စုဝေးလာသော ကစားသမားများ

ဤဆောက်လုပ်ရေးလိုအပ်ချက် ၁၃ချက်မှာ သားရဲများကို နှင်ထုတ်ခြင်း၊ အပျက်အစီးများကို သန့်ရှင်းရေးလုပ်ခြင်း၊ ရေနှင့်လျှပ်စစ်မီးကွန်ရက် တည်ဆောက်ခြင်း၊ လူနေရပ်ကွက်များနှင့် နံရံများတည်ဆောက်ခြင်း အပါအဝင် အခြေခံအလုပ်များဖြစ်သည်။ [ခိုလှုံရေးစခန်း ၃] အတွက် လိုအပ်ချက် ဆယ်ခုကျော်ရှိပြီး ၎င်းတို့သည် တစ်စိတ်တစ်ပိုင်းသာဖြစ်သည်။

အသေးစိတ်အစီအစဉ်မှာ မူလက သုံးလစီမံကိန်းဖြင့် တည်ဆောက်ရန်ဖြစ်သည်။ ရည်မှန်းချက်မှာ ထိုအချိန်အတွင်း အခြေခံ အပြင်အဆင်ကို အပြီးသတ်ရန်ဖြစ်သည်။ အခြေခံ အပြင်အဆင်၏ ထက်ဝက်ခန့် ပြီးမြောက်ရန် ခိုလှုံရေးစခန်း ၁ကို တစ်လ အချိန်ယူရသည်။ ၎င်းကို အကိုးအကားအဖြစ် သုံးလျှင် သုံးလဟူသော အချိန်မှာ များနေပုံရသည်။

ဟန်ရှောင်း ရုတ်တရက် တစ်ခုခုကို သတိရသွားပြီး၊ မဟုတ်သေးပါဘူး၊ Bennett မှာ အလုပ်သမား ထောင်ပေါင်းများစွာ ရှိတယ်။ ငါ့မှာတော့ ပထမလမှာ တစ်ထောင်ပဲရှိတယ်။ မစ်ရှင်တွေကို ပုံမှန်အတိုင်း လုပ်မယ်ဆိုရင် အချိန်လောက်မှာမဟုတ်ဘူစ။

ရုတ်တရက် အရှေ့မှ ဆူဆူညံညံ အသံများ ထွက်ပေါ်လာသည်။ ယာဉ်တန်းသည် အလျှင်အမြန် ရပ်တန့်သွား၏။ စွန့်ပစ်ထားသော မြို့ဝင်ပေါက်တွင် ထောင်နှင့်ချီသော လူများ စုဝေးနေကြသည်။

"ပြဿနာရှိနေတယ်!"

အစောင့်တွေက ကားထဲက ချက်ချင်းထွက်ပြီး အဖွဲ့ကို အလယ်မှာ ဝိုင်းထားကြတယ်။ လူအုပ်စုကြီးသည် ယာဉ်တန်းကို သတိပြုမိပြီး ၎င်းတို့ဆီသို့ စတင်ရွေ့လျားလာကြသည်။

Dark Net မှလူများသည် ၎င်းတို့၏ ထူးဆန်းသောအဝတ်အစားများဖြင့် ၎င်းတို့၏ ကိုယ်ပိုင်လက္ခဏာကို ချက်ချင်း သတိပြုမိသွားကြသည်။

ဂြိုဟ်သားတွေ!

သူတို့၏ နှလုံးသားတွင် ထိတ်လန့်မှုများ ပြည့်ကုန်၏။ လျှို့ဝှက်ဆန်းကြယ်သော ဂြိုဟ်သားများနှင့် ရင်ဆိုင်ရသောအခါတွင် လူတိုင်းသည် ယုံကြည်မှုကင်းမဲ့သွားကြသည်။ ဂြိုဟ်သားများသည် အသက်ပြန်ရှင်လာနိုင်သောကြောင့် သားရဲများထက် ပို၍အန္တရာယ်များသည်။ Black Phantom တည်ဆောက်ထားသော စက်ပစ္စည်းများကိုသာ မှီခိုပြီး လူတိုင်းကို အကာအကွယ်မပေးနိုင်ပေ။

ဟွမ်ယု အံ့သြသွားသည်။

“ဂြိုလ်သားတွေ ဘာလို့ဒီမှာစုနေတာလဲ။ မကြာသေးခင်ကပဲ အဖွဲ့အစည်းက မြေပြင်အနေအထားကို စုံစမ်းဖို့ လူတွေကို ‘ဂရေးမက်တယ် အပျက်အစီးနယ်မြေ’ကို စေလွှတ်ခဲ့သေးတယ်၊ ဒီနေရာမှာ မည်သူမှ မရှိပါဘူး။"

ဟန်ရှောင်း၏ မျက်လုံးထဲတွင်၊ ဤကစားသမားများ၏ ဦးခေါင်းအထက်တွင် အများအပြား စုစည်းနေသော ID များကြောင့် မူးဝေသလို ဖြစ်သွားစေသည်။ ထို့နောက် သူသည် အင်္ကျီထောင့်စွန်းကို လှန်လိုက်ပြီး စတိုင်ကျကျဖြင့် ကားထဲမှ ထွက်လာသည်။ သူသည် လူအုပ်ထဲမှ ထွက်သွားပြီး ယာဉ်တန်းရှေ့တွင် လက်နှစ်ဖက်နောက်ပစ်ကာ ရပ်လိုက်သည်။

အဖွဲ့နှစ်ခုကြားတွင် မတ်တပ်ရပ်နေသည့် သူ့ရပ်တည်မှုပုံစံသည် ကောင်းကင်ကို တည့်တည့်ညွှန်ပြသော လှံနှင့်တူသည်။ လေပြင်းတစ်ချက် တိုက်ခတ်လိုက်ချိန်တွင် အနက်ရောင် အလံတစ်ခုလို သူ့အင်္ကျီမှာ လေထဲတွင် ဝှေ့ယမ်းသွားသည်။ ခမ်းနားထည်ဝါပြီး စတိုင်ကျတဲ့ အသွင်အပြင်ကြောင့် အားလုံးရဲ့ မျက်လုံးတွေက သူ့ကို စူးစိုက်ကြည့်နေကြသည်။

နောက်ထပ်ဖြစ်လာသည်က Dark Net မှ လူများ အံ့အားသင့်သွားကြသည်။ ဟန်ရှောင်းကို တွေ့တာနဲ့ ဂြိုဟ်သားများ ရပ်တန့်သွား၏။

“Black Phantom၊ ငါတို့ မစ်ရှင်တွေလုပ်ဖို့ လာခဲ့တာ” သူ့ရှေ့တည့်တည့်မှ လူတစ်ယောက်က ပြောသည်။

“မင်း ခိုလှုံရေးစခန်းဆောက်နေတယ်လို့ ကြားတယ်။ ငါတို့ ကူညီပေးဖို့ ရှိပါတယ်” တစ်ဦးက ပြောသည်။

"အချိန်အကြာကြီး စောင့်ပြီး သတင်းအတုလို့ ထင်ခဲ့တာ" စိတ်သက်သာရာရနေသည့် ကစားသမားတစ်ဦးက မှတ်ချက်ပေး၏။

လက်နှစ်ဖက်ကို နောက်ပစ်ထားရင်း ဟန်ရှောင်းက ခေါင်းညိတ်ပြသည်။ “လူတိုင်းရဲ့အကူအညီအတွက် ငါကျေးဇူးတင်ပါတယ်။ ဒါတွေအားလုံးဟာ ပြည်သူကို အကျိုးပြုဖို့ပါပဲ။ ကျွန်တော်တို့ ယာဉ်တန်းက မြို့ထဲကို ဝင်တော့မယ်။ ကျေးဇူးပြု၍ လမ်းဖွင့်ပါ။ အခြေချပြီးရင် မြို့ရဲ့ တည်ဆောက်ရေး ပစ်မှတ်တွေကို ရေးဆွဲမယ်။ အဲဒီအခါမှာ အလုပ်အကိုင် အခွင့်အလမ်းတွေ အများကြီး ရလာလိမ့်မယ်။”

ကစားသမားတွေက သူ့အမိန့်ကို လိုက်နာပြီး လမ်းဖွင့်ပေးလိုက်ကြသည်။

Dark Net မှလူများသည် ပါးစပ်အဟောင်းသားနှင့်မျက်နှာများသည် အံ့အားသင့်မှုများဖြင့် ပြည့်နှက်နေသည်။

ဒီဂြိုဟ်သားတွေက Black Phantom ကို ကူညီဖို့ လာခဲ့တာဆိုတော့ Black Phantom ဟာ ဂြိုဟ်သားတွေကြားမှာ ဘယ်အချိန်ကတည်းက သြဇာလွှမ်းမိုးမှု ရှိခဲ့တာလဲ။

ဟွမ်ယု အံ့အားသင့်သွားသည်။ ဟန်ရှောင်းသည် ဂြိုဟ်သားများကို အမိန့်ပေးနိုင်သောကြောင့် တစ်လအတွင်း အခြေခံအပြင်အဆင်ကို အပြီးသတ်ဖို့ ယုံကြည်မှုရှိနေတာလား။

ရေပင်လယ်ဂြိုလ် အတွက်တော့ ဂြိုဟ်သားများ ပေါ်ပေါက်လာမှုသည် အလွန်ထူးဆန်းသော ဖြစ်စဉ်တစ်ခုဖြစ်သည်။ လူတိုင်းက သူတို့ကို သတိထားနေပြီး ဂြိုဟ်သားတွေနဲ့ ထိတွေ့ဆက်ဆံလာသူ အားလုံးသည် သတိထားပြီး အေးစက်စက် သဘောထားဖြင့်သာ ပြုလုပ်ကြတယ်။ ထို့ကြောင့် ဟွမ်ယုသည် သူတွေ့မြင်နေရသည်ကို မယုံနိုင်ပေ။

Black Phantom က ဘယ်လိုလုပ်တာလဲ။ ဂြိုဟ်သားတွေက ဘာကြောင့် သူ့ကို လေးစားတာလဲ။

ဒါကို မစ္စတာ Bennett ကို သတင်းပို့ရမယ်။

ကစားသမားများ ပါဝင်လာသဖြင့် အသင်းသည် အရွယ်အစား ကြီးမားလာပြီး ‘ဂရေးမက်တယ် အပျက်အစီးနယ်မြေ’ ထဲသို့ ဝင်သွားကြသည်။

ယာဉ်တန်းသည် နေရာတစ်ခုကို တွေ့ရှိပြီး ကော်နီဖျူရီသည် ချီတုံချတုံဖြင့် မေးလိုက်သည်။ “လူကြီးမင်း၊ ကျွန်တော်တို့ ယာယီနေထိုင်ရာနေရာကို ဦးစွာ သန့်ရှင်းရေးလုပ်ရန် လိုအပ်ပါသည်။ နောက်ကျနေပြီ၊ မိုးမလင်းခင် ပြီးအောင်လုပ်တာ အကောင်းဆုံးပါပဲ။ ကျွန်တော်တို့မှာ လူအင်အား များများစားစား မရှိတော့ အခုပဲ စတင်ပါတော့မယ်။”

"မင်း၊ ဂြိုဟ်သားတွေဆီကနေ အကူအညီတောင်းပါ။"

"ငါ?" ကော်နီဖျူရီသည် အနည်းငယ် ကြောက်ရွံ့သွားသည်။

"ငါဒီမှာ ရှိနေတယ်။ မင်းဘာကိုကြောက်နေတာလဲ" ဟန်ရှောင်းက သူ့ပခုံးကို ပုတ်လိုက်သည်။

ကော်နီဖျူရီမှာ ပြောစရာ မရှိပါပေ။ ရွေးချယ်စရာမရှိဘဲ ကားထဲမှထွက်ကာ ဟွန်းကိုထုတ်လိုက်သည်။ သူပြောချင်ရာကို ပြင်ဆင်ကာ “လူတိုင်း ခေတ္တစခန်းချလို့ရတဲ့ အနီးနားက ဘေးကင်းတဲ့နေရာကို ရှင်းပစ်ဖို့ လူတချို့ လိုအပ်နေပါတယ်။ မင်းတို့အားလုံး ဒီကိုလာပြီး ကူညီကြတာဆိုတော့ ငါ မင်းတို့ကိုပဲ ဒုက္ခပေးရတော့မယ်။"

ဤစကားများသည် မစ်ရှင်များကို ချက်ချင်း အစပျိုးစေသည်၊ ကစားသမားတိုင်းက လက်ခံကြ၏။ သူတို့သည် စက္ကန့်ပိုင်းအတွင်း ကွဲထွက်သွားပြီး ချက်ချင်း အလုပ်စလုပ်ကြတော့သည်။

ပတ်ဝန်းကျင်သည် လျှပ်တစ်ပြက်အတွင်း ဆောက်လုပ်ရေးလုပ်ငန်းခွင်တစ်ခုဖြစ်လာခဲ့သည်။ ဧရိယာသန့်ရှင်းရေးနှင့် သားရဲများ နှင်ထုတ်ခြင်းတို့ကို စတင်လိုက်ကြသည်။

ကော်နီဖျူရီ၏ မျက်နှာသည် အံ့သြစရာများဖြင့် ပြည့်နှက်နေပြီး ဤဂြိုဟ်သားများက သူ့ကို ဤမျှလောက်မျက်နှာပေးမည်ဟု မမျှော်လင့်ထားပေ။

သူက လှည့်ကြည့်လိုက်ပြီး ဟန်ရှောင်းကို ကြည့်သည်။ ဂြိုဟ်သားတွေက မျက်နှာပေးတဲ့သူက သူ့ကိုမဟုတ်ဘဲ သူ့ရဲ့ လျှို့ဝှက်ဆန်းကြယ်တဲ့သူဌေးဆိုတာ သူသိနေ၏။

…

ကစားသမားများ၏ အကူအညီဖြင့် ညနေပိုင်းတွင် ဘေးကင်းသောနေရာကို ဖယ်ရှားရှင်းလင်းနိုင်ခဲ့၏။ ၎င်းသည် စခန်းချရန်အတွက် သဘာဝအတိုင်း သင့်လျော်သော အားကစားကွင်းတစ်ခုဖြစ်ပြီး ပတ်ဝန်းကျင်ရှိ အန္တရာယ်ရှိသော အင်းဆက်များနှင့် သားရဲများအားလုံးကို ကစားသမားများက မောင်းထုတ်ခဲ့သည်။

Dark Net ၏ လူများသည် ဟန်ရှောင်းထံမှ ခွင့်ပြုချက်ရရှိခဲ့ပြီး စောင့်ကြပ်ခြင်းအတွက် အားကစားကွင်းတစ်ဝိုက်တွင် ဘက်ထရီအသေးများကို ထားရှိလိုက်၏။ ထိုအရာက ကစားသမားများစွာ၏ စူးစမ်းလိုစိတ်ကို ဆွဲဆောင်နိုင်ခဲ့သည်။

စခန်းများကို အတားအဆီးများအဖြစ် မော်တော်ကားများဖြင့် အကာအကွယ်ပေးထားပြီး ကျန်နေရာများတွင် ကစားသမားများ အနားယူနေကြသည်။ ကွင်းအတွင်း၌ လူများဖြင့် ပြည့်နေသည်။ ထောင်နှင့်ချီသော ကစားသမားအချင်းချင်း စကားစမြည်ပြောကြသည်။ အများစုမှာ တစ်ယောက်နှင့်တစ်ယောက် သိနေကြပြီး အချို့က စတိုးဆိုင်တစ်ခုပင် စတင်ခဲ့ကြသည်။ ဤစွန့်ပစ်ထားသောမြို့ကြီး၏ လေထုထဲတွင် စိတ်ပျက်အားငယ်မှုများကို သက်ဝင်လှုပ်ရှားမှုများက အစားထိုးလာ၏။

ဆယ်စုနှစ်များစွာ တိတ်ဆိတ်နေသည့် ဤအပျက်အစီးများတွင် အသံတစ်ခု ထပ်မံထွက်ပေါ်လာသည်။

"ဒဏ္ဍ--ဒဏ္ဍာရီ!"

ဝက်ဝံလေးက သူ့ဆီလျှောက်လာစဉ် သူ့ကို တစ်ယောက်ယောက်က လှမ်းခေါ်သည့်အသံကို ဟောက်ထျန်းကြားလိုက်ရသည်။ သူပြန်ကြည့်လိုက်တော့ ကောင်းကင်ကျောက်စိမ်းနှင့် ကောင်းကင်နယ်မြေအသင်းအဖွဲ့ရဲ့ ပင်မအဖွဲ့ဝင်အနည်းငယ်က သူ့နောက်မှာ စိတ်လှုပ်ရှားစွာနဲ့ သူ့ကိုကြည့်နေကြသည်။

ဟောက်ထျန်းက ခေါင်းညိတ်လိုက်သည်။ သူက သူတို့ကိုကြည့်ကာ “မင်းတို့ရဲ့ ကြိုးစားအားထုတ်မှုအတွက် ကျေးဇူးတင်ပါတယ်”

"ဒါက ငါတို့ လုပ်သင့်တာပါ။" ကောင်းကင်ကျောက်စိမ်းသည် စိတ်လှုပ်ရှားမှုများဖြင့် ပြည့်နေသည်။ ကောင်းကင်နယ်မြေအသင်းအဖွဲ့သည် Long Sky club ‘ရှည်လျားကောင်းကင်ကလပ်’အောက်တွင်ရှိပြီး ဟောက်ထျန်းသည် ‘ရှည်လျားကောင်းကင်ကလပ်’၏ မဏ္ဍိုင်ဖြစ်သောကြောင့် ၎င်းတို့သည် လုပ်ဖော်ကိုင်ဖက်များဖြစ်ကြပြီး တစ်ယောက်နှင့်တစ်ယောက် သိကြသည်။

ကလပ်အဖွဲ့အစည်းသည် ပရော်ဖက်ရှင်နယ်ကစားသမားများအား ကလပ်၏ မျက်နှာစာဖြစ်သောကြောင့် ၎င်းတို့အား အကူအညီပေးခဲ့ရသည်။ ဟောက်ထျန်းရဲ့ ရာထူးသည် ပို၍ပင် မြင့်မားသေး၏။ သူသည် အဖွဲ့ဝင်များ၏ အိုင်ဒေါ တစ်ယောက်လည်း ဖြစ်သည်။

ကောင်းကင်ကျောက်စိမ်းက လူတွေကို မဆိုင်းမတွဘဲ ခိုလှုံရေးစခန်းကို ခေါ်ဆောင်လာရတဲ့ အရေးကြီးတဲ့ အကြောင်းအရင်းမှာ ဟောက်ထျန်းသည် Black Phantom နဲ့ အတူရှိနေတာကို သူသိပြီး သူ့ကိုအကူအညီပေးဖို့ အလျင်အမြန် အပြေးလာခဲ့ခြင်း ဖြစ်သည်။

ခိုလှုံရေးစခန်းသို့ ရောက်ရှိလာသော ကစားသမားများထဲတွင် ‘ကောင်းကင်နယ်မြေ’သည် တစ်ခုတည်းသော ကြီးမားသော အသင်းအဖွဲ့ဖြစ်သည်။ အခြားအများစုမှာ ပေါ့ပေါ့ပါးပါး ကစားသူများဖြစ်သည်။ Bun-hit-dog သည် ချက်ချင်းကို မှတ်မိသွားကြသည်။ ယခုအချိန်တွင် ရေပန်းအစားဆုံး ဗီဒီယိုအစီအစဉ်တင်ဆက်သူအဖြစ်၊ သူ့တွင် ပရိသတ်များစွာရှိပြီး ၎င်းတို့သည် အလွန် 'စိတ်အားထက်သန်သူများ' ဖြစ်သည်။

"ခွေးစာရေးဆရာ၊ ပြေးတာရပ်လိုက်!"

"မင်းခေါင်းကို လှမ်းကြည့်လိုက်၊ ငါမင်းကို အထူးတစ်ခုပြမယ်!"

“အာဖရိကန်တွေရဲ့ ဒေါသကို မြည်းစမ်းကြည့်လိုက်ပါ။”

"အပ်ဒိတ်မဖြစ်သေးဘူးလား၊ မင်းခြေထောက်ကို ချိုးပစ်လိုက်မယ်!"

အမုန်းတရားများဖြင့် ပြည့်နှက်နေသော ပရိသတ်တစ်စုသည် Bun-hit-dog-dog အော်ဟစ်ပြီး လိုက်လာကြသည်။ အခြားကစားသမားတွေက သူတို့ကို လမ်းကြောင်းပေးခဲ့ပြီး ဘေးနှစ်ဖက်ကနေ စပ်စုနေကြ၏။ အဆာပြေမုန့် ရောင်းတဲ့သူတွေတောင် ရှိသေးသည်။ ကျယ်လောင်သော ဆူပူမှုများနှင့် “သူ့ကိုသတ်ပစ်!” ဟူသော စကားများစွာကို ကြားနေရသည်။ ရယ်မောသံများကိုလည်း အကြိမ်ပေါင်းများစွာ ကြားနိုင်သည်။

Bun-hit-dog ဟာ သူပြေးနေချိန်မှာတောင် မှတ်တမ်းတင်ဖို့ မမေ့ခဲ့ပေ။ သူက ကင်မရာမှန်ဘီလူးကို လှမ်းအော်ပြီး “ဒီအစည်းအဝေးက အရမ်းကောင်းပါတယ်။ ပရိသတ်တွေက အရမ်းသဘောကျတယ်။

“သူတို့ပြောတာကို မင်းသိတယ်၊ ရိုက်နှက်တာက ရင်းနှီးမှုကို ကိုယ်စားပြုပြီး ဆူပူကြိမ်းမောင်းတာက အချစ်ကို ကိုယ်စားပြုတယ်။ စိတ်ထဲမှာ တကယ်ကို ကြည်နူးမိပါတယ်။

"လာပါဦး၊ မင်းအဖေအတွက် ကင်မရာကို ပြုံးပြစမ်းပါ"

Bun-hit-dog သည် သူ့နောက်လိုက်နေသည့် ကစားသမားများကို မှတ်တမ်းတင်ရန် မှန်ဘီလူးများကို လှည့်ကာ 'သေခြင်းဟူသည် ဘာလဲမသိ' ဟူသော စကားစုကို လိုက်နာသည်။ ဤသည်မှာ ဗီဒီယိုရိုက်ကူးသူများကြားတွင် လူသိများသော ယဉ်ကျေးမှုတစ်ခုဖြစ်သည်။ သူတို့သာ ပြဿနာကိုကြောက်ပါက သာမန်ကစားသမားများ သက်သေမပြနိုင်သည့်အချိန်များကို မည်ကဲ့သို့ ဖမ်းယူနိုင်မည်နည်း။

"ငါ့ပုဆိန်ကိုစား!"

ဟူး—

ပုဆိန်တစ်ချောင်းက သူ့ဦးခေါင်းကို ကျော်ပြီး ဦးရေပြားကို ပွတ်တိုက်သွားတယ်။

Bun-hit-dog သည် ကြောက်လန့်တကြား ခေါင်းလေးပုဝင်သွားပြီး နောက်ပြန်မလှည့်ဘဲ ချက်ချင်းဆိုသလို လွတ်မြောက်သွားသည်။ သူ့ကို လိုက်ဖမ်းသည် ကစားသမားများ အားလုံးမှာ မောဟိုက်လာကြ၏။

"ဘာကြီးလဲ၊ သူက ဘယ်လို မြန်မြန်ပြေးတာလဲ။ ငါ့ရဲ့ခံနိုင်ရည်က ကုန်လုနီးပါးပဲ။”

“သူက Black Phantom နောက်ကို လိုက်ခဲ့တာ‌ပဲလေ။ သူ့အဆင့်က ငါတို့အားလုံးထက် မြင့်တယ်။”

"အား၊ သေစမ်း ဥရောပသား။"

စခန်းအပြင်ဘက်ရှိ ကစားသမားများသည် ပျော်ရွှင်နေကြသော်လည်း ဓါးရူးသည် အလွန်အရေးကြီးပြီး လေးနက်သောဆုံးဖြတ်ချက်ကို ရင်ဆိုင်နေရသည်။

သူသည် သူ၏အတန်းအစားကို အောင်မြင်စွာ အဆင့်မြှင့်တင်ခဲ့ပြီးနောက် လမ်းကြောင်းသုံးခုဖြစ်သည့် အမြောက်မာစတာ၊ နည်းပညာရှင်နှင့် ‘တိုက်ခိုက်ရေးယန္တရားပညာရှင်’ (Mechanical Pugilist)တို့ ပေါ်ထွက်လာသည်။

ဟန်ရှောင်းပြသခဲ့သည့် ယန္တရားပညာရှင်၏ စွမ်းအားသည် အလွန်ပြင်းထန်သော်လည်း ဓါးရူးသည် ‘တိုက်ခိုက်ရေးယန္တရားပညာရှင်’ကို ပုဂ္ဂိုလ်ရေးအရ ပိုစိတ်ဝင်စားသည်။ ယန္တရားပညာရှင်လမ်းကြောင်းသည် သူ့အတွက် မသင့်တော်ကြောင်း သူ၏ ပင်ကိုယ်သိစိတ်က ပြောနေ၏။

ဟန်ရှောင်းသည် ယခင်ကလည်း သူ့ကို အကြံပြုချက်တစ်ခု ပေးခဲ့ဖူးပြီး အနီးကပ် တိုက်ခိုက်ရေးတွင် အလားအလာ ပိုရှိသည်ဟု ဆိုခဲ့ဖူးသည်။ ၎င်းသည် ‘တိုက်ခိုက်ရေးယန္တရားပညာရှင်’ လမ်းကြောင်းသည် သူ့အတွက် ပိုသင့်လျော်ကြောင်း အရိပ်အမြွက် ပြောပြနေ၏။

ဤအဓိကအကောင့်သည် ပရိုလိဂ်များကို ချိတ်ဆက်မည့်တစ်ခုဖြစ်သောကြောင့် သူရွေးချယ်မှုမှားယွင်းပါက အခြားအကောင့်တစ်ခုကို ဖန်တီးသည့်အခါ အားနည်းချက်မှာ အလွန်ကြီးမားလိမ့်မည်။ ထို့ကြောင့် ဤဆုံးဖြတ်ချက်သည် အလွန်အရေးကြီး၏။

ဓါးရူးက ဆုံးဖြတ်ချက်မချနိုင်ဘဲ နောက်ဆုံးတွင်တော့ ခေါင်းပန်းလှန်ဖို့ ဆုံးဖြတ်လိုက်သည်...

'ဒင်္ဂါးပြားကို ပစ်လိုက်သည်နဲ့ အဖြေက နှလုံးသားထဲမှာ ပေါ်လာလိမ့်မည်' လို့ ပြောကြသည်။

ကစားသမားများအား ယာဉ်တန်း၏ စခန်းအတွင်းသို့ ဝင်ရောက်ခွင့်မပြုသောကြောင့် ကစားသမားများသည် စခန်းအနီးတွင် ပွဲတစ်ခုပြုလုပ်ကာ Black Phantom ထွက်လာပြီး မစ်ရှင်များပေးမည်ကို စောင့်ဆိုင်းနေကြသည်။

သေးသွယ်သိမ်မွေ့သော အမျိုးသမီးကစားသမားသည် သူ့ထက်ကြီးသော ကျောပိုးအိတ်ကိုလွယ်ကာ ပွဲအတွင်း လျှောက်သွားနေသည်။ သူမသည် စူးစမ်းလိုစိတ်ဖြင့် ဘယ်ညာကို လိုက်ကြည့်နေ၏။

ပွဲတော်ကိုဖြတ်ပြီး Maple Moon သည် စခန်းအပြင်ဘက်တွင် ရပ်သွား၏။ အသက်ပြင်းပြင်းရှူရင်း လက်ထဲက ဖုန်းကို တင်းတင်းကြပ်ကြပ် ဆုပ်ကိုင်လိုက်သည်။

"နောက်ဆုံး‌တော့၊ အဆင့် ၂၀ ရောက်ပြီ။"

စိတ်လှုပ်ရှားမှုနှင့် ကြိုတင်မျှော်လင့်ထားသည့် အရိပ်အမြွက်များသည် သူမ၏ တက်ကြွပြီး ချစ်စရာကောင်းသော မျက်နှာပေါ်တွင် ပေါ်လာ၏။