ရွှေရောင်ဆေးနတ်ဘုရား

"မွေးရာပါပါရမီက အတော်လေးသနားစရာကောင်းတာပဲ၊ ဒါပေမယ့် ဒါကို မှီပြီး အသက်ရှင်သန်ရပ်တည်ဖို့က မခက်ခဲပါဘူး"

လီဖူချန်းက ပြုံးလိုက်တယ်။ သူ့ရဲ့အတွေးတွေနဲ့လီဖူချန်းလွှဲပြောင်းပေးခဲ့တဲ့အခြေခံမှတ်စုက ဘာမှမထိုက်တန်ပါဘူး။ လီဖူချန်းက စေ့စေ့စပ်စပ် လေ့လာရင်တောင် သူက သာမန်ဒါမှမဟုတ်အလယ်ဆင့်နတ်ဘုရားဆေးတွေကိုသာ သန့်စင်နိုင်လိမ့်မယ်။ သူ့အနေနဲ့ ဆေးနတ်ဘုရားတစ်ယောက်ဖြစ်ဖို့က မဖြစ်နိုင်ပါဘူး။

ဆေးနတ်ဘုရားဘယ်အဆင့်ပဲဖြစ်ဖြစ်၊ မွေးရာပါပါရမီလိုအပ်ချက်က အလွန်မြင့်မားတယ်။ အပြင်လူတွေက မကူညီနိုင်ပါဘူး။

ဒါပေမယ့် ဖက်တီးကို ကြည့်ရသလောက် သူက နတ်ဘုရားဆေးဆရာတစ်ယောက် တကယ်ဖြစ်ချင်ပုံပဲ၊ သူက နတ်ဘုရားဆေးလုံးတွေသန့်စင်ပြီး အသက်မွေးချင်တယ်။ ဒီလိုဆိုတော့ ကိစ္စတွေက ရိုးရှင်းပါတယ်။

ဒီအခြေခံမှတ်စုတွေနဲ့ဆိုရင် ဖက်တီးအနေနဲ့ နည်းနည်းကြိုးစားအားထုတ်ရုံနဲ့ ကြယ်နှစ်လုံးအဆင့်မြင့်နတ်ဘုရားဆေးဆရာတစ်ယောက်ဖြစ်ဖို့က မခက်ခဲပါဘူး။

ကြယ်နှစ်လုံးအဆင့်မြင့်နတ်ဘုရားဆေးဆရာတစ်ယောက်က နတ်ဘုရားကျောက်တုံးတွေကို သာမန်စိတ်ဝိညာဉ်နတ်ဘုရားတွေထက် ပိုမြန်မြန်ရနိုင်တယ်။ အရေးကြီးဆုံးကတော့ ပိုအန္တရာယ်ကင်းတာပဲ။

ဖက်တီးက ကြယ်သုံးလုံးကလန်ငယ်တစ်ခုမှ ဆင်းသက်လာသူဆိုရင် သူက အနာဂတ်မှာ ကလန်ရဲ့ထောက်တိုင်တစ်ခု သေချာပေါက် ဖြစ်လာလိမ့်မယ်။

အတွေးတွေနဲ့အတူ လီဖူချန်းက ဆဌမနဲ့သတ္တမအထပ်ဆီ ဦးတည်ခဲ့တယ်။

"ဒါ ဘယ်သူလဲ"

"သူက အဆုံးစွန်းကြယ်နှစ်လုံးအဆင့်မြင့်နတ်ဘုရားဆေးကို တကယ်သန့်စင်နိုင်ခဲ့တာပဲ"

လူတိုင်းက လီဖူချန်းကို လေးစားအားကျစွာ ကြည့်နေခဲ့တယ်။

အဆုံးစွန်းကြယ်နှစ်လုံးအဆင့်မြင့်နတ်ဘုရားဆေးကို သန့်စင်နိုင်တယ်ဆိုတော့ လီဖူချန်းက ကြယ်နှစ်လုံးအဆင့်မြင့်ဆေးနတ်ဘုရားတစ်ယောက်လို့ ဆိုလိုတယ်။

ကြယ်နှစ်လုံးအဆင့်မြင့်ဆေးနတ်ဘုရားတွေကြားမှာလဲ ကွာခြားချက်တွေရှိတယ်။ ပြီးပြည့်စုံခြင်းအဆင့်နတ်ဘုရားဆေးတွေကို သန့်စင်နိုင်ရင် ငွေရောင်ဆေးနတ်ဘုရားလို့ခေါ်ပြီး အဆုံးစွန်းအဆင့်နတ်ဘုရားဆေးတွေကို သန့်စင်နိုင်ရင် ရွှေရောင်ဆေးနတ်ဘုရားလို့ခေါ်တယ်။

ကြယ်နှစ်လုံးအဆင့်မြင့်ရွှေရောင်ဆေးနတ်ဘုရားတစ်ယောက်က အပြင်ဘက်မှာ မြင့်မားတဲ့လိုအပ်ချက်ရှိတယ်။

အမှောင်ပြာမြို့ထဲမှာ အစစ်အမှန်နတ်ဘုရားတွေများလွန်းတယ်။ စိတ်ဝိညာဉ်နတ်ဘုရားနယ်ပယ်ကို တက်လှမ်းဖို့ မျှော်လင့်ချက်မရှိသူ‌တွေ အများကြီးရှိပေမယ့် အဆုံးစွန်းကြယ်နှစ်လုံးအဆင့်မြင့်ဆေးအချို့ကို သုံးစွဲပြီးနောက် သူတို့က တက်လှမ်းနိုင်လာလိမ့်မယ်။

ကြယ်နှစ်လုံးအဆင့်မြင့်ရွှေ‌ဆေးနတ်ဘုရားတစ်ယောက်က ဘယ်လိုကြယ်သုံးလုံးဂိုဏ်းမှာမဆို တန်ဖိုးထားရတဲ့ဧည့်သည်ပါပဲ။ ကြယ်လေးလုံးဂိုဏ်းတွေမှာတောင် သူတို့က ဂုဏ်ပြုဧည်သည့်ဖြစ်ပါလိမ့်မယ်။

တကယ်တော့ ဘယ်ကလန်မှာများ ဂျူနီယာတွေ မရှိလို့လဲ။ ဂျူနီယာတွေက မြင့်မားတဲ့ကျင့်ကြံခြင်းမရှိဘူးဆိုပေမယ့် သူတို့ရဲ့အခြေခံအုတ်မြစ်က အလွန့်အလွန်အရေးကြီးတယ်။ ဒါပေမယ့် သူတို့က သာမန်နတ်ဘုရားဆေးတွေကို အများကြီးမသုံးစွဲရဲပါဘူး၊ ဆေးအဆိပ်တွေများပြီး သူတို့ရဲ့အနာဂတ်ကျင့်ကြံခြင်းကို သက်ရောက်မှာကို ကြောက်ရွံ့လို့ပဲ။ ဒီလိုအချိန်မှာ ငွေရောင်ဆေးနတ်ဘုရားနဲ့ရွှေရောင်ဆေးနတ်ဘုရားတို့က လိုအပ်ချက်မြင့်မားနေရတာပေါ့။

"မင်း ဆက်စမ်းသပ်ချင်သေးလား"

"ဟုတ်ပါတယ်"

လီဖူချန်းက ခေါင်းညိတ်လိုက်တယ်။

ဆေးမျှော်စင်ရဲ့အဌမအထပ်က ကြယ်သုံးလုံးအဆင့်နိမ့်နတ်ဘုရားဆေးဆရာသခင်နဲ့ကြယ်သုံးလုံးအဆင့်နိမ့်ဆေးနတ်ဘုရားတွေအတွက် နေရာဖြစ်တယ်။

ဒီအထပ်က အရေးကြီးဆုံးအထပ်လို့ ဆိုရမယ်။

ကြယ်နှစ်လုံးနတ်ဘုရားဆေးဆရာတစ်ယောက်က ဒါမှမဟုတ် ကြယ်နှစ်လုံးဆေးနတ်ဘုရားတစ်‌ယောက်က ဘယ်လောက်ပဲ အံ့အားသင့်စရာကောင်းနေပါစေ၊ သူသန့်စင်ခဲ့တဲ့နတ်ဘုရားဆေးတွေက အစစ်အမှန်နတ်ဘုရားတွေအတွက်သာအသုံးဝင်တယ်။

ကြယ်သုံးလုံးနတ်ဘုရားဆေးဆရာတစ်ယောက်သန့်စင်ခဲ့တဲ့နတ်ဘုရားဆေးတွေက စိတ်ဝိညာဉ်နတ်ဘုရားတွေအတွက် အသုံးဝင်တယ်။

အမှောင်ပြာမြို့မှာ ဘယ်နတ်ဘုရားအဆင့်က အများဆုံးလဲ။

စိတ်ဝိညာဉ်နတ်ဘုရားတွေပါပဲ။

လူတိုင်းသိတဲ့အတိုင်းပါပဲ၊ နတ်ဘုရားတွေအနေနဲ့ ကလေးမွေးဖွားဖို့က မလွယ်ပါဘူး။ ဒါ့ပြင် အစစ်အမှန်နတ်ဘုရားအဆင့်မှာ လူတော်တော်များများက ကလေးမွေးဖွားဖို့ဆန္ဒမရှ်ိပါဘူး။ တကယ်တော့ သူတို့မှာ ကျင့်ကြံဖို့လုံလောက်တဲ့အချိန်တောင် မရှိတာလေ၊ ကလေးမွေးပြီးကလေးကိုပြုစုဖို့အချိန်ကို ဘယ်မှာသွားရှာရမှာလဲ။

စိတ်ဝိညာဉ်နတ်ဘုရားနယ်ပယ်ကို ရောက်ပြီးမှပဲ လူတော်တော်များများက သူတို့ဘဝရဲ့အရေးကြီးတာတွေကို စဉ်းစားကြတယ်။

ရလဒ်တစ်ခုအနေနဲ့ စိတ်ဝိညာဉ်နတ်ဘုရားတွေရဲ့အရေအတွက်က တိုးလာတယ်။ အမှောင်ပြာမြို့ရဲ့တစ်ဝက်လောက်က စိတ်ဝိညာဉ်နတ်ဘုရားတွေလို့ပြောရင် မလွန်ပါဘူး။

အမှောင်ပြာမြို့မှာ စိတ်ဝိညာဉ်နတ်ဘုရားတွေအတွက်အသုံးဝင်တဲ့ကြယ်သုံးလုံးနတ်ဘုရားဆေးတွေက လိုသလေက်မရဘူးဖြစ်နေတယ်။ အထူးသဖြင့် ဒါက ပျမ်းမျှနတ်ဘုရားဆေးတွေနဲ့ထူးကဲနတ်ဘုရားဆေးတွေအတွက် မှန်ပါတယ်။

ပြီးပြည့်စုံခြင်းအဆင့်နတ်ဘုရားဆေးတွေနဲ့အဆုံးစွန်းအဆင့်နတ်ဘုရားဆေးတွေကိုတော့ စိတ်ဝိညာဉ်နတ်ဘုရားတွေကတောင် မဝယ်နိုင်ပါဘူး။ ထိပ်တန်းကြယ်သုံးလုံးဂိုဏ်းတွေကတောင် မဝယ်နိုင်ပါဘူး။

သူတို့မှာ ကြွယ်ဝမှုမလုံလောက်လို့တော့ မဟုတ်ဘူး၊ ဒီလိုအဆင့်နတ်ဘုရားဆေးတွေအားလုံးကို ပင်မဂိုဏ်းတွေက ဝယ်ယူသွားခဲ့လို့ပဲ။

"အံ့မခန်းပဲဟေ့၊ ဒါ ဒီနေ့ရဲ့ဒုတိယမြောက်ကြယ်သုံးလုံးအဆင့်နိမ့်နတ်ဘုရားဆေးဆရာတစ်ယောက်ပဲမလား"

"မတူဘူး။ အရင်တစ်ယောက်က ငွေရောင်နတ်ဘုရားဆေးဆရာတစ်ခင်ပဲ၊ ဒီတစ်ယောက်က ရွှေရောင်နတ်ဘုရားဆေးဆရာသခင်တစ်ယောက်ပဲ"

"ငါ ကြယ်နှစ်လုံးအဆင့်နိမ့်နတ်ဘုရားဆေးဆရာတစ်ယောက်ဖြစ်လာရင် အရမ်းကောင်းမယ်။ အဲဒါဆိုရင် နတ်ဘုရားကျောက်တုံးတွေရဖို့အရှိန်က ကြယ်နှစ်လုံးအဆင့်နိမ့်နတ်ဘုရား‌ဆေးဆရာတစ်ယောက်ထက် အဆတစ်ထောင်ပိုမြန်သွားမှာ"

လီဖူချန်းကိုကြည့်တဲ့လူတိုင်းရဲ့မျက်လုံးတွေမှာ မနာလိုအားကျမှုတွေနဲ့ ပြည့်နေတော့တယ်။

"ကောင်လေး၊ မင်း ငါ့ချွီကလန်ရဲ့နတ်ဘုရားဆေးဆရာဖြစ်ဖို့ စိတ်ဝင်စားလား။ မစိုးရိမ်ပါနဲ့၊ ငါ့ချီကလန်က ကြယ်ငါးလုံးကလန်ဖြစ်ပြီး ကလန်ကိုစောင့်ကြပ်နေတဲ့အလယ်ဆင့်ပိုင်နက်နတ်ဘုရားတစ်ယောက်ရှိတယ်။ မင်း ငါ့ချွီကလန်ရဲ့နတ်ဘုရားဆေးဆရာတစ်ယောက်ဖြစ်ဖို့ဆန္ဒရှိသရွေ့ မင်းက နှစ်တိုင်း နတ်ဘုရားကျောက်တုံးကြီးမားတဲ့ပမာဏတစ်ခုကို ရရှိရုံတင်မက ငါ့ချွီကလန်က မင်းလိုအပ်တဲ့ဆေးပါဝင်ပစ္စည်းတွေကို ဝယ်ယူဖို့ အကောင်းဆုံးလုပ်ပေးမယ်။ မင်း ဒါနဲ့ပတ်သက်ပြီး စိုးရိမ်စရာမလိုဘူး။ ဒါ့အပြင် ငါ့ချွီကလန်မှာ မင်းသင်ယူနိုင်မယ့်နတ်ဘုရားဆေးသန့်စင်ခြင်းအတတ်တစ်ခုရှိတယ်"

ဆေးမျှော်စင်ရဲ့အထပ်တိုင်းမှာ ဝန်ထမ်းအဖွဲ့ဝင်တွေများစွာရှိတယ်။ ဒီဝန်ထမ်းအဖွဲ့ဝင်တွေက ဆေးမျှော်စင်နဲ့ ကလန်အမျိုးမျိုးမှ ဖြစ်တယ်။ ချွီကလန်နဲ့ပူးပေါင်းပြီး သူတို့ရဲ့ဆေးဆရာဖြစ်လာဖို့ လူလတ်ပိုင်းအဆင့်နိမ့်ဆန်းကြယ်နတ်ဘုရားတစ်ယောက်က အကောင်းဆုံးကြိုးစားနေတယ်။

"တောင်းပန်ပါတယ်၊ ငါ လောလောဆယ် ဘယ်ဂိုဏ်းမှ ပူးပေါင်းဖို့ စိတ်ကူးမရှိဘူး" လီဖူချန်းက ပါးနပ်စွာ ငြင်းပယ်လိုက်တယ်။

"ဒါစိတ်မကောင်းစရာပဲ"

ဒါက စိတ်မကောင်းစရာတစ်ခုပဲလို့ သက်လတ်ပိုင်းလူက ခံစားမိတယ်။ လီဖူချန်းက ကြယ်သုံးလုံးအဆင့်နိမ့်ရွှေရောင်ဆေးနတ်ဘုရားတစ်ယောက်မျှပဲ။ အမှောင်ပြာမြို့က ကြီးမားပြီး ဆေးနတ်ဘုရားတွေအများကြီးရှိပေမယ့် အများစုက ငွေရောင်ဆေးနတ်ဘုရားတွေဖြစ်တယ်။ ငွေရောင်ဆေးနတ်ဘုရားတစ်ရာမှာ ရွှေရောင်ဆေးနတ်ဘုရားတစ်ယောက်သာ ဖြစ်ပေလိမ့်မယ်။

ဒါပေမယ့် ဒါက သနားစရာတစ်ခုမျှပဲ။ ကြယ်သုံးလုံးအဆင့်နိမ့်ရွှေရောင်ဆေးနတ်ဘုရားတစ်ယောက်ရဲ့အဆင့်က နိမ့်လွန်းတယ်။ ကြယ်သုံးလုံးအဆင့်မြင့်ရွှေရောင်ဆေးနတ်ဘုရားတစ်ယောက်ဆိုရင် တကယ်ကြောက်စရာကောင်းတဲ့တည်ရှိမှုတစ်ခုဖြစ်ပြီး ဘယ်ဂိုဏ်းမဆို ၎င်းအတွက် တိုက်ခိုက်ချင်ကြမှာပါ။

ဆေးမျှော်စင်ရဲ့နဝမအထပ်.....

လီလီအန်နီက အလွန်စိုးထိတ်နေတယ်။

ကြယ်သုံးလုံးအဆင့်နိမ့်ငွေရောင်ဆေးနတ်ဘုရားတစ်ယောက်ဖြစ်ဖို့ ကံကလဲ လိုအပ်တယ်။ ကြယ်သုံးလုံးအလယ်ဆင့်ငွေရောင်ဆေးနတ်ဘုရားတစ်ယောက်ဖြစ်ဖို့ သူမမှာ ယုံကြည်ချက်သုံးဆယ်ရာခိုင်နှုန်းတောင် မရှိပါဘူး။

မကြာမီမှာပဲ စမ်းသပ်ချက်ရလဒ်တွေက ထွက်ပေါ်လာတယ်။

"အောင်မြင်ပြီ"

လီလီအန်နီက အလွန်စိတ်လှုပ်ရှားနေတယ်။

သူမက ကြယ်သုံးလုံးအလယ်ဆင့်ငွေရောင်ဆေးနတ်ဘုရားတစ်ယောက်ဖြစ်လာပါပြီ။

ဒီသတင်းက ကလန်ကို ပြန်ရောက်သွားရင် ကလန်အကြီးအကဲတွေက သေချာပေါက်ပျော်ရွှင်ဝမ်း‌သာသွားပေလိမ့်မယ်။

"မင်း ဆက်စမ်းသပ်ချင်သေးတာလား" ဆေးမျှော်စင်ရဲ့ဝန်ထမ်းက လီလီအန်နီကို မေးလိုက်တယ်။

လီလီအန်နီက ပြောလိုက်တယ်"ငါ တစ်ခဏအနားယူအုံးမယ်။ နောက်အသုတ်ကို စောင့်လိုက်မယ်"

"ကောင်းပြီလေ"

ဆေးမျှော်စင်ရဲ့ဝန်ထမ်းက သူမရဲ့တောင်းဆိုချက်ကို သဘောတူခဲ့တယ်။

နတ်ဘုရားဆေးတွေ သန့်စင်ခြင်းက စိတ်စွမ်းအင်များစွာလ်ိုအပ်ပြီး အနားယူရတာ ပုံမှန်ပါပဲ။

ကြယ်သုံးလုံးအလယ်ဆင့်နတ်ဘုရားဆေးတွေကို သန့်စင်ရတာ လွယ်ကူလွန်းပါတယ်။ လီဖူချန်းက အမြန်ဆုံးအရှိန်နဲ့ အဆုံးစွန်းကြယ်သုံးလုံးအလယ်ဆင့်နတ်ဘုရားဆေးသုံးမျိုးကို သန့်စင်ခဲ့တယ်။

"အံ့မခန်းပဲ၊ သူက ရွှေရောင်ဆေးနတ်ဘုရားတစ်ယောက်ပဲ"

စမ်းသပ်ချက်ရလဒ်တွေထွက်ပေါ်လာတဲ့အခါ လီဖူချန်းက အဆင့်၁ဖြစ်ကာ ရွှေရောင်ရှိတယ်။

"ရွှေရောင်ဆေးနတ်ဘုရား"

လီလီအန်နီက တကယ်ကို အထင်ကြီးသွားခဲ့တယ်။

သူမက နတ်ဘုရားဆေးလုံးတွေသန့်စင်နေတာ နှစ်ပေါင်းများစွာကြာပြီ၊ အဆုံးစွန်းနတ်ဘုရားဆေးတွေကို အကြိမ်အနည်းငယ်ပဲ သန့်စင်နိုင်ခဲ့တယ်။

ဆေးမျှော်စင်ရဲ့ဒသမအထပ်မှာ လီဖူချန်းနဲ့လီလီအန်နီတို့က တူညီတဲ့အသုတ်မှာ ရှိနေတယ်။

ဒီတစ်ကြိမ်မှာတော့ လီလီအန်နီက ဆေးနတ်ဘုရားဖြစ်ဖို့ လာတာမဟုတ်ပါဘူး။ သူမက ကြယ်သုံးလုံးအဆင့်မြင့်နတ်ဘုရားဆေးဆရာတစ်ယောက်ဖြစ်ချင်ရုံမျှပဲ။

ကြောက်စရာကောင်းတဲ့အတွေ့အကြုံတစ်ခုနဲ့အတူ လီလီအန်နီက ကြယ်သုံးလုံးအဆင့်မြင့်ဆေးဆရာတစ်ယောက်ဖြစ်လာခဲ့တယ်။ အခုကစပြီး သူမက ကလန်အတွက် ကြီးမားတဲ့ကြွယ်ဝမှုပမာဏတစ်ခုကို ယူဆောင်‌ပေးနိုင်ပါပြီ။

"နောက်ထပ်ရွှေရောင်ဆေးနတ်ဘုရား"

သူမရဲ့အောင်မြင်မှုတွေက လီဖူချန်းနဲ့ယှဉ်ရင် ဖော်ပြဖို့ ဘယ်လိုမှ မထိုက်တန်ပါဘူး။

လီဖူချန်းက ကြယ်သုံးလုံးအဆင့်မြင့်ရွှေရောင်ဆေးနတ်ဘုရားတစ်ယောက်ဖြစ်လာခဲ့တာပဲ။

ဒါက ကြယ်သုံးလုံးအဆင့်မြင့်ရွှေရောင်ဆေးနတ်ဘုရားတစ်ယောက်လေ။ အဆင့်မြင့်စိတ်ဝိညာဉ်နတ်ဘုရားတွေကို အဆင့်နိမ့်ဆန်းကြယ်နတ်ဘုရားအထိ ချိုးဖြတ်စေနိုင်တဲ့ ကြယ်သုံးလုံးအဆင့်မြင့်နတ်ဘုရားဆေးအမျိုးအစားအနည်းငယ်ကို သူမက သတိရမိတယ်။ ဒါပေမယ့် ထိုနတ်ဘုရားဆေးတွေက သန့်စင်ရတာ အလွန်ခက်ခဲပြီး ကြယ်သုံးလုံးအဆင့်မြင့်ရွှေရောင်ဆေးနတ်ဘုရားတွေကပဲ သူတို့ကို သန့်စင်နိုင်တယ်။

သူမက ကြယ်လေးလုံးအဆင့်နိမ့်နတ်ဘုရားဆေးတွေကို မသန့်စင်ရသေးတာကြောင့် လီလီအန်နီက ဆေးမျှော်စင်ရဲ့ဆယ့်တစ်ထပ်မြောက်ကို မသွားခဲ့ပါဘူး။

‌သူမက ဆေးမျှော်စင်မှ ထွက်လာခဲ့တယ်။

"ဖက်တီးကျန်း၊ မင်းကို ကြည့်ရတာ ပျော်နေပုံပဲ။ မင်း အောင်မြင်ခဲ့တာလား" လီလီအန်နီက ကျီစားလိုက်တယ်။

ဖက်တီးက ပြောလိုက်တယ်"ဟားဟား၊ ငါ အောင်မြင်ခဲ့တယ်၊ ငါ ဒီည မင်းတို့ကို ပြုစုမယ်"

သူက လီလီအန်နီနဲ့ မယှဉ်နိုင်ဘူးဆိုတာ သူက သိတယ်၊ ဒါပေမယ့် သူက ဘယ်သူနဲ့မှ မယှဉ်ပြိုင်ချင်ပါဘူး။ သူက နတ်ဘုရားဆေးတွေသန့်စင်ရင်းရှင်သန်ရတဲ့ဘဝတစ်ခုကို လိုချင်ရုံမျှပဲ။

ကြယ်လေးလုံးအဆင့်နိမ့်ရွှေရောင်ဆေးနတ်ဘုရား၊ ကြယ်လေးလုံးအဆင့်နိမ့်ရွှေရောင်ဆေးနတ်ဘုရား၊ ကြယ်လေးလုံးအဆင့်မြင့်ရွှေရောင်ဆေးနတ်ဘုရား။

ကြယ်လေးလုံးအဆင့်မြင့်နတ်ဘုရားဆေးတွေကို သန့်စင်ဖို့ နည်းနည်းအားထုတ်ရတာကလွဲပြီး လီဖူချန်းက ဘာအခက်မခဲမှမရှိဘဲ ရွှေရောင်ဆေးနတ်ဘုရားတစ်ယောက်ဖြစ်လာခဲ့တယ်။

အုန်း.....

ဆေးမျှော်စင်ရဲ့ဆယ့်သုံးထပ်မြောက်မှာ ရုတ်ရုတ်သဲသဲဖြစ်နေတော့တယ်။

လူတိုင်းက လီဖူချန်းကို အံ့ဩတုန်လှုပ်စွာ ကြည့်လိုက်ကြတော့တယ်။

ကြယ်လေးလုံးအဆင့်မြင့်ရွှေရောင်ဆေးနတ်ဘုရားတစ်ယောက်၊ တစ်ဖက်လူရဲ့ဆေးတာအိုပါရမီက ကြောက်စရာကောင်းလွန်းပါတယ်။

"မင်း ဆက်လက်စမ်းသပ်ချင်သေးလား"

ဆေးမျှော်စင်ရဲ့အဖွဲ့ဝင်တွေက လီဖူချန်းက အလွန်လေးစားတဲ့မျက်လုံးတွေနဲ့ ကြည့်လိုက်ကြတယ်။

"မလိုပါဘူး"

သူက ကြယ်ငါးလုံးနတ်ဘုရားဆေးတွေကို မသန့်စင်ရသေးဘူးလေ။

"ဒါ မင်းရဲ့‌ဆေးနတ်ဘုရားတံဆိပ်ပဲ"

တစ်ခဏကြာပြီးနောက် ဆေးမျှော်စင်ရဲ့အဖွဲ့ဝင်တစ်ယောက်က တံဆိပ်တစ်ခုကို ယူဆောင်လာတယ်။

တံဆိပ်က ရွှေရောင်ရှိပြီး အပေါ်မှာ ရွှေရောင်ခြေထောက်သုံး‌ခုပါဆေးမီးပြင်းဖိုသုံးခုရှိတယ်။

ဆေးမျှော်စင်မှ ထွက်လာပြီးနောက် လူများစွာ စောင့်နေတာကို တွေ့လိုက်ရတယ်။

ယနေ့ ဆေးမျှော်စင်မှာ ကြယ်လေးလုံးရွှေရောင်ဆေးနတ်ဘုရားတစ်ယောက်ထွက်ပေါ်လာတယ်ဆိုတာကို သူတို့က ကြိုတင်သတင်းရထားပြီးပါပြီ။

"ဆေးနတ်ဘုရားလီ၊ ငါက စစ်မာကလန်ကပါ"

"ဆေးနတ်ဘုရားလီ၊ ငါက ဖေးမော်ကလန်ကပါ"

ဒီတစ်ကြိမ်မှာ စကားပြောသူအားလုံးက ကြယ်ငါးလုံးကလန်တွေကပဲ။ ကြယ်လေးလုံးကလန်တွေက ယှဉ်ပြိုင်ဖို့အရည်အချင်းမရှိပါဘူး။

တော်တော်လေးအားထုတ်ခဲ့ပြီးနောက် လီဖူချန်းက လူအုပ်ကြီးမှ ခွဲထွက်လာနိုင်ခဲ့ကာ တည်းခိုခန်းသို့ ပြန်ရောက်လာခဲ့တယ်။

"ဒါ တကယ်ကို ဒုက္ခများတာပဲ" လီဖူချန်းက ခါးသီးစွာ ပြုံးလိုက်တယ်။ သူက ကြယ်ငါးလုံးနတ်ဘုရားမီးလျှံကိုဝယ်ယူဖို့အတွက် ကြယ်လေးလုံးအဆင့်မြင့်‌ဆေးရွှေရောင်နတ်ဘုရားဖြစ်လာခဲ့တာပါ။

ဒုတိယမြောက်နေ့မှာ လီဖူချန်းက ခုနှစ်ရောင်ခြယ်နတ်ဘုရားမီးလျှံဆိုင်ဆီ ရောက်ရှိလာခဲ့တယ်။

"ဒါက ကြယ်လေးလုံးအဆင့်မြင့်ရွှေရောင်ဆေးနတ်ဘုရားတံဆိပ်ပဲ။ ငါ အခု ကြယ်ငါးလုံးနတ်ဘုရားမီးလျှံကို ဝယ်လို့ရနိုင်ပြီးမလား" လီဖူချန်းက တံဆိပ်ကို ယူထုတ်လိုက်တယ်၊ အဲဒါမှာ သူ့ရဲ့ချီတည်ရှိမှုရှိတယ်။

"ဟုတ်ပါတယ်၊ ဟုတ်ပါတယ်၊ ဆေးနတ်ဘုရားအရှင်၊ ကျေးဇူးပြုပြီး ကျွန်တော့်နောက် လိုက်လာပါ" ဆိုင်ဝန်ထမ်းက လီဖူချန်းကို တတိယအထပ်ဆီ ခေါ်ဆောင်သွားတယ်။

တတိယအထပ်မှာ ကြယ်ငါးလုံးနတ်ဘုရားမီးလျှံတွေအများကြီးမရှိပါဘူး၊ သုံးမျိုးသာရှိတယ်။

ကြယ်ငါးလုံးအဆင့်နိမ့်နတ်ဘုရားမီးလျှံ၊ စိတ်ဝိညာဉ်ညှို့ယူမီးလျှံ။

ကြယ်ငါးလုံးအဆင့်နိမ့်နတ်ဘုရားမီးလျှံ၊ ခရမ်းရွှေမီးလျှံ။

ကြယ်ငါးလုံးအလယ်ဆင့်နတ်ဘုရားမီးလျှံ၊ ဖရိုဖရဲမူလရွှေမီးလျှံ။

ကြယ်ငါးလုံးမီးလျှံတစ်ခုရဲ့တန်ဖိုးက အလွန်မြင့်မားတယ်။

စိတ်ဝိညာဉ်ညှို့ယူမီးလျှံက အဆင့်မြင့်နတ်ဘုရား‌ကျောက်တုံးသုံးသန်းကျတယ်။

ခရမ်းရွှေမီးလျှံက အဆင့်မြင့်နတ်ဘုရား‌ကျောက်တုံးလေးသန်းကျတယ်။

ဖရိုဖရဲမူလရွှေမီးလျှံက အဆင့်မြင့်နတ်ဘုရားကျောက်တုံးသန်းသုံးဆယ်ကျတယ်။

"ငါ ဖရိုဖရဲမူလရွှေမီးလျှံကို ယူမယ်" လီဖူချန်းက ပြောလိုက်တယ်။

ခုနှစ်ရောင်ခြယ်နတ်ဘုရားမီးလျှံဆိုင်မှ ထွက်သွားပြီးနောက် လီဖူချန်းက စိတ်အခြေအ‌နေအရမ်းကောင်းနေတော့တယ်။

ကြယ်ငါးလုံးအလယ်ဆင့်နတ်ဘုရားမီးလျှံနဲ့ဆိုရင် သူက ကြယ်ငါးလုံးအလယ်ဆင့်နတ်ဘုရားဆေးတွေကို သန့်စင်နိုင်တယ်။

ကြယ်ငါးလုံးနတ်ဘုရားဆေးတွေက ပိုင်နက်နတ်ဘုရားနဲ့ သက်ဆိုင်တယ်။

ဖရိုဖရဲမူလရွှေရောင်မီးလျှံအပြင် လီဖူချန်းက အခြားနတ်ဘုရားမီးလျှံဆိုင်တွေမှ ကြယ်ငါးလုံးအလယ်ဆင့်နတ်ဘုရားမီးလျှံအနည်းငယ်ကို ဝယ်ယူခဲ့တယ်။ သူ့မှာ နတ်ဘုရားကျောက်တုံးတွေအများကြီးရှိမှတော့ ဒီလောက်ပမာဏက မှုစရာမရှိပါဘူး။

အမှောင်ပြာမြို့မှာ ကြယ်ငါးလုံးအလယ်ဆင့်နတ်ဘုရားမီးလျှံတစ်ခုမှမရှိတာ ဝမ်းနည်းစရာပဲ။

"အခုက ကြယ်လေးလုံးအဆင့်နိမ့်ထိပ်တန်းအဆင့်သန့်စင်ခြင်းတစ်ရာတိုက်ပွဲသွေးဆေးကို သန့်စင်ဖို့ အချိန်ပဲ"

ယခင်က ဆေးမျှော်စင်ရဲ့စမ်းသပ်မှုမှာ ပါဝင်ဖို့အတွက် လီဖူချန်းက သန့်စင်ခြင်းတစ်ရာတိုက်ပွဲသွေးဆေးကို မသန့်စင်ခဲ့ပါဘူး။

သန့်စင်ခြင်းတစ်ရာတိုက်ပွဲသွေးဆေးက အခြားထိပ်တန်းအဆင့်ဆေးတွေနဲ့ မတူပါဘူး။ ၎င်းက အကြိမ်တစ်ရာသန့်စင်ဖို့ လိုအပ်ပြီး သန့်စင်မှုတိုင်းမှာ သေချာတဲ့အဆင့်တစ်ခုအထိ ရောက်ရှိဖို့ လိုအပ်တယ်၊ သို့မဟုတ်ရင် ၎င်းက အသုံးမဝင်တဲ့‌ဆေးတစ်ခုပဲ ဖြစ်လာမှာပါ။

ခက်ခဲတဲ့အခြေအနေတွေက သန့်စင်ခြင်းတစ်ရာတိုက်ပွဲသွေး‌ဆေးကို လူကြိုက်များမှုကင်းမဲ့စေခဲ့တယ်။

ဒါပေမယ့် မှတ်တမ်းတွေအရ သန့်စင်ခြင်းတစ်ရာတိုက်ပွဲသွေးဆေးက သန္ဓေပြောင်းနတ်ဘုရားဆေးကို ထုတ်လုပ်ဖို့ မြင့်မားတဲ့အခွင့်အရေးတစ်ခုရှိတယ်လေ။

***