ရပ်တန့်ခြင်း

Vol. 162 Ch. 2296

မဟာလမ်းစဥ်ဘုံသုံးထောင် တည်ရှိရာ မူလဘုံ၌ ကောင်းကင်အာဏာစက်ဘုံ၏ နယ်နိမိတ်အထက် ကောင်းကင်တွင် ကြောက်မက်ဖွယ် အနှောက်အယှက်တို့ ရှိနေခဲ့သည်။ ကောင်းကင်ထက်တွင် ခြိမ်းခြောက်နိုင်သော အနက်ရောင်အက်ကြောင်းများ ထွက်ပေါ်လာသည်။

ကောင်းကင်အာဏာစက်ဘုံမှ ကျင့်ကြံသူများသည် ရုတ်ရုတ်သဲသဲ ဖြစ်နေသည့် နေရာသို့ ချက်ချင်း ကြည့်လိုက်ကြသည်။ သူတို့သည် အလွန် ထိတ်လန့်ဖွယ် မြင်ကွင်းတစ်ခုကို မြင်လိုက်ကြရသည်။ ပျက်စီးနေသော ရှေးဟောင်းမြို့တစ်မြို့ကို သယ်ဆောင်ထားသည့် လိပ်နဂါးကြီးတစ်ကောင်က ကောင်းကင်ကို ဖြတ်သန်းကာ ခရီးဆက်နေခဲ့သည်။ ၎င်းက သွားရင်းနှင့် ကောင်းကင်အာဏာစက်ဘုံ၏ နယ်နိမိတ်သို့ ချဥ်းနင်းဝင်ရောက်လာပုံရသည်။

ကြောက်မက်ဖွယ် အနက်ရောင် အက်ကြောင်းများက အရာအားလုံးကို ဝါးမြိုသွားပုံရလေသည်။

၎င်းက မည်သည့်အရာနည်း။

မရေတွက်နိုင်သည့် ကောင်းကင်အာဏာစက်ဘုံမှ ကျင့်ကြံသူများက ထိုထိတ်လန့်အံ့သြဖွယ် မြင်ကွင်းကို မျက်မြင်တွေ့နေကြရသည်။ သူတို့က အလွန် ထိတ်လန့်ဖွယ်ကောင်းသည့် မြင်ကွင်းကြောင့် အကြီးအကျယ် သက်ရောက်ခံလိုက်ရသည်။

သူတို့က ကြီးမားလှသည့် လိပ်နဂါးကို ကြည့်ရုံမျှက ၎င်းအနီးတွင် ဝန်းရံနေသည့် ကျင့်ကြံသူများကိုပါ ကြည့်လိုက်သည်။ ကျင့်ကြံသူတစ်ယောက်ချင်းစီက ထိပ်သီးအဆင့်များ ဖြစ်ကြသည်။ သူတို့က ပျက်စီးနေသော မြို့ကို ကျောပေါ်၌ တင်ကာ သွားနေသည့် လိပ်နဂါး၏ နောက်မှ ထပ်ကြပ်မကွာ လိုက်ပါနေကြသည်။

သူတို့က မည်သည်ကို လုပ်ချင်နေကြသနည်း။

"အရှင်ထိုက်ရွှမ်လည်း သူတို့ကြားမှာ ရှိနေတယ်။" တစ်စုံတစ်ယောက်က ပြောလိုက်သည်။ လူအများက အရှင်ထိုက်ရွှမ်နှင့် အခြားလူများကို ကြည့်လိုက်သည်။ ကောင်းကင်အာဏာစက်ကျောင်းတော်မှ ထိပ်သီးကျင့်ကြံသူများလည်း ထိုနေရာ၌ ရှိနေခဲ့သည်။ သူတို့သာလျှင်မဟုတ်ဘဲ ထိပ်သီးအင်အားစုများမှ ကျင့်ကြံသူအားလုံးက ထိုနေရာ၌ ရှိနေခဲ့သည်။

"ပြန်ဆုတ်ကြ။" တစ်စုံတစ်ယောက်က အော်ဟစ်လိုက်သည်။ လိပ်နဂါးက ကြောက်မက်ဖွယ် ကောင်းလှသည့် အရှိန်နှင့် ရှေ့ဆက်သွားနေပြီး သူတို့ထံ ထိုးဆင်းလာနေသည်။ ၎င်းက မည်သည့်နေရာ၌ ဆင်းသက်လိမ့်မည်ကို မည်သူမှ မသိပေ။ ၎င်းက ကောင်းကင်အာဏာစက်ဘုံ၏ အစွန်အဖျားကို တိုက်မိခြင်း ဖြစ်နိုင်ပေသည်။ ကျင့်ကြံသူများစွာသည် အစကတည်းက ပြန်ဆုတ်ခွာနေပြီး ဖြစ်သည်။

ကောင်းကင်တွင် အရှင်ထိုက်ရွှမ်က လိပ်နဂါး ရွေ့လျားနေရာသို့ ကြည့်လိုက်သည်။ သူက ၎င်း၏ ရွေ့လျားရာ လမ်းကြောင်းကို မှန်းဆကြည့်လိုက်ပြီး မျက်မှောင်ကြုတ်သွားမိသည်။ ၎င်းက ကောင်းကင်အာဏာစက်ဘုံနှင့် တိုက်မိရန် ဖြစ်နိုင်ချေမြင့်မားလှသည်။

သို့သော် သူတို့က ၎င်းကို ရှောင်တိမ်းတားဆီးရန် နည်းလမ်းမရှိပေ။ ပို၍ များပြားသော ကျင့်ကြံသူများက သူတို့ရှိနေသည့်နေရာသို့ ရောက်လာနေကြပြီး အရေအတွက်က ပို၍ တိုးလာနေဆဲ ဖြစ်သည်။ သို့သော် သူတို့သည် လိပ်နဂါး၏ လမ်းကြောင်းကို တားဆီးထားရန် မဖြစ်နိုင်ပေ။ သူတို့က လမ်းတလျှောက် အကြိမ်ပေါင်းများစွာ ကြိုးစားခဲ့ဖူးပေသည်။

"အဲဒါ အရမ်းကပ်လာပြီ။" တစ်စုံတစ်ယောက်က အော်လိုက်သည်။ ကောင်းကင်အာဏာစက်ဘုံမှ ကျင့်ကြံသူများက တကွဲတပြား ထွက်ပြေးသွားကြသည်။ လိပ်နဂါးက ခမ်းနားထည်ဝါလှသော အမူအရာနှင့် ဆင်းသက်လာသည်။ ၎င်းသည် အရာအားလုံးကို မြိုချပစ်ချင်နေသည့် နတ်ဆိုးတစ်ကောင်ကဲ့သို့ ဖြစ်နေသည်။ ၎င်း၏ ကျောပေါ်တွင် ရှေးဟောင်းမြို့တစ်မြို့နှင့် ကောင်းကင်အာဏာစက်ဘုံ၏ အစွန်အဖျားနယ်မြေတွင် ဆင်းသက်လာကာ ၎င်းကို ချက်ချင်း အက်ကွဲသွားစေသည်။

ဘုန်း... လိပ်နဂါးက ကောင်းကင်အာဏာစက်ဘုံ၏ နယ်နိမိတ်ကို ဖျက်ဆီးပစ်လိုက်သလို ထင််မှတ်ရပေသည်။ မြေပြင်ပေါ်တွင် ကြောက်မက်ဖွယ် အက်ကြောင်းများ ပေါ်ပေါက်လာပြီး မြေပြင်တလျှောက် နေရာအနှံ့တွင် အကျိုးအပဲ့များနှင့် အက်ကြောင်းများ ထွက်ပေါ်လာသည်။ ကြောက်မက်ဖွယ် အနက်ရောင်အက်ကြောင်းများက အရာအားလုံးကို ဝါးမြိုသွား၏။ ၎င်းသည် ကောင်းကင်နှင့် မြေကြီးကို ပြိုကျပျက်စီးသွားစေမလိုပင် ထင်မှတ်ရသည်။ ထိုအခိုက်တွင် ကောင်းကင်အာဏာစက်တစ်ခွင်လုံး တုန်ခါနေသလို ခံစားရပေသည်။ သူတို့က ဤနေရာသို့ နီးကပ်လာလေ တုန်ခါမှုက ပြင်းထန်လာလေ ဖြစ်သည်။

ကြောက်မက်ဖွယ် အက်ကြောင်းများသည်ပင် တုန်ခါနေပြီး အဝေးသို့ ပျံ့နှံ့သွားသည်။ ၎င်းကို ကြည့်ရသည်မှာ မြေပြင်က အပိုင်းပိုင်း စုတ်ဖြဲခံရတော့မလို ထင်မှတ်ရသည်။ ၎င်းက ကပ်ဘေးတစ်ခုလိုပင် ဖြစ်သည်။

အောက်ဘက်တွင် ကောင်းကင်အာဏာစက်ကျောင်းတော်မှ ကျင့်ကြံသူများက မဟာလမ်းစဥ်နတ်အလင်းများ ထုတ်လွှတ်ကာ ထွက်မပြေးနိုင်သော သူများကို ကာကွယ်ပေးရင်း ပြောင်းရွှေ့နိုင်ရန် လုပ်ဆောင်ပေးနေသည်။

လိပ်နဂါး၏ ရှေ့ဆက်သွားနေမှုက အတားအဆီးကြီးကြီးမားမား မရှိခဲ့ပေ။ ၎င်းက အောက်သို့ ဆက်လက်ထိုးဆင်းလာနေကာ ကောင်းကင်အာဏာစက်ဘုံကို ထိုးဖောက်လာသည်။ နယ်နိမိတ်တလျှောက်မှ မြေများက တိုက်စားခံလိုက်ရပြီး အနက်ရောင်အက်ကြောင်းများ၏ ဝါးမြိုသွားခြင်းကို ခံလိုက်ရသည်။

လိပ်နဂါး ထွက်ခွာသွားပြီးနောက် အရှင်ထိုက်ရွှမ်နှင့် အခြားလူများက ၎င်းနှင့် ဆက်လိုက်မသွားခင် သူတို့ ကယ်တင်ခဲ့သည့် လူများကို ဘေးလွတ်ရာတွင် ချန်ထားပေးခဲ့သည်။

ကျင့်ကြံသူများက အရှင်ထိုက်ရွှမ်နှင့် အခြားလူများကို အရိုအသေပေးလိုက်ကြသည်။ သေခြင်းတရားမှ လွတ်မြောက်လာသည့်အတွက် သူတို့၏ ခံစားချက်များက ကောင်းမွန်နေသည်။ ယခု မြင်ကွင်းက အလွန် ကြောက်မက်ဖွယ် ကောင်းလှသည်။ သူတို့က ခေါင်းများကို ငုံ့ကာ အောက်သို့ ကြည့်လိုက်သည်။ သူတို့၏ နှလုံးသားများက ထိန်းချုပ်မှုမှ လွတ်သွားကာ ပြင်းထန်စွာ တုန်ယင်နေခဲ့ကြသည်။ ထိုအရာက တိတိကျကျ မည်သည့်အရာနည်း။

ထိုလိပ်နဂါး၏ ကျောပေါ်တွင် ဂူသင်္ချိုင်းတစ်ခု ရှိနေပုံရသည်။

ကောင်းကင်အာဏာစက်ဘုံကို ဖြတ်သန်းထိုးဖောက်သွားပြီးနောက် လိပ်နဂါးသည် မဟာလမ်းစဥ်ဘုံသုံးထောင်သို့ အပြည့်အဝ ဝင်ရောက်လာပြီ ဖြစ်၏။ ၎င်းက ရှေ့ဆက်သွားနေဆဲ ဖြစ်သည်။ ထိုလိပ်နဂါးက နှစ်ပေါင်းများစွာကြာအောင် ကျယ်ပြောလှသည့် လေဟာနယ်အတွင်း လှည့်လည်သွားလာနေခဲ့ပြီး နောက်ဆုံး၌ ကျင့်ကြံသူများ ရှိနေသည့် မဟာလမ်းစဥ် ဘုံသုံးထောင်သို့ ရောက်ရှိလာခဲ့သည်။

"ကျုပ်တို့ အဲဒါကို ရပ်သင့်တယ်။" အရှင်ထိုက်ရွှမ်က ပြောလိုက်သည်။ ဤကဲ့သို့ ဆက်သွားခွင့်ပြုထားခြင်းက အလွန် အန္တရာယ်များလှသည်။ လိပ်နဂါးကြီးက မည်သည့် ကုန်းမြေကို ထိခိုက်စေလိမ့်မည်ကို မည်သူက သိပါမည်နည်း။ ထိုသို့ ဖြစ်ခဲ့လျှင် ကုန်းမြေက ပျက်စီးသွားစေခဲ့လိမ့်မည် ဖြစ်သည်။

လိပ်နဂါးက ရှေ့သို့ ဆက်လက်ရွေ့လျားနေခဲ့သည်။ ပို၍ များပြားသော ကျင့်ကြံသူများက သူတို့ထံ တိုးဝင်လာသည်။ မဟာလမ်းစဥ်နတ်ဘုရားကပ်ဘေးကို ကျော်လွန်နိုင်ခဲ့သော အစွမ်းထက်သည့် ကျင့်ကြံသူများစွာကလည်း လိပ်နဂါးနောက်မှ လိုက်လာကြပေသည်။

ကောင်းကင်အာဏာစက်ဘုံအထက်တွင် ပုံရိပ်နှစ်ခုက ရုတ်တရက် ပေါ်ပေါက်လာသည်။ သူတို့က ရီဖူရှင်းနှင့် အဘိုးမာတို့ ဖြစ်ပေသည်။ သူတို့နှစ်ယောက်က အောက်သို့ ကြည့်လိုက်ကြပြီး ကောင်းကင်အာဏာစက်ဘုံ၏ နယ်နိမ်ိတ်မြေက အက်ကွဲကာ ကြောက်မက်ဖွယ် မဟာလမ်းစဥ် အက်ကြောင်းများ ဖြစ်ပေါ်နေသည်ကို မြင်လိုက်ရသည်။

"သွားကြစို့။" သူတို့နှစ်ယောက်က ရှေ့သို့ ခြေလှမ်းလိုက်ပြီး ထိတ်လန့်ဖွယ် အရှိန်အဝါနောက် လိုက်သွားကြသည်။ ရီဖူရှင်းက မျက်မှောင်ကြုတ်လိုက်၏။ ထင်ထားသလိုပင် သူ စိတ်ပူနေသော ကိစ္စများက ဖြစ်လာခဲ့ပြီ ဖြစ်သည်။ လိပ်နဂါးက မဟာလမ်းစဥ်ဘုံသုံးထောင်သို့ အမှန်တကယ် ဆင်းသက်လာခဲ့သည်။ ယင်းသည် ကောင်းကင်အာဏာစက်ဘုံ၏ နယ်နိမ်ိတ်ကို အက်ကွဲသွားစေခဲ့ပြီး နယ်မြေအတွင်းပိုင်းသို့ ဆက်လက်ရွေ့လျားနေခဲ့သည်။

လေဟာနယ်နတ်အလင်းတို့ တောက်ပလာသည်။ အဘိုးမာ၏ အရှိန်က အလွန် လျင်မြန်လှပြီး လေဟာနယ်ကို ဖြတ်သန်းကာ ထိုအရှိန်အဝါနောက် လိုက်သွားခဲ့သည်။ သူတို့က အတော်လှမ်းလှမ်းသွားလိုက်ပြီးသည်နှင့် ရီဖူရှင်းနှင့် အဘိုးမာတို့သည် ကျိုးပဲ့နေသော ကုန်းမြေတစ်ခုကို မြင်လိုက်ရသည်။ မရေတွက်နိုင်သော ကျောက်တုံးနှင့် အုတ်ခဲများက လေဟာနယ်အတွင်း မျောလွင့်နေခဲ့သည်။ ကုန်းမြေတစ်ဝက်ထက်ပိုပြီး အနက်ရောင်အက်ကြောင်းများဖြင့် ဝါးမြိုခံထားရပေသည်။

ရီဖူရှင်းက ဤမြင်ကွင်းကို မြင်သောအခါ သူ့နှလုံးသားက အလွန် လေးလံသွားခဲ့သည်။ အဆိုးဆုံး ဖြစ်နိုင်ချေ၏ ရလဒ်က ဖြစ်ပေါ်လာခဲ့ပြီ ဖြစ်၏။ လိပ်နဂါးက ကုန်းမြေတစ်ခုကို ဝင်တိုက်ခဲ့ပြီး ၎င်းကို ကွဲကြေသွားစေခဲ့သည်။

နောက်ဆုံးတွင် သူတို့က နီးကပ်လာသည့် အရှေ့ဘက်ဆီမှ ကြောက်မက်ဖွယ် အရှိန်အဝါကို ခံစားမိနိုင်ခဲ့သည်။

သူတို့နှစ်ယောက်က ရှေ့သို့ ဆက်လျှောက်နေခဲ့ပြီး နောက်ဆုံးတွင် လိပ်နဂါးကို မြင်လိုက်ကြရသည်။

ထိုအချိန်တွင် လိပ်နဂါးရှိနေသည့် လေဟာနယ်အတွင်း ကျင့်ကြံသူများစွာ ရှိနေခဲ့သည်။ အများစုမှာ မဟာလမ်းစဥ် နတ်ဘုရားကပ်ဘေးအား ကြုံဖူးသူများ ဖြစ်ကြသည်။ ကောင်းကင်ဒေသမှ ကျင့်ကြံသူများ၊ မှော်နက်လောကနှင့် နတ္ထိဘုံတို့လည်း ရှိနေခဲ့၏။ သူတို့က သဘောတူညီချက် ရရှိထားပြီး လိပ်နဂါးကို ရှေ့ဆက်ခြင်းမှ တားဆီးရန် ပြင်ဆင်နေပုံရသည်။ ထိုသည်မှာ အခြားအင်အားစုများက မဟာလမ်းစဥ်ဘုံသုံးထောင်ကို သနားငဲ့ညှာ၍ မဟုတ်ဘဲ လိပ်နဂါးကို ရှေ့ဆက်သွားရန် ခွင့်ပေးနေခြင်းက ၎င်း၏ ကျောပေါ်မှ အပျက်အစီးမြို့အတွင်းရှိ အမွေအနှစ်တို့ကို ရရှိရန် ပိုခက်ခဲသောကြောင့် ဖြစ်သည်။ သူတို့က လိပ်နဂါးကို ဤနေရာ၌ ပိတ်မိစေပြီး ရပ်တန့်အောင် ကြိုးစားခြင်းက အကောင်းဆုံး ဖြစ်သည်။

လိပ်နဂါး၏ ရှေ့တွင် ကောင်းကင်တံတိုင်းတစ်ခု ပေါ်ပေါက်လာပုံရသည်။ ထောင်သောင်းချီသည့် အက္ခရာများက လင်းလက်လာ၏။ ၎င်းက အလွန် တောက်ပနေသည်။ လိပ်နဂါးက ထိုတံတိုင်းကို ဝင်တိုက်လိုက်သည်။ ၎င်း၏ မျက်နှာပြင်၌ အက်ကြောင်းတို့ ပေါ်ပေါက်လာသည်။ သို့သော် နောက်တခဏတွင် မဟာလမ်းစဥ်ဖိနှိပ်ခြင်း ဂိတ်တံခါးတစ်ခု ပေါ်ပေါက်လာ၏။ ယင်းသည် လောကရှိ အရာအားလုံးကို ဖိနှိပ်ထားသော နတ်ဘုရားတို့၏ ရှေးဟောင်းတံခါးနှင့် တူပေသည်။ ဝမ်ရှန့်စောင့်ကြည့်မျှော်စင်ကလည်း လိပ်နဂါး၏ လမ်းကြောင်းကို ပိတ်ဆို့လိုက်သည်။ ဆေးအင်ပါယာက ထွက်ပေါ်လာ၏။

ဘုန်း... ကြောက်မက်ဖွယ် တုန်ခါသံများက ထွက်ပေါ်လာပြီး လေဟာနယ်က ပြင်းထန်စွာ တုန်ခါနေသည်။ လောကဖိနှိပ်ခြင်းဂိတ်တံခါးသည်ပင် ထိုးဖောက်ခံလိုက်ရပြီး ဝမ်ရှန့်စောင့်ကြည့်မျှော်စင်က နောက်သို့ လွင့်စင်သွားလေသည်။ သို့သော် လိပ်နဂါး၏ ရှေ့ဆက်သွားနေမှုက စတင်အားလျော့လာသည်။

ထို့နောက် အခြားကျင့်ကြံသူများလည်း တစ်ယောက်ပြီးတစ်ယောက် ပေါ်ပေါက်လာ၏။ အလွန် အစွမ်းထက်လှသော ကျင့်ကြံသူများစွာ ရောက်ရှိလာသည်။ အင်ပါယာရှီနှင့် ရန်ဟောင်ချန်းလည်း တိုက်ခိုက်လိုက်သည်။ ဤတစ်ကြိမ်၌ အဓိကဘုံသုံးခုမှ ကျင့်ကြံသူများအားလုံးက တစ်စိတ်တစ်ဝမ်းတည်းနှင့် လိပ်နဂါးကို ရပ်တန့်ရန် အားထုတ်နေကြသည်။

လိပ်နဂါးက စတင်၍ နှေးကွေးလာ၏။ ကြည့်ရသည်မှာ အားမရှိတော့သလိုပင် ဖြစ်သည်။ ၎င်းက ဝမ်းနည်းကြေကွဲဖွယ် အသံနှင့် အော်လိုက်သည်။ တုန်ခါသည့် အသံများနှင့်အတူ လိပ်နဂါးက နောက်ဆုံး၌ ရပ်တန့်သွားလေသည်။

လေဟာနယ်အတွင်း ပါးလွှာသော လေထုထဲ၌ ပျက်စီးနေသော ရှေးဟောင်းမြို့တစ်မြို့ ပေါ်လာသလိုပင် ထင်မှတ်ရသည်။

သင်္ချိုင်းအတွင်းမှ တေးသွားတစ်ဖန် ထွက်ပေါ်လာပြန်သည်။ ထိုတေးသွားထဲ၌ ပြင်းထန်လှသည့် ဝမ်းနည်းကြေကွဲခြင်းတို့ ပါဝင်နေ၏။ သင်္ချိုင်းက တစ်ဖန် လှုပ်ရှားလာသည်။ ရှေးဟောင်းအလောင်းများသည်လည်း အထဲ၌ မျောလွင့်နေခဲ့၏။ ယင်းသည် လူအုပ်ကြီး၏ လုပ်ရပ်က ဂူသင်္ချိုင်း၏ အမျက်ဒေါသကို ဆွပေးလိုက်သည်ဟု ထင်မှတ်ရသည်။

၎င်း၏ အတွင်း၌ အမှန်တကယ် သက်ရှိတစ်ခု ရှိနေဟန်တူသည်။

ရီဖူရှင်းက ရှေ့သို့ စိုက်ကြည့်နေခဲ့သည်။ သူသည် ဤလိပ်နဂါးက ထိုကျင့်ကြံသူများ သူ၏ လမ်းကို ပိတ်ဆို့ထားသောကြောင့် ရပ်တန့်သွားခြင်း မဟုတ်ဘဲ ၎င်းကို ပဲ့ကိုင်နေသည့် စွမ်းအားကြောင့် ရပ်တန့်သွားခြင်းဖြစ်သည်ဟု ခံစားမိသည်။ မဟုတ်လျှင် ရှေ့ဆက်သွားနေသည့် လိပ်နဂါးကို တားဆီးရန် ကျင့်ကြံသူများစွာက ပို၍ ခက်ခဲစွာ အားထုတ်ရပေလိမ့်မည်။