မီးပြင်းဖိုကမ္ဘာနတ်ဘုရားဆရာသခင်

နောက်ထပ်တစ်လကြာပြီးနောက် ဟော်ရွှယ်ရီက အဆင့်နိမ့်ပိုင်နက်နတ်ဘုရားတစ်ယောက်ဖြစ်လာခဲ့တယ်။

ချိုးဖြတ်ပြီးပထမနေ့မှာ ဟော်ရွှယ်ရီက ဟော်မေနဲ့အတူ လီဖူချန်းဆီ ရောက်ရှိလာတယ်။

လီဖူချန်းရဲ့နတ်ဘုရားဆေးလုံးမရှိရင် သူ မချိုးဖြတ်နိုင်ဘူးဆိုတာ ဟော်ရွှယ်ရီက ရှင်းရှင်းလင်းလင်းသိတယ်။ သူက မချိုးဖြတ်နိုင်ရင် နောက်လာမယ့်နတ်ဆိုးစစ်တပ်ရဲ့ကျူးကျော်မှုအတွင်း ရှင်သန်ဖို့အခွင့်အလမ်းက သေးငယ်သွားပေလိမ့်မယ်။

"လီဖူချန်း၊ ဒါက ငါ့ရဲ့ကျေးဇူးတင်ခြင်းအတွက် သေးငယ်တဲ့တိုကင်တစ်ခုပဲ" ဟော်ရွှယ်ရီက သတ္တုအစအနတစ်ခုကို ကမ်းပေးလိုက်တယ်။

လီဖူချန်းက ပထမတော့ စိတ်မဝင်စားပေမယ့် သတ္တုအစအနက သူ့အ‌ရှေ့မှာ ထွက်ပေါ်လာတဲ့အခါ သူက မတည်ငြိမ်နိုင်တော့ပါဘူး။

သူ့ရဲ့ဓားတာအိုအဆင့်အရ ဒီသတ္တုအစအနမှာ ဓားချီအရိပ်အယောင်တစ်ခုပါဝင်တယ်ဆိုတာကို သူ ဘယ်လိုလုပ် အာရုံမခံနိုင်ရမှာလဲ။

ဓားဆန္ဒက မှိန်ဖျော့လွန်းပြီး သူက ဂရုတစိုက်အာရုံမခံရင် အဲဒါကို အာရုံခံမိလိမ့်မှာမဟုတ်ဘူး။

"ဒါ ဘာလဲ" လီဖူချန်းက သိချင်စိတ်အပြည့်နဲ့ မေးလိုက်တယ်။

ဟော်ရွှယ်ရီက ပြောလိုက်တယ်"အဲဒါအပေါ်မှာ ဓားအင်းကွက်တွေရှိတယ်။ ဒါက ဓားတာအိုပိုင်နက်နတ်ဘုရားအသုံးအဆောင်ပစ္စည်းအစအနတစ်ခုဖြစ်မယ်လို့ ငါ ထင်တယ်"

လီဖူချန်းက ခေါင်းညိတ်လိုက်တယ်။ ဒီသတ္တုအစအနက သူ့အတွက် အလွန်အသုံးဝင်မယ်လို့ လီဖူချန်းက ခန့်မှန်းထားတယ်။ ဒါကြောင့် သူက လက်ခံလိုက်ပြီးနောက် ပြောလိုက်တယ်"ဒါဆိုလဲ ငါ ဒါကို လက်ခံရတာပေါ့"

"လီဖူချန်း၊ ငါလဲ သန္ဓေပြောင်းနတ်ဘုရားနဂါးချိုးဖြတ်ပိုင်နက်ဆေးလုံးကို လိုချင်တယ်" ဟော်မေက ရုတ်တရက် ပြောလိုက်တယ်။

လီဖူချန်းက အင်းကွက်ရှစ်ခုသန္ဓေပြောင်းနတ်ဘုရားနဂါးချိုးဖြတ်ပိုင်နက်‌ဆေးလုံးကို ကမ်းပေးကာ ပြောလိုက်တယ်"မင်း ယူပါ"

သူ့မှာ အင်းကွက်ရှစ်ခုသန္ဓေပြောင်းနတ်ဘုရားနဂါးချိုးဖြတ်ပိုင်နက်ဆေးလုံးတွေများစွာရှိပေမယ့် အင်းကွက်ကိုးခုက ပိုနည်းတယ်။

စည်းမျဉ်းအရ အင်းကွက်ကိုးခုဆေးလုံးကို မသန့်စင်ခင် သူက အင်းကွက်ရှစ်ခုဆေးအလုံးတစ်ရာကို သန့်စင်ဖို့ လိုအပ်တယ်လေ။

ဒါကြောင့် သူက အင်းကွက်ရှစ်ခုဆေးလုံး‌တွေ မကင်းမဲ့ပါဘူး။ သူက အားလုံးပေးလိုက်ရင်တောင် သူက နောက်ထပ်သန့်စင်နိုင်ပါတယ်။

"ကျေးဇူးတင်ပါတယ်" ဟော်မေက နတ်ဘုရားဆေးလုံးကို ဝမ်းသာစွာ လက်ခံလိုက်တယ်။

သူတို့နှစ်ယောက်ကို လိုက်ပို့ပေးပြီးနောက် လီဖူချန်းက သတ္တုအစအနကို စတင်လေ့လာခဲ့တယ်။

"ဒီလိုကြောက်စရာကောင်းတဲ့ဓားဆန္ဒတစ်ခု"

စောနက ဟော်ရွှယ်ရီနဲ့ဟော်မေတို့ ရှိနေတာကြောင့် လီဖူချန်းက သူ့ရဲ့စိတ်ဝိညာဉ်စွမ်းအားကို တိုက်ရိုက်မထုတ်လွှတ်ခဲ့ပါဘူး။

အခု သူ့ရဲ့စိတ်ဝိညာဉ်စွမ်းအားက သတ္တုအစအနကို ကျူးကျော်ခဲ့ပြီး သူက ဓားဆန္ဒအရိပ်အယောင်ကို ချက်ချင်း ခံစားခဲ့ရတယ်။

ဓားဆန္ဒက မှိန်ဖျော့လွန်းတာကြောင့် ၎င်းက သူ့ရဲ့စိတ်ဝိညာဉ်စွမ်းအားကို မထိခိုက်စေနိုင်ပါဘူး။

ဒါပေမယ့် လီဖူချန်းက ဘယ်လိုလူမျိုးလဲ။ ဓားဆန္ဒမှိန်ဖျော့နေရတဲ့အကြောင်းရင်းက သတ္တုအစအနပြင်းပြင်းထန်ထန်ထိခိုက်ထားတာကြောင့်ဆိုတာ လီဖူချန်းက ရှင်းရှင်းလင်းလင်းသိတယ်။

"ဒါက ဓားတာအိုကမ္ဘာနတ်ဘုရားအသုံးအဆောင်ပစ္စည်းအစအနတစ်ခုမဟုတ်လောက်ဘူး၊ ဒါက ဓားတာအိုအထီးကျန်နတ်ဘုရားအသုံးအဆောင်ပစ္စည်းအစအနတစ်ခုပဲ ဖြစ်ရမယ်" လီဖူချန်းက ခန့်မှန်းလိုက်တယ်။

သူက နတ်ဘုရားကမ္ဘာနဲ့ပတ်သက်ပြီးဘာမှမသိတဲ့လူသစ်တစ်ယောက်မဟုတ်တော့ဘူး။ မဟာချီလီယိုခါဇန်နတ်ဘုရားကမ္ဘာမှာ ကမ္ဘာနတ်ဘုရားတွေထက် ပိုသန်မာတဲ့ တည်ရှိမှုတွေ ရှိတယ်ဆိုတာကို သူက သိတယ်။ ဥပမာအားဖြင့် ကမ္ဘာနတ်ဘုရားအထက်မှာ အထီးကျန်နတ်ဘုရားရှိတယ်။

နောက်ပိုင်းမှာ လီဖူချန်းက အထီးကျန်နတ်ဘုရားအသုံးအဆောင်ပစ္စည်းအစအနပေါ်ရှိဓားအင်းကွက်နဲ့ဓားဆန္ဒကို စတင်လေ့လာခဲ့တယ်။

ဒင်း......

ဒီနေ့မှာတော့ အကန့်အသတ်မဲ့ဓားတာအိုဥပဒေသတစ်ခုက လီဖူချန်းရဲ့ခန္ဓာကိုယ်မှ ရုတ်တရက် မြင့်တက်လာတယ်။

လီဖူချန်းရဲ့ဓားတာအိုဥပဒေသက အဆင့်မြင့်ဆန်းကြယ်နတ်ဘုရားအထွတ်အထိပ်အခြေအနေမှ အဆင့်နိမ့်ပိုင်နက်နတ်ဘုရားစဦးအခြေအနေသို့ ချိုးဖြတ်သွားခဲ့တယ်။

"ငါ အဆင့်နိမ့်ပိုင်နက်နတ်ဘုရားနယ်ပယ်အထိပဲ ချိုးဖြတ်နိုင်ခဲ့တာပဲ"

သတ္တုအစအနပေါ်ရှိဓားအင်းကွက်က မပြည့်စုံသလို ဓားဆန္ဒမှာလဲ ဓားတာအိုဥပဒေသတစ်ခုမှ မရှိဘူး။ သူ့ရဲ့ထူးချွန်တဲ့ဓားတာအိုပါရမီကြောင့်သာ လီဖူချန်းက ဓားတာအိုဥပဒေသအဆင့်ကို ချိုးဖြတ်နိုင်ခဲ့တာပါ။

ဓားတာအိုဥပဒေသချိုးဖြတ်ပြီးနောက် လီဖူချန်းရဲ့ကောင်းကင်ဘုံကိုးခုနတ်ဘုရားဓားရဲ့ကျင့်ကြံခြင်းအရှိန်က ပိုတောင်မြန်ဆန်လာတယ်။

နတ်ဆိုးစစ်တပ်ရဲ့တိုက်ခိုက်မှုမတိုင်ခင်ညမှာ ကောင်းကင်ဘုံကိုးခုနတ်ဘုရားဓားက နောက်ဆုံးမှာ ဓားချီငါးခုကို ထုတ်လွှတ်နိုင်လာခဲ့တယ်။

"နတ်ဘုရားတွေအားလုံးကို သတ်ပြီး သူတို့ရဲ့နတ်ဘုရားစိတ်ဝိညာဉ်ကို မြင့်မြတ်တဲ့အသူရာချောက်နက်ဆရာသခင်ထံ ပူဇော်ရမယ်"

အသူတရာချောက်နက်ဥပဒေသရဲ့အကူအညီနဲ့အတူ နတ်ဆိုးတွေက သူတို့ရဲ့ခွန်အားကို ပုံမှန်အတိုင်း အသုံးချနိုင်လာခဲ့တယ်။ အခြားတစ်ဖက်မှာတော့ နတ်ဘုရားတွေရဲ့ခွန်အားကို အဆတစ်ရာအထိ ကန့်သတ်ထားခဲ့တယ်။

တစ်ယောက်ချင်းစီတိုက်ပွဲမှာ နတ်ဘုရားတွေက ပြိုင်ဘက်မဟုတ်ပါဘူး။

"ကောင်းကင်ဘုံကိုးခုနတ်ဘုရားဓား......"

သဲကန္တာရထဲမှာ လီဖူချန်းက သူ့ဓားကို ဝှေ့ယမ်းလိုက်တယ်၊ အနက်ရောင်ဓားချီငါးခုက နောက်မှ ထွက်ပေါ်လာတယ်။

အနက်ရောင်ဓားချီက သာမန်ဆန်ပုံပေါ်ပေမယ့် သူတို့ထဲကဘယ်တစ်ခုမဆို ကောင်းကင်ဓားကြယ်ထက်သာလွန်တဲ့စွမ်းအားရှိတယ်။

ဝှစ် ဝှစ် ဝှစ် ဝှစ် ဝှစ်......

မျက်နှာချင်းဆိုင်မှာ အဆင့်၅အဆင့်နိမ့်နတ်ဆိုးတစ်ကောင်ရဲ့ခန္ဓာကိုယ်ကို အပေါက်ငါးပေါက်က ထိုးဖောက်သွားခဲ့ပြီး ၎င်းက ချက်ချင်း ပျက်သုဉ်းသွားတော့တယ်။

"ဒါ တကယ်ကို ပြီးပြည့်စုံခြင်းအဆင့်နိမ့်ဓားတာအိုပိုင်နက်နတ်ဘုရားအတတ်တစ်ခုပဲ"

လီဖူချန်းက ကောင်းကင်ဘုံကိုးခုနတ်ဘုရားဓားရဲ့စွမ်းအားနဲ့ပတ်သက်ပြီး အလွန်ကျေနပ်နေတယ်။

ဒါပေမယ့် သူက အဆုံးစွန်းအလယ်ဆင့်နတ်ဘုရားအသုံးအဆောင်ပစ္စည်းဖြစ်နဲ့ကောင်းကင်ခွဲဖြာဓားကြောင့် အဆင့်၅အဆင့်နိမ့်နတ်ဆိုးတစ်ယောက်ကို တစ်ချက်တည်းနဲ့ သတ်ဖြတ်နိုင်ခဲ့တာပါ။

ရက်တွေက ဒီလိုနဲ့ ကုန်ဆုံးသွားပြီး မီးပြင်းဖိုမြို့က နတ်ဘုရားကမ္ဘာမှာ ခိုင်မြဲစွာ ရပ်တည်နိုင်နေတုန်းပါပဲ။

ဓားတာအိုဥပဒေသက အဆင့်နိမ့်ပိုင်နက်နတ်ဘုရားစဦးအခြေအနေကို ချိုးဖြတ်သွားခဲ့တာကြောင့် လီဖူချန်းရဲ့ဓားတာအိုဆန်းကြယ်နတ်ဘုရားအတတ်ကိုဖန်တီးတဲ့အရှိန်က ပိုတောင်မြန်ဆန်လာတယ်။ လက်ရှိမှာ သူက အဆုံးစွန်းအဆင့်မြင့်ဓားတာအိုဆန်းကြယ်နတ်ဘုရားအတတ်အခုနှစ်ဆယ်ကို ဖန်တီးထားခဲ့ပြီဖြစ်တယ်။ သူ့ရဲ့ဓားတာအိုဆန်းကြယ်နတ်ဘုရားစွမ်းအားအညွှန်းကိန်းက နှစ်ဆယ်ထရီလီယံကို ရောက်ရှိထားပါပြီ။

ဒီအညွှန်းကိန်းက သာမန်အဆင့်မြင့်ဆန်းကြယ်နတ်ဘုရားတွေထက် အဆများစွာ သာလွန်တယ်။

ဒါပေမယ့် လက်ရှိမှာ လီဖူချန်းက ဓားတာအိုပိုင်နက်နတ်ဘုရားအတတ်တစ်ခုကို မဖန်တီးရသေးပါဘူး။

ဓားတာအိုပိုင်နက်နတ်ဘုရားအတတ်တစ်ခုကို သင်ယူခြင်းနဲ့ဖန်တီးခြင်းတို့က မတူညီတဲ့အရာနှစ်ခုပါပဲ။ အခက်အခဲက အဆတစ်ထောင်ပိုတယ်။

"ဓားတစ်ချက်စိတ်ဝိညာဉ်ဖြတ်"

ကျယ်ပြောတဲ့နေရာလပ်-အချိန်ထဲမှာ လီဖူချန်းက သူ့ဓားကို ဝှေ့ယမ်းလိုက်တယ်၊ ဓားချီတစ်ခုက ပျံသန်းထွက်လာတယ်။

ဓားချီက မြန်လွန်းတယ်။ ၎င်းက ပျံသန်းထွက်လာတာနဲ့ မပျောက်ကွယ်ခင် ‌နေရာလပ်-အချိန်မှပြေးထွက်လာပြီဖြစ်တယ်။

ဓားတစ်ချက်စိတ်ဝိညာဉ်ဖြတ်၊ အဆုံးစွန်းအဆင့်နိမ့်ဓားတာအိုပိုင်နက်နတ်ဘုရားအတတ်။

ဒီဓားကွက်က အရမ်းရိုးရှင်းတယ်။ ၎င်းက အလွန်အမင်းမြန်ပြီး အလွန်အမင်းအားကောင်းတယ်။ ရန်သူက ဓားချီကို မြင်တဲ့အချိန်မှာ သူတို့က ထိမှန်ပြီးနေပြီ။

ငါးဆယ်ဘီလီယံ၊ တစ်ရာဘီလီယံ......

အချိန်ကြာလာတာနဲ့အမျှ လီဖူချန်းရဲ့နတ်ဆိုးအမှတ်က တိုးလာပြီး တစ်ရာဘီလီယံကို ကျော်လွန်သွားခဲ့တယ်။

…

"မီးပြင်းဖိုကမ္ဘာနတ်ဘုရားဆရာသခင်၊ မင်း ဒီနေ့ သေချာပေါက် သေရမယ်"

မီးပြင်းဖိုမြို့ရဲ့နေရာလပ်-အချိန်အနက်ပိုင်းထဲမှာ အဆင့်၆အဆင့်မြင့်နတ်ဆိုးလေး‌ယောက်က မုတ်ဆိတ်နီအကြီးအကဲတစ်ယောက်ကို ဝိုင်းထားတယ်။

မုတ်ဆိတ်နီအကြီးအကဲက မီးပြင်းဖိုမြို့အရှင်ဖြစ်တဲ့မီးပြင်းဖိုကမ္ဘာနတ်ဘုရားဆရာသခင်ပါပဲ။

မီးပြင်းဖိုမြို့အခုထိရှင်သန်နေနိုင်ရတဲ့အကြောင်းကတော့ မီးပြင်းဖိုကမ္ဘာနတ်ဘုရားဆရာသခင်ကြောင့်ပါပဲ။

အကြောင်းက‌တော့ မီးပြင်းဖိုမြို့အရှင်က ကမ္ဘာနတ်ဘုရားဆရာသခင်ဖြစ်နေလို့ပဲ။

အဆင့်မြင့်ကမ္ဘာနတ်ဘုရားတွေရဲ့အဆင့်က အဆင့်မြင့်ဆန်းကြယ်နတ်ဘုရားတွေနဲ့ အတူတူပါပဲ။ သူတို့က တတိယတန်းစားအဆင့်မြင့်ကမ္ဘာနတ်ဘုရား၊ ဒုတိယတန်းစားအဆင့်မြင့်ကမ္ဘာနတ်ဘုရား၊ ပထမတန်းစားအဆင့်မြင့်ကမ္ဘာနတ်ဘုရားနဲ့ ကမ္ဘာနတ်ဘုရားဆရာသခင်တို့ပါပဲ။

ကမ္ဘာနတ်ဘုရားအရှင်သခင်တစ်ယောက်ရဲ့ခြိမ်းခြောက်နိုင်စွမ်းက အလွန်ကြီးမားတယ်။ အရေးကြီးဆုံးကတော့ ကမ္ဘာနတ်ဘုရားတွေက ကမ္ဘာနတ်ဘုရားအောက်တည်ရှိမှုတွေနဲ့ မတူပါဘူး။ ကမ္ဘာနတ်ဘုရားအောက်တည်ရှိမှုတွေက သူတို့ရဲ့အသန်မာဆုံးတိုက်ခိုက်ရေးစွမ်းအားကို ထုတ်လွှတ်ဖို့အတွက် နတ်ဘုရားကမ္ဘာရဲ့ဥပဒေသအပေါ်  မှီခိုရတယ်။ ကမ္ဘာနတ်ဘုရားတွေက သူတို့ကိုယ်ပိုင်ကမ္ဘာရဲ့ဥပဒေသတွေအပေါ်ပဲ မှီခိုရတယ်။ ဒါကြောင့် သူတို့ရဲ့စွမ်းအားက ဆယ်ဆလောက်ပဲ လျော့ကျတယ်၊ အဆတစ်ရာလောက်အထိ မရှိပါဘူး။

ဒီအဆင့်၆အဆင့်မြင့်နတ်ဆိုးလေးယောက်က အလွန်သန်မာတယ်။ သုံးယောက်က ပထမတန်းစားအဆင့်မြင့်ကမ္ဘာနတ်ဘုရားတွေနဲ့ ညီမျှပြီး တစ်ယောက်က ကမ္ဘာနတ်ဘုရားဆရာသခင်တွေနဲ့ ညီမျှတယ်။

ဒါပေမယ့် သူတို့လေး‌ယောက်အတူပူးပေါင်းထားတောင်မှ မီးပြင်းဖိုကမ္ဘာနတ်ဘုရားဆရာသခင်ကို ဘာမှ မလုပ်နိုင်ပါဘူး။

မီးပြင်းဖိုကမ္ဘာနတ်ဘုရားဆရာသခင်ရဲ့သံလက်သီးတွေက မရပ်တန့်နိုင်ဖြစ်ပြီး မတရားပူတယ်။ သူ လက်သီးထိုးလိုက်တဲ့အချိန်တိုင်းမှာ ထိုဧရိယာက  ငရဲတစ်ခုဖြစ်လာတယ်။

"မင်းတို့လောက်နဲ့လား" မီးပြင်းဖိုကမ္ဘာနတ်ဘုရားဆရာသခင်က အထင်သေးစွာ ပြောလိုက်တယ်။

"ငါတို့ပဲ ဘယ်ဟုတ်မလဲ။ အသူတရာချောက်နက်စိတ်ဝိညာဉ်ဖျက်ဆီးခြင်းအစီအရင်"

အနီရင့်ရောင်မှော်အစီအရင်တစ်ခုက သူတို့လေး‌ယောက်ရဲ့အရှေ့မှာ ရုတ်တရက် ထွက်ပေါ်လတယ်။ မှော်အစီအရင်က လှည့်ပတ်သွားပြီး အနက်ရောင်မွန်းစတားတစ်ကောင်က ထွက်ပေါ်လာတယ်။ ၎င်းက ၎င်းရဲ့ပါးစပ်ကို ဟကာ မီးပြင်းဖိုကမ္ဘာနတ်ဘုရားဆရာသခင်ကို ဝါးမျိုလိုက်ယ်။

"စိတ်ဝိညာဉ်ဝါးမျိုသားရဲ"

မီးပြင်းဖိုကမ္ဘာနတ်ဘုရားဆရာသခင်ရဲ့အမူအရာက ပြောင်းလဲသွားတယ်။

စိတ်ဝိညာဉ်ဝါးမျိုသားရဲက စိတ်ဝိညာဉ်ဝါးမျိုခြင်းကိုအထူးကျွမ်းကျင်တဲ့အသူတရာချောက်နက်ထဲရှိကြောက်စရာကောင်းတဲ့မွန်းစတားတစ်ကောင်ဖြစ်တယ်။

မီးပြင်းဖိုကမ္ဘာနတ်ဘုရားဆရာသခင်က စိတ်ဝိညာဉ်ကျင့်ကြံသူတစ်ယောက်မဟုတ်ဘူး၊ ဒါကြောင့် သူက စိတ်ဝိညာဉ်ဝါးမျိုသားရဲကို သတိထားရပါသေးတယ်။

"ယား....."

နေရာလပ်က ချော်ရည်အဖြစ် ပြောင်းသွားပြီး မီးပြင်းဖိုကမ္ဘာနတ်ဘုရားဆရာသခင်က စိတ်ဝိညာဉ်ဝါးမျိုသားရဲကို လက်သီးတစ်ချက်နဲ့ လွင့်ထွက်သွားစေခဲ့တယ်။

"ဒီအဖိုးကြီးက ဘာလို့ ဒီလောက်သန်မာရတာလဲ"

အဆင့်၆နတ်ဆိုးလေးယောက်ရဲ့အမူအရာက ရုပ်ဆိုးသွားတယ်။ သူတို့က စိတ်ဝိညာဉ်ဝါးမျိုသားရဲကိုတောင် ဆင့်ခေါ်ထားပေမယ့် မီးပြင်းဖိုကမ္ဘာနတ်ဘုရားဆရာသခင်အပေါ် ဘာမှမလုပ်နိုင်ခဲ့ပါဘူး။ ဒီသတင်းသာ ပြန့်သွားရင် သူတို့ရဲ့ဂုဏ်သတင်းကို သေချာပေါက် ထိခိုက်စေလိမ့်မယ်။

အုန်း အုန်း အုန်း...

မီးပြင်းဖိုကမ္ဘာနတ်ဘုရားဆရာသခင်ရဲ့ခွန်အားက ပေါက်ကွဲထွက်လာတယ်၊ သူက သူ့လက်သီးကို ဝှေ့ယမ်းလိုက်ပြီး စိတ်ဝိညာဉ်ဝါးမျိုသားရဲကို နောက်ဆုတ်စေခဲ့တယ်။

ဟိန်းသံနဲ့အတူ စိတ်ဝိညာဉ်ဝါးမျိုသားရဲနဲ့အစီအရင်က ပျောက်ကွယ်သွားတော့တယ်။

"မင်းတို့မှာ ဘာနည်းလမ်းတွေ ရှိသေးလဲ။ အကုန်လုံး ထုတ်လိုက်စမ်းပါ"

မီးပြင်းဖိုကမ္ဘာနတ်ဘုရားဆရာသခင်ရဲ့မီးလျှံတွေက လိမ့်တက်လာပြီး သူက အဆင့်၆နတ်ဆိုးလေးယောက်ကို တိုက်ခိုက်ခဲ့တယ်။

ဖုန်း ဖုန်း ဖုန်း....

ကမ္ဘာနတ်ဘုရားဆရာသခင်အဆင့်အဆင့်၆နတ်ဆိုးကလွဲပြီး ကျန်သုံးယောက်က သနားစဖွယ်အခြေအ‌နေကို ကျရောက်နေတော့တယ်။ သူတို့ရဲ့ခန္ဓာကိုယ်ကို မီးပြင်းဖိုကမ္ဘာနတ်ဘုရားဆရာသခင်ရဲ့လက်သီးက ဆုတ်ဖြဲသွားတော့တယ်။

ကမ္ဘာနတ်ဘုရားဆရာသခင်အဆင့်အဆင့်၆နတ်ဆိုးက မီးပြင်းဖိုကမ္ဘာနတ်ဘုရားဆရာသခင်ကို ထိန်းထားတာကြောင့်မဟုတ်ရင် ဒင်းတို့သုံးယောက်က လက်သီးချက်တွေကြောင့် အသတ်ခံသွားရလောက်ပြီ။

"မင်းတို့ကောင်တ္ငေက အတော်အခြေအနေဆိုးနေတာပဲ။ မင်းတို့က အသူတရာချောက်နက်တတိယအလွှာကို အရှက်ရစေတာပဲ" ထိုအချိန်မှာ မြင့်မားတဲ့နတ်ဆိုးတစ်ယောက်က ထွက်ပေါ်လာတယ်။

ဒါက ရွှေရောင်အပေါ်ဝတ်ရုံကိုဝတ်ဆင်ထားတဲ့အဆင့်၆အဆင့်မြင့်နတ်ဆိုးတစ်ယောက်ဖြစ်တယ်။

"နောက်ထပ်ကမ္ဘာနတ်ဘုရားဆရာသခင်အဆင့်အဆင့်၆နတ်ဆိုးလား"

မီးပြင်းဖိုကမ္ဘာနတ်ဘုရားဆရာသခင်က မျက်မှောင်ကြုတ်လိုက်တယ်။

သူက သူတို့လေးယောက်ကို သက်သောင့်သက်သာနဲ့ ရင်ဆိုင်ခဲ့ပေမယ့် သူက အစွမ်းကုန်ထုတ်ခဲ့ပြီးပါပြီ။

"အရှင်ဒီတက်"

စုပ်ပြတ်သပ်နေတဲ့ခန္ဓာကိုယ်တွေနဲ့အဆင့်၆နတ်ဆိုးသုံးယောက်က အသစ်လာတဲ့ပုံရိပ်ကို မြင်တဲ့အခါ သူတို့က အံ့ဩတုန်လှုပ်သွားခဲ့တယ်။

ဒီတက်၊ အသူတရာချောက်နက်တတိယအလွှာရှိဝံပုလွေအော်မြည်လွင်ပြင်ရဲ့အရှင်။

ဒါပေမယ့် အရှင်တွေမှာလဲ အဆင့်အမျိုးမျိုးရှိတယ်။

အဆင့်၆အဆင့်မြင့်နတ်ဆိုးတွေနဲ့ယှဉ်နိုင်တဲ့အလွန်အားကောင်းတဲ့အဆင့်၆အလယ်ဆင့်နတ်ဆိုးအချို့က မဟာနတ်ဆိုးအရှင်တွေမဟုတ်ဘဲ ကြီးမြတ်သူနတ်ဆိုးအရှင်တွေသာ ဖြစ်လိမ့်မယ်၊။

ဒါပေမယ့် ပုံမှန်အခြေအနေအောက်မှာ ကြီးမြတ်သူနတ်ဆိုးအရှင်တစ်ယောက်က‌တောင် အဆင့်၆အဆင့်မြင့်နတ်ဆိုးအရှင်တစ်‌ယောက် ဖြစ်‌ပေလိမ့်မယ်။ အဆင့်၆အလယ်ဆင့်နတ်ဆိုးတွေက အလွန်ည်းတယ်။

ဒီအဆင့်၆အလယ်ဆင့်နတ်ဆိုးမှာ အားကောင်းအရှင်တစ်ယောက်ရဲ့အထောက်အပံ့မရှိရင်ပေါ့။

ဥပမာအားဖြင့် အမှောင်ပြာကမ္ဘာနတ်ဘုရားကိုသတ်ဖြတ်ခဲ့တဲ့ကျီးလေက အဆင့်၁ကြီးမြတ်သူနတ်ဆိုးအရှင်သာဖြစ်တယ်။ သူက အရှင်တွေရဲ့အောက်ဆုံးမှာရှိပြီး သူ့ကို အခြားအရှင်တွေက ဘယ်အချိန်မဆို သတ်ဖြတ်နိုင်တယ်။

အခြားတစ်ဖက်မှာတော့ ဒီတက်က မဟာနတ်ဆိုးအရှင်ဖြစ်ပြီး အဆင့်၂မဟာနတ်ဆိုးအရှင်ဖြစ်တယ်။ သူ့အထက်မှာ အဆင့်၃မဟာနတ်ဆိုးအရှင်တစ်ယောက်ရှိတယ်။

မီးပြင်းဖိုကမ္ဘာနတ်ဘုရားဆရာသခင်နဲ့တိုက်ခိုက်နေတဲ့သူက အဆင့်၁မဟာနတ်ဆိုးအရှင်ဖြစ်ပြီး ဒီတက်ထက် တစ်ဆင့်နိမ့်ကျတယ်။

"ဒီတက်၊ မီးပြင်းဖိုမြို့က ငါ့အပိုင်ပဲ။ မင်း ငါ့ဆီကနေ ခိုးယူချင်နေတာလား" ဒီတက်ထွက်ပေါ်လာတာကိုမြင်ပြီး မီးပြင်းဖိုကမ္ဘာနတ်ဘုရားဆရာသခင်နဲ့တိုက်ခိုက်နေတဲ့ဝါလီက ဒေါသထွက်သွားတယ်။

ဒီတက်က အထင်သေးစွာ ပြောလိုက်တယ်"ဝါလီ၊ ရက်တွေ ဒီလောက်ကြာပြီ၊ မင်းတို့က အခုထိ မီးပြင်းဖိုမြို့ကို မရသေးဘူး။ ငါ မင်းကို အချိန်ပိုပေးရင်တောင် မင်း ရမှာမဟုတ်ဘူး။ ဘာကြောင့် မင်း ငါ့ကို အမှတ်မပေးတာလဲ"

အဆင့်၂မဟာနတ်ဆိုးအရှင်အနေနဲ့ သူက တစ်ဖက်လူကို နှိမ်ချနိုင်ပါတယ်။

"ငါ့ကို နောက်ထပ်အခွင့်အရေးတစ်ခုပေးပါ။ ငါ သေချာပေါက် မီးပြင်းဖိုမြို့ကို ရစေရမယ်"

ဝါလီက ဆန္ဓမရှိပါဘူး။ သူက မီးပြင်းဖိုကမ္ဘာနတ်ဘုရားဆရာသခင်ရဲ့စိတ်ဝိညာဉ်ကို တပ်မှူးဝမ်ဇီဆီထံ ပူဇော်ဖို့ စီစဉ်ထားပြီးသားပါ။ မီးပြင်းဖိုကမ္ဘာနတ်ဘုရားဆရာသခင်က သူထင်ထားတာထက် ပိုသန်မာမယ်လို့ ဘယ်သူက ထင်ထားမှာလဲ။

"မလိုဘူး၊ ငါပဲ လုပ်လိုက်မယ်"

ဒီတက်က ဟိန်းလိုက်ကာ ဝါလီကို လွင့်ထွက်သွားစေခဲ့တယ်။ ပြီးနောက် သူက မီးပြင်းဖိုကမ္ဘာနတ်ဘုရားဆရာသခင်ထံ တစ်ဟုန်ထိုးပြေးဝင်တိုက်ခိုက်ခဲ့တယ်။

အဆင့်၂မဟာနတ်ဆိုးအရှင်က အလွန်သန်မာတယ်လို့ ပြောနိုင်တယ်။ သူက ဝါလီထက် အနည်းဆုံးဆယ်ဆပိုသန်မာတယ်။

အချိန်တိုအတွင်းမှာ မီးပြင်းဖိုကမ္ဘာနတ်ဘုရားဆရာသခင်ရဲ့မီးတာအိုကမ္ဘာနတ်ဘုရားစွမ်းအားအများစုက ပျက်ဆီးသွားပြီး သူ့ရဲ့အရှိန်အဝါက အားနည်းလာတယ်။

"အရှင်၊ ငါတို့ ဘာလို့ မသည်းခံရမှာလဲ"

အဆင့်၆မဟာနတ်ဆိုးသုံးယောက်က ဝါလီကို ဖျောင်းဖျဖို့ ကြိုးစားခဲ့တယ်။

အဆင့်၂မဟာနတ်ဆိုးအရှင်တစ်ယောက်နဲ့ရင်ဆိုင်ခြင်းက ဉာဏ်ရှိတဲ့အလုပ်တစ်ခုမဟုတ်ပါဘူး။

ဝါလီက ခါးသီးစွာ ပြုံးလိုက်တယ်။ ဒီတက်နဲ့ရင်ဆိုင်တာက တုံးအတာကို သူ သိတယ်။ စောစောက သူ စိတ်လှုပ်ရှားသွားခဲ့လို့ပါပဲ။

မီးပြင်းဖိုကမ္ဘာနတ်ဘုရားဆရာသခင်ရဲ့မီးတာအိုကမ္ဘာနတ်ဘုရားစွမ်းအားက တဖြည်းဖြည်းကုန်ခန်းသွားတယ်။

မီးပြင်းဖိုကမ္ဘာနတ်ဘုရားဆရာသခင်ကို သတ်ပြီးတာနဲ့ မီးပြင်းဖိုမြို့က ပျက်ဆီးသွား‌ရလိမ့်မယ်။

ဒါပေမယ့် ဒီတက်ကို မလွယ်စေတာကတော့ မီးပြင်းဖိုကမ္ဘာနတ်ဘုရားဆရာသခင်က ထိတ်လန့်တဲ့လက္ခဏာဘာတစ်ခုမှ မပြတာပဲ။ သရော်တဲ့အရိပ်အယောင်တစ်ခုသာ ရှိတယ်။

ဟုတ်ပါတယ်၊ သရော်တာပါပဲ။

"ငါ အစက ငါ့ရဲ့အစစ်အမှန်ခွန်အားကို မပြချင်ခဲ့ဘူး၊ ဒါပေမယ့် မင်းတို့က ငါ့ကို ဖိအားပေးခဲ့တာပဲ"

အုန်း......

အဆုံးမဲ့အလင်းတွေ ပေါက်ကွဲထွက်သွားပြီး မီးပြင်းဖိုကမ္ဘာနတ်ဘုရားဆရာသခင်က ‌နေနတ်ဘုရားတစ်ယောက်အလား နေတစ်စင်းအဖြစ် ပြောင်းလဲသွားခဲ့တယ်။

***