ခက်ထန်တဲ့ စစ်သူကြီး

ရှင်းလင်းရေးနှင့် ပတ်သက်ပြီး တစ်စုံတစ်ခု မှားယွင်းနေကြောင်း ခံစားမိပြီးသည့်နောက်တွင် တိထျန်းက သူ့အရိပ်နှင့်အတူ ထွက်လာခဲ့ပြီး အသင်္ချေအင်ပါယာကမ္ဘာဆီ ပြန်လာလိုက်သည်။ သူ့အဖေက သူ ပြန်ရောက်သည်ကို မြင်ပြီး ချက်ချင်းလာရောက်တွေ့ဆုံ၏။

“ရှင်းလင်းရေးက ပြီးသွားပြီလား” တိမျိုးနွယ်ခေါင်းဆောင်က မေးလိုက်သည်။

“တစ်ခုခုမှားနေလို့ ကျွန်တော် ထွက်လာခဲ့တာ”

“ဘာဖြစ်လို့လဲ” သူက မျက်မှောင်ကြုတ်ကာ မေးလိုက်၏။

“ကိစ္စမရှိပါဘူး” တိထျန်းက ပြန်ဖြေလိုက်သည်။

“ဒါနဲ့ နယ်ရှင်တာအို ဒါမှမဟုတ် အာဏာရှင်တာအိုကို ကျင့်ကြံတဲ့ စည်းပိတ်ကောင်းကင်ရွေးချယ်ခံများရှိလား”

မျိုးနွယ်စု ခေါင်းဆောင်က ခေတ္တမျှ စဉ်းစားပြီးသည့်နောက်တွင်

“ရှိလောက်တယ် ဘာဖြစ်လို့လဲ”

“ကျွန်တော်ရဲ့ စစ်သူကြီးဖြစ်ဖို့ တစ်ယောက် လိုတယ်”

“မင်းကတောင် စစ်သူကြီး လိုတာလား” သူ့သား၏ အင်အားအရ ဤမျိုးဆက်၏ တိုက်ပွဲတွင် အနိုင်ရရှိဖို့ အာမခံထားကြောင်း ခံစားမိလေသည်။ ဤသည်က တိခုံသည် သူ့သားသည် အင်အားကြီးပုဂ္ဂိုလ်၏ ပြန်လည်ဝင်စားမှု ဖြစ်နိုင်သည့်အချက်ကို စိတ်ထဲမထားသည့် အကြောင်းအရင်းတစ်ခုလည်းဖြစ်၏။

“အဲ့လိုတွေးမိပေမဲ့ ဝမ်ဝေ့ရဲ့ စွမ်းအားက အမှီလိုက်လာပြီ”

တိခုံက မျက်မှောင်ကြုတ်ကာ အလျင်အမြန် ပြောလိုက်သည်။

“အဲဒါဆို နိုင်မယ်ဆိုတာ ဘယ်လိုသေချာမှာလဲ”

“မသိသေးဘူး” တိထျန်းက သူသည် နဝမအဆုံးစွန်အုတ်မြစ်ကို မချိုးဖောက်သေးခင်က သေချာနေသည်။ သို့သော်လည်း ဝမ်ဝေ့က ထူးခြားအံ့ဖွယ်ကို ဖန်တီးနိုင်သည့်သူဖြစ်ကြောင်း သိထားလေ၏။

တိခုံက စိတ်လှုပ်ရှားလာကာ သူ့သားဆီမှ မရေရာမှုကို တစ်ခါမှမကြားခဲ့ဖူးပေ။

“အလျင်လိုဖို့ မလိုဘူး” တိထျန်းက ပြောလိုက်သည်။ သူက နောက်ဆုံးတိုက်ပွဲအကြောင်း မစိုးရိမ်သည်မှာ သူ့ဧကရာဇ်ဝိညာဉ်ကြောင့် ဖြစ်၏။ ယခုသူက ဝိညာဉ်ကန့်သတ်ချက်ကို ချိုးဖောက်နိုင်ပြီး ပြန်လည်ဝင်စားနိုင်မည် ဖြစ်၏။ ဤမျိုးဆက်အတွက် တာအိုကို သက်သေပြလိုသည့် တစ်ခုတည်းသော အကြောင်းအရင်းက နဉ်အာ၏ အမှတ်အသားသည် ဤမျိုးဆက်ကို ကျော်လွန်၍ ရှင်သန်နိုင်တော့မည် မဟုတ်ကြောင်း သိနေ၍ဖြစ်သည်။

တိခုံက သက်ပြင်းချလိုက်ပြီး “ငါ့နောက်လိုက်ခဲ့”

သူက သူ့သားကို ခေါင်းတလားမြောက်များစွာရှိသည့် လျှို့ဝှက်နယ်မြေတစ်ခုသို့ ခေါ်ဆောင်သွား၏။ တိခုံက ထိုစည်းပိတ်ခံ ကောင်းကင်ရွေးချယ်ခံများနှင့် ပတ်သက်ပြီး သတင်းအကြောင်းအရာကို ဖတ်ရှုရင်း အဆောင်တစ်ခုကို ကိုင်စွဲထားသည်။

သိပ်မကြာခင် သူအလိုရှိသည့်သူကို ရှာတွေ့သွား၏။ တိခုံက ထိုခေါင်းတလားကို ဖွင့်ဖို့ လျှို့ဝှက်နည်းစနစ်ကို အသုံးပြုလိုက်သည်။ ထို့နောက် ခေါင်းတလားဆီမှ ကြမ်းတမ်းခက်ထန်သည့် အငွေ့အသက်တစ်ခု ထွက်ပေါ်လာသည်။

“ငါ နိုးလာပြီလား” လှပကာ စည်းချက်ကျသည့် အသံတစ်သံထွက်ပေါ်လာသည်။

“နောက်ဆုံးတော့ ဒီခံစားရတဲ့ ဒုက္ခတွေ အဆုံးသတ်သွားပြီပဲ”

အမျိုးသမီးက ရိုးရှင်းသည့် အနက်ရောင်ဝတ်စုံကို ဝတ်ဆင်ထားပြီး ခေါင်းတလားမှ ထွက်လာသည်။ သူမ၏ ခန္ဓာကိုယ်မှ ကြောက်မက်ဖွယ် ယန်စွမ်းအား ထွက်ပေါ်နေပြီး အားကောင်းသည့်ခန္ဓာကိုယ်ကို ပြသနေလေ၏။ သူမက ပါးစပ်ဟကာ ဝိညာဉ်ချီကို ရှိုက်သွင်းလိုက်သည်။

သူမက တိထျန်းနှင့် တိခုံကို လှည့်ကြည့်လိုက်ပြီး “ငါက ထာဝရကံကြမ္မာပြည့်နေတဲ့ မျိုးဆက်မှာ နိုးထလာဖို့ တောင်းဆိုခဲ့တာ။ ဒါက အခု ဒီမျိုးဆက်လား”

“ဟုတ်ပါတယ်။ ဒါပေမဲ့ နိုးထစေရတဲ့ အကြောင်းအရင်းတော့ မဟုတ်ပါဘူး” တိခုံက ပြောလိုက်သည်။

“ဘာကို ပြောတာလဲ”

“ဒီမျိုးဆက်ရဲ့ ကောင်းကင်ရွေးချယ်ခံအတွက် စစ်သူကြီး ဖြစ်ပေးဖို့ လိုလို့ပါ”

“ဘာပြောလိုက်တယ်” တိကျားယင်ဆီမှ ကြောက်မက်ဖွယ် သတ်ဖြတ်ငွေ့တစ်ခု ထွက်ပေါ်လာပြီး ပတ်ဝန်းကျင်တစ်ခုလုံးကိုပင် တုန်ခါသွားကာ တိခုံပင် နောက်အနည်းငယ် ဆုတ်လိုက်ရသည်။

တိထျန်းက ထိုဖိအားကို ပယ်ဖျက်ဖို့ လက်တစ်ချက် ဝှေ့ယမ်းလိုက်ပြီး “သူ ပြောတာနဲ့ပတ်သက်ပြီး ပြဿနာရှိလို့လား”

“ဒါပေါ့”

“အခုရော ဘယ်လိုလဲ” သူက တိကျားယင်ကိုပင် အသက်မရှူနိုင်သလို မလှုပ်ရှားနိုင်လောက်သည့် ဖိအားမျိုးကို ထုတ်လွှတ်လိုက်သည်။

“မဆိုးဘူးပဲ” တိထျန်းက ထိုဖိအားကို ဆက်လက်မြှင့်တင်ရင်း ပြောလိုက်သည်။ သူမကို အညံ့ခံစေလိုသည်။ သို့သော်လည်း တိကျားယင်က ဦးညွှတ်ဖို့ ငြင်းဆန်၏။ သူမက မည်သူနည်း။ မှားယွင်းသည့်အချိန်တွင် မွေးဖွားလာရသည့် ထိပ်တန်းပါရမီရှင်တစ်ယောက် ဖြစ်ပေသည်။

သူမက လေလွင့်ကျင့်ကြံသူမဟာမိတ်မှ ဧကရာဇ်ပွင့်ချပ်သုံးလွှာ တာအိုကို သက်သေပြပြီး ရက်သုံးဆယ်ကြာမြင့်ပြီးသည့်နောက် အလယ်အလတ်ဧကရာဇ် ခေတ်ကာလတွင် မွေးဖွားလာခဲ့သည်။ ယခင်မျိုးဆက်၏ ကံကြမ္မာအစွန်းအထင်းကြောင့် သူမ၏ ဧကရာဇ်လမ်းစဉ်က မစတင်ခင် ဖြတ်တောက်ခံခဲ့ရသည်။ သို့သော်လည်း သူမက ထိုအရာကို အလွယ်တကူ လက်ခံဖို့ ငြင်းဆန်လေ၏။

သူမက ဧကရာဇ်တစ်ပိုင်းအဆင့် ရောက်အောင် ကျင့်ကြံပြီးသည့်နောက်တွင် တိကျားယင်က ကောင်းကင်အလိုဆန္ဒတိုက်ပွဲသည့် အသက်ရှင်ခဲ့သည့်သူအားလုံးကို ဆက်သွယ်ပြီး တိုက်ခိုက်ခဲ့သည်။ သူမက တစ်ယောက်ပြီးတစ်ယောက် အနိုင်ယူခဲ့သည့်အတွက် ကမ္ဘာပင် တုန်လှုပ်သွားခဲ့ရသည်။

သို့သော်လည်း ထိုအရာက အဆုံးသတ် မဟုတ်ပေ။

တိကျားယင်က ဧကရာဇ်ပွင့်ချပ်သုံးလွှာကို စိန်ခေါ်ပြီး သူမ၏ မောက်မာမှုကို ပြသခဲ့၏။ သူမက စောစောစီးစီး မွေးဖွားလာခဲ့လျှင်ထိုလူက တာအိုကို သက်သေပြနိုင်မည် မဟုတ်ကြောင်း ကမ္ဘာကြီးကို ပြောဆိုခဲ့သည်။ ထို့ကြောင့် သူမက တူညီသည့်အဆင့်တွင် တိုက်ခိုက်ဖို့ စိန်ခေါ်ခဲ့၏။

သူမက တိမျိုးနွယ်၏ အာဏာဖြင့် အသင်္ချေအင်ပါယာကမ္ဘာတစ်လျှောက် ကောလဟာလများ ဖြန့်ခဲ့သည်။ နောက်ဆုံးတွင် ဧကရာဇ်ပွင့်ချပ်သုံးလွှာက ထိုကိစ္စကို လျစ်လျူမရှုနိုင်တော့ဘဲ သူမ မှားယွင်းကြောင်း သက်သေပြဖို့ ဆုံးဖြတ်ခဲ့သည်။ သူက ကောင်းကင်အလိုဆန္ဒ မရယူခင် အနေအထားထိ စည်းပိတ်လိုက်ကာ သူမနှင့် တိုက်ခိုက်ခဲ့သည်။

ထို့နောက် ကမ္ဘာကြီးက တုန်လှုပ်သွားရသည်။ တိကျားယင်က တိုက်ပွဲကို အနိုင်ရရှိသွားပြီး သူမ၏ ကံဆိုးမှုကြောင့်သာ မဟုတ်လျှင် ဧကရာဇ်ဖြစ်လာနိုင်ကြောင်း ကမ္ဘာကြီးကို သက်သေပြခဲ့သည်။

ထိုစဉ် ဧကရာဇ်ပွင့်ချပ်သုံးလွှာက ဟာသတစ်ခု ဖြစ်လာခဲ့၏။ အားကောင်းသည့် ပထမတန်းစားဧကရာဇ်က မိန်းမငယ်လေးအတွက် ပြိုင်ဘက် မဟုတ်ခဲ့ပေ။

ပို၍ဆိုးရွားသည်က သူ အနိုင်ရရှိခဲ့သည်မှာ ကံကောင်းမှုကြောင့်သာ ဖြစ်၏။

ပွင့်ချပ်သုံးလွှာက ဒေါသတကြီးဖြင့် တိကျားယင်ကို ကပ်ပြီး ဤအရှက်ရမှုကို ချေဖျက်ဖို့ လုပ်ဆောင်ခဲ့သည်။ ကံဆိုးစွာဖြင့် တိမျိုးနွယ်၏ ဆန့်ကျင်ကျင့်ကြံသူများက ကြိုတင်ပြင်ဆင်ထားခဲ့ပြီး တိကျားယင်ကို ခေါ်ဆောင်သွားခဲ့ကြသည်။ သို့သော်လည်း ပွင့်ချပ်သုံးလွှာက လက်မလျှော့ဘဲ လေလွင့်ကျင့်ကြံသူမဟာမိတ်၏ အင်အားကို သုံးကာ တိမျိုးနွယ်နှင့် တိုက်ခိုက်ခဲ့သည်။

ရလဒ်ကမူ သူ ဒိုင်မေးရှင်းအမြင့်သို့ နှင်ထုတ်ခံလိုက်ရ၏။ တိမျိုးနွယ်တွင် ထာဝရဧကရာဇ်မရှိသော်လည်း သူတို့၏ တည်ထောင်သူက ကုသိုလ်အမြောက်အများရှိသည့်သူ တစ်ဦး ဖြစ်ပေသည်။ ရှေးဟောင်းဧကရာဇ်ခေတ်ကာလအတွင်း အနောက်ပိုင်းကုန်းမြေက ယိုယွင်းပျက်စီးကာ လက်ရှိ မြောက်ပိုင်းကုန်းမြေထက်ပင် ဆိုးရွားခဲ့သည်။

သတ်ဖြတ်ငွေ့၊ ဖရိုဖရဲအာကာပြင်စွမ်းအားများ ပြည့်နှက်နေပြီး ဝိညာဉ်ချီကလည်း နည်းပါးလှသည်။

ထို့နောက် တိမျိုးနွယ်ခေါင်းဆောင်က ရောက်ရှိလာကာ မြေဓာတ်တာအိုကို ကျင့်ကြံပြီး အစီအရင်တာအိုကို အရန်အနေဖြင့် ကျင့်ကြံခဲ့သည်။ သူက အနောက်ပိုင်းကုန်းမြေအောက်ရှိ သွေးကြောများကို ပြန်လည်ဆက်နွယ်ကာ အသက်သွင်းခဲ့ပြီး ထိုကြမ်းတမ်းခက်ထန်သည့် အငွေ့အသက်နှင့် ဖရိုဖရဲအာကာပြင် စွမ်းအားများကို ဖြည်းဖြည်းချင်း ဖယ်ရှားဖို့ အစီအရင်ကို အသုံးပြုခဲ့သည်။

တိမျိုးနွယ်၏ တည်ထောင်သူက မျိုးဆက်တစ်ခုတည်းဖြင့် အနောက်ပိုင်းကုန်းမြေကို မပြင်ဆင်နိုင်ခဲ့ပေ။ တိမျိုးနွယ်၏ မျိုးဆက်တစ်ခုပြီးတစ်ခုက ထိုဖြစ်စဉ်ကို ကူညီပေးခဲ့ပြီး ဧကရာဇ်လေးယောက် ရှိခဲ့သည်။ တိမျိုးနွယ်က သူတို့၏ အပြုအမူအတွက် ကုသိုလ် အမြောက်အများရရှိပြီး သူတို့၏ တည်ထောင်သူက အနောက်ပိုင်းကုန်းမြေတစ်ခုလုံးနှင့် ဆက်နွယ်နေကာ ကုသိုလ်အပြည့်ရှိသည့် ထူးကဲသည့် ဧကရာဇ်အသုံးအဆောင်ပစ္စည်းကိုပင် သန့်စင်နိုင်ခဲ့သည်။

ဤအုတ်မြစ်ဖြင့် တိမျိုးနွယ်က ပွင့်ချပ်သုံးလွှာကို အလွယ်တကူ ဖြေရှင်းပြီး တိကျားယင်၏ အသက်ကို ကယ်တင်နိုင်ခဲ့သည်။

သူမ တွေ့ကြုံခဲ့သမျှအရာအားလုံးကို စဉ်းစားပြီးသည့်နောက်တွင် တိကျားယင်က ဘယ်သူ့ထံမှ ဒူးထောက်လိမ့်မည် မဟုတ်ပေ။

“စိတ်ဆန္ဒပြင်းသားပဲ” တိထျန်းက အေးစက်စက် ပြောလိုက်သည်။

“ကံဆိုးတာက အကြွင်းမဲ့အင်အားရှေ့မှာ အသုံးမဝင်ဘူး”

ကျွတ်

သူက သူ့အရှိန်အဝါကို မြှင့်တင်လိုက်သည့်အခါ တိကျားယင်က ဒူးတစ်ဖက် ထောက်လိုက်ရသည်။ သူက သူမ၏ ဆိုးဆိုးရွားရွား အသားအရည် သို့မဟုတ် ခန္ဓာကိုယ်မှ သွေးအားလုံးကို လျစ်လျူရှုထား၏။

“မင်းက ငါ့စစ်သူကြီးအဖြစ် ထမ်းဆောင်ရင် နောက်မျိုးဆက်ကျရင် မင်းအတွက် ကံကြမ္မာဆေးကြောရေစင် ရှာပေးမယ်”

တိကျားယင်က အံကြိတ်လိုက်သော်လည်း ဘာမှပြန်မဖြေပေ။

“လိုလိုလားလား ခစားမှာလား။ ဒါမှမဟုတ် အတင်းအကြပ် ကျွန်ပြုရမလား” တိထျန်းက ပြောလိုက်သည်။

“ငါ့ရှေ့မှာ မင်းဘာသာမင်း သတ်သေဖို့ တတ်နိုင်မှာတောင် မဟုတ်ဘူးလို့ ပြောရင် ယုံလိုက်”

တိကျားယင်၏ မျက်လုံးများက နီရဲလာသည်။ ထို့နောက် စက္ကန့်ပိုင်းကြာမြင့်ပြီးသည့်နောက်တွင် သူမက ရုတ်ချည်း တည်ငြိမ်သွားလေ၏။

“ကောင်းပြီ သဘောတူတယ်”

“စိတ်ဝင်စားစရာပဲ” တိထျန်းက ရေရွတ်လိုက်ပြီးသည့်နောက်တွင် သူမ နဖူးကို ထိကာ သူမ၏ ဝိညာဉ်ထဲ စည်းတံဆိပ် ထားရှိလိုက်သည်။

“သစ္စာဖောက်ရင် သေရမယ်”

“အားကြီးတဲ့သူတွေက အားနည်းတဲ့သူတွေရဲ့ ကံကြမ္မာကို ဆုံးဖြတ်ပေးနိုင်စွမ်း ရှိတာပဲ။ ကမ္ဘာကြီးက ဒီလိုလည်ပတ်နေတာ” သူမက ပြောလိုက်သည်။

“မင်း နားလည်ရင် ပြီးတာပဲ” တိထျန်းက ပြောလိုက်၏။ တိကျားယင်က လက်စားမချေခင် အစိုင်အခဲအဖြစ် ဖွဲ့စည်းထားမည့် သူမှန်း သိလေသည်။ ကံဆိုးစွာဖြင့် သူတို့ကြားရှိ ကွာဟချက်က သူမ တွေးကြည့်နိုင်သည့် အရာမျိုးမဟုတ်ပေ။

“အခု ငါ့နောက်လိုက်ခဲ့” တိထျန်းက တိကျားယင်ကို ကောင်းပုချင်၊ အစားကြူးသူနှင့် တွေ့ဖို့ ခေါ်သွားလေသည်။ သူက နောက်ရက်အနည်းငယ်အထိ ထိုသုံးယောက်အတွက် လေ့ကျင့်ရေး လုပ်ဆောင်ချက်များကို ပြင်ဆင်ပေးနေပြီး ချင်တိုင်းပြည်မှ နည်းဗျူဟာနှင့် အစီအရင်များ အသုံးပြုခြင်းပင် ပါဝင်သည်။ သူက တိမျိုးနွယ်နှင့် သူ့ကိုယ်ပိုင် အရင်းအမြစ်များစွာကို အသုံးပြုခဲ့ပြီး လေ့ကျင့်ပေးခဲ့သည်။

ထို့နောက် သူက သီးသန့်ကျင့်ကြံရေး ဝင်ရောက်သွား၏။

သူ သီးသန့်ကျင့်ကြံရေး ဝင်ရောက်ပြီး သိပ်မကြာခင် သူ့ကို လာနှောင့်ယှက်သည့် အဆောင်တစ်ခု လက်ခံရရှိလိုက်သည်။

“ဝမ်ဝေ့က ငါ့ကို တွေ့ချင်တာလား” သူက မျက်မှောင်ကြုတ်ကာ ရေရွတ်လိုက်၏။ တိထျန်းက ကိုယ်ပွားတစ်ခု ဖန်တီးကာ စေလွှတ်လိုက်သည်။ လာရောက်သည့်အကြောင်းအရင်းကို သိရှိပြီးသည့်နောက်တွင် သူက သူ့စွမ်းအား ၉၅ရာခိုင်နှုန်း ပါဝင်နေသည့် ကိုယ်ပွားတစ်ခုကိုဖန်တီးပြီး ဝမ်ဝေ့ သတ်လိုသည့်သူများနောက် စေလွှတ်လိုက်သည်။

“စစ်ပွဲအဆောင်ရဲ့ နေရာကို ရှာတွေ့ပြီလား”

“ကျွန်တော်တို့တွေ ရှိနိုင်တဲ့နေရာ (၅)ခုကိုတော့ သိထားပါတယ်” တိထျန်းက မျက်မှောင်ကြုတ်လိုက်ပြီးနောက် “ကောင်းပြီ။ ငါတို့လူတွေကို အဲဒီနေရာမှာ ထားပြီးတော့ လီကျွင်းကို တွေ့ရင် ငါ့ကို အကြောင်းကြားခိုင်းလိုက်”

“ဟုတ်ကဲ့ပါ”

တိထျန်းက ထိုသူ၏ တုံ့ဆိုင်းမှုကို အာရုံခံမိသည့်အခါ မျက်မှောင်ကြုတ်လိုက်၏။

“ဘာလို့လဲ”

“သခင် … လီကျွင်းက အဆောင်အတွက် ရောက်လာမယ်ဆိုတာ သေချာရဲ့လား”

“သူက ဖန်းလီကျွင်းဆီ ရှုံးသွားကတည်းက လိုချင်နေတာ။ ဝမ်ဝေ့ရဲ့ တခြားသူတွေဆီအားဖြည့်ပေးနိုင်တဲ့ ကံကြမ္မာအရဆိုရင် သူ့အတွက် ရှာတွေ့မှာ ပုံမှန်ပဲ”

တိထျန်းက အိပ်စက်သူများကို ပြောပြီးသည့်နောက် ပြန်လွှတ်လိုက်သည်။ သို့သော်လည်း သူက ယခု အိပ်စက်သူများ၏ အရည်အသွေးကြောင့် အနည်းငယ် စိတ်အခြေအနေဆိုးနေသည်။ သူ့အမြင်၌ သူတို့က အရည်အချင်း မပြည့်မှီပေ။

သူက မျက်လုံးမှိတ်ကာ စောင့်ဆိုင်းလိုက်၏။

“လုပ်ကြံမှုက ကျရှုံးသွားတာလား” သူက မျက်မှောင်ကြုတ်ကာ ရေရွတ်လိုက်၏။

“ဒိုင်မေးရှင်းအမြင့်ကလူတွေက မရိုးရှင်းဘူးပဲ” သူက ခေါင်းအသာယမ်းလိုက်ပြီးသည့်နောက်တွင် ကျင့်ကြံရေးကိုသာ အာရုံစိုက်ထားလိုက်သည်။ သူက အချိန်ဟွင်သွမ်းရတနာကို အသုံးပြုပြီး သူ့ရည်မှန်းချက်ကို ရောက်ရှိဖို့ စိတ်နှစ်ထားလိုက်သည်။ ပြင်ဘက်တွင် မည်သည့်ကိစ္စဖြစ်စေကာမူ သူ ထွက်လာသည်အထိ စောင့်ဆိုင်းရမည် ဖြစ်သည်။

“ကန့်သတ်ချက် ချိုးဖောက်ရေးကိရိယာက ဘယ်လိုစွမ်းအားမျိုး ယူဆောင်လာမလဲဆိုတာကို ကြည့်ရအောင်”

***