ကြောက်စရာကောင်းတဲ့တိုးတက်မှု

ဆန်းကြယ်နတ်ဘုရားဆရာသခင်တွေကလွဲပြီး တစ်ယောက်ယောက် သူ့ကို အခုလို မပြောတာ တော်တော်ကြာပြီ။

အရူးဆန်းကြယ်နတ်ဘုရားဆရာသခင်က ဘာတစ်ခုမှမပြောဘဲ ကြောက်စရာကောင်းတဲ့ချီတည်ရှိမှုတစ်ခုကို လီဖူချန်းထံ ထုတ်လွှတ်လိုက်တယ်။

ဒီချီတည်ရှိမှုကို ခံစားမိပြီး လူတိုင်းရဲ့အမူအရာက ပြောင်းသွားတယ်။

ဓားတာအိုဆန်းကြယ်နတ်ဘုရားဆရာသခင်က ဓားတာအိုဆန်းကြယ်နတ်ဘုရားဆရာသခင်ပါပဲ။ ချီတည်ရှိမှုပေါက်ကွဲမှုမျှနဲ့တင် လူတွေကို စွမ်းအားမဲ့တယ်လို့ ခံစားရစေဖို့ လုံလောက်တယ်။

ဒီချီတည်ရှိမှုက သူတို့ကို မရည်ရွယ်ပေမယ့် သူတို့တစ်‌ယောက်ချင်းစီက အရေပြားနာကျင်မှု၊ သက်သောင့်သက်သာမရှိမှုတို့ကို ခံစားရတယ်၊ သူတို့ရဲ့ခန္ဓာကိုယ်ကို ဓားတစ်လက်နဲ့ ဖိနှိပ်နေသလိုပါပဲ။

"ဒါက ဓားတာအိုဆန်းကြယ်နတ်ဘုရားဆရာသခင်လား"

လူအုပ်ကြီးက ထိတ်လန့်တုန်လှုပ်သွားတယ်။

ဓားတာအိုဆန်းကြယ်နတ်ဘုရားဆရာသခင်က မလှုပ်ရှားပေမယ့် လှုပ်ရှားမှူတစ်ခုပြုလိုက်တာနဲ့ ကမ္ဘာကို တုန်လှုပ်စေလိမ့်မယ်။

လီဖူချန်းက ဒုက္ခဖြစ်တော့မှာပဲ။

အုန်း.....

ဟင်းလင်းပြင်ထဲမှာ ဆူညံသံတစ်ခုထွက်ပေါ်လာပြီး အရူးဓားဆန်းကြယ်နတ်ဘုရားဆရာသခင်ရဲ့ချီတည်ရှိမှုက ပေါက်ကွဲထွက်သွားတယ်။ ပေါက်ကွဲထွက်ရတဲ့အကြောင်းရင်းကတော့ လီဖူချန်းကလဲ ချီတည်ရှ်ိမှုကို ပေါက်ကွဲ‌ထွက်စေလိုက်လို့ပဲ။ ဒီချီတည်ရှိမှုက မတားဆီးနိုင်ဖြစ်တယ်။ ဒီချီတည်ရှိမှုက အလွန်အမင်းသိပ်သည်းကာ အလွန်အမင်းစူးရှတယ်။

"သူ တကယ်ပဲ အရူးဓားဆန်းကြယ်နတ်ဘုရားဆရာသခင်ရဲ့ချီတည်ရှိမှုကို ချိုးဖြတ်ခဲ့တာပဲ"

လူအုပ်ကြီးက အံ့အားသင့်သွားတယ်။

"သူက ငါ့ကို ဒီလို ပြောရဲတာ အံ့ဩစရာမရှိဘူးပဲ၊ သူ့ရဲ့ချီတည်ရှိမှုက အထင်ကြီးလောက်စရာပဲ" အရူးဓားဆန်းကြယ်နတ်ဘုရားဆရာသခင်က အနည်းငယ်အံ့အားသင့်သွားတယ်။

ဒါပေမယ့် ဒါက အံ့အားသင့်မှုမျှပဲ။

လူတစ်ယောက်ရဲ့ခွန်အားကို ချီတည်ရှိမှုမျှနဲ့ ထင်ဟပ်ပြလို့မရပါဘူး။

ဒါ့ပြင် တစ်ဖက်လူရဲ့ချီတည်ရှိမှုက သူ့ထက် ပိုမသန်မာပါဘူး။

သူက သူ့ချီတည်ရှိမှုရဲ့အစိတ်အပိုင်းတစ်ခုမျှသာ အသုံးပြုခဲ့ရုံပဲ။

တကယ်တော့ ပထမတန်းစားအဆင့်မြင့်ဓားတာအိုဆန်းကြယ်နတ်ဘုရားတစ်ယောက်ကို ရင်ဆိုင်ဖို့ သူ့ခွန်အားအပြည့်ကို အသုံးပြုဖို့ မလိုပါဘူးလေ။

"လီဖူချန်း၊ ဒါက လေ့ကျင့်ရုံမျှပဲ၊ ငါ့အတွက် ရပ်တည်ပေးဖို့မလိုပါဘူး" ရှင်းလင်းလေဓားနတ်ဘုရားရဲ့အသံက လီဖူချန်းထံ ကူးပြောင်းလာတယ်။

လီဖူချန်းက ပြန်ပြောလိုက်တယ်"သူက ရွေးချယ်ရ‌အောင် ငါတို့က ခွေးတွေ၊ နွားတွေမဟုတ်ဘူး၊ ငါကလဲ အဲဒါကို လက်ခံမှာ မဟုတ်ဘူး"

သူက ဒီနေရာမှာ နေသရွေ့ မဝေးတော့တဲ့တစ်ချိန်ချိန်မှာ သူက ရွေးချယ်မှုခံရမှာပဲ၊ ဒါကြောင့် ပြဿနာကို စောစောဖြေရှင်းတာ ပိုကောင်းပါတယ်လေ။

အရူးဓားဆန်းကြယ်နတ်ဘုရားဆရာသခင်က အလယ်ဆင့်ဓားတာအိုဆန်းကြယ်နတ်ဘုရားဆရာသခင်တစ်ယောက်ဆိုတာတော့ လီဖူချန်းက မသေချာပါဘူး။ တစ်ဖက်လူက သာမန်ဓားတာအိုဆန်းကြယ်နတ်ဘုရားဆရာသခင်တစ်ယောက်ဆိုတာတော့ သူက ငါးဆယ်ရာခိုင်နှုန်း သေချာပါတယ်။

ဟူး.......

ရှင်းလင်းလေဓားနတ်ဘုရားက သက်ပြင်းချလိုက်တယ်။ လီဖူချန်းက ယုံကြည်မှုလွန်ကဲနေသလားဆိုတာတော့ သူ မသိပါဘူး။

"ဒီလီဖူချန်းက တကယ်ကို မလွယ်ဘူးပဲ။ ပထမ က ရှင်းလင်းလေဓားနတ်ဘုရား၊ ဒုတိယက ရွှေရောင်ဖြာထွက်ဓားနတ်ဘုရား၊ အခုက သူက အရူးဓားဆန်းကြယ်နတ်ဘုရားဆရာသခင်နဲ့ ရင်ဆိုင်နေပြန်ပြီ"

တစ်ယောက်က သူ့ရဲ့အမြင်ကို ဖော်ပြလိုက်တယ်။

"ဒီလိုလူတစ်‌ယောက်ကပဲ လျင်မြန်စွာ တိုးတက်လာနိုင်တယ်ထင်တယ်"

လူတွေက ပြောဆိုနေကြတော့တယ်။

ဖက်....ဖက်.....

သူ့ဓားကို မထုတ်ဘဲ အရူးဓားဆန်းကြယ်နတ်ဘုရားဆရာသခင်က လီဖူချန်းဆီ တစ်လှမ်းချင်းလျှောက်လာတယ်။

"မင်းက အရမ်းသတ္တိရှိတာပဲ၊ ဒါပေမယ့် သတ္တိဆိုတာ တန်ဖိုးတစ်ခုနဲ့ လာတာ၊ ဒါပေမယ့် ငါ မင်းကို အခွင့်အရေးတစ်ခုပေးမယ်၊ မင်း ငါ့ရဲ့လေ့ကျင့်ဖော်တစ်နှစ်လုပ်လိုက်" အရူးဓားဆန်းကြယ်နတ်ဘုရားဆရာသခင်က ပြောလိုက်တယ်။

လီဖူချန်းက ပြောလိုက်တယ်"အားနည်းတဲ့သူတွေကပဲ လေ့ကျင့်ဖော်လိုတာ။ မင်းက တစ်ယောက်ယောက်ကို ရှုံးနိမ့်ခဲ့တယ်လို့ ငါ ထင်တယ်"

သူ့ရဲ့အရှိုက်ကို ထိမှန်သွားပုံရတယ်၊ အရူးဓားဆန်းကြယ်နတ်ဘုရားဆရာသခင်က တိုးတိုးလေးပြောလိုက်တယ်"သေချင်နေတာပဲ"

အရူးဓားဆန်းကြယ်နတ်ဘုရားဆရာသခင်ပတ်လည်မှာ ဓားတန်းတွေ ထွက်ပေါ်လာတယ်။ ဓားတန်းတွေက အနက်ရောင်တိမ်ပမာ လီဖူချန်းကို လွှမ်းခြုံသွားတယ်။

ဒင်း ဒင်း.....

လီဖူချန်းက သူ့ဓားကို ဝှေ့ယမ်းလိုက်တယ်၊ မီးပွားတွေ ထွက်လာတယ်။ ဓားအားလုံးကို တားဆီးခဲ့တယ်။

"ဒေါသဓား"

အရူးဓားဆန်းကြယ်နတ်ဘုရားဆရာသခင်က သူ့ဓားကို ဆွဲထုတ်ကာ ဝှေ့ယမ်းလိုက်တယ်။ ကြမ်းတမ်းသောဓားချီတစ်ခုက ကြွေကျနေတဲ့သစ်ရွက်တွေကိုရိုက်ခတ်သွားတဲ့ဆောင်းလေပမာ လီဖူချန်းနဲ့သူ့ပတ်လည်ရှိအရာအားလုံးကို ရိုက်ခတ်လာတယ်။

"ပျံသန်းနဂါးခုတ်ချက်"

ကြောက်စရာကောင်းတဲ့အနက်ရောင်ဓားချီက ဒေါသနဂါးတစ်ကောင်ပမာ အစွယ်ထုတ်ကာ လက်သည်းကို ဝှေ့ယမ်းလိုက်တယ်။ ကြောက်စရာကောင်းတဲ့ချီစွမ်းပကားက အစစ်အမှန်နဂါးတစ်ကောင်ပမာ ကောင်းကင်ကို အရောင်ပြောင်းသွားစေတယ်။

မူလအဆုံးစွန်းခုတ်ချက်နဲ့မူလအဆုံးစွန်းဓားခန္ဓာကိုယ်တို့ကလွဲပြီး လီဖူချန်းဖန်တီးခဲ့တဲ့အလယ်ဆင့််ဓားတာအိုဆန်းကြယ်နတ်ဘုရားအတတ်တွေအားလုံးက ပြီးပြည့်စုံခြင်းအဆင့်ကို ရောက်ရှိထားတယ်။

ပြီးတော့ အရူးဓားဆန်းကြယ်နတ်ဘုရားဆရာသခင်ရဲ့ဒေါသဓားက သာမန်အဆင့်မြင့်ဓားတာအိုဆန်းကြယ်နတ်ဘုရားအတတ်တစ်ခုသာဖြစ်တယ်။

အုန်း.....

ဒေါသဓားချီနဲ့အနက်ရောင်နဂါးဓားချီက တစ်ခုနဲ့တစ်ခု ချေဖျက်သွားတယ်၊ နေရာတစ်ခုလုံးကို တုန်ခါစေတဲ့တုန်ခါမှုလှိုင်းတစ်ခုက ထွက်ပေါ်လာတယ်။

"တားနိုင်ခဲ့တယ်၊ တားနိုင်ခဲ့တာပဲ"

"လီဖူချန်းက အရူးဓားဆန်းကြယ်နတ်ဘုရားဆရာသခင်ရဲ့ဓားချက်ကို တားနိုင်ခဲ့တာပဲ"

"မှင်တက်စရာပဲ၊ သူ့ခွန်အားက ထပ်တိုးတက်လာပြန်ပြီ၊ ဒါ ဘယ်လိုတည်ရှိမှုမျိုးလဲ......"

"သူ ထွက်ပေါ်တာ စောလွန်းတာ စိတ်မကောင်းစရာပဲ။ နည်းနည်းလေးထပ်သည်းခံလိုက်ရင် သူက အရူးဓားဆန်းကြယ်နတ်ဘုရားဆရာသခင်ကို တိုက်ခိုက်နိုင်လောက်ပြီ"

လီဖူချန်းက အရူးဓားဆန်းကြယ်နတ်ဘုရားဆရာသခင်ရဲ့ဓားကို တားဆီးခဲ့ပေမယ့် လူတိုင်းက လီဖူချန်းနဲ့ပတ်သက်ပြီး အရမ်းအကောင်းမမြင်ပါဘူး။

"စိတ်ဝင်စားစရာပဲ၊ ဖရိုဖရဲဓား....."

ဒါက သာမန်အဆင့်မြင့်ဓားတာအိုဆန်းကြယ်နတ်ဘုရားအတတ်တစ်ခုသာ ဖြစ်သေးတယ်။ ဒီတစ်ခါမှာတော့ ဓားတာအိုဆန်းကြယ်နတ်ဘုရားအတတ်က ရင်ဆိုင်ရတာ ပိုခက်ခဲတယ်။ ဓားချီက ဖရိုဖရဲနဲ့စူးရှတောက်ပနေတယ်။

"ငါနဲ့ ဓားတာအိုဆန်းကြယ်နတ်ဘုရားအတတ်အရေအတွက်ချင်းယှဉ်ချင်တာလား"

လီဖူချန်းက နှာခေါင်းရှုံ့လိုက်တယ်၊ တစ်ဖက်လူက အဆင့်မြင့်ဓားတာအိုဆန်းကြယ်နတ်ဘုရားအတတ်များစွာ ဖန်တီးနိုင်မယ်လို့ သူက မယုံကြည်ပါဘူး၊ သို့မဟုတ်ရင် တစ်ဖက်လူက သာမန်ဓားတာအိုဆန်းကြယ်နတ်ဘုရားဆရာသခင်တစ်ယောက် ဘယ်ဟုတ်တော့မလဲ။

"လှိုင်းဂယက်ခုတ်ချက်"

လှိုင်းဂယက်ဓားချီစက်ဝိုင်းတစ်ခုက ပျံ့နှံ့လာပြီး ဖရိုဖရဲဓားချီကို ခုထေလိုက်တယ်။

"ဟမ်"

အရူးဓားဆန်းကြယ်နတ်ဘုရားဆရာသခင်က မျက်မှောင်ကြုတ်လိုက်တယ်။ သူက စုစုပေါင်းအဆင့်မြင့်ဓားတာအိုဆန်းကြယ်နတ်ဘုရားအတတ်သုံးခုသာ ဖန်တီးခဲ့ပြီး အဆင့်မြင့်ဓားတာအိုဆန်းကြယ်နတ်ဘုရားအတတ်နှစ်ခုကိုလဲ သင်ယူထားခဲ့တယ်။ လက်ရှိအနေအထားအရ လီဖူချန်းက သူနဲ့တိုက်ခိုက်ဖို့ ကြောက်မနေဘူး။ ဒါ့ပြင် သူက လီဖူချန်းကို ဘာမှလုပ်နိုင်မနေဘူး။ သူက အသာစီးနည်းနည်းလေးတောင်မရဘူး၊ ဒါက မယုံနိုင်သလိုခံစားရစေတယ်။

"ဆန်းကြယ်လှိုင်းခုတ်ချက်"

ဒီတစ်ခါမှာတော့ အရူးဓားဆန်းကြယ်နတ်ဘုရားဆရာသခင်က သူသင်ယူထားတဲ့အဆင့်မြင့်ဓားတာအိုဆန်းကြယ်နတ်ဘုရားအတတ်ကို ထုတ်ပြခဲ့တယ်၊ ၎င်းက ထူးကဲအဆင့်ရှိတယ်။

ဓားချီက တုန်ခါတဲ့အခါ ဟင်းလင်းပြင်ကလဲ တုန်ခါတယ်။

ဒီဓားက လီဖူချန်းရဲ့ပျက်သုဉ်းခြင်းဓားလှိုင်းနဲ့ အတော်ကလေးတူတယ်။

ဒါကြောင့် လီဖူချန်းကလဲ ပျက်သုဉ်းခြင်းဓားလှိုင်းကို ထုတ်ဖော်ပြသခဲ့တယ်။

အုန်း.....

ဟင်းလင်းပြင်က ပေါက်ကွဲထွက်သွားပြီး ပုံရိပ်နှစ်ခုက လွင့်ထွက်လာတယ်။

အရူးဓားဆန်းကြယ်နတ်ဘုရားဆရာသခင်ရဲ့လည်ချောင်းက ချိုမြနေပြီး သွေးတစ်ပွက်အန်ထွက်သွားတယ်။

လီဖူချန်းက ပိုတောင်သနားစရာကောင်းတယ်။ သူ့ခန္ဓာကိုယ်က ဒဏ်ရာတွေနဲ့ ပြည့်နေပြီး သွေးတွေက ပန်းထွက်လာနေတယ်။  သူ့ပါးစပ်မှလဲ သွေးတွေ စီးကျနေတယ်။

တကယ်‌တော့ နတ်ဘုရားစွမ်းအားအရ သူက အရူးဓားဆန်းကြယ်နတ်ဘုရားဆရာသခင်ထက် အများကြီးဆိုးတယ်။

တစ်ဖက်လူက အဆင့်မြင့်ဓားတာအိုဆန်းကြယ်နတ်ဘုရားအတတ်သုံးခုသာမက မရေမတွက်နိုင်လောက်တဲ့ အဆင့်နိမ့်ဆန်းကြယ်နတ်ဘုရားအတတ်တွေနဲ့အလယ်ဆင့်ဆန်းကြယ်နတ်ဘုရားအတတ်တွေကို ပေါင်းစည်းထားတယ်။ သူ့ရဲ့နတ်ဘုရားစွမ်းအားက ဘယ်လိုတောင်အားကောင်းလိမ့်မလဲ။

ဒုတိယတန်းစားအဆင့်မြင့်ဓားတာအိုဆန်းကြယ်နတ်ဘုရားနဲ့ပထမတန်းစားအဆင့်မြင့်ဓားတာအိုဆန်းကြယ်နတ်ဘုရားကြားကွာဟချက်က ရေမြောင်းတစ်ခုဆိုရင် ပထမတန်းစားအဆင့်မြင့်ဓားတာအိုဆန်းကြယ်နတ်ဘုရားနဲ့ဓားတာအိုဆန်းကြယ်နတ်ဘုရားဆရာသခင်ကြားကွာဟချက်က ပင်လယ်တစ်ခုဖြစ်တယ်၊ နှစ်ခုက ဘယ်လိုမှ တူညီတဲ့အဆင့်မှာ ရှိမနေဘူး။

"ထင်ထားတဲ့အတိုင်းပါပဲ"

တစ်ယောက်မှ ဒီအပေါ် အံ့အားမသင့်သွားကြပါဘူး။

အခြားတစ်ဖက်မှာတော့ သွေးအန်သွားတဲ့သူက အရူးဓားဆန်းကြယ်နတ်ဘုရားဆရာသခင်ဆိုရင်တော့ သူတို့က အံ့အားသင့်သွားမှာပါ။

"ဓားတာအိုဆန်းကြယ်နတ်ဘုရားဆရာသခင်က ဓားတာအိုဆန်းကြယ်နတ်ဘုရားဆရာသခင်ပါပဲ။ ငါ့ရဲ့စိတ်ဝိညာဉ်နတ်ဘုရားစွမ်းအားက အဆင့်၁၃ရောက်မှပဲ ဒါကို ယှဉ်နိုင်မယ်ထင်တယ်" လီဖူချန်းက တိတ်တဆိတ်သက်ပြင်းချလိုက်တယ်။

နတ်ဘုရားစွမ်းအားပိုသန်မာလေ၊ ခန္ဓာကိုယ်မာကျောမှုနဲ့ရွေ့လျားရေးမြန်နှုန်းတို့လိုစွမ်းပကားအားလုံးက ပိုသန်မာလေပဲ။

နတ်ဘုရားစွမ်းအားနဲ့ခန္ဓာကိုယ်က တစ်ခုနဲ့တစ်ခုခွဲခြားလို့မရပါဘူး။

နှစ်ခုပေါင်းစပ်မှ နတ်ဘုရားခန္ဓာကိုယ်ဆိုတာ ဖြစ်လာတာ။

ဒါပေမယ့် ဒီဒဏ်ရာလောက်က လီဖူချန်းအတွက် ဘာမှမဖြစ်ပါဘူး။

"ပြောင်းပြန်ဖရိုဖရဲဓား"

ပြီးပြည့်စုံခြင်းအဆင့်မြင့်ဓားတာအိုဆန်းကြယ်နတ်ဘုရားအတတ် - ပြောင်းပြန်ဖရိုဖရဲဓား။

ကံမကောင်းစွာနဲ့ ဒီအကွက်ကို အရူးဓားဆန်းကြယ်နတ်ဘုရားကိုယ်တိုင် ဖန်တီးထားတာမ ဟုတ်တာပဲ။ သူက စွမ်းအားရဲ့ရှစ်ဆယ်ရာခိုင်နှုန်းကိုပဲ အသုံးပြုနိုင်တယ်။

လက်ရှိ သူ့မှာ ခုနှစ်ဆယ်ရာခိုင်နှုန်းသာရှိတယ်၊ ဒါကြောင့် သူနဲ့ ဓားလေ့ကျင့်ဖို့ တစ်ယောက်ယောက်ကို လိုအပ်တယ်။

သူက စွမ်းအားရှစ်ဆယ်ရာခိုင်နှုန်းကို အသုံးချနိုင်တာနဲ့ ထိုလူ၊ သူ့ကို အရှက်ခွဲခဲ့တဲ့လူကို အနိုင်ယူနိုင်မယ်။

ဒီဓားကွက်က ကြောက်စရာကောင်းလွန်းတယ်၊ ဓားစွမ်းပကားက အားကောင်းလွန်းတာကြောင့် လီဖူချန်းက‌တောင် အမူအရာအနည်းငယ်ပြောင်းလဲသွားတယ်။

သူက ဒီလိုအားကောင်းတဲ့ဓားသမားတစ်ယောက်ကို ဘယ်တော့မှ မမြင်ဖူးပါဘူး။

ကံကောင်းစွာနဲ့ ဒါကို တစ်ဖက်လူက မဖန်တီးထားတာပဲ။ သို့အဟုတ်ရင် လီဖူချန်းက အရှုံးကိုသာ ဝန်ခံရလိမ့်မယ်။

"မူလအဆုံးစွန်းခုတ်ချက်"

လီဖူချန်းကလဲ သူ့ရဲ့အသန်မာဆုံးဓားတာအိုဆန်းကြယ်နတ်ဘုရားအတတ်ကို ထုတ်ဖော်ခဲ့တယ်။

အဆုံးစွန်းအလယ်ဆင့်ဓားတာအိုဆန်းကြယ်နတ်ဘုရားအတတ်အဆင့်ကို ရောက်ရှိထားတဲ့ မူလအဆုံးစွန်းခုတ်ချက်က ပြောင်းလဲမှုတစ်ခုကို ကြုံတွေ့ခဲ့ပြီးပြီ။ ၎င်းက နေရာလပ်အက်ကြောင်းတွေထက် ပိုတောင်နက်မှောင်လာတယ်။ ဒီလိုအမှောင်မျိုးက အကြွင်းမဲ့အမှောင်နဲ့ တူတယ်။ ဒီလိုအကြွင်းမဲ့အမှောင်က မူလအဆုံးစွန်းခုတ်ချက်ကို အလွန်အမင်းကြောက်စရာကောင်းစေတယ်။

အနက်ရောင်ဓားချီက မွန်းစတားတစ်ကောင်အလားပဲ။ ၎င်းသွားတဲ့နေရာတိုင်းမှာ ကြီးမားတဲ့အပိုင်းအစတစ်ခုကို ပျောက်ကွယ်စေလိမ့်မယ်။

အရူးဓားဆန်းကြယ်နတ်ဘုရားဆရာသခင်ရဲ့ဓားစွမ်းအားကိုတောင် အနက်ရောင်ဓားချီက ဝါးမျိုခဲ့တယ်။

ပြောင်းပြန်ဖရိုဖရဲဓားက ပင်ကိုအားကောင်းပါတယ်။ ကံမကောင်းတာကတော့ ၎င်းကို အရူးဓားဆန်းကြယ်နတ်ဘုရားဆရာသခင်က ဖန်တီးထားတာ မဟုတ်တာပဲ၊ ၎င်းက ပြောင်းပြန်ဖရိုဖရဲဓားရဲ့စစ်မှန်တဲ့အနှစ်သာရကို မယူဆောင်လာနိုင်ဘူး။

ဖြောက်.....

ပြောင်းပြန်ဖရိုဖရဲဓားက ပျက်ဆီးသွားတယ်၊ လုံးဝပျက်ဆီးသွားတယ်။ အနက်ရောင်ဓားချီရဲ့စွမ်းအားက တစ်တက်လောက်သာ လျော့ကျသွားခဲ့ပြီး ၎င်းက အရူးဓားဆန်းကြယ်နတ်ဘုရားဆရာသခင်ဆီ ဆက်လက်ရွေ့လျားလာတယ်။

ဒီဓားကွက်ကို မျက်မြင်တွေ့ပြိီးနောက် ဓားကို သူ့ကို ထိတွေ့ဖို့ အရူးဓားဆန်းကြယ်နတ်ဘုရားဆရာသခင်က ခွင့်မပြုရဲတော့ပါဘူး။ သူ့ခန္ဓာကိုယ်က ကမန်းကတန်းနောက်ဆုတ်ပြီး အနက်ရောင်ဓားချီကို ဖယ်ရှားဖို့ ဒေါသဓားနဲ့ဖရိုဖရဲဓားတို့ကို တစ်ခုပြီးတစ်ခုထုတ်လွှတ်လိုက်တယ်။

"ဒါက"

အနေအထားက ပြောင်းပြန်ဖြစ်သွားတာကြောင့် လူတိုင်းက အချိန်မီမတုံ့ပြန်နိုင်တော့ဘူး။

ဓားတာအိုဆန်းကြယ်နတ်ဘုရားဆရာသခင်တစ်ယောက်ကို လီဖူချန်းက တားဆီးခဲ့တာပဲ။ လီဖူချန်းကရော ဓားတာအိုဆန်းကြယ်နတ်ဘုရားဆရာသခင်ဖြစ်နိုင်မလား။

ဒါပေမယ့် မကြာခင်မှာပဲ ဒီလောက်တောင်တုံးအလွန်းတဲ့အတွက် သူတို့ကိုယ်သူတို့ ကျိန်ဆဲခဲ့ကြတယ်။

အရူးဓားဆန်းကြယ်နတ်ဘုရားဆရာသခင်ကို နောက်ဆုတ်ဖို့ ဖိအားပေးနိုင်တယ်ဆိုမှတော့ လီဖူချန်းက ဓားတာအိုဆန်းကြယ်နတ်ဘုရားသခင်ဆိုတာ အသေအချာပေါ့။

"လီဖူချန်း" ရှင်းလင်းလေဓားနတ်ဘုရားက စိတ်ရှုပ်ထွေးနေတော့တယ်။ လီဖူချန်း ဒီကို ရောက်ကာစက သူ့ထက်တောင် မမြင့်သေးဘူးလေ၊ အခု တစ်ဖက်လူက ဓားတာအိုဆန်းကြယ်နတ်ဘုရားဆရာသခင်ဖြစ်နေပြီ။

"အရူးဓားဆန်းကြယ်နတ်ဘုရားဆရာသခင် ရှုံးတော့မယ်"

ပထမကွင်းနဲ့ဒုတိယကွင်းကြားရှိတံတိုင်းပေါ်မှာ တစ်ခါထွက်ပေါ်လာခဲ့ဖူးတဲ့ပုံရိပ်နှစ်ခုက ရပ်နေတယ်၊ သူတို့ထဲကတစ်ယောက်က ပြောလိုက်တယ်။

"အနိုင်အရှုံးနဲ့ပတ်သက်ပြီး ပြောဖို့ စောလွန်းတယ်...."

"ကြည့်လိုက်စမ်းပါ....."

သူတို့နှစ်ယောက်ပြော‌နေစဉ် အရူးဓားဆန်းကြယ်နတ်ဘုရားဆရာသခင်နဲ့လီဖူချန်းက ထပ်မံတိုက်ခိုက်ခဲ့တယ်။

"ငါ့ရဲ့အသန်မာဆုံးဓားကွက်ကို လက်ခံလိုက်စမ်း၊ ဒေါသလှိုင်းအရူးဓားပုံစံ "

ဒီအချိန်မှာ ဟင်းလင်းပြင်နဲ့မြေပြင်က ဒေါသလှိုင်းတွေအဖြစ် ပြောင်းလဲသွားခဲ့တယ်၊ အလွန်အမင်းကြီးမားတဲ့ဓားချီတစ်ခုက ခုတ်ပိုင်းချလာတယ်။

ဒီဓားချီက ကြီးမားပြီးသားဆိုပေမယ့် လမ်းတစ်လျှောက်မှာ ၎င်းက အဆတစ်ရာ၊ အဆတစ်ထောင် ပိုကြီးလာတယ်။

အချိန်တစ်ခုအထိ ကောင်းကင်နဲ့မြေပြင်မှာ ဒီဓားချီနဲ့ ပြည့်နေတော့တယ်။

ဒေါသလှိုင်းအရူးဓားပုံစံ-ပျမ်းမျှအဆင့်မြင့်ဓားတအိုဆန်းကြယ်နတ်ဘုရားအတတ်။ ၎င်းက အရူးဓားဆန်းကြယ်နတ်ဘုရားဆရာသခင်ရဲ့ဓားတာအိုအနှစ်သာရဖြစ်တယ်။

"သန်မာတယ်"

သူ့ရဲ့မူလအဆုံးစွန်းခုတ်ချက်က တစ်ဖက်လူရဲ့ဒေါသလှိုင်းအရူးဓားပုံစံကို မယှဉ်နိုင်ဘူးဆိုတာ မသိစိတ်က လီဖူချန်းကို ပြောပြခဲ့တယ်။

လီဖူချန်းက ဒေါသလှိုင်းအရူးဓားပုံစံကို အနိုင်ယူနိုင်ရင်တောင် တုန်ခါမှုလှိုင်းတစ်ခုနဲ့တင် လီဖူချန်းရဲ့စိတ်ဝိညာဉ်နတ်ဘုရားစွမ်းအားများစွာကို ဖျက်ဆီးပေလိမ့်မယ်။ ဒါက လီဖူချန်းမြင်ချင်တဲ့အရာမဟုတ်ဘူး။

ဒါပေမယ့် လီဖူချန်းက ခုခံဖို့ မူလအဆုံးစွန်းဓားခန္ဓာကိုယ်ကို အသုံးပြုနိုင်ပါတယ်။

ဒါပေမယ့် မလိုအပ်ပါဘူး။

အသက်ကို ပြင်းပြင်းရှုသွင်းလျက် လီဖူချန်းက လိုဏ်ဂူတစ်ရာဓားပိုင်နက်ကို ထုတ်ဖော်လိုက်တယ်၊ အာကာသတွင်းနက်တစ်ခုက ရုတ်တရက် ထွက်ပေါ်လာတယ်။

မူလက ချို့ယွင်းချက်မဲ့ကာကြမ်းတမ်းတဲ့ဒေါသလှိုင်းအရူးဓားပုံစံက လိုဏ်ဂူတစ်ရာဓားပိုင်နက်ရဲ့လွှမ်းမိုးမှုအောက်မှာ အားနည်းချက်တွေ ရှိလာတယ်။ ၎င်းရဲ့ချီတည်ရှိမှုက လျင်မြန်စွာ လျော့ကျသွားပြီး အများစုကို အာကာသတွင်းနက်က စုပ်ယူသွားခဲ့တယ်။

ပြိီးပြည့်စုံခြင်းအလယ်ဆင့်ဓားတာအိုပိုင်နက်ဆန်းကြယ်နတ်ဘုရားအတတ်လိုဏ်ဂူတစ်ရာဓားပိုင်နက်က လီဖူချန်းရဲ့အသန်မာဆုံးဝှက်ဖဲဖြစ်တယ်၊ မူလအဆုံးစွန်းခုတ်ချက်တောင် မယှဉ်နိုင်ပါဘူး။

မဟုတ်ဘူး.....

အရူးဓားဆန်းကြယ်နတ်ဘုရားဆရာသခင်က စိတ်ထဲမှာ အော်ဟစ်လိုက်တယ်။

"ပြိီးပြည့်စုံခြင်းအလယ်ဆင့်ဓားတာအိုပိုင်နက်ဆန်းကြယ်နတ်ဘုရားအတတ်လား။ ကြည့်ရတာ ပထမကွင်းမှာ နောင်ထပ်အဖွဲ့ဝင်တစ်ယောက်တိုးလာမယ်ထင်တယ်"

သူတို့က ဒီနေရာမှာ ဘယ်တုန်းကမှ မရှိတဲ့အလား နှစ်‌ယောက်သား ထွက်ခွာသွားခဲ့တယ်။

***