အနက်ရောင်နဂါးတိုက်ပွဲချပ်ဝတ်

လေလံပွဲက လျင်မြန်စွာ စတင်လာခဲ့တယ်။

လေလံပွဲမှာပါဝင်နေသူတွေအားလုံးက ဆန်းကြယ်နတ်ဘုရားတွေပဲ၊ အခြေခံအားဖြင့် ပိုင်နက်နတ်ဘုရားတွေ မရှိပါဘူး။

လီဖူချန်း ဒါကို တွေးလိုက်တော့လဲ အဓိပ္ပါယ်ရှိပါတယ်။ ဆန်းကြယ်နတ်ဘုရားတွေလိုချင်တဲ့အရာတွေကို သူတို့က တစ်ချက်တောင် မကြည့်ပါဘူး။

သူတို့ပါဝင်တဲ့လေလံပွဲတွေက ထိပ်တန်းအဆင့်လေလံပွဲတွေပါပဲ။

ဝင်ခွင့်စရိတ်က လူတစ်ယောက်လျှင် အလယ်ဆင့်နတ်ဘုရားကျောက်တုံးသန်းတစ်ရာ ဖြစ်တယ်။

အကြောင်းကတော့ လေလံပွဲကိုဝင်ချင်တဲ့ဆန်းကြယ်နတ်ဘုရားတွေများလွန်းလို့ပဲ။ သူတို့အားလုံးက ဝင်လာရင် လေလံပွဲကို ပုံမှန်အတိုင်း ဘယ်ကျင်းပနိုင်တော့မှာလဲ။

အလယ်ဆင့်နတ်ဘုရားကျောက်တုံးတစ်ရာမီလီယံက ဆန်းကြယ်နတ်ဘုရားကိုးဆယ့်ကိုးရာခိုင်နှုန်းကို ရပ်တန့်စေဖို့ လုံလောက်တယ်။

တကယ်တော့ အဆင့်နိမ့်ဆန်းကြယ်နတ်ဘုရားတွေရဲ့အသားတင်ကြွယ်ဝမှုက အများဆုံးအလယ်ဆင့်နတ်ဘုရားကျောက်တုံးဘီလီယံဒါဇင်အနည်းငယ်ပေါ့။  အလယ်ဆင့်နတ်ဘုရားကျောက်တုံးသန်းတစ်ရာက သူတို့အတွက် သေးငယ်တဲ့ပမာဏတစ်ခုမဟုတ်ပါဘူး။

ပြီးတော့ အလယ်ဆင့်နတ်ဘုရားကျောက်တုံးတစ်ရာမီလီယံက သာမန်ထိုင်ခုံအတွက်ပါပဲ။ အလယ်ဆင့်ထိုင်ခုံအတွက် အလယ်ဆင့်နတ်ဘုရားကျောက်တုံးသန်းငါးရာ၊ အဆင့်မြင့်ထိုင်ခုံအတွက်  အလယ်ဆင့်နတ်ဘုရားကျောက်တုံးသုံးဘီလီယံ၊ သိီးသန့်ခန်းအတွက် အလယ်ဆင့်နတ်ဘုရားကျောက်တုံးတစ်ဆယ်ဘီလီယံ။

သီးသန့်ခန်းအထက်က သာလွန်သီးသန့်ခန်းကိုတော့ မင်းမှာ နတ်ဘုရားကျောက်တုံးတွေရှိရင်တောင် မဝယ်နိုင်ပါဘူး။ ဒါတွေကို ပုံရိပ်ကြီးမားသူတွေဒါမှမဟုတ်ဆန်းကြယ်နတ်ဘုရားဆရာသခင်တွေအတွက် ပြင်ဆင်ထားတယ်။

သူက ဆန်းကြယ်နတ်ဘုရားဆရာသခင်ဆိုတာ အခြားသူတွေကို ပြောရင်တောင် လီဖူချန်းအတွက် မဖြစ်နိုင်ပါဘူး၊ သူ ပြောခဲ့ရင်တောင် တစ်ယောက်မှ သူ့ကို မယုံပါဘူး။

ဒါကြောင့် သူက သီးသန့်ခန်းတစ်ခုကို ဝယ်ခဲ့တယ်။

သီးသန့်ခန်းက သီးသန့်ခန်းတစ်ခုဖြစ်ဖို့ ထိုက်တန်တယ်။ သူတို့ကို နတ်ဘုရားအစီအရင်တွေ တပ်ဆင်ထားတယ်။ လေလံဝန်ထမ်းရဲ့မိတ်ဆက်အရ ခံစစ်နတ်ဘုရားအစီအရင်တွေ၊ အသံလုံနတ်ဘုရားအစီအရင်တွေ၊ ထောက်လှမ်းတားဆီးခြင်းနတ်ဘုရားအစီအရင်တွေ စသဖြင့် ရှိတယ်။

အတိုချုပ်အားဖြင့် သီးသန့်ခန်းမှာ နေမယ်ဆိုရင် အလွန်အန္တရာယ်ကင်းပါတယ်၊ ဆန်းကြယ်နတ်ဘုရားဆရာသခင်ဆိုရင်တောင် သီးသန့်ခန်းထဲကို တစ်ခဏအတွင်း ချိုးဖြတ်ဖို့ မဖြစ်နိုင်ပါဘူး။

အလယ်ဆင့်နတ်ဘုရားကျောက်တုံးတစ်ဆယ်ဘီလီယံက အနည်းငယ်‌ဈေးကြီးပေမယ့် ဘယ်သူက ဂရုစိုက်လို့လဲ။ ယေဘုယျအားဖြင့် သီးသန့်ခန်းကိုရွေးချယ်တဲ့ဆန်းကြယ်နတ်ဘုရားတွေက အနည်းဆုံးအဆင့်မြင့်ဆန်းကြယ်နတ်ဘုရားတွေပဲ။ သူတို့ရဲ့ကြွယ်ဝမှုက အနည်းဆုံးထရီလီယံအနည်းငယ်ရှိတယ်။ အလယ်ဆင့်နတ်ဘုရားကျောက်တုံးဆယ်ဘီလီယံလောက်ကို သူတို့က တတ်နိုင်ပါသေးတယ်။

သူတို့က အဆင့်မြင့်ထိုင်ခုံတစ်ခုဒါမှမဟုတ်အလယ်ဆင့်ထိုင်ခုံတစ်ခုကို ရွေးလိုက်မယ်ဆိုရင် သူတို့က အခြားအဆင့်မြင့်ဆန်းကြယ်နတ်ဘုရားတွေက ပြက်ရယ်ပြုပါလိမ့်မယ်။

ယေဘုယျအားဖြင့် အဆင့်မြင့်ဆန်းကြယ်နတ်ဘုရားတွေက ဒီလိုမျက်နှာပျက်မှုကို လက်မခံနိုင်ပါဘူး။

လေလံပွဲက မစသေးပါဘူး။ သီးသန့်ခန်းထဲမှာ မိန်းမလှတွေက အကအလှနဲ့ ဖျော်ဖြေနေတယ်။ လီဖူချန်းအရှေ့စားပွဲပေါ်မှာ အချိုတည်းစရာသစ်သီးတွေရှိတယ်။

"မင်းမှာ ခွန်အားရှိရင် မင်းရဲ့ဘဝက သာယာနိုင်မှာပဲ"

လီဖူချန်းက အလွန်စိတ်သက်သောင့်သက်သာဖြစ်နေတယ်။

အလှလေးတွေ ပျောက်သွားတယ်၊ စားပွဲထိုးထွေ တစ်ယောက်ပြီးတစ်ယောက် ထွက်ခွာသွားတယ်၊ လေလံပွဲက စတင်လာချေပြီ။

လေလံပစ်သူက မိီးခိုးရောင်ဝတ်ရုံနဲ့လူအိုကြီးတစ်ယောက်ပဲ။ သူက လည်ချောင်းရှင်းကာ စကားအချို့ပြောပြီးနောက် ပထမဆုံးလေလံပစ္စည်းကို စတင်ပြသခဲ့တယ်။

"ပထမဆုံးလေလံပစ္စည်း၊ ကြယ်ငါးလုံးအဆင့်နိမ့်မီးလျှံရုပ်သေး၊ ကြမ်းခင်းဈေးက အလယ်ဆင့်နတ်ဘုရားကျောက်တုံးငါးထရီလီယံ။ တစ်ခါတိုးတိုင်း အလယ်ဆင့်နတ်ဘုရားကျောက်တုံးတစ်ထရိီလီယံထက် လျော့နည်းလို့မရဘူး"

အုန်း....

အောက်ရှ်ိလူတိုင်းက ထိတ်လန့်တုန်လှုပ်သွားတယ်။ သူတို့ပါးစပ်တွေ ဟလာပေမယ့် ဘာစကားမှ မပြောနိုင်ဘူး၊ ထို့နောက် ကြောက်စရာကောင်းတဲ့အသံလှိုင်းတစ်ခုက ပေါက်ကွဲထွက်လာတယ်။

"ဒါတော့ များသွားပြီ.....လေလံပွဲရဲ့ပထမဆုံးရတနာက အလွန်တန်ဖိုးရှိတဲ့ရတနာတစ်ခုဖြစ်လေ့ရှိပေမယ့် ဒီလိုတန်ဖိုးရှိတဲ့အရာတစ်ခုကို မြင်တွေ့ဖို့ဆိုတာ ရှားလွန်းပါတယ်။ ကြမ်းခင်းဈေးကတောင် အလယ်ဆင့်နတ်ဘုရား‌ကျောက်တုံးငါးထရီလီယံတဲ့"

"အံ့အားသင့်စရာပဲ၊ ဒါပေမယ့် ဒါက ငါတို့ယှဉ်ပြိုင်နိုင်တဲ့အရာမျိုးမဟုတ်ဘူးလေ။ အားကောင်းဆန်းကြယ်နတ်ဘုရားဆရာသခင်တွေကပဲ ဒါအတွက် ယှဉ်ပြိုင်နိုင်မှာ"

ဆွေးနွေးမှုတွေများစွာ ဖြစ်နေတော့တယ်။

"ကြယ်ငါးလုံးအဆင့်နိမ့်မီးလျှံရုပ်သေး"

လီဖူချန်းလဲ အံ့ဩတုန်လှုပ်သွားတယ်။

ကြယ်ငါးလုံးအဆင့်နိမ့်မီးလျှံရုပ်သေးက အဆင့်နိမ့်ပိုင်နက်နတ်ဘုရားနဲ့ ညီမျှတယ်။

ဒါပေမယ့် ရုပ်သေးတွေက အမြဲတမ်းရုပ်သေးပါပဲ၊ ကြယ်ငါးလုံးအဆင့်နိမ့်ရုပ်သေး‌တွေက အဆင့်နိမ့်ပိုင်နက်နတ်ဘုရားတွေရဲ့ပြိုင်ဘက်မဖြစ်နိုင်ပါဘူး၊ ဒါပေမယ့် အနည်းဆုံး သူတို့က အဆင့်နိမ့်ပိုင်နက်နတ်ဘုရားတွေနဲ့ တစ်ကြိမ်နှစ်ကြိမ်တော့ ယှဉ်ပြိုင်နိုင်မှာပါ။ ဆန်းကြယ်နတ်ဘုရားတစ်ယောက်နဲ့ရင်ဆိုင်တာကတော့ ရိုးရှင်းပါတယ်။ ၎င်းတို့က ဆန်းကြယ်နတ်ဘုရားဆရာသခင်အပါအဝင် ဘယ်လိုဆန်းကြယ်နတ်ဘုရားကိုမဆို သတ်ဖြတ်နိုင်ပါတယ်လေ။

"ငါ ယှဉ်ပြိုင်ရမလား"

လီဖူချန်းက ‌အတော်လေးစိတ်ဝင်စားနေတယ်။

သူ့ခန္ဓာကိုယ်ပေါ်မှာ အလယ်ဆင့်နတ်ဘုရားကျောက်တုံး၁၃၀ထရီလီယံရှိတယ်။ ပုံမှန်အခြေအနေအောက်မှာ သူက ကြယ်ငါးလုံးအဆင့်နိမ့်မီးလျှံရုပ်သေးကို လေလံဝင်ဆွဲနိုင်မှာပါ။

"မဟုတ်သေးဘူး၊ ထားလိုက်တော့။ ပြင်ပပစ္စည်းတွေက ပြင်ပပစ္စည်းတွေပါပဲလေ။ ငါ အဆင့်နိမ့်ဆန်းကြယ်နတ်ဘုရားအဆင့်ကို တက်လှမ်းပြီးတာနဲ့ ငါ့ခွန်အားက ဆန်းကြယ်နတ်ဘုရားတွေကြားမှာ ပြိုင်ဘက်ကင်းဖြစ်လာမှာပဲလေ။ ထိုအချိန်ကျရင် ငါက ကြယ်ငါးလုံးအဆင့်နိမ့်မီးလျှံရုပ်သေးနဲ့ ယှဉ်ပြိုင်နိုင်မှာပါ"

လီဖူချန်းက သေချာတွေးနေလေတယ်။

လက်ရှိမှာ သူက အဆင့်မြင့်စိတ်ဝိညာဉ်နတ်ဘုရားတစ်ယောက်လေ၊ သူက အားကောင်းဆန်းကြယ်နတ်ဘုရားဆရာသခင်ရဲ့ခွန်အားရှိတယ်။ သူက အဆင့်နိမ့်ဆန်းကြယ်နတ်ဘုရားဖြစ်လာပြီး သူ့ရဲ့အလယ်ဆင့်ဆန်းကြယ်နတ်ဘုရားတတ်မျိုးစုံကို ပေါင်းစည်းလိုက်မယ်ဆိုရင် သူ့ခွန်အားက အရည်အသွေးဆိုင်ရာခုန်တက်မှုတစ်ခုဖြစ်လာမှာပဲ၊ သူနဲ့ကြယ်ငါးလုံးအဆင့်နိမ့်ရုပ်သေးကြားမှာ သိပ်ကွာဟတော့မှာမဟုတ်ဘူး။

ဒါ့အပြင် သူ ဖန်တီးခဲ့တဲ့အလယ်ဆင့်ဓားတာအိုဆန်းကြယ်နတ်ဘုရားအတတ်တွေအားလုံးက အဆုံးစွန်းအဆင့်မှာ ရှိတယ်၊ သူတို့က အဆင့်မြင့်ဆန်းကြယ်နတ်ဘုရားအတတ်အဆင့်ကို ရောက်ဖို့ သိပ်မကွာဝေးတော့ပါဘူး။

အဆုံးမှာတော့ လီဖူချန်းက လက်လျော့ခဲ့ပြီး အခြားသူတွေကို ယှဉ်ပြိုင်စေခဲ့တယ်။

"၆ထရီလီယံ"၊ "၇ထရီလီယံ"၊ "၁၀ထရီလီယံ"......

အသက်ရှုချိန်အနည်းငယ်အတွင်း ကြယ်ငါးလုံးအဆင့်နိမ့်မီးလျှံရုပ်သေးရဲ့တန်ဖိုးက ဆယ်ထရီလီယံကို ကျော်လွန်သွားခဲ့တယ်။

ကြယ်ငါးလုံးအဆင့်နိမ့်မီးလျှံရုပ်သေးက ဆွဲဆောင်နိုင်လွန်းတယ်။ ၎င်းရှိနေရင် ဆန်းကြယ်နတ်ဘုရားဆရာသခင်တစ်ယောက်မှ ပြိုင်ဘက်မဖြစ်နိုင်တော့ဘူးလေ။

"တကယ်ချမ်းသာတာပဲ"

သူက ဆန်းကြယ်နတ်ဘုရားဆရာသခင်တွေကို အထင်သေးမိသွားတယ်လို့ လီဖူချန်းက ခံစားမိတယ်။

လူတိုင်းက သူ့လို အချိန်တိုတိုလေးပဲ ကျင့်ကြံထားတာ မဟုတ်ဘူးဆိုတာ သူ ဘယ်လိုလုပ်သိမှာလဲ။ ဒီငယ်ရွယ်ပြီးပါရမီရှိတဲ့ဆန်းကြယ်နတ်ဘုရားဆရာသခင်တွေက အနည်းဆုံးနှစ်ရာထောင်ချီကျင့်ကြံထားကြတယ်။ အသက်ကြီးသူတွေက နှစ်ဆယ်သန်းလောက် အသက်ရှင်သန်ခဲ့ပြီးပါပြီ။

ဒီလိုအချိန်အကြာကြီးမှာ စုဆောင်းထားတဲ့ကြွယ်ဝမှုက အရမ်းကြီးမားမယ်ဆိုတာ သဘာဝပါပဲလေ။

"၁၅ထရီလီယံ"

တစ်ယောက်‌ယောက်က ၁၅ထရီလီယံအထိ တိုးလိုက်တယ်။

ဒါက ဆန်းကြယ်နတ်ဘုရားဆရာသခင်အများစုရဲ့အကန့်အသတ်ပါပဲ။

လေလံဆွဲသူက အားကောင်းဆန်းကြယ်နတ်ဘုရားဆရာသခင်တစ်ယောက်ပါပဲ။

ယေဘုယျပြောရရင် အားကောင်းဆန်းကြယ်နတ်ဘုရားဆရာသခင်တွေကပဲ ဆယ်ထရီလီယံကျော်ကို အလွယ်တကူလေလံပေးနိုင်တာလေ။

"၁၆ထရီလီယံ"

နောက်ထပ်အားကောင်းဆန်းကြယ်နတ်ဘုရားဆရာသခင်က ပူးပေါင်းလာတယ်။

နောက်အခိုက်အတန့်မှာ ကြယ်ငါးလုံးအဆင့်နိမ့်မီးလျှံရုပ်သေးကို အားကောင်းဆန်းကြယ်နတ်ဘုရားဆရာသခင်တစ်ယောက်က ၂၀ထရီလီယံနဲ့ ပိုင်ဆိုင်သွားခဲ့တယ်လေ။

ပွင့်ပွင့်လင်းလင်းပြောရရင် ဒီပမာဏက အရမ်းမမြင့်မားပါဘူး။

ပထမဆုံးလေလံပစ္စည်းက အုတ်သော်သောင်းတင်းဖြစ်စေတယ်ဆိုရင် ဒုတိယလေလံပစ္စည်းက သာမန်မျှပဲလို့ ဆိုရပေလိမ့်မယ်။

"အဆင့်နိမ့်ဆန်းကြယ်နတ်ဘုရားအတတ်ချိတ်ပိတ်ကျောက်တုံးသံအရိုးသံမဏိလက်သီးချိတ်ပိတ်ကျောက်တုံး၊ ကြမ်းခင်းဈေးက......."

ဒီလေလံပစ္စည်းကို အဆင့်နိမ့်ဆန်းကြယ်နတ်ဘုရားတွေအတွက် ပြင်ဆင်ထားခဲ့တာပဲ။

အလယ်ဆင့်ဆန်းကြယ်နတ်ဘုရားတွေ မျက်စိကျဖို့ မဖြစ်နိုင်ပါဘူး။

"နံပါတ်၁၂လေလံပစ္စည်း၊ ကြယ်သုံးလုံးအလယ်ဆင့်နတ်ဘုရားမီးလျှံအရိုး‌ပြောင်းလဲခြင်းမီးလျှံ၊ ကြမ်းခင်းဈေးက......"

နတ်ဘုရားမီးလျှံလား။

လီဖူချန်းရဲ့မျက်လုံးတွေက နောက်ပိုင်းမှာ ပိုအဆင့်မြင့်တဲ့နတ်ဘုရားမီးလျှံတွေ ထွက်ပေါ်လာနိုင်မှာပါ။

"ပြီးပြည့်စုံခြင်းအလယ်ဆင့်ဆန်းကြယ်နတ်ဘုရားအသုံးအဆောင်ပစ္စည်းချပ်ဝတ်၊ ကြမ်းခင်းဈေးက......."

လေလံပစ်သူရဲ့အသံထွက်ပေါ်လာတာနဲ့ လူတိုင်းက စတင်လေလံဆွဲလာကြတော့တယ်။

ဘာပဲဖြစ်ဖြစ်၊ ပြီးပြည့်စုံခြင်းအဆင့်ကို ရောက်ရှိတယ်ဆိုတော့ ကောင်းတဲ့အရာတစ်ခုပဲလေ။

ပြီးပြည့်စုံခြင်းအလယ်ဆင့်ဆန်းကြယ်နတ်ဘုရားအသုံးအဆောင်ပစ္စည်းချပ်ဝတ်၊ ၎င်းရဲ့ခံစစ်က သာမန်အဆင့်မြင့်ဆန်းကြယ်နတ်ဘုရားအသုံးအဆောင်ပစ္စည်းချပ်ဝတ်တွေနဲ့ ယှဉ်နိုင်တယ်။

အဓိကအချက်ကတော့ ၎င်းက အဆင့်မြင့်ဆန်းကြယ်နတ်ဘုရားအသုံးအဆောင်ပစ္စည်းချပ်ဝတ်တွေလောက် ဆန်းကြယ်နတ်ဘုရားစွမ်းအားအများကြီးမသုံးစွဲပါဘူး။ ဒါက လစ်လျူရှုလို့မရတဲ့အသာစီးရမှုတစ်ခုပါပဲ။

"အမှတ်စဉ်၈၈လေလံပစ္စည်း၊ ပြီးပြည့်စုံခြင်းအဆင့်မြင့်ဆန်းကြယ်နတ်ဘုရားအသုံးအဆောင်ပစ္စည်းအလင်းချပ်ဝတ်အနက်ရောင်နဂါးတိုက်ပွဲချပ်ဝတ်။ ကြမ်းခင်းဈေးက အလယ်ဆင့်နတ်ဘုရားကျောက်တုံးငါးဆယ်ထရီလီယံ"

နောက်ဆုံးတော့ လီဖူချန်းစိတ်ဝင်စားတဲ့လေလံပစ္စည်းတစ်ခုက ထွက်ပေါ်လာပါပြီ။

နောက်ပိုင်းမှာ အဆုံးစွန်းအဆင့်မြင့်ဆန်းကြယ်နတ်ဘုရားအသုံးအဆောင်ပစ္စည်းချပ်ဝတ်တစ်ခု ထွက်ပေါ်လာမယ်လို့ သူ မမျှော်မှန်းထားပါဘူး။

အဆုံးစွန်းအဆင့်ဆန်းကြယ်နတ်ဘုရားအသုံးအဆောင်ပစ္စည်းတွေက ထွက်ပေါ်လာဖို့ ခဲယဉ်းပါတယ်။ သူ အခု လက်လျော့လိုက်ရင် နောက်ပိုင်းကျရင် နောင်တရဖို့များပေလိမ့်မယ်။

"၅၅ထရီလီယံ"

"၆၀ထရီလီယံ"

"၇၀ထရီလီယံ"

"၈၀ထရီလီယံ"

အနက်ရောင်နဂါးတိုက်ပွဲချပ်ဝတ်က အလွန်နာမည်ကြီးတယ်၊ လေလံဆွဲသူတွေများစွာရှိပြီး သူတို့အများစုက ဆန်းကြယ်နတ်ဘုရားဆရာသခင်အဆင့်အောက်မှာ ရှိတယ်။

ပုံမှန်အားဖြင့် ဆန်းကြယ်နတ်ဘုရားဆရာသခင်တွေမှာ သူတို့ရဲ့ကိုယ်ပိုင်အဆင့်မြင့်ဆန်းကြယ်နတ်ဘုရားအသုံးအဆောင်ပစ္စည်းချပ်ဝတ်တွေ ရှိပြီးသားပဲလေ။

"တစ်ရာထရီလီယံ" လီဖူချန်းက တစ်ရာထရီလီယံအထိ တိုက်ရိုက်တိုးပေးလိုက်တယ်။

"တစ်ရာ့တစ်ဆယ်ထရီလီယံ"

သူ့လက်ကို မြှောက်လျက် လီဖူချန်းရဲ့အသံက အသံချဲ့နတ်ဘုရားအစီအရင်ကို ဖြတ်သန်းကာ ပဲ့တင်ထပ်သွားတယ်"နှစ်ရာထရီလီယံ"

"ဘာ၊ နှစ်ရာထရီလီယံလား၊ ဆန်းကြယ်နတ်ဘုရားဆရာသခင်တစ်ယောက်များဖြစ်နိုင်မလား"

နှစ်ရာထရီလီယံက သေးငယ်တဲ့ပမာဏတစ်ခုမဟုတ်ပါဘူး။ အဆင့်မြင့်ဆန်းကြယ်နတ်ဘုရားအများစုရဲ့ကြွယ်ဝမှုက ထရီလီယံအနည်းငယ်သာ ရှိတယ်လေ။

"သုံးရာထရီလီယံ" ဒီတစ်ခါမှာတော့ လေလံဈေးပေးသူက အားကောင်းဆန်းကြယ်နတ်ဘုရားဆရာသခင်တစ်ယောက်ပါပဲ။

"လေးရားထရီလီယံ"

လီဖူချန်းက တုံ့ဆိုင်းမနေခဲ့ပါဘူး။

"ငါးရာထရီလီယံ" တစ်ဖက်လူက ဆက်လက်ဈေးပေးခဲ့တယ်။

"ခြောက်ရာထရီလီယံ" လီဖူချန်းကလဲ တန်ဖိုးကို တိုးလိုက်တယ်။

"ဒီနှစ်ယောက်ရူးနေတာလား။ အဲဒါက ပြီးပြည့်စုံခြင်းအဆင့်မြင့်ဆန်းကြယ်နတ်ဘုရားအသုံးအဆောင်ပစ္စည်းချပ်ဝတ်တစ်ခုဆို‌ပေမယ့်လဲ အဆင့်မြင့်ဆန်းကြယ်နတ်ဘုရားအသုံးအဆောင်ပစ္စည်းချပ်ဝတ်တစ်ခုကို ဝယ်ဖို့ ခြောက်ရာထရီလီယံတောင်လား"

"အော်၊ နတ်ဘုရားကျောက်တုံးတွေရှိတဲ့သူတွေကျတော့လဲ.....။ ငါတို့ရော ဘယ်အချိန်ကျမှ အခုလိုလုပ်နိုင်မှာလဲ"

လူတိုင်းက ဆွေးနွေးနေတော့တယ်။

"တောက်" သီးသန့်ခန်းတစ်ခုအထဲမှာ မီးခိုရောင်အကြေးခွံမျက်နှာနဲ့မီးခိုးရောင်ဆံပင်လူရွယ်တစ်ယောက်က ဒေါသထွက်သွားတယ်။ ရတနာအလင်းကြယ်မှာ‌နေထိုင်တဲ့ဆန်းကြယ်နတ်ဘုရားတစ်ယောက်က ဒီနေရာမှာရှိရင် သူက မီးခိုးရောင်ဆံပင်နဲ့လူရွယ်ကို သေချာပေါက်သိပါလိမ့်မယ်။ သူ့ကို မီးခိုးရောင်ကြေးခွံဆန်းကြယ်နတ်ဘုရားဆရာသခင်လို့ခေါ်တယ်။

သူ့ရဲ့အသားတင်ကြွယ်ဝမှုက တစ်ထောင်ထရီလီယံကျော်ရှိတယ်၊ ခြောက်ရာထရီလီယံက သေးငယ်တဲ့ပမာဏတစ်ခုမဟုတ်ပါဘူး။

အရေးကြီးဆုံးအရာကတော့ သူ့ခန္ဓာကိုယ်‌ပေါ်မှာ ထူးကဲအဆင့်မြင့်ဆန်းကြယ်နတ်ဘုရားအသုံးအဆောင်ပစ္စည်းချပ်ဝတ်တစ်ခုရှိနေတာပဲ။ ၎င်းနဲ့ပြီးပြည့်စုံခြင်းအဆင့်မြင့်ဆန်းကြယ်နတ်ဘုရားအသုံးအဆောင်ပစ္စည်းချပ်ဝတ်ကြားမှာ ကွာဟချက်တစ်ခုရှိပေမယ့် ထိုကွာဟချက်က မကြီးမားပါဘူး။

"မင်း ဘယ်သူလဲဆိုတာ ငါ့ကို မသိစေနဲ့ပေါ့"

မီးခိုးရောင်ကြေးခွံဆန်းကြယ်နတ်ဘုရားဆရာသခင်က လက်လျော့လိုက်တော့တယ်။

အဆုံးမှာတော့ လီဖူချန်းက အနက်ရောင်နဂါးတိုက်ပွဲချပ်ဝတ်ကို ရရှိခဲ့တယ်။

ဒါပေမယ့် လီဖူချန်းက ခေါင်းကိုက်စရာမလိုပါဘူး။ နန်ကုန်းမိသားစုပေးခဲ့တဲ့အလယ်ဆင့်နတ်ဘုရား‌ကျောက်တုံးတစ်ရာ့သုံးဆယ်ထရီလီယံအပြင် သူက အသေးစားလျို့ဝှက်နယ်မြေထဲမှာ အလယ်ဆင့်နတ်ဘုရားကျောက်တုံးအမြောက်အများကို ရရှိခဲ့တယ်လေ။

"ပြီးပြည့်စုံခြင်းအဆင့်မြင့်ဆန်းကြယ်နတ်ဘုရားအသုံးအဆောင်ပစ္စည်းချပ်ဝတ်တစ်ခုဆိုတဲ့အတိုင်းပါပဲ"

အနက်ရောင်နဂါးတိုက်ပွဲချပ်ဝတ်ကို ရရှိပြီးနောက် လီဖူချန်းက သူ့ရဲ့စိတ်ဝိညာဉ်နတ်ဘုရားစွမ်းအားကို အထဲသို့ ထည့်သွင်းပြီး အနက်ရောင်နဂါးတိုက်ပွဲချပ်ဝတ်ရဲ့ဆန်းကြယ်မှုကို စတင်အာရုံခံနေခဲ့တယ်။

ခံစစ်အားကောင်းတာအပြင် အနက်ရောင်နဂါးတိုက်ပွဲချပ်ဝတ်က အနက်ရောင်နဂါးအကာအကွယ်ကိုလဲ အသက်သွင်းနိုင်တယ်။

ဒါက အပိုအကာအကွယ်အလွှာနှစ်ခုရှိတာနဲ့ အတူတူပါပဲ။

"ဆန်းကြယ်နတ်ဘုရားအသုံးအဆောင်ပစ္စည်းချပ်ဝတ်တစ်ခုတော့ ရပြီ၊ အခု ဆန်းကြယ်နတ်ဘုရားအသုံးအဆောင်ပစ္စည်းဓားတစ်လက်ပဲ လိုတော့တယ်"

လက်ရှိသူ့ရဲ့ခွန်အားက လျင်မြန်စွာတိုးတက်လာပြီး စိတ်ဝိညာဉ်ခွဲဖြာဓားက လိုက်မမီနိုင်တော့ပါဘူး။ ဒါ‌ကြောင့် သူက ပိုအားကောင်းတဲ့ဆန်းကြယ်နတ်ဘုရားအသုံးအဆောင်ပစ္စည်းဓားတစ်လက်ကို လိုအပ်တယ်။

***