တယ်လီပို့ခြင်းက အသွားနှစ်ဖက်ရှိတဲ့ ဓါးလိုပဲ

အခန်း (၁၄၂) တယ်လီပို့ခြင်းက အသွားနှစ်ဖက်ရှိတဲ့ ဓါးလိုပဲ

"ဌာန၁၃ ရဲ့ ဝှက်ဖဲ!" ယူဂါ၏ မျက်နှာသည် တည်ကြည်လေးနက်ပြီး ဟန်ရှောင်းကို သူ ဂရုမစိုက်တော့ပေ။ လူလတ်ပိုင်းအရွယ် အမျိုးသားကို စိုက်ကြည့်နေသည်။ နှစ်ယောက်စလုံးသည် အစွမ်းထက်သော ကိုယ်ခံပညာရှင်များ ဖြစ်ကြပြီး မျက်လုံးချင်းဆုံလိုက်သောအခါ ဗုံးတစ်လုံးပေါက်ကွဲသွားသလိုပင်။

နှစ်ယောက်စလုံးမှာ ရောင်ဝါများ တောက်လောင်နေပြီး ကောင်းကင်ပြင်ကို ဖြတ်သွားသော လျှပ်စီးကြောင်းနှစ်စင်းကဲ့သို့ လက်သီးချက်ချင်း တိုက်မိသွားသည်။ ကောင်းကင်တစ်ခုလုံး တုန်ဟီးသွားချိန်မှာ မြင်ကွင်းက အေးခဲသွားပုံရ၏။ မြစ်၏ မျက်နှာပြင်ပေါ်တွင် လှိုင်းများထလာသည် မြင်တွေ့နိုင်သည်။

“လန်ထွက်နေတာပဲ!”

ကိုယ်ခံပညာရှင်များသည် သူတို့၏ကိုယ်ပိုင် စိတ်ဝိညာဉ်ကို ထိန်းချုပ်ရန် အထူးပြုပြီး၊ ခန္ဓာကိုယ်စွမ်းအင်ကို လေ့ကျင့်ပေးခြင်းကို အသားပေးသည်။

ဌာန၁၃သည် သူတို့၏ ဝှက်ဖဲကို ထုတ်သုံးလိုက်သည်။ လင်းယုသည် ပြန်တိုက်ခိုက်ရန်အတွက် အဆင့်အတန်းတူသော ယူဂါကို စေလွှတ်ရန်မှတပါး ရွေးချယ်စရာမရှိပေ။ ဒေါသတကြီးနှင့် အမိန့်ပေးလိုက်သည်။ “ရီနက်၊ အဲဒီ Black Phantom ကို သွားရှင်းလိုက်”

“လွယ်ပါတယ်” ရီနက်က ပြောလိုက်၏။

တယ်လီပို့ခြင်းစွမ်းရည်ရှိသော လုပ်ကြံသတ်ဖြတ်သူအနေဖြင့် ရီနက်သည် Black Phantom ဖြစ်လျှင်ပင်၊ သူသည် စနိုက်ပါသမားအားလုံး၏ အဆိုးဆုံး ရန်ဘက်ဖြစ်သည်ဟု ယုံကြည်ခဲ့သည်။ သူလက်ဖျောက်တစ်ချက် တီးလိုက်ရုံနဲ့ ငြီးငွေ့ဖွယ်ကောင်းတဲ့ Black Phantom ဟာ ဒီကမ္ဘာကနေ ပျောက်ကွယ်သွားတော့မှာပါ။

ရီနက်သည် သူ့ကိုယ်သူ အနုပညာရှင်တစ်ဦးအဖြစ် အမြဲမြင်နေခဲ့သည်။

နောက်တစက္ကန့်တွင် အနက်ရောင် မြူခိုးများ တောက်ပလာပြီး ရီနက်ကို မည်သည့်နေရာမှ မတွေ့ရတော့ပေ။ ရုတ်တရက် သူသည် ထရပ်ကား၏ ယာဉ်မောင်းထိုင်ခုံတွင် ပေါ်လာပြီး ဟန်ရှောင်း၏ ခေါင်းကို ဓားဖြင့် ထိုးလိုက်သည်။

"တယ်လီပို့ခြင်း?" ဟန်ရှောင်းသည် နိုးကြားလာပြီး တစ်ကိုယ်လုံး လျှပ်စစ်သံလိုက် ချပ်ဝတ်တန်ဆာကို ချက်ချင်း အသက်သွင်းလိုက်သည်။

သို့သော်လည်း ဓားသည် သူ၏ ချပ်ဝတ်တန်ဆာကိုပင် မရောက်နိုင်ခဲ့ပေ။ ဓါးရူးက လျင်မြန်စွာ တုံ့ပြန်ခဲ့သည်။ သူက ဟန်ရှောင်းအတွက် ဓားကို အပြေးအလွှား ပိတ်ဆို့ပြီး ပွဲချင်းပြီး သေဆုံးသွား၏။

နှစ်ယောက်လုံး ထိတ်လန့်သွားကြသည်။ သွေးဆာနေသော မျက်လုံးများဖြင့် ဟန်ရှောင်းသည် စက္ကန့်ပိုင်းအတွင်း တုံ့ပြန်ခဲ့သည်။ သူသည် လက်တစ်ဖက်ဖြင့် ရီနက်ကို လက်တစ်ဖက်ဖြင့် ဆုပ်ကိုင်လိုက်ပြီး အခြားလက်တစ်ဖက်တွင် အပူလှိုင်းလျပ်စစ် လက်အိတ်ကို အသက်သွင်းလိုက်သည်။ လျှပ်စစ်မီးတွေ တဟုန်ထိုးမြည်နေတဲ့ကြားက သူက လက်အိတ်ကို ရီနက်၏မျက်နှာပေါ်သို့ ရိုက်ချလိုက်ပြီး ချက်ချင်းပင် မီးလောင်နေသော အနံ့အသက်များ လေထဲသို့ ပြည့်သွားသည် ။

“အားးးးးး!”

ရှိုက်ကြီးတငင် အော်သံက စူးရှစွာ ထွက်ပေါ်လာသည်။

ရီနက်သည် ရူးသွပ်သောဝေဒနာဖြင့် သင်္ဘောဆီသို့ ချက်ချင်း တယ်လီပို့လိုက်သည်။ သူ့လက်မောင်းကို ရွှေ့ဖို့ကြိုးစားရင်း ဟန်ရှောင်းက သူ့လက်မောင်းကို ဆုပ်ကိုင်ထားကြောင်း သိလိုက်ရ၏။ ဟန်ရှောင်းသည်လည်း သင်္ဘောပေါ် ရောက်လာသည်။

ဟန်ရှောင်းက ဒေါသတကြီး ညည်းညူရင်း ရီနက်ရဲ့ မျက်နှာကို အလွတ်မပေးပေ။ ရီနက်၏ ဦးခေါင်းခွံကို လက်ငါးချောင်းဖြင့် ထိုးဖောက်ဝင်ရောက်ခြင်းဖြင့် ရေတံခွန်ကဲ့သို့အရှိန်ဖြင့် ထိခိုက်ပျက်စီးမှုများ တိုးလာသည်။ နာကျင်မှုက သည်းမခံနိုင်တော့တဲ့အတွက် ရီနက်က နာကျင်စွာ အော်ဟစ်လိုက်ပြီး သူ့အမူအရာက ပြောင်းလဲသွား၏။ ဟန်ရှောင်းက သူ့နောက်လက်တစ်ဖက်ကို ရုတ်တရက် မြှောက်လိုက်ပြီး ပြင်းထန်စွာ ပါးရိုက်လိုက်သည်။ အဆိုပါ ပါးရိုက်မှု၏ အင်အားမှာ အမှတ်ငါးဆယ်ကျော်ရှိပြီး ရီနက်၏ ဦးနှောက်ကို အသားစိုင်တစ်ခုအဖြစ် ချက်ခြင်း ရိုက်ချိုးပစ်လိုက်သည်။

_________________________________

ရီနက်(အဆင့် ၄၆) ကို သတ်လိုက်ပါပြီ။

သင်သည် အတွေ့အကြုံအမှတ် ၆၀,၀၀ ရရှိခဲ့သည်။

ပစ်မှတ်သည် သင့်ထက် အဆင့် ၆ဆင့် မြင့်သည်။ စွမ်းအင်သုံးစွဲမှု - ၈၂%

သင်သည် နောက်ထပ် အတွေ့အကြုံအမှတ် ၄၉,၂၀၀ ရရှိပါသည်။

_________________________________

[ဒုတိယတိုးတက်မှု]

လက်ရှိတိုးတက်မှု : ၂/၃

_________________________________

ဟန်ရှောင်းသည် မောပန်းပြီး အသက်ရှုရန် ကြိုးစားနေသည်။ တယ်လီပို့ခြင်းသည် အမှန်တကယ် အားကောင်းသော်လည်း အားနည်းနိုင်သည်။ သူက လုပ်ကြံသတ်ဖြတ်သူအနေနဲ့ သင့်တော်ပေမယ့် ငါ့ရဲ့ အားနည်းချက်က အနီးကပ် တိုက်ခိုက်တာ ဖြစ်မယ်လို့ သူက ထင်နေတယ်။

တယ်လီပို့ခြင်းသည် ဆိုးရွားတဲ့ စွမ်းရည်တော့ မဟုတ်ပေ။ စူပါလူသားသည် လုံလောက်စွာသတိထားလျှင် ၎င်းတို့သည် အနိုင်ယူ၍ မရနိုင်ပေ။ တကယ်တော့၊ အမျိုးမျိုးသော တယ်လီပို့ခြင်းစွမ်းရည်များတွင် ကွဲပြားမှုအနည်းငယ်ရှိသည်။ ဥပမာ- တစ်ယောက်က တယ်လီပို့တဲ့အခါ နောက်တစ်ယောက်ကိုလည်း ခေါ်လာနိုင်တယ်။ အကွာအဝေး ဘယ်လောက်ဝေးလဲ။ မြင်နိုင်သော အကွာအဝေးအတွင်း ရှိသလား၊ သို့မဟုတ် တွေးကြည့်နိုင်သည့်နေရာတွင် ရှိပါသလား။ ဒါက ဘယ်လို တယ်လီပို့ခြင်းမျိုးလဲ။ အဲဒါက စိတ်ကူးပုံဖော်ခြင်းလား၊ ဒါမှမဟုတ် အရာဝတ္ထုရဲ့ ပေါင်းစပ်မှုလား။ စွမ်းအင်သုံးစွဲမှုသည် အဆက်မပြတ်ဖြစ်နေသလား သို့မဟုတ် ခရီးအကွာအဝေးပေါ် မူတည်ပါသလား။ တစ်နေရာနဲ့ တစ်နေရာ ခရီးသွားရုံသက်သက်လား ဒါမှမဟုတ် တိုက်ခိုက်လိုတာလား။

ဒါတွေအားလုံးက အသေးစိတ်ပါပဲ။ ယင်းတို့သည် သေစေသော အကြောင်းတရားများဖြစ်သည်။

အရင်တုန်းကတော့ တယ်လီပို့ခြင်းစွမ်းရည်ကို ရုပ်ဝတ္ထုအမျိုးအစားနဲ့ ပြန်လည်ပေါင်းစပ်ထားတဲ့ ယောက်ျားတစ်ယောက်လိုမျိုး တယ်လီပို့နိုင်စွမ်းရှိတဲ့ တခြားဇာတ်ကောင်တွေနဲ့ ကြုံတွေ့ခဲ့ရဖူးသည်။ သူသည် စစ်သင်္ဘော၏ အိုင်းယွန်းဒိုင်းသို့ ပြုတ်ကျသွားသည်နှင့် ချက်ချင်းပင် အမှုန့်ဖြစ်သွားသည်။ စိတ်ကူးပုံဖော်ခြင်း တယ်လီပို့ခြင်းစွမ်းရည်သုံးနိုင်သော လူတစ်ယောက်သည် နဂါးငွေ့တန်းတစ်ခွင်လုံးကို တယ်လီပို့ပြီး သူ၏စွမ်းအင်ကို အလွန်အကျွံသုံးကာ အားနည်းလာသည်။ ရီနက်၏ တယ်လီပို့ခြင်းသည် စိတ်ကူးစိတ်သန်းနှင့် အရာဝတ္ထုကို ပြန်လည်ပေါင်းစပ်မှုကြား ရောနှောနေပုံရသည်။ အခြားသူတစ်ဦး၏ ခန္ဓာကိုယ်ကို ကိုင်ဆွဲလိုက်သောအခါတွင် အခြားသူသည်လည်း တယ်လီပို့ခြင်းခံရသည်။ ၎င်းသည် ထိတွေ့မှု တယ်လီပို့ခြင်း အမျိုးအစားနှင့် သက်ဆိုင်ပြီး သူသည် ပိတ်မိပါက အန္တရာယ်ရှိနိုင်သည်။

သူ၏ စနိုက်ပါပစ်ခြင်းသည် ရီနက်၏ သေဆုံးမှုကို ဖြစ်စေသည့် အကြောင်းရင်းတစ်ခု ဖြစ်ပုံရသည်။ ဒါကလည်း ဟန်ရှောင်းက တခြားသူတွေကို လှည့်စားဖို့ သဘောကျသည် အကြံတစ်ခုလည်း ဖြစ်၏။ အနီးကပ်တိုက်ခိုက်မှုများက သူ့ကိုသတ်နိုင်သည်ဟု လုပ်ကြံသတ်ဖြတ်သူများက ထင်သောအခါ၊ ထိုအရာသည် များသောအားဖြင့် သူတို့၏သေခြင်းကို ဖြစ်စေ၏။ ဤရုပ်ဖျက်မှုက တယ်လီပေါ်တာတစ်ဦးကို ချက်ချင်းလှည့်စားခဲ့သည်။ သာမာန်တိုက်ပွဲသာဖြစ်လျှင် ရီနက်နှင့် ရင်ဆိုင်ရပါက တိုင်ပတ်တော့မည် ဟန်ရှောင်းသိ၏။

ဟန်ရှောင်းက မတ်တပ်ထရပ်ပြီး နောက်ဆုံးမှာတော့ သူရဲ့အခြေအနေကို နားလည်သွားသည်။ ပထမတော့ ရီနက်ကြောင့် သင်္ဘောပေါ် ဆွဲခေါ်ခံရပြီး၊ ဂျာမီနယ်တပ်ဖွဲ့တွေက သူ့ဝန်းကျင်တွင် သူတို့၏ လက်နက်တွေအားလုံးဖြင့် ချိန်ရွယ်ကာ သူထွက်မပြေးနိုင်အောင် တားဆီးလိုက်ကြသည်။

လုံးဝ အဝိုင်းခံလိုက်ရ၏။

သူ့ရင်ဘတ်ကို လက်ဖြင့်အုပ်ထားရင်း ဟန်ရှောင်း၏ မျက်လုံးများ အေးခဲသွားသည်။

"ပစ်!"

အဆုံးမဲ့ ကျည်ဆန်များသည် ဟန်ရှောင်းကို နစ်မြှုပ်သွားသည်။

ရုတ်တရက် အလယ်ဗဟိုတွင် ဟန်ရှောင်းနှင့်အတူ မမြင်နိုင်သော ပြင်းထန်သော စွမ်းအားတစ်ခု ထွက်လာသည်။ မီတာနှစ်ဆယ်အကွာအဝေးအတွင်းမှ ရန်သူများနှင့် ယာဉ်များအားလုံး ပျံထွက်သွားပြီး မြစ်ထဲသို့ ကျသွားသည်။ ဤနေရာသည် ရှင်းလင်းသွားသည်။

ဟန်ရှောင်းသည် တစ်ဦးတည်းသော ကျန်ရစ်သူ ဖြစ်သည်။ သူ၏ ရင်ဘတ်ကို လျှပ်စစ်သံလိုက် ချပ်ဝတ်တန်ဆာဖြင့် ဖုံးအုပ်ထားခြင်း မရှိဘဲ သူ၏ ရင်ဘတ်တွင် ချည်ထားသော လက်ဖဝါး အရွယ်အစားခန့် ကိရိယာတစ်ခု ပေါ်ထွက်လာသည်။ စက်ပစ္စည်းသည် တဆတ်ဆတ်တုန်နေပြီး တဖြည်းဖြည်း အားပျော့လာကာ နောက်ဆုံးတွင် ရပ်တန့်သွားသည်။

_________________________________

နယ်မြေ တွန်းကန်အား စက်ကိရိယာ

အမျိုးအစား - ထူးကဲသောစက်

အရည်အသွေး - အစိမ်းရောင်

စွမ်းအင်ပမာဏ - ၁၁၀/၁၅၀ (အားသွင်းရန် လိုအပ်သည်)

ထိရောက်သောအကွာအဝေး - ၂၀ မီတာ

အကျိုးသက်ရောက်မှု - ပြင်းထန်သော တွန်းကန်အား နယ်မြေကို ထုတ်လွှတ်ပြီး အကွာအဝေးအတွင်းရှိ အရာဝတ္ထုများကို အဝေးသို့ တွန်းထုတ်နိုင်သည်

ပြန်သုံးနိုင်သည် အချိန် - ၆ မိနစ်

မှတ်ချက် - လစ်လိုက်တော့။

_________________________________

နှစ်လကြာ စမ်းသပ်ပြီးနောက် ဟန်ရှောင်းသည် ဒီဇိုင်းပုံစံမျိုးစုံကို ရရှိခဲ့ပြီး သူ့ကိုယ်သူ ဆင်ယင်နိုင်အောင် စတင်လုပ်ဆောင်နေပြီဖြစ်သည်။

ဟန်ရှောင်းသည် သူ၏ တတိယမျိုးဆက် Berserk Eagles နှစ်ခုကို ဆွဲထုတ်ပြီး လျပ်စစ်သံလိုက်လျပ်ပြေးဖိနပ်များကို အသက်သွင်းကာ အခြားသင်္ဘောပေါ်သို့ ခုန်တက်သွားသည်။

ငါဒီမှာ ရှိနေပြီဆိုတော့လည်း လူနည်းနည်း သတ်ရမှာပေါ့။

ခန္ဓာကိုယ်ပေါ်တွင် ရီနက်၏ သွေးများဖြင့် ဟန်ရှောင်းသည် သင်္ဘောပေါ်တွင် သတ်ဖြတ်ခြင်းကို စတင်တော့သည်။

Berserk Eagles များမှ ကျည်ဆန်များ မရပ်မနား ထွက်လာပြီး ကျည်ကန်အားသည် ပြင်းထန်လွန်းသောကြောင့် သူ၏ လက်ကောက်ဝတ်ကို မလှုပ်နိုင်ပေ။ ကျည်ဆန်များသည် ဂျာမီနယ်စစ်သားတိုင်းကို ၎င်းတို့၏ ရင်ဘတ် သို့မဟုတ် ဦးခေါင်းမှ ဖောက်ထွင်းဝင်ရောက်ကာ ကြမ်းပြင်တွင် အလောင်းများနှင့် ပြည့်သွားစေသည်။ အမိုက်စားရုပ်ရှင်တစ်ခုလိုပါပဲ၊ သူ့ကို ဘယ်သူမှ တားလို့မရပေ။

မကြာမီ သူသည် လီယာလင်းနှင့်အတူ သင်္ဘောပေါ်သို့ ရောက်လာသည်။

ဟန်ရှောင်း၏ တဇွတ်ထိုး လုပ်ရပ်များသည် မကြာမီ လူတိုင်း၏ အာရုံကို ဖမ်းစားနိုင်ခဲ့သည်။

လင်းယု ဒေါသထွက်သွားသည်။ ရီနက်၊ ဒီသောက်ရူးက သူ့ကိုယ်သူ သတ်ပစ်ရုံမျှမက မွန်းစတားကောင်ကိုပါ သင်္ဘောပေါ် ခေါ်လာတယ်။ သူတို့၏ သင်္ဘောသည် မြစ်ဝကျွန်းပေါ်မှ ထွက်ခွာတော့မည် ဖြစ်သော်လည်း၊ သူက အခုထိ ပေါက်ကရလုပ်နေသေးတယ်။

"မြန်မြန်၊ အဲဒီ Black Phantom ကို ရှင်းလိုက်!" လင်းယုက တောင်းဆိုလိုက်သည်။ သူတို့ရဲ့ တပ်မှူးအနေဖြင့်၊ သူက လွယ်လွယ်နှင့် မတိုက်ခိုက်နိုင်ပေ။ သူသာ တိုက်ခိုက်လျှင် တိုက်ပွဲကို စောင့်ကြည့်ဖို့ ဘယ်သူမှ မကျန်တော့ပေ။

ဟီလာသည် ဟန်ရှောင်းကို တွေ့ရှိခဲ့သည်မှာ ကြာပြီဖြစ်ပြီး သူမသည် ဒေါသများ ပြည့်နှက်နေပြီဖြစ်သည်။ သူမသည် လက်ခုပ်တီးကာ လီယာလင်းနှင့် အခြားသူများကို ဟန့်တားရန် စိတ်လှုပ်ရှားမှုလှိုင်းကို ဖန်တီးလိုက်သည်။ သူမက အသက်ပြင်းပြင်းရှူပြီး အလောင်းများ၏ စွမ်းအားအားလုံးကို စုဆောင်းကာ လှည့်လိုက်ပြီး ဟန်ရှောင်းကို အော်ဟစ်လိုက်သည်။ သူမသည် စုစည်းထားသည့် စွမ်းအားအားလုံးကို ဟန်ရှောင်အပေါ် အသုံးပြုကာ လေထုသည် အသံလှိုင်းတစ်ခုလို တုန်ခါသွား၏။

ဒါက ဦးနှောက်ထဲမှာ ပေါက်ကွဲနေတဲ့ ဗုံးလိုပါပဲ။

ဟန်ရှောင်းသည် ရုတ်တရက် နာကျင်သွားသည်။ တစ်စုံတစ်ယောက်က သူ့ဦးနှောက်တစ်ဝိုက်ကို မွှေဖို့ ဇွန်းကိုသုံးနေသလို ခံစားရသည်။ သူ့ခန္ဓာကိုယ်ကို ထိန်းမရတော့ဘဲ တစ်ဖက်သို့ လဲကျသွားသဖြင့် သူ့မြင်နေရသည့် ကောင်းကင်သည် စောင်းနေပုံရသည်။ မအီမသာဖြစ်ကာ ဟန်ရှောင်း၏ နားထင်များရှိ သွေးကြောများသည် ပေါက်ကွဲတော့မည်ကဲ့သို့ ပြင်းထန်စွာ ခုန်ပေါက်သွားပုံရသည်။

_________________________________

သင်သည် စိတ်ပိုင်းဆိုင်ရာ ထိခိုက်မှု ၂၁၁ မှတ် ခံစားခဲ့ရသည်။

သင် မူးဝေနေသည်။

_________________________________

ငါ့ရဲ့ ဉာဏ်ရည်ဝိသေသလက္ခဏာက ငါ့ကိုပေးထားတဲ့ စိတ်ပိုင်းဆိုင်ရာ ခုခံကာကွယ်မှုနဲ့တောင်၊ ငါက ထိခိုက်မှု ၂၀၀ကျော် ခံစားရသေးတာလား။ ငါ့မှာ [အဆင့်နိမ့်အသက်အားဖြည့်ခြင်း] မရှိရင် ငါ့ သွေးအမှတ်ရဲ့ ငါးပုံတစ်ပုံနီးပါး ဆုံးရှုံးသွားနိုင်တယ်။

နည်းပညာအဆင့်မြင့်သော ဂြိုဟ်သစ်တွင် ဟီလာ၏ တိုက်ခိုက်ရေးစွမ်းရည်သည် ကြောက်စရာကောင်းလှသည်။

သူ့ခေါင်းတွင် ပင်အပ်ဖြင့်ထိုးနေသကဲ့သို့သော နာကျင်ကိုက်ခဲမှုကို တင်းခံရင်၊ ဟန်ရှောင်းက မီးခိုးရောင် လက်ပစ်ဗုံးတစ်လုံးကို သူ့ခါးကနေ ထုတ်ကာ ပစ်ချလိုက်သည်။ သူ၏ တိကျမှုမှာ အနည်းငယ် လိုအပ်မှုရှိခဲ့ပြီး လက်ပစ်ဗုံးသည် ဟီလာ၏ အဝေး ၁၀ မီတာအကွာသို့ ကျရောက်သွားသည်။

မူးဝေခြင်း၏ ဘေးထွက်ဆိုးကျိုးဖြစ်သည်ဟု ဟီလာကတွေးလိုက်ပြီး ဂရုမစိုက်ဘဲ နေလိုက်သည်။ ပိုပြီးထိရောက်တဲ့ နောက်တစ်လုံးဖြင့် တုံ့ပြန်ဖို့ ဆုံးဖြတ်ခဲ့သော်လည်း ရုတ်တရတ် လက်ပစ်ဗုံးက ပေါက်ကွဲသွားသည်။ မီးတောက်မရှိ၊ ကျည်ဆံမရှိဘဲ၊ နားကို ထိုးဖောက်သကဲ့သို့ စူးစူးရှရှ အသံတစ်ခုသာ သူမ၏ နားစည်ထဲသို့ တိုက်ရိုက် ပြေးဝင်လာသည်။

ဟီလာ၏ ဦးနှောက်သည် စတင်နာကျင်လာပြီး ကမ္ဘာကြီးလည်း လည်ပတ်နေသည်ဟု ခံစားမိသည်။

"မင်း လူတွေကို မူးအောင် လုပ်နိုင်တယ်၊ ငါလည်း လုပ်နိုင်တယ်!" ဟန်ရှောင်းက အံကြိတ်လိုက်သည်။

_________________________________

အသံလှိုင်းလက်ပစ်ဗုံး - နားစည်ကို အနှောင့်အယှက်ဖြစ်စေရန် ကြိမ်နှုန်းမြင့်အသံကို အသုံးပြုသည်။

အကွာအဝေး: 50 မီတာ

သက်ရောက်မှု - မူးဝေခြင်းကို ဖြစ်စေသည်။

သက်ရောက်မှုပမာဏ ကို ခံနိုင်ရည်ဖြင့် သတ်မှတ်သည်။

အခန်း (၁၄၂) ပြီး၏။

လင်းဆက်

+++++