‘ဂြိုလ်သား’ဖြစ်ရပ် စတင်ခြင်း

အခန်း (၁၇၇) ‘ဂြိုလ်သား’ဖြစ်ရပ် စတင်ခြင်း

ခြင်္သေ့ဘုရင်ကြီးသည် လေထဲသို့ ခုန်တက်ကာ ဟန်ရှောင်းဆီသို့ ခုန်အုပ်လိုက်သည်။

လေဖိအားက သူ့ခေါင်းနား နီးကပ်လာသည်နှင့်အမျှ ဟန်ရှောင်းသည် သူ့လက်ကို ခြင်္သေ့ဘုရင်ထံ တည်ငြိမ်စွာ မြှောက်လိုက်သည်။ သူက နယ်မြေ တွန်းကန်အား စက်ကိရိယာကို ဖွင့်လိုက်ပြီး မမြင်နိုင်သော စွမ်းအားတစ်ခု သူ့လက်မှ ထွက်လာသည်။ ခြင်္သေ့ဖြူဘုရင်ကြီးက နောက်ပြန်ခေါက်ပြီး မြေပေါ်လဲကျသွားတယ်။

ဟန်ရှောင်းသည် မော်ဂျူးများစွာကို တစ်ပြိုင်နက်အသုံးပြုနေသောကြောင့် စွမ်းအင်အဆင့်သည် အချိန်ကြာလာသည်နှင့်အမျှ တဖြည်းဖြည်း လျော့နည်းလာသည်။

မရေမတွက်နိုင်သော လက်သီးများ ထိုးပြီးနောက်၊ ခြင်္သေ့ဘုရင်ဖြူ၏ သွေးအမှတ်သည် ၃၀% နီးပါး ကျဆင်းသွားသည်။ ခြင်္သေ့ဖြူဘုရင်ကြီးက ကောင်းကင်သို့ အော်ဟစ်နေ၏။ အရေခွံတွေ နီရဲလာသည်။ ၎င်းသည် ဒေါသမုဒ်သို့ ဝင်ရောက်သွားသည်။ သို့မဟုတ် ကစားသမားများက ၎င်းကို ခေါ်ဝေါ်သည့်အတိုင်း ဒုတိယအဆင့်ဖြစ်သည်။ ဟန်ရှောင်းသည် တစ်ခဏအတွင်း ပေါက်ကွဲထွက်လာသော ဖိအားကို ခံစားလိုက်ရသည်။

ဒေါသမုဒ်မှာ သူ့ကို တိုက်ရိုက်မရင်ဆိုင်သင့်ဘူး။ ဟန်ရှောင်းသည် ပိုလုံခြုံသော အကွာအဝေးသို့ ဆုတ်ရန် ဆုံးဖြတ်လိုက်သည်။ လက်ရှိအချိန်မှာတော့ သူ့ရဲ့ တိုက်ခိုက်ရေးပုံစံမှာ တိုက်ခိုက်ပြီး သူလိုချင်တဲ့ အချိန်တိုင်း ပြေးလွှားနိုင်သည့် ပုံစံဖြစ်သည်။

ခြင်္သေ့ဖြူဘုရင်က သူ့ကို အချိန်အတန်ကြာ လိုက်ဖမ်းပြီးနောက် နှေးကွေးသွားပြီး မောပန်းနွမ်းနယ်တဲ့ လက္ခဏာတွေ ပြသလာသည်။

ဤအခိုက်အတန့်တွင်၊ [Flaming Will] ပြန်သုံးနိုင်သောအချိန် ရောက်ရှိလာသည်။ ဟန်ရှောင်းသည် သူ၏ Ghost စနိုက်ပါရိုင်ဖယ်ကို ချက်ချင်းကိုင်လိုက်ပြီး ခြင်္သေ့ဘုရင်၏ အခြားမပျက်စီးသေးသော မျက်လုံးကို ပစ်ခတ်လိုက်သည်။

၎င်းသည် [Overload] ကို သင်ယူပြီးကတည်းက သူရရှိခဲ့သော အမြင့်ဆုံးပျက်စီးဆုံးရှုံးမှုကိန်းဂဏန်း - ၄.၁ ဆ ဖြစ်သည်။

ကံကောင်းတယ်။

ဒီတစ်ချက်တည်းဖြင့် ခြင်္သေ့ဘုရင်၏ ကျန်သေးသော တစ်ခုတည်းသော မျက်လုံးမှာ သွေးတိမ်များအဖြစ် ပေါက်ကွဲသွားသည်။ ဒဏ်ရာအပြင်းအထန်ရကာ မြေပြင်ပေါ်သို့ ပြုတ်ကျပြီး သွေးအမှတ် ရာဂဏန်းမျှသာ ကျန်တော့သည်။

"သေပြီ!" စိတ်လှုပ်ရှားစွာနဲ့ ဟန်ရှောင်းက သက်ပြင်းတစ်ချက် ချလိုက်သည်။ Viper ၏ စွမ်းအားသည် သူမျှော်လင့်ထားသည်ထက် မြင့်မားနေပြီး ၎င်းသည် ယန္တရားပညာရှင်များ၏ အားနည်းသော ရုပ်ပိုင်းဆိုင်ရာ အရည်အချင်းများ ရှိခြင်း၏ အားနည်းချက်ကို ဖုံးအုပ်ထားသည်။ ထို့ပြင် အနီးကပ် အကွာအဝေးတွင် ခိုင်ခံ့သော အကာအကွယ်ကို ပေးစွမ်းနိုင်ပြီး ကဏ္ဍအားလုံးနီးပါးတွင် လုပ်ဆောင်နိုင်စွမ်း မြင့်မားသည်။

Viper သည် သူ၏ ဒုတိယတိုက်ခိုက်ရေးဗျူဟာ၏ အခြေခံဖြစ်သည်။ သူ၏ စနိုက်ပါပစ်ခတ်ခြင်း နည်းဗျူဟာကို ဖြည်းညှင်းစွာတည်ဆောက်ပုံကဲ့သို့ပင်၊ သူ၏ ယန္တရားဝတ်စုံသည် ပြီးမြောက်ရန် နောက်ထပ် မော်ဂျူးများ လိုအပ်နေသေးသည်။ ဒါက အစပဲရှိသေး၏။ ဤတိုက်ပွဲသည် ၎င်း၏ စစ်မှန်သော တိုက်ခိုက်ရေးစွမ်းရည်ကို စမ်းသပ်ခြင်းဖြစ်သောကြောင့် အနာဂတ်တိုးတက်မှုများအတွက် ပိုမိုရှင်းလင်းသော အစီအစဉ်ကို ဖော်ထုတ်နိုင်ခဲ့သည်။ တိုက်ခိုက်ရေး နှင့် ကိုယ်ပျောက်စွမ်းရည် နှစ်မျိုးစလုံးတွင် တိုးတက်မှုအတွက် နေရာလွတ်များ ရှိပါသည်။

ခြင်္သေ့ဘုရင်က မလှုပ်ရှားနိုင်တော့တဲ့အတွက် ဟန်ရှောင်းတက်လာပြီး လွယ်လွယ်ကူကူ သတ်ဖြတ်လိုက်သည်။ ပြန်သိမ်းနိုင်တဲ့ဓါးကို ထုတ်ယူကာ နှလုံးကို ဖြတ်တောက်ပစ်လိုက်သည်။ ထိုအရာသည် မီးဘောလုံးလို ပူပြင်းပြီး ခရမ်းရောင် အာရုံကြောများနှင့် ပြည့်နေသော ဘတ်စကတ်ဘောအရွယ်ဖြစ်သည်

_____________________

သင်သည် အထူးပစ္စည်း [မျိုးဗီဇပြောင်းနှလုံးသား] ကို လက်ခံရရှိခဲ့သည်။

သင်သည် မစ်ရှင် [ဗိုင်းရပ်စ် သုတေသန] ကို စတင်လိုက်ပါပြီ။

မစ်ရှင်နိဒါန်း - ဤဧရိယာရှိ သားရဲများအားလုံးသည် သေခြင်းဗိုင်းရပ်စ်ပိုး ကူးစက်ခံထားရသည်။ အချို့သော အဖွဲ့အစည်းများသည် လုံလောက်အောင် သန်မာသော သုတေသနနမူနာများကို ရှာဖွေနေကြသည်။ မှန်တယ်၊ မင်းကိုင်ထားတဲ့ ဒီနှလုံးသားအကြောင်း ပြောနေတာ။

မစ်ရှင်လိုအပ်ချက် - [မျိုးဗီဇပြောင်းနှလုံးသား] ကို လူးဝစ်ဇီဝသုတေသနဌာနသို့ ခုနှစ်ရက်အတွင်း ယူဆောင်လာပါ။

ဆုလာဘ်- Death Virus Drug သေခြင်းဗိုင်းရပ်စ်ဆေးဝါး x ၁

_____________________

ဤမစ်ရှင်သည် နှလုံးသားမှ အစပျိုးခဲ့သော အပိုဆုကြေးမစ်ရှင်ဖြစ်သည်။ ဆေးဝါးဆုလာဘ်သည် လူတစ်ဦး၏ ပင်ကိုယ်အရည်အသွေးများကို ထာဝရတိုးမြင့်စေနိုင်ပြီး သုံးစွဲသူအား ရှားပါးသောစွမ်းရည်ကို ပေးစွမ်းရန် အခွင့်အရေးအနည်းငယ်ရှိသည်။

ယခင်ဘဝတွင် သားရဲဘုရင် ဘော့စ်သည် ပေါက်ပွားပြီး နာရီပိုင်းအတွင်း အမြဲတမ်း အသတ်ခံခဲ့ရပြီး သေခြင်းဗိုင်းရပ်စ်ဆေးကို တစ်ကြိမ်ထက်ပို၍ သုံးနိုင်သောကြောင့် အကြီးမားဆုံး အသင်းအဖွဲ့များသည် ဆေးကို ဝါးမြိုရန် ဧရိယာကို ထိန်းချုပ်ထားသူများဖြစ်သည်။

လူးဝစ်ဇီဝသုတေသနဌာနသည် လူတိုင်းဝင်ရောက်နိုင်အောင် ဖွင့်လှစ်ထားပြီး ကစားသမားများသည် ထူးထူးဆန်းဆန်း ဆေးဝါးများနှင့် ထူးဆန်းသော ပစ္စည်းမျိုးစုံကို လဲလှယ်နိုင်သည်။ ထိုနေရာက မေပယ်လ်တွင် ရှိသည်။

ဟန်ရှောင်းက သူပြင်ဆင်ထားတဲ့ နိုက်ထရိုဂျင်အရည်အိတ်ကို ထုတ်ယူပြီး ခြင်္သေ့နှလုံးသားကို အထဲမှာ ထည့်ထားပြီးနောက် ခြေသံတွေကြားလိုက်ရတယ်။ ရန်ဒန်နှင့် နက်သည် တုံ့ဆိုင်းစွာဖြင့် သူ့ထံသို့ လျှောက်လာခဲ့သည်။

"ကျွန်တော်တို့ကိုကူညီတဲ့အတွက်ကျေးဇူးတင်ပါတယ်။" ရန်ဒန်က Viper ရဲ့ မျက်နှာဖုံးကိုကြည့်ရင်း ပြောလိုက်သည်။ သို့သော် ဟန်ရှောင်း၏ မျက်နှာကို သူ မမြင်နိုင်ပေ။

ဟန်ရှောင်းက ပြန်မပြောပေ။ သူ့စာရင်းကို စစ်ဆေးပြီး ထွက်သွား၏။ သွေးနံ့က သားရဲတွေကို ပိုဆွဲဆောင်၏။ ထို့အပြင် သူအနားယူရန် နေရာလည်း လိုအပ်သည်။

နှစ်ယောက်သား တစ်ယောက်ကိုတစ်ယောက် ကယောင်ကတမ်းကြည့်ကာ ဟန်ရှောင်းကို လှမ်းခေါ်ပြီး မိတ်ဆက်ကြသည်။ မျှော်လင့်ချက်ကြီးကြီးဖြင့် သူတို့သည် ဟန်ရှောင်းအား "ရှာဖွေရေးအဖွဲ့ကို ကယ်တင်ဖို့ ဒီကိုလာတာပါ။ သူတို့က ဗိုင်းရပ်စ်၏ ကုသဆေးကို ရှာဖွေရန် ဇုန်အတွင်းသို့ နက်ရှိုင်းစွာ ဝင်သွားပြီး အဆက်အသွယ် ပြတ်သွားတယ်။ မင်း ငါတို့ကို ကူညီပေးနိုင်မယ်လို့ မျှော်လင့်ပါတယ်။”

_____________________

သင်သည် အဆင့် D မစ်ရှင် [ရှာဖွေရေးအဖွဲ့ကို ကယ်တင်ရန်] ကို အစပျိုးခဲ့သည်။

လက်ခံမည် သို့မဟုတ် ငြင်းပယ်မည်။

_____________________

"ငြင်းပယ်မည်။"

ဟန်ရှောင်းက သူ့လက်တွေကို လှုပ်လိုက်ပြီး သူ့အသံကို လျှပ်စစ်နဲ့ရောထားတဲ့ အတုအယောင်အသံကို ပြောင်းလိုက်ကာ "ငါ့ကို မနှောင့်ယှက်ပါနဲ့"

၎င်းတို့ကို ကယ်တင်ခြင်းသည် တားမြစ်ဇုန်ကိုဖြတ်၍ သာမန်လူတစ်စုကို ခေါ်ဆောင်လာခြင်းဖြစ်သည်။ အောင်မြင်နိုင်ခြေမှာ အလွန်နည်းပါးသည်။ အဲဒီမှာ စက္ကန့်တိုင်း ကုန်ဆုံးတိုင်း အန္တရာယ်အဆင့် တိုးလာမယ်။ ဟန်ရှောင်း၏ ပစ်မှတ်သည် မျိုးဗီဇပြောင်းလဲသွားသော နှလုံးသားတစ်ခုသာဖြစ်ပြီး ယခု ပြီးမြောက်သွားခဲ့သည်။ ထို့ကြောင့် ဇုန်ထဲတွင် သူ့အချိန်ဖြုန်းနေစရာ မလိုတော့ပေ။ သူသည် မစ်ရှင်များကို မျက်စိစုံမှိတ်ပြီး မလုပ်ချင်ပေ။

“သူတို့က သဘာဝဘေးအန္တရာယ်ကို ဖြေရှင်းချင်တာကြောင့် အန္တရာယ်ရှိနေတယ်။ မင်းဘယ်လို မကူညီနိုင်တာလဲ!" နက်ဒ်က စိုးရိမ်တကြီးပြောသည်။

ဟန်ရှောင်းသည် သူ၏ လျပ်ပြေးဖိနပ်ကို ဖွင့်လိုက်ပြီး ပြန်မဖြေဘဲ ထွက်သွားသည်။ ဒီအချိန်မှာ သူဘာကိုဆိုလိုတယ်ဆိုတာ ရှင်း၏။ မင်းလုပ်ချင်တာကို လုပ်ပါ၊ ဒါပေမယ့် ငါ့ကို မဆွဲမထည့်ပါနဲ့။

ဟန်ရှောင်းထွက်သွားချိန်မှာတော့ သူတို့နှစ်ယောက် ကြိတ်မှတ်သည်းခံပြီး စောင့်ကြည့်နေကြပါတယ်။

လူတိုင်းက သူတို့လို ကြင်နာတတ်တာမဟုတ်ဘူး၊ အဲဒါကို သူတို့သိပေမယ့် အဲဒီလို အားကောင်းတဲ့အကူအညီကို ဆုံးရှုံးလိုက်ရတဲ့အတွက် စိတ်မကောင်းဖြစ်နေတုန်းပင်။

…

ဟန်ရှောင်းသည် တားမြစ်ဇုန်မှ ထွက်ခွာပြီး အဝေးတွင် ရပ်ထားသည့် ကုန်တင်လေယာဉ်ဆီသို့ ပြန်သွားခဲ့သည်။ ယန္တရားဝတ်စုံကို ချွတ်လိုက်ပြီး သက်ပြင်းတစ်ချက်ချလိုက်သည်။

Viper တွင် အံ့သြဖွယ်စွမ်းရည်များရှိပြီး အမှန်တကယ် တိုက်ပွဲရလဒ်များကို ကျေနပ်နေပါသည်။

လူးဝစ်ဇီဝသုတေသနဌာန နဲ့ ဆက်သွယ်ပြီး နှလုံးကို ဆေးဝါးနဲ့ လဲလှယ်ဖို့ လေယာဉ်က မေပယ်လ်ကို ထွက်ခွာသွားသည်။ သူအဲဒီမှာရှိစဉ်မှာ ခြိမ်းခြောက်တဲ့မစ်ရှင်တစ်ခုလုပ်ဖို့လည်း စီစဉ်ထားပြီး အနက်ရောင်ကွန်ယက်အဖွဲ့အစည်းအတွက် အဆက်အသွယ်လည်း မေပယ်လ်မှာ ရှိနေသည်။

ဟန်ရှောင်းသည် သူ၏လက်တော့ပ်ပေါ်ရှိ မစ်ရှင်မိတ်ဆက်အကျဉ်းကို ကြည့်လိုက်သည်။

ငါ့အဆက်အသွယ်က လူသတ်သမားလား။ နေပါဦး၊ ဒီနာမည်က ရင်းနှီးသလိုပဲ၊ ရွှေမြေခွေးလား။ အရင်က တစ်နေရာရာမှာ မြင်ဖူးတာ ဖြစ်နိုင်တယ်။

ဟန်ရှောင်းသည် မျက်ခုံးပင့်ကာ အနည်းငယ် စိုက်ကြည့်သော်လည်း သိပ်စိတ်မ၀င်စားပေ။ ထိုကိစ္စကို ဘေးဖယ်ထားရင်း သူက ဖိုရမ်ကိုဖွင့်လိုက်သည်။ ဒီအချိန်မှာ သူ့ရဲ့အာရုံစိုက်မှုက ကစားသမားတွေ ဖြစ်သည်။

ဟန်ရှောင်းသည် အနောက်တိုက်ကြီးတွင် သူမရောက်သေးသော အစပျိုးရွာနှစ်ရွာ ရှိသေးသည်။ ထိုနေရာတွင် ကစားသမားသစ်များသည် ပျမ်းမျှအဆင့် ၁၀ နီးပါးရှိနေပြီဖြစ်သည်။ ထိုအချိန်တွင် သူတို့အားလုံးသည် မြေပုံကို စူးစမ်းရှာဖွေရန် ရွာမှထွက်ခွာသွားကြတော့မည်ဖြစ်သော်လည်း ဟန်ရှောင်းကြောင့် အချို့သောကစားသမားများသည် သူ့ရောက်ရှိလာခြင်းကို စောင့်ဆိုင်းနေသည်။

ခံစားချက်က အရမ်းကောင်းတယ်။ သူ့ရဲ့ လုပ်ရပ်တွေက ကစားသမားတွေကို ထိရောက်မှုစေခဲ့ပြီး ဒါဟာ မကြာသေးမီက သူရရှိခဲ့တဲ့ နာမည်ကြီးမှုနဲ့ လွှမ်းမိုးမှုတွေကြောင့်ပင်။

ဖိုရမ်များမှတစ်ဆင့် ဖတ်ရှုရင်း ပို့စ်အသစ်အချို့ကို သူ့အာရုံကို စွဲဆောင်သွားခဲ့သည်။ ၎င်းတို့သည် အန်ဒရီရာရှိ ကစားသမားအများစုဖြစ်ပြီး အကြောင်းအရာအားလုံးက မကျေနပ်ချက်များ ဖြစ်သည်။

"မေးခွန်း၊ ဂျာမီနယ်အဖွဲ့အစည်းက ငါတို့ကို ဖမ်းဖို့ အစပျိုးရွာတွေဆီ ဘာလို့လာတာလဲ။"

"ကျွန်မ ဦးနှောက်ဆေးကြောခံထားရတယ်၊ ငါ့အဖွဲ့ခွဲက သော့ခတ်ခံထားရပြီး ဆက်ဆံရေးအမှတ်တွေ ဆုံးရှုံးသွားတယ်-ဘာလို့ ဒီလိုဖြစ်ရတာလဲ"

"NPC တစ်ယောက်က ငါ့ကို အပိုင်းပိုင်းခွဲပြီး ငါ့ဇာစ်မြစ်အကြောင်း မေးတယ်..."

"ငါရောပဲ!"

"ဒါက ဇာတ်လမ်းရဲ့ အစိတ်အပိုင်းလား။ ဒါပေမယ့် ကျွန်တော့် အင်တာဖေ့စ်မှာ သတိပေးချက်တစ်ခုမှ မရခဲ့ဘူး။”

အချို့သော ကစားသမားများသည် အစပျိုးရွာများတွင် ကစားသမားများအား ဂျာမီနယ် အဖွဲ့အစည်းမှ ဖမ်းယူခြင်း လုပ်ငန်းစဉ်ကို မှတ်တမ်းတင်ထားသည်။ လက်နက်အပြည့်အစုံနှင့် တပ်သားများသည် ကစားသမားများကို တစ်ဦးပြီးတစ်ယောက် လက်ထိတ်ခတ်ထားကာ အချို့ကစားသမားများက ခုခံသော်လည်း ခေတ္တအကြောသေသွားစေသော ကျည်ဆန်ဖြင့် ချက်ချင်း ပစ်ခတ်ခံခဲ့ရသည်။

လက်ထိပ်ခတ်ခံထားရသော ကစားသမားအုပ်စုသည် ကားနောက်ခန်းတွင် ထိုင်နေသည်။ နေရာသည် တင်းကျပ်ပြီး သံချောင်းများဖြင့် ကာရံထားသော ပြတင်းပေါက်များမှသာ ပြင်ပကမ္ဘာကို မြင်နိုင်သည်။

ဤကစားသမားများကို ဂျာမီနယ် အဖွဲ့အစည်း၏ စခန်းသို့ တစ်ယောက်ပြီးတစ်ယောက် ခေါ်ဆောင်သွားသည်။ ၎င်း၏ အခြေစိုက်စခန်းများသည် အခြားတိုက်ကြီးသုံးတိုက်ရှိ စခန်းများနှင့်မတူဘဲ အလွန်လျှို့ဝှက်ထားသည်။ အန်ဒရီရာရှိ ဌာနချုပ်၏ အခြေစိုက်စခန်းများသည် အလွန်ကြီးမားပြီး အလွန်တင်းကျပ်သော ကာကွယ်ရေးများ ရှိသည်။

အန်ဒရီရာ၏ မြေမှာ အညိုရောင်ဖြစ်သည်။ အကယ်၍ တစ်စုံတစ်ယောက်သည် ဂြိုလ်တုမှ မြင်နိုင်လျှင် ဂျာမီနယ် အဖွဲ့အစည်း၏ စခန်းများကို အညိုရောင်မြေတပြင်လုံးတွင် ဗိုင်းရပ်စ်အစက်အပြောက်များကဲ့သို့ အနက်ရောင်နေရာများအဖြစ် ပျံ့နှံ့နေသည်ကို တွေ့ရမည်ဖြစ်ပါသည်။ ဤစွန့်ပစ်မြေသည် များပြားသော ဓါတ်ရောင်ခြည်များနှင့် အညစ်အကြေးများဖြင့် ပြည့်နှက်နေပြီး အသက်လျော့ကျလာသော လက္ခဏာများဖြစ်သည်။ ဂျာမီနယ် အဖွဲ့သည် နိုင်ငံတွင်းရှိ အဆောက်အအုံအပျက်အစီးများစွာကို သိမ်းယူကာ တစ်ချိန်က စစ်ဘက်ဆိုင်ရာနေရာများဖြစ်သည့် နေရာများအပါအဝင် ၎င်းတို့၏ အဆောက်အအုံများကို အမွေဆက်ခံခဲ့သည်။

'ဂြိုလ်သား' ဖြစ်ရပ် စတင်ပြီ။ ဟန်ရှောင်း၏ မျက်လုံးများ တလက်လက် တောက်ပလာသည်။ ဒီအဖြစ်အပျက်ကို အရင်ဘဝက ကြုံဖူး၏။ ထိုအချိန်က အကျော်ကြားဆုံး အကြောင်းအရာ ဖြစ်ခဲ့သည်။

NPC များမှ ကစားသမားများအား စူးစမ်းချင်စိတ်သည် Galaxy ၏ အဓိကဆွဲဆောင်မှုဖြစ်သည်။ ပေါ်လာသည့်ကစားသမားများသည် ဇာတ်လမ်းဇာတ်ကြောင်း၏ တစ်စိတ်တစ်ပိုင်းဖြစ်သည်။ မတူညီသောဂြိုလ်များသည် ကစားသမားများဆီသို့ မတူညီသောချဉ်းကပ်မှုများ ရှိကြပြီး ရေပင်လယ်ဂြိုလ်သည် ဤအရာအတွက် ပထမဆုံးသောဂြိုဟ်ဖြစ်သည်။

အရင်ကတော့ သူသည် ကစားသမားတစ်ယောက်အနေနဲ့ စပ်စုသူကဲ့သို့သာ ပြုမူနေပြီး ဘာမှမလုပ်ခဲ့ပေ။ အခု သူ့မှာ ခြားနားတဲ့ ရှုထောင့်တစ်ခုရှိနေပြီး တခြားအရာတစ်ခုကို ရှာတွေ့နိုင်ပြီလို့ ခံစားရသည်။

ငါက ဂျာမီနယ်အဖွဲ့ကို သူတို့ရဲ့ ဒုတိယအခြေခံစခန်းများအားလုံးကို ဆုံးရှုံးစေခဲ့တယ်။ ဒါ‌ကြောင့် သူတို့နဲ့ ပူးပေါင်းတဲ့ ကစားသမားအရေအတွက်က အများကြီး နည်းသွားလိမ့်မယ်။ သူတို့ ပျက်စီးဆုံးရှုံးမှုတွေကို နားလည်သဘောပေါက်သွားပုံ ရတယ်။

သူတို့ခေါင်းဆောင် ဘယ်လောက် ဒေါသထွက်သွားမယ်ဆိုတာ စိတ်ကူးကြည့်ရုံနဲ့ ဟန်ရှောင်းဝမ်းသာသွားသည်။

ဟန်ရှောင်းသည် သူ၏ လက်ပ်တော့ကိုဖွင့်ပြီး Dark Net မှတဆင့် အချက်အလက်များကို ရှာဖွေလိုက်သည်။ ကစားသမားများ၏ တည်ရှိမှုကို အဖွဲ့အစည်းများစွာက သတိပြုမိခဲ့ပြီးဖြစ်သည်။ ‌ရေပင်လယ်ဂြိုလ်မှ ဒေသခံတို့သည် ၎င်းတို့၏ ရောက်ရှိလာခြင်းကြောင့် အံ့သြနေကြသည်။

နိုင်ငံ၆နိုင်ငံက မကြာခင် လှုပ်ရှားနိုင်ဖွယ်ရှိပြီး စူးစမ်းလေ့လာရေးစစ်ပွဲကို နှောင့်နှေးစေပေမယ့် ဒါက ယခင်ဘဝထက် စောနေသေးသည်။

ဟန်ရှောင်းမျက်လုံးကို မှေးလိုက်သည်။ စော၍ ဖြစ်ပွားသော စစ်ပွဲသည် သူ့အား အားသာချက်များနှင့် အားနည်းချက်များ နှစ်ခုစလုံးကို ပေးစွမ်းနိုင်သည်၊ ကစားသမားများသည် လုံလောက်သော အားကောင်းမှုမရှိသေးသောကြောင့် အားသာချက်များမှာ နိုင်ငံ၆နိုင်ငံက စစ်ပွဲကြီး ဆင်နွှဲသောအခါတွင် ၎င်းတို့၏ အကျိုးသက်ရောက်မှုသည် အနည်းငယ်မျှသာဖြစ်ပြီး မတော်တဆအချက်များ လျော့နည်းသွားမည်ဖြစ်သည်။ နိုင်ငံ၆နိုင်ငံ၏ စွမ်းအားဖြင့် ကစားသမားများ ဝင်ရောက်မစွက်ဖက်သရွေ့ ဂျာမီနယ်အဖွဲ့အစည်းကို လုံးလုံးလျားလျား ချေမှုန်းနိုင်မည်ဖြစ်သည်။

ဟန်ရှောင်း၏ ဝင်ရောက်စွက်ဖက်မှုကြောင့် နိုင်ငံ၆နိုင်ငံ နှင့် ဂျာမီနယ် အဖွဲ့အစည်းအကြား စစ်ပွဲ၏ အဓိကဇာတ်လမ်းဇာတ်ကြောင်းသည် မကြာမီတွင် အထွတ်အထိပ်သို့ရောက်ရှိလာမည်ဖြစ်ပြီး၊ ထိုအချိန်က ကစားသမားများသည် ဇာတ်လမ်းတွင် ပါဝင်ရန် လုံလောက်သောစွမ်းရည် မရရှိမီတွင် ဖြစ်သည်။

အခန်း (၁၇၇) ပြီး၏။

လင်းဆက်

+++++