ကလီကမာကစားပွဲများ

လူလေးယောက်က ငြင်းခုံခြင်းမရှိဘဲ စည်းမျဉ်းများအား သဘောတူခဲ့သည်။ ထို့နောက် လောင်းကစားရုံဝန်ထမ်းက သက်သေအဖြစ် ဆောင်ရွက်သည်၊ တစ်ဖက်စီက လူတစ်ယောက် လွှတ်ကာ ကြီးကြပ်စေသည်၊ ထို့နောက် လူလေးယောက်ကို ခွဲထား၏။

နာရီဝက်ကုန်ဆုံးသွား၏။

စက်တစ်လုံးရှေ့တွင် ထိုင်ရင်း ထန်ရှု၏အမူအရာက အရုပ်ဆိုးနေသည်။ နာရီဝက်အတွင်း သူက ဒေါ်လာ၉၇တန်တိုကင်ပြားများအား ဆုံးရှုံးခဲ့ပြီး သူ့လက်ထဲတွင် သုံးဒေါ်လာတန်သာ ကျန်တော့သည်။

“ဝိုး၊ အံ့အားသင့်စရာပဲ”

ဩဘာသံတစ်ခုက အနီးနားရှိ လူအုပ်ထဲမှ ထွက်လာသည်။

ထန်ရှုက လှည့်ကြည့်လိုက်သည်။ ဩဘာသံများက ဒါရီခူရာဆာခူရာဂီပတ်လည်ရှိလူအုပ်ကြီးထံမှ ထွက်ပေါ်လာသည်ကို မြင်လိုက်ရ၏။ ထိုလူက ဂုဏ်ယူစွာနှင့် တိုကင်ပြားများအား သူ့လင်ဗန်းထဲသို့ ထည့်ရန် သူ့နောက်လိုက်အား လက်ဟန်ပြလိုက်သည်။

“ခွေးကောင်စုတ်၊ ကံကောင်းနေတယ်”

ထန်ရှုက ကျိန်ဆဲပြီးနောက် သူ့အာရုံအား စက်ဆီသို့ ပြန်ပြောင်းလိုက်သည်။ သူက ကျန်ရှိနေသည့်သုံးဒေါ်လာတိုကင်ပြားများအား ဂျက်ပေါ့နေရာတစ်ခုထဲသို့ တန်းပစ်ထည့်လိုက်သည်၊ ထို့နောက် startခလုတ်အား သူ့လက်သီးနှင့် ရိုက်ချလိုက်၏။

ကလင်း…ကလင်း…

စခရင်ပေါ်မှ အလင်းများတလက်လက်ဖြစ်နေသည်ကို မြင်ပြီး သူက လက်လျှော့လိုက်ပြီးဟု သူ့ဘေးနားတစ်ဝိုက်ရှိလူများစွာက တွေးလိုက်ကြသည်။ သို့သော် စခရင်ပေါ်ရှိပုံက နောက်ဆုံးတွင် ဂရမ်ဒ်စလမ်မ်(grand slam)နေရာ၌ ရပ်သွား၏။

“တစ်…အဆတစ်ရာလား”

ထန်ရှုပတ်လည်ရှိကြည့်ရှုသူဆယ်ယောက်ကျော်က ချက်ချင်း မယုံကြည်နိုင်ဖြစ်သွားကြ၏။ ဤအကောင်က ဂျက်ပေါ့(jackpot)အား ထိသွားလိမ့်မည်ဟု သူတို့က မတွေးထားခဲ့ပေ၊ ၎င်းက အဆတစ်ရာပင် ဖြစ်နေ၏။

“ဒါ တကယ် သနားစရာပဲ။ သူ့မှာ သုံးဒေါ်လာပဲ ကျန်တော့တာ”

“ဟုတ်တယ်၊ သူက လောင်းကြေးနည်းနည်းပဲ ထည့်ခဲ့တယ်။ သူက အဆတစ်ရာဂျက်ပေါ့ကို ထိရင်တောင် ဒေါ်လာသုံးရာပဲ ရမှာ”

“သူက ရှုံးနေပြီးသားပဲလေ။ အခြားသုံးယောက်ဆီက‌နေ ငါ ခဏမှ ပြန်ရောက်လာတာ။ တိုကင်ပြားအနည်းဆုံးလူက ဆာဘူရိခွိုင်ဇူမီပဲ၊ ဒါပေမယ့် သူ့မှာ စုစုပေါင်းဒေါ်လာနှစ်ထောင်တိုကင်ပြားကျန်သေးတယ်”

“ထားလိုက်တော့။ သူ့ကို ထပ်မကြည့်ကြနဲ့တော့။ သူက ရှုံးနေပြီးသားပဲ”

“သွားမယ်၊ သွားမယ်။ သွားကြစို့…”

“…”

များမကြာမီ ထန်ရှုအနားတွင် လူငါးယောက်သာ ကျန်တော့သည်။

ထိုဒေါ်လာသုံးရာတိုကင်ပြားများအား ထန်ရှုက စက်ထဲသို့ ပြန်ပစ်ထည့်လိုက်သည်။ ထို့နောက် လူငါးယောက်၏ကြည့်ရှုနေသောမျက်လုံးများအောက်တွင် သူက ခလုတ်နှိပ်လိုက်၏။

‘မဖြစ်နိုင်ဘူး။ ဘယ်လိုလုပ်ပြီး သူက ဂျက်ပေါ့ကို ထပ်ထိပြန်တာလဲ”

“ဒီစက်က ပျက်ဆီးနေတာလား။ ဒါက တရားလွန်လွန်းတယ်”

“…”

လူငါးယောက်၏မျက်လုံးများက ပြူးထွက်မတတ် စိုက်ကြည့်လိုက်ကြ၏။ စက်မှ တိုကင်ပြားများကျလာသည်ကို မြင်ပြီး သူတို့က မျက်လုံးပြန်မရုတ်သိမ်းနိုင်ခဲ့ပေ။

“လှလိုက်တာ”

သူ့မျက်နှာပေါ်ရှိ စိတ်လှုပ်ရှားနေသော အကြည့်နှင့်အတူ ထန်ရှုက ကူဝါကိုအား အော်ပြောလိုက်၏ “ဟေး၊ မင်းက ဘာစိုက်ကြည့်နေတာလဲ။ လင်ဗန်းပေါ်ကို တိုကင်ပြားတွေ မြန်မြန်တင်လိုက်။ ဒီသခင်လေးက အခု ဒေါ်လာသုံးထောင်ရှိနေပြီ။ အခြားတစ်နေရာကို သွားပြီး စက်ပြောင်းလိုက်ကြရအောင်”

အချိန်က ရွေ့လျားနေသည်။ မျက်စိတစ်မှိတ်အတွင်း တစ်နာရီနှင့်မိနစ်သုံးဆယ် ကုန်ဆုံးသွား၏။

ဆာယူရိုခွိုင်ဇူမီက အမြဲတမ်းလိုလို အရှုံးထက် အနိုင်က ပိုများသည်၊ သို့သော် ယနေ့တွင် သူက ဆက်တိုက်ကံဆိုးနေ၏။ သူက ပထမဂိမ်းအနည်းငယ်အား အနိုင်ရရှိခဲ့သော်လည်း နောက်ပိုင်းတွင် ဆက်တိုက် ရှုံးလာကာ အနိုင်ရထားသည့်တိုကင်းပြားနှင့်မူလဒေါ်လာတစ်ရာတိုကင်ပြားများအားလုံးအား ဆုံးရှုံးခဲ့ရသည်။

ဒါက မွန်းကျပ်စရာပင်။

မျက်စိထွက်ကျမတတ် သူက စိတ်ပျက်လက်ပျက်ဖြစ်နေသည်။ ပတ်ဝန်းကျင်တွင် သူ့အား ကြည့်နေသော ထိုလူသန်ကြီးများကြောင့်မဟုတ်လျှင် သူက ထွက်ပြေးသွားခဲ့လောက်ပြီ။

ဒါက ဒေါ်လာသန်းတစ်ရာပင်။ သူ၏ပိုင်ဆိုင်မှုအားလုံးအား ရေတွက်လိုက်လျှင် ဒေါ်လာတစ်ဘီလီယံခန့်ရှိသော်လည်း ဤလောင်းကစားပွဲ၌ ဒေါ်လာသန်းတစ်ရာရှုံးလိမ့်မည်ဟု မမျှော်လင့်ထားခဲ့ပေ။

မျက်လုံးတို့ မြူဆိုင်းလျက် သူက လူများစွာ ဝန်းရံနေသော ထန်ရှုနှင့်ဒါရီခူရာတို့အား ကြည့်လိုက်သည်၊ နီရှီမာဆာယိုရှီက ဝမ်းမြောက်ဝမ်းသာအော်နေ၏။ သူက လက်သီးအား တင်းကျပ်စွာ ဆုပ်လိုက်သည်။

နောက်ဆုံးနာရီဝက်သို့ ရောက်ရှိလာခဲ့၏။

ထန်ရှုက အရှုံးနည်းလာပြီး အနိုင်ပိုများလာသည်၊ ဒေါ်လာတစ်သိန်းကျော်က ကူဝါကိုလက်ထဲရှိ လင်ဗန်းပေါ်တွင် ပြည့်နှက်နေ၏။

“အချိန်ပြည့်ပြီ”

လောင်းကစားခန်းမထဲရှိ လော်စပီကာမှ အသံတစ်ခု ထွက်ပေါ်လာသည်။ ထန်ရှု၊ ဆာဘူရိခွိုင်ဇူမီ၊ ဒါရီခူရာဆာခူရာဂီနှင့်နီရှီမာဆာယိုရှီတို့က တိုကင်ဖလှယ်ကောင်တာဆီသို့ လျင်မြန်စွာ လျှောက်လာကြသည်။

“ဒါ ကောင်းလိုက်တာ။ ငါက ဒေါ်လာတစ်ရာလောက်မျှနဲ့ တစ်သိန်းကျော်ရခဲ့တယ်။ ဒီသခင်လေးက သေချာပေါက် ဒီနေ့ရဲ့အနိုင်ရသူပဲ”ထန်ရှုက ကျယ်လောင်စွာ အော်ပြောကာ သူ၏ဝင့်ကြွားသောသဘောထားအား ထုတ်ပြလိုက်၏။

အခြားတစ်ဖက်တွင် နီရှီက သူ့နောက်ရှိလူထံ လက်ချောင်းထောင်ပြကာ ပြောလိုက်သည် “မင်းက နှစ်နာရီလုံးမှာ ဒေါ်လာတစ်သိန်းပဲ ရခဲ့တာလား၊ ဒါက အတော်လေးများတဲ့ပမာဏတစ်ခုပဲ”

ထိုသို့ပြောပြီးနောက် လင်ဗန်းထဲရှိ တိုကင်ပြားများအား တိုကင်ဖလှယ်ကောင်တာဝန်ထမ်းထံ ပေးရန် သူက သူ့နောက်လိုက်ထံ အချက်ပြလိုက်သည်။ နောက်ဆုံးရေတွက်မှုက ဒေါ်လာ၃.၆၂သန်းဖြစ်၏။

ထန်ရှု၏အပြုံးက အေးခဲသွားပြီး သူ့လက်ထဲရှိ တိုကင်းပြားများအား ချေမွဖျက်ဆီးပစ်လိုက်သည်။

“ငါ့ဟာကို ရေတွက်ပါ”

ကောင်တာဝန်ထမ်းထံ ဒါရီဆာခူရာဂိက လင်ဗန်းပေးလိုက်သည်။ ရေတွက်ပြီးနောက် နှစ်နာရီအတွင်း သူက စုစုပေါင်းဒေါ်လာ၂.၉၆၄သန်းရခဲ့၏။

လောင်းကစားရုံ၏ဗဟိုမန်နေဂျာအနေနှင့် ရှီရိုထာခီဒါက သက်သေခံအဖြစ် ကစားပွဲများအား ကြည့်နေ၏။ သို့သော် နောက်ဆုံးအနိုင်ရသူက နီရှီဖြစ်လိမ့်မည်ဟု သူက မမျှော်လင့်ထားခဲ့ပေ။ သူ့မျက်လုံးများက ပတ်ဝန်းကျင်အား ရိုက်ခတ်သွားပြီး ကြည့်ရှုနေသူများ၏မျက်နှာပေါ်ရှိ မနာလိုအားကျမှုများအား မြင်လိုက်ရသည်။ ထို့နောက် မျက်လုံးရာချီ၏ကြည့်ရှုမှုအောက်တွင် သူက ကျယ်လောင်စွာ ကြေညာလိုက်၏ “ကစားသမားတွေသတ်မှတ်ထားတဲ့စည်းမျဉ်းအရ လူတိုင်းက သူ့ဆီ ဒေါ်လာသန်းတစ်ရာလွှဲပေးရမယ်”

“ဟေး၊ မန်နေဂျာထာခီဒါ။ မင်းရဲ့လောင်းကစားရုံက သူအနိုင်ရအောင် ကူညီတာ မဖြစ်နိုင်ဘူးလား”ထန်ရှုက ကျယ်လောင်စွာ မေးခွန်းထုတ်လိုက်သည်။ “ငါကိုယ်တိုင်က မှင်တက်စရာကောင်းတဲ့လောင်းကစားစကေးတွေရှိပါတယ်။ လက်စ်ဗီဂက်စ်ရဲ့လောင်းကစားနတ်ဘုရားကတောင် နောက်ကျရင် ငါက ပိုအားကောင်းလာလိမ့်မယ်လို့ ပြောခဲ့တယ်။ ဘယ်လိုလုပ်ပြီး ငါက သူ့ကို ရှုံးရမှာလဲ”

ရှီရိုထာခီဒါ၏အသားအရောင်က ပြောင်းလဲသွားပြီး သူက ဒေါသတကြီး ပြန်ငြင်းခုံလိုက်သည် “ကျေးဇူးပြုပြီး ငါ့လောင်းကစားရုံရဲ့တရားမျှတမှုကို‌ မေးခွန်းမထုတ်ပါနဲ့၊ မစ္စတာထန်။ မင်းတို့လေးယောက်လောင်းကစားလုပ်နေတဲ့မြင်ကွင်းတွေအကုန်လုံးကို လောင်းကစားရုံထဲက စောင့်ကြည့်ကိရိယာထဲမှာ မှတ်တမ်းတင်ထားပြီးသား။ မင်း မေးခွန်းထုတ်ချင်တယ်ဆိုရင် ဗီဒီယိုကို စစ်ဆေးလို့ရပါတယ်”

“ငါ့ဖင်ကို လာစစ်ဆေး။ ငါ ဒီကောင်ကို ရှုံးတာကို လက်မခံနိုင်တာတော့ မဟုတ်ဘူး။ ဒေါ်လာသန်းတစ်ရာလောက်က ဘာမှမဟုတ်ဘူး။ ငါ သူ့ကို သူ့ကို ပေးမှာပါ”ထန်ရှုက ဒေါသနှင့် ရည်ရွယ်ချက်ရှိရှိပြန်ပြောခဲ့သော်လည်း စိတ်ထဲတွင်မူ အတော်လေးပျော်ရွှင်နေသည်။ နီရှီမာဆာယိုရှီအနိုင်ရခြင်းက ထန်အန်းက လိမ်လည်လှည့်စားကာ သူ့အား ကူညီပေးခဲ့သောကြောင့်ပင်။ တစ်ခါတစ်ရံတွင် သူမက ဒါရီခူရာဆာခူရာဂီနှင့်ဆာဘူရိုခွိုင်ဇူမီတို့ပေါ်တွင်ပင် လှည့်ကွက်အချို့ သုံးခဲ့၏။

ထိုစဉ် ဒေါ်လာသန်းတစ်ရာက သူ့အတွက် မြင့်မားလွန်းသောပမာဏတစ်ခုဖြစ်သောကြောင့် ဒါရီခူရာက အတော်လေးနာကျင်နေသည်။ သို့သော် မျက်လုံးပေါင်းထောင်ချီက သူ့အား စောင့်ကြည့်နေသောကြောင့် သူက ဤအကြွေးမှ ရှောင်တိမ်းလို့မရပေ။ သူက ရွေးချယ်စရာမရှိဘဲ နီရှီ၏အကောင့်ထံ ငွေလွှဲပေးလိုက်သည်။ ဆာဘူရိုခွိုင်ဇူမီလည်း ငွေလွှဲပေးပြီးနောက် အရူးအမူးနှင့် လျင်မြန်စွာ ထွက်ခွာသွားခဲ့၏။

အစက ထန်ရှုက ဒေါသထွက်နေပုံပေါက်သော်လည်း များမကြာမီ သူ့အမူအရာက စိတ်မဝင်စားသည့်ဟန်အဖြစ် ပြောင်းလဲသွား၏။ ထို့နောက် သူက ဒါရီခူရာဆာခူရာဂီအား ပြောလိုက်သည် “ဟေး၊ မင်း ထပ်ကစားအုံးမှာလား။ မင်း မကစားဘူးဆိုရင် ဘာလို့ ဒီနေရာကို လာတာလဲ။ ဒါ့အပြင် လက်စ်ဗီဂက်စ်မှာတုန်းက ငါက ဒီနီရှီကောင်စုတ်ကနေ ဒေါ်လာသန်းငါးဆယ်အနိုင်ရခဲ့တယ်၊ ဒါပေမယ့် အခု သူက ငါ့ဆီကနေ ဒေါ်လာသန်းတစ်ရာအနိုင်ရခဲ့တယ်။ ငါ သူနဲ့ ထပ်ကစားပြီး သူ့ဆီကနေ ပြန်ယူရမယ်”

ဒါရီခူရာက ပြန်မဖြေပေ၊ သို့သော် သူ့မျက်လုံးများထဲရှိအမူအရာက သူ့အား သစ္စာဖောက်ခဲ့သည်။

နီရှီက ဘဝင်ခိုက်လျက် ပြုံးကာ ပြောလိုက်သည် “မင်းက အရှုံးကို မတတ်နိုင်တဲ့သူမှ မဟုတ်တာ၊ အကိုထန်။ ပြီးတော့ ဒါက ဒေါ်လာသန်းတစ်ရာလောက်ပဲလေ။ မင်းလိုလူအတွက်ကတော့ ရေပုံးထဲကရေတစ်စက်လောက်ပါပဲ။ ဒါနဲ့ မင်းက ထပ်ကစားချင်နေမှတော့ ငါက အဖော်ပြုပေးရအုံးမှာပေါ့။ ဒါပေမယ့် အရင်ဆုံးအပေးအယူတစ်ခုလုပ်ကြရအောင်။ ဘယ်သူပဲနိုင်နိုင်ရှုံးရှုံး၊ အနိုင်ရသူက အခြားသူတွေကို ပြုစုရမယ်၊ ကြက်မလေးအချို့ကို ရှာပေးရမယ်”

“ငါ အဆင်ပြေပါတယ်”ထန်ရှုက မေးစေ့ပွတ်ကာ ပြန်ဖြေ၏။

“ဒါဆို ငါတို့နောက်ထပ်ဘာကစားမှာလဲ”နီရှီမာဆာယိုရှီက မေးလိုက်သည်။

“ကတ်ဂိမ်း။ ကတ်အကြီးဆုံးလူက အနိုင်ရမယ်။ လောင်ကြေးက ဒေါ်လာသန်းတစ်ရာပဲ။ ဘယ်လိုလဲ”ထန်ရှုက မေးလိုက်သည်။

“ပြဿနာမရှိဘူး”နီရှီမာဆာယိုရှီက ထူးဆန်းစွာ ပြုံးလျက် သဘောတူလိုက်သည်။

ထန်ရှုနှင့်နီရှီတို့က ကတ်ဂိမ်းကစားရန် ရွေးချယ်လိုက်သည်ကို ကြားပြီး ဘေးတွင် ရပ်နေရင်း ဒါရီခူရာက ကြားလိုက်ရ၏။ သူက ရုတ်တရက် ကြားဖြတ်ပြောလိုက်သည် “ငါ့ကိုပါ ထည့်တွက်ပါ။ ငါ မင်းတို့နဲ့ ကစားမယ်”

ထန်ရှုက မှင်တက်သွားသည်။ ထို့နောက် ထိုလူ၏ပခုံးအား ပုတ်လိုက်သည်။ သူက လက်မထောင်ကာ ချီးကျူးလိုက်၏ “မင်းက အံ့အားသင့်စရာကောင်းတဲ့ကောင်ပဲ၊ မစ္စတာဆာခူရာဂီ။ ငါ‌ လေးစားပါတယ်။ ဘယ်သူပဲနိုင်နိုင်ရှုံးရှုံး၊ မင်းက ဒီကောင်နီရှီလို ငါ့ရဲ့သူငယ်ချင်းတစ်ယောက်ပဲ”

ဒါရီခူရာဆာခူရာဂီ၏မျက်နှာပေါ်ရှိအပြုံးက အရုပ်ဆိုးသွားတော့သည်။ သူက ထန်ရှု၏သူငယ်ချင်းကောင်းတစ်ယောက်ဖြစ်လာမည့်အတွေးအား သူက အလွယ်တကူ ဖယ်ထုတ်ပစ်လိုက်၏။

ဖဲဝေသူက ကုလားဖန်ထိုးကာ ဖဲဖြတ်လိုက်သည်။ ထို့နောက် တစ်ကတ်စီအား ကစားသမားသုံးယောက်ထံ ဝေပေးလိုက်သည်။

ဒါရီခူရာက အားကောင်းသောဗုဒ္ဓကျင့်ကြံသူတစ်ယောက်ဖြစ်ပြီး ဖဲဝေသူက ကတ်ဝေနေချိန်တွင် သူက လှည့်ကွက်အချို့ အသုံးပြုခဲ့သည်။ သူက အကြီးဆုံးကတ်အား သူ့လက်ထဲသို့ ရောက်ရန် လဲလိုက်သည်၊ သို့သော် သူ လှည့်ကွက်သုံးပြီးနောက် ထန်ရှုလည်း နည်းစနစ်တစ်ခု လျှို့ဝှက်အသုံးပြုလိုက်သည်ကို သူ သတိမပြုမိခဲ့ပေ။

“ဟားဟားဟား၊ ကံထမ်းလာတဲ့အချိန်မှာ မင်းတို့က ငါ့ကို မရပ်တန့်နိုင်ပါဘူး၊ ငါ ace of heartsကို ရခဲ့တယ်ကွ”နီရှီက ကတ်အား အရင်ဆုံးလှန်ကြည့်လိုက်သည်၊ သူ ရလာသည့် ပထမဆုံးကတ်ကို မြင်ပြီး သူက ရုတ်တရက် ရယ်လိုက်၏။

ထန်ရှုလည်း သူ့ကတ်အား ကြည့်လိုက်သည်၊ 10 of Spades ဖြစ်၏။

ဤအချိန်တွင် ဒါရီခူရာဆာခူရာဂီက ဘဝင်ခိုက်လျက် ကျေနပ်သွားသည်။ သူက ကြည့်တောင် မကြည့်ဘဲ ကတ်လှန်ကာ ပြုံးလျက် ပြောလိုက်၏ “အားနာပါတယ်၊ ငါက အကြီးဆုံး King of Spadesပဲ။ မင်းတို့နှစ်ယောက်လုံးရှုူံးပြီ”

သူတို့၏မျက်လုံးများက ကတ်ပေါ် ကျရောက်သွားချိန်တွင် ပတ်ပတ်လည်ရှိကြည့်ရှုနေသူများက အမူအရာထူးဆန်းသွားကြ၏၊ အဝေးရှိ ကျန်ရှိသော လောင်းကစားသမားများက စခရင်အား ကြည့်လိုက်ကြ၏။ လူတိုင်းအရှေ့ရှိကတ်က King of Hearts ဖြစ်သည်။

ဘာဖြစ်နေတာလဲ။

ပတ်ဝန်းကျင်ရှိ လူတိုင်း၏မျက်နှာများက တစ်ခုခုထူးဆန်းနေသည်ကို သတိပြုမိကာ ဒါရီခူရာဆာခူရာဂီက သူ့ကတ်အား ငုံ့ကြည့်လိုက်သည်၊ မယုံကြည်နိုင်စွာနှင့် သူက ချက်ချင်း အံ့အားသင့်စွာ ပြောလိုက်၏ “မဖြစ်နိုင်ဘူး၊ ငါ့ကတ်က သေချာပေါက် King of Spades ပါ။ ဒါ ဘယ်လိုလုပ်ဖြစ်နိုင်မှာလဲ…”

“ချီးလိုပဲကွာ…”

ဒါရီခူရာ၏အော်သံအား ထန်ရှုက သုန်မှုန်သောမျက်နှာနှင့် ကြားဖြတ်‌ပြောလိုက်သည်။

နီရှီမာဆာယိုရှိအတွက်ကတော့ သူက ဒါရီခူရာဆာခူရာဂီ၏ထိတ်လန့်တုန်လှုပ်သောအမူအရာအား မမြင်သလို ထန်ရှု၏ဒေါကြီးနေမှုကိုလည်း မမြင်ပေ။ တောက်ပသောအပြုံးနှင့် သူက ကျယ်လောင်စွာ အော်လိုက်သည် “မင်းတို့ လောင်းကစားလုပ်မှတော့ ရှုံးဖို့အတွက် ပြင်ဆင်ထားကြပေါ့။ မင်းတို့နှစ်ယောက်လုံးရှုံးသွားပြီ၊ ဒါကြောင့် ပိုက်ဆံအမြန်ဆုံးလွှဲကြပေတော့”