Esports ရပ်ဝန်းတွင် ရုတ်ရုတ်သဲသဲ

အခန်း (၁၂၉) Esports ရပ်ဝန်းတွင် ရုတ်ရုတ်သဲသဲ

ရေပင်လယ်ဂြိုလ်တွင် တိုက်ကြီး လေးခုနှင့် လူသစ်တန်းကစားသမားများအတွက် နောက်ထပ် စုဝေးနေရာများစွာ ရှိသည်။ open beta တွင် ပါဝင်သည့် ကစားသမားအသစ်များ မရပ်မဆဲ စီးဝင်လာသောကြောင့် စုစုပေါင်း ကစားသမားအရေအတွက် တိုးတက်လာ၏။ သို့သော်လည်း ကမ္ဘာပေါ်ရှိ လူဦးရေတစ်ခုလုံးနှင့် နှိုင်းယှဉ်ပါက ၎င်းသည် နိမ့်ကျသော အရေအတွက်တွင်သာ ရှိသေးသည်။

ကစားသမားတွေအားလုံးက အစပျိုးတာဝန်များကို လုပ်နေကြပြီး ဖြည်းဖြည်းချင်း အဆင့်တက်နေကြသည်။ အစပျိုးရွာများ ဝန်းကျင်တွင် အများစု စခန်းချကြသည်။ ဦးချိုကြီးရွာ ရှိ ကစားသမားများသည် ၎င်းတို့အား အခြေခံအသိပညာ သင်ကြားပေးနိုင်သော အဆင့်မြင့် ဇာတ်ကောင် ဟန်ရှောင်းနှင့် ကြုံတွေ့ရသည့်အတွက် များစွာ မနာလိုဖြစ်ခံခဲ့ရပြီး၊ အခြားသော အစပျိုးရွာများမှ ကစားသမားများသည် ဒုတိယတန်းစား အမျိုးအစားအတွက် ကြိတ်မှိတ်၍သာ ဖြည်းညင်းစွာ တိုးတက်လာနိုင်ကြသည်။

ယေဘူယျအားဖြင့် ကစားသမားများကို ပေါ့ပေါ့ပါးပါး ကစားသူများ၊ စတူဒီယိုကစားသူများနှင့် ပရော်ဖက်ရှင်နယ် esports ကစားသမားများဟု အမျိုးအစားသုံးမျိုး ခွဲခြားနိုင်သည်။

ဖိုရမ်တွင်၊ တိုက်ရိုက်ထုတ်လွှင့်မှု ရှိနေ၏။ နိုင်ငံ၏ esports နယ်ပယ်တွင် အဆင့် 2 နှင့် ကမ္ဘာ့အဆင့် 21 အဆင့်ရှိ Deluxe Sanctuary Club မှ နတ်ဘုရားအဆင့် ကစားသမားတစ်ဦးသည် Galaxy သို့ဝင်ရောက်မည်ဟု တရားဝင်ကြေငြာခဲ့သည်။ သူ့ ID က Song ဖြစ်သည်။

ကြည့်ရှုသူ အရေအတွက်သည် သန်းနှင့်ချီရှိနေပြီဖြစ်သော်လည်း၊ ၎င်းသည် လျင်မြန်စွာ မြင့်တက်နေဆဲဖြစ်သည်။

" Song၊ မင်းရဲ့အလုပ်က အခုကစပြီး Galaxy အပေါ်မှာ လုံးလုံးလျားလျား အာရုံစိုက်နေသလားလို့ မေးလို့ရမလား"

" open-beta အဆင့်မှာ မင်း ဘာကြောင့် ပါဝင်ဖို့ ရွေးချယ်ခဲ့တာလဲဆိုတာ သိနိုင်မလား။"

“သိနိုင်မလား…”

သတင်းထောက်များ၏ မေးခွန်းများ တရစပ် မေးမြန်းခြင်းခံရသည့်တိုင် Song သည် တည်ငြိမ်ပြီး ချစ်စရာကောင်းကာ မေးခွန်းတိုင်းကို ပြေပြစ်စွာ ဖြေသည်။ သူသည် ဆွဲဆောင်မှုရှိသော အပြုံးကို အမြဲတမ်း ပြုံးထားသော ချောမောသော လူငယ်တစ်ယောက်ဖြစ်သည်။ သူ့ရဲ့ ထူးချွန်ထက်မြက်တဲ့ အရည်အချင်းနှင့် ကြော့မော့သော ရုပ်ရည်ကြောင့် Song သည် ပရိသတ်အခိုင်အမာ ရရှိထားသူပင်။

“Galaxy က ပြိုင်ဘက်ကင်း အလားအလာရှိတဲ့ ရာစုတစ်ခုရဲ့ဂိမ်းဖြစ်တယ်။ ဒီမှာ မရေမတွက်နိုင်တဲ့ ဖြစ်နိုင်ချေတွေ၊ ကြီးမားသောမြေပုံတွေနဲ့ မယုံနိုင်လောက်တဲ့ လွတ်လပ်မှုများစွာ ရှိတယ်။ ကျွန်တော်ရဲ့ ကိုယ်ပိုင်အမြင်အရ၊ Galaxy က အံ့မခန်းဂိမ်းတစ်ခု ဖြစ်လာမယ်လို့ ယုံကြည်ပါတယ်။ World E-sports Association ကလည်း Galaxy အတွက် ပထမဆုံး လိဂ်ပြိုင်ပွဲကို စတင်ပြင်ဆင်နေပြီဖြစ်ပြီး ဒါကို ကမ္ဘာတစ်ဝှမ်းလုံးမှာ ပြုလုပ်မှာဖြစ်တယ်။ ကျွန်တော်တင်မဟုတ်ပဲ တရုတ်ကစားသမားတွေအားလုံးက အမေရိက၊ ပြင်သစ်၊ ကိုရီးယားနဲ့ တခြား esports နိုင်ငံတွေက ကစားသမားတွေနဲ့ ယှဉ်ပြိုင်ဖို့အတွက် ဒီပွဲကြီးမှာ ပါဝင်ယှဉ်ပြိုင်ကြမှာ ဖြစ်ပြီး၊ ကျွန်တော်တို့နိုင်ငံအတွက် ဂုဏ်ကျက်သရေရှိတဲ့ အောင်ပွဲကို ရယူဖို့ ရည်ရွယ်ထားပါတယ်။”

“မနေ့က၊ Key၊ Devil နဲ့ Thunder Snake တို့လို အမေရိကအသင်းကြီးတွေကလည်း Galaxy ထဲကို ဝင်ဖို့ ကြေညာခဲ့ပါတယ်။ သူတို့က ၎င်းတို့၏ အခြေစိုက်စခန်းအဖြစ် အကြီးမားဆုံး အလားအလာရှိသည့် ဂိမ်းအတွင်းဂြိုဟ် Planet Winterfrost ကို ရွေးချယ်ခဲ့တယ်။ သူတို့ဟာ အနာဂတ်မှာ ခက်ခဲတဲ့ ပြိုင်ဘက်တွေ ဖြစ်လာလိမ့်မယ်။ ကျွန်တော်တို့ရဲ့ Guild က ဂိမ်းမှာပါဝင်ဖို့အတွက် Long Sky နှင့် Thunder Storm တို့လို အဓိက e-sports ကလပ်များနဲ့လည်း ဆက်သွယ်ခဲ့သည်။ ကျွန်တော်တို့ လူမျိုးတစ်မျိုးအနေနဲ့ ဒီဂိမ်းမှာ နောက်ကျမနေခဲ့မှာ သေချာပါတယ်။”

"မင်းရဲ့ ရန်သူတော်ဖြစ်တဲ့ Lost Angel က Galaxy မှာ မင်းကိုအနိုင်ယူတော့မယ်လို့ ပြောတဲ့ကိစ္စနဲ့ ပတ်သက်ပြီး မင်းမှာ မှတ်ချက်တစ်စုံတစ်ရာရှိလား။" သတင်းထောက်တစ်ယောက်က မေးတယ်။

သူ့ကိုယ်သူ ယုံကြည်မှုအပြည့်နဲ့ စကားမပြောခင် Song က တခစ်ခစ်ရယ်တယ်။ “ကျွန်တော် ရန်သူကို ဘယ်တော့မှ မကြောက်ဘူး။ ကျွန်တော် Galaxy မှာ အကောင်းဆုံးဖြစ်အောင်လုပ်ပြီး တရုတ်ကစားသမားတွေကို တခြားနိုင်ငံက ကစားသမားတိုင်းကို အနိုင်ယူဖို့ ဦးဆောင်သွားမှာပါ။”

ဤဆွေးနွေးပွဲသည် Galaxy ထွန်းကားလာမှုကို အရိပ်အမြွက်ပြတဲ့ အချက်တစ်ခုလိုပါပဲ။ ဆွေးနွေးပွဲအပြီးတွင် ၎င်း၏ သြဇာလွှမ်းမိုးမှု မြင့်တက်လာ၏။ esports နယ်ပယ်တစ်ခုလုံး ကျယ်လောင်လာပြီး မရေမတွက်နိုင်သော ပရော်ဖက်ရှင်နယ် ကစားသမားများသည် ဂိမ်းထဲသို့ ဝင်ရောက်ရန် ၎င်းတို့၏ အစီအစဉ်များကို ကြေညာကြသည်။

သက်ဆိုင်ရာကလပ်များ၏ အစီအစဉ်ဖြင့် Sleepy Winter၊ Twinkle Fried Rice နှင့် Close-beta အဆင့်အတွင်း ဂိမ်းတွင်ပါဝင်ခဲ့သည့် Rainy Kim ကဲ့သို့သော ကစားသမားများသည် သတင်းစာရှင်းလင်းပွဲ ပြုလုပ်ကြသည်။ ဒါက e-sports နယ်ပယ်တွင် စိတ်အားထက်သန်မှုကို ပိုဖြစ်စေ၏။ ဂိမ်း၏ခေါင်းစဉ်သည် ပို၍ပို၍ ရေပန်းစားလာကာ ဂိမ်းဖိုရမ်ရှိ လုပ်ရှားမှုများသည် အံ့မခန်းအဆင့်တွင် ရှိနေပါသည်။ မရေမတွက်နိုင်သော ကစားသမားများသည် VR capsules ၏ ဒုတိယအသုတ်ရောင်းချမှုကိုလည်း စောင့်မျှော်နေကြသည်။

ဂိမ်း၏ လူကြိုက်များမှု မြင့်တက်လာသည်နှင့်အမျှ Galaxy သည် ၎င်း၏ ပထမဆုံးတရားဝင်နမူနာကို ထုတ်ပြန်ခဲ့သည်။ ရုပ်ရှင်နမူနာတွင် မှတ်တမ်းရုပ်ရှင်ကဲ့သို့ အတွေ့အကြုံမရှိသေးသော ဂြိုလ်များ၏ မတူညီသောရှုခင်းများကို ပြသထားသည်။ ရှေးခေတ်နှင့် အနာဂတ်နှစ်ရပ်စလုံးမှ မှော်ပညာနှင့် နည်းပညာတို့နှင့်အတူ၊ ဂြိုလ်များ၏ ကွဲပြားခြားနားသောပုံစံများနှင့် အသွင်အပြင်များသည် မရေမတွက်နိုင်သော မျက်လုံးများကို ဆွဲဆောင်နိုင်ခဲ့သည်။ ဤနမူနာကို closed-beta ကစားသူများ၏ ဗီဒီယိုများ စုစည်းမှုမှ ပြုလုပ်ထားပြီး ၎င်းတို့အားလုံးကို သူတို့၏ ရှုထောင့်မှ မှတ်တမ်းတင်ထားသည်။

ဤနမူနာသည် ရွေ့လျားနေသောပုံများမှတစ်ဆင့် Galaxy ၏ နောက်ခံနှင့် ပတ်ဝန်းကျင်ကို မိတ်ဆက်ပေးခဲ့သည်။ မကြာမီတွင်၊ Galaxy သည် Galaxy ၏ အခြားသွင်ပြင်လက္ခဏာများကို မိတ်ဆက်ပေးရန်အတွက် အခြားသော အလားတူ လူသိရှင်ကြား ဗီဒီယိုများကို ထုတ်ဝေတော့မည်ဖြစ်သည်။ နောက်ဗီဒီယိုတွင် မတူညီသော class များ၏ တိုက်ပွဲမြင်ကွင်းများကို ပြသမည်ဖြစ်ပြီး ကစားသမားများအား မတူညီသော class များနှင့် ၎င်းတို့၏ တိုက်ခိုက်ရေးပုံစံများကို ပိုမိုထိုးထွင်းသိမြင်စေမည်ဖြစ်ကြောင်း ၎င်းတို့က ကြေညာခဲ့သည်။ တော်တော်များများက ထိုဗီဒီယိုကို ကြည့်ချင်နေကြသည်။

ဖိုရမ်၏ လှုပ်ရှားမှုအဆင့်သည် အလွန်မြင့်မာသောအဆင့်တွင် အဆက်မပြတ်ရှိနေပြီး ဟန်ရှောင်းသည် ဖိုရမ်ရှိ ခေတ်ရေစီးကြောင်းများကို စောင့်ကြည့်နေသည်။ သူ၏ ယခင်ဘဝက တိုက်ပွဲဝင်ခဲ့သော ပရော်ဖက်ရှင်နယ်ကစားသမားများစွာ၏ ID များကိုကြည့်ရင်း ဟန်ရှောင်းအနည်းငယ် စိတ်လှုပ်ရှားသွားသည်။ သူသည် ဂိမ်းတွင် စိတ်အားထက်သန်သော ကစားသမားအသစ်ဖြစ်ခဲ့သည့် သူ၏အတိတ်ဘဝက အချိန်များကို မှတ်မိနေသေးသည်။ နှစ်ပေါင်းများစွာကြာပြီးနောက်၊ သူသည် ဂိမ်းတွင် အတွေ့အကြုံမြင့်မားသော ပရော်ဖက်ရှင်နယ် အဆင့်တင်ပေးသူ ဖြစ်လာခဲ့ပြီး၊ ထို့နောက် ကူးပြောင်းခြင်း ခံခဲ့ရသည်။ သူ့အတွက် အဖြစ်အပျက်တွေက အများကြီး ပြောင်းလဲသွားသည်။ တကယ်တော့ လက်တွေ့ဘဝက ဝတ္ထုထက် ပို၍ ဒရမ်မာဆန်လှသည်။

သူ၏ယခင်ဘဝတွင်၊ သူသည် VR capsules ၏ ဒုတိယအသုတ်ကို ဝယ်ယူခဲ့သော ကစားသမားများထဲမှ ဖြစ်သည်။ ဟန်ရှောင်းသည် ဤကမ္ဘာပေါ်တွင် သူ့၏အခြားဗားရှင်းရှိမရှိကို သိချင်သောကြောင့် ဖိုရမ်ကို အထောက်အထားတစ်ခုခုအတွက် သူအမြဲအာရုံစိုက်နေသည်။

ဟန်ရှောင်းသည် လွန်ခဲ့သော ရက်အနည်းငယ်က ဦးချိုကြီးရွာ တွင် တည်းခိုခဲ့ပြီး၊ ထိုအချိန်တွင် ကစားသမားဟောင်းများက ရွာသို့ အဆက်မပြတ် လာရောက်လည်ပတ်ခဲ့ပြီး ကစားသမားသစ်များ မွေးဖွားလာကြသည်။

ဦးချိုကြီး ရွာအပြင်ဘက်သို့ အသစ်ရောက်ရှိလာသော စူးစမ်းလိုစိတ်ရှိသော ကစားသမားသစ်အုပ်စု တစ်စုသည် သူတို့၏ မျက်နှာများတွင် စူးစမ်းလိုစိတ်များ ပြည့်နှက်နေခဲ့သည်။ “ဒါက အစပျိုးရွာ ဟုတ်လား”

ခါးပတ်ပတ်ထားသော ပစ္စတိုသေနတ်တစ်လက်နှင့် ကစားသမားသည် ဖြတ်ကျော်သွားရာ ထိုကစားသမားသစ်များ၏ အာရုံကို ချက်ချင်းဖမ်းစားလိုက်သည်။

"အစ်ကို၊ ဒီသေနတ်ကို ဘယ်မှာဝယ်တာလဲ။"

“အို၊ မင်းက အသစ် ဖြစ်ရမယ်။ ဒီအတွက် မင်းမေးတဲ့သူ မှန်တာပဲ။ အကြံဉာဏ်တစ်ခုပေးမယ် - သေနတ်ဝယ်ဖို့ ဦးချိုကြီး ရွာကို ဘယ်တော့မှ မသွားနဲ့။ အနောက်တည့်တည့်သွား။ Black Phantom လို့ ခေါ်တဲ့ အဆင့်မြင့်ဇာတ်ကောင်တစ်ယောက် ရှိတယ်။ သူက သေနတ်တွေကို အမှန်တကယ် တတ်နိုင်တဲ့စျေးနှုန်းနဲ့ ရောင်းချရုံမက ‘အမျိုးအစားရာထူးတက်ခြင်း’အတွက်ပါ ကူညီပေးနိုင်တယ်။” ပစ္စတိုနှင့် ကစားသူမှ ပြောလိုက်သည်။

"တကယ်လား? အခုပဲ သွားကြည့်ရအောင်!" မျက်လုံးတွေ တောက်ပသွားပြီး လူသစ်လေးများက အော်လိုက်သည်။

"သွားသွား၊ ငါ့ကို ကျေးဇူးတင်ဖို့ မမေ့နဲ့နော်။" ပစ္စတိုကိုင်ထားသော ကစားသမားသည် သူ့မျက်နှာပေါ်တွင် မာနဖြင့် ဖုံးအုပ်ထားသည်။

ဂိမ်းထဲသို့ ရောက်ရှိလာသည့်အချိန်တွင် တာဝန်များ လက်ခံရယူရန် ဦးချိုကြီးရွာ သို့မသွားရောက်မီ၊ ဟန်ရှောင်းကို လာရှာသော ကစားသမားများ ပိုများလာသည်။ ထို့နောက် သူတို့သည် ဂုဏ်သတင်းရမှတ်များရရှိရန် ဟန်ရှောင်းထံမှ နောက်ထပ်ပစ္စည်းများကို ဝယ်ယူရန်အတွက် တာဝန်များမှ ရရှိသောငွေအားလုံးကို အသုံးပြုခဲ့သည်။ သူတို့သည် အလုပ်ကြိုးစားသော ပျားများကဲ့သို့ပင်၊ ဟန်ရှောင်းကို ငွေအမြောက်အမြား ပေးဆောင်နေကြသည်။

ရက်အနည်းငယ်အတွင်း ဟန်ရှောင်းသည် ရေပင်လယ်ဂြိုလ် ဒေါ်လာ ၅၀၀,၀၀ ကျော်နှင့် အတွေ့အကြုံအမှတ် တစ်သန်းနီးပါး ရရှိခဲ့သည်။ ထိုကဲ့သို့ ထိရောက်မှုမှာ နှိုင်းယှဉ်၍ မရပေ။ ၎င်းသည် ကိုယ်တိုင်တာဝန်များ ပြုလုပ်ပြီး ရရှိသော ငွေ၊ အတွေ့အကြုံအမှတ် တို့နှင့် နှိုင်းယှဉ်ပါက သူ့အတွက် ပိုမိုလုံခြုံပြီး အဆင်ပြေသောနည်းလမ်းလည်း ဖြစ်သည်။

အခု ကစားသမားတွေအားလုံးဟာ အသစ်လေးတွေချည်းပဲ။ ယခုအချိန်သည် ၎င်းတို့ကို အသုံးချဖို့ အကောင်းဆုံးအချိန်လည်း ဖြစ်သည်။

NPC ၏အင်္ဂါရပ်များသည် ကစားသမားများနှင့် ရင်ဆိုင်ရသောအခါတွင် ကြီးမားသောအားသာချက်ကို ပေးစွမ်းနိုင်သော်လည်း ဟန်ရှောင်းသည် ၎င်းတို့ထံမှ အမြတ်အစွန်းများ ထုတ်ယူရန် ကြိုတင်လိုအပ်ချက်များ ရှိကြောင်း သိထားသည်။ သူသည် တိုးတက်မှုနယ်ပယ်အားလုံးတွင် ကစားသမားများထက် သာလွန်နေရမည်ဖြစ်သည်။

လက်ရှိအခြေအနေက တကယ်ကောင်းပေမယ့် ငါ အေးအေးဆေးဆေး နေလို့မရဘူး။ ဟန်ရှောင်းက သူ့ဆေးလိပ်သောက်ရင်း သူ့ကိုယ်သူ တွေးလိုက်သည်။

ဦးချိုကြီး ကျေးရွာရှိ ကစားသမားများထဲတွင် နှစ်ဆယ်ရာခိုင်နှုန်းခန့်သည် ယန္တရားပညာရှင်အဖြစ်သို့ ပြောင်းရန် ရွေးချယ်ခဲ့ပြီး အခြားကစားသမားများမှာ ခြံစည်းရိုးတွင် ရှိနေဆဲဖြစ်သည်။ ယန္တရားပညာရှင်၏ တိုက်ခိုက်ရေးစွမ်းရည်ကို ပြသခြင်းဖြင့်သာ အခြားကစားသမားများ ပြောင်းလဲလာမည်ဖြစ်သည်။

ဟန်ရှောင်းသည် ကွန်ပျူတာကို တစ်ချက်ကြည့်လိုက်ပြီး ဂျာမီနယ် အဖွဲ့အစည်း အကြောင်း Dark Net မှ ပေးပို့လာသော ထောက်လှမ်းရေးသတင်းကို ဖတ်လိုက်သည်။ ဆုတ်ခွာလာသည့် တပ်များသည် ယနေ့မွန်းလွဲပိုင်းတွင် ဦးချိုကြီးကျေးရွာအနီးတွင် ဖြတ်သန်းသွားမည်ဖြစ်သည်။

သူတွေးနေတုန်းမှာ အမျိုးသမီးတစ်ဦး၏ အသံကို ကြားလိုက်ရသည်။

"Black Phantom၊ မင်းဘာလို့ ဂျာမီနယ် အဖွဲ့အစည်း နဲ့ ရန်သူဖြစ်ချင်တာလဲ။"

ဟန်ရှောင်းက ခေါင်းကို လှည့်ကြည့်လိုက်တော့ ငယ်ငယ်ရွယ်ရွယ်နဲ့ မိန်းကလေးကစားသမားတစ်ယောက်ကို တွေ့လိုက်တယ်။ သူမ၏ အရပ်သည် သူ့မေးစေ့အောက်၌သာရှိပြီး နူးညံ့သိမ်မွေ့သော ဆံပင်တိုတိုနှင့် စပ်စုချင်စိတ်များ ပြည့်နှက်နေသော မျက်လုံးများရှိသည်။ သူမရဲ့မျက်နှာက ပန်းသီးတစ်လုံးလိုပင်၊ လူတွေက သူမရဲ့ပါးပြင်ကို ပုတ်ချင်လာစေသည်။ သူမ၏ ID မှာ 'Maple Moon' ဖြစ်သည်။ သူ့ဆီကနေ ကျွမ်းကျင်မှုကို သင်ယူခဲ့တဲ့ ပထမဆုံး အမျိုးသမီး ကစားသမားလည်း ဖြစ်ပါတယ်။

ပြန်ဆုံတွေ့ကြတယ်ဆိုတာ မယုံနိုင်စရာပါပဲ... ဟန်ရှောင်းက သူ့ခေါင်းထဲမှာ အမှတ်တရဟောင်းတွေ ပေါ်လာတာကြောင့် မျက်ခုံးပင့်လိုက်ပါတယ်။

တတိယရာသီတွင် ယန္တရားပညာရှင် ကိုယ်စားလှယ်များထဲမှ တစ်ဦးဖြစ်သော Maple Moon သည် မူလက ပေါ့ပေါ့ပါးပါး ကစားသူဖြစ်သည်။ သူမသည် တတိယရာသီပြိုင်ပွဲတွင် ထူးထူးခြားခြားဖြစ်လာပြီး ပရော်ဖက်ရှင်နယ်ကစားသမားဖြစ်လာရန် ကလပ်တစ်ခုမှ လက်မှတ်ရေးထိုးခဲ့သည်။

သူ၏ အတိတ်ဘ၀တွင်၊ Maple Moon သည် လျှို့ဝှက်ဇာတ်လမ်းဇာတ်ကွက်များကို တူးဆွရန် နှစ်သက်ကြောင်း ဖိုရမ်တွင် ထုတ်ဖော်ပြသခဲ့သည်။ ထိုသို့လုပ်ဆောင်ခြင်းမှ ရရှိသော အကျိုးကျေးဇူးများအားလုံးကို ယန္တရားပညာရှင်အတွက် အကျိုးကျေးဇူးရရှိသည့် တတိယရာသီအထိ စုစည်း၍ ပေါင်းစပ်ခဲ့၏။ ထိုအချိန်မှပင် သူမသည် သူမ၏ စစ်မှန်သော တိုက်ပွဲစွမ်းရည်ကို ပြသခဲ့သည်။

ဟန်ရှောင်းမျက်တောင်ခတ်ပြီး အကြံသစ်တစ်ခုရလိုက်တယ်။

ဒီလိုကစားသမားမျိုးက လုပ်နိုင်မယ့်ပုံပဲ...

အခန်း (၁၂၉) ပြီး၏။

လင်းဆက်

+++++