တစ်ရာနဲ့တစ်ယောက်

စိတ်ဝိညာဉ်နတ်ဘုရားဆရာသခင်တစ်သောင်းက အဆက်မပြတ်တိုက်ခိုက်နေတယ်၊ တိုက်ပွဲက ပြင်းထန်လှတယ်။

"အလင်းဖြတ်၍....."

ထိုအချိန်မှာ အလင်းတန်းတစ်ခုက ကန့်လန့်ဖြတ်လာတယ်၊ စိတ်ဝိညာဉ်နတ်ဘုရားဆရာသခင်ဒါဇင်ကျော်ရဲ့ခန္ဓာကိုယ်ကို ချက်ချင်းထိုးဖောက်သွားပြီး အများစုက သေဆုံးဒဏ်ရာရသွားကြတယ်။

"အလင်းလက်သီး......"

ငိုကြွေးနေတဲ့နဂါးက ကောင်းကင်မှာ ပေါ်ထွက်လာပြီး လက်သီးတစ်ချက်အောက်မှာ အဆုံးမဲ့အလင်းလက်သီးတွေက နေပမာ ဖြာထွက်သွားတယ်။

"ငါ့ရဲ့တိုက်ခိုက်ရေးစွမ်းအားက နည်းနည်းနိမ့်တယ်။ ပိုင်ကျန့်မင်ရှန့်နဲ့ရှန်းဟဲတို့ဆိုရင် သူတို့ကို ဓားတစ်ချက်နဲ့ သတ်ဖြတ်နိုင်မယ်ထင်တယ်" အလင်းဥပဒေသက မြန်နှုန်းကို အလေးပေးတယ်၊ ဒါပေမယ့် တိုက်ခိုက်ရေးစွမ်းအားက သိပ်မသန်မာပါဘူး။

……

"သူ့ကို အတူတူတိုက်ခိုက်ကြရအောင်......"

ပါဇာဟုကို စိတ်ဝိညာဉ်နတ်ဘုရားဆရာသခင်တစ်ရာက ဝန်းရံထားတယ်။ ဒီစိတ်ဝိညာဉ်နတ်ဘုရားဆရာသခင်တစ်ရာက စိတ်ဝိညာဉ်နတ်ဘုရားစွမ်းအားကို အသက်သွင်းပြီး ပါဇာဟုထံ စိတ်ဝိညာဉ်နတ်ဘုရားအတတ်တွေကို ဆက်တိုက်ထုတ်လွှတ်လိုက်တယ်။

အုန်း အုန်း အုန်း......

မြေပြင်က တစ်ခဏတုန်ခါသွားပြီး ပါဇာဟုအပိုင်းပိုင်းဆုတ်ပြဲသွားမယ့်မြင်ကွင်းကို လူတိုင်းက စောင့်ကြည့်နေတယ်။

"မလုံလောက်ဘူး၊ မင်းတို့က ငါ့ကို ကလိထိုးနေတာလား" ဖရိုဖရဲလေက ပျောက်ကွယ်သွားပြီး ပါဇာဟုရဲ့ပုံရိပ်က ထွက်ပေါ်လာတယ်။

"မဖြစ်နိုင်ဘူး" စိတ်ဝိညာဉ်နတ်ဘုရားဆရာသခင်တွေက မယုံနိုင်ဘူးဖြစ်နေတယ်။

စိတ်ဝိညာဉ်နတ်ဘုရားဆရာသခင်တစ်ရာက ပူးပေါင်းတိုက်ခိုက်ခဲ့ပေမယ့် တစ်ယောက်မှ သူ့ခံစစ်ကို မချိုးဖြတ်နိုင်ခဲ့ဘူး။

"အခု ငါ့အလှည့်ပဲ" ပါဇာဟုက လူအုပ်ကြီးထဲသို့ တစ်ဟုန်ထိုးပြေးဝင်သွားပြီး စတင်သတ်ဖြတ်ခဲ့တယ်။

အဆုံးမှာ စိတ်ဝိညာဉ်နတ်ဘုရားဆရာသခင်ခုနှစ်ကနေရှစ်ဆယ်ရာခိုင်နှုန်းကသာ လွတ်မြောက်သွားခဲ့တယ်။

ပါဇာဟုရဲ့တိုက်ခိုက်မှုက တည့်တိုးဆန်တာ ကံကောင်းသွားတယ်။ မဟုတ်ရင် သူတို့ရဲ့သေကြေပျက်ဆီးမှုက ပိုဆိုးဝါးလောက်တယ်။

……

"ဖျက်ဆီးခြင်းရောင်ခြည်"

မီထျန်းရဲ့မျက်လုံးခြောက်လုံး၊ တစ်လုံးစီက အလင်းတစ်ခုအဖြစ် ပေါက်ကွဲထွက်သွားပြီး အလင်းအောက်မှာ စိတ်ဝိညာဉ်နတ်ဘုရားဆရာသခင်တွေက လဲကျသွားတယ်။

"အားနည်းလွန်းတယ်" မီထျန်းက သားရဲအိတ်ကို စတင်စုဆောင်းခဲ့တယ်။

……

"ဓားတစ်လက်တစ်ယောက်မကျန်......"

စိတ်ဝိညာဉ်နတ်ဘုရားဆရာသခင်ဒါဇင်နဲ့ရင်ဆိုင်နေတယ်။ အများစုက အားကောင်းစိတ်ဝိညာဉ်နတ်ဘုရားဆရာသခင်တွေပဲ၊ ပိုင်ကျန့်မင်ရှန့်က သူ့ရဲ့ဓားကို ဆွဲထုတ်ကာ ရှေ့သို့ ညင်သာစွာ ထုတ်လွှတ်လိုက်တယ်၊ ဓားအလင်းက ပိုက်ကွန်တစ်ခုပမာ ယှက်နွယ်သွားတယ်။

ဖူး ဖူး ဖူး......

သွေးတွေ ပက်ဖျန်းသွားတယ်။

စိတ်ဝိညာဉ်နတ်ဘုရားဆရာသခင်ဒါဇင်ကျော်၊ အားလုံး သေဆုံးသွားပြီး အားကောင်းစိတ်ဝိညာဉ်နတ်ဘုရားဆရာသခင်တစ်ယောက်ပဲ ကျန်ရစ်ခဲ့တယ်။

"မင်းက ငါ့ဓားကို တားနိုင်တယ်ဆိုတော့ မဆိုးဘူးပဲ"

ဒီအားကောင်းစိတ်ဝိညာဉ်နတ်ဘုရားဆရာသခင်ရဲ့မျက်နှာက ခါးသီးနေတယ်။ ရန်သူရဲ့ဓားက သူတစ်ယောက်တည်းကိုပဲ မရည်ရွယ်ထားလို့ပဲ။ သူတစ်ယောက်နဲ့စိတ်ဝိညာဉ်နတ်ဘုရားဆရာသခင်အချို့ကို ရည်ရွယ်ထားရင် သူက သေချာပေါက် သေသွားလောက်ပြီ။

ပိုင်ကျန့်မင်ရှန့်၊ စိတ်ဝိညာဉ်နတ်ဘုရားဆရာသခင်စာရင်းရဲ့အဆင့်ရှစ်က တကယ်ကြောက်စရာကောင်းတယ်၊ သူတို့က တူညီတဲ့အဆင့်မှာ လုံးဝမရှိပါဘူး။

သူက စိတ်ဝိညာဉ်နတ်ဘုရားဆရာသခင်စာရင်းထဲရှိစိတ်ဝိညာဉ်နတ်ဘုရားဆရာသခင်တွေထက် ပိုအားမနည်းဘူးလို့ သူက တွေးထားခဲ့တာ။

"ဘယ်လိုပဲပြောပြော၊ မင်းက ငါ့ဓားလက်ချက်ကနေ မသေဘူးဆိုတော့ ငါ မင်းကို အသက်ရှင်ဖို့ အခွင့်အရေးတစ်ခုပေးမယ်၊ သားရဲလွယ်အိတ်ကို ချန်ထားပြီး အခုထွက်သွားတော့" ပိုင်ကျန့်မင်ရှန့်က ထူးမခြားနားစွာ ပြောလိုက်တယ်။

နတ်ဘုရားသားရဲအိတ်ကို ပိုင်ကျန့်မင်ရှန့်ထံ ကမ်းပေးပြီးနောက် အားကောင်းစိတ်ဝိညာဉ်နတ်ဘုရားဆရာသခင်က ထွက်ခွာသွားခဲ့တယ်။

"အားနည်းလွန်းပါတယ်ကွာ......." ပိုင်ကျန့်မင်ရှန့်က ရေရွတ်လိုက်တယ်။

……

"မှင်တက်စရာပဲ....."

ရှန်းဟဲက စိတ်ဝိညာဉ်နတ်ဘုရားဆရာသခင်တစ်ရာကို ဖြတ်ကျော်ပြီးနောက် ခြံဝင်းတစ်ခုအထဲမှာ လမ်းလျှောက်နေခဲ့တယ်။

နောက်အခိုက်အတန့်မှာ အနည်းဆုံးစိတ်ဝိညာဉ်နတ်ဘုရားဆရာသခင်တွေရဲ့တစ်ဝက်လောက်က မြေပြင်ပေါ်သို့ လဲကျသွားပြီး စိတ်ဝိညာဉ်နတ်ဘုရားစွမ်းအားက ဗလာနတ္ထိအဖြစ် လုံးဝချေမှုန်းခံလိုက်ရတယ်။

"ဝဲကတော့ဓား....."

နောက်ထပ်ဓားကွက်ကို ထုတ်ဖော်လိုက်တယ်၊ ဝဲကတော့ဓားချီက အသားကြိတ်စက်တစ်ခုပမာ ကျန်ရှိနေတဲ့စိတ်ဝိညာဉ်နတ်ဘုရားဆရာသခင်အားလုံးကို သတ်ဖြတ်ခဲ့တယ်။

ရှန်ဟဲကို ကြည့်ရတာ ကြင်နာတတ်သလိုရှိပေမယ့် သူက လှုပ်ရှားမှုတစ်ခုပြုလိုက်တာနဲ့ ဘယ်တော့မှ ညှာတာနေမှာမဟုတ်ဘူးဆိုတာပဲ။

……

အသေးစားလျို့ဝှက်နယ်မြေထဲမှာ ဆန်းကြယ်နတ်ဘုရားသားရဲပေါက်စတွေအများကြီးရှိတယ်။

ဒါပေမယ့် အပွင့်အလင်းပြောရရင် ဆန်းကြယ်နတ်ဘုရားသားရဲပေါက်စက ကြယ်ငါးလုံးသားရဲမိသားစုတစ်စုအတွက် အရမ်းအရေးကြီးတယ်လို့တော့ မဟုတ်ဘူး။

တကယ်တော့ ဘယ်ကြယ်ငါးလုံးမိသားစုမှာမဆို ဆန်းကြယ်နတ်ဘုရားတွေ အမြောက်အများရှိတယ်။ ဆန်းကြယ်နတ်ဘုရားသားရဲပေါက်စတွေက ကြီးထွားလာရင်တောင် အရေးပါတဲ့အခန်းကဏ္ဍတစ်ခုမှာ မပါဝင်ပါဘူး။ အားကောင်းတဲ့ဆန်းကြယ်နတ်ဘုရားသားရဲတစ်ကောင်က ဆန်းကြယ်နတ်ဘုရားအချို့ဒါမှမဟုတ်ဒါဇင်ဒါမှမဟုတ်နှစ်ဆယ်လောက်နဲ့ ညီမျှရုံပါပဲ။

ဒါ့ပြင် ဆန်းကြယ်နတ်ဘုရားသားရဲပေါက်စတစ်ကောင်ကို အရွယ်ရောက်တဲ့အထိ ပြုစုပျိုးထောင်ရတာ ‌လုပ်တာထက် ပြောတာက ပိုလွယ်တယ်။

အတွေ့အကြုံနဲ့အရင်းအမြစ်တွေက မရှိမဖြစ်ပဲ။

ဒါပေမယ့် ပိုင်နက်နတ်ဘုရားသားရဲပေါက်စတွေက မတူဘူး။ ပိုင်နက်နတ်ဘုရားသားရဲပေါက်စတစ်ကောင်ကြီးထွားလာတာနဲ့ ၎င်းက ကြယ်ငါးလုံးသားရဲမိသားစုတွေရဲ့အထွတ်အထိပ်တိုက်ခိုက်ရေးစွမ်းအားဖြစ်လာတယ်။ သေချာတဲ့အတိုင်းအတာတစ်ခုအထိ ၎င်းက ကြယ်ငါးလုံးသားရဲမိသားစုရဲ့ကံကြမ္မာကို ဆုံးဖြတ်နိုင်တယ်။

နန်ကုန်းမိသားစုက ဘာကြောင့် မြင့်တက်လာရတာလဲ၊ မိသားစုထဲမှာ နတ်ဘုရားသားရဲဆရာသခင်သွေးမျိုးဆက်နိုးထသူတွေများပြားရုံသာမက အဆင့်မြင့်ပိုင်နက်နတ်ဘုရားသားရဲနှစ်ကောင်ကို ကျွန်ပြုနိုင်ခဲ့လို့ပဲ၊ တစ်ကောင်က ခရမ်းရောင်မိုးကြိုးတာဖမ်းငှက်ဖြစ်ပြီး အခြားတစ်ကောင်က ရွှေရောင်ခေါင်းသုံးလုံးငှက်ဖြစ်တယ်။ တတိယမြောက်အဆင့်မြင့်ပိုင်နက်နတ်ဘုရားသားရဲရှိလာတာနဲ့ နန်ကုန်းမိသားစုရဲ့ခွန်အားနဲ့အဆင့်အတန်းက အကြီးအကျယ်တိုးလာလိမ့်မယ်။

အဆင့်မြင့်ပိုင်နက်နတ်ဘုရားသားရဲတစ်ကောင်က အဆင့်မြင့်ပိုင်နက်နတ်ဘုရားတွေထက် အများကြီးပိုသန်မာတယ်ဆိုတာ သိရမယ်၊ ၎င်းရဲ့သွေးမျိုးဆက်က အနည်းငယ်ပိုအားကောင်းရင် ပိုင်နက်နတ်ဘုရားဆရာသခင်တွေနဲ့တောင် ယှဉ်နိုင်ပါလိမ့်မယ်။

ပိုင်နက်နတ်ဘုရားဆရာသခင်ရှိတဲ့ကြယ်ငါးလုံးသားရဲမိသားစုကိုသာ ထိပ်တန်းအဆင့်ကြယ်ငါးလုံးသားရဲမိသားစုတစ်စုအနေနဲ့ သတ်မှတ်နိုင်တယ်။

အဆင့်နိမ့်ပိုင်နက်နတ်ဘုရားသားရဲဖြစ်တဲ့မီးယူနီကွန်သားရဲပေါက်စကို ရနိုင်တယ်ဆိုတော့ လီဖူချန်းရဲ့ကံက  အရမ်းကောင်းတယ်လို့ပြောရမယ်။

မီးယူနီကွန်သားရဲက အားကောင်းတဲ့သွေးမျိုးဆက်တစ်ခုရှိတဲ့အဆင့်နိမ့်ပိုင်နက်နတ်ဘုရားသားရဲတစ်ကောင်ပဲ။ မီးယူနီကွန်သားရဲကြီးထွားလာတာနဲ့ ၎င်းရဲ့ခွန်အားက အဆင့်နိမ့်ပိုင်နက်နတ်ဘုရားဆယ်ယောက်ကျော်နဲ့ ညီမျှတယ်။

တစ်လကျော်ကုန်ဆုံးသွားတယ်၊ ဒီနေ့မှာတော့ လီဖူချန်းက ပိုင်နက်နတ်ဘုရားသားရဲပေါက်စနောက်တစ်ကောင်ကို ထပ်တွေ့ခဲ့တယ်။

ပြီးတော့ ဒီပိုင်နက်နတ်ဘုရားသားရဲပေါက်စက အလယ်ဆင့်ပိုင်နက်နတ်ဘုရားသားရဲဖြစ်တဲ့ဟွင်းယွမ်ချင်းနျိုသားရဲပေါက်စပါပဲ။

ဟွင်းယွမ်ချင်းနျို၊ အလွန်အားကောင်းတဲ့အလယ်ဆင့်ပိုက်နက်နတ်ဘုရားသွေးမျိုးဆက်ရှိတဲ့နတ်ဘုရားသားရဲတစ်ကောင်ပါပဲ။ ၎င်းရဲ့ခန္ဓာကိုယ်မှာ မွေးရာပါဟွင်းယွမ်စွမ်းအားပါဝင်တယ်လို့ ပြောကြတယ်၊ အဲဒါကို အသက်သွင်းလိုက်တာနဲ့ ကောင်းကင်နဲ့မြေကြီးကို ဖျက်ဆီးပစ်ဖို့ လုံလောက်တယ်။

၎င်းရဲ့ခွန်အားက အားကောင်းတဲ့အဆင့်မြင့်ပိုင်နက်နတ်ဘုရားတွေနဲ့တောင် ယှဉ်နိုင်တယ်။

ဟွင်းယွမ်ချင်းနျိုသားရဲ‌ပေါက်စကို ရှာတွေ့တဲ့အတွက် လီဖူချန်းက စိတ်ကောင်းဝင်နေတော့တယ်။

အလယ်ဆင့်ပိုင်နက်နတ်ဘုရားသားရဲတစ်ကောင်က အလယ်ဆင့်နတ်ဘုရားကျောက်တုံးတစ်ထောင်ထရိီလီယံထိုက်တန်တယ်၊ ဒါက သူ့ရဲ့အသားတင်ကြွယ်ဝမှုထက် အဆများစွာပိုတယ်။

ဒါပေမယ့် စိတ်ဝိညာဉ်နတ်ဘုရားဆရာသခင်တစ်စုလဲ ဟွင်းယွမ်ချင်းနျိုကို တစ်ချိန်တည်းမှာ ရှာတွေ့ခဲ့တယ်။

ဒီအဖွဲ့ထဲမှာ သာမန်စိတ်ဝိညာဉ်နတ်ဘုရားဆရာသခင်၊ အလယ်ဆင့်စိတ်ဝိညာဉ်နတ်ဘုရားဆရာသခင်နဲ့ အားကောင်းစိတ်ဝိညာဉ်နတ်ဘုရားဆရာသခင်တို့အပါအဝင် စိတ်ဝိညာဉ်နတ်ဘုရားဆရာသခင်တစ်ရာကျော်ရှိတယ်။

စိတ်ဝိညာဉ်နတ်ဘုရားဆရာသခင်စာရင်းဝင်တစ်ယောက်တောင်ရှိတယ်။

"သူ့ကို သတ်.....သူ့ကို သတင်းပေါက်ကြားခွင့်ပြုလို့မရဘူး....." ဒီစိတ်ဝိညာဉ်နတ်ဘုရားဆရာသခင်အုပ်စုထဲရှိစိတ်ဝိညာဉ်နတ်ဘုရားဆရာသခင်စာရင်းဝင်က လီဖူချန်းကို သတ်ဖြတ်ချင်တဲ့အမူအရာနဲ့ စိုက်ကြည့်လိုက်တယ်။

အလယ်ဆင့်ပိုင်နက်နတ်ဘုရားသားရဲပေါက်စတစ်ကောင်က အရေးကြီးတယ်၊ အသေးစားလျို့ဝှက်နယ်မြေခရီးရဲ့အကြီးမားဆုံးရရှိမှုတစ်ခုလို့ ဆိုနိုင်တယ်။

အဆင့်မြင့်ပိုင်နက်နတ်ဘုရားသားရဲပေါက်စတွေကိုတော့ တွေ့ရှိဖို့မဖြစ်နိုင်ပါဘူး။

ပြီးတော့ အဆင့်မြင့်ပိုင်နက်နတ်ဘုရားသားရဲပေါက်စတွေမှာ အဆင့်မြင့်စိတ်ဝိညာဉ်နတ်ဘုရားခွန်အားရှိတယ်၊ သူတို့က စိတ်ဝိညာဉ်နတ်ဘုရားဆရာသခင်တွေထက် အားမနည်းပါဘူး။ သူတို့က ပုန်းကွယ်ချင်ရင် သူတို့ကို ရှာတွေ့ဖို့ မဖြစ်နိုင်ပါဘူး။

"သတ်.....သူက တစ်ယောက်တည်းပဲ......အားလုံးပေါင်းပြီးတိုက်ခိုက်ကြရအောင်......"

စိတ်ဝိညာဉ်နတ်ဘုရားဆရာသခင်တစ်ရာကျော်ရဲ့ပူးပေါင်းတိုက်ခိုက်မှုချီအရှိန်အဝါက ကြောက်စရာကောင်းလှတယ်။

မရေမတွက်နိုင်တဲ့အဆင့်မြင့်စိတ်ဝိညာဉ်နတ်ဘုရားအတတ်တွေ စုဆုံလာတဲ့အခါ အချို့က စတင်ပေါင်းစည်းလာကြပြီး ကြောက်စရာကောင်းတဲ့ဖျက်ဆီးခြင်းအားတစ်ခုကို ထုတ်လွှတ်လိုက်တယ်။

အချိန်တစ်ခုအထိ ကမ္ဘာက ဖရိုဖရဲဖြစ်နေပြီး စိတ်ဝိညာဉ်နတ်ဘုရားအတတ်တစ်ပြုံတစ်ခေါင်းက အရာအားလုံးကို ဖျက်ဆီးတော့မယ့်အလား လီဖူချန်းဆီ တိုက်ခိုက်လာတယ်။

"လူပိုများလဲ အသုံးဝင်မယ်ထင်နေတာလား"

လီဖူချန်းက နတ်ဘုရားအတတ်တွေကို အသုံးပြုဖို့ လုံးဝမလိုအပ်ပါဘူး။ သူ့နတ်ဘုရားအတတ်တွေက အဆင့်နိမ့်ဆန်းကြယ်နတ်ဘုရားအတတ်တွေပါပဲ။ စိတ်ဝိညာဉ်နတ်ဘုရားဆရာသခင်တွေနဲ့ရင်ဆိုင်ဖို့အသုံးပြုတဲ့အခါ ရန်သူက စိတ်ဝိညာဉ်နတ်ဘုရားဆရာသခင်တစ်ရာကျော်ဆိုရင်တောင် ကြက်‌ကလေးတွေကို သတ်ဖြတ်ရသလိုပါပဲ။

ဒါကြောင့် လီဖူချန်းက ဓားကို ဝှေ့ယမ်းရုံပဲ ပြုခဲ့တယ်။

ရိုးရှင်းတဲ့ဓားချက်၊ ခမ်းနားခြင်းထည်ဝါခြင်းမရှိ။

ဒါပေမယ့် ဒီဓားကို ထုတ်ဖော်လိုက်တာနဲ့ စိတ်ဝိညာဉ်နတ်ဘုရားအတတ်တွေတစ်ပြုံတစ်ခေါင်းက အေးခဲသွားသလို တံ့နေတော့တယ်။

ဓားချီက စိတ်ဝိညာဉ်နတ်ဘုရားအတတ်တစ်ပြုံတစ်ခေါင်းကို ခွဲဖြတ်သွားပြီး စိတ်ဝိညာဉ်နတ်ဘုရားဆရာသခင်တစ်ရာကျော်ထဲသို့ ပြေးဝင်သွားတော့တယ်။

ဝှစ် ဝှစ် ဝှစ်......

လေတိုက်ခတ်သွားပြီး စိတ်ဝိညာဉ်နတ်ဘုရားဆရာသခင်အားလုံးက ပြာအဖြစ် ပြောင်းကာ လေထဲမှာတင် ပျောက်ကွယ်သွားတော့တယ်။

ဓားတစ်ချက်နဲ့အတူ စိတ်ဝိညာဉ်နတ်ဘုရားဆရာသခင်စာရင်းဝင်အပါအဝင် စိတ်ဝိညာဉ်နတ်ဘုရားဆရာသခင်တစ်ရာကျော်ကို သတ်ဖြတ်ခဲ့တယ်။

လူတွေက ဒီမြင်ကွင်းကို မြင်ရင် သေချာပေါက်ထိတ်လန့်သွားရမှာပဲ။

ပိုင်ကျန့်မင်ရှန့်နဲ့အခြားသူတွေကတောင် စိတ်ဝိညာဉ်နတ်ဘုရားဆရာသခင်ဒါဇင်ကျော်ကိုသာ တစ်ချက်တည်းနဲ့ သတ်ဖြတ်နိုင်ခဲ့ပြီး စိတ်ဝိညာဉ်နတ်ဘုရားဆရာသခင်စာရင်းဝင်တွေမပါဘူးဆိုတာ သိရမယ်။

သားရဲအိတ်အမြောက်အများက ပျံသန်းလာပေမယ့် လီဖူချန်းက ကြည့်တောင် မကြည့်ခဲ့ပါဘူး၊ သူက သိမ်းလိုက်ပြီး သူ့မျက်လုံးတွေက ဟွင်းယွမ်ချင်းနျိုပေါ်သို့ ကျရောက်သွားတယ်။

ဟွင်းယွမ်ချင်းနျိုပေါက်စက အလယ်ဆင့်စိတ်ဝိညာဉ်နတ်ဘုရားဆရာသခင်ရဲ့ခွန်အားရှိတယ်။

လက်ရှိအချိန်မှာ သူက အနည်းငယ်တုန်ယင်နေပြီး လီဖူချန်းရဲ့စွမ်းအားကို ကြောက်ရွံ့နေပုံရတယ်။

"ကောင်လေး.....ဒီကိုလာ....." လီဖူချန်းက ဟွင်းယွမ်ချင်းနျိုပေါက်စကို ဖမ်းသိမ်းလိုက်တော့တယ်။

……

အသေးစားလျို့ဝှက်နယ်မြေအပြင်ဘက်မှာ နန်ကုန်းဖှေးဖန်က ထိုင်မရထမရဖြစ်နေတယ်။

နန်ကုန်းမိသားစုရဲ့ဒီတစ်ကြိမ်ရိတ်သိမ်းမှုက ဘယ်လိုဖြစ်မလဲ၊ သူတို့က ပိုင်နက်နတ်ဘုရားသားရဲပေါက်စတစ်ကောင်ကို ရရှိနိုင်မလား......

ဒီတစ်ကြိမ် ပိုင်နက်နတ်ဘုရားသားရဲပေါက်စတစ်ကောင်ကို ရရင် သူမက ထိန်းကျောင်းကာ ကျွန်ပြုနိုင်တယ်လို့ မိသားစုက သဘောတူခဲ့တယ်။

ဒါက ပိုင်နက်နတ်ဘုရားသားရဲပေါက်စတစ်ကောင်လေ။ အနာဂတ်မှာ ကြီးထွားလာတာနဲ့ သူမရဲ့အကြီးမားဆုံးအကူအညီဖြစ်ပေလိမ့်မယ်။

ခရမ်းရောင်အလင်းငှက်က အားကောင်းပေမယ့် အဆင့်မြင့်ဆန်းကြယ်နတ်ဘုရားသားရဲတစ်ကောင်အဖြစ်သာ ကြီးထွားနိုင်ပြီး ပိုင်နက်နတ်ဘုရားသားရဲနဲ့ မယှဉ်နိုင်ပါဘူး။

ပိုင်နက်နတ်ဘုရားသားရဲက ဆန်းကြယ်နတ်ဘုရားအဆင့်ထိ ကြီးထွားလာတဲ့အခါ အဆင့်တူတဲ့ဆန်းကြယ်နတ်ဘုရားသားရဲတွေကို ရိုက်နှက်နိုင်ပါလိမ့်မယ်။

***