စွန့်ပစ်ခံကလန်၏ကဒ်ဘေး

စွန့်ပစ်ခံကလန်က ချက်ချင်း လှုပ်ရှားရန် အသင့်ဖြစ်နေခဲ့ပြီ ဖြစ်သည်။ သူတို့က သူတို့၏ အသက်များကိုပါ စွန့်လွှတ်ရန် အသင့်ပြင်ပြီးဖြစ်သည်မှာ ရှင်းလင်းပေသည်။

ရှေးဟောင်းနတ်ဘုရားတို့၏ အရိပ်များက အဆုံးမဲ့ လေဟာနယ်ကို လွှမ်းခြုံသွားကာ ရှေးဟောင်းနတ်ဘုရားများက တစ်စုတစ်စည်းတည်း ပေါင်းစည်းသွားကာ ကောင်းကင်မှ ​အလင်းများအားလုံးကို ပိတ်ဆို့တားဆီးလိုက်သည်။ ဤကျယ်ပြောလှသော လေဟာနယ်က ထိုရှေးဟောင်းနတ်ဘုရားများနှင့် သက်ဆိုင်သော နယ်မြေအဖြစ် ပြောင်းလဲသွားပေသည်။ ထိုရှေးဟောင်းနတ်ဘုရားများသည် စွန့်ပစ်ခံကလန် ကျင့်ကြံသူများမှ ဖြစ်တည်လာပုံရသည်။ ရုတ်တရက် သူတို့က မျက်လုံးများက ပွင့်လာပြီး ထိတ်လန့်တုန်လှုပ်စရာ ကောင်းလှသည့် နတ်အလင်းတို့ကို ထုတ်လွှတ်နေသည်။ သူတို့က သူတို့အား ဆန့်ကျင်လှုပ်ရှားလာသည့် ထိုကျင့်ကြံသူများကို ကြည့်လိုက်သည်။

"စွန့်ပစ်ခံကလန်ရဲ့ လျှို့ဝှက်နယ်မြေထဲကို အတင်းအကျပ် ဝင်ရောက်ချင်နေတုန်းဆိုရင် ကြိုးစားကြည့်လိုက်ပါ။" အသံတစ်ခုက လေဟာနယ်ကို ဖြတ်ကာ ထွက်ပေါ်လာပြီး တိုက်ပွဲခေါ်သံက ချက်ချင်းပင် ကောင်းကင်ထက်၌ ပျံ့နှံ့လာသည်။ တည်ငြိမ်သော အသံတစ်ခုကို ကြားလိုက်ရပြီး ၎င်းသည် အချိန်ကြာမြင့်စွာကပင် ဖြစ်တည်လာပုံရကာ ရှေးကျ၍ အစွမ်းထက်သော အရှိန်အဝါတို့ ရှိနေခဲ့သည်။

ထိပ်သီးအင်အားစုများ အားလုံးမှ ကျင့်ကြံသူများက လေးနက်သည့် အမူအရာတို့နှင့် ကြည့်နေကြသည်။ ယခင်က သူတို့၏ စိတ်လက်ပေါ့ပါးနေသော သဘောထားတို့က ပျောက်ဆုံးသွားပြီ ဖြစ်သည်။ သူတို့အားလုံးက အဓိကနယ်မြေများမှ ဖြစ်ကြပြီး အချို့မှာ နတ္ထိဘုံ၏ နတ္ထိတောင်တန်းမှ ကျင့်ကြံသူများ၊ မှော်နက်လောက၏ မှော်နက်စစ်တပ်၊ နတ်ဆိုးလောကမှ နတ်ဆိုးအင်ပါယာနန်းတော်ကဲ့သို့ ထိပ်သီးအင်အားစုများ ပါဝင်သည်။ သူတို့က သက်ဆိုင်ရာနယ်မြေများ၌ ဘုရင်များ ဖြစ်ကြပေသည်

စွန့်ပစ်ခံကလန်က သူတို့ထက် နည်းနည်းမှ နိမ့်ကျခြင်း မရှိပေ။ သူတို့သည် စွန့်ပစ်ခံကလန်၏ ခက်ခဲကြမ်းတမ်းခဲ့သော အခြေအနေက သူတို့ တိုးတက်အောင်မြင်လာစေရန်အတွက် အကြောင်းရင်းခံဖြစ်နိုင်ကြောင်း တွေးမိလိုက်ကြသည်။ စွန့်ပစ်ခံကလန်၏ ဘိုးဘေးများက အလွန် အံ့သြဖွယ် ကောင်းလှသည့်သူများ ဖြစ်ရပေမည်။ ရှန်းယိကုန်းမြေ ကိုယ်တိုင်က ထူးခြားလှသော နေရာတစ်ခုဖြစ်ပြီး ရှေးခေတ်အချိန်အခါကတည်းကပင် သာမန်နေရာတစ်ခု မဟုတ်ခဲ့ပေ။ သို့သော် သူတို့သည် နတ်ဘုရားများမှ စွန့်ပစ်ခဲ့သော သူများဖြစ်သည့်အတွက်ကြောင့် သူတို့၏ ဘိုးဘေးများက မည်သူတို့ဖြစ်ကြောင်းနှင့် သူတို့က မည်သူ့ထံမှ ဆင်းသက်လာခြင်း ဖြစ်ကြောင်းကို မည်သူမှ မသိကြပေ။ သို့သော် စွန့်ပစ်ခံကလန်၏ မျိုးဆက်တစ်ခုချင်းစီတိုင်းတွင် ပါရမီရှင်များနှင့် ပြည့်နှက်နေခဲ့ပြီး သူတို့ကို ခမ်းနားထည်ဝါသော ခေတ်တစ်ခေတ်ကို ဖန်တီးနိုင်စေခဲ့သည်။

"စလိုက်ကြတော့။" အသံတစ်ခုက အမိန့်ပေးလိုက်သည်။ ထိုကျင့်ကြံသူများက ဆုံးဖြတ်ချက် ပြတ်သားနေခဲ့ကြသည်။ သူတို့က ရောက်နေပြီဖြစ်ရာ တိုက်ပွဲကို ရှောင်လွှဲရန် မဖြစ်နိုင်တော့ပေ။ စွန့်ပစ်ခံကလန်၏ ပြတ်သားသော ဆုံးဖြတ်ချက်ကြောင့် သူတို့သည် စိန်ခေါ်သူများအနေနှင့် လျှို့ဝှက်နယ်မြေသို့ ဝင်ရောက်ကာ စွန့်ပစ်ခံကလန်၏ လျှို့ဝှက်ချက်ကို မကြည့်ခင် စွန့်ပစ်ခံကလန်သားများကို အရင် အနိုင်ယူရမည် ဖြစ်သည်။

ဘုန်း...

ကြောက်မက်ဖွယ် အသံတစ်ခု ထွက်ပေါ်လာပြီး နတ္ထိဘုံမှ ကျင့်ကြံသူများက တိုက်ခိုက်ရန် စတင်လိုက်ကြသည်။ အစွမ်းထက်ကာ ကြီးမားထည်ဝါလှသည့် ကောင်းကင်နတ်ဘုရားများ ထွက်ပေါ်လာပြီး နတ်အလင်းတို့ ခြံရံလျက် ကောင်းကင်နှင့် မြေကြီးကြားတွင် ရှိနေခဲ့သည်။ သူတို့၏ တည်ရှိမှုက အပြည့်အဝ လွှမ်းမိုးနိုင်ခဲ့သည်။ ရွှေရောင်နတ်အလင်းတန်း တစ်ခုချင်းစီက ကြောက်မက်ဖွယ် ကောင်းသည့် ဖျက်ဆီးခြင်း အရှိန်အဝါတို့နှင့် ပြည့်နှက်နေခဲ့သည်။ ရီဖူရှင်းက ထိုနေရာသို့ ကြည့်နေခဲ့ပြီး သူက ထိုစွမ်းရည်ကို ယခင်က သတိပြုမိပေသည်။ နတ္ထိတောင်တန်းမှ ကျင့်ကြံသူအများစုက ထိုမျှ ရန်လိုသည့် နည်းစနစ်မျိုးကို ကျင့်ကြံကြပုံရသည်။

နေရာအသီးသီးမှ ကျင့်ကြံသူများက လှုပ်ရှားရန် အသင့်ဖြစ်နေသည်ကို ကြည့်ကာ စွန့်ပစ်ခံကလန်မှ လူများသည်လည်း ထပ်မံတွေဝေမနေတော့ပေ။ ထိုရှေးနတ်ဘုရားကဲ့သို့ ပုံရိပ်များက နှိုင်းယှဥ်၍ မရသော အရှိန်အဝါတို့ကို ထုတ်လွှတ်နေသည်။ ဒေါသထွက်နေသော နတ်ဘုရားများကဲ့သို့ သူတို့၏ မျက်လုံးများမှ ရွှေရောင်နတ်အလင်းများတွင် ဖျက်ဆီးခြင်းစွမ်းအားတို့ ပါဝင်နေသည်။ သူတို့က ရွှေရောင်လေဟာနယ်အလင်းများ အဖြစ်သို့ ပြောင်းလဲသွားပြီး ကောင်းကင်အနှံ့ ဖြန့်ကျက်သွားလေသည်။

ထိုရွှေရောင်နတ်အလင်းတို့၏ သတ်ဖြတ်ခြင်းစွမ်းအားတို့နှင့်အတူ လေဟာနယ်က အပိုင်းပိုင်း စုတ်ဖြဲဖျက်ဆီးခံလိုက်ရသလို ကြီးမားစွာ အက်ကွဲသွားပေသည်။ ထိုမျှ ကြောက်မက်ဖွယ် စွမ်းအားတို့သာ အသွေးအသားနှင့် ဖွဲ့စည်းထားသည့် ခန္ဓာကိုယ်များပေါ် ကျရောက်သွားပါက ၎င်း၏ လမ်းကြောင်းအတွင်း ရှိသမျှ ကံမကောင်းသော လူများအားလုံးကို ဖျက်ဆီးပစ်နိုင်ပေသည်။

နတ္ထိဘုံမှ ကျင့်ကြံသူများက ဦးဆောင်တိုက်ခိုက်လိုက်ပြီ ဖြစ်သည်။ ကောင်းကင်နတ်ဘုရားများ၏ ရွှေရောင်ပုံရိပ်များက တပြိုင်တည်း လှုပ်ရှားလာပြီး နေမင်းနှင့် ကောင်းကင်ကိုပင် ဖြိုခွဲနိုင်သော သန်းချီသည့် လက်သီးစွမ်းအားများက အဆက်မပြတ် ကျဆင်းလာပေသည်။ ပေါက်ကွဲမှုက အဆုံးမဲ့ လေဟာနယ်ကို ဖုံးလွှမ်းထားပြီး တစ်လောကလုံးက ရွှေရောင်နတ်လက်သီးများမှ တိုက်ခိုက်ရေးစက်ကွင်းအတွင်း ကျရောက်နေခဲ့သည်။

ရွှေရောင်နတ်လက်သီးတို့က အပိုင်းပိုင်းအစစ စုတ်ဖြဲခံလိုက်ရပြီး မည်သည်မှ မကျန်တော့အောင် ဖျက်ဆီးခံလိုက်ရပေသည်။ ရွှေရောင်အလင်းတန်းများ၌ ထူးခြားသည့် စွမ်းအားများ ပါဝင်နေပြီး သတ်ဖြတ်ရန်အတွက် ရှေ့သို့ ဆက်လက်တိုးဝင်သွားသည်။ ကမ္ဘာပျက်ကပ်ကဲ့သို့ နတ်အလင်းများ၏ နိုးထမှုက အရာအားလုံးကို ပြိုကွဲသွားစေခဲ့သည်။

သို့သော် ထိုလက်သီးစွမ်းအားများက အဆုံးမဲ့ဖြစ်ကာ တစ်ခုပြီး တစ်ခု ဖျက်ဆီးခြင်းလှိုင်းများ ဖန်တီးနေကာ ကျယ်ပြောသော လေဟာနယ်ကို ပြည့်နှက်သွားစေသည်။

ကျင့်ကြံခြင်းလောကအတွင်း မဟာလမ်းစဥ်ကပ်ဘေးကို ကျော်ဖြတ်နိုင်ခဲ့သော ကျင့်ကြံသူတစ်ယောက်မှ ထုတ်လွှတ်လိုက်သည့် ဖျက်ဆီးခြင်းစွမ်းအားက အတော်လေး အံ့အားသင့်ထိတ်လန့်ဖွယ်ပင် ​ဖြစ်သည်။ ထိုသို့သော စွမ်းရည်မျိုးရှိသည့် ကျင့်ကြံသူများစွာက တစ်ချိန်တည်း တိုက်ခိုက်လာသည့်အခါ ထွက်ပေါ်လာသည့် အင်အားက ကြောက်မက်ဖွယ်ရာပင် ဖြစ်သည်။

ရီဖူရှင်းနှင့် သူ့လူများက တိုက်ပွဲတွင် မပါဝင်ခဲ့ကြသော်လည်း ထိုကြောက်မက်ဖွယ် တိုက်ခိုက်မှုများက သူတို့ဘက်သို့ အဖျားခတ်လာသည်။ ဤတိုက်ပွဲမြေပြင်က အမှန်တကယ် ကျယ်ပြန့်သော်လည်း သို့ဆိုလျှင်ပင် ကျယ်ပြောသော လေဟာနယ်တစ်ခွင်လုံးက တိုက်ခိုက်ခြင်း၏ သက်ရောက်မှုကြောင့် လှိုင်းထသွားပေသည်။ သူတို့က မည်သည့်နေရာ၌ ရပ်နေပါစေ ထွက်ပြေးလွတ်မြောက်နိုင်ခြင်း မရှိပုံရသည်။ ရန်ဟောင်ချန်းက အရှေ့သို့ တက်သွားကာ ကြယ်အလင်းများ ထုတ်လွှတ်လိုက်ကာ သူတို့အနီးတွင် ကာကွယ်ရေး ကြယ်အလင်းလွှာတစ်ခု ထွက်ပေါ်လာသည်။ သို့သော် ထိုပြင်းထန်သည့် ဖျက်ဆီးခြင်း လှိုင်းများက သူတို့ကို သက်ရောက်လာသောအခါ ကြယ်အလင်းလွှာက အပြင်းအထန် တုန်ခါလာပြီး ၎င်းအပေါ်တွင် အက်ကြောင်းများစွာ ပေါ်ပေါက်လာသည်။ မည်သို့ဖြစ်စေ ထိုအက်ကြောင်းများက ပေါ်ပေါက်လာပြီးနောက် အလျင်အမြန် ပြန်လည် ပြုပြင်ပြီးသွားခဲ့သည်။

သို့သော် ဤကဲ့သို့ ဆက်ဖြစ်နေပါက သိပ်မကြာခင်မှာပင် ဤလေဟာနယ်က အနှေးနှင့်အမြန် ဖျက်ဆီးခံလိုက်ရပေလိမ့်မည်။

"လေဟာနယ်က ဒီလိုတိုက်ခိုက်မှုမျိုးကို ခံနိုင်ရည်ရှိမှာ မဟုတ်ဘူး။ ဒါက အက်ကွဲပြိုကျလာလိမ့်မယ်။" ရန်ဟောင်ချန်းက ဆန်းစစ်ကြည့်ရင်း ပြောလိုက်သည်။

လေဟာနယ်အတွင်း ထိုရှေးဟောင်းနတ်ဘုရားများက နောက်ထပ်တိုက်ခိုက်မှုကို ထုတ်ဖော်လိုက်သည်။ ရှေးဟောင်းနတ်ဘုရားများက သူတို့၏ လက်များကို မြှောက်လိုက်ကာ လေဟာနယ်၏ တစ်နေရာသို့ ရိုက်ချလိုက်သည်။ နှိုင်းယှဥ်၍ မရအောင် မှောင်မိုက်သည့် ဖျက်ဆီးခြင်း စွမ်းအားများ ကျဆင်းလာကာ လူတိုင်း၏ အထက်ကောင်းကင်တွင် ရစ်ဝဲနေသည်။ ဤတိုက်ခိုက်မှုသည် ကောင်းကင်တစ်ခွင်လုံးကို ဖုံးလွှမ်းထားပြီး မည်သူကမှ ထိုတိုက်ခိုက်မှုကနေ မလွတ်မြောက်နိုင်ပုံရလေသည်။

"ဖောက်ထွက်။" နတ္ထိဘုံရှိရာ ဘက်မှ အသံတစ်ခု ထွက်ပေါ်လာသည်။ ရုတ်တရက် အားလုံးသော ကျင့်ကြံသူများက သူတို့၏ မဟာလမ်းစဥ်ကို အတူတကွ စုစည်းကာ အဆင့်မြင့် တိုက်ပွဲဝင်္ကပါတစ်ခု ဖြစ်ပေါ်လာစေသည်။ အဆုံးမဲ့ ကြီးမားလှသည့် နတ်ဘုရားတစ်ပါး ပေါ်ပေါက်လာပြီး လက်ကို မြှောက်ကာ လက်သီးတစ်ချက် ပစ်လွှတ်လိုက်သည်။ ကောင်းကင်နှင့် မြေကြီးကို ထိုးဖောက်လာသည့် နတ်အလင်းတို့နှင့် လွှမ်းခြုံခံထားရသော နတ်လက်သီးက ပြိုင်ဘက်ကင်းပုံရလေသည်။

ဘုန်း...

ကြီးမားသော လက်ဝါးရိပ်များက ထိုးဖောက်သွားသည်။ တစ်ချိန်တည်းတွင် အခြားတစ်ဖက်မှ ထိပ်သီးအင်အားစုများ၏ ကျင့်ကြံသူများက တပြိုင်တည်း တိုက်ခိုက်လာသည်။ နတ်ဆိုးလောကမှ လူများဘက်တွင် ကောင်းကင်ကို ခွဲခြမ်းပစ်နိုင်သည့် ထိတ်လန့်တုန်လှုပ်ဖွယ် နတ်ဆိုးဓားက ကျဆင်းလာပေသည်။ အောက်သို့ ကျဆင်းလာသည့် ကြီးမားသည့် လက်ဝါးကြီးက အရှိန်အဟုန်နှင့် ဆက်လက် ရွေ့လျားလာပြီး ပြိုင်ဘက်မှ ဖွဲ့စည်းထားသည့် ရှေးဟောင်းနတ်ဘုရားများ၏ ပုံရိပ်များအား ဖျက်ဆီးပစ်ရန် ကြိုးစားလာသည်။

စွန့်ပစ်ခံကလန်က လွှမ်းမိုးနိုင်စွမ်းရှိသော်လည်း နောက်ဆုံးတွင် တစ်ခုတည်းရပ်တည်နေသည့် အင်အားစုဖြစ်ကာ သူတို့ ရင်ဆိုင်နေရသည့် ရန်သူများက နေရာအနှံ့မှ ထိပ်သီးများ ဖြစ်လေသည်။ ကောင်းကင်ဒေသမှ အင်ပါယာနန်းတော်၏ ပျက်ကွက်မှုမှလွဲလျှင် အခြားအင်အားစုများ အားလုံးက ဤနေရာ၌ ရောက်ရှိနေပေသည်။ ဤကဲ့သို့သော အခြေအနေအောက်တွင် တလောကလုံးမှ မဟာမိတ်များနှင့် ရင်ဆိုင်ရန်မှာ စွန့်ပစ်ခံကလန်အတွက် အလွန် ခက်ခဲလှပေသည်။

ဤတိုက်ပွဲမြေပြင်ကို ကြည့်ရင်း ရီဖူရှင်းက စွန့်ပစ်ခံကလန်အတွက် အနည်းငယ် စိုးရိမ်ပူပန်သွားပေသည်။ စွန့်ပစ်ခံကလန်က ဤတိုက်ပွဲ၌ ရှုံးနိမ့်ရန်မဖြစ်နိုင်ပေ။ သူတို့ ရှုံးနိမ့်လျှင် အပြည့်အဝ ဖျက်ဆီးခံရပေလိမ့်မည်။ သူတို့က သေသည်အထိ တိုက်ခိုက်လိမ့်မည် ဖြစ်သော်လည်း အခြားဘုံများမှ ကျင့်ကြံသူများက မည်သူ့ကိုမှ သက်ညှာပေးလိမ့်မည် မဟုတ်ပေ။