ကုန်ကြမ်းပစ္စည်း

အခန်း (၁၆၄) ကုန်ကြမ်းပစ္စည်း

အချိန်အတော်ကြာ စဉ်းစားပြီးနောက် ဟန်ရှောင်းက သူ့ရွေးချယ်မှုကို ပြုလုပ်လိုက်သည်။

"ကျွန်တော် PE-0 နာနို-လူလုပ်ဖိုင်ဘာကို လိုချင်တယ်။"

“ဝိုး၊ ဉာဏ်ကောင်းတယ်။ စစ်တိုက်ရတာ ကြိုက်တဲ့ မင်းလို စစ်သည်တော်က အဲဒီအစား ကျည်ကာ အမြှေးပါးကို ရွေးလိမ့်မယ်လို့ ထင်ထားတာ။”

"တစ်ခုခု ဖန်တီးဖို့အတွက် လုံလောက်တဲ့ PE-0 လိုလိမ့်မယ်။"

“ကောင်းပြီ။” လဲ့ကျန်းယုက ခေါင်းညိတ်လိုက်သည်။ ဒီလက်နက်လေးမျိုးထဲက PE-0 နာနို-လူလုပ်ဖိုင်ဘာသည် တန်ဖိုးအရှိဆုံးဖြစ်ပြီး ဒီပစ္စည်းအသစ်သည် နောက်ထပ်လက်နက်များစွာအတွက် အသုံးပြုနိုင်တယ်လို့ သူခံစားခဲ့ရသည်။ ဟန်ရှောင်းသည် အမှန်တကယ်ပင် ထက်မြက်သော မျက်လုံးများဖြင့် ကျွမ်းကျင်သော ယန္တရားပညာရှင်ဖြစ်ကြောင်း သူနားလည်လိုက်သည်။

လဲလှယ်မှုကို အတည်ပြုလိုက်သောအခါ ဟန်ရှောင်းသည် သူ၏ ထရပ်ကားဆီသို့ ပြန်သွားပြီး Ghost စနိုက်ပါရိုင်ဖယ်အသစ်ကို စတင်ဖန်တီးတော့သည်။ ဒီဇိုင်းပုံစံ၏ အကူအညီဖြင့်၊ အားလုံးအဆင်ပြေသွားသည်။

ဒီလဲလှယ်မှုကနေ ငါအများကြီး ရခဲ့တယ်။

နာနို-လူလုပ်ဖိုင်ဘာအသစ်သည် သူ၏ ပေါ့ပါးသော mecha အယူအဆ၏ အရေးကြီးသော အစိတ်အပိုင်းတစ်ခုအဖြစ် ပါဝင်မည်ဖြစ်သည်။ ၎င်းကို ပေါ့ပါးသော mecha ၏ အရွတ်အရိုးစုစနစ်အဖြစ် အသုံးပြုနိုင်သည်။ ယခင် K600 ယန္တရားကိုယ်ထည်စနစ်နှင့် နှိုင်းယှဉ်ပါက PE-0 သည် ကဏ္ဍအားလုံးနီးပါးတွင် ကြီးမားသောတိုးတက်မှုများ ရှိသည်။ ဥပမာအားဖြင့်၊ ၎င်းသည် သေးငယ်သည်၊ ပေါ့ပါးပြီး ပိုအားကောင်းသည်။ ထူးထူးခြားခြား ပေါ့ပါးသော mecha ကို ဖန်တီးရန် ၎င်းသည် ထူးကဲသော အဓိကပစ္စည်းဖြစ်သည်။

ပိုင်သွန်-ပေါ့ပါးသော Mecha။

PE-0 ကို ၎င်း၏ ရိုးရှင်းသော မိတ်ဆက်ပေးမှုဖြင့် မဆုံးဖြတ်သင့်ပေ။ ၎င်းကို အတွင်းပိုင်းအရိုးစုစနစ်အဖြစ် အသုံးပြုသောအခါတွင် ၎င်းသည် ကြွက်သားများကဲ့သို့ပင် လုပ်ဆောင်နိုင်မည်ဖြစ်သည်။ သုံးဖူးသူတိုင်း နားလည်ကြလိမ့်မည်။

အခြားပစ္စည်း၃ခုအတွက်မူ၊ ၎င်းတို့ထဲမှ နှစ်ဦးသည် ကုန်ဆုံးသွားနိုင်သောပစ္စည်းများဖြစ်သောကြောင့်၊ ၎င်းတို့အား ရွေးချယ်စရာများအဖြစ်မှ ချက်ချင်းထုတ်ပယ်ခဲ့သည်။ ကျည်ကာ အမြှေးပါးသည် ယုံကြည်စိတ်ချရသောပုံ ပေါက်သော်လည်း ပလက်တီနမ်ပါ၀င်သောကြောင့် ကျည်ကာလုပ်ဆောင်ချက်အတွက် အရည်အချင်းမပြည့်မီပေ။

Ghost စနိုက်ပါရိုင်ဖယ်အသစ် ဖန်တီးရန်အတွက် လဲ့ကျန်းယုသည် လုံလောက်သော PE-0 နာနို-လူလုပ်ဖိုင်ဘာ ပမာဏကို ယူဆောင်လာပြီး ရွှေရောင် သတ္တုသေတ္တာတစ်ခုအတွင်း သိမ်းဆည်းထားသည်။

နှစ်ယောက်သား ပစ္စည်းများကို လဲလှယ်ပြီးနောက်၊ လဲ့ကျန်းယုသည် Ghost စနိုက်ပါ ရိုင်ဖယ်ကို ချက်ခြင်း ချစ်မိသွား၏။ သူ့စမ်းသပ်မှု၏ ဦးတည်ချက်သည် ပေါ့ပါးသော mecha ဆီသို့ ဦးတည်နေသော်လည်း လျှပ်စစ်သံလိုက်လက်နက်များသည် နောင်လာနောက်သားများအတွက် သမားရိုးကျလက်နက်များ မည်သို့ဖြစ်လာနိုင်သည်ကို သိမြင်ကာ ၎င်းတို့ကိုလည်း လေ့လာရန် ဆုံးဖြတ်ခဲ့သည်။

အရင်အချိန်က အဘိုးကြီးလူသည် လူချိန်ကိုကူညီရန်အတွက် ဘလက်ပိုင်းသို့လာရန် တောင်းဆိုခဲ့သည်။ လဲ့ကျန်းယုက သူ့ကို ကျေးဇူးဆပ်ရန် အကြွေးရှိသောကြောင့် သူ့ကိုကူညီဖို့ ဆုံးဖြတ်လိုက်သည်။ သူနဲ့တန်းတူရှိတဲ့ ယန္တရားပညာရှင် ဟန်ရှောင်းနှင့် တွေ့ရသော ဒီနေ့ကလွဲရင်၊ နေ့တိုင်း သူ့အတွက် ငြီးငွေ့စရာကောင်းနေ၏။ ဤအရာက သူ့ကို အဆုံးမသတ်အောင် အားပေးခဲ့သည်။

“ကျွန်တော် တစ်ခုတော့ လိုအပ်နေသေးပေမယ့် အဲဒါကို ဝယ်ဖို့ လမ်းကြောင်းမရှိဘူး။ ဦးလေးက 'Bonfire' Mini Reaction Furnace ကို ကူညီပြီး ဝယ်ပေးနိုင်မယ်လို့ မျှော်လင့်ပါတယ်။" ဟန်ရှောင်းက သူ့သေတ္တာကို ထုပ်ပိုးပြီး နောက်တစ်ကြိမ် ထပ်ပြောလိုက်သည်။ သူလိုအပ်သော ဤအရာသည် ပေါ့ပါးသော mecha နှင့် သက်ဆိုင်သော မော်ဂျူးတစ်ခုဖြစ်သည်။

လဲ့ကျန်းယုသည် ယန္တရားပညာရှင် ဖြစ်သည်။ ထို့ကြောင့် သူသည် တူညီသောကုန်သွယ်မှုမှ လူများစွာကို သိပြီး အဆက်အသွယ်များစွာရှိ၏။ သူ့သေနတ်ကို တည်ဆောက်ဖို့ [အဆင့်မြင့်ကုန်ကြမ်းပစ္စည်းလေ့လာခြင်း] ထက် အသိပညာကို လိုချင်တဲ့အတွက် လဲ့ကျန်းယုက သူ့အတွက် အရာတချို့ကို ရှာဖွေရာမှာ ကူညီဖို့ လမ်းကြောင်းတစ်ခုအနေနဲ့ အသုံးပြုခဲ့သည်။

“ဒီပစ္စည်းက ရဖို့မလွယ်ဘူး။ ဒါ့ပြင်၊ အော်ဒီနာက ငါ့သူငယ်ချင်းကို ပုံမှန်စျေးနဲ့ ရောင်းခိုင်းရင်တောင် နှစ်သန်းကနေ သုံးသန်းအထိ ကုန်ကျနေသေးတယ်။ အဲဒီပစ္စည်းကို ဖန်တီးဖို့ အချိန်ပိုလိုလိမ့်မယ်ဆိုတာ ပြောစရာတောင်မလိုဘူး။"

“ငွေက ပြဿနာမဟုတ်ဘူး။”

ဟန်ရှောင်း ပြုံးလိုက်ပြီး ယုံကြည်မှုအပြည့်နှင့် ပြော၏။

လဲ့ကျန်းယုသည် ယန္တရားပညာရှင် လောကတွင် မာစတာတစ်ဦးဖြစ်သောကြောင့် အခြားအဆင့်တူ ယန္တရားပညာရှင်များစွာကို သိရှိသည်။ သူက စိတ်အားထက်သန်စွာဖြင့် ဟန်ရှောင်းအတွက် 'Bonfire' Mini Reaction Furnace ရောင်းသူကို ကူညီပြီး ဆက်သွယ်ပေးရန် သဘောတူလိုက်သည်။ လဲ့ကျန်းယုအတွက် ဤအရာက ဖုန်းခေါ်ဆိုမှု တစ်ချို့သာ ဖြစ်သည်။

ဖုန်းနံပါတ်များကို လဲလှယ်ပြီးနောက် လဲ့ကျန်းယုသည် သူ၏ Ghost စနိုက်ပါ ရိုင်ဖယ်ကို ယူကာ ထွက်ခွာသွားခဲ့ပြီး ဟန်ရှောင်းသည် ထရပ်ကားပေါ်တွင် ညသန်းခေါင်အထိ အလုပ်ဆက်လုပ်နေသည်။ သူ့အလုပ်ပြီးတာနဲ့ မီးပိတ်ပြီး အစောင့်တွေနဲ့အတူ သူ့ယာယီနေထိုင်ရာဆီ ဦးတည်သွား၏။

ညသည် တိတ်ဆိတ်နေ၏။ ဘလက်ပိုင်းအခြေချနေထိုင်မှုတွင် ညဥ့်ဘဝမရှိပေ။ ညမိုးချုပ်သောအခါတွင် နေထိုင်သူအားလုံး အိမ်ပြန်ကြပြီး အနားယူကြသည်။ အန္တရာယ်ရှိသော တောရိုင်းများတွင် ဖြစ်ပေါ်လာနိုင်သည့် အန္တရာယ်ရှိလျှင် ဘာလုပ်ရမည်ကို သိရှိရန် နိုးနိုးကြားကြားရှိနေရန် လိုအပ်ပါသည်။ နောက်ပြီး ဖျော်ဖြေရေးကလည်း ဇိမ်ခံပစ္စည်းဖြစ်၏။ တောထဲတွင် မွန်းစတားများ၊ ဖျားနာမှု၊ ငတ်မွတ်မှုနဲ့ ကပ်ဘေးအမျိုးမျိုးရှိသည်။ ထို့ကြောင့် စစ်ဘုရင်များသည် နိုးကြားသော သဘောထားကို ပြောင်းလဲထားပြီးဖြစ်သည်။

အချို့သော အခြေအနေများကြောင့် လူအချို့သည် စစ်ပွဲအပြီးတွင် နိုင်ငံ၆နိုင်ငံသို့ အတင်းအကြပ် ဝင်ရောက်ခဲ့ကြရသော်လည်း အခြားသူများသည် အမုန်းတရားများကို မစွန့်လွှတ်နိုင်ကြဘဲ၊ ၎င်းတို့၏ဘဝ ပိုမိုခက်ခဲလာသော်လည်း အရှုံးမပေးဘဲ တောရိုင်းထဲတွင် နေထိုင်နေကြရသည်။ အချို့က မိုက်မဲသည်ဟု ထင်ကြပြီး အချို့က ၎င်းကို ယုံကြည်ချက် belief သို့မဟုတ် ယုံကြည်ခြင်း faith ဟုပင် ထင်မြင်ကြသည်။ ဤလူမျိုးသည် မည်သည့်နိုင်ငံက ဖြစ်သည်မှာ အရေးမကြီးပေ။ မျိုးချစ်စိတ်ရှိသူများသည် အမြဲလေးစားထိုက်သည်။

ပိုအရေးကြီးတာက တောထဲ မှာ နေထိုင်တဲ့ လေလွင့်သူတော်တော်များများသည် အလေ့အထ ရှိပြီးသား ဖြစ်သည်။ သူတို့၏ နေ့စဉ်အစားအစာတွေက မတည်မငြိမ်ဖြစ်ပြီး ဘယ်အချိန်ဗိုက်ပြည့်မယ်ဆိုတာကို မသိနိုင်ပေမယ့် ကန့်သတ်ချက် ဒါမှမဟုတ် စည်းကမ်းတွေကို လိုက်နာဖို့ မလိုအပ်ကြပေ။ အဲဒီအစား သူတို့သည် လွတ်လွတ်လပ်လပ် နေထိုင်ခဲ့ကြ၏။ နိုင်ငံ၆နိုင်ငံတွင် ပါဝင်ခြင်းသည် နေ့တိုင်း အစာအပြည့်ရမည်ဟု သိထားသော်လည်း ၎င်းတို့၏ လွတ်လပ်မှုကို စွန့်လွှတ်ရန် ဆန္ဒမရှိကြပေ။

ငြိမ်းချမ်းတဲ့ခေတ်မှာတော့ လူတော်တော်များများသည် ဘဝအပေါ် ထုံထိုင်းခဲ့ကြသည်။ ရှင်သန်ဖို့အတွက် သူတို့ဘိုးဘေးတွေလို အမဲလိုက်ကြပြီး နေ့စဉ်နဲ့အမျှ အပြည့်အ၀ နေထိုင်ခဲ့ကြသည်။ လေလွင့်သူအများစုသည် အာဟာရချို့တဲ့မှုဒဏ်ကို ခံရသော်လည်း ၎င်းတို့၏ ခန္ဓာကိုယ်ကြံ့ခိုင်မှုသည် မြို့ပြနေသူများထက် ပိုကောင်း၏။ သူတို့သည် သန်မာပြီး လုံ့လရှိကြတယ်။

တောရိုင်းများကို မြေရိုင်းအဖြစ် ယူဆသတ်မှတ်ကြသည်။ စွန့်ပစ်ထားသော မြို့များ၊ စစ်မြေပြင်များ၊ အပင်များနှင့် တိရစ္ဆာန်များ နေထိုင်ရာများနှင့် စစ်ပွဲကြောင့် ဖြစ်ပေါ်လာသော ရေဒီယိုသတ္တိကြွ ဧရိယာများပင်လျှင် ကန့်သတ်နယ်မြေများ ဖြစ်လာခဲ့သည်။ ကုန်ကျစရိတ်များလွန်းပြီး တန်ဖိုးနည်းသောကြောင့် ယခုအချိန်တွင် နိုင်ငံ၆နိုင်ငံသည် တောရိုင်းထဲသို့ ချဲ့ထွင်ရန် ရည်ရွယ်ချက်မရှိပေ။ စစ်ပွဲအပြီး ပထမနှစ်အနည်းငယ်အတွင်း နိုင်ငံ၆နိုင်ငံသည် သူတို့၏နိုင်ငံအတွင်း အခြေအနေကို တည်ငြိမ်စေရန် ဦးစွာဆုံးဖြတ်ခဲ့သည်။ ထို့ကြောင့် သူတို့၏ နယ်မြေချဲ့ထွင်ရန် အပိုအရင်းအမြစ်များ မရှိခဲ့ပေ။ ရလဒ်အနေဖြင့် စွန့်ပစ်ထားသောမြေပေါ်တွင် တောရိုင်းပန်းမန်များ စတင်ပေါက်ဖွားလာခဲ့ပြီး ၎င်းသည် လေလွင့်သူများ၊ စစ်ဘုရင်များနှင့် ကြေးစားစစ်သားအုပ်စုကြီးများ၏ နယ်မြေဖြစ်လာခဲ့သည်။ ပျက်သုဉ်းပြီးနောက် မှုတ်ထုတ်လာသော လေကဲ့သို့ပင်၊ စစ်အပြီးတွင် မြေရိုင်းများ ပြန်လည်ရှင်သန်လာပြန်သည်။

...

သူ့အခန်းထဲမှာ တစ်ညတာ အနားယူပြီးနောက်၊ ဟန်ရှောင်းသည် နောက်နေ့မနက်တွင် ဓားရူးနှင့် Bun-hit-dog ကိုခေါ်သည်။

“ငါ ခဏလောက်တော့ အဝေးသွားရမယ်။ မင်းတို့တွေ ဘလက်ပိုင်းမှာ နေနိုင်ပြီး ငါမင်းတို့ကို နောက်မှ ဆက်သွယ်လိုက်မယ်။"

ဓါးရူးက စိတ်မပါမှုကို ပြသနေချိန်တွင် Bun-hit-dog က တုံ့ပြန်မှု ကင်းမဲ့နေသည်။ သူသည် ဟန်ရှောင်းနောက်သို့ ရက်အနည်းငယ်သာ လိုက်ပါခဲ့ပြီး ယခုအခါ သူ့ကို စွန့်ပစ်သွားပြန်သည်။

“ဘလက်ပိုင်းမှာ ပလိပ်ရောဂါကို ကူညီဖြေရှင်းပေးမယ့် နည်းလမ်းတွေကို မင်းတို့တွေ တွေးနိုင်တယ်။” ဟန်ရှောင်းသည် ဓားရူးကို ညွှန်ပြလိုက်သည်။ “ဒီအချိန်ကာလအတွင်းမှာ မင်းရဲ့စစ်မှန်တဲ့ အလားအလာကို ပြသနိုင်မယ်လို့ ငါယုံကြည်တယ်။ မင်းက ပိုကောင်းတဲ့ လက်နက်တွေ သုံးနိုင်လောက်တယ်။”

ဟန်ရှောင်းသည် မီတာ ရှစ်ဆယ်အတွင်း ပစ်သတ်ရန် သင့်လျော်သော အသစ်တည်ဆောက်ထားသော ပစ္စတိုနှစ်လက်ကို ထုတ်ယူလိုက်သည်။ ၎င်းသည် ကျည်ကပ်များ နှင့် ထိခိုက်ပျက်စီးစေမှုကို အားကောင်းစေရန် အထူးပြုလုပ်ထားသည်။ ၎င်းသည် အစိမ်းရောင်အဆင့် အရည်အသွေးရှိပြီး ဟန်ရှောင်းမှ အခြားကစားသမားများထံ ရောင်းချခဲ့သည့် ပစ္စတိုများနှင့် နှိုင်းယှဉ်ပါက နှစ်ဆ ပိုမိုအားကောင်းသည်။ ထို့နောက် သူသည် ပစ္စတိုသေနတ်များကို မြေပြင်ပေါ်တွင် မေးရိုးကျမတတ် အကြည့်ဖြင့်ကြည့်နေသော ဓါးရူးအား ပေးအပ်လိုက်သည်။

"ဒါ ငါ့အတွက်လား?" မယုံကြည်နိုင်စွာ ဓားရူးက မေးလိုက်သည်။

ဟန်ရှောင်းက ပြုံးပြီး ခေါင်းညိတ်သည်။

ဓါးရူးသည် အလွန်ပျော်နေပြီး သူ့ပစ္စတိုနှစ်လက်ဖြင့် စတင်ကစားရန် မထိန်းနိုင်တော့ပေ။ ဒီလိုမျိုး ကောင်းကျိုးရရှိဖို့ သူ မမျှော်လင့်ထားပေ။ ဟန်ရှောင်းသည် သူ့အား ပစ္စည်းအချို့ လက်ဆောင်ပေးခဲ့သည်။ တစ်ဖက်မှာ ရပ်နေတဲ့ Bun-hit-dog လည်း အံ့သြသွား၏။

ဒါက လျှို့ဝှက်တာဝန်ရဲ့ အကျိုးကျေးဇူးတစ်ခုလား။ မင်းရဲ့ စွမ်းဆောင်ရည်ကောင်းနေသရွေ့ Black Phantom က မင်းကို သူကြိုက်သလို ချီးမြှင့်ပေးမှာလား။

ဟန်ရှောင်းသည် ဤပစ္စတိုနှစ်လုံးကို ရည်ရွယ်ချက်ရှိရှိ ဖန်တီးခဲ့ပြီး ဓါးရူးသည် အလုပ်များကို ပိုမိုပြီးမြောက်စေရန် ကူညီပေးလိမ့်မည်။ သူ့အလုပ်သမားတွေ အစွမ်းကုန် စွမ်းဆောင်နိုင်စေဖို့ သူတို့ရဲ့ လက်နက်တွေ အရင်ဆုံးလို၏။ ဆုများပေးသည့်အခါ Bun-hit-dog သည် ၎င်းကို ရိုက်ကူးနိုင်ပြီး ထုတ်လွှင့်သည့်အခါတွင် ကစားသမားများ ပိုမိုမြင်တွေ့နိုင်မည်ဖြစ်သည်။ ထိုမှတစ်ဆင့် လူအများက ဟန်ရှောင်းသည် ဆုလာဘ်များကို များစွာဂရုစိုက်သည်ဟု ထင်မြင်ကြမည်ဖြစ်ပြီး သူ၏ 'လျှို့ဝှက်တာဝန်' တွင် ပါဝင်ရန် ပိုမိုစိတ်အားထက်သန်လာကြလိမ့်မည်။

ဟန်ရှောင်းလုပ်ရမှာက သူအလွယ်တကူ ပြုလုပ်နိုင်သော လက်ဆောင်ပစ္စတိုများသာဖြစ်ပြီး၊ စေတနာနည်းနည်းလေးနှင့် ဝင်ငွေပို၍ရရှိလာနိုင်သည်။

"မင်းက နပန်းသတ်တာမှာ အလားအလာကောင်းတွေ ရှိတယ်လို့ ငါထင်တယ်၊ မင်း အနီးကပ် တိုက်ခိုက်ရေး စွမ်းရည်တချို့ကို သင်ယူသင့်တယ်" ဟန်ရှောင်းက ဆိုသည်။ ဓါးရူးသည် နပန်းပညာတွင် ထူးချွန်ပြီး Mechanical Pugilist ဖြစ်လာရန် ရှေ့တိုးသင့်သည်။ ဓါးရူးသည် သူ၏ ယခင်ဘဝကကဲ့သို့ သန်မာနိုင်မည်ဟု သဘာဝကျကျ မျှော်လင့်ထားပြီး၊ ယန္တရားပိုင်းဆိုင်ရာ တိုက်ခိုက်သူ တစ်ဦးအနေဖြင့် သူ၏ ကိုယ်ခံပညာရှင်စွမ်းရည်ကို ပြသလိမ့်မည်ဟု မျှော်လင့်နေသည်။

ဟန်ရှောင်းပြောတဲ့စကားက ဓါးရူးနှင့် ထပ်တူပင်။ ဒါကလည်း သူစဉ်းစားနေတဲ့ အရာဖြစ်သည်။

သူ၏ ညွှန်ကြားချက်များကို ရှင်းလင်းပြီးနောက်၊ ဟန်ရှောင်းသည် Dark Net ရဟတ်ယာဉ်ပေါ်တက်ပြီး ဘလက်ပိုင်းမှ ထွက်ခွာသွားသည်။

“Black Phantom ထွက်သွားပါပြီ၊” ကူညီပေးသူက လူချိန်သို့ သတင်းပို့သည်။

လူချိန်က ဟန်ရှောင်းကို အထင်ကြီးစွာဖြင့် ခေါင်းညိတ်လိုက်သည်။ ထို့နောက် သူက “သူ့သူငယ်ချင်းနှစ်ယောက်ကို ဂရုစိုက်ပါ၊ အစိမ်းရောင်တောင်ကြားမြို့ က ထူးဆန်းတဲ့ ရွာသားတွေကို သတိထားပါ။ သူတို့ရဲ့ နောက်ခံအကြောင်းကိုလည်း ရှာဖွေပါ။”

…

ရဟတ်ယာဉ်သည် ဖေဘီယန် ကုမ္ပဏီသို့ ရောက်ရှိသောအခါ ဟန်ရှောင်းသည် သယ်ယူပို့ဆောင်ရေးလေယာဉ်ပေါ်တက်ပြီး တောင်ပိုင်းတိုက်ကြီးရှိ အစပျိုးရွာသစ်ဆီသို့ ဦးတည်သွားသည်။ ဤတစ်ကြိမ်တွင် သူသည် သမုဒ္ဒရာကိုဖြတ်၍ အနောက်ပိုင်းတိုက်နှင့် မြောက်ပိုင်းတိုက်ရှိ အစပျိုးရွာများသို့ ပျံသန်းလိုသောကြောင့် လေယာဉ်ကို အချိန်အတော်ကြာ ငှားရမ်းထားမည်ဖြစ်သည်။ ဖေဘီယန် ကုမ္ပဏီသည် အခြားတိုက်ကြီးနှစ်ခုတွင် ပါဝါများစွာမရှိပေ။ ထို့ကြောင့် လေယာဉ်ကို အချိန်အကြာကြီး ငှားရမ်းထားရန် စျေးကြီး၏။ အန်တိုနီယိုထံမှ ချစ်ကြည်ရင်းနှီးမှု လျှော့စျေးချပြီးနောက်တွင်ပင်၊ စျေးနှုန်းမှာ ပါးစပ်အဟောင်းသား ဖြစ်သွားစေသည်။ ဘလိုင်းကြီး ငွေညှစ်ခြင်းလိုပင်။

သူ၏ Dark Net အကောင့်တွင် လုံလောက်သော ရန်ပုံငွေများရှိနေသေးပြီး၊ ကြွယ်ဝချမ်းသာမှုကို ထပ်မံစုဆောင်းရန် အစီအစဉ်များစွာရှိသည်။ ရန်ပုံငွေအတွက် စိတ်ပူစရာ မလိုအပ်ပေ။

လေယာဉ်ပေါ်တက်ပြီးတာနဲ့ ဟန်ရှောင်းက သူ့ရဲ့ Mecha ကို စတင်တည်ဆောက်တော့သည်။ သူ၏ကိုယ်ပိုင် mecha ကို တည်ဆောက်ခြင်း၏ အားသာချက်မှာ မတူညီသော မော်ဂျူးများကို သီးခြားစီပြုပြင်ပြီး နောက်ပိုင်းတွင် အတူတကွ ပေါင်းစပ်နိုင်ခြင်းကြောင့် ဖြစ်သည်။ ၎င်းသည် စွန့်စားရမှုကို လျှော့ချနိုင်ပြီး ကိုယ်တိုင်ဖန်တီးထားသော Mecha အတွက် အောင်မြင်မှုနှုန်း ပိုများမည်ဖြစ်သည်။

သူ့မှာ ဒီဇိုင်းပုံစံတွေ မရှိပေမယ့် ကိုယ်ပိုင်စိတ်ကူးတွေ ရှိ၏။ မိမိကိုယ်တိုင် ဖန်တီးထားသော Mecha ၏ မတူညီသော လုပ်ဆောင်ချက်များကို သူ၏ မှတ်ဉာဏ်များထဲမှ အခြားသော Mechas များကို အတုယူရုံဖြင့် အောင်မြင်နိုင်သည်။ [Python Lightweight Mecha] [စပါးအုံး-ပေါ့ပါးသော Mecha] သည် အဆင့်မြင့်၊ ပိုမိုတိကျပြီး ရှားပါးသော စက်ကိရိယာတစ်ခု ဖြစ်သည်။ မည်သူမဆို သာမန်အခြေအနေများတွင် ဤဒီဇိုင်းပုံစံကို ရယူလိုပါက မတူညီသော အုပ်စုများ၏ အဆင့်မြင့် အသိပညာ ၄ခုကို ပေါင်းစပ်ထားရန် လိုအပ်သည်။ ထို့အပြင် အခြေအနေများသည် တောင်းဆိုမှု အလွန်မြင့်၏။ ကြိုတင်လိုအပ်ချက်မှာ ဒီဇိုင်းပုံစံများအတွင်းရှိ အစိတ်အပိုင်းအမျိုးမျိုး၏ လုပ်ဆောင်ချက်များကို နားလည်ရန် လိုအပ်သည်။ ဒါကြောင့် ကစားသမားအများစု လုပ်နိုင်တာက ကံစမ်းကြည့်ခြင်းသာဖြစ်သည်။

အခြားဒီဇိုင်းပုံစံအချို့သည်၊ ကစားသမားများအနေဖြင့် ဒီဇိုင်းပုံစံများအတွင်းရှိ မော်ဂျူးများကိုနားလည်ရန် လိုအပ်သည်။ ဤသည်မှာ စက်ရုပ်များ၊ Mechas၊ သံချပ်ကာနှင့် သယ်ယူပို့ဆောင်ရေးယာဉ်များ၏ ဒီဇိုင်းပုံစံများအတွက် သာမာန်သာ ဖြစ်သည်။

အခန်း (၁၆၄) ပြီး၏။

လင်းဆက်

+++++