[Flaming Will]

အခန်း (၁၁၁) [Flaming Will]

ချီးမို့လို့ မင်းရဲ့ ပရိတ်သတ်လား

ဟန်ရှောင်းက ထိုသို့ ပြောလိုက်ချင်သော်လည်း၊ Bennett ကို ရန်စခြင်းက ပျော်စရာ‌ကိစ္စ မဟုတ်မှန်း ဟန်ရှောင်းယူဆထားသည်။ သူက Bennett ဆီမှ အကျိုးကျေးဇူးတစ်ချို့ ရယူချင်နေသေးသည်။

အလေးအနက်ထား၊ အလေးအနက်ထား

ဟန်ရှန်းသည် ချောင်းတစ်ချက်ဆိုးလိုက်ပြီး "မင်းရဲ့ပုံပြင်တွေကို ငါကြားခဲ့ပြီး မင်းနဲ့တွေ့ချင်ခဲ့တာ။"

Bennett က ဖော်ရွေတဲ့ အပြုံးနဲ့ သူ့လက်တွေကို ဝှေ့ယမ်းတယ်။ “အတိတ်က အကြောင်းအရာတွေကို မပြောနဲ့‌တော့။ မင်းငါ့ကို ဘာပြောချင်တာလဲ။ လက်မှတ်ထိုးခိုင်းဖို့‌တော့ မဟုတ်ဘူး မဟုတ်လား”

ဟန်ရှောင်း မျက်လုံးများ တွန့်သွားသည်။ ကောင်းပြီလေ၊ ဂုဏ်ဆာနေတာတွေ တော်လောက်ပြီ...

သူ့အသက်ရှူခြင်းကို ထိန်းညှိပြီးနောက် ဟန်ရှောင်းက တင်းမာသော အမူအရာဖြင့် “မင်းဟာ ဒီကမ္ဘာပေါ်မှာ အသန်မာဆုံးလူသားဆိုတာ ငါကြားတယ်…”

Bennett ၏ မျက်လုံးများ တောက်ပလာသည်။ သူသည် ထိုကဲ့သို့သော နိဒါန်းနှင့် ရင်းနှီးလွန်းသည်။ သူ့အား ရန်ပွဲဝင်ရန် စိန်ခေါ်လိုသော အခြားသူတစ်ဦးလည်း ဖြစ်ကောင်းဖြစ်နိုင်သည်။

စစ်ပွဲသည် မီးတောက်များနှင့် သွေးထွက်သံယိုမှုများမှ ထွက်ပေါ်လာသော စွမ်းအားရှင်များကို ဖန်တီးပေးခဲ့သည်။ Bennett သည် သူ၏ အံ့သြဖွယ် တိုက်ပွဲမှတ်တမ်းအတွက် ဂုဏ်ယူခဲ့သည်။ နှစ်များတစ်လျှောက်တွင် ခွန်အားကြီးသော ပုဂ္ဂိုလ်များစွာက သူ့ကို စိန်ခေါ်ချင်ခဲ့ကြသည်။ Bennett သည် အဓိပ္ပါယ်မဲ့ တိုက်ပွဲများနှင့် လွယ်ကူသော တိုက်ပွဲများမှ ဆက်တိုက် အောင်ပွဲများ အတွက် အလွန်ပင် ငြီးငွေ့နေခဲ့သည်။ ဤတစ်ကြိမ်တွင် သူသည် သူ့သူငယ်ချင်းဟောင်း Wang Yuan ကို ကာကွယ်ရန်သာ ပေါ်လာသည်။ သူသည် သူ၏ ရန်သူများ—အဖွဲ့အစည်း၏ သစ္စာဖောက်များ— သူ၏ရန်သူများသည် သူ့အပေါ် လက်ညိုးထိုးဝံ့မည်မဟုတ်သော်လည်း သူ့ကိုယ်သူ ဖော်ထုတ်ရန် အစီအစဉ်မရှိပေ။ အဖွဲ့အစည်း၏ သစ္စာဖောက်များသည် Wang Yuan ၏ ကာကွယ်ရေးအားနည်းသည်ဟု အတိအကျခံစားရသောကြောင့် ထောင်ချောက်ဆင်ခြင်းကို ဆက်လက်လုပ်ဆောင်နိုင်ခဲ့သည်။

Bennett ခေါင်းခါလိုက်သည်။ ဟန်ရှောင်းက သူ့ကို တကယ်တိုက်ချင်တယ်ဆိုရင်တော့ ဟန်ရှောင်းရဲ့ လက်ရှိ ခွန်အားဟာ သူ့မျက်လုံးထဲမှာ တန်ဖိုးမရှိလို့ သေချာပေါက် သဘောတူမှာ မဟုတ်ပါဘူး။

သူ့မျှော်လင့်ချက်တွေကို ဆန့်ကျင်စွာပင် ဟန်ရှောင်းက "မင်းဆီက တိုက်ခိုက်ရေးနည်းစနစ်တွေကို ငါသင်ယူချင်တယ်"

"စိတ်ဝင်စားဖို့ကောင်းတာက မင်းက ငါ့ဆီက သင်ယူချင်တဲ့ ပထမဆုံးလူပဲ။" Bennett သည် တစ်ခဏမျှ စဉ်းစားနေခဲ့ပြီး သူ့ခေါင်းကို ယမ်းလိုက်သည်။ “မင်းက စနိုက်ပါသမားပဲ။ မင်းငါ့ရဲ့ တိုက်ခိုက်ရေးနည်းဗျူဟာတွေကို သင်ယူဖို့ မဖြစ်နိုင်ဘူး။"

မျှော်လင့်ထားသည့်အတိုင်း Bennett သည် အလားတူနည်းဗျူဟာကို ထပ်မံအသုံးပြုခဲ့သည်။ တစ်စုံတစ်ဦးကို ငြင်းပယ်လိုသောအခါတွင် ၎င်းသည် Bennett ၏ ပုံမှန်အသုံးပြုနေကျစကားဖြစ်သည်။ ကြိုတင်လိုအပ်ချက်များ မပြည့်မီသရွေ့ ငြင်းဆိုရာတွင် အသုံးပြုရန် တူညီသောစကားကို အသုံးပြုလေ့ရှိသည်။ အမြဲတမ်း တူညီ‌သော စကားပင်ဖြစ်သည်။

"မင်းက ယန္တရားပညာရှင်၊ ငါ့နည်းပညာတွေကို သင်ယူဖို့ မဖြစ်နိုင်ဘူး"

"မင်းက 'တိုက်ခိုက်သူ'တစ်ယောက်မို့ လေ့လာဖို့မဖြစ်နိုင်ဘူး..."

"မင်းက စူပါလူသားပါ၊ သင်ယူဖို့ မဖြစ်နိုင်ဘူး..."

ဝါကျ၏နာမ်ကို ပြောင်းလဲရုံဖြင့်၊ ကစားသမားအများအပြား ငြင်းပယ်ခံခဲ့ရသည်။ ဟန်ရှောင်းသည် ဤသို့ တူညီသောလှည့်ကွက်အတွက် ကျဆုံးလိမ့်မည် မဟုတ်ပေ။ Bennett သည် ဗိုလ်ချုပ်ကြီးတစ်‌ယောက်၏ ကျွမ်းကျင်မှု(စကေး)ကို သင်ကြားပေးနိုင်သည့် လျှို့ဝှက်‌သောသင်တန်းဆရာတစ်ဦးဖြစ်ပြီး၊ ကစားသမားတစ်ဦးအား စကေးများကို အမှန်တကယ်သင်ပေးရန်အတွက် လက်ဆောင်များ လိုအပ်သည်။ ယခင်က Bennett ကို မျက်နှာလုပ်ရန် ရည်ရွယ်ချက်ဖြင့် လက်ဆောင်များယူလာသော ကစားသမားများ ရှိခဲ့ဖူးသည်။ Bennett အား လက်ဆောင်များ ပေးရုံဖြင့် စကေးတစ်ခု သို့မဟုတ် နှစ်ခုကို ရရှိလိမ့်မည်ဟု ၎င်းတို့ကိုယ်တိုင် မမျှော်လင့်ထားပေ။

မတူညီသော လက်ဆောင်များသည် မတူညီသော စကေးများနှင့် ဆက်စပ်နေ၏။

Rothschild မိသားစုထံမှ ဟန်ရှောင်း တောင်းဆိုထားသည့် ပစ္စည်းနှစ်ခုမှာ Bennett အား လက်ဆောင်အဖြစ် ပေးအပ်ရန် ရည်ရွယ်ထားသည်။

Bennett သူ့ကို အမှန်တကယ် မှတ်မိသွားကြောင်း သေချာစေရန် ဟန်ရှောင်းသည် Bennett နှင့် စကားပြောခဲ့သည်။

Bennett သည် သူ့ရှေ့မလှမ်းမကမ်းတွင် စောင့်နေသော Wang Yuan ကို လိုက်မှီသွားသည်။ Wang Yuan က စိတ်ဝင်တစား မေးသည်။ "သူက မင်းဆီက ဘာလိုချင်လို့လဲ"

"သူက ငါ့ကို မှတ်မိပြီး ငါ့ဆီက တိုက်ခိုက်ရေး နည်းစနစ်တချို့ကို သင်ယူချင်တယ်"

“ဘယ်လို ထူးဆန်းတဲ့ ကောင်လေးလဲ။" Wang Yuan က သူ့မုတ်ဆိတ်မွေးတွေကို ပွတ်သပ်ပြီး “သူ့မှာ ကျွမ်းကျင်မှု တစ်ခုခုတော့ ရှိတယ်။ သူက အဖွဲ့အစည်းရဲ့ သွေးပဋိညာဉ်အဖွဲ့ကို မကြာခင်ကမှ ဝင်ရောက်ထားတဲ့ လုပ်ကြံသတ်ဖြတ်သူ အသစ်ဖြစ်တယ်။ သူ့မှာ လျှို့ဝှက်ဆန်းကြယ်တဲ့ နောက်ခံရှိပြီး သူ့ကုဒ်နာမည်က 'မစ္စတာဘလက်'။ သေချာတာကတော့ ငါတို့ဘက်က ဆွဲခေါ်သင့်တဲ့ ဇာတ်ကောင်တစ်ယောက်ပဲ။ ဒီမစ်ရှင်ပြီးရင်၊ သူ့အဆင့်ကို Dark အထိ တိုးမြှင့်ဖို့ Xena ကို ခိုင်းလိုက်မယ်။

…

ကြေးစားတပ်သားများသည် စံအိမ်၏ အခန်းများကို သပ်ရပ်စွာ ပြင်ဆင်နေကြသည်။ ချန်လီက ဟန်ရှောင်းကိုရှာပြီး အခန်းသော့တစ်ချောင်းကို ပေးလိုက်သည်။

ဟန်ရှောင်းက သော့တွေကို ချက်ချင်းလက်မခံပေ။ သူက ချန်လီကို ထူးဆန်းစွာ စိုက်ကြည့်ရင်း အထစ်ထစ်အငေါ့ငေါ့ဖြင့် "ဒါ မင်းအခန်းသော့တွေလို့ ငါ့ကိုမပြောနဲ့နော်"

"... ငါ့မှာ အဲဒီလို သဘောထားမရှိဘူး" ချန်လီက သူ့နဖူးပေါ်က သွေးကြောတွေ ဖောင်းပွလာပြီး ပြောလိုက်သည်။။

"မင်းပြောနေတာ ငါက ဒီလိုမျိုးတွေ ကြိုက်သလိုပဲ။"

ချန်လီက ချောင်းတစ်ချက်ဆိုးပြီး "ဒါတွေက စံအိမ်ရဲ့ အကောင်းဆုံးအခန်းတွေရဲ့သော့တွေ၊ မင်းအတွက် ငါတစ်ခု သီးသန့်ယူထားတယ်"

ထိုအချိန်မှပင် ဟန်ရှောင်းသည် သူ့သဘောပေါက်လာသည်။ သော့တွေကို ယူလိုက်ပြီး ဘာတွေဖြစ်နေတာလဲဆိုတာ နားလည်သွားတယ်။ "အဲဒီ တစ်ယောက်ခန်းတွေက ဘယ်သူတွေအတွက်လဲ။"

"သူတို့ကို မီးတောင်၊ လရောင်၊ မုဆိုးနဲ့ ကြေးစားအဖွဲ့ အမျိုးမျိုးရဲ့ တခြားတပ်မှူးတချို့ကို ခွဲဝေချထားပေးတယ်။"

ဟန်ရှောင်း ဖော်ပြခဲ့သော အမည်များသည် စံအိမ်တစ်ဝိုက်ရှိ အစောင့်ခေါင်းဆောင်များ နှင့် သန်မာသော တိုက်ခိုက်ရေးသမားများ ဖြစ်ကြသည် ။

တစ်ယောက်ခန်းကို ခွဲဝေပေးခြင်းသည် သန်မာသူများ၏ အခွင့်ထူးဖြစ်သည်။ ကျန်သာမန်တပ်သားများနှင့် လုပ်ကြံသတ်ဖြတ်သူများသည် ပိုကြီးသောအခန်းများသို့သာ တိုးဝင်နိုင်သည် သို့မဟုတ် ပင်မခန်းမတွင်သာ အိပ်နိုင်သည်။

မနေ့ညက တိုက်ပွဲတွင် ဟန်ရှောင်းသည် အသတ်ခံလိုက်ရသော Hornet ညီအစ်ကိုတွေကို အစားထိုးခဲ့၏။ သူသည် စနိုက်ပါသမားအားလုံး၏ အမာခံဖြစ်ပြီး ကာကွယ်ရေး၏ ကျောရိုးဖြစ်သည်။ သူ၏ ပြောင်မြောက်သော စွမ်းဆောင်မှုသည် ကြေးစား ရဲဘော်များ၏ လေးစားမှုကို ရရှိခဲ့သောကြောင့် ချန်လီသည် သူ့ကိုသော့များပေးရန်လာခဲ့ခြင်း ဖြစ်သည်။ လူတစ်ယောက်သည် စွမ်းအားရှိပြီး စွမ်းဆောင်နိုင်သရွေ့ အထူးအခွင့်အရေးများ ရရှိမည်ဖြစ်သည်။

ဟန်ရှောင်းသည် ချန်လီ၏ကမ်းလှမ်းချက်ကို ဝမ်းမြောက်စွာလက်ခံခဲ့သည်။ ဟန်ရှောင်း၏အခန်းသည် ဒုတိယထပ်တွင်ရှိပြီး လသာဆောင်တစ်ခုရှိသည်။

ဒုတိယအဆင့်ရှိ စင်္ကြံသို့ရောက်သောအခါ၊ ဟန်ရှောင်သည် စွမ်းအားကြီး ပုဂ္ဂိုလ်များကို တွေ့လိုက်ရသည်။ တစ်ယောက်ကိုတစ်ယောက်ကြည့်ကာ ဖော်ရွေသောအမူအရာဖြင့် ခေါင်းညိတ်ကြသည်။ မုဆိုးသည် ဟန်ရှောင်း၏ မျက်လုံးများတွင် လေးနက်သော အထင်ကြီးမှုကို ချန်ထားခဲ့သည်။ မုဆိုးသည် ယန္တရားပညာရှင်မျိုးရိုးမှ သေနတ်ကျွမ်းကျင်သူဖြစ်သည်။ သူ၏လက်နက်များမှာ အလွန်အားကောင်းသော လက်ကိုင်အမြောက်များဖြစ်သည်။ ပစ်ခတ်သောအခါ လက်ကိုင်အမြောက်များတွင် ပြန်ကန်အားမရှိဟု ဆိုကြသည်။

Bennett က ဒီမှာရှိနေတာကြောင့် မစ်ရှင်ကိုဆောင်ရွက်ရမှာပဲ၊ Bennett နဲ့ ရင်းနှီးနိုင်ပြီး ပုန်းအောင်းနေတဲ့ ပင်မဝန်ထမ်းနဲ့ အဆက်အသွယ်ရသရွေ့တော့ Dark Web Organization ရဲ့ မျက်နှာသာရရှိလိမ့်မယ်။ သူတို့ရဲ့ ကြီးမားတဲ့ ထောက်လှမ်းရေးကွန်ရက်ကိုလည်း ဝင်ရောက်နိုင်မယ်။ ဒီတစ်ခေါက် လှုပ်ရှားမှုကနေ အကျိုးအမြတ်တွေ အရမ်းများလိမ့်မယ်။

ဂြိုလ်၏ အဓိက ဇာတ်ကောင်နှင့် ကောင်းမွန်သော ဆက်ဆံရေးရှိခြင်းသည် များစွာသော အကျိုးကျေးဇူးများ ရရှိစေနိုင်သည်။

ဟန်ရှောင်းသည် လက်ချောင်းများဖြင့် သူ၏ မေးစေ့ပေါ်ရှိ အမှိုက်ကို ခြစ်ထုတ်သည်။ သူ့မျက်လုံးများသည် ထက်မြက်သော သူခိုးကဲ့သို့ တောက်ပနေသည်။

...

နောက်နှစ်ရက်အတွင်း ရန်သူများသည် ညတိုင်းတိုက်ခိုက်ရန် မတင်းတိမ်သော အရူးဘီလူးများကဲ့သို့ ညတိုင်း စီးနင်းတိုက်ခိုက်ကြသည်။

ဟန်ရှောင်းသည် Hornet ညီအကိုများ ၏ အခန်းကဏ္ဍကို တာဝန်ယူခဲ့ပြီး တိုက်ပွဲမြေပြင်ကို ကာကွယ်ရန် တာဝန်ယူခဲ့သည်။ သူသည် အခြေအနေကို ထိန်းချုပ်ရန် သူ၏ပြင်းထန်သော ပစ်ခတ်နိုင်စွမ်းကို အသုံးပြုခဲ့သည်။ သူ၏ ကြီးမားသော တိကျမှုမှာ တစ်ချက်ဖြစ်သော်လည်း၊ ပို၍ အထင်ကြီးစရာမှာ တိုက်ပွဲများတွင် သူ၏ ထက်မြက်သော တိုက်ပွဲအမြင် ဖြစ်သည်။

ယခင်က ပစ်ခတ်အား ပမာဏနှင့် သိပ်သည်းဆ အလွန်ကြီးမားလွန်းသည့် ဂလက်ဆီ၏ ဂြိုဟ်စစ်ပွဲများတွင် တိုက်ပွဲဝင်ခဲ့ဖူးသည့် ဟန်ရှောင်းအတွက် ဤတိုက်ပွဲသည် အေးအေးလူလူ လမ်းလျှောက်နေရသလိုပင်။ တိုက်ပွဲနှစ်ခုသည် တူညီသောအဆင့်၌ပင် ရှိမနေခဲ့ဘဲ ကွာခြားချက်များမှာ အလွန်ကြီးမားလှသည်။

ဂြိုဟ်အချင်းချင်း စစ်ပွဲများ၏ ရူးသွပ်မှုနှင့် ရှုပ်ယှက်ခတ်မှုများတွင်၊ အသေးစားအမှားတစ်ခုက လေယာဉ်များ ပျက်ကျပြီး သေဆုံးမှုများအထိ ဖြစ်စေနိုင်သည်။ သေးငယ်သော အမှားတိုင်းသည် အဆမတန် ကြီးထွားလာနိုင်သည်။ ထို့ကြောင့် ဟန်ရှောင်းသည် ပြင်းထန်သောအခြေအနေများ၏ သေးငယ်သော အကြားအလပ် အက်ကွဲကြောင်းများမှ အခွင့်အလမ်းများကို ရှာဖွေရန် သူ၏ တိုက်ပွဲအမြင်ထက်မြက်မှုနှင့် ဗီဇသိစိတ်ကို တိုးတက်အောင် ကြိုးစားခဲ့ရသည်။ အဲဒါက တကယ့်ဆရာကြီး၏ အမှတ်အသားပင်။ ဟန်ရှောင်းသည် နှိမ့်ချမှုလုံးဝမရှိသော်လည်း၊ အရှက်ပင်မရှိသော်လည်း၊ သူသည် တကယ့်ဆရာကြီးအစစ် ဖြစ်သည်မှာ သေချာသည်။

နည်းပညာနိမ့်တဲ့ စက်ကိရိယာတွေကို အသုံးပြုထားတဲ့ သေးငယ်တဲ့ စစ်ပွဲတွေကို ကိုင်တွယ်ဖို့ဆိုတာ သူ့အတွက် ကလေးကစားနေသလိုပင်။ သူ့ပစ်ချက်တွေက မှန်ကန်တဲ့နေရာတွေမှာ ပစ်မှတ်တွေကို အမြဲထိမှန်နိုင်သည်။

ဟန်ရှောင်း၏ အကူအညီဖြင့်၊ ကြေးစားတပ်ဖွဲ့များရင်ဆိုင်ရသည့် အသေအပျောက်များ လျော့ကျသွားခဲ့သည်။ ဒါဟာ လုံးဝကြီးကို အံ့သြစရာပင်။ ယခင်က Hornet ညီအစ်ကိုများသည် ရန်သူများကို သတ်ရန် ပို၍အာရုံစိုက်ခဲ့ပြီး၊ ကျန်သူများကို တိုက်ခိုက်မှုတွင် မကူညီနိုင်ခဲ့ကြပေ။ သို့သော်လည်း မစ္စတာဘလက်သည် ရန်သူများကို အဆုံးစီရင်နိုင်စေရန်နှင့် ခုခံကာကွယ်မှုလုပ်ဆောင်ရန် အချိန်ယူနိုင်စေသည့် ပစ်ခတ်မှုပုံစံကို အသုံးပြုခဲ့သည်။ အရှေ့တောင်နှင့် အရှေ့မြောက် တိုက်ပွဲများကို ကိုင်တွယ်သည့် လူတစ်ဦးတည်း ပြသသည့်ပွဲနှင့် တူနေသည်။

ယုံကြည်စိတ်ချရမှုနှင့် တည်ငြိမ်မှုသည် ဟန်ရှောင်းအ‌ပေါ် တပ်ဖွဲ့များ၏ ထင်မြင်ချက်ဖြစ်သည်။ ဟန်ရှောင်း၏ ပံ့ပိုးပစ်ခတ်မှုသည် သူတို့ကို ပိုမိုလွယ်ကူစွာ တိုက်ခိုက်နိုင်စေခဲ့သည်။

တိုက်ပွဲ၏ အခြေအနေတစ်ခုလုံးကို ထိန်းချုပ်နိုင်သည့် စနိုက်ပါတစ်ဦးသည် ဖော်ပြ၍မရသော ခြိမ်းခြောက်မှုဖြစ်သည်။ ရန်သူများသည် ဟန်ရှောင်းအပေါ်တွင် အာရုံစိုက်၍ စုပြုံပစ်ခတ်ခြင်း သဘာဝကျသည်။ သို့သော်လည်း ဟန်ရှောင်းသည် သူ၏ လျပ်ပြေးဖိနပ်များဖြင့် ခြိမ်းခြောက်မှုကို ချေဖျက်နိုင်ခဲ့၏။ ထို့အပြင်၊ အဆင့်နိမ့် အသက်အားဖြည့်ခြင်းသည် ရန်သူ၏တိုက်ခိုက်မှုများကို ခံနိုင်ရည်ရှိစေသည်။ သူ၏ သွေးအမှတ်မှာ သူနှင့်အဆင့်တူ သာမန်ယန္တရားပညာရှင်များထက် နှစ်ဆနီးပါး ရှိနေ၏။

အဆင့် ၄၀ ထက် ကျော်လွန်သော စူပါလူသားများနှင့် 'တိုက်ခိုက်သူ'များပင်လျှင် သူ့ထက် သွေးအမှတ် ပိုရှိမည်မဟုတ်ပေ။ ထို့ကြောင့်၊ ဟန်ရှောင်းသည် အခြားစနိုက်ပါသမားများကဲ့သို့ ရန်သူ၏တိုက်ခိုက်မှုကို ကြောက်ရွံ့ရန် မလိုအပ်ပေ။ ရန်သူများ၏ စက်သေနတ်များကို တိုက်ရိုက်ပစ်ခတ်ပြီး ရန်သူကို ရှေ့တန်းမှ ခုခံရဲသော စနိုက်ပါတစ်ဦးကို တပ်ဖွဲ့ဝင်များက ပထမဆုံးအကြိမ် တွေ့မြင်ရခြင်းလည်း ဖြစ်သည်။ ယင်းက စနိုက်ပါတစ်ဦးသည် ရန်သူများ အာရုံစူးစိုက်မှု၏ ဝေးရာမှ တိတ်တဆိတ်သာ တိုက်ခိုက်သည်ဟူသော တပ်ဖွဲ့များ၏ ကနဦးခံယူချက်ကို ပြောင်းလဲစေခဲ့သည်။

ထိုနှစ်ရက်အတွင်း ဟန်ရှောင်းသည် တပ်ဖွဲ့များ၏ အမြင်တွင် ပိုမိုလေးစားခံလာရသည်။

တိုက်ပွဲတစ်ခုတွင် သေခြင်းတရားများ ဖြစ်ပေါ်လာပြီး တပ်ဖွဲ့ဝင်များနှင့် လုပ်ကြံသတ်ဖြတ်သူအသစ်များ ရောက်ရှိလာပြီး စစ်ဆင်ရေးတွင် သေဆုံးခဲ့ရသူများကို အစားထိုးရန် ရောက်ရှိလာခဲ့သည်။ ယင်းမှာ သွေးအသစ်များ ထိုးသွင်းပြီး ကြံ့ခိုင်သော တိုက်ပွဲရေး အင်အားစုများ အဆက်မပြတ် ရှိနေဖို့ သေချာစေရန် ဖြစ်သည်။

ရွှေမြေခွေးသည် 'လူသစ်' ထဲမှ တဦးဖြစ်သည်။ သူမသည် Dark အဆင့် လုပ်ကြံသတ်ဖြတ်သူဖြစ်သည်။ ခြံထဲသို့ သူမ ဝင်လိုက်သည်နှင့် သူမကို လက်ခံမည့်သူ ရှိနေသည်။

ရွှေမြေခွေးသည် အရပ်ရှည်ပြီး ချောမောလှပသော အမျိုးသမီးတစ်ဦးဖြစ်သည်။ သူမက ကြည့်ကောင်းပြီး စနိုက်ပါရိုင်ဖယ်တစ်လက်ကို သူ့နောက်ကျောမှာ လွယ်ထားသည်။ “အခြေအနေ ဘယ်လိုလဲ” သူမက လေးနက်သော လေသံဖြင့် မေးလိုက်သည်။

လမ်းကြောင်းကို ဦးဆောင်နေသော ရဲဘော်သည် ရွှေမြေခွေး၏ လှပသောတင်ပါးကို တစ်ချက်ကြည့်လိုက်သည်။ သူ့မျက်လုံးထဲက အကြည့်တွေကတစ်ဆင့်၊ သူက တက်ကြွလာကြောင်း ပြောနိုင်သည်။

ရွှေမြေခွေးသည် နှာထသော ယောက်ျားများ၏ စိုက်ကြည့်ခြင်းကို အချိန်အတော်ကြာ အသားကျနေသောကြောင့် သူမသည် ထိုကြေးစား၏ လုပ်ရပ်ကို ရိုးရိုးရှင်းရှင်း လျစ်လျူရှုထားလိုက်သည်။

“အခြေအနေက ကောင်းပါတယ်။ ရန်သူတွေက မကြာခဏ တိုက်ခိုက်နေပေမယ့် ကျွန်တော်တို့ရဲ့ ခံစစ်တွေက အရမ်းခိုင်မာပြီး တင်းကြပ်တယ်။ ဒါ့အပြင် ခဲယမ်းမီးကျောက်နှင့် ထောက်ပံ့ရေးပစ္စည်း အားလုံးကိုလည်း နေ့တိုင်း ဖြည့်ဆည်းပေးနေတယ်။ ပြီးတော့၊ တပ်ဖွဲ့ဝင်အသစ်တွေလည်း ပါဝင်လာတယ်။ အရှေ့တောင်နှင့် အရှေ့မြောက် ကဏ္ဍတွေကို မစ္စတာဘလက်က စီမံထားတာကြောင့် ဘာမှမမှားဘူး။”

တပ်သားက ရယ်သည်။

"မစ္စတာဘလက်?" ရွှေမြေခွေးသည် ထိုကဲ့သို့သော ကုဒ်အမည်ကို သူမ မကြားဖူးသည်မှာ သေချာပါသည်။ “မစ္စတာဘလက်က ဘယ်သူလဲ” သူမက စပ်စုလိုက်သည်။

"မစ္စတာဘလက်က Scorpion အဆင့် လုပ်ကြံသတ်ဖြတ်သူ။ သူ့ရဲ့ စနိုက်ပါစွမ်းရည်က မယုံနိုင်လောက်အောင် အံ့သြဖို့ကောင်းတယ်။”

"Scorpion အဆင့်ပဲ ရှိတာလား" ရွှေမြေခွေးသည် စိတ်မသက်မသာ ခံစားလိုက်ရသည်။ သူမ မျက်မှောင်ကြုတ်သွားသည်။ ဟန်ရှောင်း၏စွမ်းရည်ကို သူမ မယုံကြည်ဘဲ ရှုပ်ထွေးသောလေသံဖြင့် "Scorpion အဆင့် လုပ်ကြံသတ်ဖြတ်သူကို တိုက်ပွဲမှာ တာဝန်ယူခွင့်ပေးထားတာက အရမ်း မလေးမစားနဲ့ ပညာမဲ့လွန်းတာ မဟုတ်လား "

ထိုစကားဆုံးသောအခါ ရွှေမြေခွေးသည် လမ်းကို ဦးဆောင်နေသော ကြေးစားစစ်သားသည် သူမအား မဖော်ရွေတော့ကြောင်း သို့မဟုတ် သူမ၏ ဆွဲဆောင်မှု မရှိတော့ကြောင်း ရွှေမြေခွေးသဘောပေါက်သွားသည်။ သူ့မျက်လုံးများ အေးစက်လာ၏။ ရှေ့ကို ညွှန်ပြပြီး ရွှေမြေခွေးကို သူ့ဘာသာသူ သွားခိုင်းလိုက်သည်။ ထို့နောက် ထိုလူသည် လှည့်၍ ထွက်သွားလေသည်။

ရွှေမြေခွေး အံ့သြသွားသည်။ မစ္စတာဘလက်၏ စွမ်းရည်ကို သူမ မေးခွန်းထုတ်ခဲ့ရုံသာ၊ ဤစစ်သားက ဒီလို ကြီးမားတဲ့ တုံ့ပြန်မှုမျိုးလုပ်ဖို့ လိုအပ်သလား။ မစ္စတာဘလက်က တကယ်ပဲ အဲဒီလောက် ချီးကျူးထိုက်တာလား။

ထိုညတွင် ရန်သူများ ချဉ်းကပ်လာသောအခါတွင် ရွှေမြေခွေးသည် မစ္စတာဘလက် ၏ စွမ်းဆောင်ရည်နှင့် တိုက်ပွဲ၏ အခြေအနေကို ထိန်းချုပ်နိုင်စွမ်းကို နောက်ဆုံးတွင် တွေ့လိုက်ရသည်။ သူမ တုန်လှုပ်သွား၏။ မစ္စတာဘလက်သည် ဒဏ္ဍာရီလာ လင်းယုန်မျက်လုံးကို ပိုင်ဆိုင်ထားပြီး စစ်မြေပြင်၏ ထောင့်တိုင်းကို မြင်နေရသလိုပင်။ လွဲချော်သည့်ပစ်ချက် မရှိသလောက်ပင်။ အချို့သော ပစ်ခတ်မှုများသည် ရန်သူကို ထိခိုက်ဒဏ်ရာရခြင်း သို့မဟုတ် မသတ်နိုင်သော်လည်း၊ ရန်သူများကို ကန့်သတ်ရန် သို့မဟုတ် မဟာမိတ်များကို ထောက်ပံ့ရန်ကဲ့သို့သော အရေးကြီးသော အခန်းကဏ္ဍမှ ပါဝင်ခဲ့သည်။

ရွှေမြေခွေးက စစ်မြေပြင်မှာ ဘာမှလုပ်စရာမရှိဘူးဆိုတာကို သဘောပေါက်သွားတယ်။ အလုပ်အားလုံးကို မစ္စတာဘလက်က ဖြေရှင်းသွား၏။ မစ္စတာဘလက်၏ လက်ရာသည် သူသတ်ခဲ့သည့် ရန်သူအရေအတွက်ထက် ရွှေမြေခွေးကို ပိုသဘောကျစေခဲ့သည်။ စနိုက်ပါသမားအနေဖြင့်၊ ရွှေမြေခွေးသည် မစ္စတာဘလက် အမှန်တကယ်လုပ်ဆောင်နေသည့် အလုပ်မည်မျှရှိသည်ကို သဘောပေါက်သည်။

မစ္စတာဘလက်သည် အခြားစနိုက်ပါသမားများထံမှ အလုပ်အားလုံးကို လုယူခဲ့သည်။ မစ္စတာဘလက်သည် စနိုက်ပါအဖွဲ့တစ်ဖွဲ့ကို အစားထိုးနိုင်၏။

ကြေးစားတပ်များသည် Scorpion အဆင့် လုပ်ကြံသတ်ဖြတ်သူအား စစ်မြေပြင်တွင် တာဝန်ယူရန် အဘယ်ကြောင့် ခွင့်ပေးထားသည်ကို သူမ နောက်ဆုံး နားလည်သွားသည်။

ဒါဟာ ငါမြင်ဖူးသမျှထဲမှာ အကြမ်းဆုံး စနိုက်ပါပဲ။

...

——————————————————————

သင်သည် တိုက်ခိုက်မှုလှိုင်းတစ်ခုကို ချေမှုန်းလိုက်ပါသည်။ (၃/၅)

——————————————————————

ရန်သူများ ဆုတ်ခွာသွားသည်ကို မြင်ပြီးနောက် ဟန်ရှောင်း သက်ပြင်းချလိုက်သည်။

ဒါက ရန်သူတွေရဲ့ တတိယလှိုင်းဖြစ်ပြီးတော့၊ တိုက်ခိုက်မှုတွေက ပိုပြင်းထန်လာတယ်။ ဒါပေမယ့် ခြံထဲမှာ အစောင့်အကြပ်များ အများကြီး ရှိနေသေးတယ်။ နောက်ဆက်တွဲ တိုက်ခိုက်မှုတွေမှာ အားကြီးသောပုဂ္ဂိုလ်တွေမပါသရွေ့ ငါနဲ့အတူဆိုရင်၊ မစ်ရှင်က ပြီးမြောက်နိုင်ဖို့ရှိတယ်။ ဒါပေမယ့်၊ လျှို့ဝှက်ဆုကြေးငွေကို ရဖို့ လိုအပ်ချက်က ဘာလဲ။

ဟန်ရှောင်းသည် လျှို့ဝှက်သော ဆုလာဘ်နှင့် ပတ်သက်၍ သဲလွန်စ မရှိပေ။

နောက်နေ့မနက်မှာတော့ ချန်လီက ဟန်ရှောင်းကို ဆက်သွယ်ရေးစက်ကတဆင့် ဖုန်းခေါ်လိုက်ပါတယ်။

"မစ္စတာဘလက်၊ Rothschild မိသားစုမှ တစ်ယောက်က မင်းကို ရှာနေပါတယ်။"

ထိုစကားကိုကြားပြီးနောက် ဟန်ရှောင်းသည် ချက်ချင်းပင် အိပ်ယာမှထကာ အိမ်ကြီးတံခါးဆီသို့ ပြေးသွားသည်။ သူသည် ပို့ဆောင်သူ သို့မဟုတ် Rothschild မိသားစု၏ အမြန်ချောပို့သူထံမှ ပစ္စည်းများကို လက်ခံရရှိသည်။ ပစ္စည်းနှစ်ခုမှာ Silver Defender Leader's Saber နှင့် Lock HOC Sniper Rifle တို့ဖြစ်သည်။

အဆိုပါ ပစ္စည်းနှစ်ခုသည် လွန်ခဲ့သောဆယ်စုနှစ်အနည်းငယ်က ပစ္စည်းများဖြစ်သည်။ ၎င်းတို့ကို မထုတ်လုပ်ကြတော့ဘဲ ကုန်ပစ္စည်းများ ထုတ်လုပ်သော နိုင်ငံများလည်း မရှိကြတော့ပေ။ ပစ္စည်းနှစ်ခုကို ရှေးဟောင်းပစ္စည်းအဖြစ် သတ်မှတ်နိုင်သည်။ Bennett သည် ရှေးဟောင်းလက်နက်များကို စိတ်အားထက်သန်သော စုဆောင်းသူတစ်ဦးဖြစ်ပြီး အဆိုပါပစ္စည်းများသည် စကေးအသစ်များကို လေ့လာရန် လိုအပ်သော ကြိုတင်လိုအပ်ချက်များ ဖြစ်သည်။

စကေးအသစ်များ သင်ယူမှုကို ဖွင့်လှစ်ပေးနိုင်သည့် ပစ္စည်း စုစုပေါင်း ဆယ်ခုကျော်ရှိသည်။ လက်ဆောင်အမျိုးအစားများ ကွဲပြားသောကြောင့် ထိုပစ္စည်းများသည် မတူညီသော စကေးများဆီသို့ ဦးတည်သွားသည်။ သို့သော်လည်း ဤအရာများ၏ စုစုပေါင်းအရေအတွက်မှာ အကန့်အသတ်ရှိပြီး Bennett ထံမှ စကေးကို သင်ယူနိုင်သည့် ကစားသမားအရေအတွက်ကိုလည်း ကန့်သတ်ထားသည်ဟု ဆိုလိုသည်။ လျှို့ဝှက်နည်းပြများသည် များသောအားဖြင့် ၎င်းတို့၏တပည့်များထံ ဤနည်းအားဖြင့် စကေးများ လွှဲပြောင်းပေးလေ့ရှိသည်။

ဥပမာအားဖြင့်၊ ထိုဓားရှည်‌ပေါင်း တစ်ရာခန့်သာကျန်တော့ပြီး ထိုဓားရှည်ဖြင့်၊ [Flaming Will] ဟုခေါ်သော အလွန်အားကောင်းသော တိုက်ခိုက်ရေးစွမ်းရည်ကို ကျွမ်းကျင်နိုင်မည်ဖြစ်သည်။ ဗားရှင်း 1.0 ၏နှောင်းပိုင်းအဆင့်တွင်၊ ဓားရှည်၏ စျေးနှုန်းသည် ဒေါ်လာသန်းပေါင်းများစွာအထိ မြင့်တက်သွားသည်။ ဟန်ရှောင်းသည် Rothschild မိသားစုနှင့် သူ၏ ဆက်ဆံရေးအမှတ်အချို့ကို စွန့်လွှတ်ခြင်းဖြင့် ဓါးရှည်တစ်လက်ကို ရယူနိုင်ခဲ့သည်။ ၎င်းသည် အလွန်ကောင်းမွန်သော အပေးအယူတစ်ခုပင်။

ဟန်ရှောင်းသည် [Flaming Will] ၏စွမ်းရည်ကို ကျွမ်းကျင်ရန် လိုလားတောင့်တခဲ့ပြီး၊ ထိုအရာက သူ၏အတိတ်ဘဝတွင် သူရရှိရန် ပျက်ကွက်ခဲ့သော အရာလည်းဖြစ်သည်။

အခန်း (၁၁၁) ပြီး၏။

လင်းဆက်

+++++