မထင်မှတ်ဘဲ ပေါ်လာသော ဌာန၁၃

အခန်း (၁၁၃) မထင်မှတ်ဘဲ ပေါ်လာသော ဌာန၁၃

Bennett သည် ဟန်ရှောင်း၏ လက်သီးဖြင့် ထိုးခံရသော ပါးကို ပွတ်သပ်ပြီး ကူကယ်ရာမဲ့စွာ ပြောလိုက်သည်။“ငါ့မျက်နှာကို မထိုးနဲ့လေ”

"မင်းမျက်နှာပဲဖြစ်လို့ ကံကောင်းတာ"

ဟန်ရှောင်းသည် Bennett ကို ခဏလောက် တိတ်တဆိတ် စိုက်ကြည့်နေသည်။

Bennett သည် သူ၏ခြေထောက်ကြားမှ ဖြတ်သွားသော လေအေးတစ်ချက်ကို ရုတ်တရက် ခံစားလိုက်ရသည်။ သူသည် ချမ်းတုန်တုန်ယင်ယင်နှင့် ပဟေဠိဖြစ်သွား၏။ ဒါက ထင်ယောင်ထင်မှားဖြစ်တာလား။

Bennett ၏ အရေးကြီးသော အချက်အလက်အများစုကို မသိရှိရပေ။ သို့သော်၊ Bennett တွင် အထူးကျွမ်းကျင်မှု/စကေး ဆယ့်ငါးခုကျော်ရှိကြောင်း ဟန်ရှောင်း သိထားပြီး အများစုမှာ စံစွမ်းရည်များဖြစ်သည်။ ကြောက်စရာအကောင်းဆုံးစွမ်းရည်မှာ နောက်ထပ်တိုက်ခိုက်စွမ်းအား၊ သွေးအမှတ်၊ သို့မဟုတ် အရည်အချင်းများကို ခွင့်ပြုပေးသည့်အရာများမဟုတ်ဘဲ [Lucky Glow] ဖြစ်သည်။ စကေး၏ အမည်သည် အစွမ်းထက်သည်ဟု ယုံကြည်နိုင်မည်မဟုတ်သော်လည်း ကျွမ်းကျင်မှု၏အကျိုးသက်ရောက်မှုများကို ထုတ်ဖော်ပြသခြင်း သို့မဟုတ် ကျွမ်းကျင်မှုအမည်ကို ပြောင်းလဲလိုက်သည်နှင့် တစ်စုံတစ်ဦးအား သေသည်အထိ ကြောက်လန့်သွားစေနိုင်သည်။

Glow of the Lead!

ဂလက်ဆီသည် အလွန်ကြီးမားသည်။ ဂလက်ဆီကမ္ဘာကို ဖန်တီးပေးသည့် မတူညီသော ဂြိုဟ်များနှင့် လူမှုအဖွဲ့အစည်းများတွင် သူရဲကောင်းဆန်သော ဇာတ်ဝင်ခန်းပေါင်း ထောင်ပေါင်းများစွာထဲမှ တစ်ခု အမြဲတမ်းရှိသည်။ Lucky Glow သည် အဓိကဇာတ်ကောင်များပိုင်ဆိုင်သည့် စံစွမ်းရည်တစ်ခုဖြစ်သည်။

ဥပမာအားဖြင့်၊ Bennett သည် ၎င်း၏ [Flaming Will] ကိုအသုံးပြုပါက၊ အကြိမ်တိုင်းတွင် ပင်ကိုယ်အရည်အသွေးများ ရရှိမည်ဖြစ်သည်။ အဲဒါက သူ့အပေါ် 'Lucky Glow'က ပေးအပ်သည့် စွမ်းရည်ပင်။

Bennett သည် လက်ရှိအခိုက်အတန့်တွင် တိတ်တဆိတ် ဒါဏ်ရာရနေဖွယ်ရှိပြီး အနာဂတ်တွင် ပြန်လည်ကောင်းမွန်လာမည်ဖြစ်သည်။ Bennett သည် ကစားသမား၏မျက်စိရှေ့တွင် ပထမဆုံးပေါ်လာသည့်အချိန်၌ သူသည် တက်ကြွသောနဂါးနှင့် ကျားပေါင်းစပ်ထားသော စွမ်းအင်ကို ပိုင်ဆိုင်ထားကြောင်း သတိရမိသည်။ သူသည် ခန္ဓာကိုယ်ထဲတွင် T-Rex တစ်ကောင် ရှိနေသည်ဟု ဖော်ပြနိုင်သည်။

သူ့ရဲ့ အထွတ်အထိပ်အချိန်တွင် Bennett သည် C အဆင့်မှာ ရှိပြီး၊ အခုအချိန်မှာတော့ D+ ပဲ ရှိသေးသည်။။

C အဆင့်အတွက် စွမ်းအင်လိုအပ်ချက်မှာ အမှတ် ၂,၀၀၀ ဖြစ်ပြီး D+ အဆင့်သည် ဇာတ်ကောင်တွင် စွမ်းအင်အဆင့် 1,600 မှတ်နှင့် အထက်ရှိသည်။ ဇာတ်ကောင်က အလွန်သန်မာနေဆဲပင်။

ဟန်ရှောင်း၏ လက်ရှိတိုက်ခိုက်ရေးစွမ်းအားသည် အမှတ် ၈၀၀ ဝန်းကျင်ဖြစ်သည့် အဆင့် D တွင် ပိတ်မိနေသည်။ သူ့စက်ကိရိယာများမှ ရရှိနိုင်သော အပိုအမှတ်များ ရပြီးမှသာ အဆင့် D သို့ ရောက်ရှိနိုင်သည်။

ဇာတ်ကောင်တစ်ခု၏ အဆင့်သည် ၎င်းတို့၏ တိုက်ခိုက်ရေးစွမ်းအားကို ကိုယ်စားမပြုပေ။ အဆုံးစွန်အားဖြင့်၊ မတူညီသောစွမ်းရည်ရှိသော ဇာတ်ကောင်များသည် အချို့သောမြေပြင်အနေအထားနှင့် ပတ်ဝန်းကျင်တွင် မတူညီသောအားသာချက်များရှိသည်။ သို့သော်၊ ဇာတ်ကောင်တစ်ခုတွင် စွမ်းအင်အဆင့် မြင့်မားနေသရွေ့ သူတို့တွင် အလွန်အားကောင်းသည့် အသွင်အပြင်တစ်ခု ရှိနေသည်ဟု ဆိုလိုခြင်းဖြစ်သည်။

Bennett ကို နှုတ်ဆက်ပြီးနောက် ဟန်ရှောင်းသည် သူ၏ စနိုက်ပါနေရာသို့ ပြန်သွားခဲ့သည်။ ရုတ်တရက် သူ့ရင်ထဲမှာ ထူးဆန်းတဲ့ ခံစားချက်ကို ခံစားလိုက်ရပြီး နောက်လှည့်ကြည့်လိုက်သည်။ သူ့ဘေးနားက စနိုက်ပါအမျိုးသမီးက သူ့ကို လေးလေးနက်နက် စိုက်ကြည့်နေ၏။ ဟန်ရှောင်းသည် ထိုအမျိုးသမီးကို မှတ်မိသည်။ သူမကို ရွှေမြေခွေးလို့လူသိများပြီး မနေ့ကပဲ စခန်းကိုရောက်လာတဲ့ လုပ်ကြံသတ်ဖြတ်သူအသစ် ဖြစ်သည်။

ဟန်ရှောင်းသည် သူ့မျက်နှာတွင် မျက်နှာဖုံးတပ်ထားကြောင်း အတည်ပြုရန် သူ့မျက်နှာကို အကြိမ်အနည်းငယ် စမ်းကြည့်လိုက်ရသည်။ သူတကယ်စိတ်ရှုပ်သွား၏။ မျက်နှာဖုံးကိုဖောက်ပြီး သူမ မြင်နိုင်တဲ့ နည်းလမ်းမရှိပါဘူး။ ငါမျက်နှာဖုံးတပ်ထားတဲ့ အချိန်မှာတောင်မှ ငါ့ရဲ့ ချောမောတဲ့မျက်နှာက သူမကို ဘယ်လိုဆွဲဆောင်နိုင်တာလဲ။

ရွှေမြေခွေးက သူ့ရှေ့ကို လျှောက်လာသည်။ သူမမျက်နှာပေါ်တွင် လှပသော အပြုံးတစ်ခုနှင့် ရဲတင်းစွာပင် “မစ္စတာဘလက်၊ မင်းငါ့ကို စနိုက်ပါ ကျွမ်းကျင်မှုတစ်ခုခု သင်ပေးနိုင်မလားလို့။"

သူမပြောနေစဉ်တွင် ရွှေမြေခွေးသည် သူမ၏ နက်ရှိုင်းသော အကွဲကြောင်းများကို ဖော်ထုတ်ရန် သူမ၏ ရင်သားများကို သူမ၏ လက်များဖြင့် ခိုးကြောင်ခိုးဝှက် ညှစ်ထားသည်။

သူက ငါ့ကို မြူဆွယ်ဖို့ ကြိုးစားနေတာလား? ဟန်ရှောင်း မျက်မှောင်ကြုတ်သွားသည်။ ဟန်ရှောင်းသည် သူမ၏ ရည်ရွယ်ချက်က မည်သို့ပင်ရှိစေကာမူ၊ ထိုသို့သော မြူဆွယ်မှုများကို စိတ်ဝင်စားခြင်းမရှိပေ။ သူ့ခန္ဓာကိုယ်ရှေ့မှာ လက်ကို မြှောက်ပြီး “သခင်မလေး၊ ကျေးဇူးပြုပြီး ကိုယ့်ကိုယ်ကို လေးစားပါ!”

ရွှေမြေခွေး၏ မျက်လုံးများ တောက်ပလာသည်။ မစ္စတာဘလက်သည် လိင်ပိုင်းဆိုင်ရာ ဖြားယောင်းမှုများကို အလွန်ခံနိုင်ရည်ရှိကြောင်း သူမသဘောပေါက်ခဲ့သည်။ သူမသည် ချက်ချင်းပင် သူမ၏ဗျူဟာကို ပြောင်းလဲလိုက်သည်။ သူမရဲ့အမူအရာက ဆွဲဆောင်မှုရှိတဲ့ပုံစံကနေ အကူအညီတောင်းနေတဲ့ ကလေးမလေးတစ်ယောက်အဖြစ် ပြောင်းလဲသွားခဲ့တယ်။ ရုတ်တရက်ပြောင်းလဲမှုသည် စီချွမ်မျက်နှာဖုံးပြောင်းလဲခြင်းရှိုးထက်ပင် ပိုမြန်သည်။ သူမ ရင်သားရှေ့မှာ လက်နှစ်ဖက်ကို အုပ်ထားပြီး “ကျွန်မ…ကျွန်မ လမ်းညွှန်ချက်တစ်ချို့လောက် တောင်းချင်တာပါ၊ ကျွန်မမှာ တခြားရည်ရွယ်ချက် မရှိပါဘူး”

ဟန်ရှောင်းက မျက်လုံးပြူးပြီး “သခင်မလေး၊ မင်းရဲ့ စွမ်းအင်တွေကို မဖြုန်းတီးပါနဲ့။ ငါ မိန်းမတွေကို မကြိုက်ဘူး"

ရွှေမြေခွေး၏ မျက်နှာပေါ်ရှိ အမူအရာမှာ တင်းမာသွားကာ သူမသည် ဟန်ရှောင်းကို အံ့အားသင့်စွာဖြင့် ကြည့်လိုက်ပြီး အထစ်ထစ်အငေါ့ငေါ့ဖြင့် “မင်း၊ မင်း ကြိုက်တာ…”

"မဟုတ်ဘူး ယောက်ျားတွေကိုလည်း မကြိုက်ဘူး" ဟန်ရှောင်းက သူ့မေးစေ့ကို ထိလိုက်ပြီး ပြောလိုက်သည်။"တကယ်တော့ ငါက လူသားတွေ ဒါမှမဟုတ် အသက်ရှင်နေတဲ့ အရာတွေကိုတောင် စိတ်မဝင်စားဘူး"

ရွှေမြေခွေးသည် လုံးဝ အံသြသွားသည်။ သူမက ခေါင်းငုံ့ပြီး ပြောလိုက်သည်။ "တောင်းပန်ပါတယ်၊ အနှောင့်အယှက်ဖြစ်သွားလို့ တောင်းပန်ပါတယ်"

ထို့နောက် သူမသည် မဆိုင်းမတွပင် လှည့်ကာ ထွက်ပြေးသွားတော့သည်။

ဟန်ရှောင်းက ဟက်ဟက်ပက်ပက် ရယ်လိုက်၏။ သူမက ငါ့ကိုလာပြီး ဆွဲဆောင်နေတယ်၊ မယုံနိုင်စရာပဲ။ သူမသည် အတွေ့အကြုံမရှိသော ကလေးမလေးသာဖြစ်သည်။ ပြောရရင် ဟိုတုန်းက ငါက အမျိုးသမီးတွေကြား အရမ်းနာမည်ကြီးတယ်။ ဒါပေမယ့် ဒါအကုန်လုံးက အတိတ်ကပဲလေ၊ တကယ်ကို ဘာမှအဓိပ္ပါယ်မရှိတော့ဘူး။

ထိုအချိန်တွင် ကားတစ်စီးသည် အိမ်ကြီးရှေ့သို့ ချဉ်းကပ်လာသည်။ ဟန်ရှောင်း တစ်ချက်ကြည့်လိုက်ပြီး ချက်ခြင်း ထိတ်လန့်သွားသည်။

ကားကို အနက်ရောင် ခြယ်ထားသည်။ ကားတံခါးမှာ တံဆိပ်တစ်ခုပါ၏။ တံဆိပ်မှာ ကြယ်သုံးပွင့်ဝိုင်းထားသော နဂါးဖြစ်သည်။

ဒါဟာ ဌာန၁၃ရဲ့ ယာဉ်ပဲ။

ဘာကြောင့် ဌာန၁၃ က ဒီမှာ ရှိနေတာလဲ။

…

Wang Yuan မှ ညွှန်ကြားချက်များကို လိုက်နာပြီး ကြေးစားများက ဌာန၁၃၏ ကားကို ခြံတံခါးများ ဖွင့်ပေးပြီး ခြံဝင်းထဲသို့ လမ်းညွှန်ပေးလိုက်သည်။

တင်းကျပ်သော တိုက်ပွဲဝတ်စုံ ဝတ်ဆင်ထားသော ခြေထောက်တစ်ချောင်းသည် ကားတံခါးမှ ထွက်ပေါ်လာသည်။ ခြေထောက်က သေးသွယ်ပြီး တပ်ဖွဲ့ဝင်တွေရဲ့ အာရုံစိုက်မှုကို အများအပြားရရှိစေခဲ့ပါတယ်။ ဖိနပ်က မြေပြင်ပေါ် ရောက်ပြီးတာနဲ့ ကားထဲက ပထမဆုံး ထွက်လာတဲ့ သူကတော့ သူ့သူငယ်ချင်းဟောင်း တိစုစုပင်။

တိစုစုသည် မောက်မာသောပုံစံရှိပြီး၊ မည်သူမှ သူမကို မချဉ်းကပ်စေလိုဟန်ရှိသည်။ အခြားအဖွဲ့သားများက သူမနောက်မှ လိုက်လာကြသည်။

ရိုင်းစိုင်းသော တပ်ဖွဲ့ဝင်အချို့က သူမအား ၎င်းတို့၏ လေချွန်သံများဖြင့် ကျီစယ်ရန် ကြိုးပမ်းနေကြပြီး တိစုစု၏ လှပသောရုပ်သွင်ကို အကဲခတ်နေကြသည်။

မျက်လုံးအစွန်းမှာ အရေးအကြောင်းတွေရှိသော လူလတ်ပိုင်းအရွယ်တစ်ယောက် ကားထဲကနေ ထွက်လာသည်။ သူ၏ ခိုင်မာသောတည်ရှိမှုကို ခံစားနိုင်သည်။ သူသည် တိစုစုနှင့် သူမ၏ လုပ်ဖော်ကိုင်ဖက် အေးဂျင့်များ၏ ခေါင်းဆောင် ဖြစ်သည်မှာ ထင်ရှား၏။ သူတို့အုပ်စုသည် အိမ်ကြီးဆီသို့ ဦးတည်သွားကြသည်။

တိစုစုသည် သူ့ကျောရိုးကို အေးစက်သွားသလို ခံစားလိုက်ရသည်။ သူမ၏ နှလုံးသားအတွင်း၌ အေးစက်သော ခံစားမှုတစ်ခုလည်း ထွက်ပေါ်လာသည်။ သူမကို အလွန်အန္တရာယ်များတဲ့ လူတစ်ယောက်က စောင့်ကြည့်နေတယ်ဆိုတာ သူမသိသွားသည်။ သူမ ခေါင်းကို လှည့်ကြည့်လိုက်တော့ အနက်ရောင် ၀တ်စုံနဲ့ လူလတ်ပိုင်းအရွယ် အမျိုးသားတစ်ဦးဟာ စနိုက်ပါသမားကို ကိုင်ရင်း နံရံကို မှီနေတာကို တွေ့လိုက်ရပါတယ်။ သူ့အကြည့်က တကယ်ကို တည်ငြိမ်သော်လည်း၊ ဒီလိုနဲ့တောင်မှ သူမဟာ သူ့ကိုယ်သူ အစွန်းတစ်ခုသို့ ရောက်‌နေသလို ခံစားရပြီး၊ ခြိမ်းခြောက်ခံလိုက်ရသလို သူမရဲ့ နှလုံးသားထဲမှာလည်း အေးစက်သွား၏။

အဲဒီလူက ဘယ်သူလဲ။ တိစုစု ထိတ်လန့်သွားသည်။ ထို့နောက် သူမသည် အနက်ရောင် ၀တ်ထားသော အမျိုးသားနှင့် ရင်းနှီးသော ခံစားချက်ကို ခံစားလိုက်ရသည်။ ဒီကိစ္စကို သူမ မတွေးနိုင်ခင် အိမ်ကြီးထဲကို ၀င်သွား၏။ တံခါးများပိတ်ကာ သူမ၏မြင်ကွင်းကို ပိတ်ဆို့သွားသည်။

နံရံအစွန်းမှာ ဟန်ရှောင်းက ဌာန၁၃ရဲ့ အေးဂျင့်တွေကို တွေ့လိုက်ရပြီး သူ့မျက်လုံးတွေ တောက်ပလာသည်။

…

ဌာန၁၃မှ အေးဂျင့်များသည် စံအိမ်၏ အမြင့်ဆုံးထပ်သို့ တန်းတန်းမတ်မတ် တက်သွားပြီး Wang Yuan နှင့် Bennett တို့က ၎င်းတို့ကို စောင့်နေကြသည်။

"Wang Yuan မတွေ့တာကြာပြီ" အေးဂျင့်ကို ဦးဆောင်နေတဲ့ အဖိုးအိုက ပြောလိုက်သည်။ သူက ပိုကာမျက်နှာနဲ့ ပြောပေမယ့် သူ့အသံက သူ့သူငယ်ချင်း‌ဟောင်းနှင့် နောက်ဆုံးတော့ ဆုံလိုက်ရသလိုပင်။

"မိုရန်" Wang Yuan က "ဆယ်နှစ်ကျော်ခဲ့ပြီ။ မင်းက တပ်မ 13 ရဲ့ ဝှက်ဖဲတွေထဲက တစ်ယောက်ဖြစ်ပြီး ငါက Dark Web အဖွဲ့ရဲ့ ခေါင်းဆောင်ပ။ ဒီတခေါက် အခြေအနေမဟုတ်ရင် ငါတို့ ပြန်မဆုံနိုင်တော့ဘူး”

“ဟုတ်လား။” မိုရန်က ခေါင်းညိတ်သည်။ Bennett ကို ဘေးမှာတွေ့လိုက်ရပြီး သူ့မျက်နှာက ပြောင်းလြမသွားသော်လည်း သူ့အသံမှာ အံ့အားသင့်စရာကို တွေ့လိုက်ရသလိုပင်။ “ဒီကောင်လည်း ဒီမှာပဲ”

"မင်း ငါ့ကို စိန်ခေါ်ချင်သေးလား" Bennett သည် မဖော်ရွေသော လေသံဖြင့် ပြန်ပြောသည်။ "မင်းကို ထပ်ရိုက်ဖို့ ငါ စိတ်မဝင်စားဘူး"

"ဒါတွေအားလုံးက အတိတ်မှာပဲ၊ Bennet။ အဲဒါကို ထပ်ပြီး ပြောလာဖို့ အကြောင်းမရှိဘူး” မိုရန်သည် ဤစကားဝိုင်းကို ချက်ချင်းရပ်လိုက်သည်။

Bennett‽

တိစုစုနှင့် သူမ၏ လုပ်ဖော်ကိုင်ဖက်များ အံ့သြသွားကြသည်။ Bennett သည် ထောက်လှမ်းရေးအေဂျင်စီအားလုံးတွင် လူသိများသည်။ သူသည် စစ်ဟောင်းခေတ်၏ သူရဲကောင်းတစ်ဦးသာမက အံ့သြလောက်အောင် အစွမ်းထက်သည့် တိုက်ခိုက်ရေးစွမ်းရည်ရှိသော ပုဂ္ဂိုလ်လည်းဖြစ်သည်။ သူသည် အမှုတွဲဖိုင်အားလုံးတွင် ထိပ်တန်းခြိမ်းခြောက်မှု သုံးခုတွင် ပါဝင်လေ့ရှိသည်။ Bennett ရဲ့ နာမည်ကို ကြားလိုက်သောအခါ တိစုစုဟာ သူမ စိတ်အေးအေးထားဖို့ ခက်ခဲလာသည်။

မိုရန်က မျက်မှောင်ကြုတ်ကာ မေးလိုက်သည် “လွန်ခဲ့တဲ့ ဆယ်ရက်က တိုက်ပွဲတွေက မြို့ပြင်မှာ ဖြစ်ပွားခဲ့ပေမယ့် အပျက်သဘောဆောင်တဲ့ လွှမ်းမိုးမှုတွေ ရှိခဲ့တယ်။ အမြောက်သံ‌တွေနဲ့ သေနတ်သံတွေက သိသာလွန်းတယ်။ မင်းတို့ဘာတွေလုပ်နေတာလဲ?"

Wang Yuan က ခေါင်းယမ်းလိုက်သည်။ “Dark Web Organization ရဲ့ မူလခေါင်းဆောင်တွေဖြစ်တဲ့ ငါတို့က ကြားနေသဘောထားကို ဆက်ထိန်းထားချင်ပေမယ့်၊ လောဘကြီးတဲ့ အထက်လူကြီးအချို့က တစ်ဖက်ဖက်ကို ဘက်လိုက်ရင် သူတို့ ပါဝါတွေ ရနိုင်တော့ ကြားနေမှုကို စွန့်လွှတ်ချင်နေတယ်။ သူတို့က ငါတို့ရဲ့ ခေါင်းဆောင်နေရာတွေကို မျက်စိကျနေပြီး Dark Web အဖွဲ့ကို ထိန်းချုပ်နိုင်ဖို့ ငါတို့ကို အစားထိုးချင်နေကြတယ်။ ဒီတိုက်ခိုက်မှုအားလုံးကို အဲဒီသစ္စာဖောက်တွေ စီစဉ်ထားတာ။

“Xena ဟာ သူမရှာနိုင်တဲ့ သဲလွန်စတွေကနေတစ်ဆင့် ဒီသစ္စာဖောက်တွေရဲ့ တည်နေရာကို ခြေရာခံဖို့ ကြိုးစားနေတယ်။ တိုက်ခိုက်သူအများအပြား သုတ်သင်ရှင်းလင်းခံခဲ့ရပေမယ့် သစ္စာဖောက်တွေက ဒီနှစ်ရက်အတွင်း နောက်ဆုံးတိုက်ခိုက်လိမ့်မယ်ဟု မျှော်လင့်ထားတယ်။”

“ငါ့ကို ဇင်ယော်မြို့မှာ နှစ်ရက်အတွင်း လာရှာပါ။ မှန်ကန်တဲ့ လိုက်လျောညီထွေမှုတစ်ခု လိုအပ်ပါတယ်” မိုရန်းက ပြောလိုက်သည်။ Bennett နဲ့ အတူ ရှိနေသရွေ့၊ Wang Yuan ရဲ့ လုံခြုံရေးကို သူ စိတ်မပူခဲ့ပေ။

အရေးကြီးကိစ္စများကို ဖြေရှင်းပြီးနောက် မိုရန်သည် လှည့်ထွက်သွားသည်။ ထိရောက်မှုမှာ မိုရန်၏ပုံစံဖြစ်သည်။ တိစုစုနှင့် ကျန်တဲ့သူတွေက သူ့နောက်က လိုက်သွားကြတယ်။

ဌာန၁၃မှ လျှို့ဝှက်စစ်ဆင်ရေး အေးဂျင့်များသည် ဌာန၏ အကောင်းဆုံးများဖြစ်သော်လည်း နိုင်ငံတစ်ဝန်းလုံး၏ လက်ရွေးစင် အများစု မဟုတ်သည်မှာ သေချာပါသည်။ တိုင်းပြည်၏ လျှို့ဝှက်လက်နက်ဖြစ်သော လက်ရွေးစင်အသင်းငယ်များ ရှိသည်။ များသောအားဖြင့် သူတို့သည် ကင်းစခန်းများကို စောင့်ကြပ်ပြီး နောက်ကွယ်မှ အခြေအနေကို အမိန့်ပေးကြသည်။ သူတို့ကိုယ်သူတို့ ထုတ်ဖော်ခဲပြီး ဝှက်ဖဲတွေလို့ ခေါ်ကြ၏။ မိုရန်သည် ထိုကဲ့သို့သော ပုဂ္ဂိုလ်များထဲမှ တစ်ဦးဖြစ်သည်။ နိုင်ငံတိုင်းတွင် ထိုသို့သော ပုဂ္ဂိုလ်များ ရှိကြသည်။

တစ်ချိန်တည်းမှာ အဖြစ်အပျက်တွေ အများကြီးနဲ့ ပြင်းထန်လွန်းတဲ့ ကာလတစ်ခုကြောင့်၊ တိစုစု သူ့ကိုယ်သူ တွေးကြည့်မိသည်။

လွန်ခဲ့သော သုံးလခန့်က ကြယ်နဂါးနိုင်ငံသည် အရေးကြီးသော အဖြစ်အပျက်များစွာကို ရင်ဆိုင်ခဲ့ရသည်။ ပထမဦးစွာ၊ ၎င်းတို့သည် ၎င်းတို့၏ နယ်နိမိတ်အတွင်းမှ ဂျာမီနယ်အဖွဲ့အစည်း၏ လျှို့ဝှက်အခြေစိုက်စခန်းတစ်ခုကို ဖျက်ဆီးနိုင်ခဲ့သည်။ ထို့နောက် ကြယ်နဂါးနိုင်ငံသည် ကျီးနက်တောင်ကြားသို့ စစ်ဆင်ရေးတစ်ခု ပြုလုပ်ခဲ့သည်။ အရေးပါ‌သော ထောက်လှမ်းရေး အစီရင်ခံစာများ၏ အရင်းအမြစ်သည် အလွန်လျှို့ဝှက်ဆန်းကြယ်သည်။

ထို့အပြင် ဂျာမီနယ်အဖွဲ့အစည်းမှ တုံ့ပြန်မှုသည်လည်း အလွန်ထူးဆန်းသည်။ အဖွဲ့အစည်းသည် တစ်စုံတစ်ဦးကို ရှာဖွေနေပုံရသည်။ ကျီးနက်တောင်ကြား စစ်ဆင်ရေးအပြီးတွင်၊ ဂျာမီနယ်အဖွဲ့အစည်း၏ အေးဂျင့်များသည် ၎င်းတို့၏ လုပ်ရပ်များကို ပို၍ ပြောင်ပြောင်တင်းတင်း လုပ်ဆောင်လာကြသည်။ ၎င်းတို့၏ အထောက်အထားများကို ဖော်ထုတ်ခံရမည်ကိုပင် ဂရုမစိုက်ကြပုံရသည်။ ကြယ်နဂါးနိုင်ငံ၏ နယ်နိမိတ်အတွင်းတွင် သူတို့သည် ဒေါသူပုန်ထကာ ရှာဖွေနေကြသည်။ အနောက်ပိုင်းမြို့တော်တွင် အခြေအနေက အပြင်းထန်ဆုံးဖြစ်သည်။ ဂျာမီနယ်အဖွဲ့အစည်း၏ လက်ခွဲအဖွဲ့အစည်းဖြစ်သည့် Phoenix Eye Society မှ အေးဂျင့်တစ်ရာကျော် အဖမ်းခံခဲ့ရသည်။ ၎င်းတို့သည် အများစုမှာ စစ်ဆေးမေးမြန်းသူများအတွက် တန်ဖိုးမရှိသော အရေးမပါသည့်သူများဖြစ်သည်။

ဟန်ရှောင်း ပျောက်ဆုံးပြီးကတည်းက ဌာန၁၃သည် သူ့ကိုရှာဖွေရန် ကမ္ဘာတစ်ဝှမ်းရှိ အေးဂျင့်များစွာကို စေလွှတ်ခဲ့သော်လည်း သိသိသာသာ ရလဒ်တစ်စုံတစ်ရာမရှိဘဲ ပြန်လာခဲ့ကြသည်။ CCTV ကင်မရာများ၊ လေကြောင်းလိုင်းမှတ်တမ်းများနှင့် နယ်စပ်ဝင်ပေါက်မှတ်တမ်းများအားလုံးကို စောင့်ကြည့်ခဲ့သော်လည်း သဲလွန်စမရှိခဲ့ပေ။ အေးဂျင့်တွေကို တောထဲမှာတောင် လွှတ်ထားပေမယ့် ဘာသတင်းမှ မကြားသိရပေ။

ရလဒ်က ဌာနဆိုင်ရာ အကြီးအကဲတွေရဲ့ အမြင်မှာ မယုံနိုင်စရာပင်။ ဟန်ရှောင်းသည် လေထုထဲတွင် ပျောက်ကွယ်သွားသလိုပင်။

သူဘယ်ကိုသွားတာလဲ။

သူဘယ်ကိုသွားလို့ရမလဲ။

သူဘာဆက်လုပ်မလဲ။

တိစုစုသည် ဟန်ရှောင်းကို သိပြီး အချိန်အတော်ကြာအောင် သူနှင့် ဆက်ဆံခဲ့သည်။ သူမ၏မျက်လုံးထဲတွင်တော့ သူသည် လျှို့ဝှက်ဆန်းကြယ်သော လူတစ်ယောက်ဖြစ်သည်။ သူမသည်လည်း ဟန်ရှောင်း ဘယ်မှာလဲဆိုတာ သိချင်နေခဲ့သည်။

စံအိမ်ထဲက ထွက်သွားပြီးနောက်၊ တိစုစုသည် အန္တရာယ်ရှိတယ်လို့ ခံစားမိတဲ့ အနက်ရောင် ၀တ်စုံနဲ့ ယောက်ျားကို ရှာဖို့ ကြိုးစား၏။ သို့သော် ထိုလူသည် ပျောက်ကွယ်သွားပြီဖြစ်သည်။

ဌာန၁၃မှ အေးဂျင့်များသည် ကားပေါ်တက်ပြီး အိမ်ကြီးမှ ထွက်ခွာသွားကြသည်။

တောထဲကထွက်လာပြီးနောက် မိုရန်က ယာဉ်မောင်းကို ဘေးချရပ်ခိုင်းလိုက်သည်။ ထို့နောက် သူတစ်ယောက်တည်း ကားပေါ်မှ ဆင်းကာ ကားပေါ်ရှိ အေးဂျင့်များအား “တိစုစု၊ မင်းနဲ့အတူ တိုက်ပွဲ အခြေအနေကို စောင့်ကြည့်ဖို့ အေးဂျင့်တချို့ ခေါ်ထားလိုက်ပါ။ နောက်မှ ငါ့ကို အစီရင်ခံပါ။

အခန်း (၁၁၃) ပြီး၏။

လင်းဆက်

+++++