အနီးကပ်တိုက်နိုင်တဲ့ ယန္တရားပညာရှင်က အကောင်းဆုံးပဲ

အခန်း (၁၅၂) အနီးကပ်တိုက်နိုင်တဲ့ ယန္တရားပညာရှင်က အကောင်းဆုံးပဲ

လက်နှစ်ဖက်ဖြင့် မြေပြင်ပေါ်သို့ တွန်းတင်လိုက်ရာ သူ့ကျောပေါ်ရှိ ဝံပုလွေကြီးများ၏ အလေးချိန်ကို ထိန်းနိုင်လိုက်သည်။ ဝံပုလွေတစ်ကောင်စီသည် အနည်းဆုံး ရှစ်ဆယ်ကီလိုဂရမ် အလေးချိန်ရှိသည်။ ထိုသို့ အလွန် ခက်ခဲပင်ပန်းနေစဉ်တွင်၊ ဟန်ရှောင်းသည် နောက်ဆုံးတွင် ဟာကွက်တစ်ခုကို တွေ့လိုက်ပြီး အလျင်အမြန် ဖောက်ထွက်ကာ လက်ပစ်ဗုံးတစ်လုံးကို ဆွဲထုတ်၍ ဝံပုလွေအုပ်စုအောက်သို့ ပစ်ချလိုက်သည်။

ဘုန်း!

ပေါက်ကွဲသံများ ထွက်ပေါ်လာပြီး ပေါက်ကွဲမှုကြောင့် မီးတောက်များနှင့်အတူ လက်ပစ်ဗုံး အပိုင်းအစများ ထွက်လာခဲ့သည်။ ဝံပုလွေများ ညည်းတွားမြည်တမ်းကြရင်း သူတို့၏ ခန္ဓာကိုယ်မှ သွေးစိမ်းများ ထွက်ကျလာသည်။ ဟန်ရှောင်း၏ ချပ်ဝတ်တန်ဆာမှာလည်း အနီရောင်များ စွန်းထင်းသွားသည်။ သူ မတ်တတ်ထရပ်ပြီး ကြိမ်ဖန်များစွာ ပြုပြင်မွမ်းမံထားသော ပြန်သိမ်းနိုင်တဲ့ဓါးတစ်လက်ကို လက်က ဝှေ့ယမ်းလိုက်သည်။ ထိုဓါးကို အသစ်တိုးတက်အောင် ပြုလုပ်ထားပြီး တော်ဝင်ထုတ်လုပ်မှုဟု ဆိုနိုင်သည်။

ဟန်ရှောင်းသည် ဝံပုလွေများကြားတွင် သွက်သွက်လက်လက် ပြေးလွှားရင်း သူ့ဓားသည် ရန်သူများကို ဖြတ်သွားကာ သူ့လမ်းတစ်လျှောက် သွေးလှိုင်းလုံးများ သယ်ဆောင်လာသည်။ ခရမ်းရောင်အရွယ် စပါးအုံးမြွေ၏ အဆိပ်ပြင်းသော အဆိပ်သည် သူ့ခြေရာကို အမိဖမ်းနိုင်ခြင်းမရှိပေ။ သူ့ဓားတစ်ချောင်းနှင့် မြွေခေါင်းကို လှီးဖြတ်လိုက်တယ်။ မြွေခေါင်းပြတ်သွားတဲ့ ဓါးဒဏ်ရာက မှန်တစ်ချပ်လို ချောမွေ့နေပြီး ခေါင်းမပါတဲ့ မြွေက ကြမ်းပြင်ပေါ်မှာ အပြင်းအထန် လှုပ်ခါနေကာ သွေးစိမ်းတွေ အဆက်မပြတ် စီးထွက်လာ၏။

သားရဲအားလုံး သူ့ဆီသို့ ပြေးလာကြသည်။ လျပ်ပြေးဖိနပ်များမှ အရှိန်နှင့် သံလိုက် ချပ်ဝတ်မှ ကာကွယ်ရေးကို ရှင်းရှင်းလင်းလင်း ငှားရမ်းခြင်းဖြင့် သူသည် သားရဲအုပ်များကို တစ်ယောက်တည်း သတ်ဖြတ်နိုင်သည်။ ဟန်ရှောင်းသည် သူ့လမ်းကြောင်းကို ဝင်ရောက်လာသော သားရဲအားလုံးကို သတ်ဖြတ်လိုက်သောကြောင့် ကစားသမားများသည် တုန်လှုပ်ချောက်ချားစွာ စိုက်ကြည့်ရင်း ဘေးဘက်သို့ ထွက်ခွာသွားကြသည်။

သူက ယန္တရားပညာရှင်တစ်ဦး မဟုတ်ဘူးလား၊ အနီးကပ်တိုက်ပွဲကို ဘယ်လိုလုပ် ရောက်လာတာလဲ။

ဟန်ရှောင်း၏ လှပသော တိုက်ခိုက်သည့်ပုံစံသည် ကစားသမားများ၏ မျက်လုံးများအားလုံးကို ဆွဲခေါ်သွားခဲ့သည်။ တကယ်ကို ညက်ညောလှတယ်ဆိုတာ ငြင်းလို့မရပေ။ အများစု၏ ယန္တရားပညာရှင်တွေအပေါ် ရှုမြင်ပုံတွေကို သူကပြန်ပြီး အဓိပ္ပာယ်ဖွင့်ဆိုနေ၏။

ယန္တရားပညာရှင်သည် တာဝေးကိုသာ တိုက်နိုင်သည် မဟုတ်ကြောင်း ပေါ်လွင်လာသည်။ သူတို့၏ အနီးကပ် တိုက်ခိုက်ရေး စွမ်းရည်မှာလည်း မှတ်သားဖွယ်ကောင်းပြီး ပြင်းထန်လွန်းလှသည်။ ထို့အပြင် ၎င်းတို့တွင် 'တိုက်ခိုက်သူ'များနှင့် သိသိသာသာကွဲပြားသည့် အနီးကပ်တိုက်ခိုက်ရေးပုံစံလည်း ရှိသည်။

ဓါးရူးသည် နောက်ဆုံးတွင် အွန်လိုင်းတက်လာပြီး မြို့၏အစွန်အဖျားသို့ ရောက်သောအခါတွင် မောဟိုက်နေ၏။ သားရဲတွေရဲ့ အခြေအနေကို မြင်လိုက်ရပြီး၊ ဟန်ရှောင်းသူ့ရဲ့ စွမ်းရည်တွေကို ပြသတာကို ပထမဆုံးအကြိမ် မြင်တွေ့ရတာ ဖြစ်သည်။ ထိုအခိုက်အတန့်တွင် သူ၏ လမ်းပြအလင်းရောင်ကို တွေ့လိုက်ရသလို ခံစားရ၏။ ဒါက သူကြိုက်တဲ့ တိုက်ပွဲဝင်ပုံစံအတိုင်းပင်။ တစ်ယောက်ယောက်က သူ့ ID ကိုကြည့်ရုံနဲ့ သိနိုင်၏။

ဟန်ရှောင်းရဲ့နောက်ကို လိုက်ဖို့ ရွေးချယ်လိုက်တာဟာ အကောင်းဆုံး ဆုံးဖြတ်ချက်ပဲ ဖြစ်သည်။ ဓားရူးသည် သူ၏စိတ်လှုပ်ရှားမှုကို မနည်း ထိန်းထားရသည်။ အဲဒီတုန်းက သူတကယ်ပဲ မှန်ကန်တဲ့ရွေးချယ်မှုကို လုပ်ခဲ့သည်။!

ဓါးရူးသာမက အခြားသော ကစားသမား အများအပြားသည် ဖိုရမ်များတွင် ဖြစ်ပေါ်နေသည့်အရာများ၏ လွှမ်းမိုးမှုကို ခံခဲ့ရသည်။ class ပြောင်းရမလားဆိုတာကို တွေးတောနေကြတဲ့ ကစားသမားများသည် ယန္တရားပညာရှင်ကို တဖန်စိတ်ဝင်စားလာကြတယ်။

ဝံပုလွေများနှင့် မြွေများစွာကို သတ်ပြီးနောက် ဟန်ရှောင်း၏ မြင်ကွင်းသည် ရုတ်တရက် ရှင်းလင်းသွားသည်။ ညည်းတွားသံများကြားတွင် ဝံပုလွေများ တဖြည်းဖြည်းဆုတ်ခွာသွားသည်ကို သူသဘောပေါက်ခဲ့ပြီး ခရမ်းရောင်အဆင်းရှိသော စပါးအုံးမြွေအုပ်စုလည်း ထွက်ပြေးသွားခဲ့သည်။ မကြာခင်မှာပဲ သားရဲကောင်တွေ အားလုံး ဆုတ်ခွာသွားကြပြီး အလောင်းတွေ ကြမ်းပြင်ပေါ်မှာ ပြန့်ကျဲနေပြီး နီရဲနေတဲ့ သွေးတွေနဲ့ မြေပြင်ကို စိုရွှဲနေ၏။

အသက်ရှုထုတ်လိုက်ပြီး သူ့ချပ်ဝတ်တန်ဆာမှာ ကျန်ခဲ့တဲ့ သွေးများကို သုတ်လိုက်သည်။ သူ၏ ကိန်းဂဏာန်းများဖြင့် ဤကဲ့သို့သော အဆင့်နိမ့်သားရဲများနှင့် ရင်ဆိုင်ခြင်းသည် ၎င်းတို့ကို လုံးဝ ကြေမွသွားစေမည်ဖြစ်သည်။ သူ၏ သက်လုံသည် လေးဆယ်ရာခိုင်နှုန်း ကျန်နေသေးသည်။

ယန္တရားပညာရှင်များသည် ရန်သူများကို အနီးကပ်တိုက်ပွဲဖြင့် တိုက်ခိုက်ခဲသည်။ သို့သော် ဤအရာကို ရံဖန်ရံခါ ပြုလုပ်ခြင်းက သူ့ကို လန်းဆန်းစေသည်။ ပစ်ခတ်မှုတိုင်းကို ချက်ခြင်းသေစေမည့် စနိုက်ပါအပေါ် အားကိုးသည့် တိုက်ခိုက်ရေးပုံစံကို အသုံးပြုခြင်းထက်၊ ဤစစ်မှန်သော လက်သီးတိုက်ပွဲ ခံစားချက်မျိုးသည် စိတ်ဖိစီးမှုများ လျှော့ချရန်အတွက် များစွာ သင့်လျော်သည်။

အစိမ်းရောင်တောင်ကြားမြို့ ၏ အစောင့်များသည် စစ်မြေပြင်ကို ရှင်းလင်းရန် ထွက်လာကြပြီး သားရဲများ၏ အလောင်းများကို ရိက္ခာအဖြစ် မြို့ထဲသို့ ပြန်သယ်လာကြသည်။ ဟန်ရှောင်းသည် ဗဲလ်စက်၏ ထပ်ခါတလဲလဲ ဖိတ်ကြားချက်ကို ငြင်းပယ်လိုက်သည်။ စိတ်လှုပ်ရှားနေသော ကစားသမားများ၏ မျက်လုံးများအောက်တွင် မျက်လုံးမှိတ်ထားရင်း အနားယူချင်ဟန်ဖြင့် သူ့မူလနေရာသို့ ပြန်သွား၏။

မစ်ရှင်ပြီးမြောက်ကြောင်း အင်တာဖေ့စ်က ဖော်ပြသည်။ ထို့အပြင်၊ သူသည် သားရဲတစ်ရာကျော်ကိုသတ်ခဲ့ပြီး စုစုပေါင်း အတွေ့အကြုံအမှတ် အမှတ်ပေါင်း ၂၀,၀၀၀ ကျော်ရရှိခဲ့သည်။ သူ့ကိုယ်ပိုင်အဆင့်သည် သူ၏ အစုလိုက်အပြုံလိုက် သတ်ဖြတ်ခဲ့သော ပစ်မှတ်များထက် များစွာမြင့်မားသောကြောင့် သူရရှိသော အတွေ့အကြုံအမှတ် များကို အများအပြားဖြတ်တောက်ပစ်မည်ဖြစ်သော်လည်း မည်မျှပင်သေးငယ်ပါစေ၊ ၎င်းသည် အတွေ့အကြုံအမှတ်ပင် ဖြစ်သည်။ နတ်ဘုရား ယန္တရားပညာရှင်ဟန်က ဒါကို လုံးဝစိတ်မ၀င်စားပေ။ ဤတိုက်ပွဲ၏ နောက်ကွယ်မှ အဓိကရည်ရွယ်ချက်မှာ သူ၏ လက်ရှိတုံ့ပြန်နိုင်မှုများကို စမ်းသပ်ရန်နှင့် ရုပ်ပိုင်းဆိုင်ရာ အရည်အသွေးအပေါ် ပိုမိုရှင်းလင်းစွာနားလည်ရန်ဖြစ်သည်။ ထိုသို့လုပ်ဆောင်ခြင်းဖြင့်သာလျှင် အနာဂတ်တိုက်ပွဲများတွင် ပိုမိုသေးငယ်သော အသေးစိတ်အချက်အလက်များကို ဂရုစိုက်နိုင်ပြီး အကောင်းဆုံးလုပ်ဆောင်နိုင်မည်ဖြစ်သည်။ နောက်တစ်ချက်မှာ ယန္တရားပညာရှင်၏ အရည်အချင်းတွေကို ဆက်လက်ပြသချင်သောကြောင့်ပင်။ အက်စ်ပါ ကစားသမားများသည် သူတို့၏ အမိုက်ဆုံးစွမ်းရည်များကို ပြသလေ့ရှိကြောင်း သူနားလည်ခဲ့သော်လည်း ယန္တရားပညာရှင် ကစားသမားအသစ်များသည် လူနည်းစုဖြစ်နေဆဲဖြစ်သည်။ ယန္တရားပညာရှင်သည် မေးခွန်းထုတ်စရာ class တစ်ခု ဖြစ်လာမည်ဟု သူ ခန့်မှန်းမိသည်၊ ထို့ကြောင့် သူသည် ယန္တရားပညာရှင်များ မည်ကဲ့သို့ ကြီးမြတ်သော ကစားသမားများ ဖြစ်နိုင်ကြောင်း ပြသခြင်းဖြင့် ကစားသမားများ၏ အာရုံကို အက်စ်ပါမှ ကူးပြောင်းလို၏။

ဖိုရမ်ကိုဖွင့်လိုက်တော့ တိုက်ပွဲရဲ့ ဗီဒီယိုဖိုင်ကို အခုလေးတင်တင်ထားတဲ့ ကစားသမားတွေရှိမှန်း ဟန်ရှောင်းသဘောပေါက်သွားတယ်။ ခေါင်းစဉ်က တုန်လှုပ်စရာကောင်း၏။

“လွှမ်းမိုးအနိုင်ယူခြင်း! ယန္တရားပညာရှင်တွေက ဒီလိုမျိုး တိုက်ခိုက်နိုင်တယ်!”

ဗီဒီယိုတွင် ဟန်ရှောင်းသည် သားရဲတိုက်ပွဲကို တစ်ယောက်တည်းဖြင့် အောင်နိုင်လုနီးပါးကို ပြသခဲ့သည်။ ပုံရိပ်များသည် အရမ်းကို အကျိုးသက်ရောက်မှု ရှိခဲ့၏။ ယခင်က သူသည် စနိုက်ပါပစ်ခတ်ခြင်း၊ ရန်သူများကို တစ်ချက်တည်းသတ်ခြင်း သို့မဟုတ် သူ၏ခံတပ်များနှင့် ရိုဗာများ၏ မြင့်မားသောပစ်ခတ်နိုင်စွမ်းကို အသုံးပြုခဲ့သော်လည်း သူ၏ တစ်ဦးချင်းတိုက်ခိုက်နိုင်စွမ်းကို တစ်ခါမျှမပြသခဲ့ပေ။ ဤတစ်ကြိမ်တွင် သူက ထိုအရာကို မီးမောင်းထိုးပြပြီး အချိန်နှင့်တပြေးညီ မှတ်ချက်များနှင့် ပြန်ကြားချက်များသည် အများအားဖြင့် ထိတ်လန့်မှုနှင့် အံ့အားသင့်မှုကို ဖော်ပြနေသည်။

သို့သော် ပို့စ်အောက်တွင် လူကိုယ်တိုင် တွန်းတင်ထားသော အကြောင်းပြန်ချက်တစ်ခု ရှိနေသည်ကို သူတွေ့လိုက်သည်။ ID ကိုကြည့်လိုက်တော့ လုဇ်မန်းပင်။ သူ့လေသံက အရင်လို ကြမ်းတမ်း၏။

“Black Phantom က တကယ်ကို အားကောင်းတယ်၊ ဒါကို ကျွန်တော် မငြင်းပါဘူး၊ ဒါပေမယ့် ယန္တရားပညာရှင်တွေက တကယ့်ကို အမှိုက်ပါပဲ။ ဗီဒီယိုအစကို သေသေချာချာကြည့်ပါ။ အက်စ်ပါသည် တောရိုင်းတိရိစ္ဆာန်များနှင့် တိုက်ခိုက်ရာမှာ အဓိက အင်အားစုဖြစ်ပြီး၊ ယန္တရားပညာရှင်များ ဖြစ်လာဖို့ အဆင့်တက်လာတဲ့ ကစားသမားတွေက ဘေးဘက်မှာ ထိုင်ပြီး၊ ပေါက်ကရ လျှောက်ပစ်နေကြတယ်။

“ဒီဗီဒီယိုကို ယန္တရားပညာရှင်က မှတ်တမ်းတင်တာ ဖြစ်နိုင်တယ်လို့ ထင်ပါတယ်။ တစ်ဖက်မှာ လပ်ယားလပ်ယား‌နေနိုင်တဲ့ ယန္တရားပညာရှင်တွေကလွဲရင် တကယ့်တိုက်ပွဲမှာ ဒီလိုမျိုး တခြားကစားသမားတွေ မရှိဘူးလို့ ကျွန်တော်ထင်ပါတယ်။

"ဒါ့အပြင် Black Phantom ရဲ့ ဗီဒီယိုတွေကို မျှဝေတာကို ရပ်လိုက်ပါ၊ ဒီသောက်ရူးက ငါ့ကို ယန္တရားပညာရှင်တစ်ယောက်ဖြစ်အောင် ထပ်ပြီးလှည့်စားချင်နေတာ!"

ပို့စ်ကို ဆက်လက်ကြည့်စဉ်တွင် ပြန်လည်ဖြေကြားချက်များသည် လုဇ်မန်းကို ထောက်ခံသူများနှင့် သူ့ကို သဘောမတူသူများအဖြစ် ကွဲသွားခဲ့သည်။

"ကျစ်" ဟန်ရှောင်းက နှုတ်ခမ်းကို စုပ်လိုက်သည်။ သူနည်းနည်း စိတ်ဆိုးသွား၏။ လုဇ်မန်းသည် ထိုအချက်ကို ဆုပ်ကိုင်ထားပြီး သူ့ဂုဏ်သိက္ခာကို အပုပ်ချနေ၏။ ဒါက သူ့လုပ်ငန်းအတွက် အဟန့်အတားဖြစ်လိမ့်မည်။ ကစားသမားတွေရဲ့ အာရုံစိုက်မှုက ဒီဆွေးနွေးပွဲဆီသို့ ရောက်သွားသည်။ သူ့ရဲ့ စွမ်းရည်ပြသမှုက အခုအချိန်မှာ သက်ရောက်မှုနည်းသွားပုံပင်။ ဟန်ရှောင်း၏ ဆွေးနွေးမှုတွင် ကြွယ်ဝသော အတွေ့အကြုံဖြင့်၊ အကြည့်တစ်ချက်ဖြင့်ပင်၊ လုဇ်မန်းသည် အွန်လိုင်းတွင် တိုက်ပွဲများဖြစ်ပွားရန် နေရာတိုင်းတွင် ညစ်ညမ်းသောမှတ်ချက်များ တင်ထားသော ကီးဘုတ်ဖိုက်တာတစ်ယောက်ဖြစ်ကြောင်း သူပြောပြနိုင်သည်။

သူ့ခေါင်းကိုကုတ်ရင်း ဟန်ရှောင်းသည် ဒါအတွက် ဖြေရှင်းချက်ကောင်းကောင်း မရှိပေ။ ချိုသော တို့ဟူး (သို့) ငန်သော တို့ဟူးကို ရွေးခြင်းကဲ့သို့ပင် ထင်ရှားစွာ ထွက်ပေါ်လာမည့် ဆွေးနွေးချက်ဖြစ်သည်။ မည်သူမျှ ၎င်းကို မကန့်သတ်ထားသရွေ့ အခြားသူများ အွန်လိုင်းတွင် မှတ်ချက်ပေးခြင်းကို တားဆီးရန် နည်းလမ်းမရှိပေ။

ဒါပေမယ့် အခု ငါက NPC တစ်ယောက်ပဲလေ။ ငါက ငါ့ရဲ့ စွမ်းရည်တွေကို ပြသခဲ့ပေမယ့် ယန္တရားပညာရှင်ကို လူတွေပိုပြီး ယုံကြည်ဖို့ မလုံလောက်သေးဘူး။ ငါလုပ်နိုင်တာ တခြားဘာမှ မရှိဘူး၊ ကစားသမားတွေရှေ့မှာ 'ကျွန်တော်က တကယ်တော့ ကစားသမားတစ်ယောက်ပါ' လို့အော်လို့လည်း မရဘူး... ဟန်ရှောင်းက အကူအညီမဲ့သလို ခံစားရသည်။

NPC နမူနာပုံစံသည် သူထုတ်ဖော်မပြလိုသော သူ၏ လျှို့ဝှက်ချက်ဖြစ်သည်။ ကစားသမားတစ်ဦး၏ရှုထောင့်မှကြည့်လျှင် NPC သည် "ကျွန်တော်ကစားသမားတစ်ယောက်ပါ" ဟု အော်သည်ကို မြင်လျှင် စူးစမ်းချင်စိတ်နှင့် ရယ်မောကြမည်ဖြစ်သည်။ တော်တော်များများက အဲဒါကို အမှန်လို့ ယုံမှာမဟုတ်ကြပေ။ အများစုက Deadpool လိုပဲ easter egg ဒါမှမဟုတ် ဇာတ်ကောင်ဒီဇိုင်းတစ်ခုလို့ ထင်ကြလိမ့်မယ်။

အတိတ်က သရုပ်ဖော် ဂိမ်းတချို့ ရှိခဲ့ဖူးပြီး၊ အတွင်းထဲက စိတ်ကူးယဉ် ဇာတ်ကောင်တွေက ကစားသမားတွေရဲ့ ဖြစ်တည်မှုကို သိတယ်လို့ ပြောကြသော်လည်း အဲဒါကို ဘယ်သူက ယုံမှာလဲ။ တကယ်ယုံကြည်သူများကိုလည်း ယန်းတက္ကနိုလော်ဂျီက အမှန်ပြောပြပြီးသားဖြစ်သည်။

သွေးနံ့က မပျောက်သေးပေ။ အဝေးမှ ပြေးလာသော ဓါးရူးသည် ကစားသမားများ၏ အာရုံကို ဆွဲဆောင်ခဲ့သည်။ Galaxy Times သည် သူ၏လှုပ်ရှားမှုများကို ကြေညာခဲ့ပြီး ဓါးရူးသည် ခဏတာကျော်ကြားမှုအချို့ကို ရရှိခဲ့သည်။ ခဏအတွင်းမှာပဲ သူ့ကို မှတ်မိသွားကြ၏။

သူတို့ပတ်ဝန်းကျင်ရှိ ကစားသမားများသည် မနာလိုသောစိတ်ဖြင့် တစ်ယောက်ကိုတစ်ယောက် တီးတိုးတီးတိုးပြောလာကြသည်။

“ဒါက ပရော်ဖက်ရှင်နယ် ဂိမ်မာ မဟုတ်ဘူးလား။ သူ့ဓါတ်ပုံက ပရိုမိုးရှင်းကြော်ငြာမှာ ရှိတယ်။”

"သူက Black Phantom နဲ့ တကယ်ကို အထူးဆက်ဆံရေးရှိတယ်။"

"ငါလည်း Black Phantom နဲ့ လျှို့ဝှက်တာဝန်တစ်ခုကို ဖွင့်ချင်တယ်"

ဓါးရူးသည် ဟန်ရှောင်း၏ နံဘေးသို့ ယက်ကန်ယက်ကန်ရောက်လာသည်။

ဟန်ရှောင်းက ဒီကစားသမားတွင် အလားအလာကောင်းများ ရှိသည် ထင်သည်။ NPCs များရှေ့တွင် ဓါးရူးကို အရှက်ရစေသော်လည်း ကစားသူများ၏ရှေ့တွင် ထိုသို့ပြုလုပ်ရန် နှလုံးသားမရှိပေ။ ဘာပဲဖြစ်ဖြစ် ဓါးရူးဟာ ပရော်ဖက်ရှင်နယ် ဂိမ်မာတစ်ယောက်ဖြစ်ပြီး သူ့ရဲ့ပုံရိပ်က အရမ်းအရေးကြီး၏။

ဟန်ရှောင်းသည် ပုံမှန်မစ်ရှင်အချို့ကို ကျပန်းပေးလိုက်သည်။ ဓါးရူးသည် မစ်ရှင်ကို လက်ခံရရှိသောအခါတွင် သူ၏မျက်နှာသည် စိတ်ပျက်လက်ပျက် ဖြစ်သွားသည်။

"ပစ္စည်းတွေ စုဆောင်းရမှာလား? အဲဒါ အရမ်းပျင်းဖို့ကောင်းတယ်။ မင်းက ငါ့ကို ကဖို့လည်း ပြောနိုင်တယ်။"

ဟန်ရှောင်း၏ နှုတ်ခမ်းများ ကွေးညွတ်သွားသည်။ အလေ့အကျင့်တွေက တကယ်ကို ကြောက်စရာကောင်း၏။

ထိုအချိန်တွင် ကစားသမားတစ်ဦး လျှောက်လာသည်။ ခေါင်းပေါ်ရှိ ID သည် Laughing Blade 'ရယ်မောနေသောဓား' ဟု ရေးထားသည်။ သူက မေးလိုက်သည်။ “ဓါးရူးလား”

ဓါးရူးက ဒီလူကို မြင်လိုက်သောအခါ သူ၏မျက်နှာမှာ မပျော်မရွှင် ဖြစ်သွားပြီး “မင်းကိုး။ ဒါဆို မင်းက Galaxy ကိုလည်း ကစားဖို့ ရောက်လာပြီပေါ့။ မင်းက ဘာလို့ Knight မကစားတော့တာလဲ"

“ဟာဟား၊ အဲဒါက စိန်ခေါ်မှုမရှိတော့ဘူး” ရယ်မောနေသောဓါးက လှောင်ပြောင်သလို ပြောဆိုလိုက်သည်။

အချို့ကစားသမားများသည် ရယ်မောနေသောဓါးကို မှတ်မိကြသည်။

"အဲဒါက ပရော်ဖက်ရှင်နယ်ဂိမ်မာမဟုတ်လား၊ ရယ်မောနေသောဓား"

“သူဟာ Knight ရဲ့ ထိပ်တန်းကစားသမား (၃)ဦးထဲက တစ်ဦးဖြစ်တယ်လို့ ကျွန်တော်ကြားဖူးတယ်။ အရင်ကလည်း ချန်ပီယံဆု နှစ်ကြိမ်တောင် ရခဲ့တယ်။”

ရယ်မောနေသောဓားသည် ကစားသမားများ၏ အံ့အားသင့်မှုကို အပြည့်အဝ ခံစားရသည်။ ဓါးရူးကိုကြည့်ရင်း သူ့မျက်လုံးတွေက အထက်စီးဆန်သော ခံစားချက်တွေကို ဖုံးကွယ်ထား၏။

ယခင်က ဓါးရူးသည် Knight တွင် ပရော်ဖက်ရှင်နယ်ဂိမ်မာလည်းဖြစ်သည်။ တရားဝင်ပြိုင်ပွဲများတွင် သူသည် ရယ်မောနေသောဓားကို မရေမတွက်နိုင်အောင် ရှုံးနိမ့်ခဲ့ပြီး သူ၏ကျော်ကြားမှုသည် ရယ်မောနေသောဓားနှင့် ဝေးကွာ၏။

ရယ်မောနေသောဓါးသည် Galaxy Times တွင် ဓါးရူးကို ပေးအပ်သောဆုလာဘ်များကိုမြင်ပြီး သူ၏ပြိုင်ဘက်ဟောင်းသည် သူ့ထက်သာလွန်ကြောင်းသဘောပေါက်ခဲ့သည်။ မနာလိုစိတ်ကြောင့် ခံစားရပြီး ပြဿနာရှာရန် ရည်ရွယ်ချက်ရှိရှိ ရောက်လာ၏။ စကားအနည်းငယ်ပြောပြီးနောက် သူက ပေါ့ပေါ့ပါးပါးမေးကာ "ငါတို့ တွေ့ပြီဆိုတော့ PVP ပြိုင်ကြရအောင်။ ငါက အက်စ်ပါ၊ မင်းကော ဘယ်လိုလဲ။"

"... ယန္တရားပညာရှင်။"

ဓားရူးသည် အနည်းငယ် ချီတုံချတုံ ဖြစ်နေသည်။ သူသည် ဟန်ရှောင်း၏ သွန်သင်မှုအောက်တွင် ရှိနေသော်လည်း သူ၏ လက်ရှိ ယန္တရားပညာရှင် စွမ်းရည်များသည် တိုက်ပွဲအတွက် အလွန် မသင့်လျော်ပေ။ မသိစိတ်ဖြင့် သူသည် တိုက်ပွဲကို ငြင်းပယ်ချင်သည်။

မမျှော်လင့်ဘဲ၊ ရယ်မောနေသောဓါးက ရုတ်တရက် "ငါတို့ တစ်ယောက်နဲ့တစ်ယောက် သိလာတာ နှစ်အတော်ကြာပြီ၊ ခင်မင်ရင်းနှီးတဲ့ တိုက်ပွဲတစ်ခု လုပ်ကြရအောင်။ ဒီလိုမျိုး တောင်းဆိုချက်လေးကို ငြင်းပယ်လို့ မရဘူးနော်၊ ဒါမှမဟုတ် မင်းငါ့ကို အထင်သေးလို့လား။"

ဓားရူးသည် စကားမပြောနိုင်ပေ။ ဒီစကားတွေက သူ့ကို ငြင်းရခက်စေသည်။ ဤကဲ့သို့ သေးငယ်သော အရာတစ်ခုအတွက် တူညီသော လုပ်ငန်းတစ်ခုရှိ တစ်စုံတစ်ဦးနှင့် သဘောထားကွဲလွဲနေရန် မလိုအပ်ပေ။

ရယ်မောနေသောဓါးသည် သူ့စိတ်ထဲတွင် အေးစက်စွာ ရယ်မောလိုက်သည်။ ဓါးရူးသည် သဘောတူညီချက်ကို ငြင်းပယ်မည်ကို စိုးရိမ်သောကြောင့် သူက ထိုသို့ပြောလိုက်သည်။ သူသည် Galaxy တွင် ကျော်ကြားမှုအချို့ရရှိလိုသောကြောင့်သာ ဓါးရူးနှင့် ယှဉ်ပြိုင်လို၏။

သူသည် ကျော်ကြားမှုတစ်ခုရလာသောအခါ၊ အခြားသူတစ်ဦး၏ သားကောင်ဖြစ်လာရန် လွယ်ကူစေသည်။

အကယ်၍ သူသာ ဓါးရူးကို အနိုင်ယူမည်ဆိုပါက၊ သူသည် ဓါးရူး၏ လူကြိုက်များမှုကို လျော့ပါးသွားစေနိုင်သည်။ ပရော်ဖက်ရှင်နယ် ဂိမ်မာတစ်ယောက်အတွက်၊ ဓါးရူးကို သူက အနိုင်ယူခဲ့သည့်အတွက် သူလည်း နည်းနည်း ပို၍ နာမည်ကြီးလာနိုင်တယ်။

ရယ်မောနေသောဓါးသည် အလွန်ယုံကြည်မှုရှိသည်။ နိုးထလာတဲ့ အက်စ်ပါဟာ အတော်လေး သန်မာတယ်လို့ သူ ခံစားရ၏။ သူ၏ ဒြပ်စင်အသုံးပြုမှုမှာ ကာကွယ်ရေးအတွက် သင့်လျော်သော ကျောက်တုံး-မြေကြီး ပေါင်းစပ်လက်နက်ဖြစ်သည်။ ၎င်းသည် ပစ္စတိုများနှင့် တိုက်ခိုက်လျှင် သန်မာသောကြောင့် အနိုင်ရရန် အခွင့်အလမ်းမှာ အလွန်မြင့်မားသည်ဟု သူခံစားခဲ့ရသည်။

သူရှုံးခဲ့ရင်တောင် သူတို့ကြားက ကွာဟချက်ကို စမ်းသပ်နိုင်တယ်။ မည်သို့ပင်ဆိုစေကာမူ ဤအချိန်တွင် မသေကြပေ။ ရယ်မောနေသောဓါးသည် ဤသဘောတူညီချက်က သူ့အတွက်သာ အကျိုးများသည်ဟု ခံစားခဲ့ရပြီး သူ့တွင် မည်သည့်ဆုံးရှုံးမှုမှ ရှိမည်မဟုတ်ပေ။

နောက်ပြီး... တစ်ဖက်မှာ ရပ်နေတဲ့ Black Phantom ကို ကြည့်လိုက်ကာ သူ့အကြည့်တွေက လင်းထိန်သွားသည်။

အကယ်၍ဓါးရူးက လျှို့ဝှက်တာဝန်ကို ဖွင့်နိုင်တယ်ဆိုရင် ငါလည်း အဲဒါကို စမ်းကြည့်ရမည်။

အခန်း (၁၅၂) ပြီး၏။

လင်းဆက်

+++++