ကမ္ဘာဆွဲအားနတ်ဘုရားကြယ်

ဟုတ်ပါတယ်၊ လီဖူချန်းရဲ့ဒီတစ်ကြိမ်ပန်းတိုင်က နတ်ဘုရားဟင်းလင်းပြင်ပါပဲ။

ခရမ်းရောင်တိမ်နတ်ဘုရားကမ္ဘာပတ်လည်မှာ မရေမတွက်နိုင်လောက်တဲ့နတ်ဘုရားကြယ်တွေရှိတယ်။ သူတို့အထဲမှာ အချို့နတ်ဘုရားကြယ်တွေမှာ အားကောင်းတဲ့ကမ္ဘာဆွဲအားပါဝင်ပြီး ကမ္ဘာဆွဲအားနတ်ဘုရားကြယ်လို့ခေါ်တယ်။

ကမ္ဘာဆွဲအားနတ်ဘုရားကြယ်က နတ်ဘုရားစွမ်းအားကို‌ လေ့ကျင့်ပေးနိုင်ပြီး ထို‌နေရာမှာ လူတွေက အမြဲတမ်းသွားလာနေကြတယ်။

လီဖူချန်းသွားတဲ့နေရာက ကမ္ဘာဆွဲအားနတ်ဘုရားကြယ်တွေထဲကတစ်ခုပဲ။

အတိတ်မှာ လီဖူချန်းအနေနဲ့ အနီးဆုံးကမ္ဘာဆွဲအားနတ်ဘုရားကြယ်ကို သွားဖို့ အချိန်အများကြီးလိုအပ်တယ်၊ ဒါပေမယ့် အခု သူ့မှာ အဆတစ်ရာပိုမြန်တဲ့အဆင့်မြင့်ဆန်းကြယ်နတ်ဘုရားအသုံးအဆောင်ပစ္စည်းအာကာသယာဉ်တစ်စီးရှိတယ်။

ဆန်းကြယ်နတ်ဘုရားအသုံးအဆောင်ပစ္စည်းအာကာသယာဉ်က အလင်းတန်းတစ်ခုအဖြစ် ပြောင်းကာ အနက်ရောင်နတ်ဘုရားဟင်းလင်းပြင်ဆီ ပျံသန်းသွားခဲ့တယ်။

လဝက်ကြာပြီးနောက် အနီးဆုံးကမ္ဘာဆွဲအားနတ်ဘုရားကြယ်ကို ရောက်ရှိလာတယ်။

ဒီကမ္ဘာဆွဲအားနတ်ဘုရားကြယ်က မကြီးပါဘူး၊ အရွယ်အစားအားဖြင့် မိုင်ထောင်အနည်းငယ်လောက်ပဲရှိတယ်၊ ၎င်းက မိုင်သန်းတစ်ရာဒါမှမဟုတ်မိုင်ဘီလီယံအနည်းငယ်ရှည်တဲ့အခြားနတ်ဘုရားတွေနဲ့ မယှဉ်နိုင်ပါဘူး။

ဒါပေမယ့် လီဖူချန်းက ကမ္ဘာဆွဲအားနတ်ဘုရားကြယ်ကို အထင်မသေးရဲပါဘူး။

ကမ္ဘာဆွဲအားနတ်ဘုရားကြယ်က မဟာနတ်ဘုရားကြယ်တစ်ခုပျက်ဆီးရာမှဖြစ်ပေါ်လာတယ်လို့ ပြောကြတယ်။ ၎င်းမှာ သန်မာတဲ့ကမ္ဘာဆွဲအားပါဝင်တယ်။ ကျင့်ကြံခြင်းအဆင့်က အဆင့်မြင့်စိတ်ဝိညာဉ်နတ်ဘုရားနယ်ပယ်မှာ မရှိရင် သေဖို့လာတာနဲ့ အတူတူပဲ။ ကမ္ဘာဆွဲအားကြောင့် ဖုန်မှုန့်အဖြစ် ချက်ချင်းကြေမွသွားရလိမ့်မယ်။

"ဘယ်လိုတောင်သန်မာတဲ့ကမ္ဘာဆွဲအားလဲ"

သူက ကမ္ဘာဆွဲအားနတ်ဘုရားကြယ်ပေါ် တက်လျှင်ချင်း ခရမ်းရောင်တိမ်နတ်ဘုရားကမ္ဘာရဲ့ကမ္ဘာဆွဲအားထက် အဆတစ်သောင်းပိုသန်မာတဲ့အကြွင်းမဲ့ကမ္ဘာဆွဲအားဖိအားတစ်ခုကို လီဖူချန်းက ချက်ချင်း ခံစားမိတယ်။

ဒါပေမယ့် လီဖူချန်းရဲ့ဓားတာအိုစိတ်ဝိညာဉ်နတ်ဘုရားစွမ်းအားခွန်အားက ဒသမအဆင့်မှာရှိတယ်၊ ဒီကမ္ဘာဆွဲအားက သူ့ကို အနည်းငယ်ဖိနှိပ်ပေမယ့် သက်သောင့်သက်သာမရှိတာတော့မဖြစ်ပါဘူး။

ကမ္ဘာဆွဲအားနတ်ဘုရားကြယ်ပေါ်ကိုတက်တဲ့အခြားအဆင့်မြင့်စိတ်ဝိညာဉ်နတ်ဘုရားတွေနဲ့မတူပါဘူး၊ သူတို့က ချွေးဒီးဒီးကျနေပြီး သူတို့ရဲ့အမူအရာက စိတ်မချမ်း‌မြေ့စရာပါပဲ။

သူ့ရဲ့စိတ်ဝိညာဥ်နတ်ဘုရားစွမ်းအားက်ို လေ့ကျင်ဖို့ လီဖူချန်းက အခြားအဆင့်မြင့်စိတ်ဝိညာဉ်နတ်ဘုရားတွေလို ကမ္ဘာဆွဲအားနတ်ဘုရားကြယ်ပေါ်မှာ မနေဘဲ ကမ္ဘာဆွဲအားမျှော်စင်သို့ လျှောက်သွားခဲ့တယ်။

ကမ္ဘာဆွဲအားမျှော်စင်က ကမ္ဘာဆွဲအားနတ်ဘုရားကြယ်ထဲမှာ မြှုပ်ထားပြီး အပြင်ဘက်မှာ ပြသာဒ်တစ်ခုနဲ့သေးငယ်တဲ့တံခါးတစ်ချပ်သာ ချန်ထားခဲ့တယ်။

ဓားရေကန်‌နေရာလပ်ထဲရှိဓားမျှော်စင်နဲ့အ‌တော်ကလေးတူတယ်။

သူက ကမ္ဘာဆွဲအားမျှော်စင်ရဲ့ပထမအထပ်ကို ဝင်ရောက်ခဲ့လျှင်ချင်း ကမ္ဘာဆွဲအားနှစ်ဆကို ခံစားမိတယ်။

ဒုတိယအထပ်၊ ကမ္ဘာဆွဲအားက ပထမအထပ်ရဲ့နှစ်ဆရှိတယ်။

ဒသမအထပ်မှာ ကမ္ဘာဆွဲအားက အပြင်ကမ္ဘာရဲ့အဆတစ်ထောင်ရှိတယ်။

သူ့အရိုးတွေက အက်ကွဲသံတစ်ခုဖြစ်ပေါ်နေသလို လီဖူချန်းက ခံစားရတယ်။

သူ့ခန္ဓာကိုယ်ထဲရှိဓားတာအိုစိတ်ဝိညာဉ်နတ်ဘုရားစွမ်းအားက အလိုအလျောက်လှည့်ပတ်နေပြီး ခန္ဓာကိုယ်မျက်နှာပြင်ပေါ်မှာ ပျံ့နှံ့နေတယ်။

၁၁ထပ်၊ ၁၂ထပ်၊ ၁၃ထပ်၊ ၁၄ထပ်၊ ၁၅ထပ်။

ဒီနေရာရှိကမ္ဘာဆွဲအားက အပြင်ကမ္ဘာရဲ့အဆသုံးသောင်းရှိတယ်။

ဒီအချိန်မှာ မသန့်စင်မှုတွေက ဓားတာအိုစိတ်ဝိညာဉ်နတ်ဘုရားစွမ်းအားမှ စတင်စိမ့်ထွက်လာတယ်။

ပုံမှန်အားဖြင့် ဒီမသန့်စင်မှုတွေကို ဓားတာအိုစိတ်ဝိညာဉ်နတ်ဘုရားစွမ်းအားမှ ခွဲခြားလို့မရပါဘူး။

၁၄.၉ဘီလီယံ၊ ၁၄.၈ဘီလီယံ။

လီဖူချန်းရဲ့ဓားတာအိုစိတ်ဝိညာဉ်နတ်ဘုရားစွမ်းအားအညွှန်းကိန်းက လျော့ကျလာတယ်။

သူ့ရဲ့ဓားတာအိုစိတ်ဝိညာဉ်နတ်ဘုရားစွမ်းအားက တိုးလာတယ်လို့ ဆိုလိုတယ်။

ဓားတာအိုစိတ်ဝိညာဉ်နတ်ဘုရားစွမ်းအားအညွန်းကိန်းက ၁၄ဘီလီယံအထိ လျော့ကျလာတဲ့အခါ သက်ရောက်မှုက စတင်လျော့ကျလာတယ်။

ကမ္ဘာဆွဲအားကို ခံနိုင်ရည်ရှိသွားတာကြောင့် လီဖူချန်းက ၁၆ထပ်မြောက်သို့ ရောက်ရှိသွားခဲ့တယ်။

၁၆ထပ် မြောက်ရဲ့ကမ္ဘာဆွဲအားက အပြင်ကမ္ဘာထက် အဆခြောက်သောင်းပိုလာတယ်။ သူ့ခန္ဓာကိုယ်က ဖိအားကို မရင်ဆိုင်နိုင်တော့ဘဲ အချိန်မရွေးပျက်ဆီးသွားနိုင်တယ်လို့ လီဖူချန်းက ခံစားမိတယ်။

တစ်ဖက်မှာ ဓားတာအိုစိတ်ဝိညာဉ်နတ်ဘုရားစွမ်းအားက ကြောက်စရာကောင်းတဲ့ကမ္ဘာဆွဲအားကို တန်ပြန်ဖို့ ပိုလျင်မြန်စွာလှည့်ပတ်လာတယ်။

၁၆ထပ်မြောက်ကို ရနိုင်တဲ့သူတွေက အနည်းဆုံးအလယ်ဆင့်ဆန်းကြယ်နတ်ဘုရားအဆင့်ရှိတယ်ဆိုတာ လီဖူချန်းက မသိဘူး၊ အဆင့်နိမ့်ဆန်းကြယ်နတ်ဘုရားတွေက ဒီနေရာကို လာတဲ့အခါ အကြာကြီးမခံနိုင်ပါဘူး။

၁၃ဘီလီယံ။

၁၂ဘိလီယံ။

ဓားတာအိုစိတ်ဝိညာဉ်နတ်ဘုရားစွမ်းအားအညွှန်းကိန်းက လျော့ကျလာတယ်။

ဓားတာအိုစိတ်ဝိညာဉ်နတ်ဘုရားစွမ်းအားအညွှန်းကိန်းက တစ်ဆယ်ဘီလီယံထိ လျော့ကျသွားတဲ့အခါ လီဖူချန်းရဲ့ဓားတာအိုစိတ်ဝိညာဉ်နတ်ဘုရားစွမ်းအားက အဆင့်၁၁ကို ချိုးဖြတ်ခဲ့တယ်။

ခန္ဓာကိုယ်က ရုတ်တရက်လင်းလက်သွားပြီး လီဖူချန်းက ၁၇ထပ်မြောက်သို့ လျှောက်သွားခဲ့တယ်။

၁၇ထပ်မြောက်ရဲ့ကမ္ဘာဆွဲအားက အပြင်ကမ္ဘာထက် အဆတစ်သိန်းပိုတယ်။

ဒါပေမယ့် လီဖူချန်းက ဖိအားအများကြီးမခံစားရပါဘူး။

၁၈ထပ်မြောက်ကို ရောက်တော့မှ လီဖူချန်းက ကြောက်စရာကောင်းတဲ့ကမ္ဘာဆွဲအားကို ထပ်မံခံစားခဲ့ရတယ်။

ဒီနေရာကို အားကောင်းအလယ်ဆင့်ဆန်းကြယ်နတ်ဘုရားတွေနဲ့အဆင့်မြင့်ဆန်းကြယ်နတ်ဘုရားတွေကပဲ လာရဲတယ်ဆိုတာ လီဖူချန်းက မသိပါဘူး။

"ဒီလူက ဘယ်သူလဲ၊ ၁၈ထပ်မြောက်ကို တကယ်လာရဲတာပဲ "

ဆယ့်ရှစ်ထပ်မှာ လူအများကြီးမရှိပါဘူး၊ ဒါဇင်အနည်းငယ်သာ ရှိတယ်။

သူတို့အများစုက အလယ်ဆင့်ဆန်းကြယ်နတ်ဘုရားတွေပါပဲ။

ဆန်းကြယ်နတ်ဘုရားတွေရဲ့ဆန်းကြယ်နတ်ဘုရားစွမ်းအားခွန်အားက အဆင့်နဲ့ ဆက်စပ်နေရုံသာမက ပေါင်းစည်းထားတဲ့ဆန်းကြယ်နတ်ဘုရားအတတ်ပမာဏနဲ့လဲ ဆက်စပ်တယ်။

ဆန်းကြယ်နတ်ဘုရားအတတ်တွေကို ပိုပေါင်းစည်းထားလေလေ၊ ဆန်းကြယ်နတ်ဘုရားစွမ်းအားက ပိုသန်မာလေပါပဲ။

၁၈ထပ်မြောက်ကို လာနိုင်ဖို့ဆိုရင် အနည်းဆုံးဆန်းကြယ်နတ်ဘုရားအတတ်ဆယ်ခုကို ပေါင်းစည်းထားရမယ်။

လျန့်ခွင်းက ဒီနေရာကို လာရင် ဒီနေရာရဲ့ကမ္ဘာဆွဲအားကြောင့် တစ်စစီဖြစ်သွားလိမ့်မယ်။

အခြားစကားဖြင့်ဆိုရရင် နတ်ဘုရားစွမ်းအားတစ်ခုနဲ့တင် လီဖူချန်းက လျန့်ခွင်းကို ကျော်ဖြတ်သွားပြီ။

၁၉ထပ်မြောက်မှာ ဒီနေရာက အဆင့်မြင့်ဆန်းကြယ်နတ်ဘုရားတွေနဲ့ ပြည့်နေတယ်၊ အလယ်ဆင့်ဆန်းကြယ်နတ်ဘုရားတွေ အလွန်နည်းနည်းသာရှိတယ်။

အဆင့်မြင့်ဆန်းကြယ်နတ်ဘုရားတွေ ဒီနေရာကို လာတာ မဆန်းပေမယ့် အလယ်ဆင့်ဆန်းကြယ်နတ်ဘုရားတွေ ဒီနေရာကို လာတယ်ဆိုတော့ သူတို့က သန်မာသူတွေကြားမှအသန်မာဆုံးပါပဲ။

အုန်း အုန်း အုန်း.....

လီဖူချန်းရဲ့ခန္ဓာကိုယ်က သွေးမြူတွေ ပေါက်ကွဲထွက်သွားတယ်၊ စိတ်ဝိညာဉ်နတ်ဘုရားစွမ်းအားအဆင့်၁၁က ၁၈ထပ်မြောက်ရဲ့ကမ္ဘာဆွဲအားကို မရင်ဆိုင်နိုင်ပါဘူး။

ဓားတာအိုစိတ်ဝိညာဉ်နတ်ဘုရားစွမ်းအားက လျင်မြန်စွာ ကုန်ဆုံးသွားတယ်။

"ထာဝရတည်မြဲခြင်းဓားချီ"

သူ့ခန္ဓာကိုယ်ပေါ်ရှိဖိအားကို ပျောက်ကွယ်စေဖို့ လီဖူချန်းက ဓားချီအဖြစ် လွင့်ပါးသွားတယ်။

ဒါပေမယ့် ဒိီနည်းလမ်းအတိုင်းနဲ့ပဲ ဓားတာအိုစိတ်ဝိညာဉ်နတ်ဘုရားစွမ်းအားကုန်ဆုံးမှုက ပိုမြန်လာတယ်။

"မူလအဆုံးစွန်းဓားခန္ဓာကိုယ်"

ဓားတာအိုဥပဒေသနယ်ပယ်က အဆင့်မြင့်ဆန်းကြယ်နတ်ဘုရားနယ်ပယ်ကို ရောက်ရှိပြီးနောက် လီဖူချန်းက အခြားအဆင့်နိမ့်ဆန်းကြယ်နတ်ဘုရားအတတ်များစွာကို ဖန်တီးခဲ့ပြီး မူလအဆုံးစွန်းဓားခန္ဓာကိုယ်က သူတို့ထဲကတစ်ခုဖြစ်တယ်။

ထာဝရတည်မြဲခြင်းဓားချီက အမတခန္ဓာကိုယ်အမျိုးအစားဆိုရင် မူလအဆုံးစွန်းဓားခန္ဓာကိုယ်က ခံစစ်အမျိုးအစားဖြစ်တယ်။

ဖြောက် ဖြောက် ဖြောက်.....

မည်သို့ပင်ဆိုစေကာမူ အက်ရာတွေက မူလအဆုံးစွန်းဓားခန္ဓာကိုယ်ပေါ်မှာ ထွက်ပေါ်လာတယ်။

အချိန်မရွေးပျက်ဆီးသွားမယ့်ပုံပဲ။

လီဖူချန်းက အများကြီးဂရုမစိုက်ပါဘူး၊ အက်ရာတွေကို ပြုပြင်ဖို့ ဓားတာအိုစိတ်ဝိညာဉ်နတ်ဘုရားစွမ်းအားကို အရူးအမူးပြန်ဖြည့်လိုက်တယ်။

"ဒီလူက ဘယ်သူလဲ၊ သူ့ခွန်အားက အရမ်းသန်မာတာပဲ" လီဖူချန်းက သူ့ရဲ့စိတ်ဝိညာဉ်ပါရမီကို သုံးပြီး သူ့ရဲ့ကျင့်ကြံခြင်းအဆင့်ကို ဖုံးကွယ်ခဲ့တာကြောင့် တစ်ယောက်မှ သူ့ရဲ့ကျင့်ကြံခြင်းအဆင့်ကို မမြင်နိုင်ပါဘူး။ သူက ထိပ်တန်းအလယ်ဆင့်ဆန်းကြယ်နတ်ဘုရားတစ်ယောက်လို့ပဲ လူတိုင်းက ထင်ထားခဲ့တယ်။

အကြောင်းကတော့ ၁၉ထပ်မြောက်ကိုလာနိုင်တဲ့အလယ်ဆင့်ဆန်းကြယ်နတ်ဘုရားတွေက အနည်းဆုံးအဆင့်နိမ့်ဆန်းကြယ်နတ်ဘုရားအတတ်ဒါဇင်ကို ပေါင်းစည်းထားကြတယ်လေ။ သူတို့က အလယ်ဆင့်ဆန်းကြယ်နတ်ဘုရားအတတ်တစ်ခုဒါမှမဟုတ်နှစ်ခုဒါမှမဟုတ်သုံးခုကိုတောင် ပေါင်းစည်းထားနိုင်တယ်။

ဓားတာအိုစိတ်ဝိညာဉ်နတ်ဘုရားစွမ်းအားအညွှန်းကိန်းရှစ်ဘီလီယံ၊ ခုနှစ်ဘီလီယံ၊ ခြောက်ဘီလီယံ။

မူလအဆုံးစွန်းဓားခန္ဓာကိုယ်ကို ဖော်ထုတ်တာက အသုံးဝင်ပါသေးတယ်၊ လီဖူချန်းရဲ့ဓားတာအိုစိတ်ဝိညာဉ်နတ်ဘုရားစွမ်းအားအညွှန်းကိန်းက ထပ်မံလျော့ကျလာတယ်။

ဓားတာအိုစိတ်ဝိညာဉ်နတ်ဘုရားစွမ်းအားအညွှန်းကိန်းက ငါးဘီလီယံ။

အုန်း.....

လီဖူချန်းရဲ့ဓားတာအိုစိတ်ဝိညာဉ်နတ်ဘုရားစွမ်းအားခွန်အားက ထပ်တိုးတက်သွားပြီး အဆင့်၁၂ကို ရောက်ရှိလာတယ်။

မူလကကြောက်စရာကောင်းနေတဲ့ကမ္ဘာဆွဲအားက သူ့ကို ဖိအားမပေးနိုင်တော့ပါဘူး။

အလယ်ဆင့်နတ်ဘုရားကျောက်တုံးကြီးမားတဲ့ပမာဏတစ်ခုကို ယူထုတ်ပြီး လီဖူချန်းက သူ့ရဲ့ဓားတာအိုစိတ်ဝိညာဉ်နတ်ဘုရားစွမ်းအားကို စတင်ဖြည့်ခဲ့တယ်။

ခြောက်ဘီလီယံ၊ ခုနှစ်ဘီလီယံ၊ ရှစ်ဘီလီယံ။

နေ့တစ်ဝက်ကြာပြီးနောက် လီဖူချန်းရဲ့ဓားတာအိုစိတ်ဝိညာဉ်နတ်ဘုရားစွမ်းအားအညွှန်းကိန်းက ဆယ့်ငါးဘီလီယံကို ထပ်ရောက်ရှိလာတယ်။

ဒါက မပြီးသေးပါဘူး၊ ဓားတာအိုစိတ်ဝိညာဉ်နတ်ဘုရားစွမ်းအားအညွှန်းကိန်းက  ဆက်တိုးလာတယ်။

၁၈ဘီလီယံ။

၂၀ဘီလီယံ။

၂၅ဘီလီယံ

သုံးဆယ်ဘီလီယံ။

သုံးဆယ်လီလီယံရောက်မှ ရပ်တန့်ခဲ့တယ်။

ဒါက အလွန်အမင်းကြောက်စရာကောင်းတဲ့အရေအတွက်တစ်ခုပဲ။ အသစ်ဖြစ်လာတဲ့အဆင့်နိမ့်ဆန်းကြယ်နတ်ဘုရားရဲ့ဆန်းကြယ်နတ်ဘုရားစွမ်းအားအညွှန်းကိန်းက ၅ဘီလီယံမှ စတင်ပြီး လီဖူချန်းက သူတို့ထက် ငါးဆပိုမြင့်တယ်။

နတ်ဘုရားစွမ်းအားအညွှန်းကိန်းနှစ်ဆဆိုရင် ခွန်အားဆယ်ဆ၊ ငါးဆဆိုရင် ခွန်အားအဆငါးဆယ်။

ဒါက နတ်ဘုရားစွမ်းအားအညွှန်းကိန်းသာရှိသေးတယ်။ နတ်ဘုရားစွမ်းအားခွန်အားပါပေါင်းစပ်လိုက်ရင် လီဖူချန်းရဲ့နတ်ဘုရားစွမ်းအားက အသစ်ဖြစ်လာတဲ့အဆင့်နိမ့်ဆန်းကြယ်နတ်ဘုရားရဲ့အဆတစ်ထောင်အနည်းဆုံးရှိတယ်။ အဆတစ်သောင်းတောင် ဖြစ်နိုင်တယ်။

လက်ရှိလီဖူချန်းက ချီတည်ရှိမှုတစ်ခုနဲ့တင် အသစ်ဖြစ်ကာစအဆင့်နိမ့်ဆန်းကြယ်နတ်ဘုရားတယောက်ကို‌ ‌သေစေနိုင်ပြီး နတ်ဘုရားစွမ်းအားတုန်ခါမှုက အဆင့်နိမ့်ဆန်းကြယ်နတ်ဘုရားကိုးဆယ့်ကိုးရာခိုင်နှုန်းကို သေစေနိုင်တယ်လို့ပြောရင် မလွန်ပါဘူး။

အခြားစကားဖြင့်ဆိုရရင် သူ့မျက်လုံးတွေထဲမှာ အဆင့်နိမ့်ဆန်းကြယ်နတ်ဘုရားတွေက ပုရွက်ဆိတ်တစ်ယောက်နဲ့ မခြားပါဘူး။

သူ့ရဲ့လက်ရှိခွန်အားအရ လျန့်ခွင်းကို သတ်ဖို့ သာမန်ဓားတစ်ချက်ပဲ လိုတယ်။

လီဖူချန်းက တိတ်တဆိတ်ခန့်မှန်းခဲ့တယ်။

၂၀ထပ်မြောက်။

ဒိီနေရာမှာ အလယ်ဆင့်ဆန်းကြယ်နတ်ဘုရားတွေတစ်ယောက်မှမရှိပါဘူး၊ သူတို့အားလုံးက အဆင့်မြင့်ဆန်းကြယ်နတ်ဘုရားတွေပါပဲ။

၂၁ထပ်မြောက်မှာ အလွန်နည်းနည်းပဲရှိတယ်။

၂၂ထပ်မြောက်မှာ တစ်‌‌ယောက်သာ ရှိတယ်။

အနီရောင်ဆံပင်နဲ့အဆင့်မြင့်ဆန်းကြယ်နတ်ဘုရားတစ်ယောက်။

အနီရောင်ဆံပင်နဲ့အဆင့်မြင့်ဆန်းကြယ်နတ်ဘုရားက လီဖူချန်းကို မြင်ပြီး ကွဲအက်သောအသံနဲ့ ပြောလိုက်တယ်"ဒီနေရာကိုလာနိုင်တယ်ဆိုတော့ မင်းက ပထမတန်းစားအဆင့်မြင့်ဆန်းကြယ်နတ်ဘုရားတစ်ယောက်လို့ ဆိုလိုတယ်၊ မင်းက ရှေ့ဆက်သွားရင် အဲဒါက မင်း ခြေချနိုင်တဲ့နေရာတစ်ခုမဟုတ်ဘူး၊ ဆန်းကြယ်နတ်ဘုရားဆရာသခင်တွေကပဲ ထိုနေရာကို သွားနိုင်တာ"

အဆင့်မြင့်စိတ်ဝိညာဉ်နတ်ဘုရားတွေလိုပဲ အဆင့်မြင့်ဆန်းကြယ်နတ်ဘုရားတွေကို သာမန်၊ ဒုတိယတန်းစား၊ ပထမတန်းစားနဲ့ ဆန်းကြယ်နတ်ဘုရားဆရာသခင်ဆိုပြီး ခွဲခြားထားတယ်။

ဒါပေမယ့် ဆန်းကြယ်နတ်ဘုရားဆရာသခင်တွေကိုလဲ သာမန်၊ အလယ်ဆင့်၊ အားကောင်းနဲ့ ဆန်းကြယ်နတ်ဘုရားဆရာသခင်စာရင်းဆိုပြီး ခွဲခြားထားတယ်။

"ဟုတ်လား၊ ငါ ဒီနေရာကို တစ်ချက်ကြည့်ဖို့ပဲ လာတာ"

အရိုးသားဆုံးပြောရရင် လီဖူချန်းမှာ ခက်ခဲတဲ့အချိန်တစ်ခုရှိနေပါပြီ။ ကမ္ဘာဆွဲအားနတ်ဘုရားကြယ်ပေါ်မှာ သူ့ရဲ့စိတ်ဝိညာဉ်နတ်ဘုရားစွမ်းအားက ဆက်မတိုးတက်နိုင်တော့ဘူးလို့ သူက ကြိုတင်သိနေတယ်။ ဒါက ဒီနေရာရဲ့ကမ္ဘာဆွဲအားက မလုံလောက်လို့မဟုတ်ဘူး၊ သူ့ရဲ့စိတ်ဝိညာဉ်နတ်ဘုရားစွမ်းအားက ကမ္ဘာဆွဲအားဖိအားနဲ့ ဆက်မလေ့ကျင့်နိုင်တော့လို့ပဲ။

သူက ဆက်လက်တိုးတက်ချင်ရင် နောက်ထပ်နည်းလမ်းတစ်ခုကို ရှာရပါမယ်။

ထင်ထားသလိုပဲ၊ ၂၀ထပ်မြောက်မှာ အချိန်အကြာကြိး‌နေပြီးနောက် လီဖူချန်းရဲ့ဓားတာအိုစိတ်ဝိညာဉ်နတ်ဘုရားစွမ်းအားက လုံးဝမတိုးတက်ခဲ့ပါဘူး။

"အခုက ထွက်သွားဖို့အချိန်ပဲ၊ နောက်ပစ်မှတ်က ကောင်းကင်ဘုံဓားကြယ်ပဲ"

ကမ္ဘာဆွဲအားနတ်ဘုရားကြယ်က လီဖူချန်းရဲ့ပထမဆုံးပစ်မှတ်ဖြစ်ပြီး ကောင်းကင်ဘုံဓားကြယ်က ဒုတိယပစ်မှတ်ဖြစ်တယ်။

ကောင်းကင်ဘုံဓားကြယ်က ဓားနတ်ဘုရားတွေလေ့ကျင်ဖို့အတွက် မြင့်မြတ်တဲ့နေရာတစ်ခုဖြစ်တယ်။

ဒါပေမယ့် ကောင်းကင်ဘုံဓားကြယ်ကို သွားနိုင်တဲ့သူတွေက အနိမ့်ဆုံးဓားတာအိုဆန်းကြယ်နတ်ဘုရားတွေပဲ။ ဓားတာအိုဆန်းကြယ်နတ်ဘုရားအောက်သူတွေက သွားရင် ချွင်းချက်မရှိ သေရလိမ့်မယ်။

ကောင်းကင်ဘုံဓားကြယ်က အရမ်းဝေးတယ်၊ လီဖူချနိးက အဆင့်မြင့်ဆန်းကြယ်နတ်ဘုရားအသုံးအဆောင်ပစ္စည်းအာကာသယာဉ်ကို ထုတ်ကာ စတင်ခရီးနှင်ခဲ့တယ်။

"စပ်ကြောင်းမဲ့ခုတ်ချက်၊ ထာဝရတည်မြဲခြင်းဓားချီ၊ မူလအဆုံးစွန်းဓားခန္ဓာကိုယ်၊ ဓားလှည့်ပတ်ခြင်း၊ ဓားသင်္ဂြိုလ်ခြင်း၊ ပျံသန်းနဂါးခုတ်ချက်၊ လှိုင်းဂယက်ခုတ်ချက်၊ အားလုံးက အလယ်ဆင့်ဆန်းကြယ်နတ်ဘုရားအဆင့်ကို ရောက်ရှိထားတယ်။ လက်ရှိမှာ လိုဏ်ဂူတစ်ရာဓားပိုင်နက်ပဲကျန်တော့တယ်"

ကောင်းကင်ဘုံဓားကြယ်က အလွန်ဝေးတာကြောင့် လီဖူချန်းက ဓားတာအိုနတ်ဘုရားအတတ်‌တွေကို လေ့ကျင့်နေတယ်။

လိုဏ်ဂူတစ်ရာဓားပိုင်နက်က ဓားတာအိုပိုင်နက်ဆန်းကြယ်နတ်ဘုရားအတတ်တစ်ခုဖြစ်တာကြောင့် တိုးတက်ဖို့ အလွန်ခက်တယ်။

လိုဏ်ဂူတစ်ရာဓားပိုင်နက်က အလယ်ဆင့်ဆန်းကြယ်နတ်ဘုရားအတတ်အဖြစ် အဆင့်မြှင့်တင်နိုင်ခဲ့ရင် လီဖူချန်းက တကယ်ကို ပြိုင်ဘက်ကင်းဖြစ်လာလိမ့်မယ်၊ သူ့ပြိုင်ဘက်ဖြစ်နိုင်တဲ့အဆင့်မြင့်ဆန်းကြယ်နတ်ဘုရားတွေက အများကြီးမရှိတော့ပါဘူး။

တကယ်တော့ အလွန်နည်းပါးတဲ့အဆင့်မြင့်ဆန်းကြယ်နတ်ဘုရားတွေကပဲ အလယ်ဆင့်ဓားတာအိုပိုင်နက်ဆန်းကြယ်နတ်ဘုရားအတတ်တွေကို ဖန်တီးနိုင်တာလေ။

မသိလိုက်မသိဘာသာနဲ့ လီဖူချန်းက ကောင်းကင်ဘုံဓားကြယ်ကို ရောက်ရှိလာတယ်။

ကောင်းကင်ဘုံဓားကြယ်က အရမ်းမကြီးပါဘူး၊ အရွယ်အစားအားဖြင့် မိုင်ဆယ်သန်းသာ ရှိတယ်။ အရောင်အားဖြင့် ငွေဖြူရောင်ရှိပြီး ၎င်းကို ငွေဖြူရောင်သတ္တုနဲ့ ထုလုပ်ထားသလိုပါပဲ။

ကောင်းကင်ဘုံဓားကြယ်ပေါ်မှာ ဓားတာအိုဆန်းကြယ်နတ်ဘုရားများစွာက ဝင်လိုက်ထွက်လိုက်ဖြစ်နေတယ်။ အဆင့်နိမ့်ဓားတာအိုဆန်းကြယ်နတ်ဘုရားတွေ၊ အလယ်ဆင့်ဓားတာအိုဆန်းကြယ်နတ်ဘုရားတွေနဲ့ အဆင့်မြင့်ဓားတာအိုဆန်းကြယ်နတ်ဘုရားတွေရှိတယ်။

ရံဖန်ရံခါမှာ အဆင့်နိမ့်ဓားတာအိုပိုင်နက်နတ်ဘုရားတွေကို မြင်နိုင်တယ်။

ဓားတာအိုစိတ်ဝိညာဉ်နတ်ဘုရားတွေကတော့ တစ်‌ယောက်တစ်လေတောင်မရှိပါဘူး။

ကောင်းကင်ဘုံဓားကြယ်က ငြိမ်းချမ်းတဲ့နေရာတစ်ခုမဟုတ်ဘူးလို့ ခံစားရတယ်။ သူက ကောင်းကင်ဘုံဓားကြယ်ကို ချဉ်းကပ်လာလျှင်ချင်း အဆုံးမဲ့ဓားချီတွေက တိုက်ခိုက်နေတာကို ခံစားမိတယ်။ ဒီဓားချီမှာ အကန်အသတ်မရှိကြီးကျယ်ခမ်းနားတဲ့ဓားတာအိုဥပဒေသပါဝင်တယ်။ ကောင်းကင်ဘုံဓားကြယ်တစ်ခုလုံးက ဓားနတ်ဘုရားတစ်ယောက်ဖြစ်ပြီး ထိုဓားနတ်ဘုရားက သူ့ရဲ့ကိုယ်ပိုင်ချီတည်တည်ရှ်ိမှုကို အလိုအလျောက် ထုတ်လွှတ်နေသလို ခံစားရစေတယ်။

ချီတည်ရှိမှုရဲ့ဖိနှိပ်မှုကိုမတောင့်ခံနိုင်တဲ့သူတွေကို ဓားချီက ဇကာပေါက်တစ်ခုအဖြစ် တိုက်ရိုက်ထိုးဖောက်သွားပါလိမ့်မယ်။

လီဖူချန်းက သာမန်ဓားတာအိုစိတ်ဝိညာဉ်နတ်ဘုရားတစ်ယောက်မဟုတ်ပါဘူး၊ ဒါကြောင့် ဓားချီတစ်ခုက သူ့အတွက် မိုးဖွဲဖွဲလေးလိုပါပဲ။

ဒါပေမယ့် သူက ကောင်းကင်ဘုံဓားကြယ်ကို ချဉ်းကပ်လာတာကြောင့် ဒီနေရာရဲ့ဓားချီက ပိုတောင်ကြမ်းတမ်းပြီးပြင်းထန်တယ်ဆိုတာ လီဖူချန်းက ခံစားနိုင်တယ်။

ဓားတာအိုဆန်းကြယ်နတ်ဘုရားများစွာက သွေးတွေနဲ့  ရွှဲရွှဲစိုနေပြီး သနားစရာကောင်းလှတယ်။

မြေပြင်ပေါ်ကို ဆင်းသက်ပြီးနောက် လီဖူချန်းက နေရာလွတ်တစ်ခုကို ရွေးချယ်လိုက်တယ်၊ ထို့နောက် သူက တင်ပျဉ်ခွေထိုင်ပြီး ဓားချီကို တွေ့ကြုံခံစားဖို့ အကောင်းဆုံးကြိုးစားခဲ့တယ်။

"ဓားချီကို သုံးပြီး ဓားတာအိုစိတ်ဝိညာဉ်နတ်ဘုရားစွမ်းအားကို လေ့ကျင့်တာ တကယ်ကို နည်းလမ်းကောင်းတစ်ခုပဲ"

အချိန်အတော်ကြာပြီးနောက် လီဖူချန်းက သူ့မျက်လုံးတွေ ဖွင့်ကာ ကျေနပ်မှုအရိပ်အယောင်ကို ထုတ်ဖော်ပြလိုက်တယ်။

***