ဆန်းကြယ်ရွှေနတ်ဘုရားမျက်လုံး

ရှစ်ရာဘီလီယံဆိုတာ ဘယ်လိုသဘောတရားမျိုးလဲ။

ပုံမှန်အနေအထားမှာ အဆင့်နိမ့်ဆန်းကြယ်နတ်ဘုရားအတတ်အနည်းငယ်ကို‌ပေါင်းစပ်ထားတဲ့အဆင့်နိမ့်ဆန်းကြယ်နတ်ဘုရားတစ်ယောက်မှာ နတ်ဘုရားစွမ်းအားအညွှန်းကိန်းတစ်ဆယ်ဘီလီယံရှိတယ်။

လီဖူချန်းက သူတို့ထက် အဆရှစ်ဆယ်နီးပါးပိုတယ်။

နတ်ဘုရားစွမ်းအားအညွှန်းကိန်းက နှစ်ဆဖြစ်လာတဲ့အခါ ခွန်အားက ဆယ်ဆတိုးလာတယ်။ နတ်ဘုရားစွမ်းအားအညွှန်းကိန်းက အဆရှစ်ဆယ်နီးပါးတိုးလာတဲ့အခါ ခွန်အားက အဆခုနှစ်ရာကျော်တိုးလာတာပေါ့။

ဒါက ဆန်းကြယ်နတ်ဘုရားစွမ်းအားအညွှန်းကိန်းမျှပဲ။

ဆန်းကြယ်နတ်ဘုရားစွမ်းအားခွန်အားနဲ့ဆိုရင် လီဖူချန်းရဲ့ဆန်းကြယ်နတ်ဘုရားစွမ်းအားခွန်အားက အဆင့်နိမ့်ဆန်းကြယ်နတ်ဘုရားတစ်ယောက်ထက် အနည်းဆုံးအဆတစ်ရာပိုတယ်။

နှစ်ချက်ပေါင်းလိုက်တော့ အနည်းဆုံးအဆရှစ်သောင်းဒါမှမဟုတ်တစ်သိန်းဖြစ်လာတာပေါ့။

နတ်ဘုရားစွမ်းအားတုန်ခါမှုကိုတောင် မလိုအပ်ဘူး။ လီဖူချန်းရဲ့သာမန်အသက်ရှုထုတ်မှုနဲ့တင် အဆင့်နိမ့်ဆန်းကြယ်နတ်ဘုရားများစွာကို သတ်ဖြတ်နိုင်တယ်။

နေရာလပ်-အချိန်နတ်ဘုရားစွမ်းအားကတော့ ပိုသာမန်ဖြစ်ပြီး ဆန်းကြယ်နတ်ဘုရားစွမ်းအားအညွန်းကိန်းဆယ်ဘီလီယံအနည်းငယ်သာ ရှိတယ်။

ရတနာအလင်းကြယ်ပေါ်မှာ သင်္ဘောတွေက ‌ခေါက်တုံ့ခေါက်ပြန်သွားလာနေတယ်။ ဒီနေ့မှာတော့ အာကာာသယာဉ်ကွပ်လပ်မှာ ဝူကလန်ရဲ့အာကာသယာဉ်တစ်စီးကို လီဖူချန်းက မြင်လိုက်ရတယ်။

ဝူကလန်က စစ်ခုန်ကျိုက်ရှင်းရောလီဖူချန်းနဲ့ပါ ကြီးမားတဲ့ရန်ငြိုးတစ်ခုရှိတယ်။

အတိတ်မှာ ဝူရွှမ်းထျန်းက လီဖူချန်းနောက်ကို လိုက်ခဲ့တယ်။ လီဖူချန်းမှာ ကြယ်လေးလုံးနတ်ဘုရားအဆောင်မရှိရင် သူ သေသွားခဲ့ပြီးနေပြီ။

"ဝူကလန်ကို စစ်ခုန်ကျိုက်ရှင်းအတွက် ချန်ထားလိုက်မယ်။ ဒီအဖွဲ့ကတော့ ငါ့အတွက်ပေါ့...." လီဖူချန်းက သူ့ရာသူပြောလိုက်တယ်။

ရက်အနည်းငယ်အတွင်းမှာ ဝူကလန်ရဲ့အာကာသယာဉ်က ထွက်ခွာသွားခဲ့တယ်။

ပုံရိပ်တစ်ခုက နောက်မှ လိုက်လာတာကို သူတို့တွေ မသိပါဘူး။

နတ်ဘုရားဟင်းလင်းပြင်ရှိမိုင်မီလီယံရာအနည်းငယ်အကွာမှာ လီဖူချန်းက ဝူကလန်ရဲ့အာကာသယာဉ်ကို တားဆီးခဲ့တယ်။

"မင်းဘယ်သူလဲ"

ဝူကလန်ရဲ့အာကာသယာဉ်က ဆန်းကြယ်နတ်ဘုရားအသုံးအဆောင်ပစ္စည်းအာကာသယာဉ်ဖြစ်တယ်။ ဝူကလန်ရဲ့ဆန်းကြယ်နတ်ဘုရားနှစ်ဆယ်ကျော်က ထွက်လာတယ်၊ သူတို့အထဲမှာ အဆင့်မြင့်ဆန်းကြယ်နတ်ဘုရားသုံးယောက်ရှိတယ်။

ဝူကလန်က ရတနာအလင်းကြယ်ထဲမှာ အရေးကြီးတာတစ်ခုခုလုပ်ခဲ့မှန်း သိသာတယ်။

"မင်းကိုး"

ဝူရွှမ်းထျန်းက လီဖူချန်းကို ချက်ချင်းမှတ်မိလိုက်တယ်။

အတိတ်မှာ သူက လီဖူချန်းနောက်ကို လိုက်သွားတယ်၊ လီဖူချန်းက ရွှေကျီးကန်ကုန်သွယ်ရေးအာကာသယာဉ်ကို တက်တဲ့အခါ လီဖူချန်းနောက်လိုက်ဖို့ သူက လူသတ်သမားခုနှစ်ယောက်အဖွဲ့ရဲ့ဆန်းကြယ်နတ်ဘုရားတွေကို ဖိတ်ခေါ်ခဲ့တယ်။

သူတို့နှစ်ယောက်က ကြီးမားတဲ့ရန်ငြိုးတစ်ခုရှိတယ်။

"ငါပဲ၊ မင်း ငါ့ကို မြင်တွေ့ရမယ်လို့ မထင်ထားဘူးမလား" လီဖူချန်းက ပြုံးလိုက်တယ်။

ဒီနေ့မှာ သူက ဝူရွှမ်းထျန်းကို မျက်စိတောင် မထည့်ပါဘူး။ တစ်ဖက်လူက သေးနုပ်တဲ့အဆင့်နိမ့်ဆန်းကြယ်နတ်ဘုရားတစ်ယောက်သာသာပဲလေ။

ဝူရွှမ်းထျန်းက တခစ်ခစ်ရယ်လိုက်တယ်"မင်း ဒီနေရာမှာ သေမယ်လို့ ငါ မထင်ထားခဲ့တာပါကွာ"

နှစ်အနည်းငယ်ရှိသေးတယ်၊ လီဖူချန်းက ဒီလောက်စွမ်းဆောင်နိုင်မယ်လို့ သူ မထင်ထားပါဘူး။

"သူနဲ့ ဘာ အရေမရအဖတ်မရတွေ ပြောနေတာလဲ။ ဝူဟူ၊ သွား၊ သူ့ကို သတ်လိုက်" ဝူကလန်ရဲ့အဆင့်မြင့်ဆန်းကြယ်နတ်ဘုရားတစ်ယောက်ဖြစ်တဲ့ဝူကျစ်ထျန်းက ပြောလိုက်တယ်။

"ကောင်းပြီ၊ တစ်ကွက်ပါပဲ"

ဝူဟူ၊ အလယ်ဆင့်ဆန်းကြယ်နတ်ဘုရားတစ်ယောက်၊ အဆင့်နိမ့်ဆန်းကြယ်နတ်ဘုရားအတတ်လေးခုကို ပေါင်းစပ်ထားတယ်။

"သေစမ်း"

ဝူဟူက အာကာသယာဉ်မှ ပျံသန်းထွက်လာပြီး သူ့လက်ထဲရှိကြာပွတ်ကို ဝှေ့ယမ်းလိုက်တယ်၊ နဂါးပုံသဏ္ဍာန်အရိပ်တစ်ခုက လီဖူချန်းကို ရိုက်နှက်လာတယ်။

အုန်း......

လီဖူချန်းက ချီတည်ရှိမှုအနည်းငယ်သာ ထုတ်လွှတ်ခဲ့ပြီး ဝူဟူက ပေါက်ကွဲထွက်သွားတယ်။ ဝူဟူရဲ့ဆန်းကြယ်နတ်ဘုရားစွမ်းအားက လုံးဝကုန်ဆုံးသွားတယ်။

"ဘာ" ဝူမိသားစုရဲ့ဆန်းကြယ်နတ်ဘုရားတွေက မှင်တက်သွားတယ်။ ဘာဖြစ်နေတာလဲ။

"ငါ့ရဲ့ဓားကို လက်ခံလိုက်စမ်း"

ဝူကျစ်ထျန်းက လှုပ်ရှားလိုက်တယ်။ သူ့ရဲ့ဆန်းကြယ်နတ်ဘုရားအသုံးအဆောင်ပစ္စည်းက ကြီးမားတဲ့သားစဉ်းဓားတစ်လက်ဖြစ်တယ်။ သားစဉ်းဓားနဲ့အတူ သားစဉ်းဓားရဲ့ဓားမော့ချီက နတ်ဘုရားဟင်းလင်းပြင်ကို ရိုက်ခတ်သွားတယ်။

အုန်း......

ဝူကျစ်ထျန်းကလဲ ပေါက်ကွဲထွက်သွားတယ်။ ဒီတစ်ခါမှာတော့ လီဖူချန်းက ဆန်းကြယ်နတ်ဘုရားစွမ်းအားအချို့ကို ထုတ်လွှတ်လိုက်တယ်။

"ဒီလူက ဆန်းကြယ်နတ်ဘုရားဆရာသခင်ပဲ၊ ပြီးတော့ အလွန်အားကောင်းတဲ့တည်ရှိမှုတစ်ခုပဲ"

အခြားအဆင့်မြင့်ဆန်းကြယ်နတ်ဘုရားနှစ်ယောက်က ‌အော်လိုက်တယ်။

အုန်း အုန်း အုန်း......

ကုန်းပတ်ပေါ်မှာ ဝူကလန်ရဲ့ဆန်းကြယ်နတ်ဘုရားတွေအားလုံးက ပေါက်ကွဲထွက်သွားခဲ့ပြီး ဝူရွှမ်းထျန်းတစ်ယောက်သာ ‌ကျန်ရှိတော့တယ်။

"ဝူရွှမ်းထျန်း၊ မင်း ကြောက်နေတာလား" လီဖူချန်းက ဝူရွှမ်းထျန်းကို မေးလိုက်တယ်။

"ငါ့ကိုမသတ်ပါနဲ့"

ဝူရွှမ်းထျန်းက ကြောက်ရွံ့နေတယ်။ သူက ဝူကလန်ရဲ့ဆန်းကြယ်နတ်ဘုရားဖြစ်ပြီး နောက်ခံရောခွန်အားရောရှိတယ်။ သူက အသက်ရှင်သန်လို့တောင် မဝသေးဘူးလေ၊ သူ့ဘဝမှာ စိတ်လှုပ်ရှားစရာတွေ အများကြီးကျန်ရှိပါသေးတယ်။

"နောက်ကျသွားပြီ"

ဝူရွှမ်းထျန်းလဲ ပေါက်ကွဲထွက်သွားတယ်။

ဘာမှအားထုတ်စရာမလိုဘဲ လီဖူချန်းက အာကာသယာဉ်ပေါ်ရှိဝူကလန်ရဲ့ဆန်းကြယ်နတ်ဘုရားအားလုံးကို သတ်ဖြတ်ခဲ့တယ်။

"မိတ်ဆွေလေး၊ မင်း ဆန်းကြယ်နတ်ဘုရားနှစ်ဆယ်ကျော်ကို အသက်တစ်ခါရှုချိန်အတွင်း သတ်ဖြတ်တာ မများလွန်းဘူးလား" ဒီအချိန်မှာ ပုံရိပ်တစ်ခုက နတ်ဘုရားဟင်းလင်းပြင်မှ ပျံသန်းထွက်လာတယ်။

ဒါက လူအိုကြိီးတစ်ယောက်ဖြစ်ပြီး သူ့ဆန်းကြယ်နတ်ဘုရားအသုံးအဆောင်ပစ္စည်းက အစိမ်းရောင်ဝါးတုတ်ချောင်းတစ်ချောင်းဖြစ်တယ်။

ဝါးတုတ်ဆန်းကြယ်နတ်ဘုရားဆရာသခင်က ရတနာအလင်းကြယ်ပေါ်ရှိသာမန်ဆန်းကြယ်နတ်ဘုရားဆရာသခင်တွေထဲကတစ်ယောက်ဖြစ်တယ်။

"မင်းက ဒီနေရာကို အခွင့်ကောင်းယူဖို့ လာတာမလား"

ဝါးတုတ်ဆန်းကြယ်နတ်ဘုရားဆရာသခင်က တရားမျှတမှုကို ရှာဖွေဖို့လာတယ်ဆိုတာ လီဖူချန်းက မယုံကြည်ပါဘူး။

ဝူကလန်က အလုပ်ကြီးလုပ်ဖို့ ရတနာအလင်းကြယ်ဆီ လာတာဖြစ်ရမယ်။ ဝါးတုတ်ဆန်းကြယ်နတ်ဘုရားဆရာသခင်က သူတို့ကို သတိပြုမိခဲ့ပြီး ဒီနေရာထိ လိုက်လာတာပဲ ဖြစ်မယ်။ လီဖူချန်းက အရင်လှုပ်ရှားမယ်လို့ ဘယ်သူက ထင်ထားမှာလဲ။

"မိတ်ဆွေလေး၊ မင်းက ဗီလိန်‌ပေတံနဲ့ လူကောင်းတစ်ယောက်ရဲ့နှလုံးသားကို ခန့်မှန်းနေတာပဲ။ ဘယ်လိုလုပ်ပြီး ငါ၊ ဝါးတုတ်ဆန်းကြယ်နတ်ဘုရားဆရာသခင်က အဲဒီလိုလူတစ်ယောက်ဖြစ်မှာလဲ"

"မင်း ဘယ်သူပဲဖြစ်ဖြစ် ငါ ဂရုမစိုက်ဘူး။ တစ်ချိန်တုန်းက ဝူကလန်က ငါ့ကို လိုက်ဖမ်းခဲ့တယ်။ ဒီတော့ ငါ သူတို့ကို အကြွေးပြန်ပေးလိုက်တာပေါ့။ နှုတ်ဆက်ပါတယ်" လီဖူချန်းက ဝါးတုတ်ဆန်းကြယ်နတ်ဘုရားဆရာသခင်ကို မသတ်ဖြတ်ချင်ပါဘူး၊ အနှီလူက မသေချင်ရင်ပေါ့လေ။

"မိတ်ဆွေလေး၊ နေပါအုံး"

ဝါးတုတ်ဆန်းကြယ်နတ်ဘုရားဆရာသခင်က လျှပ်တစ်ပြက်လက်သွားပြီး လီဖူချန်းရဲ့လမ်းကို ပိတ်ဆို့ခဲ့တယ်။

လီဖူချန်းက အေးစက်စွာ ပြောလိုက်တယ်"မင်း သေချင်နေတာလား"

ဝါးတုတ်ဆန်းကြယ်နတ်ဘုရားဆရာသခင်က ပြောလိုက်တယ်"ငါက ဝူကလန်နဲ့ ဆက်နွယ်မှုအချို့ရှိတယ်။ ဆန်းကြယ်နတ်ဘုရားအသုံးအဆောင်ပစ္စည်းအာကာသယာဉ်နဲ့သူတို့ရဲ့နေရာလပ်လက်စွပ်တွေကို ငါ့ကို ပေးလိုက်ပါ"

"ဟီးဟီး၊ ဒါ ဖြစ်နိုင်မယ်လို့ မင်း ထင်နေတာလား"

လီဖူချန်းက ရယ်သွမ်းသွေးလိုက်တယ်။

"ဒါဆိုလဲ ငါ မင်းကို အပြစ်ပြုရတော့မှာပေါ့။ ဝါးတုတ်ကောင်းကင်"

ဝါးတုတ်ဆန်းကြယ်နတ်ဘုရားဆရာသခင်က လီဖူချန်းနဲ့ အပိုစကားတွေ မပြောချင်ပါဘူး။ သူက သူ့လက်ထဲရှိ အစိမ်းရောင်ဝါးတုတ်ကို လှုပ်ခါလိုက်တယ်၊ ဝါးတုတ်အရိပ်မရေမတွက်များစွာက လီဖူချန်းဆီ ပြေးဝင်လာတယ်။

တိုက်ပွဲစတင်လျှင်ချင်း ဝါးတုတ်ဆန်းကြယ်နတ်ဘုရားဆရာသခင်က အဆင့်မြင့်ဆန်းကြယ်နတ်ဘုရားအတတ်တစ်ခုကို ဖော်ထုတ်လိုက်တယ်။ သူက လီဖူချန်းနဲ့ပတ်သက်ပြီး အချိန်မဖြုန်းချင်တာ သိသာတယ်။

"မင်းက သေချင်နေမှတော့ ငါက မင်းဆန္ဒကို ဖြည့်ဆည်းပေးရမှာပေါ့"

လီဖူချန်းက လှုပ်တောင်မလှုပ်ခဲ့ပါဘူး၊ အစိမ်းရောင်ဝါးတုတ်ကို သူ့ခန္ဓာကိုယ်ပေါ်သို့ ခုတ်ပိုင်းခွင့်ပြုလိုက်တယ်။

ဝါးတုတ်ဆန်းကြယ်နတ်ဘုရားဆရာသခင်က ပျော်ရွှင်ဝမ်းမြောက်သွားတယ်။ သူ့တုတ်ထိမှန်ရင် သာမန်ဆန်းကြယ်နတ်ဘုရားဆရာသခင်‌တွေကတောင် မခံနိုင်ပါဘူး။ လီဖူချန်းက သေမှာ သေချာပါတယ်။

ဒါပေမယ့် အစိမ်းရောင်ဝါးတုတ်ထိမှန်တာတောင် လီဖူချန်းက မရွေ့ခဲ့ပါဘူး။ သူ့ခန္ဓာကိုယ်ပေါ်မှာ တုတ်ရာတစ်ခုတောင် ရှိမနေဘူး။

လီဖူချန်းက နှာခေါင်းရှုံ့ကာ ဆန်းကြယ်နတ်ဘုရားစွမ်းအားကို တုန်ခါလိုက်တယ်။

ဝှစ်.....

ဝါးတုတ်ဆန်းကြယ်နတ်ဘုရားဆရာသခင်က ဗလာနတ္ထိဖြစ်သွားတော့တယ်။

သူက ဘာတစ်ခုမှမလုပ်ခဲ့သလိုမျိုး လီဖူချန်းက ထွက်ခွာလာခဲ့တယ်။

ဝူကလန်က ဒီတစ်ကြိမ်မှာ စီးပွားရေးကြီးတစ်ခုပြုလုပ်ခဲ့တာ သိသာပါတယ်။ ဝူကျစ်ထျန်းရဲ့နေရာလပ်လက်စွပ်ထဲမှာ အလယ်ဆင့်နတ်ဘုရားကျောက်တုံးထရီလီယံဒါဇင်ကျော်၊ အဆင့်မြင့်နတ်ဘုရားကျောက်တုံးထရီလီယံအနည်းငယ်ရှိတယ်။

ဒါက အဆင့်မြင့်ဆန်းကြယ်နတ်ဘုရားတစ်ယောက်မှာရှိသင့်တဲ့ကြွယ်ဝမှုမျိုးမဟုတ်ဘူး။

ဝါးတုတ်ဆန်းကြယ်နတ်ဘုရားဆရာသခင်က ကြွယ်ဝမှုများစွာရှိပြီး အလယ်ဆင့်နတ်ဘုရားကျောက်တုံးထရီလီယံအနည်းငယ်ရှိတယ်။

ဒီလိုနဲ့ လီဖူချန်းက နောက်ထပ်အလယ်ဆင့်နတ်ဘုရားကျောက်တုံးနှစ်ဆယ်ထရီလီယံကို ရရှိခဲ့တယ်။

လီဖူချန်းက ခရမ်းတိမ်နတ်ဘုရားကမ္ဘာဒါမှမဟုတ်ရတနာအလင်းကြယ်ဆီ မပြန်ခဲ့ပါဘူး။ အဲ့အစား သူက သတ္တုနတ်ဘုရားကြယ်တစ်ခုဆီ သွားခဲ့တယ်။

နာမည်အတိုင်းပါပဲ၊ သတ္တုနတ်ဘုရားကြယ်က သတ္တုတွေ ကြွယ်ဝတယ်။

ဒီသတ္တုနတ်ဘုရားကြယ်ကို နဂါးအင်းကွက်ရွှေနတ်ဘုရားကြယ်လို့ခေါ်တယ်။

နဂါးအင်းကွက်ရွှေက ကြယ်ငါးလုံးအဆင့်မြင့်နတ်ဘုရားသတ္တုဖြစ်ပြီး အဆင့်မြင့်ဆန်းကြယ်နတ်ဘုရားအသုံးအဆောင်ပစ္စည်းတွေကို သန့်စင်တဲ့အခါမှာ အသုံးပြုတဲ့ ထိပ်တန်းအဆင့်သတ္တုဖြစ်တယ်။

နဂါးအင်းကွက်နတ်ဘုရားရွှေကြယ်က ကြီးမားပြီး ၎င်းရဲ့ကမ္ဘာဆွဲအားက သန်မာလွန်းတယ်။ ၎င်းက ကမ္ဘာဆွဲအားနတ်ဘုရားကြယ်အများစုထက် ပိုသန်မာတယ်။ကမ္ဘာနတ်ဘုရားတွေကတောင် နဂါးအင်းကွက်ရွှေနတ်ဘုရားကြယ်ကို မဖျက်ဆီးနိုင်ဘူး။

ဒီအကြောင်းပြချက်ကြောင့်ပဲ ဆန်းကြယ်နတ်ဘုရားတွေနဲ့ပိုင်နက်နတ်ဘုရားတွေက ဒီနေရာမှာ စုပြုံရောက်ရှိနေကြတယ်။ လူတိုင်းက နဂါးအင်းကွက်ရွှေသတ္တုအချို့ကို လိုချင်ကြတယ်လေ။

ဆန်းကြယ်နတ်ဘုရားတစ်ယောက်က အချို့ရရင် သူတို့အနေနဲ့ ကြွယ်ဝဖို့ လုံလောက်တယ်။ ပိုင်နက်နတ်ဘုရားတစ်ယောက်က အချို့ရရင် ပြောင်မြောက်တဲ့နတ်ဘုရားလက်နက်ဆရာသခင်တွေကို ငှားကာ အဆင့်မြင့်ဆန်းကြယ်နတ်ဘုရားလက်နက်တွေကို သန့်စင်နိုင်တယ်။

ဒါပေမယ့် နဂါးအင်းကွက်ရွှေသတ္တုကို ရရှိဖို့ မလွယ်ပါဘူး။ နှစ်ပေါင်းမရေမတွက်များစွာကြာပြီးဆိုတော့ နဂါးအင်းကွက်ရွှေကြယ်ရဲ့မျက်နှာပြင်က တူးလို့ကုန်နေပြီလေ။ နဂါးအင်းကွက်ရွှေသတ္တုတွေကို ရဖို့ဆိုရင် မြေအောက်ထိ သွားရပါလိမ့်မယ်။

လီဖူချန်း နဂါးအင်းကွက်ရွှေကြယ်ကို ‌လာရတဲ့အကြောင်းရင်းကတော့ သူက ဝါးတုတ်ဆန်းကြယ်နတ်ဘုရားဆရာသခင်ရဲ့နေရာလပ်လက်စွပ်ထဲကနေ အထူးဆန်းကြယ်နတ်ဘုရားအတတ်တစ်ခုဖြစ်တဲ့ဆန်းကြယ်ရွှေနတ်ဘုရားမျက်လုံးကို ရရှိခဲ့လို့လေ။

ဒီမျက်လုံးနည်းစနစ်က တိုက်ခိုက်ဖို့အတွက် အသုံးမဝင်ပေမယ့် နတ်ဘုရားသတ္တုတွေရှာဖွေရာမှာတော့ အတော်လေးအသုံးဝင်တယ်။

ဒါပေမယ့် ဆန်းကြယ်ရွှေနတ်ဘုရားမျက်လုံးက ကျင့်ကြံရတာ ခက်ခဲတယ်။ လမ်းတစ်လျှောက်မှာ ကျင့်ကြံလာရင်း နဂါးအင်းကွက်ရွှေကြယ်ကို ရောက်တဲ့အခါမှာတော့ လီဖူချန်းက ဆန်းကြယ်ရွှေနတ်ဘုရားမျက်လုံးကို ဝင်စအခြေအနေထိသာ ကျင့်ကြံနိုင်ခဲ့တယ်။

နဂါးအင်းကွက်ရွှေကြယ်ပေါ်မှာ မျက်လုံးအတတ်တွေမရှိဘဲ နဂါးအင်းကွက်ရွှေသတ္တုကို ရှာတွေ့ဖို့ မဖြစ်နိုင်ဘူး။ ဒါကြောင့် မျက်လုံးအတတ်ချိတ်ပိတ်ကျောက်တုံးတွေက နဂါးအင်းကွက်ရွှေကြယ်ပေါ်မှာ အလွန်နာမည်ကြီးတယ်။

နဂါးအင်းကွက်ရွှေကြယ်ပေါ်ရှိနတ်ဘုရားမြို့တွေထဲကတစ်ခုကတော့ ရွှေအထွတ်အထိပ်မြို့ဖြစ်တယ်။

ဆိုင်ကြီးမျိုးစုံအပြင် ရောင်းဝယ်ရေးစင်တာ‌တွေထဲမှာလဲ ဆိုင်ခန်းငယ်တွေ ရှိတယ်။

"အဆင့်နိမ့်မျက်လုံးနည်းစနစ်စိတ်ဝိညာဉ်နတ်ဘုရားအတတ်၊ ငွေဖြတ်မျက်လုံး။ မြန်မြန်လာနော်။ မင်း အခု မလာရင် နောင်ထပ်အခွင့်အရေးရှိတော့မှာမဟုတ်ဘူး"

"အဆင့်နိမ့်မျက်လုံးနည်းစနစ်စိတ်ဝိညာဉ်နတ်ဘုရားအတတ်၊ ရွှေရှာမျက်လုံး"

…

ဆိုင်ခန်းငယ်တွေထဲရှိမျက်လုံးနည်းစနစ်နတ်ဘုရားအတတ်ချိတ်ပိတ်ကျောက်တုံးတွေအားလုံးက အခြေခံအားဖြင့် အဆင့်နိမ့်စိတ်ဝိညာဉ်နတ်ဘုရားအတတ်တွေဖြစ်တယ်။ အဆင့်မြင့်စိတ်ဝိညာဉ်နတ်ဘုရားအတတ်တွေအသာထား၊ အလယ်ဆင့်စိတ်ဝိညာဉ်နတ်ဘုရားအတတ်တွေတောင် နည်းနည်းလေးသာရှိတယ်။

ဒါပေမယ့် ဒါကို စဉ်းစားကြည့်လိုက်တော့ ပုံမှန်ပါပဲ။ မျက်လုံးနည်းစနစ်တွေက အမြဲတမ်းရှားပါးပြီး နဂါးအင်းကွက်ရွှေကြယ်မှာပဲ ပေါများနေတာပါ။

"ဝါးတုတ်ဆန်းကြယ်နတ်ဘုရားဆရာသခင်က ဆန်းကြယ်ရွှေနတ်ဘုရားမျက်လုံးကို ဘယ်နေရာက ရသလဲမသိဘူး"

လီဖူချန်းက အလွန်သိချင်စိတ်ဖြစ်မိတယ်။

ဆန်းကြယ်ရွှေနတ်ဘုရားမျက်လုံးက အလယ်ဆင့်ဆန်းကြယ်နတ်ဘုရားအတတ်တစ်ခုဖြစ်တယ်။ ၎င်းကို ခုနှစ်ဆယ်ဒါမှမဟုတ်ရှစ်ဆယ်ရာခိုင်နှုန်းအထိ ကျွမ်းကျင်အောင် ကျင့်ကြံပြီးတာနဲ့ မျက်လုံးက မြေအောက်မိုင်ဆယ်သန်းအကွာရှိသတ္တုဖြာထွက်တာကို မြင်နိုင်လိမ့်မယ်။

ဒါပေမယ့် ကျင့်ကြံရတာ ခက်ခဲလွန်းပြီး လီဖူချန်းက တစ်ဝက်ပြီးပြည့်စုံခြင်းအဆင့်ကိုတောင် မရောက်သေးပါဘူး။

ဒီလိုဆိုပေမယ့် ဆန်းကြယ်ရွှေနတ်ဘုရားမျက်လုံးက မြေအောက်မိုင်တစ်ထောင်အကွာရှိ သတ္တုဖြာထွက်မှုကို မြင်နိုင်ပါသေးတယ်။

"ငါ အတော်လေးကံကောင်းတာပဲ။ ဒီနဂါးအင်းကွက်ရွှေသတ္တုက မီတာဒါဇင်အရွယ်အစားရှိပြီး အဆင့်မြင့်နတ်ဘုရားကျောက်တုံးထရီလီယံရာအနည်းငယ်ထိုက်တန်တယ်"

နဂါးအင်းကွက်ရွှေသတ္တုက အလွန်တန်ဖိုးရှိပြီး ဒါက နဂါးအင်းကွက်ရွှေသတ္တုအပိုင်းအစတစ်ခုမျှသာဖြစ်တယ်။ အသေးစားနဂါးအင်းကွက်ရွှေသတ္တုတစ်ခုဆိုရင် အနည်းဆုံးအဆင့်မြင့်နတ်ဘုရားကျောက်တုံးတစ်ထရီလီယံထိုက်တန်ပါလိမ့်မယ်။

အဆင့်မြင့်နတ်ဘုရားကျောက်တုံးတွေက အလယ်ဆင့်နတ်ဘုရားကျောက်တုံးတွေထက် ပိုအသုံးဝင်တယ်။ အဆင့်မြင့်နတ်ဘုရား‌ကျောက်တုံးတွေနဲ့ဝယ်ယူနိုင်တဲ့ပစ္စည်းကောင်းတွေများစွာ ရှိတယ်။

အလတ်စားနဂါးအင်းကွက်ရွှေသတ္တုတစ်ခုဆိုရင် အဆင့်မြင့်နတ်ဘုရားကျောက်တုံးတစ်ရာထရီလီယံထိုက်တန်တယ်။

အကြီးစား၊ သာလွန်အကြီးစား၊ ဧရာမတွေတောင် ဖော်ပြစရာမလိုပါဘူး။

လီဖူချန်းက အလတ်စားနဂါးအင်းကွက်ရွှေသတ္တုတစ်ခုကို ရရှိဖို့ မမျှော်လင့်ထားခဲ့ပါဘူး။ သူ့ပစ်မှတ်က အသေးစားနဂါးအင်းကွက်ရွှေသတ္တုတစ်ခုပါပဲ။

ဒါပေမယ့် သူက အလတ်စားဒါမှမဟုတ်အကြီးစားနဂါးအင်းကွက်ရွှေသတ္တုတစ်ခုကို ရှာတွေ့ခဲ့ရင်  အကောင်းဆုံးပေါ့။ အဲဒါဆိုရင် သူက ချက်ချင်းချမ်းသာကြွယ်ဝသွားမှာပဲ။

နဂါးအင်းကွက်ရွှေနတ်ဘုရားကြယ်က အလွန်ကြီးတယ်၊ အဆုံးစွန်းကမ္ဘာဆွဲအားနဲ့အတူ ပိုင်နက်နတ်ဘုရားကတောင် လျင်မြန်စွာမရွေ့လျားနိုင်ပါဘူး။

အဆင့်နိမ့်ပိုင်နက်နတ်ဘုရားတစ်ယောက်က အရှိန်ပြည့်နဲ့ ခရီးသွားမယ်ဆိုရင် နဂါးအင်းကွက်ရွှေနတ်ဘုရားကြယ်ကို တစ်ပတ်ပြည့်ဖို့ တစ်နှစ်ကြာလိမ့်မယ်။

နဂါးအင်းကွက်ရွှေနတ်ဘုရားကြယ်တစ်ခုလုံးကို ခရီးနှင်မယ်ဆိုရင် အနည်းဆုံးနှစ်ဆယ်သန်းကြာပါလိမ့်မယ်။

ဒါ့ပြင် နဂါးအင်းကွက်ရွှေသတ္တုက အခြေခံအားဖြင့် မြေအောက်မှာ ရှိပြီး ၎င်းကို ရှာတွေ့ဖို့အခက်အခဲကို တိုးစေခဲ့တယ်။

ဒါကြောင့် ပိုင်နက်နတ်ဘုရားနဲ့ဆုံတွေမှာနဲ့ပတ်သက်ပြီး တစ်ယောက်မှ မစိုးရိမ်ပါဘူး။

မိုင်တစ်ထောင်အနက်က နိမ့်လွန်းတယ်၊ ရံဖန်ရံခါမှာ လီဖူချန်းက နဂါးအင်းကွက်ရွှေသတ္တုအပိုင်းအစတစ်ခုဒါမှမဟုတ်နှစ်ခုလောက်ပဲ ရှာတွေ့ခဲ့တယ်။

နဂါးအင်းကွက်ရွှေသတ္တုအချို့က သေးလွန်ပြီး လီဖူချန်းက သူတို့ကို တူးရတာ ပျင်းရိလွန်းတယ်။

ဒါပေမယ့် ဒီအနေအထာက မကြာခဲ့ပါဘူး။ မကြာမီမှာပဲ လီဖူချန်းက ဆန်းကြယ်ရွှေနတ်ဘုရားမျက်လုံးကို အကြိုပြီးပြည့်စုံခြင်းအခြေအနေအထိ ကျင့်ကြံခဲ့ပြီး မြေအောက်မိုင်တစ်သောင်းအကွာရှိသတ္တုဖြာထွက်မှုကို မြင်နိုင်လာတယ်။

အပိုင်းအစတစ်ခု၊ အပိုင်းအစနှစ်ခု.....

ပကတိမျက်စိနဲ့မြင်နိုင်လောက်တဲ့အထိ မြေအောက်က နဂါးအင်းကွက်ရွှေသတ္တုနဲ့ ပြည့်နေတယ်။ ကြီးမားတာ၊ သေးငယ်တာတွေရှိတယ်။ ကြီးမားတဲ့ဟာတွေက အရွယ်အစားမီတာတစ်ရာရှိပြိး သေးငယ်တဲ့ဟာတွေက လက်သီးတစ်လုံးအရွယ်အစားရှိတယ်။

***