ချုံခိုတိုက်ခိုက်ခြင်း

အခန်း (၉၃) ချုံခိုတိုက်ခိုက်ခြင်း

_____________________

ပေါင်းစပ်ခြင်း

အောင်မြင်သည်။

ဝမ်းသာပါသည်။ သင်သည် [လျပ်စစ်သံလိုက်ဆိုင်ရာ တိုက်ခိုက်ရေးစကင်နာမျက်နှာဖုံး] ကို ရှာဖွေတွေ့ရှိခဲ့ပါသည်။

အိုး

ဟန်ရှောင်း မျက်ခုံးပင့်လိုက်သည်။ ပေါင်းစပ်မှုမှ ထုတ်ကုန်သည် သူမျှော်လင့်ထားသည့်အတိုင်း မဟုတ်ပေ။ သို့ရာတွင်၊ ၎င်းသည် သာမိုစကုပ်ကိုအသုံးပြုခြင်းနှင့် နှိုင်းယှဉ်ပါက ပိုမိုတိကျမှုရှိသောကြောင့် စနိုက်ပါတစ်ဦးအတွက် အလွန်အသုံးတည့်ပါသည်။ မျက်နှာဖုံးအသစ်သည် ကွန်ကရစ်နံရံများ၏ အတွင်းပိုင်းတည်ဆောက်ပုံကို ဖောက်ထွင်းမြင်နိုင်သည်။ ၎င်းကို စနိုက်ပါမှန်ပြောင်းတွင် တပ်ဆင်ထားပါက သတ်မှတ်ထားသော ပစ်မှတ်ကို ပိုမိုတိကျသော ပစ်ခတ်မှုများဖြင့် ကွန်ကရစ်နံရံများမှတဆင့် ပစ်ခတ်နိုင်မည်ဖြစ်သည်။

နောက်တစ်ခါ ထပ်လုပ်ကြည့်ရအောင်။

_____________________

…

ဤပေါင်းစပ်ခြင်းက အတွေ့အကြုံအမှတ် ၃၀,၀၀၀ ကျသင့်ပါမည်။

_____________________

ပေါင်းစပ်ခြင်း

အောင်မြင်သည်။

ဝမ်းသာပါသည်။ သင်သည် [လျပ်စစ်သံလိုက်လှိုင်းအတားအဆီးစက်ပစ္စည်း/ EMP စက်] ကို ရှာဖွေတွေ့ရှိခဲ့ပါသည်။

ဒီတစ်ခုပဲ။ ဟန်ရှောင်း ခေါင်းညိမ့်လိုက်သည်။

EMP စက်သည် သာမာန် ဒီဇိုင်းပုံစံတစ်ခု ဖြစ်သည်။ ၎င်းသည် ပေါင်းစပ်မှုကြောင့် ပေါ်လာနိုင်ဖွယ်ရှိပြီး၊ EMP အပြင် သူ၏ မျှော်လင့်ချက်များကို ဖြည့်ဆည်းပေးနိုင်သည့် အခြားစက်ပစ္စည်းအသေးစိတ်ပုံစံအချို့လည်း ရှိသေးသည်။ တကယ်တော့ သူသည် တတိယမြောက် ပေါင်းစပ်မှုအတွက် လုံလောက်သော အတွေ့အကြုံအမှတ်ကို ဖယ်ထားခဲ့သည်။ သို့သော်၊ သူသည် နောက်ထပ် အတွေ့အကြုံအမှတ်ကို အသုံးပြုရန် မလိုအပ်တော့ဘဲ အနာဂတ် လုပ်ဆောင်စရာများအတွက် သိမ်းဆည်းထားနိုင်သည်။

EMP စက်၏ စွမ်းအားများကို ကျယ်ကျယ်ပြန့်ပြန့် သိရှိကြသည်။

သဲကန္တာရတွင် ကားအစီးရေ ပြတ်လပ်မှုမရှိပါ။ သို့သော် ဟန်ရှောင်းသည် စနိုက်ပါသမားဖြစ်သောကြောင့် ပစ်မှတ်နှင့် သူ၏အကြား အကွာအဝေးကို ထိန်းသိမ်းခြင်းသည် အရေးကြီးဆုံးဖြစ်ပြီး၊ ၎င်းတို့ ချဉ်းကပ်လာပါက ယာဉ်များအတွက် အနှောက်အယှက်ဖြစ်စေမည့် အရာတစ်ခု လိုအပ်သည်။

သူသည် အလွန်ပျက်စီးနိုင်မှု မြင့်မားသော ဖောက်ခွဲရေးပစ္စည်းများ၊ မိုင်းများနှင့် ထောင်ချောက်များ ပြတ်လပ်နေဆဲဖြစ်သည်။

သူ့မေးစေ့ကို ထိလိုက်ပြီး ရုတ်တရက် မျက်လုံးများ တောက်ပလာသည်။ သူ့တွင် အိုင်ဒီယာအသစ်တစ်ခု ရှိနေ၏။

ပေါင်းစပ်မှု လုပ်ငန်းစဉ်ကို ကျော်ပြီး ပစ္စည်းတွေကို ဖန်တီးကြည့်လို့ရမယ်လို့ ငါထင်တယ်။

ယခင်က ကစားသမားများသည် ကိုယ်ပိုင်ဖန်တီးမှုစွမ်းရည်ကို အသုံးချနိုင်ခဲ၏။ သို့ရာတွင်၊ သူတို့သည် အခြားဒီဇိုင်းပုံစံများမှ အသိပညာများကို စုပ်ယူနိုင်ပြီး သူတို့၏ အသိပညာနှင့် အခြားဒီဇိုင်းပုံစံများမှ အချက်အလက်များကို ပေါင်းစပ်ကာ အသစ်များကို ဖန်တီးနိုင်ခဲ့ကြသည်။ သူတို့ ရရှိခဲ့သော အသိပညာကို အသုံးချပြီး သူတို့ရဲ့ အယူအဆအသေးစိတ်တွေကို ပေါင်းထည့်ခဲ့ကြသည်။ ကိုယ်တိုင်ဖန်တီးခြင်းဖြင့် ၎င်းတို့သည် စက်ယန္တရားအသစ်၏ ခက်ခဲကြမ်းတမ်းသော သုတေသနနှင့် ဖွံ့ဖြိုးတိုးတက်ရေးလုပ်ငန်းစဉ်များကို ကျော်ဖြတ်နိုင်ခဲ့ကြသည်။ မျှော်လင့်ထားသည့် တိုးတက်မှုထက်ပင် အားကောင်းသည့် စက်ပစ္စည်းအသစ်များကိုပင် ဖန်တီးနိုင်ခဲ့ကြသည်။

ပေါက်ကွဲအားပြင်း ကျည်ဆံများ၏ နောက်ကွယ်မှ အဓိက အယူအဆမှာ မီးလောင်လွယ်သော ဓာတ်ငွေ့ဖြစ်သည်။ မီးလောင်လွယ်သော ဓာတ်ငွေ့များကို ကျည်ဆံခွံတစ်ခုထဲသို့ ဖိသွင်းခြင်းဖြင့် ၎င်း၏စွမ်းအားသည် မိုင်းပေါက်ကွဲခြင်းထက် မနည်းသည့်အတိုင်းအတာအထိ အရှိန်မြှင့်သွားမည်ဖြစ်သည်။

ပေါက်ကွဲစေတတ်သော မိုင်းတစ်ခု ဖန်တီးရန် လိုအပ်သောကြောင့်၊ သူသည် နောက်ထပ် ယမ်းမှုန့် နှင့် ဘောစေ့များ လိုအပ်သည်။ သူက မီးလောင်လွယ်သော ဓာတ်ငွေ့ကို အသုံးပြုရန် စတင်စဉ်းစားလာခဲ့သည်။

ပေါက်ကွဲစေတတ်သော ကျည်ဆံများကို အပိုင်းများခွဲရန် ဆုံးဖြတ်ခဲ့သည်။ မီးလောင်လွယ်သော ဓာတ်ငွေ့များသည် လေထုအတွင်း ဓာတ်ငွေ့များနှင့် ထိတွေ့သောအခါ ဓာတ်ပြုမှုနည်းလာပြီး ၎င်းတို့ကို ချိတ်ပိတ်သွားခဲ့သည်။ ကျည်ဆံတွင် အချိန်တိုင်းကိရိယာအဖြစ် လုပ်ဆောင်သည့် ခလုတ်တစ်ခုရှိသည်။ အချိန်ကုန်သွားသည်နှင့် ခလုတ်ပွင့်သွားပြီး မီးလောင်လွယ်သော ဓာတ်ငွေ့များသည် ယမ်းမှုန့်နှင့် ထိတွေ့ကာ ပေါက်ကွဲမှုများ ဖြစ်ပေါ်လာမည်ဖြစ်သည်။

သူ့ရှေ့ပြေးပုံစံထုတ်ခြင်းစွမ်းရည်ကို အသုံးချတော့မည်ဖြစ်သောကြောင့်၊ ဟန်ရှောင်းသည် ၎င်းကို အပိုအကျိုးသက်ရောက်မှုများ တပ်ဆင်ခြင်းဖြင့် ထုတ်ကုန်၏စွမ်းအားကို မြှင့်တင်ရန် အခွင့်အရေးကောင်းတစ်ခုဟု ခံစားရသည်။ ထို့ကြောင့်၊ သူသည် Hayme ကျည်ဆံနောက်ကွယ်ရှိ သီအိုရီကို သူ၏ဖန်တီးမှုအသစ်တွင် ထည့်သွင်းရန် ဆုံးဖြတ်ခဲ့သည်။

ဟန်ရှောင်းသည် သူ့စိတ်ထဲတွင် ဒီဇိုင်းပုံစံကို အမြန်အဆုံးသတ်လိုက်ပြီး စက်ပစ္စည်းအသစ်ကို သူ့လက်ဖြင့် စတင်ဖန်တီးလိုက်သည်။ ဖန်တီးမှုအသစ်သည် အောင်မြင်သည် သို့မဟုတ် မအောင်မြင်သည်ကို ဆုံးဖြတ်ရန်အတွက် နမူနာပုံစံကို စမ်းသပ်ရန် လိုအပ်သည်။ ကစားသမားအများစုသည် ဖန်တီးမှုလုပ်ငန်းစဉ်ကို အသုံးပြုခဲ့ကြသည်။ သူတို့သည် ဒီဇိုင်းပုံစံကို သတ်မှတ်ပြီး လိုအပ်သည့်ပစ္စည်းများနှင့် ကိရိယာများကို ရွေးချယ်လိုက်ရုံသာ ဖြစ်သည်။ သူတို့သည် ထုတ်လုပ်မှုလုပ်ငန်းစဉ်တွင် မပါဝင်ခဲ့ကြဘဲ ဖန်တီးမှု၏ အောင်မြင်မှုသည် ကံတရားပေါ်တွင် များစွာမူတည်နေ၏။

သို့သော်လည်း ဟန်ရှောင်းသည် လက်ဖြင့်ထုတ်လုပ်ခြင်းအပါအဝင် ထုတ်လုပ်မှုလုပ်ငန်းစဉ်၏ အဆင့်တိုင်းတွင် ပါဝင်ခဲ့ပါသည်။ ထို့ကြောင့်၊ သူသည် ထုတ်လုပ်ရေး၏ အဆင့်တစ်ခုစီရှိ အဆင့်များကို ကောင်းစွာချိန်ညှိနိုင်ခဲ့ပြီး ၎င်းသည် သူ၏ဖန်တီးမှု၏ အောင်မြင်မှုနှုန်းကို များစွာတိုးတက်စေသည်။

ခဏအကြာတွင် ဟန်ရှောင်း၏ ထုတ်လုပ်မှုမှ ၃၀ မီလီမီတာရှိသော စက်ဝိုင်းပုံစံ မိုင်းတစ်ခု ထွက်ပေါ်လာသည်။ သူသည် ဂိမ်းမျက်နှာပြင်ကို အသုံးပြုပြီး သူ၏ဖန်တီးမှု အောင်မြင်ခြင်းရှိမရှိ ဆုံးဖြတ်ရန် အလိုအလျောက် စကင်န်လုပ်လိုက်သည်။

_________________________________

ထုတ်ကုန်၏ အောင်မြင်မှုကို ဆုံးဖြတ်ရန် စကင်ဖတ်နေသည်...

မအောင်မြင်ပါ။

မအောင်မြင်ဘူးလား? ဟန်ရှောင်းသည် မျက်ခုံးပင့်ကာ မျက်မှောင်ကြုတ်လိုက်သည်။

မအောင်မြင်ရခြင်း၏ နောက်ကွယ်တွင် အကြောင်းအရင်းမှာ စက်ပိုင်းဆိုင်ရာ အစိတ်အပိုင်းများသည် ခန့်မှန်းထားသော သက်ရောက်မှုများကို မရရှိနိုင်ခြင်း၊ သို့မဟုတ် သိသာထင်ရှားသော လစ်ဟာမှု အချို့ရှိခြင်းတို့ကြောင့် ဖြစ်သည်။

သူ၏ ဖန်တီးမှုအသစ်၏ စွမ်းအားကို စမ်းသပ်ရန် နေရာတစ်ခုကို ရှာဖွေတွေ့ရှိသွားသည်။ မီးလောင်လွယ်သော ဓာတ်ငွေ့၊ ယမ်းမှုန့်နှင့် အဆိပ်ရှိသော ဓာတ်ငွေ့များ ပါဝင်သည့် မီးတောက်အစပျိုးရာ လုပ်ငန်းစဉ်သည် ဖရိုဖရဲဖြစ်နေသည်ကို တွေ့ရှိခဲ့သည်။ ပေါက်ကွဲမှုတစ်ခု ဖြစ်ပွားသော်လည်း ထိခိုက်ပျက်စီးနိုင်စွမ်းမှာ ခန့်မှန်းထားသည်ထက် နည်းပါးနေပြီး ပြုပြင်မွမ်းမံမှုများ လိုအပ်နေသည်။

ဓာတ်ငွေ့များသည် ထိန်းချုပ်ရန် အလွန်ခက်ခဲလှသည်။ အမှားသေးသေးလေးတစ်ခုကြောင့်ပင် လုပ်ငန်းစဉ်တစ်ခုလုံးကို ထပ်ခါတလဲလဲ ပြုလုပ်ရမည်ဖြစ်ပြီး စက်ပိုင်းဆိုင်ရာ အစိတ်အပိုင်းများကို ပြုပြင်မွမ်းမံမှုများ ပြုလုပ်ရသည်။ ဖေဘီယန်အဖွဲ့၏ စခန်းရှိ လက်နက်စမ်းသပ်မှု ဧရိယာသည် မီးလောင်ကျွမ်း‌နေပြီး၊ အဆိပ်ငွေ့များ နေရာတိုင်းတွင် ရှိနေသည်။ ဟန်ရှောင်းသည် စမ်းသပ်မြေပြင်မှ ထွက်ခွာလိုက်ရသည်၊ မဟုတ်ပါက သူသည် သူ၏ သွေးအမှတ်များ အဆက်မပြတ် ဆုံးရှုံးနေမည်ဖြစ်သည်။

နောက်ဆုံးတွင်၊ ၁၃ ကြိမ်ကျရှုံးပြီးနောက်၊ ဂိမ်းမျက်နှာပြင်ပေါ်တွင် စာသားတစ်ခု ထွက်ပေါ်လာသည်။

_________________________________

အောင်မြင်သည်။

ရှေ့ပြေးပုံစံ ဒီဇိုင်းပုံစံအသစ်ကို သင်အောင်မြင်စွာဖန်တီးပြီးပါပြီ။

သူ့စိတ်ထဲတွင် ပေါက်ကွဲစေနိုင်သောလက်နက် ဒီဇိုင်းပုံစံအသစ်တစ်ခု ထွက်ပေါ်လာပြီး မျက်နှာပြင်သည် စက်ပစ္စည်း၏ နောက်ကွယ်ရှိ သီအိုရီအားလုံးကို မှတ်တမ်းတင်ထားသည်။ ဤလက်နက်အသစ်၏ အကျိုးသက်ရောက်မှုကိုမြင်တွေ့ပြီးနောက် ဟန်ရှောင်းသည် "ပေါက်ကွဲအားအလွန်ပြင်းထန်သော၊ အဆိပ်ပြင်းသော၊ ချိန်ကိုက်မိုင်းဟုခေါ်တာက သမားရိုးကျလွန်းတယ်။ ငါ ဒီမိုင်းကို 'အဆိပ်မီးတောက်' လို့ ခေါ်မယ်။”

အမည်ပေးခြင်း အောင်မြင်ပါသည်။

သင်သည် အသစ်ဖန်တီးထားသော ဒီဇိုင်းပုံစံ [အဆိပ်မီးတောက်မိုင်း] ကို ရရှိပါသည်။

အသစ်ဖန်တီးထားသော အသေးစိတ်ပုံစံကို ဂိမ်းမျက်နှာပြင်က အသိအမှတ်ပြုပြီးနောက်၊ ပေါက်ကွဲစေနိုင်သောလက်နက် အသုံးပြုမှုသည် စကေးတစ်ခုဖြစ်လာသည်။ ပေါက်ကွဲစေနိုင်သောလက်နက် အဆင့်ကို တိုးမြှင့်ရန်အတွက် အတွေ့အကြုံအမှတ်ကို အသုံးပြုနိုင်သည်။ ထို့အပြင် ပေါက်ကွဲစေနိုင်သောလက်နက်ကို ဖန်တီးရန် အမျိုးမျိုးသော လိုအပ်ချက်များကို ဂိမ်းမျက်နှာပြင်ပေါ်တွင် မှတ်တမ်းတင်ထားပြီး ဖန်တီးမှုလုပ်ငန်းစဉ်အတွင်း ဂိမ်းမျက်နှာပြင်ကို မှီငြမ်းခြင်းဖြင့် ပေါက်ကွဲစေနိုင်သောလက်နက် ထုတ်လုပ်ခြင်းကို ပိုမိုမြန်ဆန်သောနှုန်းဖြင့် လုပ်ဆောင်နိုင်သည်။

ဟန်ရှောင်း၏ မျက်လုံးများက တောက်ပနေသည်။ တကယ်ပဲ၊ ငါမျှော်လင့်ထားသည့်အတိုင်းပဲ၊ ကိုယ်ပိုင်ဖန်တီးထားတဲ့ ဒီဇိုင်းပုံစံတွေက တိုက်ပွဲအခြေအနေတွေထဲမှာ ငါ့လိုအပ်ချက်နဲ့ လိုက်လျောညီထွေရှိတဲ့ လက်နက်တွေအတွက် ဖြည့်ဆည်းပေးနိုင်တယ်။ ဒီနယ်ပယ်တွင် မဖော်ထုတ်ရသေးတဲ့ ကြီးမားတဲ့ အလားအလာတွေ အများကြီး ရှိနေသေးတာပဲ

နောက်တစ်ဆင့်က ပေါက်ကွဲစေနိုင်သောလက်နက်အတွက် လုံလောက်တဲ့ပစ္စည်းတွေရအောင် ဖန်တီးဖို့ပဲ။

...

ညရောက်လာ၏။

ဟန်ရှောင်းသည် သူ့ဂျစ်ကားကို ကျယ်ဝန်းသော နေရာလွတ်တစ်ခုသို့ မောင်းသွားခဲ့သည်။ ထို့နောက် မြေပြင်ပေါ်တွင် လက်နက်ခဲယမ်းများကို တန်းစီကာ ပေါက်ကွဲမှုကြန့်ကြာအောင် ချိန်ကိုက်ထားလိုက်သည်။ ထို့နောက် သူသည် သတ်မှတ်ထားသောနေရာသို့ရောက်ရှိရန်အတွက် နှင်းဆီစစ်သွေးကြွများ လာရမည့်လမ်းတစ်လျှောက် 'အဆိပ်မီးတောက်'နှင့် EMP စက်ကို ပြင်ဆင်ထားလိုက်သည်။

နှင်းဆီစစ်သွေးကြွများ လာမယ့်လမ်းကြောင်းကို ဟန်ရှောင်းက ဘယ်လိုခန့်မှန်းထားလဲ။

၎င်းသည် အမှတ်နှစ်ခုကြား အတိုဆုံးအကွာအဝေးကို အခြေခံထားသည်။

ရှင်းနေသည်မှာ၊ ရန်သူသည် ခန့်မှန်းထားသည့်လမ်းကြောင်းအစား ပိုရှည်သောလမ်းကြောင်းကို အသုံးပြုမည့် ဖြစ်နိုင်ခြေရှိသည်။ သို့သော်လည်း ရန်သူကို ချောင်းမြောင်းတိုက်ခိုက်ရန် နောက်ထပ်အခွင့်အရေးတစ်ခု အမြဲရှိနေသောကြောင့် စိုးရိမ်စရာ သိပ်မရှိလှပေ။

EMP စက်သည် အောက်ခြေတွင် စက်ဝိုင်းပုံသဏ္ဍာန်ရှိ ကိရိယာတစ်ခုဖြစ်သည်။ ဟန်ရှောင်းသည် သယ်ဆောင်ရလွယ်ကူသောဗားရှင်းအဖြစ် တစ်မီတာမျှသာ မြင့်သောစက်ကို ဖန်တီးခဲ့သည်။ ထိုစက်သည် မီတာ 300 အချင်းဝက်အတွင်း ကြိမ်နှုန်းမြင့်လှိုင်းအချက်ပြမှုများကို ထုတ်လွှတ်နိုင်သည်။ ဆက်သွယ်ရေးကိရိယာများ၊ အဝေးထိန်းစနစ်ဖြင့် ထိန်းချုပ်ထားသော အီလက်ထရွန်းနစ်ပစ္စည်းများနှင့် ရှာဖွေရေးရေဒါများကဲ့သို့သော အခြားတိကျသော အီလက်ထရွန်းနစ်ပစ္စည်းများ၏ စွမ်းရည်များကို အနှောင့်အယှက်ပေးနိုင်သည်။ ၎င်းသည် အထူးသဖြင့် ယာဉ်များကို ထိရောက်စွာ နှိမ်နင်းနိုင်ပြီး ၎င်းတို့၏ ဆက်သွယ်ရေး၊ အချက်ပြ ကိရိယာများ၊ ထိန်းချုပ်ကိရိယာများနှင့် ၎င်းတို့၏ လှုပ်ရှားမှုများကိုပင် တုန့်ဆိုင်းရပ်တန့်သွားစေနိုင်သည်။

ဟန်ရှောင်းသည် နှင်းဆီစစ်သွေးကြွများ အသုံးပြုသည့်ယာဉ်များတွင် EMP ဆန့်ကျင်ရေးစက်များ တပ်ဆင်ထားရန် မမျှော်လင့်ထားသော်လည်း၊ အောင်မြင်နိုင်ခြေများစေရန် စက်များကို အမြင့်မားဆုံး ကြိမ်နှုန်းအဖြစ် ချိန်ညှိခဲ့သည်။ မော်တော်ယာဥ်တွင် EMP ဆန့်ကျင်သည့်သတ္တု မတပ်ဆင်ထားသရွေ့ ယာဉ်သည် EMP၏သက်ရောက်မှုကို အရှုံးပေးမည်ဖြစ်သည်။

ထိုနည်းလမ်း၏ အားနည်းချက်မှာ စက်၏ဘက်ထရီကို အလွန်အားကုန်စေခြင်း ဖြစ်သည်။ သို့သော် စက်သည် အဆက်မပြတ် ဝင်ရောက်စွက်ဖက်မှုကို ထုတ်လွှတ်ရန် မလိုအပ်သောကြောင့် ပြဿနာသိပ်မရှိပေ။ ထိုးဖောက်မှုတစ်ခု အောင်မြင်သရွေ့ ယာဉ်သည် ရပ်တန့်သွားမည်ဖြစ်သည်။

ထောင်ချောက်ကို တပ်ဆင်ပြီးနောက် ဟန်ရှောင်းသည် ကင်းစခန်းမှ မီတာလေးရာခန့်အကွာရှိ သဲခုံတွင် သူ့ဂျစ်ကားကို ရပ်လိုက်သည်။ ထို့နောက် သူသည် မြေပြင်ပေါ်တွင် တိတ်တဆိတ် မှောက်လျက် လှဲလျောင်းကာ စိတ်ရှည်သည့်မုဆိုးတစ်ယောက်ကဲ့သို့ သူ့မှန်ပြောင်းမှတစ်ဆင့် ကြည့်လိုက်သည်။

ညဘက်တွင် သဲကန္တာရ၏ အပူချိန် ကျဆင်းသွားပြီး၊ လေအေးများ တိုက်ခတ်လာသည်။ လေတိုက်ခတ်မှုကြောင့် သဲများကို လေထဲသို့ လွင့်ပျံနေ၏။ ဟန်ရှောင်းသည် လေကာအင်္ကျီကို ၀တ်ဆင်ထားပြီး အေးခဲနေသော အအေးဒဏ်ကို တားဆီးရန် သူ့လက်တွင် သားရေလက်အိတ်များ တပ်ဆင်ထားသောကြောင့် သူ၏ တိကျမှုမှာ မလျော့ပါးသွားပေ။

ဗုန်း!

မီးရှူးမီးပန်းများ ကောင်းကင်သို့ လွင့်ပျံသွားသည် ။ အထူးသဖြင့် ညအမှောင်တွင် မီးရှူးမီးပန်းများ လင်းထိန်နေပြီး ကီလိုမီတာ ဆယ်ဂဏန်းအကွာကနေ ရှင်းရှင်းလင်းလင်း မြင်နိုင်သည်။

...

"ပြဿနာရှိနေပြီ။"

နှင်းဆီစစ်သွေးကြွတွေရဲ့ အခြေစိုက်စခန်းမှာ ကင်းစောင့်တွေက ကောင်းကင်မှာ ကျယ်လောင်နေတဲ့ မီးရှူးမီးပန်းတွေကို မြင်ပြီး အခြေအနေကို လုအိုချင်းကို ချက်ချင်း သတင်းပို့လိုက်ကြသည်။။

“ဒေါ်ရသီ၊ မင်းရဲ့တပ်တွေကို ယူပြီး အခြေအနေတွေကို စစ်ဆေးကြည့်ပါ။ အနီးနားရှိ အခြားပြည်သူ့စစ်များကို သတိထားပါ၊ ရန်သူများ ထိတွေ့ဆက်ဆံပါက ချက်ခြင်း စစ်ကူတောင်းပါ” လုအိုချင်းက အလျင်အမြန် အမိန့်ပေးသည်။

ဒေါ်ရသီက ခေါင်းညိတ်သည်။ သူမသည် တပ်ဖွဲ့ဝင်နှစ်ဆယ်ကို ရွေးချယ်ခဲ့သည်။ ကျည်ကပ်များနှင့် လက်ပစ်ဗုံးများ အများအပြား တပ်ဆင်ပြီးနောက် သူတို့သည် ကန္တာရဂျစ်ကားလေးစီးဖြင့် ထွက်လာကြသည်။

ကူတိုနီယန် အခြေစိုက်စခန်းတွင် ခေါင်းဆောင်ဖြစ်သည့် ကူတုန်သည် မီးရှူးမီးပန်းများကို မြင်ပြီး “မင်းရဲ့တပ်တွေကို ခေါ်လာပြီး အခြေအနေကို စစ်ဆေးကြည့်။ တိုက်ပွဲတစ်ခု ဖြစ်လာနိုင်ဖွယ်ရှိတယ်။”

လက်နက်ကိုင်ဂျစ်ကားနှစ်စီးသည် ကူတိုနီယန် အခြေစိုက်စခန်းမှ ကန္တာရထဲသို့ မောင်းထွက်လာခဲ့သည်။

အလားတူ အခြေအနေများသည် အခြားသော စစ်သွေးကြွ စခန်းအချို့တွင်လည်း ပေါ်ပေါက်ခဲ့သည်။

...

နှင်းဆီစစ်သွေးကြွ၏ ဂျစ်ကားများသည် သဲကန္တာရကို ဖြတ်ကျော်ကာ အရှိန်ပြင်းစွာ မောင်းနှင်လာကြသည်။ လည်ပတ်နေသောတာယာများသည် သဲများကို လေထဲသို့ လွင့်ပျံစေပြီး ဖုန်မှုန့်များသည် ရှည်လျားသော 'နဂါး'တစ်ကောင်ကဲ့သို့ ယာဉ်နောက်သို့ လိုက်လာသည်။

"ဒေါ်ရသီ၊ ဒါက Felonia ရဲ့အသွင်အပြင်လား။" အမျိုးသမီးတပ်သားတစ်ယောက်က ဒေါ်ရသီကို မေး၏။

ဒေါ်ရသီသည် ရက်စက်သော သွင်ပြင်ရှိသည်။ သူမ နှုတ်ခမ်းကို ညှစ်လိုက်သောအခါတွင် သူမသည် လမ်းတွင် မည်သည့်အရာကိုမဆို ကိုက်စားနေသော အနက်ရောင်ကျားတစ်ကောင်နှင့် တူသည်။ သူမက အေးစက်စွာ ပြန်ဖြေသည်။ "Felonia ကို ဒီလောက် လွယ်လွယ်နဲ့ ရှာတွေ့နိုင်ရင် ငါ ဒီမှာ နှစ်နှစ်လောက် အလဟဿ ဖြစ်မှာ မဟုတ်ဘူး။ ဒါက အခြားသူများ ဖန်တီးထားတဲ့ မီးခိုးအကာအကွယ်အချို့ ဖြစ်နိုင်သည်။ အားလုံးသတိရှိကြပါ။ ဒါက ကူတိုနီယန်တွေ ဆင်ထားတဲ့ နောက်ထပ်ထောင်ချောက်တစ်ခု ဖြစ်နိုင်တယ်။”

ဟမ်--

ဒေါ်ရသီ၏ စကားပြီးဆုံးသည်နှင့် တပြိုင်နက် လေထဲတွင် ကြောက်စရာကောင်းသော လျှပ်စစ်အသံကို ကြားရသည်။ ဒေါ်ရသီနှင့် အခြားတပ်သားငါးဦးတို့သည် မဝေးသောတစ်နေရာမှ ထွက်ပေါ်လာသော အထူးလှိုင်းတစ်ခုရှိနေကြောင်း သတိပြုမိနိုင်သည်။

တစ်ချိန်တည်းမှာပင် ကားပေါ်ရှိ ဒိုင်ခွက်များအားလုံး အက်ကွဲသွားပြီး ဂျစ်ကားလေးစီးသည် ချက်ချင်းပင် ထိန်းမနိုင်သိမ်းမရဖြစ်ကာ အရက်မူးသမားများကဲ့သို့ အချင်းချင်း တိုက်မိသွားသည်။ ယာဉ်မောင်းများက ဘယ်လိုပဲလုပ်လုပ် ဂျစ်ကားတွေကို ထိန်းချုပ်နိုင်စွမ်း မရှိတော့ပေ။

"ရန်သူတွေ ချောင်းမြောင်းတိုက်ခိုက်နေပြီ" ဒေါ်ရသီက ထိတ်လန့်သွားပြီး ပတ်ဝန်းကျင်ကို သတိနဲ့ အကဲခတ်နေတော့သည်။

ကားတွေရပ်သွားတာရဲ့ အကြောင်းရင်းက ဘာလဲ။ EMP ဖြစ်မလား။

တပ်ဖွဲ့ဝင်များသည် လှည့်ပတ်ရှာဖွေခဲ့ရာ အမှောင်ထုထဲတွင် အဝါရောင်သဲများကိုသာ မြင်တွေ့ခဲ့ရသည်။ ဘာမှ ထူးဆန်းတာ မတွေ့ရပေ။

သဲကန္တာရသည် ကျယ်ဝန်းပြီး နဂါးငွေ့တန်း၏ ကြယ်များကို ညကောင်းကင်၌လည်း မြင်တွေ့နိုင်သည်။ ည၏ အေးစက်သောလေပြင်းသံက မြည်ဟီးလာသည်။

တပ်ဖွဲ့ဝင်များသည် ၎င်းတို့၏လက်များပေါ်တွင် ကြက်သီးထနေသည်ကို ခံစားနိုင်သည်။ ကြီးမားသောလက်ဖြင့် ညှစ်ခံထားရသကဲ့သို့ အသက်ရှုမဝသလို ဖြစ်နေသည်။

ဗုန်း!

နှင်းဆီစစ်သွေးကြွတစ်ဦးသည် ကြီးမားသော လှိုင်းတစ်ခုကြောင့် လေထဲသို့ လွင့်ပျံသွားပြီး သဲပြင်ပေါ်သို့ ပြင်းထန်စွာ ပြုတ်ကျလာသည်။ သူမ အသက်မရှုတော့ဘဲ သူမ၏ ခန္ဓာကိုယ်တွင် သွေးထွက်နေသော အပေါက်တစ်ခု ရှိနေသည်။

“စနိုက်ပါသမားရှိတယ်။ ကားနောက်ကွယ်မှာ ပုန်း!” ဒေါ်ရသီက ထိတ်လန့်ပြီး ဒေါသထွက်သွားတယ်။ ချက်ခြင်းပင် သူမသည် ၎င်း၏ အသင်းဖော်များကို ကားနောက်သို့ ရွှေ့ကာ အချက်ပြမီးတောက်ကို လေထဲသို့ ပစ်လွှတ်ခြင်းဖြင့် စစ်ကူများ တောင်းခံခဲ့သည်။

နှင်းဆီစစ်သွေးကြွအဖွဲ့သည် အနည်းငယ် လုံခြုံသွားသလို ခံစားလိုက်ရသည်။ သူတို့၏ အခြေစိုက်စခန်းသည် လက်ရှိ နေရာနှင့် အတော်လေး နီးကပ်နေသောကြောင့် ဆယ့်ငါးမိနစ်အတွင်းမှာ သူတို့ရဲ့ စစ်ကူတွေ ရောက်လာလိမ့်မည်။

သဲပြင်ပေါ်တွင် မှောက်လျက်လှဲလျောင်းနေသော ဟန်ရှောင်းသည် အချက်ပြမီးတောက်ကိုမြင်ပြီး သူ့ကိုယ်သူ ရေရွတ်လိုက်သည်။ "တိမ်ထဲက ဤမြှားသည် ရန်သူထောင်ပေါင်းများစွာကို သယ်ဆောင်လာလိမ့်မည်"

ထို့နောက် သူသည် အလွန်မီးလောင်လွယ်သော ကျည်ဆံများထည့်ထားသည့် ကျည်ကပ်ကို ပြောင်းကာ အဆိပ်မီးတောက်မိုင်းများ တန်းစီထားသော ထောင်ချောက်ကို ပစ်လွှတ်လိုက်သည်။ ကျည်ဆန်ကျရောက်သည့်အချိန်တွင် မီးစတင်လောင်ကျွမ်းခဲ့ပြီး အဆိပ်မီးတောက်မိုင်းများကို လောင်ကျွမ်းစေခဲ့သည်။

ဗုန်း

အလွန်ကျယ်လောင်သော အသံတစ်ခုထွက်လာပြီးနောက်၊ မီးပင်လယ်တစ်ခု ထွက်ပေါ်လာသည်။ အခြားမိုင်းများကို မီးလောင်စေကာ ဆက်တိုက် ပေါက်ကွဲမှုများ ဖြစ်ပေါ်လာသည်။

ရက်စက်လှသော မီးတောက်သည် ဂျစ်ကားလေးစီးကို ဝါးမျိုချလိုက်ပြီး အဆိပ်ဓာတ်ငွေ့များ နေရာအနှံ့ ထွက်လာသည်။ အဆိပ်နှင့် မီးလောင်မှုကြောင့် ဖြစ်ပေါ်လာသော ရန်သူများ၏ ထိခိုက်ပျက်စီးမှုသည် ဂိမ်းမျက်နှာပြင်ပေါ်တွင် ပေါ်လာသည်။

အဆိပ်ပြင်းကျည်ဆန်ဖြစ်သည့် [ဟိမ်းကျည်ဆန်] ၏ နောက်ကွယ်မှသီအိုရီကို [အဆိပ်မီးတောက်မိုင်း] တွင် အသုံးချသောအခါ ပျက်စီးမှု၏ အကျိုးသက်ရောက်မှုသည် ပိုမိုကြီးမားလာသည်။

ချောင်းဆိုးသံများကို နေရာတိုင်းတွင် ကြားနေရသည်။ ဒေါ်ရသီသည် မအီမသာ ခံစားရပြီး သူမ၏ အသင်းဖော်များက ပို၍ ခံစားရသည်။ သူတို့ခေါင်းတွေ ချာချာလည်နေပြီး ထိန်းမနိုင်သိမ်းမရ အန်နေကြတယ်။

သူတို့အားလုံး သူတို့ရဲ့ လက်ရှိအနေအထားမှာ ဆက်ရှိနေရင် မီးတောက် ဒါမှမဟုတ် အဆိပ်ငွေ့တွေကြောင့် သေဆုံးကြရမှာ ဖြစ်သည်။

ကောက်ကျစ်တဲ့ကောင်ပဲ! ဒေါ်ရသီသည် သူမ၏ ရင်ဘတ်ရှိ ပျို့

အန်သော ခံစားချက်ကို ကျော်လွှားရန် ကြိုးစားလိုက်ပြီး “စနိုက်ပါသမားဆီ ချီတက်ပြီး သတ်လိုက်။ ဒါ ငါတို့ ရှင်သန်နိုင်တဲ့ တစ်ခုတည်းသော နည်းလမ်းပဲ!”

အခန်း (၉၃) ပြီး၏။

လင်းဆက်

+++++