ငါတို့ရဲ့ ရှေ့မှာ

အခန်း (၁၀၃) ငါတို့ရဲ့ ရှေ့မှာ

မွန်းစတားကြီးက တောင့်တင်းသန်မာသောလက်မောင်းကို မြှောက်လိုက်ပြီး ဟန်ရှောင်းကို ယင်ကောင်လို ရိုက်ချလိုက်တယ်။ လက်မှ ကြီးမားသော စွမ်းအားကြောင့် လေဖိအား အပြောင်းအလဲ ဖြစ်သွားပြီး ဟန်ရှောင်းမှာ အသက်ရှူကြပ်သွား၏။

ပုပ်အက်နံစော်နေသော အနံ့များ သူ့နှာခေါင်းထဲ တိုးဝင်လာပြီး ဟန်ရှောင်းသည် ဖားတစ်ပိုင်းငါးတစ်ပိုင်းလို တိုက်ခိုက်မှုကို အမြန်လျှောထွက်ပြီး ရှောင်တိမ်းလိုက်သည်။ မွန်းစတားကြီး၏ တိုက်ခိုက်မှုသည် သူနှင့် မီလီမီတာ အနည်းငယ်မျှဖြင့် လွဲချော်သွားသည်။ လေပြင်းကြောင့် သူ့ဆံပင်များ ရှုပ်ပွသွား၏။

မွန်းစတားကြီး၏ လက်ဖဝါးသည် မြေပြင်ကိုထိသွားသောအခါတွင် ကျယ်လောင်သောအသံကြီး ထွက်ပေါ်လာသည်။ ကြမ်းပြင်မှာ ချိုင့်ဝင်သွားပြီး ဖုန်မှုန့်များသည် လေထဲသို့ ပျံတက်လာသည်ကို မြင်တွေ့နိုင်သည်။ ဟန်ရှောင်းသည် ချက်ချင်းပင် အသက်အောင့်လိုက်ပြီး မျက်လုံးမှေးထားကာ သူ့ခန္ဓာကိုယ်ထဲသို့ ဖုန်မှုန့်များဝင်ရောက်ခြင်းကို တားဆီးလိုက်သည်။

သူသည် Berserk Eagles ဖြင့် ပုပ်စော်နံနေသော မွန်းစတားကြီးကို ပြင်းထန်စွာ ပစ်ခတ်တော့သည်။

_________________________________

သင်သည် စမ်းသပ်ခံ 002 သို့ ပျက်စီးမှု ၅၇ မှတ် ပေးခဲ့သည်။

သင်သည် တိုက်ခိုက်ရေးမုဒ်သို့ ဝင်သွားပါပြီ။ သင်၏ လက်ရှိအဆင့်ကို အခြေခံ၍ အောက်ပါအချက်အလက်များကို ရရှိပါသည်။

စမ်းသပ်ခံ 002

အဆင့် : ၄၂

အဓိက အမျိုးအစား - အဆင့်နိမ့်သော အသွင်ပြောင်းသက်ရှိများ (ခံနိုင်ရည်မှ သွေးအမှတ်သို့ ပြောင်းလဲခြင်းအချိုး 1:100 )

ပင်ကိုယ်အရည်အသွေးများ - ခွန်အား ၆၅၊ လက်စွမ်း ၂၀၊ ခံနိုင်ရည် ၆၀(၉၀)၊ ဉာဏ်ရည် ၁၊ လျှို့ဝှက်ဆန်းကြယ်မှု ?၊ ကျက်သရေ ?၊ ကံကောင်းခြင်း ?။

စွမ်းအင် : 0

စွမ်းအင်အဆင့် - 0

သွေးအမှတ် - ၁၈၅၄/၇၈၀၀ (အဆက်မပြတ် ယိုယွင်းနေခြင်း)

အခြေအနေ - ပြင်းထန်သော ပျက်စီးယိုယွင်းမှု - ခုခံနိုင်မှု -၂၅၊ ခံနိုင်ရည် -၃၀ - အမှတ်အားလုံးသည် ဆိုးရွားစွာ ကျဆင်းလျက်ရှိသည်။

အထူးပြုချက်များ-

- ရုပ်ပိုင်းဆိုင်ရာ တိုးတက်မှု- ခွန်အား +၅၊ ခံနိုင်ရည် +၁၀

– အလယ်အလတ်အဆင့် သွေးအမှတ် တိုးမြှင့်ခြင်း - ခံနိုင်ရည်မှ သွေးအမှတ်သို့ ပြောင်းလဲခြင်းတွင် ထပ်လောင်း တိုးတက်လာသည်။ အချိုး ၁း၃၀

– ???

ကျွမ်းကျင်မှုများ

- အသံတိတ်လှုပ်ရှားမှု အဆင့် ၁၂

- ပြင်းထန်သောရိုက်ချက် အဆင့် ၈

- ဝင်ဆောင့်ခြင်း အဆင့် ၅

– ???

————————————————————————

သာမန်ကစားသမားများအတွက်၊ ပရော်ဖက်ရှင်နယ်အဆင့်ကို အများအားဖြင့် အဆင့် ၁၀ တွင် ကန့်သတ်ထားသော်လည်း မြင့်မားသောအဆင့်များအတွက် ခွင့်ပြုထားသော ပရော်ဖက်ရှင်နယ်အချို့ရှိသည်။ အဆင့်နိမ့် အသွင်ပြောင်းသော သက်ရှိများသည် ထိုကဲ့သို့သော အထူးကိစ္စရပ်များထဲမှ တစ်ခုဖြစ်သည်။

ဟန်ရှောင်းသည် ပစ်မှတ်သို့ ၎င်း၏ ပစ္စတိုနှစ်လက်ကို အဆက်မပြတ် ပစ်ခတ်လိုက်သောအခါတွင် ကြီးမားသော ကျည်ဆန်များသည် စမ်းသပ်ခံ 002 ၏ ကိုယ်ထည်ထဲသို့ ထိမှန်သွားကာ မွန်းစတားကြီး၏ကိုယ်တွင် အပေါက်များဖြစ်လာသည်။

ပစ်ခတ်မှုတိုင်းတွင် ပေါက်ကွဲသံတစ်ခုသည် စခန်းထဲ၌ ထွက်ပေါ်လာသည်။

ဒီရုန်းရင်းဆန်ခတ်ဖြစ်တာကြီးက ငါ့အတွက် ထိန်းရခက်လွန်းတယ်။ တိုက်ပွဲကို အမြန်အဆုံးသတ်ဖို့ လိုတယ်။ ဟန်ရှောင်းသည် မပျော်မရွှင်ဖြစ်နေ၏။ ကံအားလျော်စွာ၊ စမ်းသပ်ခံ 002၏ ရုပ်ပိုင်းဆိုင်ရာသည် ဆိုးဝါးသော အခြေအနေတွင် ရှိနေသည်။ ဒီမွန်းစတားမှာသာ သွေးအမှတ်အပြည့်ရှိနေရင် လွတ်မြောက်ဖို့ ခက်ခဲလိမ့်မည်။

002 သည် နာကျင်မှုကို မခံစားနိုင်ပုံရသည်။ ဦးခေါင်းကို ငုံ့ပြီး ပစ်မှတ်ဆီသို့ တရကြမ်းတိုးဝင်လာသည်။ ဟန်ရှောင်းသည် ရေနွေးငွေ့ရထားက သူ့ကို လာတိုက်နေသလို ခံစားရသည်။

သူ့ပစ္စတိုကို အမြန်သိမ်းလိုက်ပြီး ဓားကို ထုတ်လိုက်သည်။ သူသည် မွန်းစတား၏ ဦးခေါင်းခွံကို ပြန်သိမ်းနိုင်တဲ့ဓါးဖြင့် အပြင်းအထန် ခုတ်ထစ်လိုက်သည်။ 'ဒန်' ဆိုသော အသံဖြင့် ဓားသည် ဦးခေါင်းခွံအတွင်းသို့ ပြင်းထန်စွာ ထိုးဖောက်ဝင်ရောက်သွားသည်။ မွန်းစတား၏ ဦးခေါင်းမှ အရည်များ ပန်းထွက်လာသည်။ ဟန်ရှောင်းသည်လည်း မွန်းစတား၏ ဝင်တိုက်မှုကို ခံလိုက်ရသည်။ သူ့ရှေ့မှာ လက်ကိုကာဖို့သာ အချိန်ရှိပြီး၊ ကြံ့ရိုင်းတွေနဲ့ ရင်ဆိုင်ရသလို ခံစားလိုက်ရသည်။ ဟန်ရှောင်းမှာ ဟန်ချက်မထိန်းနိုင်ဘဲ နောက်ပြန်ဆုတ်သွား၏။ နောက်ပြန်ဆုတ်သွားစဉ်တွင် သူသည် စမ်းသပ်မှုပလက်ဖောင်းနှစ်ခုကို ဝင်ဆောင့်မိပြီး တင်ပါးဆုံရိုးတွင် စူးရှသောနာကျင်မှုကို ခံစားလိုက်ရသည်။ ရင်ဘတ်မှာလည်း ပြင်းထန်သော နာကျင်ကိုက်ခဲမှုကြောင့် အသက်ရှူမဝသလို ဖြစ်နေသည်။

ဟန်ရှောင်း၏ ဒဏ်ရာအများအပြားသည် ဂိမ်းမျက်နှာပြင်ပေါ်တွင် ပေါ်လာ၏။

ဟန်ရှောင်း၏ ဓါးသည် စမ်းသပ်ခံ 002 ၏ အရိုးများနှင့် အသားများတွင် ကပ်နေသေးသည်။ ဒဏ်ရာမှ အဝါရောင် အရည်များ အဆက်မပြတ် စီးကျလာသည်။ မွန်းစတားသည် ဒေါသတကြီး အော်ဟစ်ရန် ကြိုးစားသော်လည်း ၎င်း၏ အသံအိုးများမှာလည်း ပျက်စီးနေပြီဖြစ်သောကြောင့် စူးရှရှအသံသာ ထွက်လာသည်။ လျင်မြန်စွာ ထိုးနှက်လိုက်သော မွန်းစတား၏ လက်သီးများကြောင့် ပြင်းထန်သော လေပြင်းများ ဖြစ်လာကာ ဖုန်မှုန့်များကို တထောင်းထောင်းထသွားသည်။ သို့သော်၊ မွန်းစတား၏ လက်သီးထိုးချက်များကို ဟန်ရှောင်းက အလွယ်တကူ ခွဲခြားသိမြင်နိုင်သည်။

သူခုနက တွေ့ကြုံခဲ့ရတဲ့ ဝင်ဆောင့်တိုက်မှုသည် မွန်းစတား၏ စကေးတစ်ခုဖြစ်ပြီး ထပ်ခါထပ်ခါ အသုံးမချနိုင်ပေ။ ဟန်ရှောင်းသည် ရန်သူတွင် တိကျသော အားနည်းချက်များ ရှိမရှိကိုလည်း စောင့်ကြည့်လိုသည်။ နောက်ဆုံးတွင် ကောက်ချက်ချမှုက ရှင်း၏။ မွန်းစတားသည် အမှန်တကယ်တွင် ဦးနှောက်မရှိ၍ ၎င်း၏ ဦးနှောက်ကို ဖောက်ထွင်းခံရသည့်တိုင် ခန္ဓာကိုယ်ကို လှုပ်ရှားနိုင်သေးသည်။

ဟန်ရှောင်းသည် မွန်းစတား၏ လက်သီးများကို ရှောင်လိုက်သည်။ သူသည် စမ်းသပ်ခံ 002 ၏နောက်ဘက်သို့ လျင်မြန်စွာရွှေ့ကာ အပူလှိုင်းလျှပ်စစ်လက်အိတ်များကို အသက်သွင်းလိုက်သည်။ သူသည် ရန်သူကို လက်အိတ်များကို အပြင်းအထန် ဖိလိုက်ပြီး အပြာဖျော့ဖျော့ အလင်းတန်းတစ်ခု အမှောင်ထုထဲတွင် ထုတ်လွှတ်လိုက်သည်။ လက်အိတ်များသည် လောင်မြိုက်နေပြီး မွန်းစတား၏ ပုပ်နေသောကြွက်သားတစ်သျှူးများမှတစ်ဆင့် အပူများလောင်ကျွမ်းသွားသည်။ လေထုထဲတွင် ပြင်းထန်သော တူးခြစ်နေသည့် အနံ့အသက်များ ထွက်ပေါ်လာသည်။

ဟန်ရှောင်းသည် မွန်းစတား၏ စေးကပ်နေသော အတွင်းအင်္ဂါတစ်ခုကို ဖမ်းဆုပ်နိုင်ခဲ့သည်။ သူ့လက်ဖြင့် ခက်ခက်ခဲခဲ ဆွဲထုတ်ရန် ကြိုးစားလိုက်ပြီး မီးခိုးဖြူတွေ လေထဲမှာ ထွက်လာတယ်။ စမ်းသပ်ခံ 002 သည် လက်ဝှေ့ယမ်းကာ ဟန်ရှောင်းကို အဆက်မပြတ် တိုက်ခိုက်ရန် ကြိုးစားသော်လည်း သူသည် တိုက်ခိုက်မှုများကို ရှောင်တိမ်းနိုင်ခဲ့သည်။

အပူလှိုင်းလျပ်စစ်လက်အိတ်များသည် ရန်သူကို အဆက်မပြတ် ထိခိုက်မှု မြင့်မားစေသည်။ ဆယ်စက္ကန့်မပြည့်မီအတွင်း စုစုပေါင်း သွေးအမှတ် ၈၀၀ လောက် ပျက်စီးသွားခဲ့သည်။ လက်အိတ်များမှ အပူသည် မွန်းစတား၏ ခန္ဓာကိုယ်ကို လောင်ကျွမ်းစေခဲ့သည်။

လက်အိတ်က အကြိမ်အနည်းငယ်ကြာအောင် မှိတ်တုတ်မှိတ်တုတ် လင်းလက်ပြီးနောက်၊ လက်အိတ်မှ အလင်းများ ပျောက်ကွယ်လာသည်။ စွမ်းအားထောက်ပံ့‌ပေးနေသော ဘက်ထရီကုန်သွားကြောင်း ဖော်ပြနေ၏။ လက်အိတ်များကို ပါဝါပေးသည့် ဘက်ထရီသည် လက်အိတ်များ၏ လုပ်ဆောင်ချက်များကို မိနစ်အနည်းငယ်မျှသာ ထိန်းထားနိုင်သည်။ ဟန်ရှောင်း ဤလက်အိတ်များကို မရမီက ဆုလီသည် အသုံးပြုခဲ့ပြီး၊ ယခုတော့ ဟန်ရှောင်းသည် လက်အိတ်ဘက်ထရီတွင် ကျန်ခဲ့သော နောက်ဆုံးစွမ်းအင်ကို ကုန်ဆုံးသွားစေသည်။

ဟန်ရှောင်းသည် လျင်မြန်စွာ ဆုတ်ခွာသွားပြီး သူ၏ သွက်လက်မှုနှင့် ပေါ့ပါးမှုကို အသုံးချခြင်းဖြင့် မွန်းစတား၏ တိုက်ခိုက်ခြင်းကို ရှောင်နိုင်ခဲ့သည်။ မွန်းစတားသည် ဉာဏ်ရည် သုညနီးပါးရှိသော အဆင့်နိမ့်သတ္တဝါနှင့်တူသည်။ ရုပ်ပိုင်းဆိုင်ရာ သန်မာသော်လည်း ဟန်ရှောင်း၏ လျင်မြန်မှုနှင့် ဉာဏ်ရည်ဉာဏ်သွေးသည် မယှဉ်နိုင်ပေ။ မွန်းစတား၏ ဝင်ဆောင့်မှုတွေကိုသာ ခြိမ်းခြောက်မှုရှိသည်ဟု ယူဆနိုင်သည်။

ဟန်ရှောင်းသည် မွန်းစတား၏တိုက်ခိုက်မှုများကို ရှောင်ရှားရန် ပတ်၀န်းကျင်ရှိ မြေပြင်အနေအထားနှင့် အတားအဆီးများကို ကောင်းစွာအသုံးချကာ နောက်ဆုံးတွင် သူ၏အဆုံးမရှိသော သေနတ်များဖြင့် မွန်းစတားကို အနိုင်ယူခဲ့သည်။

မွန်းစတားသည် မြေပြင်ပေါ်သို့ မပြိုကျမီ အရက်မူးနေသလိုမျိုး နေရာတွင် မတည်မငြိမ် လှည့်ပတ်သွားသည်။ မွန်းစတားသည် အသက်ရှုရပ်သွားကာ သေနတ်ဒဏ်ရာများမှ အရည်များ ထွက်ကျလာသည်။

_____________________

သင်သည် စမ်းသပ်ခံကို သတ်ဖြတ်ခဲ့ပါသည်။

အတွေ့အကြုံအမှတ် ၃၂,၀၀၀ ရရှိပါသည်။

_____________________

အဆင့် ဆယ်ဆင့်မြင့်သော ရန်သူကို သတ်ဖြတ်နိုင်သောကြောင့် အတွေ့အကြုံ ၂၈၀% ထပ်တိုးလာလိမ့်မည်။ စုစုပေါင်း အတွေ့အကြုံအမှတ် 89,600 ရရှိမည်ဖြစ်သည်။ သင်၏ ပံ့ပိုးမှုနှုန်း - ၂၃.၇%

သင်သည် နောက်ထပ် ၂၁,၂၃၅ (၂၃.၇%) အတွေ့အကြုံအမှတ်များ ရရှိပါသည်။

——————————————————————

တရှပ်ရှပ်အသံတစ်ခု ကြားလိုက်ရသည်။ အသံက ပိုကျယ်လာ၏။ အသံသည် ဧရိယာတစ်ခုလုံးကို ဝိုင်းရံထားသည်။ သတ္တုကြမ်းခင်းရှိ အက်ကွဲကြောင်းများမှ ခြေလက်များ ပေါ်ထွက်လာတော့သည်။

တစ်ခုခုမှားနေပြီဆိုတာ ဟန်ရှောင်း သဘောပေါက်သွားသည်။ သူ့အမူအရာက သိသိသာသာ ပြောင်းလဲသွားပြီး သူဝင်လာခဲ့ရာဆီ ပြေးသွားပါတော့သည်။

သတ္တုပစ္စည်းများကြားတွင် တိုက်မိသွားသလိုမျိုး အဝေးမှ ကျယ်လောင်စွာ ပေါက်ကွဲသံတစ်ခု ထွက်ပေါ်လာသည်။ သားရဲတစ်‌ကောင်၏ ဟောက်သံများလည်း ဟန်ရှောင်း၏ ဦးတည်ရာဆီသို့ လာနေသကဲ့သို့ ထွက်ပေါ်လာသည်။

လက္ခဏာအားလုံးက သူ စမ်းသပ်ခံ 002 ကို အောင်မြင်စွာ သုတ်သင်လိုက်သော်လည်း အခြားအရာတစ်ခု၏ လုပ်ဆောင်မှုကို အစပျိုးခဲ့ကြောင်း ညွှန်ပြနေသည်။

ဟန်ရှောင်းသည် စမ်းသပ်ခံ 002 ကို သတ်နိုင်ခဲ့သည်။ သို့သော် ဒိုင်ယာရီတွင် မှတ်တမ်းတင်ထားသည့်အတိုင်း၊ စမ်းသပ်မှု စီးရီး၏ နောက်ဆုံး စမ်းသပ်ခံမှာ စမ်းသပ်ခံ 008 ဖြစ်ပြီး၊ ဆိုလိုသည်မှာ စမ်းသပ်ခံ 002 ကဲ့သို့သော မွန်းစတားတစ်ချို့ ရှိနေပြီဟု ဆိုလိုသည်။ ဤမွန်းစတားများသည် ပို၍ပင် အားကောင်းနေပေလိမ့်မည် ဖြစ်ပြီး စခန်းတစ်ခုလုံးတွင် နေရာအနှံ့ လှည့်ပတ်နေနိုင်သည်။ ဟန်ရှောင်းသည် သူလိုချင်တာကို ရနေပြီးဖြစ်၍ ထွက်ပြေးဖို့ အချိန်တန်လေပြီ။

ကြောက်စရာကောင်းသော အသံမျိုးစုံကို လျစ်လျူရှုကာ ဟန်ရှောင်းသည် အလင်းအရှိန်ဖြင့် အခြေစိုက်စခန်းမှ ပြေးသွားခဲ့သည်။ သူသည် ထိုနေရာမှ ဘေးကင်းစွာ ထွက်ခွာနိုင်ခဲ့ပြီး ချောက်ကမ်းပါးပေါ်သို့ ကုတ်တွယ်တက်သွားသည်။ နေရဲ့အလင်းရောင်က သူ့ခန္ဓာကိုယ်ကို ရိုက်ခတ်သွားပြီး နောက်ဆုံးမှာတော့ သူ့အာရုံတွေကို ပြေလျော့သွား၏။ စွန့်ပစ်ထားတဲ့ အဆောက်အဦးမှာ ကြောက်စရာကောင်းလွန်းတဲ့ အငွေ့အသက်တွေ ရှိ၏။ နေရာတိုင်းတွင် အန္တရာယ်ရှိသကဲ့သို့ပင်။ သူသည် လေထဲ၌ ကြိုးတန်း လမ်းလျှောက်နေသလို ခံစားခဲ့ရသည်။

ကံကောင်းထောက်မစွာ၊ သူသည် Felonia သွေးရည်ကြည်၏ ပြွန်သုံးခုကို ရယူနိုင်ခဲ့ပြီး အဆိုပါ သွေးရည်ကြည်များ၏ တန်ဖိုးကို မမှန်းဆနိုင်ပေ။ သို့သော် သူ၏ လုယက်မှုကို စစ်ဆေးရန် အချိန်မရှိပေ။ ဆိုမာ သဲကန္တာရရှိ မတူညီသော စစ်ဘက်အုပ်စုများသည် ထိုဒေသတွင် ဖြစ်ပွားခဲ့သည့် အဖြစ်အပျက်များကို ရှာဖွေတွေ့ရှိပြီးနောက် လျင်မြန်စွာ ရောက်ရှိလာမည်ဖြစ်သည်။

ထိုအတွေးဖြင့် ဟန်ရှောင်းသည် သူ့ဂျစ်ကားဖြင့် ထွက်ခွာသွားတော့သည်။

ဟန်ရှောင်း အခင်းဖြစ်ပွားရာနေရာမှ ထွက်ခွာပြီး တစ်နာရီခန့်အကြာတွင် ယာဉ်အုပ်စုများသည် Felonia တံခါးဝသို့ ရောက်ရှိခဲ့သည်။ သူတို့အားလုံး ဂူအဝင်ဝကို အံ့အားသင့်စွာ ကြည့်နေကြသည်။ နောက်ပိုင်းတွင် သူတို့၏ ချမ်းသာသော စပွန်ဆာများကို သူတို့၏ ရှာဖွေတွေ့ရှိမှုအကြောင်း အသိပေးကြသည်။ မတူညီသော စစ်ဘက်အုပ်စုများသည် Felonia ၏ ဝှက်ထားသော ရတနာကို မျက်စိကျနေကြပြီး သူတို့၏ ပန်းတိုင်ကို ရရှိအောင် တိုက်ခိုက်ရန် ဆန္ဒရှိကြသည်။

ဤပြည်သူ့စစ်ခေါင်းဆောင်များက သူတို့၏တပ်ဖွဲ့ဝင်များကို စက်ရုံအား စူးစမ်းလေ့လာရန် အမိန့်ထုတ်လိုက်သည်။

စစ်သွေးကြွများသည် နောက်ဆုံးတွင် သူတို့၏ တိုက်ပွဲများကို ခေတ္တရပ်ထားကာ ကင်းထောက်အဖွဲ့များကို စခန်းအတွင်းသို့ စေလွှတ်လိုက်၏။ အဆောက်အဦးထဲသို့ လူအများအပြား ဝင်ရောက်လာခြင်းသည် ကြောက်မက်ဖွယ်ကောင်းမှုနှင့် ထိတ်လန့်မှု နည်းပါးသွားစေသည်။

"မြေအောက်ခန်းထဲမှာ သဲကန္တာရငရဲပိုးကောင် တွေရှိတယ်။"

“အပေါ်ကလူကို မီးတောက်သေနတ်တွေ ယူလာဖို့ ပြောလိုက်။”

မီးတောက်သေနတ်များသည် ပိုးကောင်များ လှုပ်ရှားနေသည့် မြေအောက်ခန်းထဲသို့ သတ္တုကြမ်းခင်းမှတဆင့် မီးများမှုတ်ထည့်လိုက်ကြသည်။ ပိုးကောင်များက မီးတောက်များ ဝါးမြိုခြင်းခံလိုက်ရပြီး အော်ဟစ်‌နေကြသည်။ မီးလောင်နေသော ပိုးကောင်များ၏ အနံ့နှင့် စခန်း၏ ပုပ်စအက်‌နေသော အနံ့တို့ ရောစပ်ထားသော အနံ့သည် အော်ဂလီဆန်စရာ ကောင်းလှသည်။

သဲကန္တာရငရဲပိုးကောင်များသည် အတော်ပင် တိုတောင်းပြီး ၁၀စင်တီမီတာ အောက်သာရှိသည်။ ပိုး‌တောင်မာနှင့်တူသည့် အခွံပါရှိသော ကင်းခြေများကဲ့သို့ ပုံစံရှိသည်။ ပိုးကောင်များ၏ဦးခေါင်းများတွင် အင်တာနာပါရှိပြီး ၎င်းတို့၏မျက်လုံးနီများကို မြင်နိုင်သည်။ သူတို့တွင် အရိုးတွေကို လှီးဖြတ်နိုင်တဲ့ လက်မများ ရှိပြီး သားကောင်တွေကို မျိုချဖို့လည်း အသုံးပြုနိုင်ကြသည်။

စခန်းထဲတွင် ထိုသို့သော ပိုးကောင်ရေ သောင်းနှင့်ချီရှိကာ ပိုးကောင်လှိုင်းလုံးများက လက်တုံ့ပြန်စပြုလာသည်။ ပိုးကောင်များသည် တွားသွားကာ လမ်းကြောင်းနှစ်ခုမှ စစ်သွေးကြွများကို ချဉ်းကပ်ကြသည်။ အမျိုးမျိုးသော ပြည်သူ့စစ်များသည် ဤပိုးကောင်များကို ကာကွယ်ရန်အတွက် အဖွဲ့ဖွဲ့ရန် ဆုံးဖြတ်ခဲ့ကြသည်။ သူတို့၏ မီးတောက်များနှင့် ကျည်ဆန်များကို အသုံးပြု၍ ပိုးကောင်များ၏ လှိုင်းတံပိုးများကို ပြန်တွန်းလှန်ကြသည်။

အခြေအနေ တည်ငြိမ်သွားသည်နှင့်အမျှ ပိုးကောင်များသည် ရုတ်တရက် ပြန့်ကျဲသွားပြီး ပုပ်သိုးနေသော သတ္တဝါအချို့ ထွက်လာကြသည်။ ၎င်းတို့သည် ကျည်ဆန်များ သို့မဟုတ် မီးတောက်များကို ဂရုမစိုက်ဘဲ တပ်များဖွဲ့စည်းထားသည့် နေရာကို ထိုးဖောက်ဝင်ရောက်လာသည်။

စစ်သွေးကြွများ အားလုံး အံ့ဩသွားကြသည်။

"အဲဒါဘာလဲ? သူတို့ကြည့်ရတာ အရမ်းစက်ဆုပ်စရာကောင်းတယ်!”

"ဖွဲ့စည်းမှုကို ထိန်းသိမ်းထားပါ။"

"မဟုတ်ဘူး၊ ပိုးကောင်တွေက ငါတို့နေရာကို ကျူးကျော်လာနေတယ်!"

"မွန်းစတားကို အရင်သတ်... နေဦး၊ မွန်းစတားသုံးကောင် ရှိနေပြီ!"

“ကျွန်တော်တို့ စစ်ကူလိုတယ်။ ထပ်ပြောပါတယ်၊ ငါတို့ စစ်ကူလိုတယ်!”

သေနတ်သံများ ခေတ္တမျှ ဆူညံသွားပြီးနောက် အခင်းဖြစ်ပွားရာနေရာမှာ ငြိမ်သက်သွား၏။

မီးရှို့ခံထားရသော ပိုးကောင်များနှင့် ၎င်းတို့၏ အခွံများ နေရာအနှံ့ရှိနေသည်။ မွန်းစတားများသည် ကျည်ဆန်များနှင့် မီးတောက်များကြောင့် စုတ်ပြတ်သတ်သွားခဲ့သည်။ စစ်သွေးကြွများလည်း အများအပြား ဆုံးရှုံးခဲ့ရသည်။ တစ်ခုတည်းသော နှစ်သိမ့်မှုမှာ တိုက်ပွဲတွင် အနိုင်ရခဲ့ခြင်း ဖြစ်သည်။

ကူတုန်က သေနေတဲ့ မွန်းစတားရဲ့ အလောင်းကို ကန်ထုတ်ပြီး “သူတို့က ဇီဝဓာတု စမ်းသပ်မှုရဲ့ စမ်းသပ်ခံနဲ့ တူပါတယ်” ဟု ရေရွတ်ခဲ့သည်။

တပ်ဖွဲ့များက စစ်မြေပြင်ကို စတင်ရှင်းလင်းကြသည်။ သူတို့သည် နယ်မြေစူးစမ်းလေ့လာရန် အခြေစိုက်စခန်းသို့ တက်လိုက်ဆင်းလိုက် စွန့်စားကြ၏။ သော့ခတ်ထားသော အခန်းများကို စစ်ဆေးရန် တံခါးများကို ဖောက်ခွဲခဲ့ကြသော်လည်း ကံမကောင်းစွာဖြင့် ဘာကိုမှ ရှာမတွေ့ခဲ့ပေ။ တန်ဖိုးထား သိမ်းဆည်းစရာဟူ၍ သံချေးတက်နေသော စက်ကိရိယာများနှင့် စာရွက်စာတမ်းအချို့သာ အဆောက်အအုံထဲတွင် တွေ့ရှိခဲ့သည်။

တန်ဖိုးအရှိဆုံး ရှာဖွေတွေ့ရှိမှုမှာ စမ်းသပ်ခန်းအတွင်း ခြောက်သွေ့နေသော နီယွန်ရောင် သွေးရည်ကြည်၏ နောက်ဆုံးအညစ်အကြေးများနှင့် စမ်းသပ်ခံ၏ သေဆုံးနေသော ခန္ဓာကိုယ်အစိတ်အပိုင်းများဖြစ်သည်။ ဤအရာများသည် စစ်သွေးကြွအဖွဲ့ခေါင်းဆောင်များ ရှာဖွေနေသည့် လျှို့ဝှက်ချက်ဖြစ်သည်။ သူတို့သည် သူတို့၏ ကိုယ်ပိုင်ဓာတ်ခွဲခန်းများတွင် သွေးရည်ကြည်၏ အကျိုးသက်ရောက်မှုကို စမ်းသပ်နိုင်မည်ဖြစ်သည်။ သို့သော်၊ မွန်းစတားများအဖြစ် ပြောင်းလဲသွားသည့် စမ်းသပ်ခံများကို ကြည့်ရင်း၊ သွေးရည်ကြည်မှာ မပြီးပြည့်စုံသေးဟု ထင်ရသည်။

စစ်သွေးကြွများသည် မကြာသေးမီက ဟန်ရှောင်း ရှာဖွေတွေ့ရှိခဲ့သော ဓာတ်ခွဲခန်းထဲသို့ ဝင်သွားကာ ဒဏ်ရာအသစ်များဖြင့် နောက်ထပ်သေနေသော စမ်းသပ်ခံ 002 ကို တွေ့ရှိသွားသည်။

"ငါတို့ရှေ့က တစ်ယောက်ယောက် အရင်လာသွားတယ်!"

ကူတုန်သည် သွေးရည်ကြည်ပြွန်သုံးလုံးပါသည့် ဘူးကို ကြည့်လိုက်ရာ

ဗလာဖြစ်နေသည်။ တစ်စုံတစ်ယောက်သည် ဘူးကို ဖွင့်သွားခဲ့ကြောင်း အရိပ်အယောင်များရှိသည်။

သူ့မျက်လုံးများ ချက်ချင်း လင်းလက်လာ၏။

အခန်း (၁၀၃) ပြီး၏။

လင်းဆက်

+++++