ဂျာမီနယ်၊ ငါပြောစရာတစ်ခုရှိတယ်

အခန်း (၁၂၃) ဂျာမီနယ်၊ ငါပြောစရာတစ်ခုရှိတယ်

ဌာန၁၃၏ ဌာနချုပ်တွင်၊ ဒါရိုက်တာ ကူဟွေ့နှင့် ထောက်လှမ်းရေးဝန်ကြီးတို့သည် စားပွဲခုံပေါ်ရှိ ဖုန်းကို စိုက်ကြည့်နေပြီး ဖုန်းကျွင်းသည် စိတ်လှုပ်ရှား‌သောအကြည့်ဖြင့် ဘေးတွင်ရပ်နေပါသည်။

"ငါတို့တည်နေရာကိုခြေရာခံနိုင်သလား"

နည်းပညာရှင်က "ငါတို့ တစ်ဘက်ရဲ့ ခြေရာခံခြင်းပရိုတိုကောကို ချိုးဖျက်လို့မရဘူး။ သူက အလွန်ကျွမ်းကျင်တဲ့ ဟက်ကာတစ်ယောက်ပဲ။”

ကူဟွေ့၏ သွေးကြောများသည် ဒေါသနှင့် တုန်ခါသွားသည်။ အဲဒီကောင်က ဘယ်တုန်းက ဟက်ကာဖြစ်လာတာလဲ။ ငါ ဘယ်လို မသိလိုက်နိုင်တာလဲ။

သေချာစဉ်းစားပြီးနောက်၊ ကူဟွေ့က ဖုန်းကို ကောက်ကိုင်လိုက်ပြီး " ဟန်ရှောင်း၊ မင်းခွင့်ပြုချက်မရှိဘဲ ဌာန၁၃က ထွက်သွားတယ်။ မင်းက လျှို့ဝှက်ကုဒ်ကို ချိုးဖောက်ခဲ့တယ်။ ဒီအပြုအမူက ရွံ့ရှာစရာပဲ!”

ဟန်ရှောင်းက တခစ်ခစ်ရယ်ပြီး ကူဟွေ့ရဲ့ အတွေးတွေကို ရှင်းပြလိုက်သည်။ "မင်းငါ့ကို ဘယ်တော့ပြန်လာမလဲလို့ မေးချင်တာ မဟုတ်လား"

"ကိုယ့်ကိုကိုယ် ပိုသိသင့်တယ်!" ကူဟွေ့က ပြောသည်။

"ငါပြန်မလာဘူး။"

"မင်း ထွက်ပြေးတာလား" ကူဟွေ့၏ မျက်လုံးများ မှိန်သွားပြီး သူ့လေသံ ပြောင်းသွားသည်။

"မင်းနားလည်မှုလွဲနေပြီ" ဟန်ရှောင်းက ဖြည်းညှင်းစွာပြောသည်။ "ငါမင်းတို့နဲ့ ဆက်ပြီးအလုပ်လုပ်ချင်သေးတယ်၊ ဒါပေမယ့် ငါတို့အလုပ်လုပ်ပုံက ပြောင်းလဲဖို့လိုတယ်။"

ကူဟွေ့မျက်မှောင်ကြုတ်လိုက်သည်။ "ဘာကိုဆိုလိုတာလဲ?"

အခန်းတွင်းရှိ အခြားလူများက နားစွင့်ရင်း ဟန်ရှောင်း၏ အဖြေကို စောင့်ဆိုင်းနေကြသည်။

ကလစ်တစ်ချက်နှိပ်ပြီး ဟန်ရှောင်းဖုန်းကို ချလိုက်သည်။

ထောက်လှမ်းရေးဝန်ကြီးသည် မျက်နှာထား မပြောင်းလဲသော်လည်း သူ့မျက်လုံးထောင့်မှ တွန့်သွားပုံက သူ့စိတ်ထဲရှိ မုန်တိုင်းကို ထင်ရှားစေသည်။

ကူဟွေ့က အသက်ပြင်းပြင်းရှူပြီး သူ့ကိုယ်သူ တွေးပြီး ငါက ဒါရိုက်တာ။ စားပွဲကို လှန်ပစ်လို့မရဘူး။ ငါက ဒါရိုက်တာ။ စားပွဲကိုလှန်ပစ်လို့မရဘူး။...

ဒင်!

မက်ဆေ့ချ်အသစ်ဖြင့် ဖုန်းသည် တုန်ခါသွား၏။

ကူဟွေ့သည် မျက်လုံးများ‌မှေးသွားပြီး မက်ဆေ့ခ်ျကို ဖွင့်လိုက်သည်။ များပြားလှသော သတင် စာမျက်နှာတစ်ခုကို သူ့မြင်ကွင်းထဲသို့ ပြေးဝင်လာသည်။ မက်ဆေ့ချ်၏ အကြောင်းအရာကြောင့် သူရူးသွပ်သွားခဲ့သည်။

ယင်းသည် တောင်ပိုင်း ကုန်းမြေတိုက်ကြီးရှိ ဂျာမီနယ် အခြေစိုက်စခန်းများ၏ သတင်းအချက်အလက်များ အားလုံးဖြစ်သည်။ အလွန်အသေးစိတ်ပြီး ပြည့်စုံလှ၏။

ငါတို့ရဲ့ အလုပ်လုပ်တဲ့ပုံစံကို ပြောင်းလဲမယ်ဆိုတာ ဒီအရာက သူက ဆိုလိုတာလား။ ကူဟွေ့က မသေချာပေ။ မည်သို့ပင်ဆိုစေကာမူ ဟန်ရှောင်းကို ဖြစ်နေသောဒေါသသည် ပြေပျောက်သွားသည်။

ဒါက သူတို့အမြဲတမ်းလိုချင်တဲ့ သတင်းအချက်အလက်ဖြစ်ပြီး ဟန်ရှောင်းက သူတို့ကို တကယ်လွယ်လွယ်ကူကူ ပေးခဲ့သည်။

သူအရမ်းရိုးသားတယ်!

ကူဟွေ့အတွေးထဲမှာ နစ်မျောသွားသည်။ ဟန်ရှောင်းသည် မမျှော်လင့်ထားသော ရိုးသားမှုကို ပြသခဲ့သည်။ ပြဿနာက ဟန်ရှောင်း၏ အထောက်အထားကို သူမည်ကဲ့သို့ ကိုင်တွယ်သင့်သနည်း။ သူသည် ထွက်ပြေးနေသူဟု ဆိုပါက၊ သူ၏ လုပ်ဆောင်ချက်သည် ကြယ်နဂါးနိုင်ငံ၏ အကျိုးစီးပွားအတွက် အကျိုးရှိမည်ဖြစ်သည်။ သို့သော် ဟန်ရှောင်းသည် ဌာန၁၃ သို့ ပြန်မည်ဟု ပြောခြင်းသည် မမှန်ပေ။ ဟန်ရှောင်းက ပြန်မလာဘူးလို့ သူ့ကိုယ်တိုင် ပြောခဲ့သည်။

စဉ်းစားပြီးနောက် ကူဟွေ့ဆုံးဖြတ်ချက်ချလိုက်သည်။

"ဟန်ရှောင်းကို ရှာနေတာ ရပ်လိုက်။ သူ့ရဲ့ တရားဝင်လျှို့ဝှက်အေးဂျင့်အထောက်အထားကို သိမ်းဆည်းထားပြီး သူ့ရဲ့ ဖိုင်တွေကို နယ်‌မြေအေးဂျင့်ဖိုင်ထဲကို ရွှေ့ထားလိုက်။"

ဖုန်းကျွင်း အံ့အားသင့်သွားသည်။ ဒါရိုက်တာ၏ ဆုံးဖြတ်ချက်သည် ဌာန၁၃မှ ဟန်ရှောင်းနှင့် ပြန်လည်သင့်မြတ်နေပြီဟု ဆိုလိုခြင်းဖြစ်သည်။ သူတို့သည် ဟန်ရှောင်၏ တစ်ကိုယ်တော် အပြုအမူကို လက်ခံပြီး သူ့ကို ၎င်းတို့ထဲမှ တစ်ဦးအဖြစ် မှတ်ယူမည်ဖြစ်သည်။

ဌာန၁၃မှ နယ်‌မြေအေးဂျင့်များကို ဖွဲ့စည်းတာဝန်ယူခဲ့သည်။ ဌာနအောက်တွင် နယ်‌မြေအေးဂျင့်များကို အလုပ်ခန့်ထားသော်လည်း၊ သူတို့သည် လွတ်လပ်စွာ လှုပ်ရှားနိုင်သည်။ အချို့သော ချီးမြှင့်ထိုက်သော အေးဂျင့် သို့မဟုတ် အငြိမ်းစား အေးဂျင့်များသာ ထိုကဲ့သို့သော ဦးစားပေး ဆက်ဆံခြင်းကို ရရှိနိုင်သည်။

ဖုန်းကျွင်းသည် ဟန်ရှောင်းနှင့် ကာလကြာရှည်စွာ ဆက်ဆံရေးမရှိခဲ့သော်လည်း ကောင်းမွန်သောဆက်ဆံရေးရှိခဲ့သည်။ ဖုန်းကျွင်းသည် ပျော်ရွှင်နေ၏။ အနည်းဆုံး သူတို့က ရန်သူတွေ ဖြစ်လာမှာ မဟုတ်တော့ပေ။

သူ့လက်ထဲတွင် လိုအပ်သောအချက်အလက်များကြောင့် ကူဟွေ့သည် စိတ်ကောင်းဝင်နေသည်။ သူသည် ထောက်လှမ်းရေးဝန်ကြီးအား ပေါ့ပေါ့ပါးပါး ချီးကျူးလိုက်ပြီး ထွက်သွားတော့မည် အပြုတွင်၊ မောပန်းတကြီးပြေးလာသော ထောက်လှမ်းရေးအဖွဲ့မှ အတွင်းရေးမှုးနှင့် တိုက်မိတော့မတတ် ဖြစ်သွားသည်။

"ဒါရိုက်တာ! ဝန်ကြီး ဟက်စ်လာ၊ မေပယ်လ်၊ အော်ဒီနာ၊ သီးစီးရပ်စ်နှင့် ရိုင်းလင်းတို့က ထောက်လှမ်းရေးဌာနတွေအားလုံး ကျွန်မတို့နဲ့ ဆက်သွယ်ဖို့ တောင်းဆိုချက်တစ်ခု ပေးပို့ခဲ့တယ်။”

ကူဟွေ့၏ မျက်နှာမှ အကြည့်မှာ တင်းမာသွားသည်။

တကယ်အရေးတကြီးဖြစ်ရပ်တွေနဲ့သာ နိုင်ငံတစ်ခုစီရဲ့ ထောက်လှမ်းရေးအေဂျင်စီတွေက တခြားနိုင်ငံကို ဆက်သွယ်ကြသည်။ နိုင်ငံ၆နိုင်ငံမှ မတူညီသော ထောက်လှမ်းရေးအေဂျင်စီများအကြား တွေ့ဆုံခဲ့ကြသည်မှာ နှစ်ပေါင်းများစွာ ကြာခဲ့ပြီဖြစ်သည်။ ဘာဖြစ်တာလဲ ‽

လေးလံသောနှလုံးသားဖြင့်၊ ကူဟွေ့သည် အစည်းအဝေးခန်းဆီသို့ လျှောက်သွားသည်။ လူငါးဦးသည် မျက်နှာပြင်ကြီးတွင် ပေါ်လာသည်။ ၎င်းတို့သည် အခြားငါးနိုင်ငံမှ ထောက်လှမ်းရေးအေဂျင်စီများ၏ အကြီးအကဲများဖြစ်သည်။ ၎င်းတို့သည် ကူဟွေ့ကဲ့သို့ ၎င်းတို့၏ သက်ဆိုင်ရာအေဂျင်စီများတွင် တူညီသောအဆင့်ရှိသည်။

"ဘာဖြစ်တာလဲ?" ကူဟွေ့က မေးတယ်။

သူပြောပြီးသည်နှင့် ထောက်လှမ်းရေးအေဂျင်စီ၏ အကြီးအကဲငါးဦးသည် အလွန်ထူးဆန်းသောအကြည့်ဖြင့် သူ့ကို စိုက်ကြည့်နေသည်ကို တွေ့ရပြီး အနည်းငယ် စိတ်ရှုပ်သွားစေသည်။

အော်ဒီနာမှ ကိုယ်စားလှယ်က အစပြုပြီး "အမ်... ဌာန၁၃ ဒါရိုက်တာ၊ ဂျာမီနယ်ရဲ့ ထိပ်တန်းအလိုရှိနေတဲ့ ဇီးရိုးကို သိလား"

ကူဟွေ့က ထိတ်လန့်စွာ စိုက်ကြည့်နေ၏။ သူ့မှာ မကောင်းတဲ့ ခံစားချက်ရှိနေသည်။

"ဖြစ်ပျက်ခဲ့တာက၊ ငါတို့ငါးယောက်စလုံး ဇီးရိုးဆီကနေ တောင်၊ အနောက်နဲ့ မြောက်ဘက်တိုက်တွေမှာရှိတဲ့ ဂျာမီနယ် လျှို့ဝှက်အခြေစိုက်စခန်းတွေရဲ့မြေပုံတွေအပါအဝင် သတင်းအချက်အလက်တွေ ရထားတယ်။ အမည်မသိရင်းမြစ်တွေက သတင်းအချက်အလတ်တွေကို ငါတို့ အမြဲသတိထားနေပေမယ့် သူက သူ့သတင်းထဲမှာ စာကြောင်းတစ်ကြောင်း ထပ်ထည့်ထားတယ်။

"ကြယ်နဂါးနိုင်ငံ၏ ဌာန၁၃သည် ကျွန်တော်၏ သတင်းအချက်အလက်အား ယုံကြည်စိတ်ချရမှုကို သက်သေခံနိုင်ပါသည်။"

"ဒါကြောင့် ငါတို့က မင်းနဲ့ ရှင်းလင်းအောင်လုပ်ဖို့လာတာ။"

သူတောင်းစား! အခြားနိုင်ငံအားလုံးကို သတင်းတွေ ပေးပို့ပြီး မင်းအတွက် ငါတို့ကို သက်သေထွက်ဆိုဖို့ ဘယ်လိုတောင် မျှော်လင့်နိုင်တာလဲ။ ဟန်ရှောင်း၊ မင်း ငါတို့ကို ထပ်ပြီး လိမ်ပြန်ပြီ။

ကူဟွေ့သည် ထိတ်လန့်တကြား မူးလဲလုမတတ် ဖြစ်သွားသည်။ သူသည် ဟန်ရှောင်း၏ ရယ်မောနေသော မျက်နှာကို သူ့စိတ်ထဲတွင် မြင်နိုင်လုနီးပါးပင်။

…

သူ၏ ပစ္စည်းကိရိယာ အစုံဖြစ်သည့် မပြည့်စုံသော Ghost စနိုက်ပါ၊ လျှပ်စစ်သံလိုက်စကိတ်ဘုတ်ဖိနပ်၊ အလင်းမျက်နှာဖုံးနှင့် သံလိုက်ချပ်ဝတ်၏ ဗားရှင်းအပြည့်အစုံတို့သည် သူ၏ ပုံစံကွဲ ပြောင်းလဲနိုင်သော စနိုက်ပါပစ်ခတ်တိုက်ခိုက်ရေးပုံစံကို အပြည့်အဝ ပံ့ပိုးပေးနိုင်မည်ဖြစ်သည်။ ဤနည်းဗျူဟာသည် ရှေးမက္ကင်းနစ်များကြားတွင် အလွန်ရေပန်းစားခဲ့သော နည်းဗျူဟာဖြစ်သည်။ သူထုတ်လုပ်သည့် ကိရိယာများသည် သာမန်အဆင့်ထက်ကျော်လွန်နေသောကြောင့် သူ၏တိုက်ခိုက်ရေးစွမ်းရည်သည် ပို၍ထိရောက်မည်မှာ ထင်ရှား၏။

သူ၏ ပိုမိုကောင်းမွန်သော ကိရိယာများဖြင့် သူ၏ စွမ်းအင်သည် 1,100 ouna ခန့်ဖြစ်သည်။ သူ့ကို ရေပင်လယ်ဂြိုလ်မှာ အဆင့်မြင့် အလယ်တန်းအဆင့်အဖြစ် သတ်မှတ်နိုင်သည်။ ထို့အပြင် ဟန်ရှောင်းတွင် NPC ၏ ပုံသွင်းခြင်းစွမ်းရည် [အသက်အားဖြည့်ခြင်း] လည်း ရှိသည်။ သူက သေချာပေါက် ထိခိုက်မှုတချို့ကို ခံယူနိုင်၏။

[Flaming Will] ကို အဆင့် ၅ သို့ အဆင့်မြှင့်ထားပြီး အနိမ့်ဆုံး အဆကို 138% အထိ တိုးထားသည်။ ဤအရာသည် များသည်ဟု ယူဆနိုင်ခြင်းမရှိသော်လည်း၊ ခိုးဝှက်တိုက်ခိုက်မှုများနှင့် အားနည်းချက်များအပေါ် Critical ထိုးနှက်ချက်များနှင့်အတူ၊ အနိမ့်ဆုံးအဆင့်မြှင့်တင်မှုဖြင့်ပင် သူ၏စွမ်းရည်ကို သိသိသာသာမြှင့်တင်နိုင်သည်။

Bennett ကဲ့သို့ အရူးအမူး အစွမ်းထက်သော တစ်စုံတစ်ယောက်ကို တိုက်ခိုက်ခြင်းမှ ရှောင်ကြဉ်သရွေ့ ဟန်ရှောင်းသည် တိုက်ခိုက်မှုအများစုကို လွယ်ကူစွာ ရင်ဆိုင်နိုင်၏။ ထို့ကြောင့် သွေးပဋိညာဉ်အဖွဲ့မှ လုပ်ကြံသတ်ဖြတ်ခြင်းမစ်ရှင်သည် သူ့အတွက် အလွန်စိုးရိမ်စရာမရှိသည်မှာ သဘာဝအတိုင်းဖြစ်သည်။

အချိန်များ တဖြည်းဖြည်း ကုန်လွန်သွားပြီး ဟန်ရှောင်းသည်လည်း မစ်ရှင်များ ပို၍ ပို၍ ပြီးသွားသည်။ သူသည် အတွေ့အကြုံအမှတ်နှင့် စည်းစိမ်ဥစ္စာများစွာကို ရရှိခဲ့ပြီး တစ်နေ့ထက်တစ်နေ့ ပိုမိုအားကောင်းလာ၏။ မစ္စတာဘလက်ကို မြေအောက်တပ်ဖွဲ့များသည်လည်း ပိုမိုကြောက်လန့်လာကြသည်။ သူသည် လုပ်ကြံသတ်ဖြတ်သူခေါင်းဆောင်အဆင့်တွင် အဆင့် ၁၀သို့ တက်လာသည်။ နောက်ဆုံးတွင် သူသည် ကျော်ကြားမှုအချို့ကို ရရှိလာခဲ့သည်။

ထိုအတောအတွင်း မြေအောက်ကမ္ဘာသည် ဟန်ရှောင်းကို Black Phantom ဟု အမည်ပြောင်အသစ် ပေးခဲ့သည်။

{TL Notes : ဒီနာမည်ကို ဘာသာပြန်ပေးဖို့ စဉ်းစားဖူးတယ်။ ကျွန်တော် ရေးပြမယ်နော်။ Phantom = တစ္ဆေ

'အနက်ရောင်တစ္ဆေ' - အဆင်တော့ ပြေပေမယ့် ဘာလိုနေမှန်း မသိဘူး။

'တစ္ဆေနက်' - ဟန်ရှောင်းနဲ့ သိပ်မလိုက်သလိုပဲ။

'ဘလက်ဖန်တန်' - အပေါ်ကထက် ဆိုးသွားပြီ။ နာမည်ရဲ့ မူရင်းဖီလင်တောင် ပျောက်။

အဲဒါနဲ့ နောက်ဆုံး ဒီတိုင်းပဲ ထားခဲ့လိုက်ပါတယ်။}

လူတစ်ဦးသည် ဆိုးရွားသောအမည်ပြောင်မဟုတ်ဘဲ ကုဒ်နာမည်ဆိုးတစ်ခုကိုသာ ခံယူနိုင်သည်။

_____________________

ကမ္ဘာလုံးဆိုင်ရာ ဂုဏ်သတင်း - ဒဏ္ဍာရီ (ရေပင်လယ်ဂြိုလ်): Black Phantom (Dark Net လုပ်ကြံသတ်ဖြတ်သူစာရင်း)

ဒဏ္ဍာရီအရ သူသည် မျက်နှာတစ်ထောင်ဖြင့် ညအမှောင်မှ ဆင်းသက်လာသည်ဟု ဆိုထားသည်။ သူဘယ်အချိန်လာမယ်ဆိုတာ ဘယ်သူမှ မသိဘူး။ သူဘယ်တော့ ထွက်သွားမယ်ဆိုတာ ဘယ်သူမှ မသိနိုင်ပေ။

သူ လှည့်ထွက်သွားသည်ကိုမြင်လျှင်၊ သေခြင်းတရား၏အနမ်းသည် သင့်နဖူးပေါ်တွင် ရိုက်နှိပ်ထားပြီး ဖြစ်လိမ့်မည်၊ ကျည်ဆန်ရာ အပေါက်များမှ သွေးများစီးကျနေလိမ့်မည်။ သူက ကျည်ဆံတစ်တောင့်ပေးပြီး သင့်အသက်ကို လုယူသွား၏။

_____________________

သူ့အကြောင်းက တော်တော်မိုက်နေသည်...

အမှန်တော့၊ သူ့ကို နာမည်ပြောင်ပေးခံရကြောင်း သိလိုက်ရသောအခါ၊ ဟန်ရှောင်းသည် ၎င်းကို မည်သို့ခံစားရမည်ကို မသိခဲ့ပေ။

Black Phantom... မင်းငါ့ကို White Yaksha လို့ ဘာလို့မခေါ်တာလဲ။

{TL Note : Yaksha = Yakkha = ယက္ခ = ဘီလူး -- 'အဖြူရောင်ဘီလူး'}

ဟန်ရှောင်းသည် မကြာသေးမီက မြေအောက်ကမ္ဘာတွင် အတက်ကြွဆုံး အဖွဲ့ဝင်တစ်ဦးဖြစ်ခဲ့ပြီး သွေးပဋိညာဉ်အဖွဲ့၏ စာအုပ်ကောင်းများတွင် ပါဝင်နေသည်။ ပင်ကိုယ်စွမ်းရည်ရှိသူများကို ဆွဲဆောင်ရန် သူ့ကို သရုပ်ဖော်ကြသည်။ သွေးပဋိညာဉ်အဖွဲ့ရဲ့ စာရင်းဇယားတွေအရ Black Phantom ပေါ်လာပြီးကတည်းက သူတို့ရဲ့လုပ်ငန်းကျဆင်းနေမှုများ နောက်ဆုံးမှာ ရပ်တန့်သွား၏။ သူတို့၏ လုပ်ငန်းသည် အနည်းငယ်တိုးတက်လာကာ အခြားလုပ်ကြံသတ်ဖြတ်သူများကို ဆွဲဆောင်ခဲ့သည်။ သူတို့သည် ငွေပေးငွေယူပမာဏတွင် ဦးဆောင်နေ၏။

သို့သော် နှစ်လအကြာတွင် တစ်ကမ္ဘာလုံး၏ အာရုံစူးစိုက်မှုမှာ အခြားပွဲကြီးတစ်ခု ဖြစ်သည်။

ရေပင်လယ်ဂြိုလ်ပေါ်ရှိ နောက်ဆုံး ယဉ်ကျေးသော နိုင်ငံများ အနေဖြင့် နိုင်ငံ၆နိုင်ငံ သည် အလွန်အင်အားကြီးမားသဖြင့် ၎င်းတို့လုပ်သမျှသည် ကမ္ဘာပေါ်ရှိ လူသားတိုင်းအပေါ် သက်ရောက်မှုရှိသည်။ မြေအောက်‌လောကဖြစ်ပါစေ၊ ဆိုးသွမ်းသော စစ်ဘုရင်များ သို့မဟုတ် အဖွဲ့အစည်း အသီးသီးမှ တပ်ဖွဲ့များဖြစ်ပါစေ၊ လူတိုင်းက နိုင်ငံ၆နိုင်ငံကို စောင့်ကြည့်နေကြသည်။ အထူးသဖြင့် ၎င်းတို့၏ စစ်ဆင်ရေးဆိုင်ရာ လုပ်ဆောင်ချက်များကို စောင့်ကြည့်နေကြသည်။

ရှေးယခင်က စစ်ပွဲများအပြီး၊ ရေပင်လယ်ဂြိုလ်တွင် အစီအစဉ်ကျမှု နှင့် ပရမ်းပတာဖြစ်ခြင်းတို့ကြားတွင် သိမ်မွေ့သော ချိန်ခွင်လျှာတစ်ခု ရှိနေသည်။ ရံဖန်ရံခါ၊ စစ်ပွဲများသည် ပွင့်လင်းမြင်သာစွာ သို့မဟုတ် လျှို့ဝှက်စွာ ဖြစ်ပွားကြပြီး၊ အားလုံးကို ငြိမ်းချမ်းသည်ဟု ဟန်ဆောင်ကာ ဖုံးကွယ်ရန်မူ နိုင်ငံ၆နိုင်ငံက စိတ်မဝင်စားပေ။

သိမ်မွေ့သော ကမ္ဘာ့အခြေအနေသည် နှစ်လအကြာတွင် ဤကံကြမ္မာဆိုးနေ့ကို ညွှန်ပြသည်။ နိုင်ငံ၆နိုင်ငံသည် တပြိုင်နက်နီးပါး တပ်ဖွဲ့များကို စေလွှတ်ခဲ့သည်။ စစ်တပ်များသည် တိုက်ကြီးသုံးတိုက်လုံးတွင် ဂျာမီနယ်အခြေစိုက်စခန်းများကို တစ်ခုပြီးတစ်ခု ချေမှုန်းပစ်ကြသည်။ တစ်ကမ္ဘာလုံးကို တုန်လှုပ်သွားကြသည်။

စစ်ပွဲက ဘာသတိပေးချက်မှမရှိဘဲ ရောက်လာ၏။

ကမ္ဘာကြီးသည် ကမောက်ကမ ဖြစ်ခဲ့ရသည်။ လွန်ခဲ့သော ဆယ်စုနှစ်များစွာက ဖြစ်ပွားခဲ့သော ကြောက်မက်ဖွယ်စစ်ပွဲကြီး၏ အိပ်မက်ဆိုးကြီး ထပ်မံပေါက်ကွဲတော့မည်ကို လူအများက စတင်ကြောက်ရွံ့လာကြသည်။ စစ်ပွဲကြောင့် ၎င်းတို့၏ဒဏ်ရာများ အပြည့်အဝ မပျောက်သေးဘဲ၊ ဤကဲ့သို့သော လူလုပ်ဘေးဒုက္ခကြောင့် နောက်တစ်ကြိမ် ကျိတ်မှိတ်မျိုချရန် မည်သူမျှ စိတ်အားထက်သန်မှု မရှိတော့ပေ။

နိုင်ငံခြောက်နိုင်ငံအတွင်း၌ပင် စစ်ပွဲကို ဆန့်ကျင်ဆန္ဒပြရန် လူထောင်ပေါင်းများစွာ လမ်းပေါ်ထွက်ခဲ့ကြသော်လည်း အစိုးရများသည် နားပိတ်ထားခဲ့သည်။ သူတို့အတွက်၊ ဂျာမီနယ်သည် ဘေးဥပဒ်၏ အရင်းအမြစ်ဖြစ်၏။ နိုင်ငံ၆နိုင်ငံကို ဖြိုခွင်းရန် ဖန်တီးထားသည့် အကြမ်းဖက်အဖွဲ့အစည်းတစ်ခုအနေဖြင့် နိုင်ငံ၆နိုင်ငံနှင့် ဂျာမီနယ်ကြား ပဋိပက္ခသည် ရှေးယခင်က စစ်ပွဲများဆီမှ အစပြုခဲ့ကြသည်။ ဂျာမီနယ်သည် နိုင်ငံ၆နိုင်ငံကို အုပ်စိုးရန် စိတ်ပိုင်းဖြတ်ထားသော ဥပဒေမဲ့များနှင့် သူပုန်များကို စုဆောင်းထားကြသည်။

အခုအချိန်အထိတော့ နှစ်ဖက်စလုံးက မတိုးသာမဆုတ်သာ ဖြစ်နေ၏။ ဂျာမီနယ်အဖွဲ့ကို နှိမ်နင်းရန် အခွင့်ကောင်းတစ်ခုဖြစ်သည်။ ဘယ်လိုများ လက်လွတ်ခံနိုင်မလဲ။

ပိုမိုသိရှိနားလည်ထားသူများအတွက်မူ၊ ၎င်းတို့ရရှိထားသည့် သတင်းများအရ နိုင်ငံ၆နိုင်ငံ၏ တင်းမာသော ရပ်တည်ချက်ကြောင့် အံ့သြစရာမဟုတ်ပေ။ အဘယ်ကြောင့် နိုင်ငံ၆နိုင်ငံ တပြိုင်နက်တည်း လုပ်ဆောင်ခဲ့သနည်း၊ ဂျာမီနယ်၏ ပုန်းအောင်းရာအရပ်ကို တိကျသောတိုက်ခိုက်မှုများကို မည်သို့ပြုလုပ်နိုင်သနည်း၊

ဖြစ်နိုင်ချေတစ်ခုသာရှိပါသည်။ တစ်စုံတစ်ဦးသည် သတင်းအချက်အလက် အမြောက်အမြားကို ပေးခဲ့သည်။

တစ်နည်းအားဖြင့်၊ သတင်းအချက်အလက်ကို ပေးခဲ့သော ဤလျှို့ဝှက်ဆန်းကြယ်သူသည် စစ်ပွဲနောက်ကွယ်မှ တကယ့်ရုပ်သေးသခင် ဖြစ်သည်။

များစွာသော စုံစမ်းမေးမြန်းမှုများ ပြုလုပ်ပြီးနောက် ထိုအမျိုးသား၏ အမည်သည် နိုင်ငံ၆နိုင်ငံအတွင်းမှ ပေါက်ကြားလာသည်။

ဇီးရိုး

ဂျာမီနယ်၏ သစ္စာဖောက်

မြေအောက်လောကတစ်ခုလုံး တုန်လှုပ်သွား၏။

ဂျာမီနယ်အဖွဲ့မှ ခေါ်ယူထားသော ရာဇဝတ်ကောင်များထဲတွင် အချို့မှာ စိတ်ကူးယဉ်ဆန်သော တိုက်ခိုက်ရေးသမားများဖြစ်ပြီး၊ အချို့မှာ သေးငယ်သော ရာဇ၀တ်မှုများကို ကျူးလွန်ခဲ့သော လူဆိုးများဖြစ်သည်။ အရင်တုန်းက သစ္စာဖောက်တွေရှိပေမယ့် လိုက်ဖမ်းရမှာကြောက်လို့ လမ်းပေါ်က ကြွက်တွေလို ပုန်းအောင်းနေကြသည်။ ဇီးရိုးသည် ဂျာမီနယ်ကို ပွင့်ပွင့်လင်းလင်း တုံ့ပြန်ခဲ့သည့် တစ်ဦးတည်းသော ပုဂ္ဂိုလ်ဖြစ်သည်။

ဇီးရိုးက ဘယ်လိုလုပ် သတင်းတွေ အများကြီး ရလာတာလဲ။ သူမပြောင်းခင်က ဂျာမီနယ်မှာ အဆင့်မြင့်အရာရှိတစ်ဦး ဖြစ်ခဲ့တာလား။

တော်တော်များများက ဒါကို ခေါင်းခြောက်နေကြ၏။

ဤအရာအားလုံးသည် လျှို့ဝှက်ဆန်းကြယ်ဖြစ်ခဲ့သည်။ မည်သူမဆို အဖြေရနိုင်မည့်နည်းလမ်းမရှိသော်လည်း၊ ၎င်းသည် အင်အားကြီးအဖွဲ့အစည်းအားလုံးက 'ဇီးရိုး' အမည်ကို ခြိမ်းခြောက်မှုစာရင်းတွင် ထည့်သွင်းခြင်းမှ မတားဆီးနိုင်ခဲ့ပေ။

...

“စစ်ပွဲတစ်ခု လာတော့မယ်…”

Bennett သည် အုံ့မှိုင်းနေသော ကောင်းကင်ကို မျက်မှောင်ကြုတ်ရင်း မော့ကြည့်လိုက်ပြီး၊ သူ့စိတ်ခံစားချက်သည် ကောင်းကင်ကဲ့သို့ပင် အုံ့မှိုင်းနေသည်။

ဝမ်ယွမ်က သူ့အနားကနေ တိုးတိုးလေးပြော၏ "ငါတို့ စောင့်ရှောက်မှုဂေဟာ အစီအစဉ်ကို အချိန်ဇယားထက် ရှေ့ကြိုလုပ်ဖို့ လိုတဲ့ပုံပဲ။

“မပြင်ဆင်ရသေးတာတွေ အများကြီးကျန်သေးတယ်…” Bennett ခေါင်းခါလိုက်သည်။ “ငါတို့ ဘယ်တော့မှ အပြည့်အဝ ပြင်ဆင်လို့ မရဘူး ထင်ပါတယ်။ စောင့်ရှောက်မှုဂေဟာ အစီအစဉ်ကို အကောင်အထည်ဖော်ရအောင်။ မဟာမိတ်အချို့ကို ဆက်သွယ်ပြီး ငါတို့နဲ့ ပူးပေါင်းဖို့ အားကောင်းပြီး လွတ်လပ်တဲ့ တိုက်ခိုက်ရေးသမားတွေကို ခေါ်ယူမယ်။ ငါတို့ အင်အားတွေ အကုန်စုရမယ်။”

အခန်း (၁၂၃) ပြီး၏။

လင်းဆက်

+++++