လျှို့ဝှက်ပင်မဇာတ်ကြောင်း - ၁

အခန်း (၁၉၀) လျှို့ဝှက်ပင်မဇာတ်ကြောင်း - ၁

“သူ့ကို တိုက်ခိုက်တာက မတော်တဆမှုတစ်ခုပါ။ မင်းငါ့ကို သိပါတယ် - ငါလက်စားချေမှာ မဟုတ်ဘူး။" ဟန်းစ်က ခေါင်းခါသည်။

ဂါရီရန်က ဖြတ်ပြီး "ခန့်မှန်းကြည့်ရအောင်၊ သူက မကြာသေးခင်ကမှ လှုပ်ရှားနေတဲ့ Black Phantom ဖြစ်မယ်။ သူက မင်းရဲ့အဖွဲ့အစည်းမှာ မှတ်သားထိုက်တဲ့ တစ်ဦးတည်းသော လူသစ်ပဲ။"

ဟန်းနက်စ်သည် နေရာတွင် မှင်သက်နေသည်။ သူက စတွေးမိပြီး “အဲဒါက Black Phantom ပေါ့။ ငါ အငြိမ်းစားယူပြီး အငယ်တွေကို သိပ်ဂရုမစိုက်ပေမယ့် သူ့အကြောင်း ကြားဖူးတယ်။ သူက တော်တော် ကြမ်းတယ်။ မင်းအတွက် စစ်သည်ကောင်းတစ်ယောက် ရထားတာပဲ Bennett။"

Bennett သည် နှုတ်ဆိတ်နေသည်။ ဟန်းစ်ပြောသလိုပဲ သူလည်း ရတနာတစ်ခုကို ရှာတွေ့တယ်လို့ ခံစားရတယ်။

Black Phantom ကို ပထမဆုံးတွေ့တုန်းက သူ့ကုဒ်နာမည်က Mr. Black ဖြစ်နေတုန်းပင်၊ ထို့ပြင် သူက scorpion အဆင့်သာ ရှိသေးသည်။ သူက တော်တော်လေး သန်မာခဲ့ပေမယ့် ထိပ်တန်းအဆင့်နဲ့ အရမ်းဝေးနေသေးသည်။ သူသည် Bennett ၏ ပရိတ်သတ်နှင့် တူပုံရပြီး Bennett ကို သူ့အကြိုက်နှင့် ကိုက်ညီသော လက်ဆောင်အချို့ကို ပေးခဲ့သည်။ ထို့ကြောင့် Bennett က သူ့ကို လမ်းညွှန်မှုအချို့ပေးခဲ့သည်။ သို့သော် ထိုအရာသည် ကျပန်းလုပ်ဆောင်မှု တစ်ခုသာဖြစ်ပြီး ဟန်ရှောင်းကို အလွန်အလေးအနက် မထားပေ။

သို့သော်လည်း၊ လအနည်းငယ်အတွင်း ဟန်ရှောင်းသည် ၎င်း၏ တိုက်ပွဲမှတ်တမ်းနှင့်အတူ မြေအောက်ကမ္ဘာကို လှုပ်ခတ်သွားခဲ့ပြီး ထိပ်တန်းလူသတ်သမားဆယ်ဦးတွင် တစ်ဦးနှင့် သွေးပဋိညာဉ်အဖွဲ့ ၏ သံသယမရှိ ထိပ်တန်းတစ်ဦးဖြစ်လာခဲ့သည်။ သူ အရှိန်ပြင်းပြင်းနဲ့ ကြီးထွားလာပုံကြောင့် Bennett အံ့သြသွား၏။

သူတို့က တစ်ယောက်နဲ့တစ်ယောက် မတိုက်ခိုက်ခဲ့ကြသော်လည်း Bennett နဲ့ ဟန်ရှောင်းတို့ကြားက ခွန်အားကွာခြားချက်သည် အလွန် လျှင်မြန်သောနှုန်းဖြင့် လျော့ကျသွားသည်ဟု ခံစားမိသည်။

Black Phantom ၏ အလားအလာဖြင့်၊ မကြာမီ သို့မဟုတ် နောက်ပိုင်းတွင်၊ သူသည် သူနှင့် တာဝန်များကို ခွဲဝေပေးနိုင်မည့်သူ ဖြစ်လာလိမ့်မည်။ ထိုအခါ အရာအားလုံးကို တစ်ယောက်တည်း လုပ်ရန် မလိုအပ်တော့ပေ။ Black Phantom နှင့် Dark Net ၏ လက်တွဲမှုသည် ဟန်းနီးမွန်းအဆင့်တွင် ရှိနေသောကြောင့် Bennett သည် ၎င်းကို များစွာအာရုံစိုက်နေသည်။

"သူဟာ မင်းရဲ့လူတွေထဲက တစ်ယောက်မို့၊ သူ့ကို ငါတို့ တစ်ခုခုလုပ်ဖို့ ကူညီပေးစေချင်တယ်" ဟန်းနက်စ်က ပြောလိုက်သည်။

Bennett က “Black Phantom က ငါ့လက်အောက်ခံမဟုတ်သလို သူ့ကို အမိန့်ပေးလို့မရဘူး။ ငါအတတ်နိုင်ဆုံးက မင်းမေးတာကို ကူညီနိုင်ပေမယ့် သူ့တုံ့ပြန်မှုအပေါ် မူတည်နေသေးတယ်။"

ဟန်းနက်စ်က စဉ်းစားပြီး "ကောင်းပြီ၊ ငါ သူ့ကို ကိုယ်တိုင် စကားပြောချင်လို့"

“အဲဒါ ရနိုင်တယ်။”

ခေါ်ဆိုမှု ပြီးဆုံးသွားသည်။

"မင်းက သူစိမ်းတစ်ယောက်ကို ငါတို့နဲ့တွဲခွင့် ပေးချင်တာလား" ဗာနီနာက တအံ့တသြနဲ့ပြောတယ်။ "သူက သန်မာတယ်ဆိုပေမဲ့ ငါတို့က သူ့အကြောင်း ဘာမှမသိဘူး။"

“သူက အရမ်းသန်မာတယ်။ ငါတို့ကို တခြားလူက ကူညီတာ ဘာဆိုးလို့လဲ။ ငါတို့လုပ်နေတာတွေကို လျှို့ဝှက်ထားဖို့ မလိုပါဘူး။”

ဂါရီရန်သည် မစ်ရှင်ကို အစပြုသူဖြစ်ပြီး ဟန်းနက်စ်လုပ်ချင်သည့်အရာကို လုံးဝသဘောတူခဲ့သည်။ “ကျွန်တော်တို့ လျှို့ဝှက်ချက်ကြီးကို တူးဖော်နေပြီး သုံးယောက်က မလုံလောက်ပါဘူး။ ငါ သတင်းကို နှစ်အတော်ကြာ စုဆောင်းခဲ့ပြီး နောက်ဆုံးမှာ သဲလွန်စအချို့ကို တွေ့ခဲ့တယ်။ ဘာပဲဖြစ်ဖြစ် သိဖို့လိုတယ်။”

“တစ်နေ့ မင်းရဲ့ စူးစမ်းလိုစိတ်ကြောင့် မင်းသေလိမ့်မယ်” ဟန်းနက်စ်က စိတ်လေးလေးဖြင့် ပြောလိုက်သည်။

…

နေထွက်စပြုလာသည်နှင့်အမျှ ဟန်ရှောင်းသည် Dark Net ၏ ဘေးကင်းရာသို့ ပြန်သွားသည်။ ရွှေမြေခွေးနှင့် တစ္ဆေဓါးမှာ တစ်ညလုံး နိုးနေ၏။ သူပြန်လာတာကိုမြင်တော့ ရွှေမြေခွေးက သက်ပြင်းတစ်ချက် ချလိုက်သည်။

"မစ်ရှင်ပြီးပြီလား" တစ္ဆေဓါးက မေးခွန်းထုတ်သည်။ "မင်း ငါ့အစီအစဥ်အတိုင်း လိုက်ခဲ့သလား"

"မင်းရဲ့အစီအစဥ်က အလုပ်မဖြစ်ဘူး။" ဟန်ရှောင်းသည် ခေါင်းယမ်းကာ ထိုးဖောက်ဝင်ရောက်မှုအတွင်း သူကြုံတွေ့ခဲ့ရသော စိန်ခေါ်မှုများကို အကျဉ်းချုံးပြောပြသည်။ တစ္ဆေဓါး၏ ထောက်လှမ်းရေးသည် အချို့သော အသေးစိတ်အချက်အလက်များကို လွဲချော်ခဲ့ပြီး ၎င်းတို့သည် အလွန်အရေးကြီးသော အသေးစိတ်များဖြစ်သည်။

ဟန်ရှောင်းပြောပြီးနောက် တစ္ဆေဓါးသည် သူစုဆောင်းထားသော သတင်းများတွင် အမှားအယွင်းများနှင့် ချို့ယွင်းချက်များ ရှိနေသည်ကို သတိပြုမိသည်၊ ၎င်းသည် တတ်နိုင်သမျှ အသေးစိတ်သည်ဟု သူထင်နေခဲ့သည်။ ဟန်ရှောင်းက သူလွတ်သွားသော အသေးစိတ်အချက်အလက်များကို ထောက်ပြသောအခါတွင် သူရှက်သွား၏။

တစ္ဆေဓါးသည် မူလက သူ၏ တိကျသောအစီအစဉ်ကို အလွန်ယုံကြည်မှုရှိခဲ့သော်လည်း အဆိုပါအစီအစဉ်ကို လိုက်နာပါက ရုတ်တရက် အခြေအနေပြောင်းလဲမှုများကို ရင်ဆိုင်ဖြေရှင်းရန် လုံလောက်မည်မဟုတ်ကြောင်း သူသဘောပေါက်ခဲ့သည်။ သို့သော် ဟန်ရှောင်းသည် ချက်ချင်းပင် လက်တန်းဖြေရှင်းပြီး မစ်ရှင်ကို ဘာမှမဟုတ်သလို သက်တောင့်သက်သာဖြင့် ပြီးမြောက်ခဲ့သည်။

ခြားနားချက်က တစ္ဆေဓါးရှုံးနိမ့်ပြီး အရှက်ရစေတယ်။

သို့သော် ဟန်ရှောင်းသည် သူ့ကို အပြစ်တင်ရန် သို့မဟုတ် စော်ကားရန် ရည်ရွယ်ချက်မရှိကြောင်း သူသဘောပေါက်ခဲ့သည်။ သူတွေးနေတာတွေကို လုံးဝဂရုမစိုက်ပေ။ တစ္ဆေဓါးကို လုံးဝလျစ်လျူရှုခဲ့သည်။ ထို့အပြင် လက်တွေ့အဖြစ်က မျက်နှာကို ပါးရိုက်ခံရသလို ဖြစ်သွားသဖြင့် ပို၍ပင် ရှက်သွားမိသည်။

ကဲ့ရဲ့တာပဲဖြစ်ဖြစ် လေးစားတာပဲဖြစ်ဖြစ် သူက ငါဘာထင်နေလဲဆိုတာ ဂရုမစိုက်ဘူး။ တစ္ဆေဓါးက မကျေမနပ်ဖြစ်ကာ တွေးနေမိသည်။ သူက တစ်စုံတစ်ယောက်ကို နှိုးဆွနေသလို ခံစားမိပေမယ့် တစ်စုံတစ်ယောက်က သူ့ကို လေလို ဆက်ဆံပြီး လုံးဝလျစ်လျူရှုလိုက်သည်။ ဂွမ်းလုံးကို ထိုးနေရသလိုပင်။ ထို့အပြင် သူတို့၏ အနေအထား နှင့် ခွန်အား ကွာခြားမှုကြောင့် သူ၏ လုပ်ရပ်များသည် ပို၍ပင် ရယ်စရာကောင်းသည်ဟု သူ ခံစားခဲ့ရသည်။

လျစ်လျူရှုခံရခြင်းသည် တစ္ဆေဓါးအတွက် အလွန်ဆိုးရွားသလို ခံစားခဲ့ရသည်။ သူသည် အပိုပစ္စည်းတစ်ခုလိုဖြစ်ပြီး သူ့နှလုံးသားကို တစ်စုံတစ်ခုပိတ်ဆို့သွားသလို ခံစားနေရ၏။

ဟန်ရှောင်းသည် တစ္ဆေဓါး၏ သဘောထားပြောင်းလဲခြင်းအကြောင်းကို မသိသော်လည်း ၎င်းကို ခန့်မှန်းနိုင်ခဲ့သည်။ မောက်မာမှုနှင့် သံသယများထက် ဘာမှမပိုဘဲ၊ လက်တွေ့တွင် ပါးရိုက်ခံရပြီး ရှက်ရွံ့သွားနိုင်သည်။ ဟန်ရှောင်း၏ နှလုံးသားသည် လုံး၀ သက်ရောက်မှု မရှိပေ။

လူတိုင်းရဲ့စိတ်က မတူကြပေ။ ကလေးဆန်သည်ဖြစ်စေ ရူးသွပ်သည်ဖြစ်စေ လူတိုင်းသည် စည်းမဲ့သော အတွေးများ ရှိကြလိမိ့မည်။ ဒါပေမယ့် အဲဒါကို တကယ် မလုပ်ဆောင်သရွေ့တော့ ဒါဟာ အမြဲတမ်း လျှို့ဝှက်ထားရမယ့် အရာပင်။ ထို့ကြောင့်၊ ကြီးမြတ်သော ဟန်ရှောင်းသည် အခြားသူများ၏ အတွေးများနှင့် စိတ်ခံစားမှုများကို ဂရုမစိုက်ပေ၊ ထိုအရာကသည် မှန်ဘီလူးမပါသော မျက်မှန်တစ်လက်ကဲ့သို့ အဓိပ္ပါယ်မဲ့နေပေလိမ့်မည်။

တစ္ဆေဓါးက သူ့ကို သံသယဝင်သည်ဖြစ်စေ လေးစားသည်ဖြစ်စေ သူ့ခံစားချက်များကို နည်းနည်းလေးတောင် ထိခိုက်မည်မဟုတ်ပေ။ 'သူ့နည်းသူ့ဟန်နဲ့ လုပ်နေတာ' ဆိုတဲ့ စကားထက် သူ့ရဲ့ စရိုက်လက္ခဏာကို ဖော်ပြဖို့ ကောင်းတဲ့အရာ မရှိပေ။

ဤသည်မှာ ဒဏ္ဍာရီလာ တည်ငြိမ်သော ရောင်ဝါဖြစ်သည်။

ရွှေမြေခွေးသည် တောက်ပပြီး နူးညံ့သော နှုတ်ခမ်းများကို သပ်လိုက်ပြီး သူမ၏ စိတ်ခံစားမှုများ ရှုပ်ထွေးသွားသည်။

Black Phantom ကို သူမ ပထမဆုံးမြင်ဖူးသည်မှာ လွန်ခဲ့သည့် လအနည်းငယ်က ကာကွယ်ရေးမစ်ရှင်တွင် ဖြစ်သည်။ Black Phantom သည် ထိုအချိန်က scorpion အဆင့် ဖြစ်ခဲ့ဖူးသည် - သူ၏အဆင့်သည် သူ့ထက်ပင်နိမ့်ပါးခဲ့သည်။ သို့သော် လအနည်းငယ်အတွင်း သူမသည် ဤအဆင့်တွင် ရှိနေဆဲဖြစ်ပြီး၊ အချိန်တိုအတွင်း Black Phantom ထိုးတက်လာပြီး၊ သွေးပဋိညာဉ်အဖွဲ့ ၏ ထိပ်သီးအဖြစ်နှင့် Dark Net ၏ အထက်အရာရှိများနှင့် ဆက်သွယ်မှုပြုလုပ်ခဲ့သည်။

ရွှေမြေခွေးသည် Black Phantom ၏ ရာထူးကို မနာလိုသော်လည်း၊ သူမမှာ လိုအပ်သည့် အရာရှိသည်ကို သူမ သိ၏။

Black Phantom ၏ ထောက်ပံ့မှု ရရှိဖို့အတွက် သူမ ခန္ဓာကိုယ်ကို စတေးနိုင်ရင်၊ သူမ သေချာပေါက် လုပ်နိုင်လိမ့်မယ်။ ဒါပေမယ့် ဟန်ရှောင်းက သူမကို စိတ်မဝင်စားတာ အရမ်းဆိုးသည်။

သူမ နားလည်နိုင်သည် - ယောက်ျားတွေ ထူးဆန်းတာ ဘာမှားနေလို့လဲ။

ပဟေဠိဖြစ်‌နေသော ရွှေမြေခွေးကို စိတ်မဝင်စားဘဲ ဟန်ရှောင်းသည် မီးခံသေတ္တာကိုဖွင့်ပြီး အတွင်း၌ ယခင်ထည့်ထားသည့် ပစ္စည်းများကို ထုတ်ယူလိုက်သည်။ မစ်ရှင်ပြီးပြီဆိုတော့ အခု မေပယ်လ်မှာနေဖို့ မလိုတော့ဘူး။ ထွက်ခွာရန် ပြင်ဆင်နေစဉ် သူ့ဖုန်းမြည်လာသည်။ အဲဒါ Bennett ဖြစ်သည်။

ဟန်ရှောင်း ဖုန်းကို ကောက်ကိုင်လိုက်သည်။

"ဦးလေးရဲ့တောင်းဆိုမှုကို ကျွန်တော်ပြီးသွားပြီ။ လမ်းတစ်လျှောက်မှာ မတော်တဆမှုလေးတွေ ရှိခဲ့ပေမယ့် အလုံးစုံအားဖြင့် တည်ငြိမ်နေပါတယ်။”

“မင်း မကျရှုံးဘူးဆိုတာ ငါသိတယ်။ ငါ့မှာ မင်းအတွက် တခြားတစ်ခုရှိသေးတယ်” လို့ Bennett က ဆို၏။ “မစ်ရှင်အလယ်မှာ မင်းတွေ့တဲ့ရန်သူက တကယ်တော့ ငါ့သူငယ်ချင်းပဲ။ မင်း အရင်က ကြားဖူးကောင်းကြားဖူးလိမ့်မယ်၊ ဟန်းနက်စ်နှင့် ဗာနီနာတဲ့။ သူတို့က ငါနဲ့ ခေတ် အတူတူပဲ”

ဟန်ရှောင်းက အံ့သြဟန်ဆောင်လိုက်သည်။ “ဟမ်.. တိုက်ဆိုင်လိုက်တာ”

"မင်း မရှုံးခဲ့တာ အံ့သြစရာပဲ။ မင်းကိုငါ စတွေ့တုန်းက မင်းတော်တော်အားနည်းသေးတယ်" Bennett က အံ့သြတကြီးပြောလိုက်သည်။ "မင်းတိုးတက်နေတဲ့ အရှိန်က ငါ့အသိကို ကျော်လွန်သွားပြီ။"

"ဦးလေးက ကျွန်တော့်ကို ချီးမွမ်းဖို့ ခေါ်နေတာလား။" ဟန်ရှောင်းက ပြောသည်။ "ဆက်ပြော ဆက်ပြော၊ မရပ်ပါနဲ့။ ကျွန်တော် ခံနိုင်ရည်ရှိနေတုန်းပဲ။”

Bennett သည် နှုတ်ခမ်းများ တွန့်သွားပြီး အသက်ပြင်းပြင်းရှူကာ သူ့စိတ်ခံစားမှုများကို ငြိမ်သက်စေလိုက်သည်။ "ဟန်းနက်စ်က မင်းရဲ့အကူအညီကို လိုချင်တယ်လို့ ငါ့ကိုပြောခိုင်းတယ်။ အစောပိုင်းက ပဋိပက္ခနဲ့ ပတ်သက်ပြီးတော့ ဒါဟာ နားလည်မှုလွဲနေတာပဲ”

"ကျွန်တော့်အကူအညီလိုတာလား" ဟန်ရှောင်း၏ မျက်လုံးများ လက်လာသည်။ ဤအရာသည် သူမရှာရဘဲ သူ့ထံရောက်လာသော မစ်ရှင်တစ်ခုဖြစ်ကြောင်း သူသဘောပေါက်လိုက်သည်။

ထိုသို့မဟုတ်ဘဲ ပို၍ တိုက်ရိုက် ပြောရလျှင်၊ သူသည် ဤဇာတ်လမ်းဇာတ်ကြောင်းကို အစပျိုးရန် လိုအပ်ချက်များ ပြည့်မီခဲ့သည် - သူသည် ဒဏ္ဍာရီအမှတ်များနှင့် Dark Net နှင့် လုံလောက်သောဆက်ဆံရေးရှိပြီး၊ သူ၏ အဆင့်သည် မြင့်မားကာ Bennett နှင့် သူငယ်ချင်းဖြစ်သည်။ ထို့ကြောင့် လျှို့ဝှက်ဇာတ်လမ်းက သူ့ထံရောက်လာသည်။

ဒဏ္ဍာရီအမှတ်များနှင့် အဖွဲ့အစည်းများနှင့် ဆက်ဆံရေးသည် အကျိုးကျေးဇူးများ ရှိ၏။ တခါတရံတွင် NPC များသည် ကစားသမားကို ရှာဖွေပြီး မစ်ရှင်တစ်ခုဖြင့် ၎င်းတို့ကို တာဝန်ပေးအပ်သည်။ ဤမစ်ရှင်များသည် ပုံမှန်ထက်ပို၍ ခက်ခဲသော်လည်း ရက်ရောစွာ ဆုချကြသည်။

နေရာတိုင်းတွင် မစ်ရှင်များစတင်ရန် ကြိုးစားနေကြသော ကစားသမားများနှင့် ကစားသမားများထံ ရောက်ရှိလာသည့် မစ်ရှင်များသည် အခြားသူများထံမှ အကူအညီရယူခြင်းနှင့် သင့်ထံမှအကူအညီတောင်းသည့် အခြားသူများကြား ကွာခြားချက်ကဲ့သို့ပင် သဘောထားကွဲလွဲပါသည်။

ထို့ကြောင့်၊ ကစားသမားများသည် ၎င်းတို့အား အလွန်ကောင်းမွန်သော ဂိမ်းအတွေ့အကြုံကို ပေးစွမ်းနိုင်သည့် legendary points များကဲ့သို့ အရည်အချင်းများကို နှစ်သက်ကြသည်။

"ကျွန်တော် သူတို့ကိုကူညီနိုင်ပေမယ့် အသေးစိတ်သိဖို့လိုတယ်" ဟန်ရှောင်းခဏလောက်စဉ်းစားပြီး "သူတို့က ဦးလေးရဲ့ သူငယ်ချင်းတွေဆိုတော့ သူတို့က ကျွန်တော့်သူငယ်ချင်းတွေပဲ။ ဒီပဋိပက္ခအသေးစားအတွက် စိတ်မပူပါနဲ့။”

ဒီစကားကို Bennett က အရမ်းကောင်းတယ်လို့ ခံစားရသည်။ သူသည် အလွန် ဣန္ဒြေရရ ရယ်မောသော်လည်း တစ်ကိုယ်လုံး သက်တောင့်သက်သာရှိနေသည့်အချက်ကို ဖုံးကွယ်၍မရပေ။ ဟန်ရှောင်းက သူ့ကို အရမ်းလေးစားတဲ့အတွက် ကျေးဇူးပြန်တင်ရမည်။ “မင်းကို မျက်နှာသာတစ်ခု ပေးရဦးမယ်လို့

ယူဆလိုက်ပါ။ ဟီးဟီး။ ငါ မင်းကို ကျေးဇူးအများကြီး တင်နေပြီထင်တယ်"

အခန်း (၁၉၀) ပြီး၏။

လင်းဆက်

+++++