ်။ ဒါက လူပေါင်းမရေမတွက်များစွာကို သတ်ဖြတ်ခဲ့တဲ့ တည်ရှိမှုတစ်ခုဖြစ်ကာ ကောင်းတဲ့အရာတစ်ခုမဟုတ်ပါဘူး။

ဒါပေမယ့် ဒါတွေကို လီဖူချန်းကပဲ အလွယ်တကူမြင်နိုင်တယ်။

အနက်ရောင်ဓားချီတစ်ခုက ရိုက်ခတ်လာတယ်၊ မျက်နှာဖုံးဝတ်လူက သူ့ရဲ့အနေအထားကို ဘယ်လိုပဲပြောင်းပြောင်း၊ ရှောင်တိမ်းဖို့ ခက်ခဲတယ်။

ဝှစ်......

ဓားတစ်ချက်နဲ့အတူ မျက်နှာဖုံးဝတ်လူရဲ့စိတ်ဝိညာဉ်နတ်ဘုရားစွမ်းအားအားလုံးကို ချေမှုန်းသွားတော့တယ်။

***