ကံနှင့် အကျိုးအကြောင်း ဆက်နွယ်မှု

ဝမ်ဝေ့က သူ့ပါရမီကို စမ်းသပ်ပေးခဲ့သည့် ထိုကျင့်ကြံသူသည် သူ့အား မနှစ်မြို့စွာ ကြည့်ကာ သူ့တွင် အလုံခန္ဓာကိုယ်မရှိသည့်အတွက် ကျင့်ကြံရေးလမ်းစဉ်အပေါ် မလျှောက်လှမ်းနိုင်ကြောင်း ပြောပြခဲ့သည်ကို အမှတ်ရလိုက်သည်။

ထိုအခြေအနေကို တွေးကြည့်ပြီးသည့်နောက် ဝမ်ဝေ့က ဘာလုပ်ရမှန်း မသိတော့ပေ။ သူက ဤကမ္ဘာတွင် ပြန်လည်ဝင်စားလာသည့်အတွက် သူ့တစ်ဘဝလုံးကို သာမန်လူအဖြစ် မည်သို့ နေနိုင်မည်နည်း။

သူက ကမ္ဘာမြေမှ ဗဟုသုတများကို အသုံးပြုကာ ဤရှေးဟောင်းကမ္ဘာတွင် ပိုက်ဆံရှာနိုင်လောက်သည်။ သို့သော် သူက ဆယ်စုနှစ်တချို့ကြာပြီးလျှင် သေဆုံးသွားမည့်အချက်က မပြောင်းလဲပေ။ ဤကမ္ဘာတွင် ချမ်းသာကြွယ်ဝမှုက တန်ဖိုးအနည်းငယ်သာ ရှိ၏။

သူ့ဘဝတွင် ကျင့်ကြံသူတချို့က သူ လမ်းလျှောက်သည့်ပုံကို မကြိုက်သည့်အတွက် သတ်ဖြတ်ကာ သူ့အရာအားလုံးကို ဖျက်ဆီးပစ်နိုင်ကြောင်း သိထားသည်။ သူက တစ်ခုခုပြန်လည်ပြုမူဖို့ရာ အင်အားမဲ့နေ၏။

မဖြစ်သေးဘူး။ ဘာပဲဖြစ်ဖြစ် ငါ ကျင့်ကြံနိုင်မဲ့ နည်းလမ်းကို ရှာရမယ်…

ဝမ်ဝေ့က ဆုံးဖြတ်ချက်ချရင်း တွေးလိုက်သည်။ သူက ဤကမ္ဘာ၏ လျှို့ဝှက်ချက်အားလုံးကို သိချင်မိပြီး ကျင့်ကြံရေးလောက၏ အထွတ်အထိပ်သို့ ရောက်ရှိမိသည်။

အကယ်၍ ဖြစ်နိုင်ပါက သူသည် ကမ္ဘာမြေသို့ ပြန်ပြီး သူ့မိသားစုနှင့် တစ်ခေါက် ပြန်လည်တွေ့ဆုံချင်သေးသည်။

ငါ့ကံကြမ္မာကို ပြောင်းလဲပြီးတော့ ကျင့်ကြံရေးလမ်းစဉ် လျှောက်လှမ်းနိုင်မဲ့ ရတနာမျိုး ရှိမှာပါ…

သူ့စိတ်ထဲ ထိုအတွေးပေါ်လာသည်နှင့် ဝမ်ဝေ့၏ စိတ်တွင် အစိမ်းရောင် အစက်အပြောက်နှင့် မြေပုံတစ်ခု ရုတ်ချည်းထွက်ပေါ်လာသည်။ ပထမဦးစွာ သူက ဘာမှမတွေးတော့နိုင်ခင် အံ့အားသင့်သွားမိ၏။

“ ဒါက ငါ့ရဲ့ ရွှေလက်ချောင်းလား” သူက ရေရွတ်လိုက်ပြီးနောက် မြေပုံကို စစ်ဆေးကြည့်လိုက်သည့်အခါ ရွာအနီးရှိ တောင်အနက်ပိုင်းသို့ ပြသနေကြောင်း သဘောပေါက်လိုက်သည်။

“ ဒီမြေပုံက ငါအလိုရှိတာကို ပြနေတာလား။ အဲဒါဆိုရင် ငါ့အင်အားကို တိုးမြှင့်ဖို့ နည်းလမ်းရှိမှာပဲ”

မြေပုံက ရုတ်ချည်းဆိုသလို အစက်များစွာအဖြစ် ပြောင်းလဲသွားပြီး ဝမ်ဝေ့က ပိုမိုစိတ်လှုပ်ရှားလာမိသည်။ ထိုစွမ်းရည်ဖြင့် သူက ကျင့်ကြံရေးလောကကို တက်လှမ်းပြီး ထိပ်ဆုံးနေရာရောက်ဖို့ အချိန်တစ်ခုသာ ကြာမြင့်တော့မည်။

ထို့ကြောင့် သူက ကံအပြောင်းအလဲ အခွင့်အရေးများကို ချက်ချင်း သွားရောက်စုဆောင်းလိုချင်သော်လည်း ဤခန္ဓာကိုယ်၏ မိဘများကို နတ်ဆိုးသားရဲများက ဝါးမျိုသွားကြောင်း ရုတ်ချည်းအမှတ်ရသွားသည်။ သူက ဤပိန်လှီနေသည့် ခန္ဓာကိုယ်ဖြင့် တောင်အတွင်း ကြာကြာအသက်ရှင်နိုင်မည် မဟုတ်ပေ။

ထို့နောက် သူ့စိတ်ထဲ အတွေးတစ်ခု ပေါ်ထွက်လာ၏။

မြေပုံ … ငါ့ကို တောင်မှာ ရှိနေတဲ့ သားရဲတွေကို ပြလို့ရမလား…

သူ ထင်ထားသည့်အတိုင်း မြေပုံက တောင်ပေါ်တွင် အနီရောင် အစက်အပြောက်များစွာကို ပြသလာသည့်အတွက် ဝမ်ဝေ့က နှလုံးဖောက်ကာ သေလုနီးပါး လန့်ဖျတ်သွားခဲ့သည်။ သူက မြေပုံကို နတ်ဆိုးသားရဲများနှင့် သူ့ခန္ဓာကိုယ်ခွန်အားကို တိုးမြှင့်ပေးနိုင်သည့် ကံအပြောင်းအလဲ အခွင့်အရေးများ ပြသပေးသည့်အရာအဖြစ် ပြောင်းလဲလိုက်သည်။

ထို့ကြောင့် နှိုင်းယှဉ်ကြည့်ပြီးသည့်နောက်တွင် ဝမ်ဝေ့က သားရဲများ မအုပ်စိုးသည့် နေရာတစ်ခုတည်းကိုသာ တွေ့လိုက်ရသည်။ ထို့ကြောင့် ဝမ်ဝေ့က ကျင့်ကြံရေးလမ်းစဉ်ကို လျှောက်လှမ်းဖို့ သူ့ကံကြမ္မာကို ပြောင်းလဲရသည်မှာ မလွယ်ကူကြောင်း သဘောပေါက်သွားသည်။ ထို့ကြောင့် သူက နောက်ထပ် နည်းလမ်းရှိသေးလားဟု စဉ်းစားကြည့်လိုက်၏။

ငါက ချမ်းသာတဲ့လူ တစ်ယောက်ဖြစ်လာပြီးတော့ အဆင့်နိမ့်ကျင့်ကြံသူတွေကို တောင်ထဲက ပစ္စည်းတွေကို သွားယူခိုင်းဖို့ အလုပ်ခိုင်းလိုက်ရင်ရော ဘယ်လိုလဲ…

သို့သော်လည်း သူက ထိုအတွေးကို အလျင်အမြန် ဖယ်ရှားလိုက်သည်။ သူ့အနေနှင့် ကျင့်ကြံရေး အရင်းအမြစ်များကို လဲလှယ်နိုင်ဖို့အထိ ချမ်းသာကြွယ်ဝမှု စုဆောင်းနိုင်ဖို့ အချိန်အကြာကြီး ကြာမြင့်လိမ့်မည်။ ထို့အပြင် သူက သဘောတူညီချက်ဖြင့် ခိုင်းထားသည့် ကျင့်ကြံသူများကိုလည်း မယုံပေ။ သူတို့က သူအလိုရှိသည့် အရာများကို ခိုးယူသွားနိုင်သည်။ သူက စမ်းသပ်မှုတချို့ လုပ်ပြီးသည့်နောက်တွင် မြေပုံအား မည်သည့်အရာက သူ့အား ချမ်းသာစေနိုင်မလဲဟု မေးကြည့်လိုက်သည်။

မြေပုံက သူ့ခွန်အားကို တိုးမြှင့်ပေးနိုင်သည့် အရာအများစုကို ပြသလာသည်။ ထို့ကြောင့် သူက ထိုကံအပြောင်းအလဲ အခွင့်အရေးများကို ချမ်းသာကြွယ်ဝမှုအတွက် ရောင်းချနိုင်သည်။ ထို့အပြင် ထိုအရာက တချို့အိမ်နီးချင်းများ၏ သူတို့၏ ပိုက်ဆံဖွက်ထားသည့် နေရာများနှင့်အတူ ငွေပြားနှင့် ရတနာတချို့မြှုပ်နှံထားသည့်နေရာကိုပင် ပြသလာသည်။ ထိုအရာက ဝမ်ဝေ့၏ လက်ရှိအနေအထားထက် အနည်းငယ် မြင့်နေသေး၏။

ကံဆိုးစွာဖြင့် တခြားသူများက ရတနာများကို တောင်အနက်ပိုင်းတွင် မြှုပ်နှံထားခဲ့ကြသည်။ ထို့နောက် ဝမ်ဝေ့က ကျင့်ကြံသူများကို ချည်နှောင်ပြီး သူ့အပေါ် သစ္စာမဖောက်မည့် စာချုပ်မျိုးရှိလားဟု မေးခဲ့သည်။

မြေပုံက ဗလာသာ ပြလာသည့်အတွက် ထိုသို့သော အရာမျိုးက ယခုပိုင်နက်ထဲတွင် မတည်ရှိကြောင်း ခန့်မှန်းမိလိုက်သည်။ နောင်အနာဂတ် သူ အားကောင်းလာသည့်အခါ တစ်ကမ္ဘာလုံး၏ ကံအပြောင်းအလဲ အခွင့်အရေးများကို မြင်လာလိမ့်မည်။

ယခုအတွက်မူ အနီးအနားတစ်ဝိုက်ရှိ တောင်များက သူ့ကန့်သတ်ချက် ဖြစ်၏။

ဝမ်ဝေ့က သက်ပြင်းချလိုက်ပြီးနောက် တောင်များဆီ သွားဖို့ ပြင်လိုက်သည်။ ပထမဦးစွာ သူက အင်အားတိုးမြှင့်ဖို့ လွယ်ကူသည့် ကံအပြောင်းအလဲ အခွင့်အရေးကို ရယူရမည်။ ထို့နောက် သူက နတ်ဆိုးသားရဲများကို ဖြေရှင်းဖို့ နည်းလမ်းရှာရမည်။

မည်သို့ပင်ဆိုစေကာမူ သူက သူတို့အား တစ်ယောက်ချင်း ထိပ်တိုက်တွေ့ဆုံစရာ မလိုပေ။ သူက ထောင်ချောက်၊ အဆိပ် သို့မဟုတ် တစ်ကောင်နှင့် တစ်ကောင် တိုက်ခိုက်အောင် လှည့်ကွက်များ သုံးနိုင်လေသည်။

ထိုစဉ် ဝမ်ဝေ့က သူ့လူဝင်စား ဆုံးဖြတ်ချက် ပြတ်သားမှုအပြည့်ဖြင့် တောထဲလျှောက်သွားသည်ကို ကြည့်ရင်း ပြုံးလိုက်သည်။

သူက သူ့လူဝင်စားအများစုသည် ယေဘုယျအားဖြင့် ကိစ္စနှစ်ခု တူညီဖို့ လုပ်ဆောင်ထား၏။ တာအိုအခွင့်အလမ်းဂိုဏ်းနှင့် ပတ်သက်သည့် သူတို့၏ မှတ်ဉာဏ်များက ယာယီ စည်းပိတ်ခံထားရမည်ဖြစ်ကာ သူတို့အပေါ် ကံဆိုးမှု ကျိန်စာတချို့လည်း ရှိနေလိမ့်မည်။ ထို့ကြောင် သူတို့၏ ကျင့်ကြံရေးလမ်းစဉ်က အန္တရာယ်အပြည့် ဖြစ်နေကာ အဆင့်တစ်ခုချင်းစီက စိန်ခေါ်မှုအပြည့် ဖြစ်လိမ့်မည်။ သူတို့က သူတို့၏ ဉာဏ်ရည်ကို အားကိုးရမည်။ တချို့က အလွှာနိမ့်ကမ္ဘာမှ ဖြည်းဖြည်းချင်း မဟာကမ္ဘာအထိ တက်လှမ်းလာကြလိမ့်မည်။

ဝမ်ဝေ့က ထိုအရာကို သူ့စိတ်အခြေအနေ၊ စိတ်စွမ်းအားနှင့် တာအိုနှလုံးသားကို လေ့ကျင့်ပေးဖို့ လုပ်ဆောင်ခဲ့ခြင်းဖြစ်ပြီး ထိုလူဝင်စားများမှတဆင့် တိထျန်းနှင့် ယှဉ်လိုက်လျှင် လိုအပ်နေသည့် အတွေ့အကြုံကို ပြန်လည်ဖြည့်တင်းဖို့ ဖြစ်သည်။

ထို့အပြင် သူတို့တွင် အလုံခန္ဓာကိုယ် မရှိကြသည့်အတွက် သူတို့၏ ကံကြမ္မာကို ပြောင်းလဲဖို့ရာ အားများစွာ စိုက်ထုတ်ပြီး ကြိုးစားပမ်းစား လုပ်ဆောင်ရလိမ့်မည်။ ဝမ်ဝေ့က ထိုသို့လုပ်ဆောင်ခဲ့သည်မှာ ထိုလူဝင်စားများကို ကံကြမ္မာစွမ်းအားကို အသုံးပြုပြီး ဆေးကြောမည့် အခမ်းအနားအဖြစ် ဖြစ်သည်။

လူဝင်စားများက အထွတ်အထိပ်နယ်ပယ်အဆင့် မရောက်မချင်း သူတို့၏ မှတ်ဉာဏ်များကို မရရှိနိုင်ပေ။ ထို့ကြောင့် သူက သူတို့၏ ဝိညာဉ်သဲလွန်စကို ဝိညာဉ်အတွင်း စိုက်ထူထားခဲ့ပြီး မည်သည့် စည်းမျဉ်း ကျင့်ကြံသင့်ကြောင်းနှင့် သူတို့ လုပ်ဆောင်ရမည့် တာဝန်များကိုပါ ပေးထားခဲ့သည်။

သူက တခြားအမျိုးသမီးများနှင့် ဆက်ဆံရေး မရှိသင့်ကြောင်း အရိပ်အမြွက် ပေးရမလား၊ မပေးရမလား တုံ့ဆိုင်းနေမိသည်။ သို့သော်လည်း သိပ်မကြာခင် ဝူဟုန်က သူ့အပြုအမူများသည် သစ္စာဖောက်ခြင်း မဟုတ်သော်လည်း သူ့အကြောင်းပြချက်ကို ယုံကြည်မည် မဟုတ်ကြောင်း သိလိုက်သည်။

ထို့ကြောင့် သူက ထိုလူဝင်စားများကို ကြိုတင်တောင်းပန်လိုက်၏။ မည်သို့ပင်ဆိုစေကာမူ သူတို့၏ ကမ္ဘာဦးယန်ကို နှစ်သန်းချီကြာ ထိန်းသိမ်းထားခြင်းက ကျင့်ကြံရေးနှင့် ခန္ဓာကိုယ်သန့်စင်ရေးအတွက် အကောင်းဆုံး ဖြစ်သည်။

နောက်ဆုံးတွင် သူက ရွှေရောင်ရထားလုံးအပေါ် တက်ကာ အိမ်ပြန်လာခဲ့၏။ သူက ထွက်မလာခင် ကမ္ဘာကို နယ်ခြားကျူးကျော်မှုကို ကာကွယ်ဖို့အတွက် အားကောင်းသည့် ရုပ်သေးရုပ်များကို ချန်ထားခဲ့သည်။ သူက ထိုရုပ်သေးရုပ်များကို အလွှာကူးပြောင်းရေး အစီအရင်ကိုပင် တည်ဆောက်ခိုင်းထားလိုက်သည်။ ထို့အခါမှ တစ်စုံတစ်ခု ဖြစ်ပွားခဲ့လျှင် သူက ချက်ချင်းရောက်လာနိုင်မည် ဖြစ်၏။

အိမ်သို့ ပြန်ရောက်သည့်အခါ ဝမ်ဝေ့က သူ့မိသားစုနှင့် မိတ်ဆွေများကို သွားရောက်တွေ့ဆုံလိုက်ပြီးနောက် အချိန်ပင်ကိုရတနာအတွင်း သီးသန့်ကျင့်ကြံလိုက်သည်။ ပထမဦးစွာ သူက သူ့အနာဂတ် ဗုဒ္ဓကိုယ်ကို နားလည်နိုင်စွမ်းကို ယူဆောင်လာနိုင်မည့် အချိန်နည်းစနစ်တစ်ခုကို ဖန်တီးလိုက်သည်။

အမည်မသိ အချိန်တချို့ ကြာမြင့်ပြီးသည့်နောက်တွင် သူက အောင်မြင်သွား၏။ ထိုအချိန်ပင်ကိုရတနာဖြင့် သူသည် အနာဂတ်ဗုဒ္ဓကိုယ် ၁၀၈ ခုကို ဖန်တီးနိုင်ခဲ့ပြီး တခြားလူများ၏ ကျင့်ကြံရေး တစ်နှစ်တာသည် သူ့အတွက် ၁၀၈ နှစ်နှင့် ညီမျှပေသည်။

အချိန်နှင့် စွမ်းအားများစွာဖြင့် သူသည် အနာဂတ်ဗုဒ္ဓကိုယ်များကို ပိုမိုဖန်တီးနိုင်ပြီး နှစ်အရေအတွက်ကို တိုးမြှင့်နိုင်လိမ့်မည်။

ထို့နောက် ဝမ်ဝေ့က ကံအကာအကွယ်ကြာပန်းကို ထုတ်ယူလိုက်သည်။ အထဲရှိ ကံစည်းမျဉ်းကို နားလည်ပြီးသည့်နောက် သူက ထိုရတနာကို စုပ်ယူလိုက်ပြီး  သူ၏ ကံကြမ္မာ အနှောင်အဖွဲ့ကင်း ရုပ်ခန္ဓာတစ်ပိုင်းအား အစစ်အမှန်ဖြစ်အောင် ပြောင်းလဲလိုက်သည်။

ကြာပန်းက သူ့ခန္ဓာကိုယ်အတွင်း ပျောက်ကွယ်သွားပြီးနောက် ဝမ်ဝေ့က မျက်လုံးပွင့်လာသည်။ သူ့ခန္ဓာကိုယ်တစ်လျှောက် ကံစည်းမျဉ်းများ ထွက်ပေါ်လာပြီး သူ့စည်းမျဉ်းမျိုးစေ့တွင် ဖွဲ့စည်းသွားသည်။

“ အဲဒါဆိုတော့ ကံနဲ့ အကျိုးအကြောင်း ဆက်နွယ်မှုကြားက ကွာခြားချက် ဘာလဲ” ဝမ်ဝေ့က ရေရွတ်လိုက်ပြီးနောက် ကမ္ဘာမြေမှ ဖတ်ရှုခဲ့ဖူးသည့် အရာကို မှတ်မိသွားသည်။ အကျိုးအကြောင်း ဆက်နွယ်မှု လှုံ့ဆော်ခြင်း စွမ်းအားနှင့် လှုံ့ဆော်ခြင်း စည်းမျဉ်း ဖြစ်သည်။

အကျိုးအကြောင်း ဆက်နွယ်မှုသည် အသုံးပြုသူအား အကျိုးအကြောင်းကြားမှ ဆက်ဆံရေးကို လှုံ့ဆော်ပေးပြီး လက်တွေ့တွင် ဖြစ်ပျက်လာသည့်အရာ၊ မဖြစ်ပျက်လာသေးသည့်အရာကို ဆုံးဖြတ်ပေးသည်။ ထိုအရာအတွက် ရှင်းပြနေစရာ မလိုပေ။

အမြင့်ဆုံးအဆင့်တွင် အကျိုးအကြောင်း ဆက်နွယ်သူများသည် အကျိုးဆက်မရှိဘဲ သူတို့လိုအပ်သည့်အရာကို ဆုတောင်းနိုင်သည့် အကြွင်းမဲ့ စိတ်ဆန္ဒစွမ်းအားမျိုး ရှိလာကြသည်။

ထိုလှုံ့ဆော်မှု၏ အဆင့်မြင့်ပုံစံက သူတို့အား အကျိုးအကြောင်းသင့်သည့် သဘောတရားကို ထိန်းချုပ်နိုင်ခြင်းဖြစ်၏။

ကံလှုံ့ဆော်မှုအတွက်မူ လူတစ်ယောက်ချင်းစီ၏ အပြုအမူနှင့် အကျိုးဆက်များ ပါဝင်နေသည်။

ဝမ်ဝေ့က ဤတစ်ခေါက် ကျင့်ကြံနေစဉ်အတွင်း ကံနှင့် အကျိုးအကြောင်း ဆက်နွယ်မှုကြားမှ ခြားနားမှုနှင့် ဆက်နွယ်မှုကို နားလည်သဘောပေါက်လိုက်သည်။

“ အကျိုးအကြောင်း ဆက်နွယ်မှုဆိုတာက ကံကြမ္မာက တခြားတာအိုတွေအကုန်လုံးကို ထိန်းချုပ်နိုင်မဲ့ နည်းလမ်းတစ်ခုပဲ” ဝမ်ဝေ့က သူသည် သူ့လိုအင်ဆန္ဒကို ကံကြမ္မာတာအို သို့မဟုတ် အကျိုးအကြောင်း ဆက်နွယ်မှု လှုံ့ဆော်ခြင်းတို့မှ ဖြတ်ကျော်၍ လက်တွေ့သို့ ပြောင်းလဲနိုင်သည့်အခါ မည်မျှအားကောင်းလာမည်ကို စဉ်းစားကြည့်လိုက်သည်။

သို့သော်လည်း သူက ထိုအတွေးများကို အလျင်အမြန် ဖယ်ရှားလိုက်သည်။ သူက ထိုစွမ်းအားမျိုးနှင့် အလှမ်းဝေးကွာလွန်းနေသေး၏။ သူက လက်ရှိအနေအထားကိုသာ အာရုံစိုက်ထားလိုက်သည်။

သူက သူ့ကို ကံအမျိုးမျိုးမှ ကာကွယ်ပေးနေသည့် မမြင်နိုင်သော အငွေ့အသက်တစ်ခုကို ခံစားမိလိုက်သည်။ ယခုမှစ၍ ကံပုံစံ ၉၅ရာခိုင်နှုန်းကျော်က သူ့အပေါ် သက်ရောက်မှု မရှိတော့ပေ။ ကျန်ရှိနေသည့် ၅ ရာခိုင်နှုန်းအတွက်မူ ကံကြမ္မာ အနှောင်အဖွဲ့ကင်း ရုပ်ခန္ဓာက သိသိသာသာ လျှော့ချပေးလိမ့်မည်။ ထို့အပြင် ဝမ်ဝေ့က ကံကြမ္မာ စည်းမျဉ်းကို နားလည်ဖို့ ပိုမိုလွယ်ကူလာသလို ခံစားမိလိုက်ပြီး သူ တာအိုကို သက်သေပြပြီးသည့်နောက်တွင် လူအများ၏ ကံကြမ္မာကို အလွယ်တကူ ဖြတ်တောက်လိမ့်မည် ဖြစ်ကြောင်း သိလိုက်သည်။

ထိုအောင်မြင်မှုဖြင့် ဝမ်ဝေ့က အကြွင်းမဲ့လွတ်လပ်ခွင့်ရရှိဖို့ ရည်မှန်းချက်ဆီ ခြေလှမ်း အနည်းငယ် တိုးသွားသည်ဟု ခံစားမိလိုက်သည်။

မည်သို့ပင်ဆိုစေကာမူ သူက ကျင့်ကြံရာမှ ချက်ချင်း ထွက်မလာသေးပေ။ ထိုအစား သူက သူ့လူဝင်စားများအတွက် လိုအပ်သည့် စည်းမျဉ်းများကို နားလည်ဖို့ အချိန်ယူလိုက်သည်။

ထိုအရာ ပြီးဆုံးသွားသည်နှင့် ဝမ်ဝေ့က လေဟာနယ်ဖြိုခွင်းခြင်းအဆင့်၏ စည်းမျဉ်းအုတ်မြစ်အဆင့်သို့ ချက်ချင်းဝင်ရောက်လိုက်သည်။ ထိုအဆင့်တွင် သူက သူ့ပင်မ စည်းမျဉ်း သို့မဟုတ် တာအိုကို ရွေးချယ်ရမည်ဖြ စ်၏။ သို့သော်လည်း ယခု အချိန်မကျသေးသည့်အတွက် သူက သီးသန့်ကျင့်ကြံရာမှ ထွက်လာခဲ့လိုက်သည်။

***