ရတနာအလင်းကြယ်

ဒါက အပူချိန်အလွန်မြင့်မားတဲ့သာမန်နတ်ဘုရားကြယ်တစ်လုံးပဲ။ နတ်ဘုရားဟင်းလင်းပြင်မှာ ဒီလိုနတ်ဘုရားကြယ်တွေ ထရီလီယံချီရှိတယ်။

လီဖူချန်းက ထိပ်တန်းအဆင့်ဆေးတွေကို သန့်စင်ဖို့ ဒိီနေရာကို ရွေးချယ်ခဲ့တယ်။

သူက အခု အဆင့်မြင့်စိတ်ဝိညာဉ်နတ်ဘုရားတစ်ယောက်ပဲ၊ သူက အဆင့်နိမ့်ဆန်းကြယ်နတ်ဘုရားတစ်ယောက်ဖြစ်ချင်ရင် အသက်နယ်ပယ်ကို တိုးစေနိုင်တဲ့ကြယ်သုံးလုံးအဆင့်မြင့်နတ်ဘုရားဆေးတွေကို အသုံးပြုတာ အကောင်းဆုံးပဲ။

လက်ရှိသူ့မှာ ကြယ်သုံးလုံးအဆင့်မြင့်ထိပ်တန်းအဆင့်ဆေးပင်လေးမျိုးရှိတယ်။ သူတို့က ကျောက်တုံးခြင်ဆီဆေး၊ ဆန်းကြယ်စိတ်ဝိညာဉ်ကောင်းကင်ဘုံပြုပြင်ဆေး၊ သွေးမျိုးဆက်အသက်သစ်သီးနဲ့ စိတ်ဝိညာဉ်တစ်ထောင်ပန်းတို့ပါပဲ။

ကြယ်လေးလုံးအဆင့်နိမ့်ထိပ်တန်းနတ်ဘုရားဆေးပင်ဖြစ်တဲ့သန့်စင်ခြင်းတစ်ရာတိုက်ခိုက်ရေးသွေးဆေးပင်လဲရှိတယ်။

ကြယ်လေးလုံးအဆင့်နိမ့်ထိပ်တန်းနတ်ဘုရားဆေးပင်ကို အသာထား၊ သူက ကြယ်လေးလုံးအဆင့်နိမ့်နတ်ဘုရားဆေးတစ်လုံးကိုတောင် မသန့်စင်ရသေးပါဘူး၊ အဲဒါက ပျက်ဆီးသွားမှာကို သူက ကြောက်ရွံ့မိတယ်။

ဒါပေမယ့် ကြယ်သုံးလုံးအဆင့်မြင့်ထိပ်တန်းနတ်ဘုရားဆေးတွေကို သန့်စင်ဖို့ဆိုတာကတော့ သူ့အတွက် လွယ်ကူတယ်။

တကယ်တော့ သူက ကြယ်သုံးလုံးအဆင့်မြင့်ဆေးနတ်ဘုရားတစ်ယောက်ပဲလေ။

ကျောက်တုံးခြင်ဆီပန်းနဲ့ဆန်းကြယ်စိတ်ဝိညာဉ်ကောင်းကင်ဘုံပြုပြင်ဆေးပင်အနည်းငယ်ပဲရှိတယ်။ သွေးမျိုးဆက်အသက်ဆေးနဲ့စိတ်ဝိညာဉ်တစ်ထောင်ဆေးတို့ကို စတင်သန့်စင်ဖို့ လီဖူချန်းက ပြင်ဆင်နေတယ်။

ဆေးလုံးတွေသန့်စင်တဲ့အခါ ကြီးမားတဲ့ဂယက်တစ်ခုကို မဖြစ်ပေါ်စေတာ အကောင်းဆုံးပါပဲ။

လီဖူချန်းက နတ်ဘုရားကြယ်ထဲမှာ ဧရာမလိုဏ်ဂူတစ်ခုကို ဖွင့်လိုက်တယ်။

ဒီသာမန်နတ်ဘုရားကြယ်ရဲ့မျက်နှာပြင်အပူချိန်က မှင်တက်စရာကောင်းနေပြီဖြစ်ပြီး အတွင်းပိုင်းအပူချိန်က အပြင်ဘက်ထက် အဆတစ်ထောင်ပိုလာတယ်။

အထဲမှာ ငွေရောင်မီးလျှံတစ်ခုရှိနေတာကို လီဖူချန်းက တွေ့ရှိခဲ့တယ်။

ဒီငွေရောင်မီးလျှံက မြင့်မားတဲ့အပူချိန်ရှိပြီး ၎င်းက ကြယ်သုံးလုံးအဆင့်နိမ့်နတ်ဘုရာမီးလျှံထက် မနိမ့်ကျဘူးလို့ လီဖူချန်းက ခန့်မှန်းခဲ့တယ်။

ဒါပေမယ့် လီဖူချန်းမှာ ကြယ်သုံးလုံးအဆင့်မြင့်နတ်ဘုရားမီးလျှံဖြစ်တဲ့ရောင်စုံဖန်နတ်ဘုရားမီးလျှံရှိတာကြောင့် ဒီငွေရောင်မီးလျှံတွေကို မလိုအပ်ပါဘူး။

ဆေးသန့်စင်မှုစတင်တဲ့အခါ လီဖူချန်းက ကြယ်လေးလုံးဆေးမီးပြင်းဖိုဖြစ်တဲ့ကူးရွှယ်ဆေးမီးပြင်ဖိုကို ယူထုတ်လိုက်တယ်။

မတော်တဆတွေမရှိပါဘူး။ သွေးမျိုးဆက်အသက်ဆေးရဲ့ပထမအသုတ်က ထွက်ပေါ်လာတယ်၊ အားလုံးက မျက်နှာပြင်ပေါ်မှာ စက်ဝိုင်းငါးခုအင်းကွက်တွေရှိတဲ့အဆုံးစွန်းအဆင့်တွေပါပဲ။

နောက်ထပ်ဒုတိယအသုတ်။

"ဒုတိယပါဝင်ပစ္စည်းတွေ အလုံအလောက် မရှိတော့ဘူးပဲ"

သွေးမျိုးဆက်သွေးဆေးကို သန့်စင်ဖို့အတွက် ဒုတိယပါဝင်ပစ္စည်းတွေ များများစားစားမကျန်တော့တာကို လီဖူချန်းက ရုတ်တရက် ရှာတွေ့ခဲ့တယ်။

စိတ်ဝိညာဉ်တစ်ထောင်ဆေးအတွက်လဲ အတူတူပါပဲ။

ဒါအတွက် လီဖူချန်းကို အပြစ်တင်လို့မရပါဘူး။

လီဖူချန်းရဲ့နေရာလပ်လက်စွပ်ထဲမှာ အဆုံးမဲ့ဆေးပစ္စည်းတွေက တောင်တစ်လုံးပမာ စုပုံနေတယ်။

ဒါပေမယ့် ‌ဆေးသန့်စင်ဖို့အတွက် အဓိကပါဝင်ပစ္စည်းတွေက ရှာတွေ့ဖို့ခက်ခဲတယ်၊ ဒုတိယပါဝင်ပစ္စည်းတွေကလဲ ရဖို့ မလွယ်ပါဘူး။

"အပျော်တွေတောင် ပျောက်သွားပြီ"

လီဖူချန်းက မျက်မှောင်ကြုတ်လိုက်တယ်။

ကြယ်သုံးလုံးအဆင့်မြင့်ထိပ်တန်းနတ်ဘုရားဆေးကို မသန့်စင်နိုင်တာကြောင့် လီဖူချန်းက ကြယ်လေးလုံးအဆင့်နိမ့်နတ်ဘုရားဆေးတွေကို စတင်သန့်စင်ခဲ့တယ်။

ကြယ်လေးလုံးအဆင့်နိမ့်ဆေးနတ်ဘုရားတစ်ယောက်ဖြစ်လာခြင်းက ကြယ်လေးလုံးအဆင့်နိမ့်ထိပ်တန်းဆေးဖြစ်တဲ့သန့်စင်ခြင်းတစ်ရာတိုက်ခိုက်ရေးသွေးဆေးကို သန့်စင်ဖို့အတွက် ခိုင်မာတဲ့အခြေခံအုတ်မြစ်တစ်ခုကို ချပေးတယ်။

ရက်အနည်းငယ်အတွင်းမှာ လီဖူချန်းက ပျမ်းမျှကြယ်လေးလုံးအဆင့်နိမ့်ဆေးကို သန့်စင်နိုင်ခဲ့တယ်။

ဒါပေမယ့် ထူးကဲကြယ်လေးလုံးအဆင့်နိမ့်နတ်ဘုရားဆေးကို သန့်စင်ဖို့က ခက်ခဲပါတယ်။

အဓိကအကြောင်းရင်းကတော့ သူ့ရဲ့ဆေးတာအိုသင်ယူတဲ့အချိန်က နည်းလို့ပဲ။ ထပ်ပြောရရင် သူ့ရဲ့ကြယ်‌သုံးလုံးအဆင့်မြင့်ရောင်စုံဖန်နတ်ဘုရားမီးလျှံက နိမ့်ကျလွန်းလို့ပဲ။

နတ်ဘုရားကြယ်ရဲ့အတွင်းပိုင်းမှ ပျံသန်းထွက်လာပြီးနောက် လီဖူချန်းက လေကို အားပါးတရရှုရှိက်လိုက်တယ်၊ အထဲမှာ မွန်းကျပ်လွန်းလို့လေ။

"ဟမ်၊ ပျံသန်းလင်းယုန်ကုန်သွယ်ရေးခန်းမရဲ့စိတ်ဝိညာဉ်နတ်ဘုရားအသုံးအဆောင်ပစ္စည်းအာကာသယာဉ်ပဲ"

မိုင်တစ်သောင်းအကွာမှာ လီဖူချန်းက စိတ်ဝိညာဉ်နတ်ဘုရားအသုံးအဆောင်ပစ္စည်းအာကာသယာဉ်တစ်စီးကို တွေ့ခဲ့တယ်။

ဒီစိတ်ဝိညာဉ်နတ်ဘုရားအသုံးအဆောင်ပစ္စည်းအာကာသယာဉ်ပေါ်မှာ ပျံသန်းလင်းယုန်ကုန်သွယ်ရေးခန်းမရဲ့အမှတ်အသားရှိတယ်။

ဒါပေမယ့် လက်ရှိအချိန်မှာ ပျံသန်းလင်းယုန်ကုန်သွယ်ရေးအာကာသယာဥ်က အတော်လေးသနားစရာကောင်းတယ်၊ မျက်နှာပြင်ပေါ်မှာ အက်ရာတွေ အများကြီးရှိတယ်။

ပျံသန်းလင်းယုန်ကုန်သွယ်ရေးအာကာသယာဉ်အနောက်မှာ ခရမ်းရောင်လအမှတ်တံဆိပ်နဲ့စိတ်ဝိညာဉ်နတ်ဘုရားအသုံးအဆောင်ပစ္စည်းအာကာသယာဉ်တစ်စီးက အပူတပြင်းလိုက်လာနေတယ်။

၎င်းရဲ့အရှိန်က ပျံသန်းလင်းယုန်ကုန်သွယ်ရေးအာကာသယာဉ်ထက် ပိုမြန်တာကို မြင်နိုင်တယ်၊ တစ်ခဏကြာပြီးနောက် ၎င်းက လိုက်မီသွားတယ်။

အဆင့်နိမ့်ဆန်းကြယ်နတ်ဘုရားတစ်ယောက်က ပျံသန်းလင်းယုန်ကုန်သွယ်ရေးအာကာသယာဉ်မှ ထွက်လာတယ်။

ဒါက လက်ထဲမှာ နက်ရွှေရောင်ကြိမ်လုံးနဲ့လူအိုကြီးတစ်ယောက်ပဲ။

"ခရမ်းလနတ်ဘုရားဓားပြ၊ မင်း မလွန်လာနဲ့နော်"

နီခိုလပ်၊ ပျံသန်းလင်းယုန်ကုန်သွယ်ရေးခန်းမမှ အဆင့်နိမ့်ဆန်းကြယ်နတ်ဘုရားတစ်ယောက်ဖြစ်ပြီး နှစ်သန်းချီရှင်သန်လာခဲ့တယ်။ သူက အဆင့်နိမ့်ဆန်းကြယ်နတ်ဘုရားအတတ်လေးခုကို ပေါင်းစည်းထားပြီး သူ့ခွန်အားက သေချာပေါက်အားမနည်းပါဘူး။

"နီခိုလပ်၊ ဒါက နတ်ဘုရားဟင်းလင်းပြင်ပဲ။ ငါတို့က ခရမ်းလနတ်ဘုရားဓားပြအဖွဲ့ပဲ။ ငါတို့နဲ့ လာတွေ့တဲ့အတွက် မင်းရဲ့ကံမကောင်းမှုကိုပဲ အပြစ်တင်လိုက်" ခရမ်းလနတ်ဘုရားဓားပြအာကာသယာဉ်မှအဆင့်နိမ့်ဆန်းကြယ်နတ်ဘုရားတစ်ယောက်က ထွက်လာတယ်။ ဒါက ခေါင်းနှလုံးပါတဲ့အဆင့်နိမ့်ဆန်းကြယ်နတ်ဘုရားတစ်ယောက်ဖြစ်ပြီး တူလုံလို့ခေါ်တယ်။ သူက အဆင့်နိမ့်ဆန်းကြယ်နတ်ဘုရားအတတ်ငါးခုကို ပေါင်းစည်းထားပြီး နီခိုလပ်ထက် သာလွန်တယ်။

တိုက်ပွဲက မကြာမီ စတင်လာတယ်။

နီခိုလပ်ရဲ့ခွန်အားက အားမနည်းပေမယ့် အကွက်တစ်ရာပြီးနောက် သူက အကြိမ်များစွာရိုက်နှက်ခံနေရပြီး သူ့ရဲ့ဆန်းကြယ်နတ်ဘုရားစွမ်းအားက အကြီးအကျယ်လျော့ကျလာတယ်။

"သေစမ်း၊ နဂါးပျံဝဲခုတ်ချက်"

တူလုံက သူ့ရဲ့အသန်မာဆုံးသတ်ဖြတ်ကွက်ကို ထုတ်ဖော်ခဲ့တယ်။

နတ်ဘုရားဟင်းလင်းပြင်မှာ ဓားမော့ချီက ပျံသန်းနေတဲ့နဂါးအရိပ်တစ်ခုအဖြစ် ပြောင်းသွားပြီး နီခိုလပ်ကို တိုက်ခိုက်လာခဲ့တယ်။

နိီခိုလပ်က ရှောင်တိမ်းချင်ပေမယ့် နဂါးပျံဝဲခုတ်ချက်ဓားမော့ချီက မြန်လွန်းကာ ကြီးမားတဲ့ဧရိယာတစ်ခုကို ဖုံးလွှမ်းသွားတယ်။

"ထားလိုက်တော့၊ ဒီလူအိုကြီးက အသက်ရှင်လာတာ နှစ်ပေါင်းမရေမတွက်များစွာရှိပြီ၊ အသက်ရှင်ရတာ လုံလောက်ပြီလို့ ပြောနိုင်ပါတယ်လေ"

နီခိုလပ်က သေဖို့ အသင့်ပြင်ထားပြီးသားပါ။

ဟူး......

ဒီအချိန်မှာ ချီတည်ရှိမှုတစ်ခုက အဝေးမှ ချဉ်းကပ်လာတယ်။ ၎င်းက နေရာလပ်-အချိန်ကို လစ်လျူရှုကာ နဂါးပျံဝဲဓားမော့ချီနဲ့တူလုံကို လွင့်ထွက်သွားစေခဲ့တယ်။

ဖုန်မှုန့်တွေအလား နဂါးပျံဝဲဓားမော့ချီက ဗလာနတ္ထိဖြစ်သွားခဲ့တယ်၊ တူလုံလဲ ဗလာနတ္ထိဖြစ်သွားခဲ့တယ်။

မိုင်တစ်သိန်းအကွာမှာ သူက အသေးအဖွဲ့တစ်ခုကို လုပ်ခဲ့သလိုပါပဲ၊ လီဖူချန်းက ပျံသန်းလင်းယုန်ကုန်သွယ်ရေးအာကာသယာဉ်နဲ့ခရမ်းလဓားပြအာကာသယာဉ်တို့ကို ဂရုမစိုက်တော့ပါဘူး။

ခရမ်းလဓားပြအာကာသယာဉ်ပေါ်မှာ ဒုတိယမြောက်ဆန်းကြယ်နတ်ဘုရားတစ်ယောက်မရှိဘူးဆိုတာ သူက စစ်ဆေးခဲ့ပြီးပါပြီ။

"မိုင်ဆယ်ဘီလီယံအကွာမှာ ကုန်သွယ်ရေးကြယ်တစ်လုံးတစ်လုံးရှိတယ်လို့ ငါ ကြားတယ်၊ သွားကြည့်ရမယ်"

နတ်ဘုရားဟင်းလင်းပြင်က နတ်ဘုရားကမ္ဘာနဲ့ မတူပါဘူး။ နတ်ဘုရားဟင်းလင်းပြင်က အလွန်ကြီးမားပေမယ့် အတားအဆီးတွေက အလွန်နိမ့်တယ်။ မိုင်ဆယ်ဘီလီယံဆိုတာက သိပ်မဝေးပါဘူး။

နတ်ဘုရားကမ္ဘာက အဆမရေမတွက်များစွာပိုသေးငယ်ပေမယ့် အတားအဆီးတွေက ပေါများပြီး ခရီးသွားရတာ အလွန်ဒုက္ခများပါတယ်။

……

ရတနာအလင်းကြယ်က ကျော်ကြားတဲ့နတ်ဘုရားကြယ်တစ်လုံးဖြစ်သလို အလွန်အမင်းကြီးမားတဲ့နတ်ဘုရားကြယ်တစ်လုံးလဲ ဖြစ်တယ်။

ရတနာအလင်းကြယ်ကို ဖျက်ဆီးချင်ရင် ကမ္ဘာနတ်ဘုရားတွေကတောင် မလုပ်နိုင်ပါဘူး။

ဒါကြောင့် ရတနာအလင်းကြယ်က ပိုတောင် ကျော်ကြားတယ်။

ရတနာအလင်းကြယ်မှာ နတ်ဘုရား‌ကျောက်တုံးတွေက အရေးကြီးဆုံးပဲ။ မင်းမှာ နတ်ဘုရားကျောက်တုံးတွေ အလုံအလောက်ရှိသရွေ့ ဧကရာဇ်အလား ဆက်ဆံခံရမယ်။ နတ်ဘုရားကျောက်တုံးတွေ မရှိရင်တော့ သူတောင်းစားသာသာဖြစ်ပေလိမ့်မယ်။

ရတနာအလင်းကြယ်ပေါ်မှာ မရေမတွက်နိုင်တဲ့ပျံသန်းရေးသင်္ဘောတွေက ဝင်လိုက်ထွက်လိုက်ဖြစ်နေတယ်။

စိတ်ဝိညာဉ်နတ်ဘုရားအသုံးအဆောင်ပစ္စည်းအာကာသယာဉ်တွေ၊ ဆန်းကြယ်နတ်ဘုရားအသုံးအဆောင်ပစ္စည်းအာကာသယာဉ်တွေ၊ ပိုင်နက်နတ်ဘုရားအသုံးအဆောင်ပစ္စည်းအာကာသယာဉ်အနည်းငယ်တောင် ရှိတယ်။

လီဖူချန်းရဲ့ခွန်အားက အတိတ်နဲ့ မယှဉ်နိုင်ပါဘူး၊ ဒါကြောင့် ပစ်မှတ်ထားခံရမှာကို သူက မစိုးရိမ်ပါဘူး။ ဒါကြောင့် ဆန်းကြယ်နတ်ဘုရားအသုံးအဆောင်ပစ္စည်းအာကာသယာဉ်ကို ရတနာအလင်းကြယ်ဆီ တိုက်ရိုက်မောင်းနှင်သွားခဲ့တယ်။

ရတနာအလင်းကြယ်အာကာသယာဉ်ကွက်လပ်ကို အဆင့်အနည်းငယ်ခွဲခြားထားတယ်။ လီဖူချန်းရဲ့အာကာသယာဉ်ကို ဒုတိယအဆင့်အာကာသယာဉ်ကွက်လပ်ပေါ်မှာ စီစဉ်ထားပေးတယ်။

ရတနာအလင်းကြယ်ရဲ့တည်းခိုခန်းမှာ ကုန်ကျစရိတ်က အလွန်အမင်းမြင့်မားတယ်။

လီဖူချန်းက တွက်ချက်မှုအချို့ပြုလုပ်ခဲ့ပြီး စိတ်ဝိညာဉ်နတ်ဘုရားတွေက တည်းခိုခန်းထဲမှာ အကြာကြီးမနေနိုင်လောက်ဘူးဆိုတာ သဘောပေါက်ခဲ့တယ်။

ဒါက ဆန်းကြယ်နတ်ဘုရားတွေရဲ့သုခဘုံ၊ ပိုင်နက်နတ်ဘုရားတွေရဲ့သုခဘုံပါပဲ။

သူ့ရဲ့နတ်ဘုရားစွမ်းအားတည်ရှိမှုကို ဖုံးကွယ်ထားခဲ့တာကြောင့် လူတိုင်းက လီဖူချန်းကို ဆန်းကြယ်နတ်ဘုရားတစ်ယောက်အဖြစ် သတ်မှတ်ထားခဲ့တယ်။

လီဖူချန်းရဲ့နတ်ဘုရားစိတ်ဝိညာဉ်ပါရမီနဲ့အတူ ပိုင်နက်နတ်ဘုရားတွေက ဒါကို မမြင်နိုင်ပါဘူး။

ကောင်းကင်ဘုံပိုင်နက်တည်းခိုခန်းက ရတနာအလင်းကြယ်ရဲ့အကျော်ကြားဆုံးတည်းခိုခန်းတွေထဲကတစ်ခုဖြစ်တယ်။

ဒီနေရာမှာ တစ်ညနေတာက စိတ်ဝိညာဉ်နတ်ဘုရားတစ်ယောက်ကို ချွတ်ခြုံကျစေဖို့ လုံလောက်တယ်။

ဒါပေမယ့် လီဖူချန်းအတွက်တော့ ဒါက မိုးဖွဲဖွဲရွာသလိုပါပဲ။

တည်းခိုခန်းရဲ့ဧည့်ခန်းက ခြံဝင်းတစ်ခုဖြစ်တယ်၊ ဒါကို ဆေးသန့်စင်ဖို့အတွက် အသုံးပြုနိုင်တယ်။

ရတနာအလင်းကြယ်မှာ ကုန်သွယ်ရေးနေရာတွေ အများကြီးရှိတယ်။ ထိပ်တန်းအဆင့်နတ်ဘုရားဆေးကိုသန့်စင်ဖို့အတွက် လီဖူချန်းက ဒုတိယပါဝင်ပစ္စည်းတွေကို စတင်ရှာဖွေခဲ့တယ်။

ရတနာအလင်းကြယ်က သုံးစွဲမှုမြင့်မားတဲ့အပေါ်  အကြောင်းပြချက်တစ်ခုရှိတယ်ဆိုတာ လီဖူချန်းက ဝန်ခံရမှာပဲ။ ဒီနေရာမှာ ပစ္စည်း အမျိုးအစားတွေအားလုံးရှိတယ်။ လီဖူချန်းလိုအပ်တဲ့ပစ္စည်းအားလုံးနီးပါးကို ရက်အနည်းငယ်အတွင်း စုဆောင်းထားနိုင်ခဲ့တယ်။

ထပ်ပြောရရင် လီဖူချန်းက ဆန်းကြယ်နတ်ဘုရားအသုံးအဆောင်ပစ္စည်းတွေ၊ ကြယ်လေးလုံးနတ်ဘုရားဆေးတွေ၊ ကြယ်လေးလုံးရုပ်သေးတွေ၊ ကြယ်လေးလုံးနတ်ဘုရားနတ်ဘုရားအဆောင်တွေကိုလဲ မြင်တွေ့ခဲ့တယ်။

ခရမ်းရောင်တိမ်နတ်ဘုရားကမ္ဘာရဲ့ဈေးကွက်မှာမရနိုင်တဲ့အရာတွေအားလုံးကို ဒီနေရာမှာ ရနိုင်တယ်။

ဒါဆို ‌ဈေးနှုန်းကရော။

ပုံမှန်တန်ဖိုးထက် ဆယ်ဆပိုဈေးကြီးတယ်။

ဥပမာအားဖြင့် သာမန်အဆင့်နိမ့်ဆန်းကြယ်နတ်ဘုရားအသုံးအဆောင်ပစ္စည်းတစ်ခုအတွက် အများဆုံးအလယ်ဆင့်နတ်ဘုရားကျောက်တုံးသန်းရာအနည်းငယ်၊ ဒါပေမယ့် တစ်ဘီလီယံထက်မပိုဘဲ လေလံပစ်နိုင်လိမ့်မယ်။

ဒီနေရာမှာတော့ ဘီလီယံအနည်းငယ်မှ စတင်တယ်။

လီဖူချန်းက ကြယ်လေးလုံးဆေးအချို့ကို ဝယ်ယူထားခဲ့တယ်။

ဒီကြယ်လေးလုံးဆေးတွေမှာ အချို့က အသက်နယ်ပယ်ကို တိုးစေတယ်၊ အချို့က ဆန်းကြယ်နတ်ဘုရားစွမ်းအားကို ပြန်ဖြည့်တင်းပေးတယ်၊ အချို့က စိတ်ဝိညာဉ်ဒဏ်ရာကို ပြန်ကောင်းစေတယ်။ လီဖူချန်းက တစ်သုတ်စီ ဝယ်ယူထားခဲ့တယ်။

ပစ္စည်းတွေ ဝယ်ယူပြီးနောက် လီဖူချန်းက ဆေးသန့်စင်ဖို့ စတင်ခဲ့တယ်။

"လုံလောက်သလောက်ရှိပြီ"

လီဖူချန်းက သွေးမျိုးဆက်အသက်‌ဆေးသုံးသုတ်ကို သန့်စင်ခဲ့ပြီး ဆေးတစ်သုတ်မှာ ဆေးလုံး၃၆လုံးပါဝင်တယ်။

သွေးမျိုးဆက်အသက်ဆေးက သာမန်ဆေးမဟုတ်ဘဲ ထိပ်တန်းဆေးဆိုတာ သိရမယ်။ ‌အဆုံးစွန်းအဆင့်သွေးမျိုးဆက်အသက်ဆေးတစ်ရာ့ရှစ်လုံးကို အသာထား၊ သာမန်အဆင့်သွေးမျိုးဆက်အသက်ဆေးဒါဇင်အနည်းငယ်ကတောင် အဆင့်မြင့်စိတ်ဝိညာဉ်နတ်ဘုရားရဲ့အသက်နယ်ပယ်ကို အဆင့်နိမ့်ဆန်းကြယ်နတ်ဘုရားအဆင့်အထိ မြှင့်တင်ပေးနိုင်တယ်။

လီဖူချန်း မျှော်မှန်းထားတဲ့အတိုင်းပဲ၊ အဆုံးစွန်းအဆင့်သွေးမျိုးဆက်အသက်ဆေးရဲ့သက်ရောက်မှုက အလွန်အမင်းအားကောင်းပြီး ဆေးစွမ်းက သာမန်နတ်ဘုရားဆေးတွေထက် အဆတစ်ရာပိုသန့်စင်တယ်။

သွေးမျိုးဆက်အသက်ဆေးနှစ်ဆယ်ကို သုံးစွဲပြီးနောက် လီဖူချန်းရဲ့အသက်နယ်ပယ်က ချိုးဖြတ်သွားခဲ့တယ်။

"နတ်ဘုရားဟင်းလင်းပြင်ထဲမှာ နယ်ပယ်ချိုးဖြတ်ဖို့ နည်းလမ်းမရှိတာ ကံမကောင်းတာပဲ၊ ဒါကြောင့် ခရမ်းရောင်တိမ်နတ်ဘုရားကမ္ဘာကို ငါ ပြန်သွားရလိမ့်မယ်"

လီဖူချန်းက တိတ်တဆိတ် ရေရွတ်လိုက်တယ်။

လီဖူချန်းက ရတနာအလင်းကြယ်မှ ထွက်သွားဖို့ အလျင်မလိုပါဘူး၊ သူက ဆက်လက်လှည့်လည်နေခဲ့တယ်။

"သားရေချပ်ဝတ်ရဲ့အဆင့်က နိမ့်ကျလွန်းတယ်"

လီဖူချန်းက ကျော်ကြားတဲ့ဆန်းကြယ်နတ်ဘုရားအသုံးအဆောင်ပစ္စည်းဆိုင်သို့ ရောက်ရှိလာခဲ့တယ်။

သူမကျေနပ်တာကတော့ အဆင့်မြင့်ဆန်းကြယ်နတ်ဘုရားအသုံးအဆောင်ပစ္စည်းချပ်ဝတ်တွေဆိုပေမယ့် အားလုံးက သာမန်နဲ့ပျမ်းမျှအဆင့်ရှိပြီး အနည်းငယ်ကပဲ ထူးကဲအဆင့်ရှိတယ်၊ ပြီးပြည့်စုံခြင်းအဆင့်ဆိုတာ မရှိပါဘူး။

လီဖူချန်းက အနည်းဆုံးပြီးပြည့်စုံခြင်းအဆင့်ရှိတဲ့အဆင့်မြင့်ဆန်းကြယ်နတ်ဘုရားအသုံးအဆောင်ပစ္စည်းချပ်ဝတ်တစ်ခုကို လိုချင်ခဲ့တာ။

"ဧည့်သည်၊ ဆယ်နှစ်တစ်ကြိမ်ကျင်းပတဲ့ယပ်‌ တောင်မြို့လေလံပွဲက စတင်တော့မယ်၊ မင်းရဲ့ကံကို သွားစမ်းလို့ရတယ်" ဆိုင်ဝန်ထမ်းက ပြောလိုက်တယ်။

ရတနာအလင်းကြယ်က အလွန်ကြီးတယ်၊ နတ်ဘုရားမြို့တွေ အများကြီးရှိတယ်။ နတ်ဘုရားမြို့တစ်ခုစီမှာ လေလံပွဲကြီးတစ်ခုကို ဆယ်နှစ်တစ်ကြိမ် ကျင်းပလေ့ရှိတယ်။

"တကယ်လား။ ဒါဆို ကျေးဇူးအများကြီးတင်ပါတယ်" လီဖူချန်းက အလယ်ဆင့်နတ်ဘုရားကျောက်တုံးအချို့ကို ဆိုင်ဝန်ထမ်းထံ ပေးလိုက်တယ်။

"ဧည့်သည်၊ ဖြည်းဖြည်းသွားပါ" ဆိုင်ဝန်ထမ်းက ပြုံးပျော်နေတော့တယ်။ လီဖူချန်းသူ့ကိုပေးခဲ့တဲ့အလယ်ဆင့်နတ်ဘုရားကျောက်တုံးအရေအတွက်က သူ့ရဲ့နှစ်အနည်းငယ်လစာနဲ့ ညီမျှတယ်လေ။ ဒါက တကယ်ကို ရက်ရောလွန်းပါတယ်။

ဆယ်နှစ်တစ်ကြိမ်လေလံပွဲက စတင်တော့မှာဆိုတော့ လီဖူချန်းက ဘာတစ်ခုမှ မဝယ်တော့ပါဘူး။ ထိုအချိန်ကျရင် သူက လေလံပွဲမှာ ပစ္စည်းကောင်းအချို့ကို အရယူရပါမယ်။

"အကို၊ ငါ ချိုးဖြတ်သွားပြီ"

ဒီနေ့မှာတော့ မိုမိုက သားရဲအိတ်မှ ရုတ်တရက် ပျံသန်းကာ ထွက်လာခဲ့တယ်။

"မင်း ချိုးဖြတ်တော့မှာလား"

လီဖူချန်းက အနည်းငယ်မှင်တက်သွားတယ်။

အရင်က မိုမိုက ကြယ်သုံးလုံးအဆင့်မြင့်အဆင့်ရှိပေမယ့် အခု သူက ချိုးဖြတ်ပြီးဆိုတော့ ကြယ်လေးလုံးအဆင့်နိမ့်အဆင့်ကို ရောက်ရှိပြီလို့ ဆိုလိုတယ်။

မိုမိုရဲ့ပါရမီနဲ့ဆိုရင် ကြယ်လေးလုံးအဆင့်နိမ့်က ကြယ်လေးလုံးအလယ်ဆင့်နတ်ဘုရားဟင်းလင်းပြင်သက်ရှိအများစုကို အနိုင်ယူဖို့ လုံလောက်တယ်။ နတ်ဘုရားမျိုးနွယ်ရဲ့အဆင့်မြင့်ဆန်းကြယ်နတ်ဘုရားတွေကိုတောင် ယှဉ်ပြိုင်နိုင်လောက်တယ်။

ဒါပေမယ့် လီဖူချန်းက မိုမိုကို အထင်သေးခဲ့မိတာပဲ။

ယခင်မိုမိုက နယ်ပယ်တစ်ဆင့်ကျော်ကာ တိုက်ခိုက်နိုင်ပေမယ့် လက်ရှိမိုမိုက နယ်ပယ်နှစ်ဆယ့်ကျော်ကာ တိုက်ခိုက်နိုင်တယ်။

အခြားစကားဖြင့်ဆိုရရင် လက်ရှိမိုမိုက ကြယ်လေးလုံးအဆင့်မြင့်နတ်ဘုရားဟင်းလင်းပြင်သက်ရှိတွေကို ယှဉ်ပြိုင်ဖို့ လုံလောက်တယ်။ နတ်ဘုရားမျိုးနွယ်မှာဆိုရင် ပထမတန်းစားအဆင့်မြင့်ဆန်းကြယ်နတ်ဘုရားဒါမှမဟုတ်ဆန်းကြယ်နတ်ဘုရားဆရာသခင်တွေကိုတောင် အနည်းဆုံးယှဉ်ပြိုင်နိုင်မယ်။

"ကောင်းတယ်"

သူ့ဘေးနားမှာ အကူတစ်ယောက်ရှိလာတာ ကောင်းတဲ့အရာတစ်ခုပဲလေ။

***