ခေါ်ဆောင်သွားခြင်း

Vol. 201 Ch. 2865

ရီအင်ပါယာနန်းတော် အတွင်းနှင့်အပြင်မှ မရေတွက်နိုင်သော ကျင့်ကြံသူများက ကောင်းကင်သို့ မော့ကြည့်လိုက်ကြသည်။ သူတို့အားလုံးသည် အလွန်အားကောင်းသော ဖိအားကို ခံစားမိလိုက်ကြပေသည်။

နန်းတော်သခင်ရီက ကောင်းကင်ဒေသကို တိုက်ခိုက်မည့် စစ်ပွဲသို့ သွားရောက်ခဲ့သော်လည်း လူအများက တိုက်ခိုက်ရန် ရောက်လာခဲ့ကြသည်။ သူတို့က ကပ်ဘေးယူဆောင်လာခြင်း ဖြစ်လိမ့်မည်လား။

ထို့နောက် မဟာအင်ပါယာအဆင့် ပုဂ္ဂိုလ်သုံးယောက် ပေါ်ပေါက်လာ၏။ သူတို့က ရီအင်ပါယာနန်းတော်ကို ကာကွယ်ရန် နေရစ်ခဲ့သည့် လူသားဘုံနှင့် နတ်ဆိုးဘုံမှ မဟာအင်ပါယာသုံးယောက် ဖြစ်သည်။ သူတို့က ဤနေရာကို စောင့်ကြပ်နေခဲ့သည်။ နတ်စွမ်းအားများက သူတို့၏ ခန္ဓာကိုယ်များမှ ထွက်ပေါ်လာပြီး ကောင်းကင်သို့ မော့ကြည့်လိုက်ကြသည်။ လူသားဘုံမှ မဟာအင်ပါယာတစ်ပါးက ရဲတင်းစွာ ပြောလိုက်၏။

“ဒွန်ဟောင်အင်ပါယာနန်းတော်က လူတွေလား။ ဘာကြောင့် ပုန်းကွယ်နေတာလဲ။”

ခေါင်းဆောင်ဖြစ်သူက မျက်နှာပေါ်တွင် ငွေရောင်မျက်နှာဖုံးကို တပ်ဆင်ထားသည်။ သိမ်မွေ့သည့်စွမ်းအင်လှိုင်းက စီးဆင်းနေကာ သူ့မျက်နှာကို ဖုံးကွယ်ထား၏။ သူ၏ ဆံပင်ရှည်တို့က ဖြန့်ချထားပြီး ပြောင်အင်္ကျီကို ဝတ်ဆင်ထားသည်။ သို့သော် သူ့ခန္ဓာကိုယ်မှ ဖိနှိပ်နိုင်သော စွမ်းအားတို့ ထွက်ပေါ်နေ၏။ ထိုနေရာ၌ ရပ်နေရုံနှင့်ပင် သူက လောကကြီးကို လွှမ်းမိုးနိုင်သည့် မောက်မာသော နတ်ဘုရားတစ်ပါးကဲ့သို့ ထင်မှတ်ရသည်။ သူက တုနှိုင်း၍မရနိုင်အောင် ဖြစ်သည်။

ဘုန်း....

အလွန်ပြင်းထန်သည့် အရှိန်အဝါတို့ ထွက်ပေါ်လာသည်။ ထိတ်လန့်ချောက်ချားဖွယ်ကောင်းသည့် ဖျက်ဆီးခြင်းစွမ်းအားတို့နှင့် လေမုန်တိုင်းက ချက်ချင်းပင် ကောင်းကင်ကို လွှမ်းခြုံသွားကာ ကောင်းကင်၌ အနက်ရောင်လှိုင်းတို့ ပေါ်ပေါက်လာသည်။ ၎င်းက ဖျက်ဆီးခြင်းကပ်ဘေးကဲ့သို့ ဖြစ်လေသည်။

နတ်ဆိုးလောကမှ မဟာအင်ပါယာက မျက်လုံးများကို ကျဥ်းမြောင်းလိုက်ပြီး ကောင်းကင်မှလူကို စိုက်ကြည့်ကာ မေးလိုက်သည်။

“မင်းက ဘယ်သူလဲ။”

သူသည် မည်သည့်အတွက်ကြောင့် ရောက်ရှိလာသူက နတ်ဆိုးလောကမှတစ်စုံတစ်ယောက်ဟု ခံစားမိနေခဲ့ရသနည်း။

ရောက်လာသူက မတုန့်ပြန်ခဲ့ပေ။ သူ့ခန္ဓာကိုယ်မှ ထိတ်လန့်ချောက်ချားစရာကောင်းလှသည့် အရှိန်အဝါတို့ ပေါက်ကွဲထွက်လာကာ ရီအင်ပါယာနန်းတော်ကို ချိပ်ပိတ်လိုက်သည်။ ထိုအချိန်တွင် မရေတွက်နိုင်သော ကပ်ဘေးအလင်းတန်းတို့က ရီအင်ပါယာနန်းတော် အတွင်းအပြင်၌ ပေါ်ပေါက်လာသည်။ ရောက်လာသူ၏ ခန္ဓာကိုယ်မှ မရေတွက်နိုင်သော နတ်ဘုရားကပ်ဘေးအက္ခရာများ တောက်ပလာခဲ့သည်။ သင်္ကေတအက္ခရာတိုင်းက နတ်ဘုရားကပ်ဘေးကဲ့သို့ ဖြစ်လေသည်။

မရေတွက်နိုင်သော နတ်ဘုရားကပ်ဘေးအလင်းတန်းတို့ ကျဆင်းလာပြီး မဟာအင်ပါယာသုံးယောက်ကို ဖုံးလွှမ်းသွားသည်။

ထိုအချိန်တွင် ရီအင်ပါယာနန်းတော် အတွင်းအပြင်မှ ကျင့်ကြံသူများအားလုံးက စိတ်ပျက်အားငယ်သွားကြသည်။ ရောက်ရှိလာသည့် မဟာအင်ပါယာက အစွမ်းထက်လှသည်။ သူက ရီအင်ပါယာနန်းတော်ကို စောင့်ကြပ်နေသည့် မဟာအင်ပါယာသုံးယောက်ကို သုတ်သင်နိုင်ချေပင်ရှိလေသည်။ ထိုကဲ့သို့ဖြစ်ခဲ့လျှင် ရီအင်ပါယာနန်းတော်အတွက် ပျက်စီးခြင်းဆိုက်ရောက်ရပေလိမ့်မည်။

…

တစ်ချိန်တည်းတွင် ကောင်းကင်ဒေသအတွင်း ဒွန်ဟောင်အင်ပါယာနန်းတော်သို့ အလျင်စလိုသွားနေသည့် ရီဖူရှင်းက ရုတ်တရက် ရပ်တန့်လိုက်သည်။ သူ့အမူအရာက ချက်ချင်း အရုပ်ဆိုးသွားခဲ့ပြီး အနည်းငယ်ပင်ဖြူဖျော့သွားခဲ့သည်။ သူသည် ရီအင်ပါယာနန်းတော်သို့ အစွမ်းထက်ပုဂ္ဂိုလ်များ ကျူးကျော်လာကြောင်း သတင်းလက်ခံရရှိခဲ့သည်။

သို့သော် ယခုတွင် အင်အားစုကြီးငါးခုက ပူးပေါင်းကာ ကောင်းကင်ဒေသကို တိုက်ခိုက်ရန်လုပ်ဆောင်နေသည်။ ကောင်းကင်ဒေသက ရီအင်ပါယာနန်းတော်ကို တိုက်ခိုက်ရန် မည်သို့ တစ်စုံတစ်ယောက် စေလွှတ်နိုင်ပါမည်နည်း။

ကောင်းကင်ဒေသမဟုတ်ခဲ့လျှင် အခြားမည်သည့်အင်အားစုများက ဖြစ်နိုင်သနည်း။

ထိုအင်အားစုလေးခုက မဟာမိတ်ဖွဲ့ကာ သူနှင့်အတူ ကောင်းကင်ဒေသကို တိုက်ခိုက်နေသည်။ လူသားဘုံနှင့် နတ်ဆိုးလောကမှ ရီအင်ပါယာနန်းတော်ကို စောင့်ကြပ်ရန် မဟာအင်ပါယာများ စေလွှတ်ပေးခဲ့သည်။ ၎င်းက သူတို့ မဖြစ်နိုင်ချေ။

သို့ဆိုလျှင် ဖြစ်နိုင်ချေနှစ်ခုမှာ ကောင်းကင်ဒေသနှင့် ကောင်းကင်ဘုံ ဖြစ်လေသည်။

ကောင်းကင်ဘုံဖြစ်ခဲ့လျှင် ကျိဝူတောက်၏ မောက်မာသည့် စရိုက်အရ သူက ကိုယ်တိုင်ကိုယ်ကျသွားရောက်ကာ တိုက်ရိုက်တိုက်ခိုက်ပေလိမ့်မည်။ သို့သော် ရောက်ရှိလာသူက ကျိဝူတောက် မဟုတ်ပေ။

သူက ကြေးမုံကို ထုတ်ယူကာ အသံပို့လွှတ်လိုက်သည်။

“စီနီယာတို့ ရီအင်ပါယာနန်းတော်က တိုက်ခိုက်ခံနေရတယ်။ ကျုပ် ပြန်သွားမှဖြစ်မယ်ထင်တယ်။”

လူသားဘိုးဘေးနှင့် နတ်ဆိုးအင်ပါယာသည်လည်း သတင်းရရှိပြီးဖြစ်သဖြင့် ရီဖူရှင်း လိမ်ညာခြင်းမဟုတ်ဘဲ ထိုနေရာ၌ တိုက်ပွဲဖြစ်နေကြောင်း သိရှိပေသည်။

“ကျုပ်နဲ့အတူ ပြန်လိုက်ခဲ့ပါ။”

ရီဖူရှင်းက ရီအင်ပါယာနန်းတော်မှ အစွမ်းထက်ပုဂ္ဂိုလ်များကို ပြောလိုက်သည်။ ထို့နောက် သူက ရီအင်ပါယာနန်းတော်မှ ကျင့်ကြံသူများကို ခေါ်ဆောင်ကာ ထွက်သွားခဲ့သည်။ လူသားဘုံနှင့် နတ်ဆိုးလောကမှ မဟာအင်ပါယာများက သီးခြားခွဲထွက်၍ ဒွန်ဟောင်အင်ပါယာနန်းတော်သို့ ဆက်သွားခဲ့ကြသည်။

ရီအင်ပါယာနန်းတော်မှ လူတိုင်းကို နတ်စွမ်းအားတို့ဖြင့် ရစ်ပတ်ထားပြီး သူတို့က အလွန်လျင်မြန်လှသော အရှိန်နှင့် လေဟာနယ်ကို ဖြတ်သန်းသွားသည်။ သူတို့က အလွန် လျင်မြန်လှသည်။ သူတို့က ရီအင်ပါယာနန်းတော်သို့ တတ်နိုင်သမျှ မြန်မြန်ရောက်ရှိစေရန် အလျင်လိုနေကြပြီး အချိန်မီပြန်ရောက်နိုင်ရန် မျှော်လင့်နေကြသည်။

လူတိုင်းက အလွန် စိုးရိမ်ပူပန်နေသော်လည်း သူတို့က ဤတစ်ကြိမ်၌ ရီဖူရှင်းကို အနှောက်အယှက် မပေးခဲ့ပေ။ သူတို့သည် မဟာအင်ပါယာများက တောင့်ခံထားနိုင်ရန်သာ မျှော်လင့်နိုင်ပေသည်။

“ဒွန်ဟောင် အောက်ဘုံကို သွားပြီး အလစ်ချောင်းတိုက်တာ မင်းရဲ့ လူတွေလား။” လူသားဘိုးဘေးက ပြောလိုက်ပြီး သူ့အသံက ဒွန်ဟောင်အင်ပါယာနန်းတော်အတွင်း ပဲ့တင်ထပ်လာသည်။

“အလစ်ချောင်းတိုက်တာလား။”

အရှင်ဒွန်ဟောင်က ပြန်မေးလိုက်သည်။

“ခင်ဗျားတို့အားလုံးက ကောင်းကင်ဒေသကို တိုက်ခိုက်ဖို့ လာရောက်ခဲ့တာလေ။ ကောင်းကင်ဒေသက ဘာကြောင့် ခင်ဗျားတို့ နယ်မြေတွေကို မတိုက်ခိုက်နိုင်ရမှာလဲ။ လူသားနတ်နန်းတော်က လုံလောက်တဲ့ ခုခံကာကွယ်မှု ရှိရဲ့လား။”

အရှင်ဒွန်ဟောင်က ရီအင်ပါယာနန်းတော်သို့ လူများ စေလွှတ်တိုက်ခိုက်သည်မှာ ကောင်းကင်ဒေသမှဖြစ်ကြောင်း ဝန်ခံခဲ့ပြီး ရီအင်ပါယာနန်းတော်က အစပြုရုံသာ ရှိသေးပုံရသည်။ သူတို့က အခြားအင်အားစုများကို နောက်မှ တိုက်ခိုက်လိမ့်မည် ဖြစ်သည်။

ဤသည်မှာ အခြားမဟာအင်ပါယာများကို မျက်မှောင်ကြုတ်သွားစေခဲ့သည်။ ကောင်းကင်ဒေသတွင် မဟာအင်ပါယာအပြင် အခြားအစွမ်းထက်သည့် မဟာအင်ပါယာရှိနေခဲ့သေးသည်လား။

သူတို့အားလုံးက ခုခံကာကွယ်ရန်အတွက် အစွမ်းထက်သော ပုဂ္ဂိုလ်အချို့ ချန်ထားခဲ့သော်လည်း သူတို့ထဲ၌ အလွန်အားကောင်းလှသည့် အဆင့်မြင့်မဟာအင်ပါယာအချို့ ပါဝင်နေလျှင် ပြောရခက်ပေလိမ့်မည်။

သူတို့သည် ရီအင်ပါယာနန်းတော်မှ မဟာအင်ပါယာသုံးယောက် မည်သို့ဖြစ်လိမ့်မည်ကို အရင်စောင့်ကြည့်သင့်ပေသည်။

သိပ်မကြာခင်မှာပင် လူသားဘိုးဘေး၏ မျက်လုံးများက ကျဥ်းမြောင်းသွားပြီး သူ့အမူအရာက အရုပ်ဆိုးသွားခဲ့သည်။ သူ၏ မဟာအင်ပါယာများက ကျဆုံးသွားခဲ့ပြီ ဖြစ်သည်။ နှစ်ယောက်လုံးက တစ်ယောက်ပြီး တစ်ယောက် အသတ်ခံလိုက်ရသည်။

“နတ်ဆိုးအင်ပါယာ မင်းရဲ့ လူရော ဘယ်လိုအခြေအနေရှိလဲ။”

လူသားဘိုးဘေးက အသံပို့လွှတ်ကာ မေးလိုက်သည်။

“အခုပဲ အသတ်ခံလိုက်ရတယ်။”

နတ်ဆိုးအင်ပါယာက ပြန်ဖြေလိုက်သည်။ ထိပ်သီးပုဂ္ဂိုလ်နှစ်ယောက်က အရှိန်တင်လိုက်ပြီး နောက်ဆုံးတွင် ဒွန်ဟောင်အင်ပါယာနန်းတော်သို့ ရောက်ရှိလာခဲ့ပေသည်။

ထိုနေရာ၌ ကြောက်မက်ဖွယ် ပေါက်ကွဲသံများ ထွက်ပေါ်လာသည်။ လူသားဘိုးဘေး၏ ခမ်းနားထည်ဝါသော ခန္ဓာကိုယ်ကြီး ပေါ်ပေါက်လာသည့်အခိုက်အတန့်တွင် အင်ပါယာမြို့အတွင်းမှ ကျင့်ကြံသူအားလုံးက အရူးအမူး ထွက်ပြေးကုန်ကြသည်။ သူတို့သည် တိုက်ပွဲကြီး၏ သက်ရောက်မှုခံရလိမ့်မည်ကို စိုးရိမ်နေကြသည်။ လူသားဘိုးဘေး၏ ကြောက်မက်ဖွယ် ပုံရိပ်က သူတို့ကို အလွယ်တကူ ရိုက်သတ်ပစ်နိုင်ပေသည်။

“ဒွန်ဟောင်၊ ဗုဒ္ဓ”

လူသားဘိုးဘေးက ဒွန်ဟောင်အင်ပါယာနန်းတော် အပြင်သို့ ကြည့်လိုက်သည်။ ထိပ်သီးပုဂ္ဂိုလ်နှစ်ယောက်က ထိုနေရာ၌ ရှိနေခဲ့သည်။ အရှင်ဒွန်ဟောင်က လက်နှစ်ဖက်နှင့် ကု့ချင်း တီးခတ်နေပြီး ဗုဒ္ဓက ဘေးတွင်ရပ်နေခဲ့သည်။

မဟာအင်ပါယာ လေးယောက် ပေါ်ပေါက်လာသည်နှင့် လောကအတွင်းရှိ ထိပ်သီးအဆင့် မဟာအင်ပါယာခြောက်ယောက်လုံးက အင်ပါယာမြို့အတွင်း လူစုံသွားခဲ့ပေသည်။

မရေတွက်နိုင်သော ကျင့်ကြံသူများ၏ နှလုံးသားတို့က တုန်ယင်သွားခဲ့သည်။ သူတို့က ကောင်းကင်ရှိ မဟာအင်ပါယာခြောက်ပါးကို မော့ကြည့်လိုက်သည်။ လောကရှိ အစွမ်းထက်ဆုံး ခြောက်ယောက်က အားလုံး ရောက်ရှိနေပြီ ဖြစ်သည်။

“လူသားဘိုးဘေး ခင်ဗျားက ရှေးခေတ်အချိန်ကတည်းက ကျင့်ကြံသူတစ်ယောက်ဖြစ်ပြီး ယနေ့ထိ တည်ရှိခဲ့တယ်။”

ဗုဒ္ဓက ပြောလိုက်သည်။

“ခင်ဗျားက လူသားတွေရဲ့ ဘိုးဘေးအဖြစ် ကျော်ကြားတယ်။ ဒီလိုဆိုမှတော့ ဘာကြောင့် ပဋိပက္ခတွေ ဖန်တီးနေတာလဲ။ ဒီလောကမှာ အပြောင်းအလဲကြီးတွေ ဖြစ်ပေါ်နေပြီး အခု လူတိုင်း ကောင်းကောင်းမွန်မွန် ကျင့်ကြံနေနိုင်တယ်။ ကျုပ်တို့လည်း နတ်ဘုရားခေတ်ကို ဝင်ရောက်နေခဲ့ပြီ။ မဟာအင်ပါယာခြောက်ပါးအတွက် လောကကြီးကို အုပ်ချုပ်ရင်း နတ်ဘုရားခေတ် ရောက်ရှိလာဖို့ တိတ်တိတ်ဆိတ်ဆိတ် စောင့်နေလိုက်တာ ပိုမကောင်းဘူးလား။”

“ဗုဒ္ဓကျင့်စဥ်တွေကို ကျင့်ကြံတဲ့ ဗုဒ္ဓက အတော်ကို ကြင်နာသနားတတ်တာပဲ။” လူသားဘိုးဘေးက ပြောလိုက်သည်။

“ဒွန်ဟောင်ရဲ့ ရည်မှန်းကို ခင်ဗျား မမြင်နိုင်ဘူးလား။ ပြီးတော့ ကောင်းကင်ဘုံရဲ့ ကျိဝူတောက် ရှိသေးတယ်။ သူတို့ကို ဒီလို မဖယ်ရှားပစ်ရင် ဘုံခုနစ်ခုက ကပ်ဘေးဆိုက်သွားလိမ့်မယ်။ ဗုဒ္ဓက အနာဂတ်ကို ကြိုတင်ဟောကိန်းထုတ်နိုင်မှတော့ လောကကြီးရဲ့ အနာဂတ်ကို မမြင်နိုင်ဘူးလား။”

ဗုဒ္ဓက တစ်ဖက်လူကို ကြည့်လိုက်သည်။ သူ့မျက်လုံးများတွင် အလင်းများ ပါဝင်နေသလို ထင်မှတ်ရပြီး သူက ခေါင်းညိတ်လိုက်၏။

“ကျုပ် မြင်တယ်။”

“အနာဂတ်က ဘယ်လိုလဲ။”

လူသားဘိုးဘေးက မေးလိုက်သည်။

“လောကကြီးက ပြန်လည်ကောင်းမွန်လာပြီး နတ်ဘုရားတွေရဲ့ ခေတ်ကို ရောက်ရှိလိမ့်မယ်။”

ဗုဒ္ဓက ပြောလိုက်သည်။

“လောကကြီးကို ဘယ်သူအုပ်ချုပ်မှာလဲ။”

လူသားဘိုးဘေးက မေးလိုက်၏။

“ကျုပ် မသိဘူး။”

ဗုဒ္ဓက အပြုံးနှင့် ပြောလိုက်သည်။

…

အခြားတစ်ဖက်တွင် ရီဖူရှင်းက နောက်ဆုံးတွင် ရီအင်ပါယာနန်းတော်သို့ အလျင်စလို ပြန်ရောက်လာသော်လည်း အရာအားလုံးက နောက်ကျသွားခဲ့ပြီ ဖြစ်သည်။

သူ ရီအင်ပါယာနန်းတော်သို့ ပြန်ရောက်သည့်အချိန်တွင် ပြိုကျပျက်စီးနေခဲ့ပြီ ဖြစ်သည်။ မဟာအင်ပါယာသုံးယောက်က အသတ်ခံလိုက်ရပြီး ရီအင်ပါယာနန်းတော်၏ ကျင့်ကြံသူများ အားလုံးက ပျောက်ကွယ်သွားခဲ့သည်။

သူတို့က မသေဆုံးခဲ့ဘဲ အဝေးသို့ ခေါ်ဆောင်သွားခံရခြင်း ဖြစ်သည်။

“အရှင်ဒွန်ဟောင်က ကျုပ်ကို ခြိမ်းခြောက်ဖို့ ဒီလိုလုပ်ခဲ့တာလား။”

ရီဖူရှင်းက မေးလိုက်သည်။ သူသည် အဖြစ်အပျက်က အလွန် လျင်မြန်လိမ့်မည်ဟု ထင်ထားခြင်းမရှိခဲ့ပေ။ မဟာအင်ပါယာသုံးယောက်က ဤနေရာ၌ ရှိနေခဲ့သော်လည်း တစ်ဖက်လူကို မရပ်တန့်နိုင်ခဲ့ဘဲ အသတ်ခံခဲ့ရသည်။

ပြန်ရောက်လာသည့် လူအားလုံးတွင် နာကျင်နေသည့် အမူအရာတို့ရှိနေခဲ့၏။ သူတို့သည် ယခု မည်သို့လုပ်ရမည်အား မသိခဲ့ကြပေ။

“ပြန်သွားကြမယ်။”

ရီဖူရှင်းက ပြောလိုက်သည်။ ထို့နောက် သူက လူများကို ခေါ်ကာ ကောင်းကင်ဒေသသို့ ပြန်သွားခဲ့သည်။ အရှင်ဒွန်ဟောင်က သူ့လူများကို ခေါ်ဆောင်သွားသည်ဖြစ်ရာ သူတို့က အရှင်ဒွန်ဟောင်အား ရှာဖွေရန် ဒွန်ဟောင်အင်ပါယာနန်းတော်သို့ သွားရန်သာ တတ်နိုင်ပေသည်။

သို့သော် သူတို့၏ လူများကို အရှင်ဒွန်ဟောင်လက်မှ ပြန်လည်ခေါ်ဆောင်ရန် အခွင့်အရေးရှိလိမ့်ပါဦးမည်လား။

ခေါ်ဆောင်သွားခြင်း

Vol. 201 Ch. 2865

“ဒွန်ဟောင်အင်ပါယာနန်းတော်က လူတွေလား။ ဘာကြောင့် ပုန်းကွယ်နေတာလဲ။”

ဘုန်း....

“မင်းက ဘယ်သူလဲ။”

…

ကောင်းကင်ဒေသမဟုတ်ခဲ့လျှင် အခြားမည်သည့်အင်အားစုများက ဖြစ်နိုင်သနည်း။

သူက ကြေးမုံကို ထုတ်ယူကာ အသံပို့လွှတ်လိုက်သည်။

“ကျုပ်နဲ့အတူ ပြန်လိုက်ခဲ့ပါ။”

“အလစ်ချောင်းတိုက်တာလား။”

အရှင်ဒွန်ဟောင်က ပြန်မေးလိုက်သည်။

“နတ်ဆိုးအင်ပါယာ မင်းရဲ့ လူရော ဘယ်လိုအခြေအနေရှိလဲ။”

လူသားဘိုးဘေးက အသံပို့လွှတ်ကာ မေးလိုက်သည်။

“အခုပဲ အသတ်ခံလိုက်ရတယ်။”

“ဒွန်ဟောင်၊ ဗုဒ္ဓ”

ဗုဒ္ဓက ပြောလိုက်သည်။

“ကျုပ် မြင်တယ်။”

“အနာဂတ်က ဘယ်လိုလဲ။”

လူသားဘိုးဘေးက မေးလိုက်သည်။

ဗုဒ္ဓက ပြောလိုက်သည်။

“လောကကြီးကို ဘယ်သူအုပ်ချုပ်မှာလဲ။”

လူသားဘိုးဘေးက မေးလိုက်၏။

“ကျုပ် မသိဘူး။”

ဗုဒ္ဓက အပြုံးနှင့် ပြောလိုက်သည်။

…

သူတို့က မသေဆုံးခဲ့ဘဲ အဝေးသို့ ခေါ်ဆောင်သွားခံရခြင်း ဖြစ်သည်။

“အရှင်ဒွန်ဟောင်က ကျုပ်ကို ခြိမ်းခြောက်ဖို့ ဒီလိုလုပ်ခဲ့တာလား။”

“ပြန်သွားကြမယ်။”