တိုက်ပွဲစခါနီး 

အခန်း (၁၃၆) တိုက်ပွဲစခါနီး

Tedramira မြစ်သည် တိမ်တိုက်ချိုင့်ဝှမ်းကို ဖြတ်၍ အကိုင်းအခက်များအဖြစ် ပိုင်းခြားကာ နောက်ဆုံးတွင် ပင်လယ်ထဲသို့ ရောက်ရှိသွားသည်။

ဟန်ရှောင်း ဆင်းသက်ခဲ့သော နေရာသည် တိမ်တိုက်ချိုင့်ဝှမ်း အစွန်းတွင်ဖြစ်သည်။ Dark Net အဖွဲ့မှ အချက်အလက်များအရ ဂျာမီနယ် ၏ မြေပြင်မှ ရွှေ့ပြောင်းတပ်များသည် ချိုင့်ဝှမ်းကိုဖြတ်ကျော်ပြီးနောက် ၎င်းတို့၏ ရေကြောင်းတပ်များနှင့် ပေါင်းစည်းမည်ဖြစ်သည်။

ဟန်ရှောင်း၏ပစ်မှတ်မှာ မြေပြင်တပ်များကို ကြားဖြတ်တိုက်ရန်ဖြစ်သည်။ ဟန်ရှောင်းသည် နှစ်နိုင်ငံက ၎င်းတို့၏ မြေပြင်တပ်များကို ချုံခိုတိုက်ခိုက်ရန်အတွက် ချထားလိမ့်မည်ကို ရှင်းရှင်းလင်းလင်း သိထားသည်။ တိမ်တိုက်ချိုင့်ဝှမ်းတွင် တပ်များကို ချထားခြင်းသည် ဖြစ်နိုင်ချေ များ၏။ သူသာ နီးကပ်သွားလလျှင် သူကိုတွေ့သွားလိမ့်မည်။ ယခုအချိန်တွင် နှစ်နိုင်ငံနှင့် အဆက်အသွယ် မလုပ်ချင်ပေ။

ကြည့်ရတာ နေရာကောင်းကို ရွေးရမယ်ထင်တယ်။

သူ့စိတ်ထဲတွင် ထိုအတွေးဖြင့် ဟန်ရှောင်းသည် လက်ပိုက်လိုက်ပြီး ဖေဘီယန် ၏ အဖွဲ့ ထရပ်ကား၏ ရှေ့နှင့်ဘောင်ကို တပ်ဆင်နေသည်ကို ကြည့်နေသည်။ ကုန်တင်ကုန်ချတွင် စက်ပစ္စည်းများကိုလည်း စနစ်တကျ ချိတ်ဆွဲထားကြသည်။ သူတို့ အလုပ်လုပ်နေချိန် တစ်ဖက်မှာ ဓါးရူးက ညှို့ယူကခုန်နေတာကို အံ့အားသင့်စွာ ကြည့်နေကြ၏။

“ပစ္စည်းတွေ ပို့ပေးပြီးပြီ။ ငါ အခု သွားတော့မယ်။"

"ကောင်းပြီ၊ မက်သရူးကို မေးတယ် ပြောပေးပါ" ဟန်ရှောင်းက ပြုံးပြီး ခေါင်းညိတ်သည်။

အန်တိုနီယိုသည် လက်ပြနှုတ်ဆက်ပြီး သူ၏ ရဟတ်ယာဉ်ပေါ်သည် ကောင်းကင်သို့ တက်သွားကာ မိုးကုတ်စက်ဝိုင်းမှ လျင်မြန်စွာ ပျောက်ကွယ်သွားသည်။ ဖေဘီယန် ကုမ္ပဏီသည် လက်နက်နှင့် ခဲယမ်းမီးကျောက်များ ပို့ဆောင်ခြင်းအတွက်သာ တာဝန်ရှိပြီး တိုက်ပွဲများတွင် တစ်ခါမျှ ပါဝင်ခြင်းမရှိပေ။

ဟန်ရှောင်းသည် ထရပ်ကားအတွင်း ဝင်ထိုင်ကာ Dark Net မှတဆင့် ပေးပို့ထားသော အသေးစိတ်မြေပုံကို တစ်ချက်ကြည့်လိုက်သည်။ ကားမောင်းထွက်တော့မည့်အချိန်တွင် ဖုန်းမြည်လာ၏။

"ဟယ်လို။"

"Black Phantom၊ မင်း ဂျာမီနယ် လှုပ်ရှားမှုမှာ ပါဝင်နေတာလား။" Bennett က အံ့အားသင့်စွာဖြင့် ဖုန်းဖြင့်မေးသည်။

"ဟုတ်တယ်၊ မင်းလည်း လာကစားသင့်တယ်" ဟန်ရှောင်းက နောက်ပြောင်ပြီး ပြန်ဖြေ၏။

“Dark Net က အမြဲ ကြားနေပါတယ်။ အရမ်းမလွန်စေနဲ့ဦး။ ဂျာမီနယ်အဖွဲ့အစည်းက မကောင်းဆိုးဝါးအိုကြီးတွေပဲ၊ သူတို့က မြင်တဲ့သူတိုင်းကို တိုက်ခိုက်ကြလိမ့်မယ်။ သူတို့ကြောင့် ငါတောင် အရမ်း စိတ်ပျက်ရတယ်” Bennett က ကူကယ်ရာမဲ့ ပြောလိုက်သည်။

"စိတ်မပူပါနဲ့၊ ငါ့အသင်းဖော်ကို ဘယ်တုန်းကမှ မလှည့်စားဖူးဘူး။"

Bennett က သူ့စကားကို သံသယဝင်သည်။ "ဘာပဲဖြစ်ဖြစ် မေ့လိုက်ပါ၊ နောက်ပိုင်းမှာ မင်းရဲ့အကူအညီကို ငါလိုအပ်လိမ့်မယ်"

လွန်ခဲ့သည့် နှစ်လအတွင်း၊ ဟန်ရှောင်းသည် Bennett ၏ နံပါတ်ရှိသောကြောင့် မကြာခဏ အဆက်မပြတ်စေရန် Bennett ကိုဖုန်းဆက်ခဲ့သည်။ ထို့အပြင် ဟန်ရှောင်း၏ ကျော်ကြားမှုနှင့်အတူ Bennett သည် သူနှင့် စကားပြောရသည်ထက် ပိုမိုပျော်ရွှင်လာသည်။ ထို့ကြောင့် သူတို့နှစ်ဦးကြား ဆက်ဆံရေးမှာ ကောင်းမွန်ခဲ့၏။

သူ့ဖုန်းကို အိတ်ထဲထည့်ပြီးနောက် ဟန်ရှောင်းသည် ခေါင်းယမ်းကာ လီဗာကို နင်းလိုက်ပြီး သူ့ရွေးချယ်ထားသော နေရာရှိရာ ချိုင့်ဝှမ်းအစွန်းဘက်သို့ မောင်းသွားတော့သည်။

…

တိမ်တောင်ကြားကိုဖြတ်စီးဆင်းသောမြစ်သည် မြေသြဇာကောင်းသော မြေဆီလွှာအတွက် အစိုဓာတ်ကိုပေးသည်။ မြေမျက်နှာသွင်ပြင်သည် အတော်လေးကွဲပြား၏။ မြက်ခင်းများရှိသည့် လွင်ပြင်များ၊ သစ်တောများနှင့် တောင်ကုန်းများ ရှိကြသည်။ ရှုခင်းက လှပသည်၊ ၎င်းသည် လူများကို ၎င်းတို့၏ မုန်းတီးမှုနှင့် ဒုက္ခအားလုံးကို ဖယ်ရှားရန် တိုက်တွန်းကာ စိတ်ကို အေးချမ်းစေပြီး စိတ်ကို ဖြေလျှော့ပေး‌နေသည်။

ကြယ်နဂါးနိုင်ငံတွင် ချုံခိုစောင့်ဆိုင်းနေသည့် ခြေလျှင်တပ်များ အများအပြားရှိသည်။ ၎င်းတို့သည် တင့်ကားများ၊ တိုက်ခိုက်ရေးရဟတ်ယာဉ်များ၊ တာလတ်ပစ် ပဲ့ထိန်းဒုံးကျည်များ နှင့် မိုင်းကွင်းအများအပြားကို ဖြန့်ကျက်ထားကာ တိုက်ခိုက်ရေးကိရိယာ မျိုးစုံဖြင့် လက်နက်တပ်ဆင်ထားကြသည်။

နယ်မြေခံတပ်များ၏ တပ်မှူးမှာ အနှစ်နှစ်ဆယ်ကျော် စစ်မှုထမ်းခဲ့သော ဟွမ်ချိုးမင်ဟုခေါ်သော ကြယ်နဂါးနိုင်ငံအရာရှိဖြစ်သည်။ သူ့ပုံစံက လေးနက်ပြီး စေ့စပ်သေချာ၏။ ကြယ်နဂါးနိုင်ငံ၏ အဆင့်မြင့်အရာရှိများက သူ့ကိုအသုံးပြုရန် ဆုံးဖြတ်ခဲ့သည့်အကြောင်းရင်းမှာ ဟွမ်ချိုးမင်၏ တည်ငြိမ်သောပုံစံကို နှစ်သက်သောကြောင့်ဖြစ်သည်။ ဒီတိုက်ပွဲက အစီအစဉ်အတိုင်းသာသွားရင် အောင်ပွဲခံမှာ သေချာပါသည်။

အမိန့်ပေးယာဉ်၏ နေရာတွင်၊ ဟွမ်ချိုးမင်သည် အမှတ်အသားများဖြင့် ပြည့်နေသော မြေပုံကို ကြည့်ကာ ခပ်တည်တည်ပင် ခေါင်းညိတ်လိုက်သည်။

“အရာအားလုံးက စနစ်တကျရှိတယ်၊ ကင်းစခန်းရဲ့ ပထမအလွှာက မိုင်းကွင်းတစ်ခုဖြစ်တယ်။ ဂျာမီနယ်က မဝင်ဘူးဆိုရင် ရေကြောင်းတပ်တွေနဲ့ တွေ့ဆုံဖို့ အခွင့်အရေး လက်လွတ်သွားလိမ့်မယ်။ ဒါကြောင့် ထောင်ချောက်‌တွေကို သတိပြုမိပေမယ့်၊ ရှေ့ကို ဆက်ပြီးချီတက်ရဦးမှာပဲ။ လက်နက်တပ်ဆင်ထားတဲ့ ရဟတ်ယာဉ် တပ်ဖွဲ့တွေက အမြဲတမ်း အသင့်အနေအထားမှာ ရှိနေတယ်။ သူတို့က အပေါ်စီးကနေ မိုင်းရှင်းလင်းရေးသမား ရန်သူတပ်တွေကို တိုက်ခိုက်နိုင်ပြီး ဒုံးပျံယာဉ်တွေက တောအုပ်၏ အစွန်းဘက်သို့ အမြဲ ချိန်ရွယ်ထားပါတယ်။ ရန်သူက တောအုပ်ကို ဖြတ်တာနဲ့ ငါတို့ တိုက်ခိုက်နိုင်တယ်…”

အားလုံးက အစီအစဉ်အတိုင်းသွားနေသရွေ့ ရန်သူက လွတ်ဖို့လမ်းမရှိတော့ဘူး။

…

တောင်ပိုင်းတိုက်ရှိ ဂျာမီနယ်တပ်များသည် တင့်ကားအမျိုးမျိုးဖြင့် ရာနှင့်ချီသော ရေယာဉ်စုကြီးကို ဖွဲ့စည်းထားသည်။ ဤကြီးမားသောစစ်တပ်သည် ဆုတ်ခွာသွားသောတပ်များထဲမှ အသက်ရှင်ကျန်ရစ်သူများအားလုံး ပါဝင်သည်။

လင်းယုသည် တပ်မှူးဖြစ်ပြီး ခြေလျှင်တပ်များကို တာဝန်ခံသူမှာ ယူဂါဟုခေါ်သော လူဖြူဖြစ်သည်။

ယူဂါသည် တပ်များကို ချုံခိုတိုက်ခိုက်ခံရတော့မည်ကို ကောင်းကောင်းသိသည်။ ရေကြောင်းတပ်များကို အမှီလိုက်နိုင်ရန် တိမ်တိုက်ချိုင့်ဝှမ်းကို ဖြတ်သွားရသည်။ ထို့ကြောင့် ဤထိပ်တိုက်ရင်ဆိုင်မှုကို မရှောင်နိုင်ကြပေ။ သို့ရာတွင်၊ ၎င်းအတွက် ပြင်ဆင်မှုများ ပြုလုပ်ထားပြီးဖြစ်သည်။ အဆိုပါ အခြေစိုက်စခန်းများမှ ရွှေ့ပြောင်းတပ်များသည် လက်နက်အသစ်များ သယ်ဆောင်လာကာ အချို့မှာ အလွန်ကြောက်မက်ဖွယ်ကောင်းပြီး ရန်သူကို မမျှော်လင့်ဘဲ အံ့အားသင့်အောင် သေချာပေါက် လုပ်နိုင်လိမ့်မည်။

ဤစမ်းသပ်လက်နက်များအားလုံးသည် အရေးကြီးသော ကုန်ပစ္စည်းများဖြစ်ပြီး ၎င်းတို့တွင် လူသားစမ်းသပ်မှုပြုလုပ်ခဲ့သည့် လျှို့ဝှက်လက်နက်များ ပါဝင်သည်။ အထူးသဖြင့် [Super Soldier Project] ဖြစ်သည်။

…

အတန်ကြာ ခရီးသွားပြီးနောက်၊ ထရပ်ကားသည် တိမ်တိုက်ချိုင့်ဝှမ်း၏အခြားတစ်ဖက်စွန်းတွင် ရပ်သွားသည်။ အစွန်အဖျားမှကြည့်လျှင် လမ်းကြောင်းတစ်ခုရှိသည်ကို မြင်ရပြီး ထိုလမ်းကြောင်းသည် အလွန်ဝေးကွာတာကြောင့် ဂျာမီနယ် မြေပြင်တပ်များ မသွားနိုင်ဘူးဆိုတာ ပြသ‌နေသည်။

ဟန်ရှောင်းသည် တောထဲသို့မ၀င်ဘဲ ပင့်ကူထောက်လှမ်းရေးကိရိယာ လေးဆယ်ကျော်ကို ထုတ်ယူလိုက်သည်။ ၎င်းတို့ကို သူ၏တက်ဘလက်ကွန်ပြူတာမှတစ်ဆင့် အသက်သွင်းလိုက်ပြီး စတင်တုန်ခါလာသည်။ သူတို့က အမိန့်ကို စောင့်နေသော တပ်သားတစ်စုနှင့် တူ၏။

နှစ်လကြာ စုဆောင်းပြီးနောက်၊ ဟန်ရှောင်း၏ စွမ်းရည်များ ထပ်မံ တိုးတက်လာခဲ့သည်။ ထို့ကြောင့် သူ့ရှိပြီးသား စက်ယန္တရားများကို အသစ်ပြန်လည် ခိုင်ခံ့စေခဲ့သည်။ ပင့်ကူထောက်လှမ်းကိရိယာတွင် ခြိမ်းခြောက်မှုများကို အလိုအလျောက်သိရှိနိုင်ပြီး ၎င်းတို့အား ကွန်ပျူတာသို့ ပြန်ပို့ပေးသည့် အဆင့်နိမ့်စမတ်ချစ်ပ်တစ်ခု တပ်ဆင်ထားသည်။ ထို့ကြောင့်၊ ဟန်ရှောင်းသည် စခရင်ကို အဆက်မပြတ် ကြည့်နေရန် မလိုအပ်ပေ။ ပုံစံအသစ် SUI ရေဒါထောက်လှမ်းရေးအလွှာကို ထည့်သွင်းခြင်းဖြင့် ၎င်း၏လမ်းကြောင်းများကို ပိုမိုကောင်းမွန်စွာ ဖုံးကွယ်နိုင်မည်ဖြစ်ပြီး သတ်မှတ်ထားသော စောင့်ကြည့်ခြင်းအတွက် သင့်လျော်သည်။

ဟန်ရှောင်းသည် ပင့်ကူရှာဖွေရေးကိရိယာအများစုကို တောထဲသို့စေလွှတ်ပြီး ဂျာမီနယ်အဖွဲ့အစည်းရောက်ရှိမှုကို ထောက်လှမ်းရန် ဆန့်ကျင်ဘက်သို့ အနည်းငယ်သွားစေရန် စေလွှတ်လိုက်သည်။

ဤအလုပ်ကိုလုပ်နေစဉ်တွင် ဓါးရူးသည် ထရပ်ကားပေါ်မှဆင်းကာ အခြေအနေကဏ္ဍတွင် စကားလုံးအပိုလိုင်းတစ်ခု ပေါ်လာသည်ကို သတိပြုမိသည်။

_____________________

သင်သည် [ပြင်းထန်သော ကားမူခြင်း] ကို ခံစားနေရသည်။

ပင်ကိုယ်အရည်အသွေးအားလုံးမှ ၃၀% နုတ်ယူထားသည်။

_____________________

"ဒါက ဘာသောက်တလွဲကြီးလဲ" ဓါးရူးသည် အလွန်အံ့ဩသွားသည်။ သူသတ်မှတ်ထားသော အတွေ့အကြုံခံစားမှုက နှစ်ဆယ်ရာခိုင်နှုန်း မှန်ကန်သည်။ သူသည် ကားမောင်းသူဟောင်း၏ မောင်းနှင်မှုစွမ်းရည်၏ စိတ်လှုပ်ရှားဖွယ်ရာကို အပြည့်အဝ မခံစားခဲ့ရသော်လည်း အင်တာဖေ့စ်သည် သူ၏ ရုပ်ပိုင်းဆိုင်ရာ အခြေအနေကို အမှန်အတိုင်း ပြသထားသည်။

"တစ်ခုခု လုပ်စရာ လိုသေးလား" ဓါးရူးသည် မစ်ရှင်တစ်ခုကို အစပျိုးနိုင်မည်ဟု ထင်ကာ မေးလိုက်သည်။

ဟန်ရှောင်းခေါင်းခါလိုက်သည်။ “လောလောဆယ်တော့ မလိုသေးဘူး။”

ဓါးရူး၏ တိုက်ခိုက်ရေးစွမ်းရည်သည် ဤတိုက်ပွဲအမျိုးအစားအတွက် အလွန်နိမ့်လွန်းသည်။ သူသည် မကြောက်မရွံ့သော အမြောက်စာအဖြစ်သာ အသုံးဝင်လိမ့်မည်။

{မောင်ဝိလေးကို ‌အမြောက်စာ လုပ်ခိုင်းတော့မယ် 😂}

အမျိုးမျိုးသော မိုင်းကွင်းများနှင့် ရေဒါထောက်လှမ်းမှုများကို သစ်တောထဲတွင် ထားရှိခဲ့သည်မှာ ကြာမြင့်ခဲ့ပြီဖြစ်သည်။ နယ်မြေထဲကို ဝင်တဲ့သူတိုင်းသည် အာရုံစိုက် သတိထားခြင်းခံရ၏။ စိတ်ရှည်ခြင်း၊ လုံလောက်သော ပြင်ဆင်မှု၊ ပြီးပြည့်စုံသော အစီအစဉ်ဆွဲခြင်းနှင့် အခြားစက်လက်နက်များကို ချိန်ညှိခြင်းများသည် လက်ရှိအချိန်တွင် သူလုပ်ဆောင်ရန် လိုအပ်သည့်အရာများဖြစ်သည်။

ဂျာမီနယ်အဖွဲ့အစည်း၏တပ်များ ရောက်လာရန် ရက်အနည်းငယ် လိုသေးသည်။ ဟန်ရှောင်းက ပြင်ဆင်ပြီး ဗန်ကားထဲမှာ စောင့်နေတယ်။ ဓါးရူးသည် သူ့အနားတွင်ရှိပြီး နေ့တိုင်း သူ့ထံမှ အလုပ်အသေးစားများကို လက်ခံသည်။

ဓါးရူးတွင် အလားအလာရှိသည်ဟု သူထင်သော်လည်း ဓါးရူးကို အပြည့်အ၀ လက်သပ်မမွေးပေ။ သူပေးခဲ့သော ဓါးရူး၏ အတွေ့အကြုံအမှတ်သည် ကာလတူတွင်ရှိသော ကစားသမားများနှင့် နှိုင်းယှဉ်ပါက အကန့်အသတ်ရှိသော်လည်း ဓါးရူးသည် အလွန်ကျေနပ်နေပါသည်။

ဟန်ရှောင်းသည် ဖိုရမ်ကို နေ့တိုင်းဖတ်နေသည်။ ကစားသမားတွေက အရင်လို စိတ်အားထက်သန်နေကြတုန်းပင်။ သူသည် ကစားသမားများ၏ တိုးတက်မှုကို သိရှိရန် ရေပင်လယ်ဂြိုလ်ကဏ္ဍကို အဓိက အာရုံစိုက်ခဲ့သည်။ အစပျိုးအဆင့်သာ ရှိသေးသည်။ သူတို့ ကြီးပြင်းလာပြီးနောက်၊ သူတို့စောင့်နေတဲ့ ကစားသမားတွေကို ပစ်မှတ်ထားသော ကြီးမားတဲ့ ဖြစ်ရပ်တစ်ခု ရှိလာမှာဖြစ်ပြီး အဲဒါက ပရမ်းပတာ ဖြစ်ရပ်များ၏ ရှေ့ပြေးနိမိတ်ပင်။

စနစ်၏တောင်းဆိုမှု/တာဝန်တွေကို နှောင့်ယှက်တာက ကစားသမားရဲ့ကံကြမ္မာဆိုးကို နှောင့်နှေးစေတာလို့ ဆိုလိုတာလား... ဒါမှမဟုတ် ရှေ့ရောက်လာစေတာလား။

ဟန်ရှောင်းသည် သူ၏ မုတ်ဆိတ်မွေး အမှိုက်များကို ပွတ်ရင်း တိတ်တိတ်လေး တွေးနေမိသည်။ ယင်းသည် ကမ္ဘာပေါ်ရှိ အဓိက အင်အားစုများ၏ အာရုံစိုက်မှုကို ကစားသမားများ ပထမဆုံး အကြိမ်အဖြစ် ရရှိလာခြင်းဖြစ်သည်။ ဟိုးယခင် မျိုးဆက်များက ရုတ်ရုတ်သဲသဲ ဖြစ်စေခဲ့ပြီး ကျယ်ပြောလှသော ဆွေးနွေးမှုကို ဖြစ်ပေါ်လာကာ အလွန်ချီးကျူးမိကြောင်း သူ မှတ်မိနေသေးသည်။

…

လကို မည်းမှောင်သော တိမ်တိုက်များဖြင့် ဖုံးလွှမ်းထားပြီး မြူခိုးထူထူများ ရှိနေသဖြင့် မိမိလက်များကိုပင် မမြင်ရနိုင်ပေ။

ပင့်ကူနံပါတ်(၁)သည် ညမိုးကောင်းကင်အောက်ရှိ လွင်ပြင်တွင် မလှုပ်မယှက်ဖြစ်ပြီး အမိန့်များကို အစဉ်လိုက်အတိုင်း သစ္စာရှိစွာ လုပ်ဆောင်နေပါသည်။

ဘုန်း!

မြေပြင်သည် ရုတ်တရက် တုန်ခါသွားပြီး ပင့်ကူနံပါတ်(၁)၏ အာရုံခံကိရိယာသည် တုန်ခါမှုကို ခံစားရသည်။ No.1 သည် တုန်ခါမှု၏ ဦးတည်ရာဆီသို့ ချက်ချင်း အပြေးသွားသည်။

ဂျာမီနယ် တပ်ဖွဲ့၏ ကြီးမားသော စစ်ရေယာဉ်စုကို အကွာအဝေးတွင် မြင်နိုင်ပြီး ပင့်ကူနံပါတ်(၁)သည် ၎င်းတို့၏ လမ်းကြောင်းတွင် ရောက်နေသည်။

ပင့်ကူနံပါတ်(၁)သည် လျှပ်စစ်လှိုင်းပုံစံ အချက်ပြမှုကို သစ္စာရှိစွာ ထုတ်လွှင့်နေသည်။

ယာဉ်သည် နီးကပ်လာသော်လည်း ပင့်ကူနံပါတ်(၁)သည် မရှောင်ရှားဘဲ ရှိနေ၏။

ဝှစ်!

ကြီးမားသော သင်္ဘောကြီးသည် လျင်မြန်စွာ လှိမ့်ကျော်သွားကာ မီးခိုးတိမ်များ ကျန်ရစ်ခဲ့သည်။

မီးခိုးများနှင့် ဖုန်မှုန့်များ ကင်းစင်သွားပြီးနောက် ပင့်ကူနံပါတ်(၁)၏ အသွင်အပြင် ပြန်ပေါ်လာသည်။

ကိုယ်ထည်သည် ဖုန်မှုန့်များဖြင့် ဖုံးလွှမ်းနေသော်လည်း မည်သည့်နည်းဖြင့်မျှ မပျက်စီးခဲ့ပါ။ ဖိလိုက်သောဘီးများသည် အံအားသင့်စွာပင် မကြိတ်မိပုံရသည်။

ပင့်ကူနံပါတ်(၁)သည် ၎င်း၏ခြေလက်အင်္ဂါများကိုရွှေ့ကာ လှည့်ပတ်ကာ ၎င်း၏အမိန့်ကို လိုက်နာကာ ရေယာဉ်စုနောက်သို့ လိုက်သွားတော့သည်။

အခန်း (၁၃၆) ပြီး၏။

လင်းဆက်

+++++