သွေးရည်ကြည်

အခန်း (၁၀၂) သွေးရည်ကြည်

သံလိုက်ချပ်ဝတ်တန်ဆာကို အသက်သွင်းရန် အသင့်ဖြစ်နေ၏။ ဟန်ရှောင်းအတွက် တိုက်ခိုက်မလား သို့မဟုတ် ထွက်ပြေးမလား၊ တစ်ခုခု လုပ်ရတော့မည်။

သို့သော်၊ မွန်းစတားသည် တံခါးဆီသို့ ငေးကြည့်နေရုံသာ။ မွန်းစတားက ဟန်ရှောင်းရှိနေတာကို သတိမထားမိသလိုပင်။ မလှုပ်မယှက် ရပ်နေ၏။

ညဘက်မျက်စိကွယ်ခြင်းလား?

ဟန်ရှောင်းသည် သူ့နှလုံးသားထဲတွင် ကြည်နူးမှုတစ်ခု ခံစားလိုက်ရသည်။ ကံကောင်းစွာပဲ၊ သူသည် ဓါတ်မီးကို မဖွင့်ထားခဲ့ပေ။ မဟုတ်ပါက သူ့ရှေ့က ခရီးသွားများ၏ ကံကြမ္မာအတိုင်း ခံစားရပေလိမ့်မည်။

အရပ် ၃ မီတာ မြင့်သော မွန်းစတားကြီးသည် လူပုံသဏ္ဍာန်ရှိပြီး သူ့ခန္ဓာကိုယ်ပေါ်တွင် ကြွက်သားအလွှာများကို မြင်တွေ့နိုင်သည်။ ကြွက်သားများသည် တောင်ကုန်းလေးများကဲ့သို့ စုပုံနေသည်။ သို့သော် ကြွက်သားများနှင့် ခန္ဓာကိုယ်သည် ကြည့်ကောင်းသည့်ပုံမပေါ်ပေ။ အဲဒီအစား၊ ရှည်လျား‌သော ကြွက်သားများက လူတွေကို စိတ်ကုန်စေ၏။ ကြွက်သားများသည် ပုပ်ပွ‌၍လည်းနေ၏။ အချို့သောနေရာများတွင် အပေါက်များပင်ရှိ၍ ပုပ်နေသောအသားတစ်ဝိုက်တွင် ပိုးကောင်များ တွားသွားသည်ကို မြင်တွေ့နိုင်သည်။

၎င်း၏ ကြီးမားသောခန္ဓာကိုယ်နှင့် နှိုင်းယှဉ်ပါက၊ သတ္တဝါ၏ ဦးခေါင်းနှင့် လည်ပင်းသည် အလွန်သေးငယ်သည်။ မွန်းစတား၏အရေပြားကို ကြွက်သားများဖြင့် တင်းကျပ်စွာ ဆန့်ထုတ်ထားသည်။ သတ္တဝါ၏ မျက်နှာမှာလည်း အချိုးမကျသလို ဖြစ်နေသည်။ သူ့မျက်နှာကို ကြည့်လိုက်တော့ Deformed Devil နှင့် Sun Knight တို့လို ပုံမှန်မဟုတ်သော သတ္တဝါများကို အလိုအလျောက် တွေးတောမိလိမ့်မည်။

ဟန်ရှောင်းသည် အခန်း၏ အပြင်အဆင်ကို လေ့လာလိုက်သည်။ စမ်းသပ်မှုတွင် အသုံးပြုရန် ဖြစ်နိုင်သော ဆေးဘက်ဆိုင်ရာ ပစ္စည်းအမြောက်အမြားနှင့် စမ်းသပ်ခန်းလေးခုရှိသည်။ စမ်းသပ်ခန်းနှစ်ခုကိုမှာ ပျက်စီးနေ၏။ တစ်ခုက ပိတ်ထားသည်။ အသုံးပြုနိုင်သော စမ်းသပ်ခန်း တစ်ခုသာ ရှိသည်။

စမ်းသပ်ခန်းများပေါ်တွင် အရည်ပို့ပြွန်များရှိသည်။ ၎င်းတို့ကို နီယွန်ကဲ့သို့အရည် အစွန်းအထင်းများသာ ကျန်ရှိတော့သော ဖောက်ထွင်းမြင်ရသော ပုံးတစ်ခုနှင့် တွဲထားသည်။

ဟန်ရှောင်းသည် နောက်သို့ ဂရုတစိုက် ရွှေ့လိုက်သည်။ မွန်းစတားမလှုပ်သေးသည်ကို သူသိလိုက်သောအခါ သက်ပြင်းတစ်ချက်ချလိုက်သည်။ သူသည် စင်္ကြံလမ်းအတိုင်း လျှောက်လာကာ ဒုတိယနှင့် တတိယ သတ္တုတံခါးများဆီသို့ လျင်မြန်စွာ ရောက်ရှိသွားသည်။ သံချေးတက်နေသော တံခါးများကို အခြားသတ္တုအတားအဆီးများဖြင့် တင်းတင်းကြပ်ကြပ် သော့ပိတ်ထားသည်။ ကတ်ဖတ်စက်သည် သံချေးတက်နေသဖြင့် အသုံးပြု၍မရတော့ပါ။

ဟန်ရှောင်းသည် ထိုအရာကြောင့် လက်မလျှော့ခဲ့ပေ။ ကတ်ဖတ်စက်ကို ခွဲထုတ်ပြီး မော်ဒယ်ကို စစ်ဆေးကြည့်၏။

ဟမ်... ငါလဲ မသိဘူး...

ဒါက အရေးမကြီးပါဘူး။

ဤနေရာသည် လွန်ခဲ့သော ဆယ်စုနှစ်များစွာက လျှို့ဝှက်စစ်ရေးစခန်းတစ်ခုဖြစ်သည်။ သို့သော်လည်း စက်ရုံသည် လွန်ခဲ့သော နှစ်အနည်းငယ်က စွန့်ပစ်ခံခဲ့ရပြီး ၎င်းသည် ဇီဝဓာတုစမ်းသပ်မှုများအတွက် အသုံးပြုသည့် နေရာတစ်ခု ဖြစ်နိုင်သည်။ စမ်းသပ်မှုတွေ မအောင်မြင်နိုင်ခဲ့ဘူးလား… ဒါမှမဟုတ် အောင်မြင်ခဲ့တာလား။ ကြွက်သားထုကြီးတွေနဲ့ သတ္တဝါက တကယ်ကို သာမန်ဇီဝသက်ရှိများနှင့် မတူဘူး။ နေစမ်းပါဦး၊ စင်္ကြံလမ်းက ဒီလောက်မရှည်နိုင်ဘူးလေ။ ဒီစခန်းက ဘယ်လောက်တော်င်ကြီးတာလဲ။

မှောင်မဲနေသော စင်္ကြံလမ်းတစ်လျှောက်လုံး တိတ်ဆိတ်နေသည်။ စင်္ကြံလမ်းထဲကို ပိုနက်နက် လျှောက်လာလေလေ ပို၍မှောင်လေလေပါပဲ။ ညကြည့်မျက်မှန်သည်ပင်လျှင် အချင်းငါးမီတာသာ မြင်နိုင်စွမ်း ရှိတော့သည်။ ထိုအပြင် ပတ်ဝန်းကျင်က ဟန်ရှောင်းအတွက် လျှို့ဝှက်ဆန်းကြယ်နေခဲ့သည်။ ကံကောင်းထောက်မစွာဖြင့်၊ ဟန်ရှောင်းသည် အမှောင်ထုကို ကြောက်လန့်သည့်ရောဂါ မရှိသည့်အတွက် ကံကောင်းသည်။

ဟန်ရှောင်းက ဓားအစွန်းမှာ လမ်းလျှောက်နေသလို ခံစားရတယ်။ အန္တရာယ်ကျရောက်တော့မည့်ပုံပေါက်သည်။ ဟန်ရှောင်းသည် ငကြောက်မဟုတ်သော်လည်း သူ့ခန္ဓာကိုယ်နေရာအနှံ့မှ အေးစက်သော ချွေးများ ထွက်လာသည်ကို ခံစားနေရသည်။ ဒါက မသိနိုင်သော အန္တရာယ်နှင့် ရင်ဆိုင်ရတော့မည့် သက်ရှိသတ္တဝါများ၏ မွေးရာပါ တုံ့ပြန်မှုဖြစ်သည်။ စိတ်ဖိစီးနေတဲ့အခိုက်အတန့်တွေမှာ စိတ်ရှုပ်လွန်းတာက ကောင်းမွန်တဲ့ ဆုံးဖြတ်ချက်တွေကို မြန်မြန်ချနိုင်ဖို့ အနှောင့်အယှက်ဖြစ်စေတယ်ဆိုတာ ဟန်ရှောင်းသိသည်။ စိတ်ဖိစီးမှုကို လျှော့ချထားဖို့အတွက် ဟန်ရှောင်းသည် သီချင်းတစ်ပုဒ်ကို တီးတိုးညည်းနေ၏။

“ကောင်းကင်ကြီးပြိုကျရင်တောင် တည်ငြိမ်နေပါ။ လေညင်းသည် အလွန်သာယာသည်။ လှိုင်းတွေက လှိုင်းထနေတာမဟုတ်ဘူး။ တောင်အမြင့်က အရေးမကြီးဘူး။ နတ်သမီးတစ်ယောက်ရှိမယ်။ မြင်းတစ်ကောင်က အသက်ကြီးပေမယ့် ရည်မှန်းချက်ကြီးတုန်းပဲ…”

တကယ်တော့ ဟန်ရှောင်းက သူဘာတွေ ရွတ်နေမှန်းပင် မသိပေ။ သို့သော် သူရွတ်ဆိုပြီးနောက်တွင် အလွန်စိတ်မပူတော့ပေ။

လမ်းတစ်လျှောက်တွင် တံခါးဆယ်ပေါက်ကျော်ကို သူတွေ့လိုက်သော်လည်း သားရဲအိမ်ရှိရာ အခန်းဆီသို့ တံခါးတစ်ချပ်သာ ဖွင့်ထားသည်။ ကျန်တဲ့ တံခါးတွေကိုတော့ တင်းတင်းကြပ်ကြပ် ပိတ်ထား၏။ နောက်ဆုံးတွင် သူသည် စင်္ကြံ၏အဆုံးသို့ရောက်ပြီး ပိုကြီးသောတံခါးကြီးသည် သူ့မျက်စိရှေ့တွင် ရှိနေသည်။ အဲဒါက ပင်မအခန်းဖြစ်နိုင်တယ်။ သတ္တုအတားအဆီးသည် အကွာအဝေး၏ သုံးပုံတစ်ပုံဖြင့် နိမ့်သွားပြီး အခန်းထဲသို့ ဝင်နိုင်ခဲ့သည်။

အဲဒါက ဝင်လို့ရတဲ့ ဒုတိယခန်းပဲ။ Instance Dungeon ရဲ့ နောက်ကွယ်က ယုတ္တိ‌ဗေဒကို အခြေခံပြီး အဲဒီမှာ အသုံးဝင်တဲ့ အချက်အလက်တချို့ ရှိကောင်းရှိနိုင်ပါတယ်။

အခန်းသည် အလွန်ကြီးမားသော ဓာတ်ခွဲခန်းဖြစ်ပုံရသည်။ နေရာတိုင်းတွင် သံချေးတက်နေသော စက်များ ရှိပြီး စမ်းသပ်မှုပြုလုပ်‌သော အိုးများသည် အခန်း၏ အလယ်တွင် ရှိနေ၏။

အန္တရာယ်မရှိဘူးလို့ထင်ရတယ်။

အခန်းတွင်းရှိ ဖုန်မှုန့်များက သူ့အား အသက်ရှုကြပ်စေပြီး၊ အနံ့အသက်ဆိုးများက သူ့နှာခေါင်းကို ပြည့်နေသည်။ စားပွဲပေါ်တွင် ရှုံ့တွနေသော အလောင်းတစ်လောင်းရှိသည်။ ခန္ဓာကိုယ်ပေါ်တွင် စုတ်ပြဲနေသော အထည်အပိုင်းအစများရှိနေပြီး အထည်အပိုင်းအစများသည် အဖြူရောင်ဓာတ်ခွဲခန်းအင်္ကျီဖြစ်ကြောင်း ဟန်ရှောင်းက ပြောနိုင်သည်။

ဟန်ရှောင်းသည် အလောင်းနားက စားပွဲမှာ စာအုပ်တစ်အုပ်ကို တွေ့လိုက်သည်။ စာအုပ်အဖုံးမှ ဖုန်မှုန့်များကို သုတ်လိုက်ပြီး အသုံးဝင်သော အချက်အလက်အချို့ကို ရှာဖွေဖော်ထုတ်ရန် ကြိုးစားနေ၏။ အနီးကပ်ကြည့်ပြီးနောက်၊ ဒိုင်ယာရီတစ်ခုဖြစ်ကြောင်း သိလိုက်ရသည်။

“ဇူလိုင် ၂၀။ ပါမောက္ခက လူသားတွေကို စမ်းသပ်မှုတွေ လုပ်ခိုင်းဖို့ တိုက်တွန်းသည်။ အထက်လူကြီးများက ပါမောက္ခ၏ တောင်းဆိုမှုကို အတည်ပြုခဲ့သည်။ ဒါက ရူးနေတာပဲ။ သူတို့အားလုံး စမ်းသပ်မှု 000 ကို မေ့နေကြပြီလား။ စမ်းသပ်ချက်အတွက် ဓာတ်ခွဲခန်းအစီရင်ခံစာသည် စုတ်ပြဲနေပြီး ပျောက်ဆုံးနေသည်။"

“ဇူလိုင် ၂၆။ အခြေစိုက်စခန်းမှ စည်းမျဉ်းအသစ်များ ထုတ်ပြန်ခဲ့သည်။ သုတေသီအားလုံးသည် ၎င်းတို့၏ အီလက်ထရွန်နစ် ကိရိယာများကို လွှဲအပ်ရမည်ဖြစ်သည်။ မည်သည့်ပြင်ပကွန်ရက်များသို့ ချိတ်ဆက်ခွင့်မပြုပါ။ ငါတို့ ရှုံးတော့မှာလား။"

“သြဂုတ် ၅။ ဤသည်မှာ စမ်းသပ်မှု 008 ၏ ၇ ရက်မြောက်နေ့ဖြစ်သည်။ စမ်းသပ်ခံလူသားသည် တည်ငြိမ်သောအခြေအနေတွင်ရှိသည်။ စမ်းသပ်ခံတွင် အထူးပြောင်းလဲမှုမရှိပါ။ ပါမောက္ခကြီးက စိတ်ပျက်သွားတယ်။”

“သြဂုတ်လ ၁၁ ရက်။ အထက်အရာရှိတွေက ငါတို့ပြန်ဆုတ်ဖို့ အမိန့်ထုတ်တယ်။ တိုက်ပွဲက ကျွန်တော်တို့ ဘက် က အဆင်မပြေတော့ အရင်းအမြစ်တွေ ကျန်နေသေးတာကို ထိန်းသိမ်း ရမယ်။ လူတိုင်းက ကြောက်လန့်နေကြပြီ။ ထုံးစံအတိုင်း၊ ပါမောက္ခကြီးက ငါတို့ရှုံးသွားပြီဆိုတဲ့ အဖြစ်မှန်ကို ရင်ဆိုင်ဖို့ ဆန္ဒမရှိဘူး။ ဒီရလဒ်အတွက် ကျွန်တော် စိတ်ပိုင်းဆိုင်ရာ ပြင်ဆင်ထားပါတယ်။ အခြေစိုက်စခန်းကို အကာအကွယ်ပေးတဲ့ အစောင့်တွေက ပြီးခဲ့တဲ့ လအနည်းငယ်အတွင်း လျော့ပါးလာကြောင်း သတိပြုမိပါတယ်။ ဒါက အများစုမှာ စစ်ကူအဖြစ် ရှေ့တန်းသို့ တပ်ဖြန့်ထားခြင်းကြောင့် ဖြစ်နိုင်သည်။ ငါက စစ်ဆရာဝန်အဖြစ် ရာထူးမှ မယူခဲ့ဘူးဆိုရင် ဒီစိတ်ပျက်စရာကောင်းတဲ့ စက်ရုံမှာ ငါ ပိတ်မိနေမှာ မဟုတ်ဘူး။ ဒီမှာ အားလုံးက စိတ်အားငယ်နေပုံရတယ်။ ဘာတစ်ခုမှ အသက်ဝင်‌နေတာမရှိဘူး! ငါဒီနေရာကို မုန်းတယ်!”

“သြဂုတ် ၁၄။ မနက်ဖြန် ငါတို့ ပြန်ဆုတ်သွားမယ်။ ကျွန်‌တော်တို့ စခန်း 03 မှာ ခိုလှုံဖို့ သွားနေပါတယ်။ အချိန်သိပ်မရှိပါဘူး။ ကျွန်ုပ်တို့သည် Felonia သွေးရည်ကြည်နဲ့ ပတ်သက်သည့် အချက်အလက်အားလုံးကို အရန်သိမ်းထားသည်။ အစောင့်တွေက အရမ်းကြမ်းတယ်။ စက်ရုံတစ်ခုလုံးကို ဖောက်ခွဲပစ်ချင်ကြတယ်။ ပရော်ဖက်ဆာက သူနဲ့အတူ သွေးရည်ကြည်တချို့ ယူသွားတယ်။ ကျန်တဲ့ သွေးရည်ကြည်တွေ အကုန်လုံး ဖျက်စီးထားခဲ့တယ်။”

ဒိုင်ယာရီထဲက စာသားတွေက အဲဒီမှာ ရပ်သွားတယ်။ ဟန်ရှောင်းသည် ရှေ့ဘက်သို့ ပြန်လှန်၍ ရှာသော်လည်း နောက်ထပ် တန်ဖိုးရှိသော အချက်အလက်ကို ရှာမတွေ့ခဲ့ပေ။ ဒိုင်ယာရီမှ စာမျက်နှာများစွာမှာ စုတ်ဖြဲခံထားရ၏။

အနီးနားရှိ အလောင်းများသည် စက်ရုံရှိလူများ မလွတ်မြောက်နိုင်ကြောင်း အထင်အရှား ပြနေသည်။ ဩဂုတ်လ ၁၄ ရက်မှ သြဂုတ် ၁၅ ရက်ကြားတွင် မတော်တဆမှုတစ်ခု ဖြစ်ပွားခဲ့ပြီး အဆောက်အအုံအတွင်းရှိ သုတေသီများနှင့် အစောင့်များ သေဆုံးခဲ့ရခြင်းဖြစ်မည်။ ထို့အပြင် အများစုမှာ မြေအောက်ခန်းထဲတွင် သေဆုံးခဲ့ကြသည်။ ထို့ကြောင့် ဟန်ရှောင်းမြင်ခဲ့ရတဲ့ မြေအောက်ခန်းထဲတွင် မရေမတွက်နိုင်တဲ့ လူသေကောင်ကို စားတဲ့ သန်ကောင်တွေဖြစ်သော မျက်လုံးနီငရဲပိုးကောင်တွေ ရှိနေခြင်းဖြစ်သည်။

Felonia သွေးရည်ကြည်ဆိုတာ ဘာလဲ။ ဟန်ရှောင်းသည် သွေးရည်ကြည်ကို စိတ်ဝင်စားသွားသည်။ သူသည် ယခင်ဓာတ်ခွဲခန်း၏ စမ်းသပ်ခန်း တွင် ခြောက်ကပ်‌နေသော အရည်ကို ရုတ်တရက် သတိရသွားသည်။ အဲဒါက သွေးရည်ကြည်အကြွင်းအကျန်ဖြစ်မယ်။ “ပါမောက္ခမှာ သွေးရည်ကြည်ရှိတယ်” လို့လည်း ဒိုင်ယာရီမှာ ရေးထားတယ်။ ပါမောက္ခ၏အလောင်းက မြေအောက်ခန်းထဲတွင် ဖြစ်နိုင်ချေများသည်။ ဟန်ရှောင်းသည် ကန့်သတ်နယ်မြေထဲသို့ ၀င်ရန် စိတ်မဝင်စားပါ။ ထို့ကြောင့် သူ့အတွက် serum ရဖို့ မဖြစ်နိုင်လောက်ပေ။

ယခုတစ်ကြိမ်တွင် စိတ်ဝင်စားဖွယ် ရှာဖွေတွေ့ရှိမှုများ ရှိမည်မဟုတ်ပေ။ ဟန်ရှောင်စိတ်ပျက်စွာ ခေါင်းခါလိုက်သည်။ ထို့နောက် မော့ကြည့်လိုက်ပြီး အသက်ပြင်းပြင်းရှူလိုက်သည်။

စားပွဲအလယ်မှာ သေတ္တာတစ်ခုကို တွေ့လိုက်၏။ သူသည် အလျင်အမြန်လျှောက်သွားပြီး သေတ္တာအဖုံးကိုဖွင့်လိုက်သည်။ သေတ္တာထဲတွင် လင်းလက်နေသော သွေးရည်ကြည် ပြွန်သုံးလုံး ပါရှိသည်။

ထိုအချိန်တွင်၊ ရှေးစကားတစ်ခုသည် သူ့စိတ်ထဲတွင် ပေါ်လာသည်— စိတ်ပျက်အားငယ်နေသည့်အချိန်၊ နောက်ဆုံးတွင် အလင်းရောင်ပေါ်လာလိမ့်မည်။ သင်ကြိုးစားရှာဖွေသောအရာသည် အမှန်တကယ်ပင် အလွယ်တကူရနိုင်သည်။ အမှန်မှာ၊ နောက်သို့လှည့်၍ အနီးကပ်ကြည့်လျှင် မျက်စိရှေ့၌သာ ရှိသည် ။

ဟန်ရှောင်းသည် စားပွဲပေါ်ရှိ အလောင်းကို ကြည့်လိုက်သည်။ သူ့နှုတ်ခမ်းကို ကိုက်ပြီး အသေကောင်က ပါမောက္ခဖြစ်နိုင်မလားဟု ကိုယ့်ဖာသာ တွေးမိသည်။

ဟန်ရှောင်းသည် သွေးရည်ကြည်သုံးလုံးကို လှမ်းယူပြီး ပြွန်အတွင်းရှိ အရည်များကို စကင်န်ဖတ်သည်။

ကမ္ဘာပေါ်မှာ ဒီလိုထူးဆန်းတဲ့အရောင်ရှိတဲ့ သွေးရည်ကြည်ကို ဘယ်မှာတွေ့နိုင်မှာလဲ။

_____________________

[Felonia သွေးရည်ကြည် (မပြီးစီးသေး)] x ၃ခု ကို သင်ရရှိခဲ့သည်။

Felonia သွေးရည်ကြည် (မပြီးစီးသေး) : ၎င်းသည် လူတစ်ဦး၏ ရုပ်ပိုင်းဆိုင်ရာ စွမ်းဆောင်ရည်ကို မြှင့်တင်ပေးသည့် ဆေးဘက်ဆိုင်ရာ စွမ်းရည်ရှိသော သွေးရည်ကြည်ဖြစ်သည်။ ဖော်မြူလာက မပြီးပြည့်စုံသေးပေ။ သွေးရည်ကြည်ကို အသုံးပြုပြီးနောက် ဗီဇပြောင်းလဲခြင်းမှာ ထူးခြားသော ဖြစ်နိုင်ခြေတစ်ခု ဖြစ်သည်။

မှတ်ချက်၊ ဒါတွေက နောက်ဆုံးကျန်တဲ့ Felonia သွေးရည်ကြည်သုံးခုပါ။

——————————————————————

ဇီဝဓာတုသွေးရည်ကြည်။ စမ်းလည်း စမ်းသပ်မထားဘူး၊ ဖော်မြူလာကလည်း သက်သေပြမထားရသေးဘူးဆို‌တော့ ဒီသွေးရည်ကြည်က အရမ်းအန္တရာယ်များတယ်။ ငါပိုင်ဆိုင်တဲ့ သွေးရည်ကြည်တွေက မပြည့်စုံတဲ့ ထုတ်ကုန်‌တွေ။ ငါ့ခန္ဓာကိုယ်ထဲကို သွေးရည်ကြည် ထိုးသွင်းလိုက်ရင် ဗီဇပြောင်းလဲမှုတွေ ဖြစ်နိုင်ချေများတယ်။ ခုနက ငါမြင်ဖူးတဲ့ ကြွက်သား‌ကြီးတွေနဲ့ အကောင်ကြီးလို ဖြစ်သွားလိမ့်မယ်...

ဟန်ရှောင်းသည် သူ၏ ကျောရိုးထဲ စိမ့်သွားသလို ခံစားလိုက်ရသည်။

ဒီနေရာမှာ အခြားဘာမှ မကျန်တော့ဘူး။ ဒီနေရာကနေ အမြန်ဆုံး ထွက်သွားတော့မယ်။ ဒီနေရာက ကျောချမ်းစရာကြီး။

ဟန်ရှောင်း လှည့်ကြည့်လိုက်သောအခါ တိတ်တိတ်ဆိတ်ဆိတ် ရပ်ပြီး ငေးကြည့်နေသောကြွက်သား‌ကြီ

းတွေနဲ့ အကောင်ကြီးနှင့် အကြည့်ချင်းဆုံသွားတော့သည်။

အခန်း (၁၀၂) ပြီး၏။

လင်းဆက်

+++++