ယန္တရားပညာရှင်တစ်ဦး၏ ရက်စက်ကြမ်းကြုတ်သော စွမ်းအား

ခိုလှုံရေးစခန်း ၁မှ ‘ဂရေးမက်တယ် အပျက်အစီးနယ်မြေ’အထိ တောကန္တာရကို ဖြတ်ကျော်ရန် လေးရက်မှ ငါးရက်အထိ လိုအပ်သောကြောင့် ယာဉ်တန်းသည် တောထဲတွင်သာ စခန်းချနိုင်သည်။

ထွက်ခွာပြီး ပထမနေ့၏ နေဝင်ရီတရောအချိန်ခန့်တွင် ဟန်ရှောင်း၏ အမိန့်အရ ယာဉ်တန်းသည် တောရိုင်းထဲတွင် လုံခြုံသော နယ်မြေတစ်ခုကို တွေ့ရှိခဲ့ပြီး အခြေချနေထိုင်ခဲ့သည်။ နေဝင်ပြီးနောက် သွားလာရန် အန္တရာယ်များပြီး သားရဲများစွာသည် ညအချိန်တွင် လှုပ်ရှားနေကြသည်။

Dark Net မှ စစ်သားများသည် အနီးနားရှိ နေရာများကို အဆိုင်းလိုက် လှည့်ပတ်‌နေကြသည်။ ဟန်ရှောင်းသည် အဖွဲ့ရှိ အရေးပါသူများ ဖြစ်သည့် လက်ထောက် ဟွမ်ယု၊ ဆောက်လုပ်ရေး အကြီးအကဲ ကော်နီဖျူရီနှင့် အစောင့်အကြပ်ခေါင်းဆောင် လျှိုကျောင်းတို့ကို တွေ့ဆုံရန် စုရုံးခဲ့သည်။

‘ဂရေးမက်တယ် အပျက်အစီးနယ်မြေ’ပြုပြင်မွမ်းမံရေး အစီအစဉ်၏ အသေးစိတ်ပုံစံများကို စားပွဲပေါ်တွင် ခင်းကျင်းထားပြီး ကော်နီဖျူရီက စကားပြောနေသည်။

“မြို့တစ်ခုလုံးရဲ့ ကနဦး ပြုပြင်မွမ်းမံမှုတွေဟာ ပေါင်းသတ်တာ၊ သားရဲတွေကို ဖယ်ရှားရှင်းလင်းတာ၊ အပျက်အစီးတွေကို ရှင်းလင်းရေးလုပ်ပြီး ခိုလှုံရေးစခန်းတွေရဲ့ အခြေခံပုံစံ၊ လျှပ်စစ်ကွန်ရက်နဲ့ ရေပိုက်လိုင်းတွေ အထိုင်ချတာ စတာတွေကို သုံးလအတွင်း အပြီးသတ်မယ်လို့ ခန့်မှန်းထားပါတယ်။ ဒါပေမယ့် ဒါက အလုပ်သမား ၃၀,၀၀၀ကို အခြေခံတဲ့ အစီအစဉ်ပါ။ ပထမလမှာ ၁၀၀၀ ပဲရှိတယ်။ အပျက်အစီးတွေကို ရှင်းလင်းရေးတောင် မလုပ်နိုင်ဘူး” ကော်နီဖျူရီသက်ပြင်းချလိုက်သည်။

ဟန်ရှောင်းက ငြင်းဆိုခြင်းမရှိဘဲ ခေါင်းညိတ်လိုက်သည်။ သူက ဟွမ်ယုကိုကြည့်ပြီး မေးလိုက်သည်။ "မင်းမှာ အကြံဉာဏ်တွေ ရှိသေးလား"

ဟွမ်ယုက ဝတ်ကျေတမ်းကျေဖြင့် “မရှိပါဘူး”

ဟွမ်ယု၏ ဂရုမစိုက်သော သဘောထားကို သတိပြုမိလိုက်သော ဟန်ရှောင်းသည် သူဘာတွေတွေးနေလဲဆိုတာ အကြမ်းဖျင်း ခန့်မှန်းမိသည်။ ဒါပေမယ့် ဟန်ရှောင်းက ဒါကို ဂရုမစိုက်ပေ။ သူက လက်ထောက်တစ်ယောက် လိုအပ်နေတာမှ မဟုတ်ဘဲ။ သူက ခေါင်းကိုလှည့်ပြီး "လူအင်အားက ပြဿနာမဟုတ်ပါဘူး - ငါ ဒီပုံစံကြမ်းကို တစ်လအတွင်း အပြီးတည်ဆောက်ဖို့ စီစဉ်ထားတယ်။"

ကော်နီဖျူရီအံ့အားသင့်သွားသည်။ “ဒါက အနည်းဆုံး အလုပ်သမား ၁၀၀,၀၀၀ လိုတယ်။ ခိုလှုံရေးစခန်း ၁မှာတောင် အလုပ်သမားတွေ အများကြီးမရှိဘူး”

"ငါ့မှာ နည်းလမ်းတွေရှိတယ်။" ဟန်ရှောင်းက သူ့အစီအစဉ်ကို အသေးစိတ်မရှင်းပြပေ။

ဟွမ်ယုက မတ်တပ်ရပ်ပြီး ကြည့်နေသည်။ အလုပ်သမား ၁၀၀,၀၀၀ ကို ငှားရမ်းရန် လိုအပ်သော ငွေပမာဏသည် အလွန်များပြားပြီး ငွေကြေးများစွာဖြင့်ပင် လုပ်သားအများအပြားကို ငှားရမ်းနိုင်မည်ဟု မသေချာပေ။ ဟန်ရှောင်းက သူ့ယုံကြည်မှုကို ဘယ်ကရလာတယ်ဆိုတာ သူနားမလည်နိုင်ပေ။

လျှိုကျောင်းက ရုတ်တရက် သူ့နားကြပ်ကို နှိပ်လိုက်ပြီး “မစ္စတာ Black Phantom၊ လေယာဉ်တစ်စီး ချဉ်းကပ်လာနေတယ်!"

"အပြင်ထွက်ကြည့်ရအောင်။"

စခန်းထဲက လမ်းလျှောက်ထွက်လာသောအခါ အစောင့်တွေက ကောင်းကင်ကို သတိနှင့် မော့ကြည့်နေကြသည်။ မှောင်မိုက်နေသော ညကောင်းကင်တွင် လေယာဉ်ပျံကြီးမှ မှိတ်တုတ်မှိတ်တုတ် အချက်ပြမီးကြီးသည် သူတို့ဆီသို့ ဦးတည်နေသည်။ ၎င်းသည် မိတ်ဆွေလား ရန်သူလား မသိရသေးပေ။

"ရပါတယ်။" ဟန်ရှောင်းပြုံးလိုက်သည်။ "အဲဒါ ပစ္စည်းချပေးဖို့ ငါခေါ်ထားတာ။"

လေယာဉ်သည် ၎င်းတို့၏ ဦးခေါင်းထက်မှ ဖြတ်ပြေးသွားကာ ကြိုးချည်ထားသော သေတ္တာကြီးအချို့ကို ပစ်ချခဲ့သည်။ လေထီးပွင့်လာပြီး စခန်းနှင့် မဝေးလှပေ။ သေတ္တာများပေါ်ရှိ သင်္ကေတသည် ဖေဘီယန်ကုမ္ပဏီမှ ဖြစ်သည်။

ဟန်ရှောင်းသည် သူ၏ ဆက်ဆံရေးကွန်ရက်ကို အသုံးပြုခဲ့ပြီး ဖေဘီယန်၏ လေယာဉ်သည် သူ့အား စက်ပိုင်းဆိုင်ရာ အစိတ်အပိုင်းများစွာကို ချပေးခဲ့သည်။ ဒါတွေအားလုံးက အလကားမဟုတ်ပေမယ့် ဟန်ရှောင်းတွင် ပိုက်ဆံအများကြီးရှိ၏။ ဒီလို သေးငယ်တဲ့ အသုံးစရိတ်က သူ့အတွက် ဘာမှ မဟုတ်ပေ။

မှားယွင်းသော အချက်ပေးသံ ဖြစ်သည်ကို ကြားသိရသောအခါ လူတိုင်း စိတ်သက်သာရာ ရသွားကြသည်။

ဟွမ်ယုသည် တိတ်တဆိတ် အံ့သြသွားသည်။ နာမည်ကြီး လက်နက်ခဲယမ်းကုမ္ပဏီ ဖေဘီယန်ကို ပစ္စည်းချပေးရန် ခေါ်ဆိုနိုင်၏။ ဟန်ရှောင်း၏ ဆက်ဆံရေး ကွန်ရက်သည် သူထင်သည်ထက် ပိုမိုကျယ်ပြန့်နေသည်။

ဒီအစိတ်အပိုင်းတွေက ဒေါ်လာသန်းချီတန်သည်။ ဟန်ရှောင်းက လူတွေကို အရင်းအမြစ်ကားတွေပေါ် တင်ခိုင်းပြီး စက်အမြောက်အမြားကို စတင်တည်ဆောက်တော့သည်။ သူသည် ယခု အလွန်ချမ်းသာနေပြီဖြစ်သောကြောင့် သူသည် တိုက်ခိုက်ရေး စက်ယန္တရား မျိုးစုံကို တည်ဆောက်နိုင်ကာ ၎င်းတို့ကိုလည်း အသင်းကို ကာကွယ်ရန် အသုံးပြုနိုင်သည်။

ယန္တရားပညာရှင်တစ်ဦး၏ အကျော်ကြားဆုံး တိုက်ခိုက်ရေးပုံစံမှာ စက်ယန္တရားပင်လယ်ဖြစ်သည်။

ဟန်ရှောင်းသည် ကားထဲတွင် နေထိုင်ပြီး နောက်နှစ်ရက်လုံး အလုပ်လုပ်နေသည်။

…

ယာဉ်တန်းသည် သဲကန္တာရသို့ ရောက်ရှိလာသည်။ ကောင်းကင်တွင် နေရောင်ခြည်သည် တောက်ပစွာ ထွန်းလင်းနေပြီး မြင့်မားသော အပူချိန်သည် သဲများကို လောင်ကျွမ်းနေသော သံမဏိကဲ့သို့ ပူပြင်းစေသည်။ မြေပြင်နှင့် မနီးမဝေး လေထုတဝိုက်တွင် အလင်းရောင်များပင် မှုန်ဝါးနေသည်။

ယာဉ်တန်းသည် ဘာဘီရာပင်အောက်တွင် ရပ်တန့်သွားသည်။ ဤသစ်ပင်အမျိုးအစားသည် ရေပင်လယ်ဂြိုလ်သဲကန္တာရအတွက် ထူးခြားသည်။ 'ဘဝရဲ့ထီး' လို့လည်း ခေါ်ကြ၏။ ၎င်း၏အရိပ်သည် အပူကို အကာအကွယ်ပေးသော ကျွန်းတစ်ခုနှင့်တူပြီး ၎င်း၏အရည်များသည် ချိုမြိန်ကာ ရေငတ်ခြင်းကို ချက်ချင်းပြေပျောက်စေရန် အသုံးပြုနိုင်သည်။

လူများ အလွန် ရေငတ်နေကြ၏။ ကင်းလှည့်နေသော စစ်သားများမှာလည်း ချွေးများရွှဲနစ်နေသည်။

ဘုန်း!

အဝေးက သဲကန္တာရသည် ရုတ်တရက် လှိုင်းလုံးကြီးတစ်ခုလို ဖြစ်သွားသည်။ ကြီးမားလှသော ပိုးကောင်များစွာသည် မြေပြင်မှ တွားသွား၍ ထွက်လာကြသည်။ မီတာဝက်ကျော်ရှည်သော ၎င်းတို့တစ်ဦးစီတွင် အညိုရောင်တောက်ပြောင်နေသော အခွံများ၊ ခြောက်ပေရှည်သော ခြေသည်းနှစ်ချောင်းရှိသည်။ သူတို့သည် လှိုင်းလုံးကဲ့သို့ ဘာဘီရာပင်ဆီသို့ ရွေ့လျှားလာကြသည်။

အချက်ပေးသံများ မြည်ဟီးသွားသည်။ စစ်သားသုံးရာသည် ချက်ချင်းပင် ၎င်းတို့၏ သေနတ်များကို ကိုင်ဆောင်ကာ မတ်တပ်ရပ်လိုက်သည်။ ပိုးကောင်ပင်လယ်သည် သူတို့ကို အဘက်ဘက်မှ ဝိုင်းရံထားပြီး လွတ်မြောက်ရန် နေရာမရှိသည်ကို သတိပြုမိသောအခါ၊ သူတို့၏ မျက်နှာများသည် ထိတ်လန့်ခြောက်ခြားသွားကာ လက်များ တုန်ရီလာသည်။

သဲကန္တာရသွေးခွံကဏန်းသည် သဲကန္တာရထဲတွင် သန်မာသော သားကောင်များဖြစ်ပြီး ၎င်းတို့ဖြတ်သန်းသွားရာ နေရာတိုင်းတွင် သက်ရှိများကို ဖျက်စီးသွားလေ့ရှိသည်။ အနည်းဆုံး အကောင်ရေ ၁၀,၀၀၀ ခန့် ရှိနေသည်။

"ကားတွေဝင်ပြီး လမ်းပွင့်အောင်မောင်းထွက်!" ဟွမ်ယုက အလျင်စလို အော်လိုက်သည်။ ထို့နောက် သူသည် ရဟတ်ယာဉ်ကို အမြန်တက်ကာ လေယာဉ်မှူးကို ချက်ချင်း ပျံသန်းရန် တွန်းအားပေးလိုက်သည်။

ဒီလို ပိုးကောင်တွေ အများကြီးနဲ့ ရင်ဆိုင်ရတဲ့အခါ ဘယ်သူကမှ တိုက်ခိုက်ဖို့ မစဉ်းစားကြတော့ပေ။ ဟွမ်ယုရဲ့ အမိန့်ကိုကြားပြီး ထွက်ပြေးဖို့ ကားတွေထဲဝင်ခါနီးတွင် ဟန်ရှောင်းက ကားထဲကထွက်ပြီး “မလန့်ပါနဲ့။ အားလုံး ကိုယ့်နေရာမှာ ကိုယ်နေ။ ရန်သူကို ရင်ဆိုင်ဖို့ အသင့်ပြင်ထား။”

"ပိုးကောင်အရေအတွက်က အရမ်းများနေတယ်" ခေါင်းဆောင် လျှိုကျောင်းက အလျင်စလို ပြောလိုက်သည်။ “ကျွန်တော်တို့ရဲ့ ကာကွယ်ရေးက လမ်းကြောင်းအားလုံးကို မကာကွယ်နိုင်ဘူး။ တိုက်ခိုက်ရင် ကြီးမားတဲ့ ဆုံးရှုံးမှုကို ရင်ဆိုင်ရလိမ့်မယ်။”

“Black Phantom၊ ရဟတ်ယာဉ်ပေါ် မြန်မြန်လာ” ဟွမ်ယုက အော်သည်။

ဟန်ရှောင်းက သူ့လက်ကို ဝှေ့ယမ်းလိုက်သည်။

ဟွမ်ယုက သူ့ခေါင်းထဲတွင် ကျိန်ဆဲလိုက်သည်။ ပိုးကောင်ပင်လယ်သည် ပို၍နီးကပ်လာသည်ကို မြင်လိုက်ရသဖြင့် ဟန်ရှောင်းကို ဂရုမစိုက်ဘဲ ချက်ချင်း ထွက်ခွာရန် လေယာဉ်မှူးအား ပြောလိုက်သည်။ လေယာဉ်မှူးကလည်း ကြောက်လန့်နေ၏။ ထို့ကြောင့် သူက အမိန့်ကို လိုက်နာပြီး ရဟတ်ယာဉ်ကို မြေပြင်မှ ပျံသန်းသွားသည်။

မြေပြင်ရှိတပ်များသည် ဟန်ရှောင်း၏အမိန့်ကို မလွန်ဆန်ဝံ့ကြပေ။ သူတို့သည် မြေပြင်တွင် မတ်တပ်ရပ်ကာ ပိုးကောင်များ လျင်မြန်စွာ ချဉ်းကပ်လာသည်ကို ထိတ်လန့်စွာ စောင့်ကြည့်နေကြသည်။

ထိုအချိန်တွင် ဟန်ရှောင်းသည် သူ့လက်ပ်တော့ပ်ကို ထုတ်ကာ ခလုတ်အချို့ကို နှိပ်လိုက်သည်။

ဟုမ်!

တိုက်ခိုက်ရေးရိန်းဂျား ဆယ့်နှစ်ကောင်သည် သာမန်ကားများကဲ့သို့ အမြန်နှုန်းဖြင့် ထောက်ပံ့ပို့ဆောင်ရေးယာဉ်များမှ မောင်းထွက်လာသည်။ သံအစောင့်များကဲ့သို့ နေရာတိုင်းသို့ လျင်မြန်စွာ ပျံ့နှံ့နေသော ဤရိုဗာစက်ရုပ်များကို ကြည့်ရင်း လူတိုင်း၏မျက်နှာသည် ထိတ်လန့်တုန်လှုပ်သွားသည်။ အေးစက်သော သတ္တုရောင်သည် အရွက်များမှတဆင့် ကျဆင်းလာသော အလင်းရောင်ကို ရွှေရောင်အကြေးခွံများကဲ့သို့ တောက်ပစွာ ထင်ဟပ်စေသည်။

အဆိုပါ ရိုဗာများသည် အသစ်ဆုံးနှင့် မြှင့်တင်ထားသော မျိုးဆက် ၂.၅ ဖြစ်သည်။ ဟန်ရှောင်းသည် ဒီဇိုင်းပုံစံကို အကြိမ်များစွာ အဆင့်မြှင့်တင်ခဲ့သည်။ သူတည်ဆောက်သော စက်ပစ္စည်းတွေရဲ့ အခြေခံအရည်အသွေးများက အများကြီး ပိုမြင့်ပြီး အရည်အသွေးကလည်း အပြာရောင်အဆင့် ဖြစ်သည်။

မျိုးဆက် ၂.၅ ရိုဗာတွင် ၎င်း၏ ပစ်ခတ်အားနှင့် ကျည်ကပ်ဆက်တိုက်တင်နိုင်စွမ်းကို တိုးတက်ကောင်းမွန်စေသည့် အလိုအလျောက် ပစ်ခတ်ခြင်းထိန်းချုပ်မှု စနစ်တစ်ခု တပ်ဆင်ထားသည်။ ၎င်းတို့သည် လူသားများနှင့် တူညီသော အမြင့်ခန့်ရှိပြီး တပ်ဆင်ထားသည့် တြိဂံပုံစံ ချိန်းကြိုးများကြောင့် ၎င်းတို့၏ ရွေ့လျားနိုင်မှုမှာ ပိုမိုမြင့်မားကာ ပိုမိုခက်ခဲသော မြေမျက်နှာသွင်ပြင်ကို ဖြတ်ကျော်သွားနိုင်သည်။

မစ်ရှင်သတိပေးချက်ပေါ်လာသောအခါ ခရီးစဉ်အတွင်း ငြိမ်းချမ်းမည်မဟုတ်ကြောင်း ဟန်ရှောင်းသိထားသည်။ ထို့ကြောင့် သူသည် လေယာဉ်ခေါ်ခဲ့ပြီး လွန်ခဲ့သောနှစ်ရက်အတွင်း စက်ယန္တရားများစွာကို တည်ဆောက်ခဲ့သည်။

ဟန်ရှောင်း၏ တည်ဆောက်မှုအမြန်နှုန်းသည် ပိုမိုမြန်ဆန်လာပြီး အဆင့် ၂၀ တွင် ပြီးမြောက်ရန် ရက်ပေါင်းများစွာကြာမည့် ရိုဗာစက်ရုပ်သည် ယခုအခါ မိနစ်ဆယ်ဆယ်အတွင်း ပြီးစီးနိုင်မည်ဖြစ်သည်။

ယန္တရားပညာရှင်တစ်ဦး၏ တည်ဆောက်မှုအမြန်နှုန်းသည် သတ်မှတ်ထားသော ကန့်သတ်ချက်ကို ကျော်လွန်သွားသောအခါ၊ ၎င်းတို့သည် စစ်မြေပြင်တွင် တည်ဆောက်နိုင်မည်ဖြစ်သည်။ ပစ္စည်းအလုံအလောက်ရှိနေသ၍ လက်နက်များကို မရပ်မနား တည်ဆောက်နိုင်သည်။ [တစ်ခဏချင်းတပ်ဆင်မှု] ကို လေ့လာပြီးနောက် အဆင့်မြင့် ယန္တရားပညာရှင်များသာလျှင် ဤစွမ်းရည်ကို ရရှိနိုင်သည်။ ၎င်းသည် ဗားရှင်း ၃.၀တွင် ယန္တရားပညာရှင်များ ထွန်းကားလာရေးအတွက် အလွန်အရေးကြီးသော အချက်လည်း ဖြစ်ခဲ့သည်။

"ကားထဲမှာရှိတဲ့ သတ္တုဝိုင်းပြားတွေအားလုံးကို ဖြုတ်ပြီး နေရာတိုင်းမှာ ထားလိုက်ပါ။"

Dark Net စစ်သားများသည် သူပြောသမျှကို လုံးဝလိုက်နာကြသည်။ သူတို့ပြောသည့်အတိုင်း ချက်ချင်းလုပ်ကြပြီး သတ္တုဝိုင်းပြား အခုနှစ်ဆယ်ကို မြေကြီးပေါ်တွင် ချထားကြသည်။ ဟန်ရှောင်းသည် ပရိုဂရမ်ကို အသက်သွင်းလိုက်ပြီး ပန်းကန်ပြားများ စတင်ပြောင်းလဲလာကြသည်။ ၎င်းတို့၏ အောက်ခြေကို မြေပြင်တွင် တပ်ဆင်ထားပြီး၊ အထပ်လိုက် မော်ဂျူးများကို သေနတ်ပြောင်းများအဖြစ် စုစည်းထားသည်။ လုပ်ငန်းစဉ်တစ်ခုလုံးသည် လေးစက္ကန့်မှ ငါးစက္ကန့်သာကြာသည်။

၎င်းတို့သည် မီနီဘက်ထရီများဖြစ်သည်။ ဟန်ရှောင်းသည် ဒီဇိုင်းပုံစံများကို အဆင့်မြှင့်တင်ခဲ့ပြီး ယခုအခါ ၎င်းတို့တွင် စမတ်ကျသော ပစ်ခတ်အားထိန်းချုပ်မှု ရှိနေပြီဖြစ်သည်။

ထူထဲပြီး နက်မှောင်ရှည်လျားသော သေနတ်ပြောင်းများကို မြင်လိုက်ရသောအခါ စစ်သားများသည် ပိုလုံခြုံသလို ခံစားရသည်။

ပိုးကောင်အုပ်ကြီး မီတာ ၄၀၀ အတွင်း ရောက်ရှိသောအခါ မျိုးဆက် ၂.၅ ရိုဗာနှင့် မီနီဘတ်ထရီများက တပြိုင်နက်တည်း ပစ်ခတ်ကြသည်။ ဘာဘီရာပင်အောက်ရှိ စခန်းကို ဗဟိုပြု၍ နေရာတိုင်းဆီသို့ ကျည်ဆန်များ ပွင့်ထွက်လာသည်။

ပစ်ခတ်သံက တစ်ထပ်တည်းကျနေပြီး ကျည်ဆန်မိုးများက နေရာအနှံ့ ပျံ့နှံ့သွား၏။

ဒက် ဒက် ဒက် ဒက်!

တခဏချင်းမှာပဲ အစိမ်းရင့်ရောင် အကျိအချွဲများ ပေါက်ကွဲထွက်ကုန်သည်။ သံမဏိနဲ့ မီးများက အကောင်ကြီးများကို တစ်ကောင်ပြီးတစ်ကောင် ထိုးဖောက်ဝင်ရောက်ကာ ထိမှန်ပေါက်ကွဲကုန်သည်။ လူသားတို့တည်ဆောက်ထားသော လူသတ်စက်များနှင့် ရင်ဆိုင်အတွေ့တွင်၊ သဲကန္တာရသွေးခွံကဏန်းများ အလွန်ဂုဏ်ယူခဲ့ကြသော အခွံများသည် ကြက်ဥခွံကဲ့သို့ ကွဲအက်လွယ်လှ၏။

စခန်းမှ မီတာ ၄၀၀ အကွာတွင် ကတုတ်ကျင်းတစ်ခု ဖြစ်ပေါ်လာပြီး ပိုးကောင်များ၏ အလောင်းများနှင့် ပြည့်နှက်နေသည်။ ပိုးကောင်အုပ်ကြီးသည် နီးကပ်အောင် တိုးမလာနိုင်တော့ဘဲ ရပ်တန့်သွားသည်။ သဲကန္တာရတောင်မှ သူတို့ရဲ့သွေးတွေကြောင့် စိုစွတ်နေ၏။ ပထမအကျော့ ပစ်ခတ်မှုပြီးနောက် ပိုးကောင်အုပ်ကြီးသည် အနည်းဆုံး သုံးပုံတစ်ပုံ ပိုသေးငယ်လာသည်။

ရိန်းဂျားအနည်းငယ်သည် စခန်းမှ ထွက်လာကြသည်။ ၎င်းတို့ကို နေပိုးကောင်မီးတောက်သေနတ် တပ်ဆင်ထားသည်။ မီးလုံးကြီးသည် ပိုးကောင်အုပ်ကြီးကို ဖုံးလွှမ်းသွားပြီး မကြာမီပင် မီးလောင်နေသည့် ပိုးကောင်များ၏ အသံသည် ယာဉ်တန်း၏ နားထဲသို့ ပျံ့လွင့်လာသည်။ သဲကန္တာရသွေးခွံကဏန်း၏ ခြေသည်းများသည် ရိန်းဂျား၏ ပလက်တီနမ်သတ္တုစပ် ချပ်ဝတ်တန်ဆာကို လုံးဝမထိခိုက်နိုင်ပေ။

ကြောက်မက်ဖွယ်ကောင်းသော ပစ်ခတ်အားများဖြင့် ၎င်းသည် တစ်ဖက်သတ် သတ်ဖြတ်ခြင်း ဖြစ်သည်။

ဤသည်မှာ ယန္တရားပညာရှင်တစ်ဦး၏ ရက်စက်ကြမ်းကြုတ်သော စွမ်းအားဖြစ်သည်။

အဖွဲ့လိုက် တိုက်ခိုက်ခြင်းသည် ယန္တရားပညာရှင်တစ်ဦး၏ အားသာချက်ဖြစ်သည်။ ‘အက်စ်ပါ’နှင့် ‘တိုက်ခိုက်သူ’တို့သည် အလွန်ပြင်းထန်သော တိုက်ခိုက်ရေးသမားများ ဖြစ်နိုင်သော်လည်း ၎င်းတို့၏ ကာယကြံ့ခိုင်မှုမှာ အကန့်အသတ်များရှိသည်။

သို့သော် ယန္တရားပညာရှင်တစ်ဦးအတွက် ငွေကြေးမှာ အကန့်အသတ်ရှိ၏။ ထိုစက်ပစ္စည်းသည် ဒေါ်လာသန်းပေါင်းများစွာ ကုန်ကျခဲ့ပြီး ဗားရှင်း ၁.၀ တွင် အမြင့်ဆုံးအဆင့် ကစားသမားတစ်ဦးပင် မတတ်နိုင်ပေ။ စက္ကန့်တိုင်းတွင် သံမဏိကျည်ဆန် ထောင်ပေါင်းများစွာကို အသုံးပြုခဲ့ကြသောကြောင့် ခဲယမ်းအတွက် ကုန်ကျစရိတ်မှာလည်း အလွန်စျေးကြီးလှသည်။

အရင်ကတည်းက ငွေကြေးသည် ယန္တရားပညာရှင်များအတွက် ပြဿနာဖြစ်ခဲ့သည်။ စက်ယန္တရားတပ်ကို တည်ဆောက်ခြင်းသည် ယန္တရားပညာရှင်လူတန်းစား၏ အလွန်ပြင်းထန်သော တိုက်ခိုက်ရေးပုံစံတစ်ခုဖြစ်သော်လည်း၊ ၎င်းသည်လည်း စျေးအကြီးဆုံးဖြစ်သည်။

ရန်သူများ၏ ပျမ်းမျှအဆင့်သည် ပိုမိုမြင့်မားလာပြီး အားကောင်းလာသောအခါ စက်ယန္တရားစစ်တပ်တွင် ပိုမိုမြင့်မားသော စံချိန်စံညွှန်းများနှင့် နည်းပညာများ ရှိရန် လိုအပ်ပြီး ၎င်းတို့အတွက် ကုန်ကျစရိတ်လည်း တိုးလာမည်ဟု ဆိုလိုသည်။

သာမန်ကစားသမားများသည် စစ်တပ်၏ တိုက်ခိုက်ရေးပုံစံကို ကောင်းစွာ မကျွမ်းကျင်နိုင်ပေ။ စစ်တပ်တစ်ခုတည်ဆောက်ဖို့ သူတို့ရဲ့ပိုက်ဆံအားလုံးကို အသုံးပြုခဲ့မယ်ဆိုရင်တောင် တိုက်ပွဲအပြီးတွင် ပျက်စီးဆုံးရှုံးမှုတွေကို ပြန်လည်ပြုပြင်မည့် စရိတ်ကို ခံနိုင်ရည်ရှိမှာ မဟုတ်နိုင်ပေ။ စစ်တပ်ပုံစံကို နောက်ဆုံးအားကိုးရာအဖြစ် သုံးလေ့ရှိသည်။ ဒါပေမယ့် ဟန်ရှောင်းသည် သူ့မှာ ငွေအများကြီးရှာနိုင်တဲ့ နည်းလမ်းရှိတာကြောင့် ငွေကြေးပြဿနာကို စိတ်မ၀င်စားခဲ့ပေ။ သူသည် စစ်တပ်၏ တိုက်ခိုက်ရေးပုံစံကို မသွားချင်သေးပေ၊ လိုအပ်ချိန်များတွင် အလုံအလောက်ပစ်ခတ်နိုင်သော ရိုးရှင်းသော အစောင့်အကြပ်အဖွဲ့ကိုသာ တည်ဆောက်လိုသေးသည်။

လျှိုကျောင်းသည် သူ၏ ချေမှုန်းရေး ရိုင်ဖယ်ကို တစ်ချိန်လုံး ကိုင်ဆောင်ပြီး မီတာ ၃၀၀ အကွာအဝေးသို့ ဝင်ရောက်လာလျှင် ပစ်ခတ်ရန် စောင့်ဆိုင်းနေသော်လည်း သံမဏိမိုးများကြောင့် မီတာ ၄၀၀ အကွာတွင် ရပ်တန့်သွားသည်။

ရိုင်ဖယ်ကိုင်ထားလို့ လက်တွေတောင် ညောင်းနေသော်လည်း ပစ်ခတ်ဖို့ မလိုအပ်သေးပေ။

ဒီပစ်အားက အရမ်းပြင်းထန်လွန်းတယ်။

လျှိုကျောင်းသည် သူ့ဘေးက ကျည်ဆန်များကို အဆက်မပြတ် ပစ်နေသော ဘက်ထရီများကို ကြည့်လိုက်သည်။ ၎င်းတို့၏ ကျည်ဆန်များသည် ရှေ့ရောနောက်ပါ အလိုအလျောက် ရွေ့သွားကာ ကျည်ဆန်ခွံများသည် မြေပြင်ပေါ်သို့ ရေလောင်းသလို ကျဆင်းသွားသည်။ အချို့က သူ့မျက်နှာကိုပင် ထိမှန်သွားကြသည်။

လျှိုကျောင်းက အံ့အားသင့်စွာဖြင့် သူ့တွင် ဘာမှလုပ်စရာမရှိမှန်း သိလိုက်သည်၊ Black Phantom ၏ စက်ယန္တရားသည် ရန်သူအားလုံးကို ချေမှုန်းနိုင်ခဲ့သည်၊ Dark Net မှ တာဝန်ပေးထားသော အစောင့်များသည် လုံးဝ အသုံးမ၀င်ပေ။ သူတို့ကို လုံးဝမလိုအပ်ပေ။