ဂရူပါ ပုလိပ်ရောဂါ နှင့် ဖိစီးနှိပ်စက်မှု

အခန်း (၁၆၂) ဂရူပါ ပုလိပ်ရောဂါ နှင့် ဖိစီးနှိပ်စက်မှု

“ဒါက အကြီးကြီးပဲ။” Bun-hit-dog ပင့်သက်ရှိုက်ရင်း ပြောလိုက်သည်။ "ဒါက လူသစ်လေးတွေ အရင်ဝင်မယ့်နေရာ မဟုတ်နိုင်ဘူး?"

ကားက ဂိတ်ပေါက်ဝကို ဝင်လိုက်တာနဲ့ ပင်မတံခါးက ဖြည်းညှင်းစွာပွင့်သွားတယ်။ ပထမဆုံး မြင်လိုက်ရတာက ကြီးကျယ်ခမ်းနားတဲ့ မျှော်စင်တွေ၊ သဲအိတ်အကာအရံတွေနဲ့ တန်းလျားတွေဖြစ်သည်။ လက်နက်ကိုင် တပ်ဖွဲ့ဝင်များသည် ကင်းလှည့်၍ စောင့်ကြပ်နေကြသည်။ စခန်းတွင်းသို့ ဆက်လက်ဝင်လာလျှင် လူနေရပ်ကွက်သို့ ရောက်ရှိလာသည်။

လူနေရပ်ကွက်ရှိ အဆောက်အအုံများ၏ အသွင်အပြင်သည် မြို့များ၏ ဖွဲ့စည်းပုံအစီအမံများထက် များစွာပို၍ ကျဲပါးပြီး ပေါ့ပေါ့ပါးပါးဖြစ်သည်။ အထပ်မြင့် အဆောက်အအုံတွေလည်း မရှိပေ။ မိသားစုများသည် လမ်းများပေါ်တွင် လမ်းလျှောက်လာခဲ့ကြပြီး ဈေးသည်များကလည်း အရောင်းအ၀ယ်လုပ်ကြသည်။ လမ်းမများပေါ်တွင် သက်ဝင်လှုပ်ရှားနေသော စကားများနှင့်အတူ၊ ၎င်းသည် ဈေးအသေးလေး တစ်ခုကဲ့သို့ ဖြစ်နေသည်။

ကားသည် လူပေါင်းများစွာ ဆင်းသက်သွားပြီး ရပ်တန့်သွားသည်။ လူချိန်သည် ပွဲကိုပြင်ဆင်ရန် သူ၏ လူအများအပြားကို အမိန့်ပေးလိုက်သည်။ သူက ဟန်ရှောင်းကို သူ့ရဲ့ဧည့်သည်အဖြစ် ဖိတ်ကြားပြီးကတည်းက အိမ်ရှင်အဖြစ် ဟန်ရှောင်းနဲ့ တခြားနှစ်ယောက်ကို အလည်အပတ်ခရီးကို ခေါ်ဆောင်လာသည်။ ရံဖန်ရံခါတွင် လူအချို့က လူချိန်ကို နှုတ်ဆက်ကြသည်။ လူချိန်သည် သူ့လူများ၏ လေးစားမှုကို ခံရပုံရသည်။

“အဲဒါ ငါ့လက်နက်စက်ရုံ။ ငါ့မှာ သေနတ်နဲ့ ခဲယမ်းမီးကျောက်တွေ ဖန်တီးဖို့ အထူးပြုတဲ့ တပ်ဆင်လိုင်းတစ်ခုရှိတယ်။" လူချိန်သည် သံဆူးကြိုးဖြင့် ကာထားသော ကန့်သတ်နယ်မြေကို ညွှန်ပြသည်။ ၎င်းနောက်တွင် ၎င်း၏ ဂိုဒေါင်၊ အလုပ်ရုံနှင့် လက်နက်စမ်းသပ်ခန်းတို့ ပါရှိပြီး မီးခိုးခေါင်းတိုင်များမှ မီးခိုးများထွက်နေသည်ကို မြင်တွေ့နိုင်သည်။

အခြားတစ်ဖက်တွင်၊ ဒုတိယ အသွားအလာကန့်သတ်ထားသော နေရာတစ်ခုရှိသည်။ အထဲမှာ ရွက်ဖျင်တဲတွေ အများကြီးနဲ့ ရာဂဏန်းလောက်ရှိတဲ့ လေလွင့်သူများ အထဲမှာ နေနေကြသည်။ သူတို့၏ အရေပြားသည် မီးခိုးပြာများဖြင့် ဖုံးလွှမ်းနေပြီး ကျောက်ဆောင်များကဲ့သို့ အက်ကွဲနေသည်။

"အဲဒီနေရာက ဘာလဲ" Bun-hit-dog က စိတ်ဝင်တစား မေးသည်။

သက်ပြင်းချရင်း လူချိန်က “ကွာရန်တင်းဧရိယာ။ ဂရူပါ ပုလိပ်ရောဂါ ရှိသူတိုင်း ရောဂါပိုးမွှားမွှားများကို ကာကွယ်ဖို့ ဒီနေရာမှာ နေရမယ်။”

ဂရူပါ ပုလိပ်ရောဂါ?

ဟန်ရှောင်းအံ့အားသင့်စွာ အော်ဟစ်လိုက်သည်။ ဤရောဂါအမျိုးအစားသည် အလွန်ကူးစက်တတ်သည်။ ဗားရှင်း ၂.၀ တွင်၊ ၎င်းသည် ပြန့်နှံ့သွားပြီး မျိုးရိုးဗီဇပြောင်းလဲမှု အချို့ကိုလည်း ဖြစ်စေခဲ့သည်။ သူဒီမှာတွေ့ဖို့ မမျှော်လင့်ထားပေ။

သူတစ်ခုခုပြောခါနီးတွင် ကွာရန်တင်းဧရိယာမှ ရုတ်တရက် ရုန်းရင်းဆန်ခတ်ဖြစ်သွားသည်။

ရူးသွပ်နေသည့်ပုံစံဖြင့် ပြေးလွှားရင်း ကူးစက်ခံရသူတစ်ဦးသည် သံဆူးကြိုးစည်းရိုးဆီသို့ ပြေးသွားခဲ့သည်။ ခြေလက်တွေ အကုန်လုံးနှင့် ခြံစည်းရိုးကိုတက်ဖို့ ကြိုးစား၏။ သို့သော် နောက်တစ်စက္ကန့်တွင် သေနတ်သံကြားလိုက်ရသည်။ ဘေးမှလုံခြုံရေးအရာရှိက လျပ်စီးလက်သလို အရှိန်ဖြင့် တုံ့ပြန်ခဲ့ပြီး အဆိုပါအမျိုးသားအား စက်သေနတ်ဖြင့် ပစ်ခတ်လိုက်သည်။ ထွက်ပြေးသည့် နေထိုင်သူမှာ မြေပြင်ပေါ်သို့ လဲကျသွားခဲ့သည်။ သွေးအိုင်ထဲတွင် လဲလျောင်းနေချိန်တွင် အလောင်းထဲမှ အဝါရောင် အရည်ပျစ်ပျစ်များ ထွက်လာသည်ကို တွေ့နိုင်သည်။

အဖြူရောင် အကာအကွယ်ဝတ်စုံဝတ်ထားသည့် ဆရာဝန်အများအပြားသည် ထွက်လာကြပြီး အလောင်းကို အလောင်းအိတ်ထဲသို့ ထည့်ကြသည်။ အလောင်းရှိရာ မြေပြင်ပေါ်တွင် ပိုးသတ်ဆေးဘူးကြီးများကို ဖျန်းကြသည်။

ထွက်ပြေးလာသူအား သတ်ခဲ့သည့် စစ်သားသည် တန်ဖိုးမရှိသော ကြက်တစ်ကောင်ကို သတ်လိုက်သကဲ့သို့ အမူအရာပြောင်းလဲခြင်းမရှိဘဲ သူ၏သေနတ်ကို ရုတ်သိမ်းလိုက်သည်။

ကွာရန်တင်းဧရိယာအတွင်း ရောဂါပိုးရှိသူများသည် ဤမြင်ကွင်းကို တိတ်ဆိတ်စွာ၊ အမူအရာမပြောင်းလဲဘဲ ထုံထိုင်းစွာ ကြည့်ရှုနေကြသည်။ စိတ်ပျက်အားငယ်မှု၏ ထူထပ်သောလေထုသည် မှောင်မိုက်လေးလံသော တိမ်တိုက်တစ်ခုလို လေထဲတွင် ချိတ်ဆွဲထား၏။

“ဒီရောဂါကူးစက်ခံထားရသူတွေကို ကုသဖို့က အရမ်းခက်ခဲတယ်။ သူတို့ကို နောက်ထပ်လူတွေဆီ မပြန့်ပွားအောင် တားဆီးဖို့ ဒီလိုပဲ ထိန်းချုပ်နိုင်မှာ” လူချိန်က ရှင်းပြသည်။

ဟန်ရှောင်း လှည့်ကြည့်လိုက်သည်။ အနီးနားတွင် နေထိုင်သူများသည် ၎င်းတို့၏ မျက်နှာများတွင် စာနာမှု အရိပ်အယောင်မျှ မရှိဘဲ အရာအားလုံး ပုံမှန်အတိုင်း ဖြစ်နေပုံရသည်။

“ဒါက သွေးအေးတာပဲ၊” Bun-hit-dog က တိတ်တဆိတ် ပြောလိုက်သည်။

“အစတုန်းကတော့ ကူးစက်ခံရသူ ဆယ်ဂဏန်းပဲရှိတယ်။ ရောဂါပိုးရှိသူတစ်ယောက်က မကုသနိုင်တာ သိသွားပြီး သီးခြားနေထိုင်ရာဒေသကနေ လွတ်မြောက်သွားတဲ့အတွက် ကူးစက်ခံရသူအရေအတွက်ဟာ သုံးရာကျော်အထိ တိုးလာခဲ့တယ်။” လူချိန်က ခြောက်ကပ်စွာ ပြောကြားခဲ့သည်။

_____________________

သင် [ဂရူပါ ပုလိပ်ရောဂါ ၏မူလအစ] တာဝန်ကို အစပျိုးလိုက်ပါပြီ။

တာဝန် ဖော်ပြချက် - ဘလက်ပိုင်းအခြေချနေထိုင်ရာသည် ဂရူပါ ပုလိပ်ရောဂါ ပျံ့နှံ့မှုကြောင့် ပြဿနာတက်နေသည်။ ဒီကပ်ဆိုးကြီးကို ထိန်းချုပ်ဖို့ သင်ဘာလုပ်နိုင်မယ်ထင်လဲ။

တာဝန် လိုအပ်ချက်များ

၁။ ဂရူပါ ပုလိပ်ရောဂါ ၏ အရင်းအမြစ်ကိုရှာပါ။

၂။ ပုလိပ်ရောဂါ မပြန့်ပွားအောင် ထိန်းချုပ်ပါ။

၃။ ရောဂါပိုးရှိသူအားလုံးကို ကုသပါ။

ဆုလာဘ်များ

လိုအပ်ချက် ၁ ပြီးစီးခြင်း - ၂၀,၀၀၀ အတွေ့အကြုံအမှတ်

လိုအပ်ချက် ၂ ပြီးစီးခြင်း - ၄၀,၀၀၀ အတွေ့အကြုံအမှတ်

လိုအပ်ချက် ၃ ပြီးစီးခြင်း - ၆၀,၀၀၀ အတွေ့အကြုံအမှတ်

လိုအပ်ချက်များအားလုံး ပြီးစီးခြင်း - ၈၀၀ ဘလက်ပိုင်းဂုဏ်သတင်းအမှတ်များ၊ လေလွင့်သူများWarrior တိုက်ပွဲဝတ်စုံ

_____________________

ဓါးရူးနှင့် Bun-hit-dog နှစ်ဦးစလုံးသည်လည်း အဆိုပါ တာဝန်ကို ရရှိခဲ့သည်။

သို့သော်လည်း ဟန်ရှောင်းသည် ဤရှာဖွေမှုကို အပြီးသတ်ရန် မရည်ရွယ်ခဲ့ပေ။ သူသည် နောက်ထပ်လူမိုက်များ... မှားလို့၊ နောက်ထပ် ကစားသမားသစ်များကို ရှာဖွေ၍ ယန္တရားပညာရှင် Class ထဲသို့ ခေါ်ဆောင်လာရန် အလျင်လိုနေသေးသည်။ သူသည် အစပျိုးရွာ ၁၀ရွာခန့်သို့ သွားရန် လိုအပ်ပြီး အတွေ့အကြုံအမှတ် လှိုင်းလုံးကြီးများက သူ့ကို စောင့်မျှော်နေကြသည်။ အချိန်က ကပ်နေ၏၊ သူ့မှာ လုပ်စရာတွေ အများကြီးရှိသေးသည်။ သူ့ခြေလှမ်းတွေကို နှေးကွေးအောင် လုပ်ဖို့ မတတ်နိုင်သေးပေ။

အိုး ဟုတ်သားပဲ၊ ကစားသမားတွေက သူတို့ရဲ့ တာဝန်တွေကို ပြီးအောင် လုပ်ရင် ငါရော ဆုလာဘ်တွေကို တောင်းလို့ရမလား? ဟန်ရှောင်း၏ မျက်လုံးများ တောက်ပလာသည်။ လုံးဝသတိမထားမိသော ဓါးရူးကိုကြည့်ရင်း ရုတ်တရက် စိတ်ကူးအသစ်တစ်ခု ရလာ၏။

“ငါ့လူတွေ စားသောက်ပွဲကို ပြင်ဆင်ပြီးကြပြီ။” လူချိန်က ဖိတ်စာပို့လိုက်ပြီး သူတို့က ဘလက်ပိုင်းရဲ့ ဗဟိုအဆောက်အအုံကို ရောက်လာကြသည်။ ၎င်းက ရဲတိုက်ငယ်တစ်ခုလိုဖြစ်ပြီး အနောက်ဘက်ခြမ်းကို သခင်ခန်းမဟု ခေါ်သည်။

ပွဲတော်တွင် ကျွေးမွေးသော ဟင်းလျာများသည် ဗိုက်ပြည့်စေရန် ရည်စူး၍ ပမာဏများသည်။ ဘလက်ပိုင်းအခြေချနေထိုင်ရာတွင် ၎င်းတို့၏ ကောက်ပဲသီးနှံများ စိုက်ပျိုးသည့် လယ်ကွင်းတစ်ခု ရှိပြီး ၎င်းတို့တွင် ကုန်းမြင့် ကျွဲ၊ ကြက်၊ ဆံပင်နက် နှာတံတို ဝက် ကဲ့သို့သော တိရစ္ဆာန်များကို မွေးမြူ သည့် ၎င်းတို့၏ သားသတ်ရုံလည်း ရှိသည်။ လေလွင့်သူများ ၏ စခန်းချမှုသည် နေ့စဉ် အရင်းအမြစ် အမြောက်အမြား သုံးစွဲသည်။ ၎င်းတို့၏အရင်းအမြစ်များရရှိရန် Dark Net ကိုသာ အားကိုးပါက၊ အထူးသဖြင့် ၎င်းသည် အလွန်စျေးကြီးသောကြောင့် ကုန်ကျစရိတ်များကို ခံနိုင်ရည်ရှိမည်မဟုတ်ပေ။ ထို့ကြောင့် ဒေသခံတွေက ကိုယ့်အားကိုယ်ကိုးရှိဖို့ သင်ယူပြီး သူတို့၏ သေးငယ်တဲ့ နယ်မြေကို တည်ဆောက်ကြသည်။

ပွဲအပြီးတွင်၊ ဟန်ရှောင်းနှင့် လူချိန်တို့သည် ပေါ့ပေါ့ပါးပါး စကားစမြည်ပြောနေကြရင်း၊ လူချိန်သည် Black Phantom အား ကျေးဇူးဆပ်ခြင်းဆိုင်ရာ ခေါင်းစဉ်ကို လွှဲလိုက်သည်။ အချိန်အတော်ကြာအောင် ဆွဲမိလေလေ၊ သူက အရမ်းကို စိတ်မသက်မသာ ခံစားရလေ ဖြစ်နေသည်။

"ငါတို့ သူငယ်ချင်း ဖြစ်သွားပြီလို့ ယူဆလိုက်ကွာ။ အနာဂတ်မှာ တစ်ခုခုဖြစ်လာရင် ငါ့ကို လိုက်ရှာကြည့်၊ ငါ မင်းကို ကူညီမယ်။" ဟန်ရှောင်းက သူ့ဖုန်းနံပါတ်ကို ချန်ထားခဲ့သည်။ သူသည် လူချိန်နှင့် ခင်မင်ရင်းနှီးမှုကို ဆက်လက်ထိန်းသိမ်းထားလိုပြီး ဒီဇိုင်းပုံစံ ၄ခု တာဝန်ကို မည်သည့်အချိန်တွင် စတင်ခဲ့သည်ကို သိရှိနိုင်မည်ဖြစ်သည်။ ခဏလောက်စဉ်းစားပြီး သူက “စဉ်းစားကြည့်‌တော့၊ မင်းဆီက အကူအညီတစ်ခုလိုတယ်။ တစ်ခုခုလုပ်ဖို့အတွက် မင်းရဲ့အလုပ်ရုံနဲ့ ပစ္စည်းတချို့ကို ငှားချင်တယ်"

"ကိစ္စမရှိပါဘူး ငါချက်ချင်းစီစဉ်လိုက်မယ်" လူချိန်က ပိုသက်တောင့်သက်သာရှိလာသည်။ ဟန်ရှောင်းသည် နောက်ဆုံးတွင် သူ့အတွက် တောင်းဆိုချက်တစ်ခုကို ထုတ်ပြီးနောက် သူ စိတ်ချသွားသည်။

"မင်းရဲ့နယ်မြေဟာ ဂရူပါ ပုလိပ်ရောဂါ ပြဿနာကို အမြန်ကိုင်တွယ်ဖြေရှင်းရလိမ့်မယ်၊ မဟုတ်ရင် ဘေးအန္တရာယ်တစ်ခု ဖြစ်လာနိုင်တယ်။ ငါ့သူငယ်ချင်းတွေက မင်းကိုကူညီဖို့ နောက်မှာ ရှိနေလိမ့်မယ်။" ဟန်ရှောင်းက ဓားရူး၏ ကျောကို ရုတ်တရက် ရိုက်၍ ပြောလိုက်သည်။ ဓါးရူးမှာ ပါးစပ်ထဲရှိ အစားအသောက်များ ထွက်ကျကာ အဆက်မပြတ် ချောင်းဆိုးနေတော့သည်။

"မင်း ငါ့ကို ထားသွားတာလား" ဓားရူးက မယုံနိုင်စွာ မေးလိုက်သည်။

မင်းအမေဖြစ်ရဖို့ စိတ်မဝင်စားဘူး။ ဟန်ရှောင်းက သူ၏ ပက်စက်သော မှတ်ချက်များကို ပြန်လည်မြိုချရင်း တာဝန်တစ်ချို့ကိုရေးပြီး ဓါးရူးနှင့် Bun-hit-dog တို့ကို အပြီးသတ်ရန်အတွက် ပစ်လွှတ်လိုက်သည်။

တာဝန်များ၏ အဓိကအချက်မှာ ၎င်းတို့နှစ်ဦးသည် ဘလက်ပိုင်းတွင်ရှိနေစေရန်၊ ပလိပ်ပြဿနာကိုဖြေရှင်းရန်နှင့် ဘလက်ပိုင်းတွင် သူတို့၏ ဂုဏ်သတင်းကို မြှင့်တင်ရန်ဖြစ်သည်။ ဟန်ရှောင်းသည် အတွေ့အကြုံအမှတ် ၂၀၀,၀၀ သုံးစွဲခဲ့ပြီး သူတို့ကို ခွဲခြား၍ ပေးလိုက်သည်။ တာဝန်များသည် ရေရှည်လုပ်ဆောင်မှုများဖြစ်ပြီး သူတို့နှစ်ဦးစလုံး ဘလက်ပိုင်းတွင် နေရန် ရည်ရွယ်ထားသည်။

အစပျိုးရွာများတွင် ကျန်ရှိသော ခရီးနှင့် အလုပ်များအတွက် ဤကစားသမားနှစ်ဦးကို သူနှင့်အတူ ခေါ်ဆောင်သွားရန် မလိုအပ်ပေ။ ၎င်းသည် အွန်လိုင်းနှင့် အော့ဖ်လိုင်းသွားလာရန် အဆင်မပြေဖြစ်ကာ သူ့ကိုလည်း နှေးကွေးစေသည်။ ဘလက်ပိုင်းမှာ သူတို့ရဲ့ တာဝန်တွေကို ပြီးအောင်လုပ်ဖို့ သူတို့ကို ထားခဲ့နိုင်သည်။

သူရွေးချယ်ထားတဲ့ ထူးချွန်တဲ့ ကစားသမားတွေအတွက်၊ သူကိုယ်တိုင် လေ့ကျင့်ပေးရုံသာမက အခြားအကျိုးကျေးဇူးတွေလည်း ရှိသေးသည်။ ဆိုလိုသည်မှာ၊ သူတို့သည် သူ့နောက်သို့ လိုက်နိုင်ပြီး မြင့်မားသော တိုက်ပွဲများနှင့် ထိတွေ့ခွင့်ရနိုင်သည်။ အခြားကစားသမားများနှင့် နှိုင်းယှဉ်ပါက သူတို့၏မြေပုံများကို စောစော ချဲ့ထွင်နိုင်သည်။ ဒါက ကစားသမားများကို သူ့နောက်လိုက်ခွင့်ပြုရာတွင် အဓိကဆွဲဆောင်မှုဖြစ်သည်။ ယခုအချိန်တွင်၊ ပါရမီရှင်ကစားသမားများအား အခြားအလုပ်များကို ပြီးမြောက်အောင် ပြုလုပ်ခွင့်ပေးခြင်းနှင့် ကြိတ်ခွဲခြင်းဖြင့် လေ့ကျင့်ခွင့်ပေးခြင်းသည် သူတို့တစ်ဦးချင်းစီ၏ ထူးခြားသောစွမ်းရည်များကို ဖွံ့ဖြိုးစေရန်အတွက် အသုံးဝင်သည်။ ထိုအရာသည် သူတို့အား စူးစမ်းလေ့လာစေပြီး သူတို့၏ အလားအလာများကို ထိတွေ့ရန် ခွင့်ပြုနိုင်သည်။ တခြားအလုပ်တွေလုပ်ဖို့လည်း သူ့ကိုယ်သူ အချိန်ပိုပေးနိုင်၏။

အဆိုပါ ထူးချွန်ကစားသမားများ ရရှိခဲ့သည့် ဆုကြေးများနှင့်ပတ်သက်၍ မကြာမီ သို့မဟုတ် နောက်ပိုင်းတွင် ယင်း၏ အစိတ်အပိုင်းတစ်ခုသည် သူ့ထံ ပြန်လည်ရောက်ရှိလာမည်ဖြစ်သည်။ အကယ်၍ ဓါးရူးသည် ပလိပ်ရောဂါ တာဝန်ကို ပြီးမြောက်ခဲ့ပါက ဟန်ရှောင်းသည် အတွေ့အကြုံအမှတ်အချို့ကို ရရှိမည်ဖြစ်ပြီး ဓါးရူးသည် ဟန်ရှောင်းထံမှ စက်ပစ္စည်းဝယ်ယူရန် ရရှိသောငွေ တစ်စိတ်တစ်ပိုင်းကို အသုံးပြုမည်ဖြစ်သည်။

သူသည် ကစားသမားများ၏ ရွှေကို ရယူချင်ရုံသာမက ကစားသမားများမှတဆင့် NPC ၏ ဒုတိယရွှေများကိုပါ ရရှိနိုင်သည်။

ဟန်ရှောင်းသည် မိခင်သင်္ဘောဖြစ်ပါက၊ သူ့တောင်ပံအောက်တွင် သူယူထားသော ကစားသမားများသည် တိုက်ခိုက်ရေးယာဉ်စုများနှင့် တူညီမည်ဖြစ်သည်။ အောင်မြင်မှု မည်မျှပင် ရရှိခဲ့ပါစေ၊ သူတို့သည် ၎င်းတို့၏ ဇာတိမြေသို့ ပြန်၍ ကျေးဇူးဆပ်ရန် လိုအပ်နေသေးသည်။ ဟုတ်ပါသည်၊ အဲဒါက သူအောင်မြင်ပြီး အကျိုးကျေးဇူးတွေ ရရှိသည့် အခြေအနေအောက်မှာပဲ ရှိသေးသာ်။ ဤအချက်တွင် သူ အရမ်းယုံကြည်မှု ရှိနေတုန်းပင်။ ကစားသမားတွေ ကိုယ်တိုင်ကလွဲလို့ သူ့ထက် ကစားသမားတွေကို ပိုနားလည်တဲ့ တခြားလူ မရှိပေ။

ငါက ဒီလို ဉာဏ်ကြီးရှင်ပဲ။

ဓါးရူးသည် ဟန်ရှောင်း၏ စီစဉ်မှုများကိုသာ သဘောတူနိုင်ခဲ့ပြီး အမှန်တကယ်တော့ သူကျေနပ်နေပါသည်။ ဘလက်ပိုင်းသည် အဆင့်မြင့်မြေပုံတစ်ခုဖြစ်ပြီး တာဝန်တစ်ခုစီအတွက် ဆုလာဘ်များသည်လည်း အလွန်ရက်ရောသည်။ Bun-hit-dog သည် ကန့်ကွက်မှုနည်းပါးသည်။ စုဆောင်းထားသော ကုန်ကြမ်းများမှာ လုံလောက်နေပြီဖြစ်သည်။ ဘလက်ပိုင်းတွင် နေခြင်းသည် ဟန်ရှောင်း၏ ခြေရာခံရန် လမ်းကြောင်းပျောက်မည်ကို စိုးရိမ်စရာမလိုတော့ပေ။ သူ့ဗီဒီယိုရဲ့ ပထမအပိုင်းကို ဖန်တီးဖို့ အာရုံစိုက်နိုင်၏။

လူချိန်သည် ဓါးရူးနှင့် Bun-hit-dog တို့၏ စွမ်းရည်များသည် အလွန်အားနည်းပြီး များစွာ မကူညီနိုင်ဟု ခံစားမိသည်။ သို့သော် ဟန်ရှောင်းကြောင့် သူကတော့ သူတို့ကို ကျေးဇူးတင်ကြောင်း ဖော်ပြခဲ့သည်။

ထမင်းစားပွဲတွင်၊ သူတို့ရဲ့ အစီအစဉ်တွေကို အတည်ပြုလိုက်သည်။ ထမင်းစားပြီး နေ့လည်ရောက်သွား၏။ လူချိန်အနားယူဖို့ ပြန်သွားသည်။ မနေ့ညကတည်းက တိုက်ပွဲဖြစ်ခဲ့ပြီး မအိပ်ခဲ့ရသေးပေ။ မနက်မိုးလင်းတော့ သူတို့က လမ်းပေါ်မှာ ရှိနေပြီး အပြေးပြန်လာကြသည်။ သူက လုံးဝ မောပန်းနွမ်းနယ်သွားသည်။

တစ်ဖက်တွင်မူ ဟန်ရှောင်းသည် ကားပေါ်တွင် ခဏတာ အိပ်ပျော်သွားခဲ့ပြီး စိတ်အားထက်သန်နေခဲ့သည်။ သူသည် ဘလက်ပိုင်းတွင် လွတ်လပ်စွာ လှုပ်ရှားနိုင်သောကြောင့် Dark Net ရဟတ်ယာဉ်၏ လေယာဉ်မှူးအား အမိန့်အချို့ပေးခဲ့သည်။ ထို့နောက် အန်တိုနီယိုနှင့် ဆယ်မိနစ်ကျော်ကြာ ညှိနှိုင်းပြီးနောက် ဖေဘီယန်ကုမ္ပဏီမှ သယ်ယူပို့ဆောင်ရေးလေယာဉ်ကို ငှားရမ်းရန် စီစဉ်ခဲ့သည်။

ထို့နောက် ဘလက်ပိုင်းစစ်သားများ၏ ဦးဆောင်မှုအောက်တွင် သူသည် လက်နက်စက်ရုံ ဧရိယာဆီသို့ ဦးတည်သွားခဲ့သည်။ အဲဒီမှာ အစောင့်တွေက လူချိန်ရဲ့ အမိန့်ကို လက်ခံရထား၏။ ထို့ကြောင့် ဟန်ရှောင်းအသုံးပြုရန် အလုပ်ရုံကို ဖွင့်လှစ်ပေးသည်။

လူချိန်က သူ့လူများကို ပစ္စည်းများ ပြင်ဆင်ဖို့ စီစဉ်ထားသည်။ ဟန်ရှောင်းသည် တွင်ခုံတွင် သူ့အလုပ်ကို စတင်လိုက်သည်။ သူသည် သံလိုက် ချပ်ဝတ်တန်ဆာအား ပြုပြင်မှုအချို့ ပြုလုပ်ရန် လိုအပ်ပြီး၊ ခဲယမ်းမီးကျောက်များနှင့် အခြေခံသိုလှောင်ခန်းအချို့ကိုလည်း ထပ်ထည့်ရမည်။ မကြာသေးမီက သူတီထွင်ခဲ့သော 'နေပိုးကောင်' မီးတောက်သေနတ် ပေါ်တွင် တည်ဆောက်မည့် အစိတ်အပိုင်းအချို့ကို ဖန်တီးရန်လည်း လိုအပ်သည်။

သူ၏ ဉာဏ်ရည်အမှတ် ၂၀၀ ဖြင့်၊ စက်၏ ထုတ်လုပ်မှုအမြန်နှုန်းသည် အလွန်လျင်မြန်သည်။ ထို့ပြင် ဖန်တီးရမည့် ပစ္စည်းတွင် ပိုမိုကောင်းမွန်သော ကိန်းဂဏာန်းများကို ဖန်တီးပေးမည့် စက်ယန္တရားရင်းနှီးမှုနှင့် စွမ်းအင်အမှတ်ခိုင်မာခြင်းကဲ့သို့ အခြားသော မွမ်းမံခြင်းစကေးများ ရှိသည်။

_____________________

နေပိုးကောင်အိတ်ဆောင် မီးတောက်သေနတ် (အသေးစား မီးတောက်သေနတ်)

အဆင့် - အပြာရောင် (အရည်အသွေးကောင်း)

ထိခိုက်နိုင်မှု - ၂၇-၃၄/စက္ကန့် (မီးလောင်မှု)

Overload - ၆၀ စက္ကန့်

ပြန်သုံးနိုင်သည့်အချိန် - ၂၀ စက္ကန့်

အကွာအဝေး - ၇ မီတာ

ပါဝါအထွက် - ၉၂

လောင်စာအမျိုးအစား - HF လောင်စာအရည်

စွမ်းအင် - ၂၁၀/၂၁၀ (၁ စွမ်းအင်/စက္ကန့် ကို အသုံးပြုသည်)

အလေးချိန်: 9.4 ကီလိုဂရမ်

ဘေးထွက်သက်ရောက်မှု - ပေါင်းစည်းခြင်း - စွမ်းအင်သေတ္တာကို ပေါင်းထည့်ခြင်းအားဖြင့်၊ ၎င်းကို ခန္ဓာကိုယ်နှင့် သဟဇာတဖြစ်ပြီး သယ်ဆောင်ရလွယ်ကူသည်။

ဘေးထွက်သက်ရောက်မှု - စွမ်းအားမြင့်ဂျက်အင်ဂျင် - လောင်စာဆီ၏ ထိရောက်မှုကို မြှင့်တင်ပေးသည်၊ +၃၃% ထိခိုက်နိုင်မှု၊ +၂၅% အကွာအဝေး၊ ၀.၆ စက္ကန့်လျှင် လောင်ကျွမ်းထိခိုက်နိုင်မှု တစ်ကြိမ်နှင့် ၁၂ စက္ကန့် ကြာရှည်ခံသည်။ ၈ စွမ်းအင်/စက္ကန့် ကို အသုံးပြုသည်။ ၁၂ စက္ကန့်ကြာပြီးနောက်၊ ချက်ခြင်း overload ဝင်လာသည်။

ဘေးထွက်သက်ရောက်မှု - ကပ်၍လောင်ကျွမ်းခြင်း - ပစ်မှတ်၏ လောင်ကျွမ်းမှုအခြေအနေကို ချဲ့ထွင်ပြီး လောင်ကျွမ်းမှု၏ ထိရောက်မှုကို တိုးစေသည်။

မှတ်ချက် - ကခုန်ခြင်း မီးတောက်သည် အချစ်ဇာတ်လမ်းနှင့်တူသော နွေးထွေးမှုတစ်ခုဖြစ်သည်။

_____________________

ဟန်ရှောင်း မျက်ခုံးပင့်လိုက်သည်။ ဒါက ဘယ်လို သောက်တလွဲ မှတ်ချက်မျိုးလဲ။

အခန်း (၁၆၂) ပြီး၏။

လင်းဆက်

+++++