Scorpion အဆင့် လုပ်ကြံသတ်ဖြတ်သူ

အခန်း (၉၁) Scorpion အဆင့် လုပ်ကြံသတ်ဖြတ်သူ

"ငါတို့ ပြန်တွေ့ပြန်ပြီ၊ မစ္စတာချမ်"

ချမ်ရှန်းရွှေက သူပေးလိုက်သော တာဝန်၏ ရလဒ်ကို စိတ်လှုပ်ရှားစွာ စောင့်‌နေစဉ် အသံတစ်ခုကို ကြားလိုက်ရသည်။ ခေါင်းမော့ကြည့်သောအခါ 'လော်ဆင်' ဟု ကုဒ်နာမည်ရှိသည့် အမျိုးသားတစ်ယောက်ကို မြင်ရ၏။

"အိုး၊ မင်းပဲ။ ဘာတွေလုပ်နေလဲ။"

"ငါအခုတော့ နည်းနည်းအားနေတယ်။ မင်းရဲ့ တာဝန်ကို ယူပေးမလားလို့။" လော်ဆင်က အေးစက်စက် ပြန်ပြော၏။

ချမ်ရှန်းရွှေ၏ မျက်လုံးများသည် တစ်ခဏမျှ တောက်ပသွားပြီး ပြန်၍ အုံ့မှိုင်းသွားသည်။ "တောင်းပန်ပါတယ်။ ငါ့တာဝန်ကို တခြားတစ်ယောက်ယောက်က လက်ခံထားပြီးသား။”

ချမ်ရှန်းရွှေက ခါးသီးစွာ ပြုံးလိုက်သည်။

သွေးပဋိညာဉ်အဖွဲ့၏ စည်းမျဉ်းမှာ စာချုပ်တစ်ခု ပြုလုပ်ပြီးသည်နှင့် ၎င်းကို မည်သူမျှ မပြောင်းလဲနိုင်ကြောင်း ညွှန်ကြားထားသည်။

လော်ဆင်သည် သူ့စကားကြားတော့ အနည်းငယ် စိတ်ပျက်သွားသည်။

သူသည် ဟက်စ်လာရှိ သူငယ်ချင်းတစ်ဦးထံ သွားရောက်လည်ပတ်ရန် မေပယ်လ်နိုင်ငံမှ တလမ်းလုံး လာခဲ့ပြီး ဟက်စ်လာ အနီးတစ်ဝိုက်သို့ အခွင့်အရေးရတုန်း ခရီးထွက်ရန် ကို ကြံရွယ်ထားသည်။ ထို့ကြောင့် ဤခရီးစဉ်တွင် မည်သည့်တာဝန်ကိုမျှ ထမ်းဆောင်ရန် ရည်ရွယ်ချက်မရှိပေ။ ချမ်ရှန်းရွှေက သူ့တာဝန်အတွက် ချဉ်းကပ်လာတဲ့အခါ မစ်ရှင်အတွက် ဆုကြေးက နည်းလွန်းတာကြောင့် ပြတ်ပြတ်သားသား ငြင်းပယ်ခဲ့သည်။

ယခုမူ လော်ဆင်သည် လွန်ခဲ့သော ရက်အနည်းငယ်က အချိန်ဖြုန်းရင်း ပျင်းရိငြီးငွေ့လာသည်။ ထို့ကြောင့်၊ သူသည် ရိုးရှင်းသောတာဝန်အချို့ကို ထမ်းဆောင်လိုပြီး ချမ်ရှန်းရွှေ၏ တာဝန်ကိုထမ်းဆောင်ရန် စီစဉ်ခဲ့သည်။ တစ်ရက်တည်းမှာပင် အခြားတစ်ယောက်သည် ထိုတာဝန်ကို လက်ခံပြီးဖြစ်သောကြောင့် သူအံ့အားသင့်သွားသည်။

လော်ဆင်သည် အခြေအနေကို စိတ်ဆိုးသော်လည်း လအဖွဲ့အစည်း၏ စည်းမျဉ်းကို မချိုးဖျက်နိုင်ကြောင်း သူသိသည်။ ဒါကို စွန့်လွှတ်ဖို့ကလွဲလို့ သူ့မှာ ရွေးချယ်စရာမရှိတော့ပေ။ ထို့နောက် ဘားဆီသို့ လျှောက်လာပြီး အရက်မှာလိုက်သည်။

သူ့အရက်နှစ်ခွက်သောက်ပြီးနောက် သူ့ဖုန်းက ရုတ်တရက်မြည်လာသည်။ အဝင်ခေါ်ဆိုမှုကို ကြည့်လိုက်သည် - ၎င်းသည် သူ၏ဖောက်သည်ဟောင်း ယွဲ့ယိုကျူးထံမှ ဖြစ်သည်။

"ဟေ့ လော်ဆင်" ဖုန်းထဲမှာ လူတစ်ယောက်ရဲ့ အသံကို ကြားလိုက်ရတယ်။

"ဟုတ်ကဲ့။ ကျွန်တော်ပါ။ ငါမင်းကို ဘယ်လိုကူညီရမလဲ မစ္စတာယွဲ့" လော်ဆင် က အမှုမဲ့ အမှတ်မဲ့ ပြောလိုက်သည်။

"ငါ့မှာ မင်းကူညီနိုင်မယ်လို့ ငါမျှော်လင့်ထားတဲ့ အလုပ်တစ်ခုရှိတယ်။"

"ငါ့ကို ဒီအကြောင်း ထပ်ပြောပါဦး။" လော်ဆင်၏ မျက်လုံးများသည် ရုတ်တရက် စူးရှလာသည်။

"ငါ့ကို တစ်ယောက်ယောက် ရှင်းပေးဖို့ ကူညီပေးစေချင်တယ်။"

"ဘယ်သူလဲ။"

"အသေးစိတ်အချက်အလက်တွေကို ငါမင်းဆီ ပို့ပြီးပြီ။"

ပုဂ္ဂလိကအလုပ်တစ်ခုဖြစ်သောကြောင့် ဤနေရာတွင် လျှို့ဝှက်ရေးစည်းမျဉ်းကို မကျင့်သုံးပေ။

လော်ဆင်သည် သူ၏ တက်ဘလက်ကို ထုတ်ယူလိုက်ပြီး အချက်အလက်များကို ကြည့်ရှုခဲ့သည်။ ထို့နောက် သူက ခေါင်းကို ရုတ်တရက် မော့လိုက်ပြီး ချမ်ရှန်းရွှေကို ကြည့်လိုက်သည်၊ သူက ပစ်မှတ်ဖြစ်သည် ။

"ဒါဆို မင်းဘယ်လိုထင်လဲ" ယွဲ့ယိုကျူးက မေးသည်။ လူတစ်စု လှေကားမှ ဆင်းလာသောအသံကို ဖုန်းထဲမှကြားနေရသည်။

“ကျွန်တော်ယူမယ်” လော်ဆင်က ယုံကြည်မှုအပြည့်နဲ့ ပြန်ဖြေသည်။

“ကောင်းတယ်။ ငါ့လူတွေကို စရံငွေလွှဲခိုင်း…”

ဗုန်း...

ရုတ်တရက် ကြမ်းပြင်ပေါ်ကို တစ်စုံတစ်ယောက် ပြုတ်ကျလာတဲ့ အသံကို ဖုန်းကတစ်ဆင့် ကြားလိုက်ရသည်။ အဝေးမှ သေနတ်သံကြားရပြီး လော်ဆင်၏ ခန္ဓာကိုယ် တောင့်တင်းသွားသည်။ ထိုအသံကို သူမှတ်မိသည် - ၎င်းသည် စနိုက်ပါမှ သေနတ်သံဖြစ်သည်။ ခဏကြာတော့ လူတွေ ထိတ်လန့်တကြား အော်ဟစ်သံတွေ ကြားလိုက်ရတယ်။ ယွဲ့ယိုကျူး တစ်ယောက် အသတ်ခံရတာ သိတဲ့အတွက် စကားဆက်ပြောမနေတော့ပေ။

“ဒီစနိုက်ပါသမားက တစ်ချက်တည်းနဲ့ ဒါဇင်နဲ့ချီတဲ့ သက်တော်စောင့်တွေဝိုင်းထားတဲ့ ပစ်မှတ်ကို ပစ်သတ်လိုက်တယ်။ သူက တော်တော်လေးတော်တဲ့ စနိုက်ပါသမားပဲ။” အဖြစ်အပျက် အားလုံးကို ချက်ချင်း ကောက်ချက်ချရင်း လော်ဆင်၏ မျက်နှာ တင်းမာသွားသည် - ချမ်ရှန်းရွှေ၏ တာဝန်မှာ ယွဲ့ယိုကျူးကို သတ်ပစ်ရန် ဖြစ်သည်။ နောက်ဆုံးတော့ သူတို့ဟာ ရန်သူတွေပဲ မဟုတ်လား။

ချမ်ရှန်းရွှေက စနိုက်ပါကို စောင့်နေတာ ဖြစ်ရမယ်။ လုပ်ကြံတဲ့သူက ဘယ်သူလဲဆိုတာ ကြည့်ပါရစေ။ လော်ဆင် ရဲ့ မျက်လုံးများ အရောင်လက်သွားသည်။

…

ချမ်ရှန်းရွှေ ပေးထားသော အချက်အလက်များကိုအသုံးပြု၍ ဟန်ရှောင်းသည် ယွဲ့ယိုကျူး၏ အခြေစိုက်စခန်းမှ မီတာရာဂဏန်းအကွာအဝေးရှိ အထပ်မြင့်အဆောက်အအုံတစ်ခုပေါ်တွင် စခန်းချခဲ့သည်။ သူက စနိုက်ပါကို မြင့်မားတဲ့ အနေအထားကနေ ချိန်ရွယ်ပြီး ယွဲ့ယိုကျူးကို ပြတင်းပေါက်မှတစ်ဆင့် ဖောက်ပစ်ချင်ခဲ့သည်။ သို့သော်၊ ယွဲ့ယိုကျူးသည် ပင်မတံခါးမှ ထွက်လာရာ၊ ဟန်ရှောင်း၏အလုပ်မှာ ပိုမိုလွယ်ကူသွားတော့သည်။

ဒါဇင်နဲ့ချီတဲ့ သက်တော်စောင့်တွေက သူ့ကို တင်းတင်းကြပ်ကြပ် ဝိုင်းထားပေမဲ့ ဟန်ရှောင်းရဲ့ ပစ်ခတ်တာကို ကာကွယ်ရာတွင် အသုံးမဝင်ပေ။

သူ၏ အသစ်ထုတ်လုပ်လိုက်သော [လွန်းဆံပုံစံ ဖောက်ထွင်းအားပြင်း ကျည်ဆံ] သည် သတ္တုမဟုတ်သော အရာဝတ္ထုတိုင်းကို အလွယ်တကူ ထိုးဖောက်ဝင်ရောက်နိုင်လောက်အောင် ပြင်းထန်သည်။ ကျည်ဆန်သည် သက်တော်စောင့်တစ်ဦး၏ ခန္ဓာကိုယ်ကို ထိုးဖောက်ဝင်ရောက်ခဲ့ပြီး အရှိန်လျော့သွားသည့် အရိပ်အယောင်မရှိဘဲ ယွဲ့ယိုကျူး၏ နှလုံးသားထဲသို့ ဝင်ရောက်သွားခဲ့သည်။

တစ်ချက်ပစ် တစ်ယောက်ကျပင်။

သာမန်လူတစ်ဦးကို လုပ်ကြံခြင်းသည် ဟန်ရှောင်းအတွက် ရိုးရှင်းလွန်းသည်။ သူသည် အနှောင့်အယှက်မရှိဘဲ အလုပ်ကို ပြီးမြောက်ခဲ့သည်။

ဟန်ရှောင်း၏ Facial Simulator သည် ထွက်ပြေးရန်အတွက် အလွန်အသုံးဝင်သော ကိရိယာတစ်ခုဖြစ်သည်။ ရုန်းရင်းဆန်ခတ်ဖြစ်မလာခင်မှာ သူ့သွင်ပြင်ကို ပြောင်းလဲပြီး လွယ်လွယ်နဲ့ ထွက်ပြေးလာခဲ့သည်။

…..

ဟန်ရှောင်းသည် ဗစ်တိုးရီးယားဟိုတယ်သို့ ပြန်ရောက်သည်နှင့် တပြိုင်နက် စိတ်ပူပန်နေသော ချမ်ရှန်းရွှေသည် စိုးရိမ်သောကဖြင့် မတ်တပ်ထရပ်လိုက်သည်။

"အလုပ်ပြီးပြီ။"

ချမ်ရှန်းရွှေ ၏ ခန္ဓာကိုယ်သည် ချက်ချင်း ပြေလျော့သွားသည်။ သူသည် သူ့နာရီကို ယောင်ယမ်းပြီး ကြည့်လိုက်ရာ ဟန်ရှောင်းသည် ဤနေရာမှ ထွက်ခွာပြီး ပြန်လာသည့်ကြားတွင် လေးဆယ့်ငါးမိနစ်မျှသာ အချိန်ယူခဲ့ရပြီး သွားလာချိန်ကို နုတ်ပြီးနောက် အမှန်တကယ် လုပ်ကြံသတ်ဖြတ်မှုအတွက် ဆယ်မိနစ်အောက်သာ အချိန်ယူခဲ့ရသည်ဟု ဆိုလိုသည်။

အဲဒါ အရမ်းမြန်တယ်။

"မင်းငါ့ကို ပေးဖို့ပဲ ကျန်တော့တယ်။"

“ဟုတ်တယ်။ ဟုတ်ပြီ ကောင်းပြီ။” ချမ်ရှန်းရွှေက ကျိုးကျိုးနွံနွံပင်။ ဒေါ်လာ ၁၀,၀၀၀ ပါသော လက်ဆွဲအိတ်ကို ထုတ်ယူပြီး ဟန်ရှောင်းအား ပေးလိုက်သည်။

_____________________

လုပ်ကြံသတ်ဖြတ်မှု တာဝန် (ချမ်ရှန်းရွှေ) ပြီးဆုံးပါပြီ။ အတွေ့အကြုံအမှတ် ၂၅,၀၀၀ ရရှိပါသည်။

ချမ်ရှန်းရွှေ သည် လေးလံသောဝန်ကို ဖယ်ရှားလိုက်သကဲ့သို့ ပေါ့ပါးသော ခြေလှမ်းများဖြင့် ထွက်ခွာသွား‌တော့သည်။

ဟန်ရှောင်းသည် နှင်းဆီစစ်သွေးကြွတွင် လိုချင်သော အလုပ်တစ်ခုကို ရယူနိုင်ရန်အတွက် အမှုထမ်းအား ခေါ်ရန် ခေါင်းလောင်းကို နှိပ်လိုက်သည်။ ရုတ်တရက် တစ်စုံတစ်ခုကို သတိပြုမိပြီး လှည့်ကြည့်လိုက်သည်။

"တစ်ယောက်က ငါ့ကို စောင့်ကြည့်နေတာလား"

ဘားမှာထိုင်နေသော လူတစ်ယောက်က သူ့ကို အကဲခတ်လိုသလို ကြည့်နေသည်။ ဟန်ရှောင်းက သူ့ကို မမှတ်မိပေမယ့် အဲဒီလူက ရန်စသလို လုပ်နေသည်။

ဟန်ရှောင်းသည် သူ့မျက်လုံးများကို မှေးလိုက်သည်။ လုံးဝ ကြောက်လန့်မနေပေ။ သို့သော် သူ့ကို ရန်စသော အကြည့်ဖြင့် တစ်ယောက်ယောက်က ကြည့်သည်ကိုလည်း မကြိုက်ပေ။ သူသည် သူ၏ စွမ်းအားကို စုဆောင်းပြီး ထိုလူကို အေးစက်စွာ စိုက်ကြည့်လိုက်သည်။

မင်းဘာကြည့်နေတာလဲ!

လော်ဆင်၏ ရန်လိုသော အန္တရာယ်တစ်ခုဖြင့် ပိတ်လှောင်ခံရသလိုမျိုး တစ်ကိုယ်လုံး တောင့်တင်းသွားသည်။ အန္တရာယ်ဟူသော ခံစားချက်က သူ့စိတ်ကို လှိုင်းလုံးများလို ရိုက်ခတ်နေသည်။ သူက အလျင်အမြန် ဟန်ရှောင်းနှင့် အကြည့် လွှဲလိုက်သောအခါမှ နောက်ဆုံးတွင် ထိုခံစားချက်က ပျောက်ကွယ်သွားခဲ့သည်။

စက္ကန့်အနည်းငယ်အတွင်းမှာပင် လော်ဆင်၏ နဖူးမှ ချွေး‌စေများ စိမ့်ထွက်လာတော့သည်။

ဘယ်လောက်ကြောက်စရာကောင်းတဲ့ ခံစားချက်လဲ။ ဒီကောင်ကို ဘယ်တော့မှ မနှောင့်ယှက်သင့်ဘူး။

လော်ဆင်သည် သူ၏ ယခင်အကြံအစည်များကို အမြန်စွန့်လွှတ်လိုက်ပြီး ပိုက်ဆံရှင်းပြီးနောက် အလျင်အမြန်ထွက်သွားတော့သည်။ နည်းနည်းကြာအောင်ပင် မနေရဲတော့ပေ။

….

"ငါတို့ ပြန်တွေ့ပြန်ပြီ။"

ဟန်ရှောင်းက အမှုထမ်းကို ညင်သာစွာပြုံးပြလိုက်သည်။

အမှုထမ်းသည် အသင်း၏ တရားဝင်အဖွဲ့ဝင်အဖြစ်သို့ လျင်မြန်စွာ အဆင့်သတ်မှတ်ထားသော အသစ်စက်စက်အသစ်တစ်ဦးကို ပထမဆုံးအကြိမ် ကြုံတွေ့ခဲ့ရခြင်းဖြစ်သည်။ သူက အလွန် အံ့သြနေ၏။ “အခု မင်းက တရားဝင် Scorpion အဆင့် လုပ်ကြံသတ်ဖြတ်သူဖြစ်သွားပြီ။ မင်းအတွက် ပိုမြင့်မားတဲ့ အကျိုးခံစားခွင့်တွေရရှိနိုင်လိမ့်မယ်။ ဒါ့အပြင်၊ မင်းက အခြားမြို့တွေမှာရှိတဲ့ ဗစ်တိုးရီးယားဟိုတယ်တွေမှာ အဓိက VIP ခံစားခွင့်တွေကို ရရှိလိမ့်မယ်။"

"Dark Net လုပ်ကြံသတ်ဖြတ်သူ အဆင့်သတ်မှတ်ချက်စာရင်းမှာ ငါ့ရဲ့လက်ရှိအဆင့်က ဘာလဲ။" ဟန်ရှောင်းက ရုတ်တရက် မေးလိုက်သည်။

အမှုထမ်းမှာ ကျွန်တော့်အမေးကြောင့် အံ့အားသင့်သွားသည်။ “အဆင့်မြင့် လုပ်ကြံသတ်ဖြတ်သူတွေသာ စာရင်းထဲမှာ ပေါ်လာလိမ့်မယ်။ မင်းက အနည်းဆုံး အဆင့်တစ်ထောင်ကျော်ပဲကွ။"

စကားပြောပြီးနောက် သူသည် သူ၏တက်ဘလက်ကိုထုတ်ကာ ဟန်ရှောင်အတွက် အဆင့်သတ်မှတ်ချက်စာရင်းကို ဖွင့်ကြည့်လိုက်သည်။

ဟန်ရှောင်းသည် စာရင်းကို ကြည့်လိုက်ပြီးနောက် တိတ်တဆိတ် ခေါင်းညိတ်လိုက်သည်။ ယခုအချိန်တွင် ထိပ်တန်း လုပ်ကြံသတ်ဖြတ်သူ ဆယ်ဦးသည် ပျမ်းမျှအားဖြင့် အဆင့်လေးဆယ် ဖြစ်သည်။ သူတို့သည် ထိပ်တန်းစွမ်းဆောင်ရည် ရှိသူများ မဟုတ်ကြပေ။ ထိပ်တန်း လုပ်ကြံသတ်ဖြတ်သူ သုံးဦးသာလျှင် သူတို့၏ စွမ်းအားများသည် ဗားရှင်း ၁.၀ ၏ အထက်ပိုင်းကန့်သတ်ချက် အနီးတွင်ရှိပြီး ပိုမို၍ ကြောက်စရာကောင်းသည်။ ဤအဆင့်သတ်မှတ်ချက်စာရင်းကို တာဝန်ပြီးမြောက်မှု အရေအတွက်များနှင့် အခြားဆက်စပ်အောင်မြင်မှုများဖြင့် ဆုံးဖြတ်ထားသည်။ 'အစစ်အမှန်' ကစားသမားများသည် မစ်ရှင်များကို ယှဉ်ပြိုင်ခြင်းဖြင့်သာ အဆင့်စာရင်းကို ဝင်ရောက်နိုင်သည်။ ငှားရမ်းနိုင်သော ကြေးစားစစ်သားများ၏ အဆင့်သတ်မှတ်ချက်စာရင်းအတွက် အလားတူစည်းမျဉ်းကို ကျင့်သုံးသည်။

ရေပင်လယ်ဂြိုလ်တွင် အစွမ်းထက်သော စူပါလူသားများစွာ မရှိပေ။ ‘Open Beta’ မတိုင်မီ၊ ကစားသမားများသည် အဆင့်လေးဆယ်အထက် စူပါလူသားများနှင့် တွေ့ဆုံရန် ခက်ခဲသည်။ ထို့အပြင်၊ အဆင့်ငါးဆယ်မှ ခြောက်ဆယ်အထိရှိသည့် အားကောင်းသည့် ပုဂ္ဂိုလ်များသည် ဤကမ္ဘာပေါ်တွင် အမြင့်ဆုံး တိုက်ခိုက်ရေးစွမ်းအား ရှိကြသူများ ဖြစ်သည်။ သူတို့သည် ယေဘူယျအားဖြင့် အဖွဲ့အစည်းကြီးများ၏ ခေါင်းဆောင်များ၊ လျှို့ဝှက်လက်နက်များ၊ တစ်ကိုယ်တော်သမားများ၊ သို့မဟုတ် စူပါရာဇ၀တ်ကောင်များ၏ ခေါင်းဆောင်များဖြစ်ပြီး ၎င်းတို့၏ ကိုယ်ပိုင်လူမှုအသိုင်းအဝိုင်းကို တည်ထောင်ခဲ့ကြသည်။ ဒါကြောင့် သူတို့ဟာ သာမန်လူတွေနဲ့ ကစားသမားတွေရှေ့တွင် ပေါ်လာလေ့မရှိပေ။

ကစားသမားများသည် ထိုပုဂ္ဂိုလ်များကို မစ်ရှင်များမှတဆင့် သို့မဟုတ် သူတို့ကိုယ်တိုင် ပိုမိုအားကောင်းလာခြင်းဖြင့်သာ တွေ့ဆုံကြမည် ဖြစ်သည်။

ထိုအတွေးများသည် ဟန်ရှောင်၏ စိတ်ထဲတွင် ဖြတ်သန်းသွားပြီးနောက် ’အလိုရှိစာရင်း’ကိုဖွင့်ကာ တာဝန်တစ်ခုအား ညွှန်ပြလိုက်သည်။ “နှင်းဆီစစ်သွေးကြွတွေကို ချေမှုန်းဖို့ ကျွန်တော်တာဝန်ယူချင်ပါတယ်”

“ကောင်းပြီ။ မင်းရဲ့ တောင်းဆိုမှုကို အခု လုပ်ပေးမယ်။ ကျေးဇူးပြုပြီး ငါတို့ကို ခဏလောက် စောင့်ပေးပါ။"

အမှုထမ်းသည် စာရွက်အချို့ပေါ်တွင် တောင်းဆိုချက်ကို ချရေးလိုက်ပြီး အထူးပြုလုပ်ထားသော သတ္တုပြွန်ထဲသို့ ထည့်လိုက်သည်။ သူသည် ဧည့်ကြိုကောင်တာဆီသို့ လျှောက်သွားကာ သတ္တုပြွန်ကို သတ္တုပိုက်လိုင်းတစ်ခုထဲသို့ ထည့်လိုက်သည်။

ရွှစ်

သတ္တုပြွန်သည် ပိုက်လိုင်းထဲသို့ စုပ်ယူခံလိုက်ရသည်။

အဆိုပါပြွန်သည် အပေါက်များစွာနှင့် အခြားအလားတူ သတ္တုပြွန်များကို ဖြတ်ကျော်ကာ ပိုက်လိုင်းမှတစ်ဆင့် လျင်မြန်စွာ ဖြတ်သန်းသွားပြီး ထွက်ပေါက်အသစ်သို့ ရောက်ရှိသွားသည်။

ဖောက်သည်ဝန်ဆောင်မှုအခန်းကဲ့သို့ အလှဆင်ထားသည့် ကျယ်ဝန်းသောအခန်းတစ်ခု ရှိသည်။။ စားပွဲများပေါ်တွင် ကွန်ပြူတာ အနည်းငယ်ဖြင့် သေသပ်စွာ တန်းစီထားသည်။ စီမံခန့်ခွဲရေးဝန်ထမ်းများသည် ၎င်းတို့၏ ကွန်ပြူတာပေါ်ရှိ စာရွက်စာတမ်းများနှင့် အလုပ်ရှုပ်နေပြီး စားပွဲတိုင်းကို ပိုက်လိုင်းနှင့် ချိတ်ဆက်ထားသည်။

အနက်ရောင်ဝတ်စုံကို ၀တ်ဆင်ထားသော အုပ်ချုပ်ရေးဝန်ထမ်းတစ်ဦးသည် သတ္တုပြွန်ထဲမှ စာရွက်ကိုထုတ်ကာ အချက်အလက်ကို တင်ရန်အတွက် ကီးဘုတ်ကို စတင်ရိုက်ထည့်လိုက်ပါသည်။

"လိုချင်သောပစ်မှတ် - နှင်းဆီစစ်သွေးကြွ (ကြေးစားစစ်သား)

“လိုအပ်ချက် - အပြီးအစီး သုတ်သင်ရှင်းလင်းခြင်း။

“အစပြုသူ - Rothschild မိသားစု

"တည်နေရာ - ဆိုမာသဲကန္တာရ

“စတင်သည့်နေ့စွဲ - ၆၈၅၊ နိုဝင်ဘာ ၁၇

“ဆုကြေးငွေ ပမာဏ - ဒေါ်လာ ၃,၀၀၀,၀၀၀

“အခက်အခဲ အကဲဖြတ်ခြင်း - ခက်ခဲသည်။

"တာဝန်မှတ်တမ်း-

– 685.11.27၊ ကုဒ်အမည် – Hall (Dark အဆင့်) [တာဝန်ထမ်းဆောင်ရင်း သေဆုံးခဲ့သည်။]

– 685.12.11၊ ကုဒ်အမည် – Bloody Hand (Dark အဆင့်) [တာဝန်ထမ်းဆောင်ရင်း သေဆုံးခဲ့သည်။]

– 685.3.10၊ ကုဒ်အမည် – Magic Flower (Dark အဆင့်), Freeman (Dark အဆင့်) တာဝန်ထမ်းဆောင်ရင်း သေဆုံးခဲ့သည်။]”

…

"တာဝန်အချက်အလက် - စစ်သွေးကြွ၏ အင်အားသည် လက်ရှိတွင် စူပါလူသား လေးယောက်၊ ခေါင်းဆောင် လုအို (အက်စ်ပါ)၊ ညွှန်ကြားရေးမှုး ဒေါ်ရသီ (တိုက်ခိုက်သူ)၊ ညွှန်ကြားရေးမှုး မြေခွေးတစ္ဆေ (တိုက်ခိုက်သူ) နှင့် အမည်မသိ ( ယန္တရားပညာရှင်ဟု သံသယရှိသူ) တို့အပါအဝင် လူ ၈၀ မှ ၁၂၀ ကြား ရှိသည်။ ဆိုမာ သဲကန္တာရတွင် လှုပ်ရှားနေကြသည်။

“လုပ်ပိုင်ခွင့်… ခွင့်ပြုချက် အတည်ပြုသည်။

“တာဝန်အချက်အလက်ကို အပ်ဒိတ်လုပ်ထားသည်။

“688.4.1၊ ကုဒ်အမည် – မစ္စတာဘလက် (Scorpion အဆင့်) [ရလဒ်များကို စောင့်ဆိုင်းနေသည်။]”

….

တစ်ချိန်တည်းမှာပင်၊ ဟန်ရှောင်းသည် သက်ဆိုင်ရာ စနစ်၏တောင်းဆိုချက်ကို စတင်ခဲ့သည်။

_________________________________

သင် C-level စနစ်၏တောင်းဆိုချက် [ဆုကြေးမုဆိုး (နှင်းဆီစစ်သွေးကြွ)] ကို အစပျိုးလိုက်ပါပြီ။

တောင်းဆိုချက် အချက်အလက် - ဆိုမာသဲကန္တာရတွင် လေလွင့်သွားလာသူများနှင့် ငှားရမ်းထားသော စစ်သွေးကြွများ အပါအဝင် အဖွဲ့များစွာဖြင့် ပြည့်နှက်နေပါသည်... သို့သော် ဤကဲ့သို့ လူသူကင်းမဲ့သောမြေသည် အင်အားကြီးမားသော အုပ်စုများကို မည်သို့ဆွဲဆောင်နိုင်သနည်း။ အတိတ်က အဖြစ်အပျက်အချို့နဲ့ တစ်ခုခုတော့ ဆက်စပ်မှု ရှိကောင်းရှိနိုင်ပါသည်။ သင် ဒီနယ်မြေကို စူးစမ်းသင့်သည်။

တောင်းဆိုချက် လိုအပ်ချက် - နှင်းဆီစစ်သွေးကြွ အဖွဲ့ဝင်အားလုံးကို သ

တ်ပါ။ အချိန်ကန့်သတ်ချက်- ၁၅ ရက်

ဆုလာဘ် : အတွေ့အကြုံအမှတ် ၁၅,၀၀၀

အထူးဆုလာဘ် : အတွေ့အကြုံအမှတ် ၂၅,၀၀၀၊ အမည်မသိဆု

အခန်း (၉၁) ပြီး၏။

လင်းဆက်

+++++