ဟို့ဖုန်းဟွမ်နှင့် မိုရှင်းယွင်တို့ ပြိုင်ဆိုင်ခြင်း အပိုင်း(၄)

ဟို့ဖုန်းဟွမ်က သူမတွင် ရွေးချယ်စရာ မရှိတော့မှန်း သိလိုက်၍ နည်းလမ်းကုန် ထုတ်သုံးလိုက်သည်။ သူမ၏ အရှိန်အဝါက ပြောင်းလဲသွားပြီး ရှေးဆန်ကာ ဉာဏ်ပညာအပြည့် ဖြစ်လာသည်။ သူမ၏ ငယ်ရွယ်လှပသည့် မျက်နှာအရ တစ်နည်းနည်းဖြင့် ထူးဆန်းနေလေ၏။

ထိုသို့ရုတ်ချည်းအပြောင်းအလဲအတွက် အကြောင်းအရင်းကမူ ရှေးဟောင်းမျိုးနွယ်မှ သွေးမျိုးဆက် ပြန်လည်ဝင်စားခြင်းဟု ခေါ်ဆိုသည့် ထူးကဲကျင့်စဉ် တစ်ခုကြောင့် ဖြစ်ပေသည်။ ထိုကျင့်စဉ်အရ သူမသည် သူမ ဘိုးဘေးများ၏ ဘဝကို နေထိုင်နိုင်ပြီး သူတို့၏ တိုက်ပွဲအတွေ့အကြုံနှင့် တခြားအရာများကို ရယူနိုင်သည်။ ထိုကျင့်စဉ်က ကျင့်ကြံဖို့ အင်မတန်ခက်ခဲလှသည့်အတွက် လူအများစုက မျိုးဆက်တစ်ခု သို့မဟုတ် နှစ်ခုအထိသာ မြင်နိုင်ကြသည်။ သို့သော်လည်း ဟို့ဖုန်းဟွမ်ကမူ ရှေးဟောင်းဧကရာဇ်ခေတ်ကာလမှ ဘိုးဘေးများ၏ အတွေ့အကြုံများအထိ ရယူနိုင်ခဲ့သည်။

ထို့အပြင် သူမက ပင်ကိုသွေးမျိုးဆက် ငါးခု ရှိထားသည့်အတွက် မှတ်ဉာဏ်အရင်းအမြစ် ၅ခု ရှိနေလေသည်။

ဝုန်း

အာကာပြင်က အက်ကွဲသွားကာ သူမက သူ့ဆီ နဂါးလက်သည်းဖြင့် ကုတ်ချလိုက်သည်။

မိုရှင်းယွင်ကလည်း နောက်ကောက်မကျန်ပေ။ သူ့ခန္ဓာကိုယ်မှ ပြင်းထန်သည့် အငွေ့အသက်တစ်ခု ထွက်ပေါ်လာပြီး ထိပ်တိုက်ရင်ဆိုင်လိုက်၏။

ဝုန်း…ဝုန်း…ဝုန်း…

သူတို့၏ ထိပ်တိုက်ရင်ဆိုင်မှုများက အလယ်ပိုင်းနေရာတစ်ခုလုံးကို တုန်ခါသွားစေသည့် တုန်ခါလှိုင်းတစ်ခု ထွက်ပေါ်လာသည်။ အကယ်၍ ကောင်းကင်တာအိုကသာ ဤတိုက်ပွဲမြေပြင်ကို အားဖြည့်မပေးထားပါက သူတို့၏ စွမ်းအားဖြင့် နယ်မြေအားလုံးကို ဖျက်ဆီးပစ်နိုင်လိမ့်မည်။

ဟို့ဖုန်းဟွမ်က ထိပ်တိုက်ရင်ဆိုင်နေရင်း ပါးစပ်ဟကာ မီးတောက်ကို ပစ်လွှတ်လိုက်သည်။ သို့သော်လည်း မိုရှင်းယွင်က ဝါးမျိုသည့်ဟန်ပြုမူပြီး ထိုတိုက်ကွက်ကို ဝါးမျိုလိုက်သည်။

ဟို့ဖုန်းဟွမ်က ရေဓာတ် တိုက်ကွက်ကို အသုံးပြုလိုက်သည်။ ကိစ္စများက ယခင်ကဲ့သို့ ဖြစ်သင့်သော်လည်း ထိုသို့မဟုတ်ခဲ့ပေ။ သူမ၏ တိုက်ကွက်က ရေကို ဖိအားပေးထားသည့်အတွက် သတ္တုကိုပင် ပိုင်းဖြတ်နိုင်လောက်သည့် ဖိအားမျိုး ဖြစ်လာစေသည်။

သူမ၏ စွမ်းအားဖြင့် ရေလှိုင်းက မိုရှင်းယွင်က ဝါးမျိုခြင်းစွမ်းအားကို ချက်ချင်းဆိုသလို ဖြတ်တောက်ကာ သူ့ခန္ဓာကိုယ် နှစ်ပိုင်းဖြတ်နိုင်အောင် ကြိုးစားနေလေ၏။ ကံကောင်းစွာဖြင့် ကောင်းကင်ဝါးမျိုခြင်းဧကရာဇ်က တိုက်ပွဲအတွေ့အကြုံ ပြည့်ဝသူ တစ်ဦး ဖြစ်သည်။

သူက ခန္ဓာကိုယ်ကို ဘေးရွှေ့ကာ ရှောင်ရှားလိုက်သည်။ ထို့နောက် သူက သူ့လက်များကို ကာကွယ်ဖို့ ပြောင်မြောက်သည့် နည်းလမ်းတစ်ခုကို အသုံးပြုခဲ့၏။ သူ့တုံပြန်နှုန်းက မြန်ဆန်လွန်းလှသော်လည်း လုံလုံလောက်လောက် မမြန်ဆန်ခဲ့ပေ။ ထို့ကြောင့် ရေလှိုင်းက သူ့ညာဘက်လက်နှင့် ခြေထောက်ကို ဖြတ်တောက်ပစ်မည့်ဟန်ဖြင့် ရောက်လာခဲ့သည်။

သို့သော်လည်း ထိုတိုက်ကွက် ထိုနေရာဆီ ကျရောက်လာသည်နှင့် သူက ခြေလက်များကို ပိုင်းခြားပစ်လိုက်ပြီး ရေလှိုင်းက အထိခိုက်မရှိ သူတို့ကို ဖြတ်သန်းသွားလေသည်။

ထိုးထွင်းဉာဏ် လောင်ကျွမ်းခြင်း

ဟို့ဖုန်းဟွမ်က သူမတွင် ရှိထားသည့် အရေးသာချက်နှင့် အခွင့်အရေးကို မလွဲချော်ပေ။

မိုရှင်းယွင်တစ်ယောက် သူ့ခြေလက်များကို ပြန်ဆက်နေစဉ် သူမက တိုက်ခိုက်လိုက်သည်။ သူမက မီးတောက်တာအိုကို အသုံးပြုကာ ထိုသူ၏ ထိုးထွင်းဉာဏ်ကို လောင်ကျွမ်းပစ်ခဲ့သည်။ သူ့အာရုံ၊ အလိုလိုသိစိတ်၊ တုံ့ပြန်မှုနှင့် အံ့ဖွယ်အသိစိတ်များပင် အပါအဝင် ဖြစ်၏။

မိစ္ဆာသတ်ဖြတ်ရေး လက်သီး

ဟို့ဖုန်းဟွမ်၏ လက်တွင် အနီရောင်အငွေ့အသက်တစ်ခု ထွက်ပေါ်လာပြီး ထိုးချလိုက်သည်။ သူမ၏ လက်သီးချက်က မိစ္ဆာများကို သတ်ဖို့ သီးသန့်ပုံစံဖော်ထားခြင်း ဖြစ်၏။ ထိုအရာက သူတို့၏ အဆိုးမြင်စိတ်ခံစားချက်များကို ပါဝင်နေသည့် အခြေခံသဘာဝကို ပစ်မှတ်ထားလိမ့်မည်။

ဝုန်း

မိုရှင်းယွင်၏ ခန္ဓာကိုယ်က သွေးမြူအဖြစ် ပေါက်ကွဲထွက်သွားပြီး သူမ ဝိညာဉ်ပင် မကျန်ခဲ့ပေ။ ထိုလက်သီးချက်နောက်ကွယ်မှ စွမ်းအားက ဝါးမျိုခြင်းတာအိုကို လွှမ်းမိုးနိုင်ပြီး သက်ရှိသက်မဲ့၊ တည်ရှိခြင်းနှင့် မတည်ရှိခြင်း သဘောတရားများအပါအဝင် အားလုံးကို အသုံးမဝင်ဖြစ်သွားစေသည်။

သူ့ပိုင်နက်ကပင် အတင်းအကြပ် ဖျက်ဆီးခံလိုက်ရ၏။

ထိုလက်သီးချက်က မိစ္ဆာတစ်ကောင်အနေနှင့် သူ့တည်ရှိမှုကို ပစ်မှတ်ထားခဲ့ပြီး အရင်းအမြစ်မှ ရှင်းထုတ်ပစ်ခဲ့သည်။

သေသွားပြီလား…

ဟို့ဖုန်းဟွမ်က တွေးလိုက်မိသည်။

မဟုတ်သေးဘူးပဲ

သူမ၏ အလိုလိုသိစိတ်က ကိစ္စများသည် မပြီးဆုံးသေးကြောင်း ပြောပြနေလေ၏။ မဟုတ်ပါက ရိုးရှင်းနေလွန်းလိမ့်မည်။ သူမ ထင်သည်က မှန်ကန်နေခဲ့၏။ သူမနှင့် မနီးမဝေးတွင် မိုရှင်းယွင်အသစ်က ဖြူဖျော့နေသည့် အသားအရည်ဖြင့် ပြန်လည်ပေါ်ထွက်လာသည်။ သို့သော်လည်း သိပ်မကြာခင် သူက ပုံမှန်အခြေအနေသို့ ပြန်လည်ရောက်ရှိသွား၏။

စောစောလေးက ငါ သူ့မျက်နှာကနေ ဖြတ်လိုက်တဲ့ သွေးစက်ကနေ ပြန်ပြီးအသက်ရှင်သန်လာတာလား..

သူမက သုံးသပ်လိုက်သည်။

ထာဝရမီးတောက်

ဟို့ဖုန်းဟွမ်ဆီမှ ဧရာမအနက်ရောင် မီးတောက်မုန်တိုင်းတစ်ခု ထွက်ပေါ်လာသည်။ ထိုမီးတောက်က ဆူးချွန်များဖြင့် ပြုလုပ်ထားသည့်အလား ထင်မှတ်ရ၏။ ထိုမီးတောက်သည် ပစ်မှတ်ဆီ ပြေးဝင်သွားကာ လမ်းရှိအရာအားလုံးကို ဖျက်ဆီးပစ်ခဲ့သည်။

ထိုစဉ် ကောင်းကင်ဝါးမျိုခြင်း ဧကရာဇ်က မျက်မှောင်ကြုတ်လိုက်၏။ သူက သူမ၏ တိုက်ကွက်ကို အလွယ်တကူ မဝါးမျိုရဲပေ။

ဒီလိုပြိုင်ဘက်မျိုးကို တိုက်ခိုက်ရတာ နာကျင်စရာပဲ…

သူက သုံးသပ်လိုက်သည်။ ဝါးမျိုခြင်းတာအို၏ အရေးသာချက်တစ်ခုမှာ သူတို့ကို ရင်ဆိုင်လာသည့် တစ်ဖက်လူ၏ စွမ်းအား သို့မဟုတ် နည်းစနစ်ဖြင့် ထိုသူကို ပြန်လည်ရင်ဆိုင်နိုင်စေနိုင်သည့် စွမ်းရည် ဖြစ်ပေသည်။

ကံဆိုးစွာဖြင့် ထိုနည်းလမ်းက ဟို့ဖုန်းဟွမ်လိုမျိုး ထိပ်သီးပါရမီရှင်ပေါ်တွင် အလုပ် မဖြစ်ခဲ့ပေ။ သူတို့၏ နည်းစနစ်များကို ကောင်းမွန်စွာ သိပြီး အပြည့်အဝ ထိန်းချုပ်နိုင်ထားလေ၏။ ထို့ကြောင့် သူက သူမ၏ တိုက်ကွက်တစ်ခုကို ထိန်းချုပ်နိုင်လျှင်ပင် သူမတွင် ပြန်လည်တိုက်ခိုက်မည့် နည်းလမ်းရှိကြောင်း သိလေသည်။

ဖျက်ဆီးခြင်း လေဟုန်

သူက လက်ဝှေ့လိုက်ပြီးသည့်နောက်တွင် အနက်ရောင်မီးတောက်နှင့် ထိပ်တိုက်တွေ့ဆုံမည့် ခရမ်းရင့်လေပြင်းကို ဖန်တီးလိုက်သည်။ ကမ္ဘာအများစုတွင် မိုးမြေကြားရှိ ပေါက်ဖွားလာသော သို့မဟုတ် ဖန်တီးခံရသော ထူးကဲသည့် မီးတောက်များစွာ ရှိလေသည်။ ထိုအရာများကို ကောင်းကင်မီးတောက်ဟု ခေါ်ဆို၏။ သို့သော်လည်း မီးတောက်များကသာ သီးသန့်မွေးဖွားလာခြင်း မဟုတ်ပေ။ ထို့ကြောင့် ကောင်းကင်ရေစင်၊ ကောင်းကင်မြေ၊ ကောင်းကင်သတ္တုနှင့် ကောင်းကင်လေအစရှိသည်တို့ ရှိလေသည်။ ကံဆိုးစွာဖြင့် မီးတောက်က တွေ့ရအများဆုံးဖြစ်ပြီး အကျယ်ပြန့်ဆုံး ဖြစ်ပေသည်။

ကောင်းကင်ဝါးမျိုခြင်း ဧကရာဇ်၏ တိုက်ကွက်က မိုရှင်းယွင်တစ်ယောက် ကံအပြောင်းအလဲ အခွင့်အရေးတစ်ခုမှ စုပ်ယူထားခဲ့သော ကောင်းကင်လေဆီမှ ဖြစ်ပေသည်။

ဝုန်း

ဤကောင်းကင်ဓာတ်သဘာဝနှစ်ခု ထိပ်တိုက်တွေ့ဆုံမှုက တစ်ခုနှင့်တစ်ခု ချေဖျက်သွားလေသည်။

ထို့နောက် ဟို့ဖုန်းဟွမ်က တစ်ဖက်လူရှေ့တွင် ရုတ်ချည်းပေါ်ထွက်လာကာ အလျင်အမြန် တိုက်ခိုက်လိုက်၏။ တစ်ဖက်လူကို အပြင်းအထန် တိုက်ခိုက်နေသည်။

သို့သော်လည်း မကြာခင် သူမ၏ အမူအရာက ပြောင်းလဲသွား၏။ သူမ၏ တိုက်ကွက်က မိုရှင်းယွင်အား တစ္ဆေတစ်ကောင်အလား ထိုးဖောက်သွားလေသည်။ ဟို့ဖုန်းဟွမ်၏ ကျားမျက်လုံးဖြင့် အမှန်တရားကို ရှာဖွေဖို့ ကြိုးစားလိုက်သည်။

သူမရှေ့တွင် ရှိနေသည့်သူက ပုံရိပ်ယောင် တစ်ခုမှလွဲ၍ ဘာမှမဟုတ်ပေ။ တကယ့် မိုရှင်းယွင်အစစ်က လက်ရှိတိုက်ပွဲကွင်းပြင်၏ ကြေးမုံနှင့် တူညီသည့် လျှို့ဝှက်ဒိုင်မေးရှင်း တစ်ခုအတွင်း ဝင်ရောက်သွားခဲ့သည်။

ငါတို့ သူလျှိုတွေ ပြောစကားအရဆိုရင် မိုရှင်းယွင်က ကျန်းရွှမ်ကို သတ်ပြီးတော့ သူ့ရဲ့လေဟာနယ် ရုပ်ခန္ဓာကို စုပ်ယူခဲ့တာတဲ့…

ခဏအကြာတွင် သူမက ထိုအခြေအနေကို သူမ၏ ယင်ယန်တာအိုကို အသုံးပြု၍ ထိုကြေးမုံနေရာလွတ်သို့ ဝင်ရောက်ဖို့ရာ နည်းလမ်းများစွာ စဉ်းစားခဲ့သည်။ သို့သော်လည်း သူမက တိုက်ရိုက်အကျဆုံး နည်းလမ်းကိုသာ သုံးဖို့ ဆုံးဖြတ်ခဲ့၏။

လက်သီးတစ်ချက်ဖြင့် ချိုးဖောက်ခြင်း

သူမက လက်သီးဆုပ်လိုက်သည်။

ဝုန်း

ဟို့ဖုန်းဟွမ်က တိုက်ခိုက်ဖို့ အချိန်မရှိပေ။ ထိုအစား မိုရှင်းယွင်က ကြေးမုံနေရာလွတ်ကို ဖောက်ခွဲလိုက်ပြီး တစ်ဖက်လူအပေါ် ဗုံးအဖြစ် အသုံးပြုလိုက်ခြင်း ဖြစ်သည်။ ပေါက်ကွဲမှုက ကမ္ဘာဖျက်ဆီးနိုင်လောက်အောင် ကြီးမားပြီး သဘာဝ၏ ဒေါသပြယုဂ် ဖြစ်ပေသည်။

သူက ချောင်းဆိုးသံကို ကြားလိုက်၍ မျက်မှောင်ကြုတ်လိုက်သည်။

ကျစ် သူမရဲ့ ခုခံစွမ်းအားက တော်တော်လေးကို အားကောင်းနေတာပဲ…

သူက တိတ်တဆိတ် ကျိန်ဆဲလိုက်၏။ ဟို့ဖုန်းဟွမ်က ပျက်စီးသွားသည့် ကြေးခွံတချို့နှင့် အတူ သူမ ခန္ဓာကိုယ်အတွက် သွေးကွက်တချို့ရှိနေလေသည်။

သူ ဖန်တီးထားသည့် ကြေးမုံနေရာလွတ်က တိုက်ပွဲမြေပြင်တစ်ခုလုံးထက် ကြီးမားသော်လည်း သူမကမူ ပေါက်ကွဲမှုကို ထိပ်တိုက်ရင်ဆိုင်တွေ့လျက် အသက်ရှင်သန်ခဲ့သည်။

ထိုးထွင်းဉာဏ် လောင်ကျွမ်းခြင်း

ဟို့ဖုန်းဟွမ်က တူညီသည့် နည်းဗျူဟာကို အသုံးပြုခဲ့သည်။ သို့သော်လည်း ကောင်းကင်ဝါးမျိုခြင်း ဧကရာဇ်က တူညီသည့် အစီအစဉ်တွင် ၂ခါကျရှုံးမည် မဟုတ်ပေ။ အထူးသဖြင့် သူ့ကို ချက်ချင်းသတ်နိုင်သည့် အရာအပေါ်တွင် ဖြစ်သည်။ ထို့ကြောင့် သူက သူ့ထိုးထွင်းဉာဏ်ကို ပစ်မှတ်ထားသည့် မီးတောက်ကို အလျင်အမြန် ဝါးမျိုပစ်လိုက်၏။

သူ့အတွက် နှမြောစရာကောင်းသည်က ဟို့ဖုန်းဟွမ်၏ တိုက်ပွဲအတွေ့အကြုံသည် သူနှင့် ယှဉ်နိုင်လေသည်။ ထို့ကြောင့် သူမက ရှေ့ရေးတချို့ကြိုမြင်ကာ သူမ ကျရှုံးမည်ကို ခန့်မှန်းထားခဲ့သည်။ သူမ၏ တိုက်ကွက်က အစကတည်းက အာရုံလွှဲမှုတစ်ခုသာ ဖြစ်ခဲ့၏။

ဟို့ဖုန်းဟွမ် နှစ်ယောက်က မိုရှင်းယွင်၏ ဘယ်နှင့်ညာမှ ရုတ်ချည်းပေါ်ထွက်လာသည်။ သူ့အောက်တွင် ယင်ယန် ပုံကားချပ်တစ်ခုပေါ်ထွက်လာပြီး ဘယ်ဖက်တွင် နေမင်းတစ်စင်း ပေါ်ထွက်လာသည်။

နေမင်းက သူ့ဘယ်မှညာရွှေ့နေပြီး ကောင်းကင်ဝါးမျိုခြင်း ဧကရာဇ်၏ အမူအရာက ရုတ်ချည်း ပြောင်းလဲသွားသည်။ သူက သူ့စွမ်းအား ဖြည်းဖြည်းချင်း ပျောက်ဆုံးလာသည်ကို သိလိုက်ရ၏။

အချိန်ပဲ။ သူမက ငါ့ကို ငယ်ဘဝရောက်အောင် ပြန်ပြောင်းနေတာပဲ။ ဒါပေမဲ့ သူမဆီမှာ အချိန်စည်းမျဉ်း မရှိဘူးလေ။ ဒါကို ဘယ်လိုလုပ်လိုက်တာလဲ။

အကယ်၍ သူသာ ဤထူးဆန်းသည့် နည်းစနစ်ကို နားမလည်ပါက ဆိုးဆိုးရွားရွား အကျိုးဆက်ခံစားရလိမ့်မည်။

သူ့ကျင့်ကြံရေးအဆင့်က သူ ငယ်ရွယ်လာသည်နှင့် ပိုမို လျော့ကျလာသည်။ သူက မိုရှင်းယွင် ခန္ဓာကိုယ်ကို မယူဆောင်ခင် အချိန်အနေအထားသို့ ရောက်ရှိသွားနိုင်၏။

ဒါက သူမရဲ့ ရည်ရွယ်ချက်လား…

သူက သုံးသပ်လိုက်ပြီးသည့်နောက်တွင် ဝါးမျိုခြင်းတာအိုကို အဆုံးစွန်ထိ တွန်းပို့လိုက်သည်။ ကံဆိုးစွာဖြင့် သူ့ကျင့်စဉ်၏ စွမ်းအားလည်း အားနည်းသွားဟန်ပေါ်၏။ ထို့ကြောင့် သူက နေမင်းကို တားဆီးဖို့ ကြိုးစားလိုက်သော်လည်း မလုံလောက်ခဲ့ပေ။

အာကာပြင်တစ်ခုလုံး ပိတ်လှောင်ခံထားရတယ်။ မဟုတ်သေးဘူး။ ငါက ဒီကျင့်စဉ်က ဖန်တီးထားတဲ့ အာကာပြင်အတွင်းမှာ ပိတ်မိနေတာပဲ…

ကောင်းကင်ဝါးမျိုခြင်း ဧကရာဇ်က ပတ်ဝန်းကျင်ကို လေ့လာရင်းတွေးလိုက်မိသည်။ သူက တည်ငြိမ်သည့် အနေအထားသို့ ရောက်ရှိသွားပြီး ထိုကျင့်စဉ်ကိုသာ သုံးသပ်လိုက်သည်။

သင်္ကေတလေးခု အရှေ့မှာ ကျားဖြူ၊ အနောက်မှာ နဂါးပြာ၊ မြောက်ဖက်မှာ လိပ်နက်၊ တောင်ဖက်မှာ ဇာမဏီ…

နေက အရှေ့ကနေ ထွက်လာပြီး အနောက်ကို ဝင်တယ်။ နေမင်းရဲ့ လှုပ်ရှားမှုက အချိန်ကုန်ဆုံးမှုကို ပြသနေတာ သင်္ကေတပဲ။ နေက ပတ်လမ်းတစ်ပတ် ပြည့်သွားတာနဲ့ တစ်ရက် ကုန်သွားပြီဆိုတာကို ပြသနေတာပဲ…

ဒီလိုအတွေးအခေါ်မျိုး ပြသနိုင်တယ်ဆိုတော့ သူမက အချိန်တာအိုကို ထိန်းချုပ်ဖို့ သူမ၏ သွေးမျိုးဆက်ကို သုံးနိုင်တာပဲ။ နေက အနောက်ကနေထွက်ပြီး အရှေ့ကိုဝင်ပြီးတော့ ယင်ယန်တာအိုကို အသုံးပြုထားပြီး အချိန်ကို ပြောင်းပြန်လှန်ခဲ့တာပဲ။

ကောင်းကင်ဝါးမျိုခြင်း ဧကရာဇ်က ဤပြောင်မြောက်လှသည့် သွေးမျိုးဆက်နှင့် စည်းမျဉ်းပြသမှုကြောင့် အံ့ဩနေမိသည်။ သူက ဟို့ဖုန်းဟွမ်ကို တည်တည်ငြိမ်ငြိမ် ကြည့်လိုက်ပြီးသည့်နောက်တွင် သူမ၏ ခေါင်းအထက် ပစ္စည်းလေးခု ပေါလောပေါ်နေသည်ကို မြင်လိုက်ရ၏။

ကျားဖြူဓား၊ လိပ်နက်ဒိုင်းကာ၊ ဇာမဏီမျက်ရည်၊ နဂါးပြာတိမ်တိုက်နှင့် ချီလင်ကံကောင်းမှု စည်းတံဆိပ်တို့ ဖြစ်ပေသည်။

သူမက ဤကျင့်စဉ်၏ အကြွင်းမဲ့အဆင့်သို့ ရောက်ရှိဖို့ရာ သွေးမျိုးဆက် အသုံးအဆောင်အားလုံးကို အသုံးပြုနေကြောင်း ပြောနိုင်လေသည်။

ကောင်းကင်ဝါးမျိုရေး ဧကရာဇ်၏ စိတ်အတွင်း အတွေးများစွာ ဖြတ်ပြေးသွားပြီး ဤကျင့်စဉ်ကို ရပ်တန့်ဖို့ နည်းလမ်းကို တွက်ချက်နေသည်။ ကံဆိုးစွာဖြင့် သူ့ဝါးမျိုရေးတာအို၊ သူ့ကောင်းကင်ရုပ်ခန္ဓာ အားလုံး၊ ပင်ကိုစွမ်းရည်နှင့် လျှို့ဝှက် နည်းစနစ်များအားလုံးက အသုံးမဝင်ခဲ့ပေ။

အဲဒါဆို နည်းလမ်းတစ်ခုပဲ ရှိတော့တယ်…

သူက တွေးလိုက်မိပြီး သူ့မျက်နှာအထက် မပျော်ရွှင်မှုကို ဖုံးကွယ်ထားခြင်း မရှိပေ။ ဤအခြေအနေတွင် တစ်ခုတည်းသော ဖြေရှင်းနည်းက သူ့ဝှက်ဖဲကို အသုံးပြုဖို့ ဖြစ်၏။ သို့သော်လည်း ဤအချက်ကို သုံးသပ်ပြီးသည့်နောက်တွင် သူ့မာန ထိခိုက်သလို ခံစားရသည်။

သူက ဝမ်ဝေ့အပြင် တခြားလူအပေါ် ဒီလို ထုတ်သုံးရလိမ့်မည်ဟု ထင်မထားခဲ့မိပေ။ ထို့အပြင် သူက သူ့ဝှက်ဖဲကို စောစောစီးစီး ထုတ်ဖော်လိုက်ရသည့် အကျိုးဆက်ကို ထည့်သွင်းစဉ်းစားရဦးမည်။

တကယ်ကို ကြောက်ဖို့ကောင်းတဲ့ မျိုးဆက်ပဲ…

သူက တွေးလိုက်မိသည်။

သူက သူ့ကိုယ်သူ အသက်ပြန်သွင်းပြီးသည့်နောက်တွင် ထိုပါရမီရှင်များကို သတ်ဖြတ်ပြီး ကျွန်ပြုဖို့ရာ ကြံရွယ်ထားခဲ့၏။ ဤနည်းဖြင့် နောင်အနာဂတ်တွင် သူတို့က သူ့ကို ခြိမ်းခြောက်နိုင်မည် မဟုတ်ပေ။

ယခုတွင် သူက အသက်ပြန်မရှင်ခင် အဆုံးသတ်သွားနိုင်ကြောင်း သိလိုက်ရ၏။

အကယ်၍ ထိုပါရမီရှင်များက တိုက်ပွဲတွင် အသက်ရှင်သန်ခဲ့ပြီး သူတို့ကိုယ်သူတို့ စည်းပိတ်ခဲ့ပါက တာအိုကို အလွယ်တကူ သက်သေပြကာ ထာဝရဧကရာဇ် ဖြစ်လာနိုင်ကြသည်။

ထို့နောက် သူတို့ထဲက တစ်ယောက်က လက်စားချေဖို့ ဆုံးဖြတ်လိုက်ပါက ပြဿနာရှိလာလိမ့်မည်။

နောက်ထပ် ချဉ်းကပ်မှုတစ်ခုက သူတို့ကိုကျွန်ပြုကာ ဒိုင်မေးရှင်းအမြင့်ဆီ ခေါ်ဆောင်သွားဖို့ ဖြစ်သည်။ ကောင်းကင်ဝါးမျိုခြင်း ဧကရာဇ်က သူ့ထိန်းချုပ်မှုအောက် သို့မဟုတ် သူ့ကို ထောက်ပံ့ပေးမည့် အင်အားစု မရှိသည်က သူ ကျဆုံးခဲ့ရသည့် အကြောင်းအရင်းဖြစ်ကြောင်း သိလေသည်။

သို့သော် အကယ်၍ ထိုပါရမီရှင်များကိုသာ လက်အောက်ငယ်သားအဖြစ် ရရှိထားပါက သူတို့ကို တာအိုသက်သေပြဖို့ ကူညီပြီးသည့်နောက်တွင် များစွာလုပ်ဆောင်နိုင်သည်။ ထို့ကြောင့် သူက ဟို့ဖုန်းဟွမ်၏ ပါရမီကို မြင်တွေ့ပြီးသည့်နောက်တွင် ထိုအရာကို လုပ်ဆောင်ဖို့ ချက်ချင်းဆုံးဖြတ်လိုက်၏။

ထို့နောက် သူ့ခန္ဓာကိုယ်မှ ကြီးကျယ်ကာ မြင့်မြတ်သည့် အငွေ့အသက်တစ်ခု ထွက်ပေါ်လာသည်။

ထိုစဉ် ဟို့ဖုန်းဟွမ်က ကြောက်မက်ဖွယ် အန္တရာယ်ကို ခံစားမိလိုက်၍ မျက်လုံးဖွင့်ကြည့်လာသည်။

ဒါက သူ့ရဲ့ ဝှက်ဖဲလား…

သူမက စိတ်လှုပ်ရှားသည့် အရိပ်အယောင်မျိုးကို မပြသဖို့ရာအတွက် အကောင်းဆုံး ကြိုးစားထားသည်။

နောက်ဆုံးတော့ အနိုင်ရရှိတဲ့သူ ပေါ်ထွက်လာတော့မှာပဲ…