ဒုံးကျည်ကဲ့သို့

အခန်း (၁၄၆) ဒုံးကျည်ကဲ့သို့

တိုးတက်မှုပြီးနောက်၊ ဟန်ရှောင်း၏ ကျန်းမာရေးအမှတ် ပြောင်းလဲခြင်းအချိုးသည် ၁:၁၅ မှ ၁:၂၀ သို့ တိုးလာသည်။ သူ့ခန္ဓာကိုယ်က ပိုသန်မာတယ်ဆိုတာ သိသာ၏။ သူ့ဝမ်းဗိုက်ထဲရှိ သူ့ကို ခွန်အားဖြစ်စေသော စွမ်းအင်ဘောလုံးကို ခံစားနေရသည်။

ဤဒုတိယတိုးတက်မှုသည် သူ၏ပထမတိုးတက်မှုကဲ့သို့ စွမ်းရည်များစွာကို ဖွင့်မပေးခဲ့ပေ။ သူ၏ ပထမတိုးတက်မှုသည် ပြီးပြည့်စုံသော ပြန်လည်မွေးဖွားခြင်းတစ်ခုလို ခံစားခဲ့ရသော်လည်း၊ ဤဒုတိယတိုးတက်မှုသည် သူ၏ပထမလုပ်ငန်းစဉ်ထက် ပိုမိုချောမွေ့သည်။

အင်တာဖေ့စ်တွင် ဖော်ပြချက်တစ်ခုအဖြစ် ပြတ်သားစွာမဖော်ပြသော်လည်း ဟန်ရှောင်းက သူ၏ သိမြင်နားလည်ခြင်းသည် ပိုမိုထက်မြက်လာသည်ကို သတိပြုမိသည်။ သူ့မျက်လုံးထဲတွင် ကမ္ဘာကြီးက ပိုတောက်ပနေ၏။

တိုးတက်မှုကို ခံစားရပုံကို ဖော်ပြရမည်ဆိုလျှင်၊ ၎င်းသည် 'သဘာဝ' ဖြစ်လိမ့်မည်။ ခြေလက်တွေ အနှံ့ စီးဆင်းနေတဲ့ လေနုအေးကို သူ ခံစားနိုင်ပြီး လေထဲမှာ အမှုန်အမွှားတွေ ရောထွေးနေတဲ့ အနံ့ကို ခံစားလိုက်ရသည်။ သူ့အာရုံများက အဆင့်ပေါင်းများစွာ တိုးလာ၏။

ဒုတိယတိုးတက်မှုသည် ကျွမ်းကျင်မှုများစွာကို သော့ဖွင့်ရန် ကြိုတင်လိုအပ်ချက်ဖြစ်ပြီး သေချာသည်မှာ၊ အထင်ရှားဆုံးအကျိုးကျေးဇူးမှာ အဆင့် ၆၀ သို့ အဆင့်မြှင့်တင်နိုင်ခြင်းပင်ဖြစ်သည်။

သူ့အင်တာဖေ့စ်တွင် အတွေ့အကြုံအမှတ် များစွာရှိသောကြောင့် အတွေ့အကြုံအမှတ် စုဆောင်းရန် သူ၏ လက်ရှိအဆင့်တွင် ရှိနေရန် မလိုအပ်ပေ။ အဆင့် ၆ တွင်ရှိသော [Night Stalker] ကို ၎င်း၏ အမြင့်ဆုံးအဆင့်သို့ ဦးစွာယူလိုက်သည်။ ထိုအရာက စုစုပေါင်း လက်စွမ်း ၃၀၊ ခွန်အား ၂၀၊ လျှို့ဝှက်ဆန်းကြယ် ၁၀ နှင့် အရည်အချင်းအမှတ် ၁၀ နှင့် သတ်မှတ်မထားသော အမှတ် ၂၀ တို့ကို ယူဆောင်‌လာမည်ဖြစ်သည်။

ဟန်ရှောင်းသည် အထက်ကန့်သတ်ချက် အဆင့် ၁၅ ရှိသော အဓိက class ဖြစ်သည့် [ယန္တရားပညာရှင်(အလုပ်သင်)] သို့ သူ၏ အတွေ့အကြုံအမှတ်ကို ပေးလိုက်သည်။ သူတိုးတက်လာသည်နှင့်အမျှ အဆင့်တက်ရန်အတွက် အတွေ့အကြုံအမှတ်သည် ပိုများလာသည်။ ၎င်းကို အဆင့် ၅ မှ ၁၀ အထိ အဆင့်မြှင့်တင်ရန် အတွေ့အကြုံအမှတ် ပမာဏများစွာကို အသုံးပြုခဲ့ရသည်။

သူ၏အဆင့်သည် ဆယ်ဂဏန်းအထိ မြင့်တက်လာပြီး အဆင့် ၅၀ သို့ တိုက်ရိုက်တက်လာသည်။

သူ၏စွမ်းအင်သည် အမှတ်တစ်ထောင်ကျော်သွားကာ စွမ်းအင်အဆင့် ၆ သို့ရောက်ရှိသောအခါ ဟန်ရှောင်းသည် နောက်ထပ်မှတ်တိုင်ဆုလာဘ်များကို ရရှိခဲ့သည်။

_________________________________

+၆ ခွန်အား၊ +၈ လက်စွမ်း၊ +၆ ခံနိုင်ရည်၊ +၁၀ ဉာဏ်ရည်၊ +၄၀၀ အမြင့်ဆုံး သက်လုံ၊ +၈% စက်ယန္တရား အရည်အသွေး၊ +၈% ထုတ်လုပ်မှု အမြန်နှုန်း +8%။

စွမ်းအင်အခြေအနေများ အားကောင်းလာသည်။

_________________________________

လူတစ်ဦး၏ စွမ်းအင်အဆင့် မြင့်မားလာသည်နှင့်အမျှ အပိုဆုကြေးများ ပိုမိုသိသာလာသည်။ အဆင့် ၆ အထိ အဆင့်မြှင့်ခြင်းသည် ထင်ရှားသော မှတ်တိုင်တစ်ခုဖြစ်သည်။ သူ၏ ပင်ကိုယ်အရည်အသွေးများ၏ အကျိုးကျေးဇူးများကို ပိုမိုထင်ရှားလာစေသော စွမ်းအင်အမှတ်ခိုင်မာခြင်းကို အပိုဆုကြေးအသစ်အဖြစ် ရရှိနိုင်သည်။ ယန္တရားပညာရှင်တစ်ဦးအတွက် သံလိုက်ဓာတ်ပါသော စွမ်းအင်ကို စက်ယန္တရားများ ထုတ်လုပ်ခြင်းနှင့် အသုံးချခြင်းအတွက် အသုံးပြုနိုင်သည်။ သူသည် အရှိန်ကို တိုးမြှင့်နိုင်သည်၊ အရည်အသွေးကို မြှင့်တင်နိုင်ပြီး ပါဝါကို ပိုမိုလွယ်ကူစွာ ချဲ့နိုင်သည်။ အမှန်တကယ်အကျိုးသက်ရောက်မှုသည် အင်တာဖေ့စ်ပေါ်ရှိ ကိန်းဂဏန်းများထက် ပိုမိုအသုံးဝင်မည်ဖြစ်သည်။

ယန္တရားပညာရှင်များသည် စွမ်းအင်ပမာဏများစွာ လိုအပ်မည့် ‘တိုက်ခိုက်သူ’ သို့မဟုတ် ‘အက်စ်ပါ’တို့နှင့် မတူပေ။ အစပိုင်းတွင်၊ အပိုစွမ်းအင်များသည် ယန္တရားပညာရှင်များအတွက် အလွန်အသုံးမဝင်ပေ၊ သို့သော် သူသည် ဤနည်းဖြင့် သူ၏စွမ်းအင်ကို အသုံးချနိုင်စွမ်းရှိသောအခါ၊ ယန္တရားပညာရှင်တစ်ဦးအနေဖြင့် သူ၏ခွန်အားသည် ပို၍ထင်ရှားလာလိမ့်မည်။

[ယန္တရားပညာရှင် (ထရိန်နင်)] အဆင့် ၁၀ သို့ရောက်ရှိသွားသည်။ ပိုမိုအဆင့်တက်ရန် ဟန်ရှောင်းသည် အတွေ့အကြုံအမှတ် ၈၀၀,၀၀၀ လိုအပ်မည်ဖြစ်သည်။ ဟန်ရှောင်းတွင် အတွေ့အကြုံအမှတ် ၁,၃၀၀,၀၀၀ ခန့် ကျန်ရှိနေသည်။ ဒီဇိုင်းပုံစံများကို ပေါင်းစပ်ရန်နှင့် အခြားစွမ်းရည်များကို အဆင့်မြှင့်တင်ရန်အတွက် ၎င်းတစ်ဝက်ကို အရန်အဖြစ်သိမ်းဆည်းရန် ဆုံးဖြတ်ခဲ့သည်။

ပြီးခဲ့သည့်နှစ်လတွင်၊ သူသည် [စနိုက်ပါ]၊ [ရွေ့လျားစနိုက်ပစ်ခြင်း] ၊ [အဆက်မပြတ်လေဟုန်စီးပစ်ချက်] ကဲ့သို့သော အရေးကြီးသောစွမ်းရည်အချို့ကို အခါအားလျော်စွာ အဆင့်မြှင့်ခဲ့သည်။ သူ၏ ဒီဇိုင်းပုံစံများကို မေ့မထားဘဲ၊ သူ၏အမာခံ [သံလိုက်ချပ်ဝတ်] သည် အဆင့် ၅ တွင်ရှိနေပြီ ဖြစ်သည်။ သူသည် ပင်ကိုယ်အရည်အသွေးများကို အားကောင်းစေမည့် ချပ်ဝတ်တန်ဆာအသစ်ကို ဝတ်ဆင်ထားပြီးဖြစ်သည်။ သူသည် [စက်ရုပ်ရိန်းဂျား]၊ [အဆင့်နိမ့်စမတ်ချစ်ပ်] ကဲ့သို့သော ဒီဇိုင်းပုံစံများကို အဆင့်မြှင့်ထားသည်။ ဤဒီဇိုင်းပုံစံများသည် အတော်လေးအသုံးဝင်သော အရာများ ဖြစ်သည်။

ဟန်ရှောင်းသည် ကျွမ်းကျင်မှုစာရင်းကို ကြည့်ရှုပြီး သူ၏ အတွေ့အကြုံအမှတ် ကို [Flaming Will] နှင့် [အနုစိတ်အပြင်းအထန်ပြုပြင်မွမ်းမံခြင်း] ထဲသို့ ထည့်သွင်းလိုက်သည်။ ဤကျွမ်းကျင်မှုနှစ်ခုသည် အတွေ့အကြုံအမှတ်အတွက် ပိုတန်ဖိုးရှိသည်။ သူ၏ အတွေ့အကြုံအမှတ်သည် ၎င်း၏ ကနဦးအဆင့်၏ ထက်ဝက်သို့ ကျဆင်းသွားပြီးနောက်၊ ဟန်ရှောင်းသည် အဆင့်မြှင့်တင်ခြင်းလုပ်ငန်းစဉ်ကို ရပ်တန့်လိုက်သည်။ ဤကျွမ်းကျင်မှုနှစ်ခုကို အဆင့်နှစ်ခု သို့မဟုတ် သုံးဆင့်ဖြင့် အဆင့်မြှင့်တင်ထားသည်။

သူသည် မသတ်မှတ်ရသေးသော အမှတ် ၃၈မှတ်ကို စုဆောင်းထားပြီး ၎င်းတို့အားလုံးကို သူ၏ ဉာဏ်ရည်အမှတ်တွင် ထည့်သွင်းခဲ့သည်။ အဲဒါက ယန္တရားပညာရှင်များ သူတို့ကိုယ်သူတို့ အဆင့်မြှင့်တင်သော ရိုးစင်းသည့် အကြမ်းဖျင်း ပုံစံပင်။

အားလုံးပြီးသွားသောအခါ၊ သူ၏ တိုက်ခိုက်ရေးစွမ်းရည်က မြင့်တက်လာသည်။ သူ၏ စက်ကိရိယာများကိုပင် အားကိုးမနေဘဲ၊ သူ၏ စွမ်းအင်အဆင့်သည် ၁၂,၀၀၀ Ona သို့ ရောက်ရှိသွားသည်။

_________________________________

အဆင့် - ၅၀

ပင်ကိုယ်အရည်အသွေးများ -၆၉ ခွန်အား၊ ၉၄ လက်စွမ်း၊ ၈၂ ခံနိုင်ရည်၊ ၂၀၀ ဉာဏ်ရည်၊ ၆ လျှို့ဝှက်ဆန်းကြယ်မှု၊ ၁၁ ကျက်သရေ၊ ၁ ကံကောင်းခြင်း။

သွေးအမှတ် - ၂,၉၇၀

စွမ်းအင် - ၁,၂၃၀ [အဆင့် ၆]

ပါဝါအဆင့် : ၁,၂၁၃ Ona

အဆင့်အတန်း : D

[သင့်ရဲ့ စက်ပစ္စည်းတွေကို ယူပါ။ သင်ကြိုးစားအားထုတ်ပါက ဤကမ္ဘာမြေပေါ်တွင် Boss အဆင့် ဖြစ်နိုင်သည်။]

_________________________________

ဟန်ရှောင်းသည် သူ၏ ခွန်အားကြီးထွားမှုအတွက် အလွန်ကျေနပ်နေသည်။ ဉာဏ်ရည်ဉာဏ်သွေးသည် ၎င်း၏ အားအကောင်းဆုံး ကိန်းဂဏာန်းဖြစ်လာသည်။ ၎င်းသည် အမှတ် ၂၀၀ ပြည့်သွား၏။ ယခု သူ့စက်များကို အသုံးချလိုက်သောအခါတွင် သူသည် ပို၍ ထုတ်လုပ်အားကောင်းလာ၏။

သူ အတွေ့အကြုံအမှတ် ရရှိနေသည့် အရှိန်ဖြင့် အချိန်တိုတိုအတွင်း အဆင့် ၆၀ သို့ တက်လာမည်ဖြစ်သည်။ ဤသည်မှာ ဒုတိယတိုးတက်မှုအတွက် ကန့်သတ်ချက်ဖြစ်သည်။ သူသည် ဗားရှင်း ၁.၀ ကစားသမားများထဲတွင် ထိပ်ဆုံးတွင် ရှိနေသည်။

ငါ့ရဲ့ စက်ကိရိယာများနှင့် ပေါင်းစပ်ထားတဲ့ လက်ရှိ တိုက်ခိုက်ရေးစွမ်းရည်က ရေပင်လယ်ဂြိုလ်က ထိပ်တန်း တိုက်ခိုက်ရေးသမား အနည်းငယ်ထဲမှာ ပါတယ်လို့ ဆိုလိုတယ်။

အဆင့် ၅၀ မှာတောင် ငါ့ရဲ့ အချက်အလက်တွေက အရမ်းအားကောင်းတယ်။ အဲဒါ တစ်စိတ်တစ်ပိုင်းက ငါ့ရဲ့ ကျွမ်းကျင်မှုကြောင့်ဖြစ်ပြီး၊ နောက်တစ်ပိုင်းကတော့ ငါ့ရဲ့ အဓိက အသက်မွေးဝမ်းကြောင်းက မြင့်မားတဲ့ အဆင့်မှာ ရှိနေလို့ပဲ။ ဆိုလိုတာက ငါသည် အခက်အခဲ အများကြီးမရှိဘဲ စူပါလူသားအများစုကို တိုက်ခိုက်နိုင်တယ်။

နိုင်ဖို့ဆိုရင် ငါ့ရဲ့ စက်ယန္တရားတွေကို အားကိုးနိုင်ပေမယ့်လည်း ငါ့ရဲ့ ကျွမ်းကျင်မှုနဲ့ စကေးတွက အကန့်အသတ်များလွန်းတယ်။ Bennett လိုလူနဲ့ဆို အရမ်းဝေးလွန်းသေးတယ်။

ဟန်ရှောင်းသည် ကစားသမားများထံမှ အတွေ့အကြုံအမှတ် ရိတ်သိမ်းရန် အလုပ်များနေသည်။ ထို့ပြင် သူသည် ဆက်လက်လုပ်ဆောင်နေပြီး အတွေ့အကြုံအမှတ် စုဆောင်းကာ သူ၏ကျော်ကြားမှုကို တိုးမြင့်လာစေရန် ကစားသမားများနှင့် ထိတွေ့ခွင့်ရှိရမည်ဖြစ်သည်။ သူသည် Andrea ဘက်ခြမ်းရှိ အစပျိုးရွာများသို့ သွားရောက်ကာ လူသစ်တန်း ကစားသမားများကို အခြေခံစွမ်းရည်များကို ဦးစွာ သင်ကြားပေးမည်။ ထို့နောက်တွင် [Energy Forging Technique] ကို ဆက်လက်သင်ကြားနိုင်မည်ဖြစ်သည်။ ဤနည်းအားဖြင့် သူသည် အတွေ့အကြုံအမှတ် အများအပြားကို စုဆောင်းနိုင်မည်ဖြစ်သည်။ ယင်းကြောင့် ရှားပါးသော စွမ်းရည်များနှင့် စွမ်းရည်များကို မကြာမီတွင် ရင်းနှီးမြှုပ်နှံနိုင်မည်ဟု ယုံကြည်ခဲ့သည်။

နှစ်လတန်ဖိုးရှိ အတွေ့အကြုံအမှတ် သည် တခဏချင်း ပျောက်သွားသည်။ သူသည် နဂိုအတိုင်းသာ ရှိနေလျှင် ဤမျှလွယ်ကူမည် မဟုတ်ပေ။ သူ အတွေ့အကြုံအမှတ် တစ်ခုခုရထားတဲ့အခိုက်မှာ အဆင့်တက်ချင်နေလိမ့်မယ်။ အခုတော့ ဟန်ရှောင်းက သူဘယ်လို အတွေ့အကြုံအမှတ် ပိုရနိုင်မလဲဆိုတာ သိပ်စိတ်မပူပါဘူး။

ကစားသမားများ၊ သူတို့သည် အကြီးမားဆုံး စျေးကွက်ဖြစ်သည်။

[စွမ်းအင်လေ့ကျင့်ရေးနည်းစနစ်] သည် သူ၏ ဝှက်ဖဲ ဖြစ်သည်။ သူသတင်းကို ထုတ်လိုက်တာနဲ့ ရူးသွပ်သွားကြလိမ့်မယ်။ တကယ်တော့၊ သူတို့၏ ပထမဆုံးတိုးတက်မှုကို ဖြတ်သန်းဖူးတဲ့ကစားသမားတိုင်းဟာ နောက်ဆုံးမှာ ဒီစွမ်းရည်ကို နိုးကြားလာပါလိမ့်မည်။ သို့သော်လည်း ကစားသမားအများစုက ဒါကို သတိမထားမိကြပေ။ ဤကျွမ်းကျင်မှုကို အဆင့် ၂၀ အောက်ကစားသမားအား ပေးသရွေ့၊ သူသည် အတွေ့အကြုံအမှတ် ပမာဏများစွာကို ရရှိနိုင်မည်ဖြစ်သည်။

ဒါပေမယ့် အခြေအနေတစ်ခုတော့ရှိခဲ့တယ်။ ကစားသမားများ ပိုမိုသိရှိနိုင်စေရန်အတွက် သူ၏ပုံရိပ်ကို မြှင့်တင်ရန်လိုအပ်သည်။

နည်းလမ်းနှစ်ခုရှိ၏။ ကစားသမားတွေကို ရှာဖို့ ဒါမှမဟုတ် ကစားသမားတွေကို ရှာတွေ့ဖို့ အခွင့်အရေးတွေ ဖန်တီးဖို့...

ဟန်ရှောင်းသည် သူ၏ မုတ်ဆိတ်မွှေးငုတ်တိုကို ပွတ်သပ်ရင် အတွေးထဲတွင် နစ်မြောနေ၏။

အကယ်၍ သူသည် ကစားသမားများကို တက်ကြွစွာ ရှာဖွေရန် ရွေးချယ်ပါက၊ ၎င်းသည် သူ၏ မကြာသေးမီက ဦးချိုကြီးရွာသို့ သွားခဲ့သည့် ခရီးကဲ့သို့ ဖြစ်လိမ့်မည်။ အန်ဒရီရာပြည်မကြီး ကျော်လွန်သော အစပျိုးရွာများမှလွဲ၍ အခြား အတွေ့အကြုံအမှတ် အချို့ကို ရိတ်သိမ်းရန် တောင်ပိုင်းတိုက်ကြီး၊ အနောက်တိုက်နှင့် မြောက်ပိုင်းတိုက်ကြီးသို့ သူသွားနိုင်သည်။

ကစားသမားတွေ သူ့ဆီလာလည်ဖို့ သူ့မှာ အခွင့်အရေးအများကြီးရှိပုံ မပေါ်ပေ။ သူသည် သူ၏တိုးတက်မှုပြီးနောက် နောက်ထပ်အလုပ်များကို ထုတ်လွှတ်နိုင်သော်လည်း ကစားသမားအသိုင်းအဝိုင်း တစ်ခုလုံးကို ကြည့်လိုက်လျှင် ၎င်းသည် သမုဒ္ဒရာထဲမှ ရေတစ်ပေါက်မျှသာ ရှိသေးသည်။ သူက ကစားသမားအားလုံးကို ဆွဲဆောင်နိုင်တဲ့ နည်းလမ်းမရှိချေ။ သူသည် ဦးချိုကြီးရွာတွင် ကောင်းမွန်စွာစတင်ခဲ့သည်။ Black Phantom သည် လျှို့ဝှက်တာဝန်များကို စတင်နိုင်သည်ဟု ကစားသမားအများအပြားက ထင်မြင်ခဲ့ကြသည်။ သို့ပေမယ့် ဒါဟာ သူ့ဆီ ကစားသမားတွေ လုံလောက်တဲ့ ပမာဏနဲ့ ရောက်လာဖို့ ဝေးကွာနေခဲ့ပါတယ်။ ပိုပြီး ခိုင်မာတဲ့ အစီအစဥ်တစ်ခု လိုအပ်နေ၏။

တိုက်ပွဲအပြီးတွင် ဂျာမီနယ်အဖွဲ့သည် ၎င်း၏တပ်ဖွဲ့များကို တိုက်ကြီးသုံးတိုက်မှ ဆုတ်ခွာပြီး ပုန်းအောင်းသွားခဲ့သည်။ လက်ရှိအချိန်မှာတော့ ကမ္ဘာ့အခြေအနေက တည်ငြိမ်နေလိမ့်မည်။ အနည်းဆုံးတော့ အချိန်အတိုင်းအတာတစ်ခုအထိ လူထုသိရှိအောက် စစ်ကြေညာတာမျိုး ရှိမှာမဟုတ်ပေ။ ဒီရေက ပြောင်းသွား၏။ ဂျာမီနယ်က စစ်ကြေညာမှာ မဟုတ်ဘူး။ သို့သော် တစ်ဖက်မှ တွေးကြည့်လျှင် အာဏာသည် ယခုအခါ နိုင်ငံ၆နိုင်ငံ၏ လက်ထဲသို့ ရောက်ရှိနေပြီဖြစ်သည်။ ၎င်းသည် ထင်ရှားသောစစ်ပွဲကို အချိန်စော၍ ယူဆောင်လာနိုင်သည်။ ဒါက သူ့မူလ ရည်ရွယ်ချက် မဟုတ်ချေ။

ကံကြမ္မာကိုသာ လွှဲချရင်း သူက ခေါင်းခါရုံသာ ရှိတော့သည်။

မည်သို့ပင်ဆိုစေကာမူ အခြေအနေက သိပ်မဆိုးလှပေ။ အကယ်၍ နိုင်ငံ၆နိုင်ငံက စစ်ပွဲစတင်ပြီး ဂျာမီနယ်အဖွဲ့အစည်းကို ဖျက်ဆီးခဲ့ပါက ၎င်းသည် သူ့အား မည်သည့်ဒုက္ခမှ မရောက်စေပါ။ ထိုအတွေးဖြင့် ဟန်ရှောင်းသည် စိတ်သက်သာရာ ရသွားသည်။ စင်စစ်သော်ကား၊ သူသည် လူတိုင်းကို ထိန်းချုပ်နိုင်သည်ဟု တစ်ခါမှ မခံစားခဲ့ဖူးပါ။ သူအမြဲတမ်းလုပ်ချင်ခဲ့တာက မတူညီတဲ့အင်အားစုတွေကြားက အာဏာလုပွဲတွေကနေ အကျိုးကျေးဇူးတွေရရှိဖို့ သူ့ရဲ့ ထူးခြားတဲ့အမြော်အမြင်ကို အပြည့်အဝအသုံးချဖို့သာပင်။

အခြေအနေက မူလလမ်းကြောင်းကနေ လွဲသွားပေမယ့် စစ်ပွဲက ရှောင်လွှဲလို့ မရနိုင်သေးပေ။ ဟန်ရှောင်းက သက်ပြင်းသာ ချနိုင်တော့သည်။ သူသည် အခြေအနေကို ပြန်ပြောင်းလဲရန် ကြိုးစားဖို့ လူတစ်ဦးအနေဖြင့် စွမ်းအားမရှိခဲ့ပေ။ ယင်းအစား၊ သူသည် ရုတ်ရုတ်သဲသဲ အခြေအနေထဲသို့ ပါဝင်ပက်သက်လာရသည်။ သို့သော် အတိအကျပြောရလျှင် သူသည် အခြေအနေထဲသို့ လှည့်ပတ်သွားသောကြောင့် သူ့လမ်းကြောင်းပေါ်ရောက်လာသော အခွင့်အရေးများကို ဆုပ်ကိုင်နိုင်ခဲ့သည်။ ဒါက ဟန်ရှောင်းအတွက် တကယ်ကို ခွန်အားဖြစ်စေတယ်။

အဆင့် ၂၀ ကိုရောက်ဖို့ ဘယ်ကစားသမားမဆို အကြမ်းဖျင်းအားဖြင့် နှစ်လလောက် အချိန်ယူရလိမ့်မယ်… ဒါပေမယ့် အခုက အစပျိုးရွာတွေအားလုံးကို ခရီးထွက်ဖို့ နှစ်လလောက် အချိန်ယူရတာ မဆိုးပါဘူး။ ဟန်ရှောင်းက သူ့ကိုယ်သူ တွေးရင်း ပြုံးလိုက်တယ်။

သူ့ရဲ့နောက်ထပ်လုပ်ဆောင်ရမယ့် အစီအစဉ်ကို အဖြေထုတ်ပြီးပြီ ဖြစ်၏။ ဟန်ရှောင်းသည် အခြားပြဿနာတစ်ခုဖြစ်သည့် သူ့ကိုယ်ပိုင်အစွမ်းသတ္တိကို စတင်စဉ်းစားနေသည်။

သူ၏တိုးတက်မှုပြီးနောက်၊ သူသည် ဗားရှင်း ၁.၀ ၏ အထက်ကန့်သတ်ချက်သို့ ချဉ်းကပ်နိုင်ခဲ့သည်။ ဟုတ်ပါသည်၊ သူ့အတွက် တကယ့် အထက်တန်း ကန့်သတ်ချက် မရှိပေ။ သူက သူ့၏ တိုက်ခိုက်ရေးစွမ်းရည်ကို ပိုပြီး အလေးထား၏။ အဆင့်များသည် သူ့တိုက်ခိုက်ရေးစွမ်းရည်၏ အစိတ်အပိုင်းတစ်ခုမျှသာဖြစ်သည်။ သူ၏ စွမ်းရည်များ/ စွမ်းဆောင်နိုင်မှုများသည် သူ၏ စကေး၊ ကျွမ်းကျင်မှုနှင့် စက်ပိုင်းဆိုင်ရာ ကိရိယာများပေါ်တွင် ပိုမိုမူတည်သည်။ ယန္တရားပညာရှင်သည် အခြားသော အတန်းအစားများထက် ၎င်းတို့၏ စက်ကိရိယာများပေါ်တွင် ပိုမိုမှီခိုနေရသည်ဟု ဆိုလျှင်မမှားပေ။

ဟန်ရှောင်းသည် သူ့စနိုက်ပါကို အထစ်အငေါ့မရှိဘဲ အသုံးပြုခဲ့သည်။ ထုံးစံအတိုင်း၊ သူက သူ့ရဲ့ စနိုက်ပါကို လက်မလျှော့ချင်ပေ။ သို့သော်၊ သူဝင်သွားမည့် ပိုမိုရှုပ်ထွေးသော အခြေအနေများကို ရင်ဆိုင်ရန် ဒုတိယတိုက်ပွဲပုံစံကို တီထွင်ရန် အချိန်တန်ပြီဟု သူခံစားမိသည်။

အခန်း (၁၄၆) ပြီး၏။

လင်းဆက်

+++++