နတ်ဘုရားဆေးပင်များ

သူတို့လေးယောက်ထွက်ခွာသွားတာနဲ့ လီဖူချန်းက ပိုင်နက်နတ်ဘုရားသားရဲပေါက်စတွေကို စတင်စုဆောင်းခဲ့တယ်။

အဆင့်နိမ့်ပိုင်နက်နတ်ဘုရားသားရဲကျီလင်သားရဲပေါက်စ။

အဆင့်နိမ့်ပိုင်နက်နတ်ဘုရားသားရဲနယ်မြေအရှင်ငှက်ပေါက်စ။

အလယ်ဆင့်ပိုင်နက်နတ်ဘုရားသားရဲ အနီရောင်နဂါးစပါးအုံးပေါက်စ။

အလယ်ဆင့်ပိုင်နက်နတ်ဘုရားသားရဲခေါင်းသုံးလုံးလေမီးခိုးငှက်ပေါက်စ။

အဆင့်မြင့်ပိုင်နက်နတ်ဘုရားသားရဲအလင်းလျှပ်စီးဖမ်းသားရဲပေါက်စ။

အဆင့်မြင့်ပိုင်နက်နတ်ဘုရားသားရဲတိုက်ခိုက်ရေးစိတ်ဝိညာဉ်ခွဲဖြာကျားပေါက်စ။

ဒီနေရာမှာ အခြားတစ်ယောက်သာဆိုရင် ဒီလောက်များတဲ့ပိုင်နက်နတ်ဘုရားသားရဲပေါက်စတွေကို ဖမ်းဆီးဖို့ မဖြစ်နိုင်ပါဘူး။

ဒါပေမယ့် လီဖူချန်းက ဘယ်သူလဲ။ သူက ဓားတာအိုစိတ်ဝိညာဉ်နတ်ဘုရားစွမ်းအားကို အပြည့်အဝထုတ်လွှတ်လိုက်တာနဲ့ အဆင့်နိမ့်ဆန်းကြယ်နတ်ဘုရားအများစုထက်တောင် ပိုကြောက်စရာကောင်းတဲ့သူလေ။

နန်ကုန်းဖှေးဖန်က အဆင့်နိမ့်ဆန်းကြယ်နတ်ဘုရားအတတ်သုံးခုကို ပေါင်းစည်းထားတဲ့ အဆင့်နိမ့်ဆန်းကြယ်နတ်ဘုရားတစ်ယောက်ဆိုတာ သိရမယ်။ သူမရဲ့ဆန်းကြယ်နတ်ဘုရားစွမ်းအားက လီဖူချန်းလောက် ကြောက်စရာမကောင်းဘူးဆိုတာကိုရောပေါ့။

တစ်ဖက်လူက ဆန်းကြယ်နတ်ဘုရားအဆင့်ကို မရောက်ခင် စိတ်ဝိညာဉ်နတ်ဘုရားစွမ်းအားခွန်အားက ဆဌမအဆင့်မှာ ရှ်ိမယ်လို့ လီဖူချန်းက ခန့်မှန်းထားခဲ့တယ်။

လက်ကို ဝှေ့ယမ်းလိုက်ရာ ပိုင်နက်နတ်ဘုရားသားရဲပေါက်စတွေက လုံးဝမခုခံဘဲ သားရဲအိတ်ထဲသို့ ရောက်ရှိလာခဲ့တယ်။

ဟိန်းသံ......

သူတို့အထဲမှာ တိုက်ခိုက်ရေးစိတ်ဝိညာဉ်ခွဲဖြာကျားက အကြမ်းတမ်းဆုံးပဲ။ လီဖူချန်းက ဖမ်းပြီးတာတောင် ၎င်းက ဟိန်းဟောက်နေတုန်းပဲ။ နန်ကုန်းမိသားစုရဲ့နတ်ဘုရားသားရဲဆရာသခင်တစ်ယောက်က စိတ်ဝိညာဉ်ခွဲဖြာကျားကို ကျွန်ပြုပြီးတဲ့အခါ ခွန်အားဘယ်လောက်ထိတိုးတက်လာမလဲကို မတွေးတောနိုင်လောက်အောင်ပဲ။

နန်ကုန်းဖှေးဖန်ရဲ့ခရမ်းရောင်အလင်းငှက်က အကန့်အသတ်အထိ ကြီးထွားပြီးတဲ့အခါ အဆင့်မြင့်ဆန်းကြယ်နတ်ဘုရားသားရဲတစ်ကောင်မျှပဲဆိုတာကို သိရမယ်။ ဒီလိုဆိုတောင်မှ ၎င်းက နန်ကုန်းဖှေးဖန်ကို အကူအညီကြီးကြီးမားမားပေးနေတုန်းပဲ။

ဒါပေမယ့် နတ်ဘုရားသားရဲတွေကို ယဉ်ပါးကျွန်ပြုခြင်းက လွယ်ကူတဲ့အလုပ်တစ်ခုမဟုတ်ပါဘူး။ နန်ကုန်းဖှေးဖန်က ခရမ်းရောင်အလင်းငှက်ကို ယဉ်ပါးကျွန်ပြုတုန်းက သူမရဲ့ကျင့်ကြံခြင်းက စိတ်ဝိညာဉ်နတ်ဘုရားအဆင့်သာ ရှိတယ်၊ ဒါကြောင့် သူမက ဆန်းကြယ်နတ်ဘုရားသားရဲပေါက်စတွေကိုသာ ယဉ်ပါးကျွန်ပြုနိုင်ခဲ့တယ်။

အခု သူမက အဆင့်နိမ့်ဆန်းကြယ်နတ်ဘုရားတစ်ယောက်ဖြစ်လာပြိီးဆိုမှတော့ သူမက ပိုင်နက်နတ်ဘုရားသားရဲတွေကို ယဉ်ပါးကျွန်ပြုနိုင်လောက်ပြီ။

ကျွန်ပြုခြင်းအောင်မြင်သွားတာနဲ့ နန်ကုန်းဖှေးဖန်ရဲ့ခွန်အားက ဆယ်ဆတိုးလာမှာ အသေအချာပါပဲ။

အဆင့်မြင့်စိတ်ဝိညာဉ်နတ်ဘုရားအဆင့်ရှိ တိုက်ခိုက်‌ရေးစိတ်ဝိညာဉ်ခွဲဖြာကျားပေါက်စမှာ အလယ်ဆင့်စိတ်ဝိညာဉ်နတ်ဘုရားဆရာသခင်ဒါမှမဟုတ်၎င်းရဲ့အထက်ခွန်အားရှိတယ်။ သူတို့က အဆင့်နိမ့်ဆန်းကြယ်နတ်ဘုရားအဆင့်အထိ ကြီးထွားလာတဲ့အခါ အဆင့်နိမ့်ဆန်းကြယ်နတ်ဘုရားအတတ်လေးခုဒါမှမဟုတ်ငါးခုဒါမှမဟုတ်ခြောက်ခု ပေါင်းစပ်ထားတာနဲ့ ညီမျှတယ်လေ။

"နတ်ဘုရားသားရဲဆရာသခင်၊ အရှားပါးဆုံးနဲ့အားအကောင်းဆုံးတည်ရှိမှုတွေထဲကတစ်ခု" လီဖူချန်းက နတ်ဘုရားသားရဲဆရာသခင်တွေရဲ့စွမ်းအားအပေါ် တိတ်တဆိတ်သက်ပြင်းချလိုက်မိတယ်။

လီဖူချန်းက ရွာကြီးရဲ့ပတ်ဝန်းကျင်ကို စတင်လေ့လာခဲ့တယ်။

ရွာကြီးထဲမှာ နတ်ဘုရားကမ္ဘာရဲ့ချီက အပြင်ကမ္ဘာထက် အဆတစ်ရာပိုတယ်။

ပိုင်နက်နတ်ဘုရားပေါက်စတွေ ဒီလောက်များများနေထိုင်တာ အံ့ဩစရာမရှိဘူးပဲ။

"ဟမ်......ဒါ ကြယ်သုံးလုံးအဆင့်မြင့်ထိပ်တန်းအဆင့်နတ်ဘုရားဆေးပင်ကျောက်တုံးခြင်ဆီမလား"

ရုတ်တရက် လီဖူချန်းက ကျောက်ဆောင်တစ်ခုထဲရှိအက်ကြောင်းတစ်ခုထဲမှာ ကျောက်တုံးခြင်ဆီဆေးပင်ကို တွေ့ရှိခဲ့တယ်။

ကျောက်တုံးခြင်ဆီဆေးပင်၊ ကျောက်တုံးတစ်ခုနဲ့တူတယ်၊ ကြယ်သုံးလုံးအဆင့်မြင့်နတ်ဘုရားဆေးဖြစ်တဲ့ကျောက်တုံးခြင်ဆီဆေးလုံးကို သန့်စင်ဖို့အတွက် အဓိကပါဝင်ပစ္စည်းဖြစ်တယ်။

ကျောက်တုံးခြင်ဆီဆေးက အသက်နယ်ပယ်ကို တိုးတက်စေနိုင်တယ်။

လီဖူချန်းရဲ့ဓားတာအိုဥပဒေသနယ်ပယ်က အဆင့်မြင့်ဆန်းကြယ်နတ်ဘုရားအဆင့်ရှိပြီး နေရာလပ်-အချိန်ဥပဒေသက အဆင့်နိမ့်ဆန်းကြယ်နတ်ဘုရားအဆင့်ရှိတယ်။ အသက်နယ်ပယ်လိုက်မီတာနဲ့ သူက ဆန်းကြယ်နတ်ဘုရားအဆင့်ကို အလွယ်တကူတက်ရောက်နိုင်ပြီး အဆင့်နိမ့်ဆန်းကြယ်နတ်ဘုရားအတတ်အမြောက်အများကို ပေါင်းစည်းနိုင်လိမ့်မယ်။ အဆင့်နိမ့်ဆန်းကြယ်နတ်ဘုရားနဲ့အလယ်ဆင့်ဆန်းကြယ်နတ်ဘုရားတွေထဲမှာ သူ့ပြိုင်ဘက်ဖြစ်နိုင်သူအနည်းငယ်သာ ရှိပါလိမ့်မယ်။

တစ်၊ နှစ်၊ သုံး.....

ရွာထဲမှာ ကျောက်တုံးခြင်ဆီဆေးပင်က သိပ်မများပါဘူး။

တစ်ခဏအတွင်းမှာ လီဖူချန်းက ကျောက်တုံးခြင်ဆီဆေးပင်သုံးဆယ်ကျော်ကို ရရှိခဲ့တယ်။

"ဒါက ကြယ်သုံးလုံးအဆင့်မြင့်ထိပ်တန်းဆေးပင်ဖြစ်တဲ့ဆန်းကြယ်စိတ်ဝိညာဉ်ဆေးပင်ပဲ"

‌လီဖူချန်းက နောက်ထပ်ထိပ်တန်းအဆင့်ဆေးပင်ဖြစ်တဲ့ဆန်းကြယ်စိတ်ဝိညာဉ်ဆေးပင်ကို ရှာတွေ့ခဲ့တယ်။

ကံမကောင်းစွာနဲ့ ဆန်းကြယ်စိတ်ဝိညာဉ်ဆေးပင်က အသက်နယ်ပယ်ကို မတိုးစေနိုင်ပါဘူး။ ၎င်းက နတ်ဘုရားစွမ်းအားကို ချက်ချင်းပြန်ဖြည့်နိုင်တဲ့ဆေးပင်အမျိုးအစားဖြစ်တယ်။ ၎င်းကို နတ်ဘုရားဆေးလုံးအဖြစ် သန့်စင်ပြီးနောက် သက်ရောက်မှုက အဆအနည်းငယ်တိုးလာပါလိမ့်မယ်။

၎င်းက အသက်နယ်ပယ်ကို မတိုးစေနိုင်ပေမယ့် ဆန်းကြယ်စိတ်ဝိညာဉ်ဆေးပင်က အလွန်တန်ဖိုးရှိတယ်။ ဒါကို စဉ်းစားကြည့်ရအောင်၊ မင်းက ရန်သူနဲ့ တိုက်ခိုက်နေတယ်၊ နှစ်ဖက်လုံးရဲ့နတ်ဘုရားစွမ်းအားကလဲ ကုန်ခန်းလုနီးပါးဖြစ်တယ်။ ဆန်းကြယ်စိတ်ဝိညာဉ်အားဖြည့်ဆေးလုံးကို သုံးလိုက်တဲ့အခါ မင်းက နတ်ဘုရားစွမ်းအားကို ရုတ်ခြည်းရရှိလာတယ်ဆိုရင် မင်းရဲ့ရန်သူက သေဖို့တစ်လမ်းသာ ရှိတော့မှာပေါ့။

ဆန်းကြယ်စိတ်ဝိညာဉ်ဆေးပင်က ကျောက်တုံးခြင်ဆီဆေးပင်ထက် အနည်းငယ်ပိုများတယ်။ လီဖူချန်းအနေနဲ့ အပင်ငါးဆယ်ရှာတွေ့ဖို့ သိပ်မကြာခဲ့ပါဘူး။

ပြန်ရောက်ပြီးနောက် လီဖူချန်းက သူတို့ကို ကြယ်သုံးလုံးအဆင့်မြင့်နတ်ဘုရားဆေးလုံးအဖြစ် သန့်စင်ရမှာပဲ။

ဆန်းကြယ်စိတ်ဝိညာဉ်အားဖြည့်ဆေးလုံးကို စိတ်ဝိညာဉ်နတ်ဘုရားအဆင့်မှာသာမက အဆင့်နိမ့်ဆန်းကြယ်နတ်ဘုရားအဆင့်မှာပါ အသုံးပြုနိုင်တယ်၊ သက်ရောက်မှုက မဆိုးပါဘူး၊ အနည်းဆုံးတော့ သာမန်နတ်ဘုရားစွမ်းအားဖြည့်ဆေးလုံးတွေထက် အများကြီးပိုကောင်းတယ်။

လီဖူချန်းရဲ့ကံကောင်းမှုက မကုန်သေးပါဘူး၊ သူက ထွက်ခွာတော့မယ့်အခိုက်မှာ ကြယ်လေးလုံးအဆင့်နိမ့်ထိပ်တန်းအဆင့်နတ်ဘုရားဆေးပင်ဖြစ်တဲ့သန့်စင်ခြင်းတစ်ရာတိုက်ခိုက်ရေးသွေးဆေးပင်ကို လိုဏ်ဂူတစ်ခုမှာ တွေ့ရှိခဲ့တယ်။

လီဖူချန်းရဲ့မျက်လုံးတွေက အဆုံးစွန်းထိတောက်ပသွားတော့တယ်။

ဒီသန့်စင်ခြင်းတစ်ရာတိုက်ခိုက်ရေးသွေးဆေးပင်က အသက်နယ်ပယ်ကိုတိုးစေနိုင်တဲ့နတ်ဘုရားဆေးပင်တစ်ပင်ပဲလေ။

သန့်စင်ခြင်းတစ်ရာတိုက်ခိုက်ရေးသွေးဆေးလုံးနှစ်ဆယ်က အဆင့်နိမ့်ဆန်းကြယ်နတ်ဘုရားအသက်နယ်ပယ်ကို အလယ်ဆင့်ဆန်းကြယ်နတ်ဘုရားအသက်နယ်ပယ်အထိ တိုးမြှင့်နိုင်တယ်။

လီဖူချန်းရဲ့လက်ရှိအသက်နယ်ပယ်က အဆင့်မြင့်စိတ်ဝိညာဉ်နတ်ဘုရားအခြေအနေမှာရှိတယ်။ သန့်စင်ခြင်းတစ်ရာတိုက်ခိုက်ရေးသွေးဆေးလုံးတစ်လုံးနဲ့တင် သူ့ရဲ့အသက်နယ်ပယ်ကို အဆင့်နိမ့်ဆန်းကြယ်နတ်ဘုရားအဆင့်အထိ တိုးမြှင့်သွားလောက်ပါရဲ့။

ရွာကို ကျွမ်းထိုးမှောက်ခုံလှည့်ပတ်ပြီး ဘာတစ်ခုမှ မကျန်တော့တာကို အတည်ပြုပြီးနောက် လီဖူချန်းက လက်လျော့လိုက်တော့တယ်။

မသိလိုက်မသိသာသာနဲ့ အသေးစားလျို့ဝှက်နယ်မြေ‌ပိတ်ဖို့ သိပ်မလိုတော့ပါဘူး။

လီဖူချန်းက ရေတွက်ကြည့်လိုက်တယ်၊ သူတစ်ယောက်တည်းနဲ့တင် အလယ်ဆင့်နတ်ဘုရားကျောက်တုံးလေးဆယ်ထရီလီယံကျော်ရရှိထားတာကို တွေ့ရှိခဲ့တယ်။

ပုံမှန်အခြေအနေအောက်မှာ အဆင့်မြင့်ဆန်းကြယ်နတ်ဘုရားတစ်ယောက်မှာတောင် ဒီလိုကြွယ်ဝမှုမျိုးမရှိပါဘူး။

လွန်ခဲ့တဲ့ရက်အနည်းငယ်အတွင်း သူက ငြီးငွေ့လာတဲ့အခါမှာ လီဖူချန်းက ပိုင်နက်နတ်ဘုရားသားရဲပေါက်‌စတွေနဲ့ စတင်ကျီစားနေခဲ့တယ်။

အချိန်တစ်ခုကြာပြီးနောက် ဒီကောင်လေးတွေက သူ့ကို အရမ်းမငြင်းပယ်ဘူးဆိုတာ သူက တွေ့ရှိခဲ့တယ်၊ သူနဲ့ ပိုတောင် နီးကပ်လာနေတယ်။

"ဒါ ဘာဖြစ်တာလဲ" လီဖူချန်းက အနည်းငယ်အံ့အားသင့်သွားတယ်။ နတ်ဘုရားသားရဲဆရာသခင်တွေကပဲ နတ်ဘုရားသားရဲတွေနဲ့ နီးနီးကပ်နေနိုင်တာကို  သူ သိထားတယ်လေ။

"ငါ့ရဲ့နတ်ဘုရားစိတ်ဝိညာဉ်အရှိန်အဝါက နတ်ဘုရားသားရဲတွေကို ဆွဲဆောင်နိုင်တာများလား" ရွှေရောင်အဆောင်နဲ့အတူ လီဖူချန်းရဲ့နတ်ဘုရားစိတ်ဝိညာဉ်က သာမန်လူတွေနဲ့ အတော်ကလေးမတူပါဘူး။

ဒီမတိုင်ခင်တုန်းကလဲ သူက ကြယ်ရှစ်လုံးနတ်ဘုရားသက်ရှိဖြစ်တဲ့ရောင်စုံကောင်းကင်ခွဲလိပ်ပြာမိုမိုနဲ့ ညီမျှတဲ့စာချုပ်တစ်ခုကို ချုပ်ဆိုနိုင်ခဲ့တယ်လေ။

ဒါက ရွှေရောင်အဆောင်ကြောင့် ဖြစ်မယ်လို့ သူက ခန့်မှန်းခဲ့တယ်။

"အရင်စမ်းကြည့်ရတာပေါ့"

လီဖူချန်းက တိုက်ခိုက်ရေးစိတ်ဝိညာဉ်ခွဲဖြာကျားပေါက်စအပေါ် ပစ်မှတ်ထားလိုက်တယ်။

သုံးရောင်ခြယ်နတ်ဘုရားသားရဲက တိုက်ခိုက်ရေးစိတ်ဝိညာဉ်ခွဲဖြာကျားထက် ပိုတန်ဖိုးရှိပေမယ့် လီဖူချန်းအတွက်တော့ တိုက်ခိုက်‌ရေးစိတ်ဝိညာဉ်ခွဲဖြာကျားလောက် အရေးမပါပါဘူး။

လီဖူချန်းအတွက် သုံးရောင်ခြယ်နတ်ဘုရားသားရဲနဲ့ပတ်သက်ပြီးတန်ဖိုးအရှိဆုံးအရာက ၎င်းရဲ့ကုသခြင်းစွမ်းရည်ပါပဲ။

အန္တရာယ်ခန့်မှန်းနိုင်တဲ့စွမ်းရည်ကတော့ သူက အများကြီးဂရုမစိုက်ပါဘူး။ သူ့ကိုယ်ပိုင်အန္တရာယ်ခန့်မှန်းနိုင်တဲ့စွမ်းရည်ကလဲ သေချာပေါက်အားမနည်းပါဘူး။

တိုက်ခိုက်ရေးစွမ်းရည်အရ သုံးရောင်ခြယ်နတ်ဘုရားသားရဲက တိုက်ခိုက်ရေးစိတ်ဝိညာဉ်ခွဲဖြာကျားလောက် မကောင်းပါဘူး။

တိုက်ခိုက်ရေးစိတ်ဝိညာဉ်ခွဲဖြာကျားက တိုက်ခိုက်ရေးမှာ အားကောင်းတဲ့သဘာဝသားရဲတစ်ကောင် ဖြစ်တယ်လေ။

ဒါပေမယ့် အရေးကြီးဆုံးအရာကတော့ သူက သုံးရောင်ခြယ်သားရဲရရှိထားတာကို လူအများကြီးက သိတယ်၊ သူက နန်ကုန်းမိသားစုနဲ့ အအက်အကွဲမဖြစ်ချင်ပါဘူး။

တိုက်ခိုက်ရေးစိတ်ဝိညာဉ်ခွဲဖြာကျားကတော့ မတူပါဘူး၊ ရွာကြီးထဲမှာ ဘယ်ပိုင်နက်နတ်ဘုရားသားရဲတွေရရှိခဲ့တာကို ဘယ်သူမှ မသိဘူးလေ။

သားရဲယဥ်ပါးနတ်ဘုရားအတတ်တွေ၊ သားရဲကျွန်ပြုနတ်ဘုရားအတတ်တွေကို လီဖူချန်းက မသိပါဘူး၊ လိုအပ်တယ်လို့လဲ သူ မထင်ပါဘူး။

သူက တိုက်ခိုက်ရေးစိတ်ဝိညာဉ်ခွဲဖြာကျားနဲ့စာချုပ်တစ်ခုချုပ်နိုင်မလားကိုပဲ သူက သိချင်တယ်။

နေ့တစ်ဝက်ကြာပြီးနောက် လီဖူချန်းက အောင်မြင်ခဲ့တယ်။

သူနဲ့တိုက်ခိုက်ရေးစိတ်ဝိညာဉ်ခွဲဖြာကျားက နတ်ဘုရားသားရဲစာချုပ်တစ်ခုကို ချုပ်ဆိုခဲ့တယ်။

ဒါက မမျှတတဲ့စာချုပ်တစ်ခုလို့တောင် ပြောရမယ်။ စာချုပ်ပြီးနောက် လီဖူချန်းကပဲ အမိန့်ပေးနိုင်သူဖြစ်တယ်။ သူက အရှေ့ကို သွားခိုင်းရင် စိတ်ဝိညာဉ်ခွဲဖြာကျားက အနောက်ကို ဘယ်တော့မှ မသွားပါဘူး။

နတ်ဘုရားသားရဲစာချုပ်က ကျွန်ပြုနတ်ဘုရားအတတ်ထက် တစ်ဆင့်ပိုမြင့်တဲ့တည်ရှိမှူတစ်ခုဆိုတာ လီဖူချန်းက မသိပါဘူး။

နတ်ဘုရား‌သားရဲဆရာသခင်က နတ်ဘုရားသားရဲတွေကို အရင် ယဉ်ပါးအောင် လုပ်ရမယ်၊  ပြီးရင် စတင်ကျွန်ပြုရမယ်၊ နောက်ဆုံးမှ နတ်ဘုရားသားရဲနဲ့အတူ နတ်ဘုရားသားရဲစာချုပ်ကို ချုပ်ဆိုရမယ်။ ထိုကစပြီး နှစ်ဖက်စလုံးကြားမှာ ခွဲခြားမရနိုင်တဲ့ဆက်သွယ်မှုတစ်ခုရှိလာမယ်။

"ရွှေရောင်အဆောင်ကြောင့်ပဲ ဖြစ်ရမယ်"

စိတ်ဝိညာဉ်ခွဲဖြာဓားနဲ့ စာချုပ်ချုပ်ပြီးနောက် လီဖူချန်းက အခြားနတ်ဘုရားသားရဲပေါက်စတွေကို စိတ်မဝင်စားတော့ပါဘူး။

သူက နတ်ဘုရားသားရဲအုပ်စုတစ်စုကို မြှင့်တင်ဖို့ အစီအစဉ်မရှိပါဘူး၊ အဲဒါက ဒုက္ခများလွန်းတယ်။

သူက အားကောင်းတဲ့ပိုင်နက်နတ်ဘုရားသားရဲပေါက်စတစ်ကောင်ပဲလိုအပ်တယ်။ တိုက်ခိုက်ရေးစိတ်ဝိညာဉ်ခွဲဖြာကျားက ထိုရည်ရွယ်ချက်နဲ့ထပ်တူကျတယ်ဆိုတာ သံသယရှိစရာမလိုပါဘူး။

"ဒီလောက်တောင် သက်သောင့်သက်သာရှိတယ်တဲ့လား"

စိတ်ဝိညာဉ်ခွဲဖြာကျားက ပေါက်စတစ်ကောင်မျှပဲ။ လီဖူချန်းနဲ့ စာချုပ်ချုပ်ဆိုပြီးနောက် သူ့ကို လီဖူချန်းရဲ့နတ်ဘုရားစိတ်ဝိညာဉ်စွမ်းအားက ချက်ချင်းအားဖြည့်ပေးခဲ့တယ်၊ သူက တိုးတိုးလေးဟိန်းဟောက်လိုက်မိတယ်။ သူ့ကိုကြည့်ရတာ အလွန်ပျော်ရွှင်နေသလိုပဲ။

မိုမိုက သားရဲအိတ်မှ ထွက်လာတယ်။

"အကိုကြီး၊ မင်းက ဒါမျိုးကို လိုချင်တယ်ပေါ့လေ။ သူက အကန့်အသတ်အထိ ကြီးထွားပြီးတာနဲ့ အဆင့်မြင့်ပိုင်နက်နတ်ဘုရားသားရဲအဆင့်မှာပဲ ရပ်တန့်တော့မှာ။ သူက ငါ့လိုကြယ်ရှစ်လုံးဟင်းလင်းပြင်(ပုံရိပ်ယောင်)နတ်ဘုရားသက်ရှိနဲ့ လုံးဝမယှဉ်နိုင်ဘူး" မိုမိုက အနည်းငယ်မနာလိုမိတယ်။

လီဖူချန်းက ပြောလိုက်တယ်"ငါက ပိုင်နက်နတ်ဘုရားတစ်ယောက်ဖြစ်ဖို့ အဝေးကြီးလိုသေးတယ်......သူက ငါ့ကို အများကြီးကူညီနိုင်တယ်.......မင်းအတွက် ငါ ညီလေးတစ်ယောက်ရှာပေးထားတာလေ....မကောင်းဘူးလား"

"ကောင်းပါတယ်.....ကောင်းပါတယ်" မိုမိုက ခေါင်းညိတ်လိုက်တယ်"အနာဂတ်မှာ မင်းက အကိုကြီးဆုံး၊ ငါက ဒုတိယအကို၊ သူက ညီအငယ်ဆုံးပေါ့"

ဒါကို ကြားပြီး လီဖူချန်းက ပြုံးလိုက်တယ်။ တကယ်တော့ သူ့မှာ အခြားအစီအစဉ်တွေရှိတယ်။ တကယ်တော့ မိုမိုက နတ်ဘုရားဟင်းလင်းပြင်(ပုံရိပ်ယောင်)သက်ရှိလေ။ လက်ရှိအချိန်မှာ သူ့အနေနဲ့ လူအုပ်ကြီးထဲမှာ ထွက်ပေါ်လာဖို့ မဖြစ်နိုင်ပါဘူး။ စိတ်ဝိညာဉ်ခွဲဖြာကျားကတော့ မတူဘူး။ ၎င်းက နတ်ဘုရားကမ္ဘာမှာ ပေါ်ထွက်လာတာ ပုံမှန်ပါပဲ။ သူ့ကို နတ်ဘုရားသားရဲဆရာသခင်တစ်ယောက်အနေနဲ့ သတ်မှတ်ရုံကလွဲပြီး အခြားဘာတစ်ခုမှ စဉ်းစားကြမှာမဟုတ်ဘူး။

နတ်ဘုရားသားရဲဆရာသခင်အထောက်အထားအတွက်က‌တော့ နတ်ဘုရားသားရဲဆရာသခင်တစ်ယောက်ဖြစ်ချင်ရင် သားရဲဆရာသခင်သွေးမျိုးဆက်ကို အရင်နိုးထရမယ်။ နတ်ဘုရားကမ္ဘာမှာ တော်ဝင်သားရဲမိသားစုတွေကပဲ သားရဲဆရာသခင်သွေးမျိုးဆက်ကို နိုးထနိုင်တာမဟုတ်ဘူး၊ သာမန်လူတွေလဲ သားရဲဆရာသခင်သွေးမျိုးဆက်ကို နိုးထနိုင်ပါတယ်။

အင်ပါယာသားရဲမိသားစုတွေမှာ နတ်ဘုရားသားရဲဆရာသခင်သွေးမျိုးဆက်အမွေဆက်ခံမှုရှိပြီး နတ်ဘုရားသရဲဆရာသခင်သွေးမျိုးဆက်နိုးထနိုင်မယ့်အခွင့်အရေးက ပိုမြင့်မားရုံမျှပဲ။

***