လမ်းကြောင်းငှားရမ်းခြင်း

Grade အဆင့်အတန်း C စူပါလူသားသည် ရေပင်လယ်ဂြိုလ်၏ အထွတ်အထိပ်တွင် ရှိနေသည်။ ၎င်းတို့သည် ပိုမိုပြင်းထန်သောခုခံနိုင်စွမ်းနှင့် အဖျက်စွမ်းအားများရှိပြီး ၎င်းတို့ကို စကြာဝဠာရှိ 'Basic Planet Explorer Standard' ‘အခြေခံ ဂြိုလ်များစူးစမ်းရှာဖွေသူ အဆင့်အတန်း’ အဖြစ် သတ်မှတ်ခံရသည်။

အဆင့် ၆၀ ရရှိခြင်းသည် C အဆင့်အတန်းကိုရမည်ဟု အာမခံမည်မဟုတ်ပေ။ စွမ်းရည်များ၊ အရည်အချင်းများနှင့် ပင်ကိုယ်အရည်အသွေးများကို ထည့်သွင်းစဉ်းစားသည်။ ရေပင်လယ်ဂြိုလ်တွင် အဆင့် ၆၀ ရှိသူအများစုမှာ D+ အဆင့်သာရှိကြသည်။ Bennett ကဲ့သို့သော သူများသည်သာ အဆင့်အတန်း C တွင် ရှိသည်။ ရေပင်လယ်ဂြိုလ်တစ်ခုလုံးတွင် အဆင့်အတန်း C စူပါလူသား အယောက်နှစ်ဆယ်ခန့်သာ ရှိကြသည်။

ယခု ဟန်ရှောင်းသည် ထိပ်တန်းတွင် ရပ်တည်နေပြီဖြစ်သည်။

သူက ပိုပြီးယုံကြည်မှုရှိလာသည်။

သူသည် စစ်မြေပြင်သို့ သွားရန် ဆုံးဖြတ်ထားသောကြောင့် ၎င်းအတွက် ကြိုတင်ပြင်ဆင်ထားရသည်။

သူ့အတန်းကို [သံလိုက်စက်ကွင်း ယန္တရားပညာရှင်] သို့ မြှင့်တင်ပြီးနောက်၊ သူ၏ စက်ပိုင်းဆိုင်ရာ ကျွမ်းကျင်မှုမှာ နောက်အဆင့်သို့ တိုးတက်လာသည်။ ဟန်ရှောင်းသည် ရက်အနည်းငယ်ကြာအောင် သူ့စက်ပစ္စည်းများကို တစ်ဖန်ပြန်လည်မြှင့်တင်ကာ အသုံးပြုနိုင်မည့် စက်ပစ္စည်းအသစ်များကို တည်ဆောက်နေသည်။

သို့သော်၊ ဂျာမီနယ်အဖွဲ့အစည်းသည် ဆိုးရွားသောအခြေအနေတွင်ရှိနေပြီး၊ အော်ရိုရာကို အချိန်မရွေး ဆေးဝါးအဖြစ်သို့ ပြောင်းလဲသွားစေနိုင်သောကြောင့် သူသည် အချိန်အကြာကြီး မနှောင့်နှေးခဲ့ပေ။ သူ့ကို တတ်နိုင်သမျှ အမြန်ဆုံး ကယ်တင်ရမည်။

သူပြင်ဆင်မှုပြီးသွားသောအခါ ဟန်ရှောင်းက ဟွမ်ယုကို ညနေစောင်းမှာ ဖုန်းဆက်ပြီး "ကျွန်တော် တစ်လခွဲလောက် ထွက်သွားရဦးမယ်။ ဤအချိန်အတောအတွင်း သန့်ရှင်းရာဌာမှာ အမှုကိစ္စများကို ကူညီစောင့်ရှောက်ပေးရလိမ့်မယ်။”

ငါက အဲဒါကို လုပ်တဲ့တာပဲလေ… ဟွမ်ယုက သူပြောချင်သည့် ထိုစကားကို မပြောခဲ့ပေ။ အဲဒီအစား “လူကြီးမင်း၊ ဘယ်သွားမလို့လဲ”

“မမေးသင့်တာတွေကို မမေးနဲ့။” ဟန်ရှောင်းက သူ့ပစ္စည်းအိတ်ကို ထမ်းပြီး “သန့်ရှင်းရာဌာန တည်ဆောက်မှုဟာ လမ်းကြောင်းမှန်ပေါ် ရောက်နေပြီ။ ထိုနည်းအတိုင်း ဆက်ရှိနေဖို့ သေချာပါစေ၊ ဒါမှမဟုတ်ရင် အကျိုးဆက်တွေကို သိတယ်မဟုတ်လား။

ဟွမ်ယု အလျင်စလို ခေါင်းညိတ်လိုက်သည်။

ဟန်ရှောင်းသည် အခန်းထဲက ထွက်လာပြီး စောင့်ဆိုင်းနေသော ရဟတ်ယာဉ်ဆီသို့ လျှောက်လာသည်။

လမ်းခရီးတွင် ခိုလှုံရေးစခန်း၏ လက်ရှိအခြေအနေကို ကြည့်ရှုခဲ့သည်။ ကစားသမားများ အများကြီးရှိနေသည်၊ အလွန်အသက်ဝင်လှ၏။ ဆောက်လုပ်ရေးလုပ်ငန်းမှလွဲ၍ အသစ်ဝင်ရောက်လာသော လှည့်လည်နေထိုင်သူများသည် ရိုးရှင်းသောအလုပ်များကို လုပ်ဆောင်ရန် ကစားသမားများကို ငှားရမ်းခဲ့သည်။ သူစိတ်ကူးယဉ်ထားသော ကစားသမားများ၏ ပင်မမြို့ရဲ့ အကြမ်းဖျဉ်းကောက်ကြောင်းကို မြင်တွေ့နေရသည်။

ဟန်ရှောင်းသည် ဤကယ်ဆယ်ရေးလုပ်ငန်းအတွက်သာ လှုပ်ရှားရန် စီစဉ်ထားသည်။

နိုင်ငံ၆နိုင်ငံသည် အန်ဒရီရာစစ်မြေပြင်ကို ပိတ်ဆို့ထားသည်။ တတိယအဖွဲ့အစည်းအဖြစ် ချဉ်းကပ်လာပါက ရန်သူအဖြစ် သတ်မှတ်ပြီး တိုက်ခိုက်ခံရမည်ဖြစ်သည်။ စစ်မြေပြင်သို့ ချဉ်းကပ်ရန်မှာ မလွယ်ကူသဖြင့် ဟန်ရှောင်းသည် ယခင်ကကဲ့သို့ လေယာဉ်စီးပြီး အနီးကပ် မသွားနိုင်ဘဲ၊ စစ်မြေပြင်သို့ ဝင်ရောက်ရန် တရားဝင် လုပ်ထုံးလုပ်နည်းများ ဖြတ်သန်းခဲ့ရသည်။

…

တောင်ပိုင်းတိုက်ကြီး၏ ကမ်းရိုးတန်းတွင် ကြယ်နဂါးနိုင်ငံ Stone Port စခန်းရှိသည်။ ကြီးမားသော ကုန်တင်လေယာဉ်သုံးစင်းမှာ မထွက်ခွာမီ စစ်ဆေးခံနေသည်။ သူတို့သည် အရေးကြီးသော အရင်းအမြစ်များကို ပင်လယ်ပြင်ပေါ်တွင် သယ်ဆောင်ရန် တာဝန်ရှိသည်။ လေယာဉ်ဘေးနားက ရင်ပြင်ငယ်လေးတွင် ဝတ်စားဆင်ယင်မှုမျိုးစုံနဲ့ ရာနဲ့ချီသောလူများသည် မတ်တပ်ရပ် သို့မဟုတ် ထိုင်နေကြသည်။ သူတို့သည် ကြယ်နဂါးနိုင်ငံ စစ်ဝတ်စုံကို မ၀တ်ထားသော်လည်း 'သူတို့ကို သွားမရှုပ်သင့်ဘူး' ဟူသော တူညီသော ရောင်ဝါကို မျှဝေထားကြသည်။ သူတို့သည် ကွဲပြားသော အုပ်စုများဖြင့် ရပ်ကာ တစ်ယောက်ကို တစ်ယောက် အကဲခတ်နေကြသည်။

ဤလူများသည် မတူညီသော အဖွဲ့အစည်းတွေရဲ့ ကြေးစားများဖြစ်သည်။ ကြေးစားစစ်သားများသည် ဤကဲ့သို့သော ကြီးမားသောစစ်ပွဲများတွင် ရှားပါးသည်မဟုတ်ပေ၊ နိုင်ငံ၆နိုင်ငံသည် ၎င်းတို့ကို ငှားရမ်းရာတွင် ပြဿနာတစ်စုံတစ်ရာမရှိပေ။

ကြေးစားသမားများသည် သွေးနံ့ကို ရှာဖွေသည့် ခွေးများနှင့်တူကာ စစ်ပွဲများတွင် ပါဝင်ပြီး သူတို့အတွက် ဓနဥစ္စာ ရှာဖွေလေ့ရှိကြသည်။

ဆိုရိုးစကားအတိုင်း လူများသည် အကျိုးအမြတ်ဖြင့် စုစည်းပြီး အကျိုးအမြတ်ဖြင့် ခွဲခြားသည်။

သွေးပဋိညာဉ်အဖွဲ့တွင်ရှိသော စာချုပ်လူသတ်သမားတချို့တောင် အဲဒီထဲက တစ်စိတ်တစ်ပိုင်း ဖြစ်ချင်ကြ၏။ စာချုပ်လူလူသတ်သမား အများစုသည် Dark Net နှင့် ဆက်စပ်နေသည်။ ၎င်းတို့သည် နည်းပညာအရ လက်အောက်ခံများမဟုတ်သလို Dark Net ၏ ကွပ်ကဲမှုအောက်တွင် မရှိခဲ့ကြပေ။

ကြေးစားစစ်သားများကြားတွင် စူပါလူသား များစွာရှိသည်။ သူတို့သည် နိုင်ငံ၆နိုင်ငံက လိုအပ်သော စွမ်းအားများဖြစ်သည်။ စူပါလူသားတွေ အရမ်းများတယ်ဆိုတာ မရှိပေ။ စစ်ပွဲတွင် ဦးဆောင်နေသည့် ပါတီသည် တစ်ကမ္ဘာလုံးမှ အကူအညီကို ရရှိမည်ဖြစ်ပြီး၊ ဤအကူအညီကို ထိထိရောက်ရောက် အသုံးပြုခြင်းဖြင့် တစ်ဦး၏ အားသာချက်များကို ပိုမိုချဲ့ထွင်နိုင်မည်ဖြစ်သည်။ နိုင်ငံ၆နိုင်ငံနှင့် ဂျာမီနယ်အဖွဲ့အစည်းတို့ကြား မြေပြင်တိုက်ပွဲအခြေအနေမှာ တင်းမာနေသည်။ ဂျာမီနယ်အဖွဲ့အစည်းမှ ထုတ်လုပ်ခဲ့သော စူပါစစ်သည် အများအပြားသည် နိုင်ငံ၆နိုင်ငံ၏ မြေပြင်တပ်များကို ဒုက္ခရောက်စေခဲ့သည်၊ ထို့ကြောင့် ယခုအချိန်သည် လူအင်အား ပိုမိုလိုအပ်နေချိန်ဖြစ်သည်။

အန်ဒရီရာတစ်လျှောက်တွင် ထောင်ပေါင်းများစွာသော အတိုင်းအတာအမျိုးမျိုးရှိသည့် စစ်မြေပြင်များ ရှိနေသည်။ ကြေးစားစစ်သားများ အသုံးအ၀င်ဆုံးနေရာများသည် သေးငယ်သောတိုက်ပွဲများတွင်သာမက ဗျူဟာမြောက်မစ်ရှင်များဆောင်ရွက်ရာတွင်လည်းဖြစ်သည်။ အရည်အသွေးက အရေအတွက်ထက် ပိုအရေးကြီး၏။

ဤစစ်သားများသည် ကုန်တင်လေယာဉ်ဖြင့် အန်ဒရီရာဆီသို့ သွားကြသည်။ လောလောဆယ်တွင် သူတို့ အချင်းချင်း စကားစမြည် ပြောနေကြ၏။ အများစုမှာ စည်းကမ်းမဲ့ပြီး ရိုင်းစိုင်းကြမ်းတမ်းသော ယောက်ျားများဖြစ်သည်။ အစောင့်အကြပ်နေရာများတွင် ရပ်နေသော ကြယ်နဂါးနိုင်ငံ စစ်သားများသည် ဤအပြုအမူကြောင့် စိတ်အနှောင့်အယှက် ဖြစ်နေသော်လည်း အထက်မှ အမိန့်အတိုင်း ထိုကြေးစားများကို ဆူပူကြိမ်းမောင်းခြင်း မပြုလုပ်နိုင်ပေ။

ဆူညံသောပတ်ဝန်းကျင်တွင် ချင်ယွမ်သည် သူ့လက်နှစ်ဖက်ကိုပိုက်ကာ ပတ်ဝန်းကျင်ကို ကြည့်လိုက်သည်။

The Blades, Goats, and Ice Sculpture ကြေးစားအဖွဲ့တွေ… ကျစ် ကျစ်၊ စစ်ပွဲအတွင်း ကြွယ်ဝချမ်းသာချင်တဲ့ လူတွေအများကြီး ရောက်လာပုံပဲ။ လူသတ်သမားတွေတောင် ဒီနေရာမှာရှိနေတယ်၊ ဒီနေရာမှာ အကျော်ကြားဆုံးလူတွေက Wasps မှ ခရိုဝဲနဲ့ သွေးပဋိညာဉ်အဖွဲ့မှ Ghost အဆင့် လူသတ်သမား 'ပြန့်ကျဲအရိပ်'၊ ချင်ယွမ်က လှောင်ပြောင်တွေးတောနေသည်။

ချင်ယွမ်သည် သေးငယ်ပြီး ကျော်ကြားသော ကြေးစားတစ်ဦးဖြစ်သည်။ သူ၏ ကြေးစားအဖွဲ့ကလည်း တခြားအဖွဲ့အစည်းတွေထဲတွင် ထိပ်ဆုံးကပါဝင်၏။ သူသည် အာရုံစိုက်မှုများစွာရရှိခဲ့ပြီး ခရိုဝဲနှင့် ပြန့်ကျဲအရိပ်အပါအဝင် အခြားသူအချို့လည်း အလားတူ ဂရုစိုက်မှုကို ခံယူခဲ့ကြသည်။ ဤလူသတ်သမားနှစ်ဦးသည် သူတို့၏ တိုက်ပွဲရလဒ်များနှင့်လည်း သက်သေပြခဲ့သည်။

Wasps အဖွဲ့နှင့် သွေးပဋိညာဉ်အဖွဲ့တို့သည် ပြိုင်ဖက်များနှင့် ရန်သူများဖြစ်ကြောင်း ဤနယ်ပယ်ရှိလူတိုင်း သိကြသည်။ ထို့ကြောင့် ဤလူသတ်သမားနှစ်ဦးသည် အာရုံစိုက်မှုကို အများဆုံးရရှိခဲ့သည်။ ကြေးစားစစ်သား အများအပြားက ၎င်းတို့ကို ပြသသည့် ဖျော်ဖြေပွဲကို ကြည့်ရှုချင်သော်လည်း သူတို့သည် ထောင့်စွန်းတွင် ရပ်နေပြီး ယခုအချိန်တွင် ပဋိပက္ခ တစ်စုံတစ်ရာ မရှိပေ။

ခရိုဝဲသည် နာမည်ပိုကြီးသောကြောင့် ပြန့်ကျဲအရိပ်သည် ရံဖန်ရံခါတွင် ခရိုဝဲကို သူ့မျက်လုံးထဲတွင် အကဲခတ်ရင်း စိုးရိမ်နေသည်။ သတိထားပြီးနေရင်း၊ ပြန့်ကျဲအရိပ်သည် ခရိုဝဲကို သတိထားနေ၏။

နှိုင်းယှဉ်ကြည့်လျှင် ခရိုဝဲသည် အလွန်ပေါ့ပေါ့ပါးပါးနှင့် သက်တောင့်သက်သာရှိပုံရသည်။ မျက်လုံးကိုမှိတ်ထားပြီး အေးအေးဆေးဆေး အနားယူကာ အလွန်ယုံကြည်မှု ရှိပုံပေါ်၏။ သူသည် ပြန့်ကျဲအရိပ်ကို လျစ်လျူရှုပြီး အရာအားလုံးထက် သာသည်ဟု ခံစားမိသည်။

ချင်ယွမ်သည် ခရိုဝဲကို စိတ်ဝင်တစား အကဲခတ်နေသည်။ ရုတ်တရက်၊ အဝေးက ကြယ်နဂါးနိုင်ငံစစ်သားများသည် လမ်းကြောင်းခွဲပြီး လူတစ်ယောက်ကို ဝင်ခွင့်ပြုတာ သူတွေ့လိုက်၏။

နောက်ထပ်လူသစ်။ ချင်ယွမ်သည် လှမ်းကြည့်လိုက်သည်၊ သူ၏ လှောင်ရိပ်သမ်းနေသော မျက်လုံးများ အေးခဲသွားပြီး အလွန်လျင်မြန်စွာ ထိတ်လန့်သွားသည်။ သူ့ပါးစပ်က ဟလာပြီး ခဏတာ စကားမပြောနိုင် ဖြစ်သွား၏။

တခြားသူတွေကလည်း လိုက်ကြည့်ကြတယ်။ မကြာသေးမီက ဆူဆူညံညံဖြစ်ခဲ့သည့် နေရာသည် ရုတ်တရက် တိတ်ဆိတ်သွားသည်။ လူတိုင်း၏ မျက်နှာတွင် ထိတ်လန့်တုန်လှုပ်မှုများ ပေါ်လာ၏။

အနက်ရောင်အဝတ်အစား ဝတ်ထားသည့် အမျိုးသားတစ်ဦးသည် ဖြည်းညှင်းစွာချဉ်းကပ်လာပြီး အဖွဲ့၏အနားတွင် ရပ်သွားကာ ကြည့်ရှုသူတိုင်းကို အကြည့်လွှဲသွားစေသည်။ မကြာမီ လူအုပ်ကြားတွင် ထိတ်လန့်တုန်လှုပ်ဖွယ်ရာ စကားများ ပျံ့နှံ့လာ၏။

"သူ့လိုလူက ဘာလို့ဒီမှာ ရောက်နေတာလဲ"

"Black Phantom က Dark Net ကို ကိုယ်စားပြုတယ်လို့ ဆိုနိုင်တယ်၊ Dark Net က ကြားနေ မဟုတ်တော့ဘူးလား?"

ဟန်ရှောင်းက ဘာမှမပြောဘဲ ငြိမ်ငြိမ်လေး ရပ်နေလိုက်သည်။

Black Phantom သည် Dark Net ၏ ဒဏ္ဍာရီဖြစ်သည်။ ဤအဆင့်မှ တစ်စုံတစ်ယောက်သည် သူတို့နှင့် အတူလှုပ်ရှားမည်ဟု မထင်ထားသောကြောင့် သူသည် ချက်ချင်းပင် အာရုံစူးစိုက်မှု ဗဟိုချက် ဖြစ်လာတော့သည်။

သူတို့သည် လုံးဝကွဲပြားသည် အဆင့်တွေမှာ ရှိနေ၏။ ထိုနေရာ၌ ရပ်နေရုံဖြင့် ဟန်ရှောင်းသည် ထိုကြေးစားများကို ကြောက်လန့်တကြား ပါးစပ်ပိတ်သွားစေသည်။ ဘေးက ကြယ်နဂါးနိုင်ငံစစ်သားတွေက ဒါကိုမြင်တော့ အံ့သြပြီး ကျေနပ်သွားကြသည်။ နောက်ဆုံးတော့ သူတို့မျက်လုံးတွေကို အနားပေးလို့ရသွား၏။ မကြာသေးမီက တရားမဲ့ဖြစ်ခဲ့သည့် အဆိုပါ ကြေးစားများကို ကြည့်ရှုနေခဲ့ကြရသည်။

ကိုယ့်ကိုကိုယ် ဒီလောက် အထင်ကြီးနေဖို့ ဘယ်သူကပြောလဲ၊ နောက်ဆုံးတော့ မင်းတို့ရဲ့သင်ခန်းစာကို ရပြီမဟုတ်လား။

ချင်ယွမ် ရုတ်တရက် တစ်စုံတစ်ခုကို သတိထားမိလိုက်သည်။ သူသည် ပြန့်ကျဲအရိပ်ကို မသိစိတ်ဖြင့် ကြည့်လိုက်မိသည်။ တခြားသူတွေလည်း သတိပြုမိပြီး လိုက်ကြည့်နေကြ၏။

သွေးပဋိညာဉ်အဖွဲ့သည် Dark Net ၏ အဖွဲ့ဝင်တစ်ခုလည်း ဖြစ်သည်။

ပြန့်ကျဲအရိပ်သည် ဤအဖွဲ့အစည်းတစ်ခုတည်းမှ ဒဏ္ဍာရီတစ်ဦးနှင့် တွေ့ဆုံမည်ဟု မထင်ထားခဲ့ပေ။ သူက ဟန်ရှောင်းထံ ချဉ်းကပ်ပြီး စကားစမြည်ပြောချင်သော်လည်း အထင်မြင်သေးခံရမှာကို ကြောက်သည်။ သူ့မျက်လုံးများသည် လေးစားမှုနှင့် တုံ့ဆိုင်းမှုတို့ ရောထွေးနေ၏။ မည်သို့ပင်ဆိုစေကာမူ ဟန်ရှောင်းရောက်ရှိလာခြင်းသည် သူ့အား ပို၍လုံခြုံစေပြီး ပို၍ယုံကြည်မှုဖြစ်စေသည်။ သူက ခရိုဝဲကို ဒုက္ခပေးတော့မည်ကဲ့သို့ ထိကပါး ရိကပါးမျက်လုံးများနှင့် စိုက်ကြည့်လိုက်သည်။

သေစမ်း၊ သူဘာလို့ဒီကိုရောက်နေတာလဲ။ ခရိုဝဲ၏ နောက်ကျောသည် အေးစက်သော ချွေးများဖြင့် စိုရွှဲနေသည်။ သူ့အရင်က တည်ငြိမ်မှုများ ပျောက်ဆုံးသွား၏။ ပြန့်ကျဲအရိပ်၏ မျက်လုံးများတွင် ရန်စသောအကြည့်ကို မြင်လိုက်ရသည်နှင့် ချက်ချင်းပင် နောက်သို့လှည့်မကြည့်တော့ပေ။ ထို့နောက် လူအုပ်ထဲသို့ လျှောက်သွားကာ သူရဲဘောကြောင်ရန် ဆုံးဖြတ်လိုက်သည်။

ပြန့်ကျဲအရိပ်သည် အလွန်စိတ်သက်သာရာရပြီး ပေါ့ပေါ့ပါးပါး ခံစားခဲ့ရသည်။ အကြောက်တရားတွေကို အသုံးချပြီး သူကိုယ်တိုင်မပါဘဲ တခြားသူတွေကို ကြောက်ရွံ့စေခြင်းကို ပထမဦးဆုံးအကြိမ် ကောင်းကောင်း ခံစားခဲ့ရခြင်းဖြစ်သည်။

ထူးဆန်းသောလေထုအောက်တွင်၊ စက္ကန့်တိုင်းသည် ရှိနေသည့်လူတိုင်းအတွက် နှစ်တစ်နှစ်လို ခံစားရစေသည်။ နောက်ဆုံးတော့ လေယာဉ်က အဆင်သင့်ဖြစ်နေပြီး၊ ကြယ်နဂါးနိုင်ငံစစ်သားတွေက လေယာဉ်ပေါ်တက်ဖို့ အချိန်ကျပြီဟု ကြေညာသည်။ နောက်အခိုက်အတန့်မှာ အားလုံးက သဘောတူညီချက်တစ်ခု ချုပ်ဆိုထားသလိုပဲ လမ်းကြောင်းတစ်ခုကို လမ်းခွဲလိုက်ကြပြီး၊ လမ်းကြောင်း၏ အဆုံး၌ရှိနေသည်က စိတ်ရှုပ်ထွေးသွားသော ဟန်ရှောင်းဖြစ်သည်

ချင်ယွမ်က ချောင်းတစ်ချက်ဆိုးပြီး "ကျေးဇူးပြုပြီး၊ ကျေးဇူးပြုပြီး အရင်သွားပါ။"

အင်း၊ ဒါက တော်တော်ကောင်းတဲ့ ဆက်ဆံမှုပဲ။ ငါက အဲ့လောက် ကြောက်ဖို့ကောင်းနေတာလား။ ဟန်ရှောင်းသည် ခေါင်းယမ်းကာ သူ့ကိရိယာအိတ်ကို သယ်ဆောင်ပြီး အခြားသူများရှေ့တွင် လေယာဉ်ပေါ်တက်လိုက်သည်။ ခုံတစ်ခုရှာပြီး ထိုင်လိုက်၏။ ထို့နောက်တွင် ကျန်လူများသည် သက်ပြင်းချကာ လေယာဉ်ပေါ်သို့ အသီးသီး တက်လာကြသည်။

ဝှစ်ချ်!

အနည်းငယ် လှုပ်ယမ်းပြီးနောက် လေယာဉ်က ထွက်ခွါလာသည်။

ဟန်ရှောင်းအတွက် အန်ဒရီရာကို သွားရမည့် တရားဝင်လမ်းကြောင်းမှာ ကြယ်နဂါးနိုင်ငံ၏ ကြေးစားဖြစ်လာဖို့ပင်။ ဒါက အလွယ်ဆုံး နည်းလမ်းဖြစ်၏။ Black Phantom ၏ ကိုယ်ပိုင်လက္ခဏာကိုအသုံးပြုပြီး မျက်နှာမပြောင်းလဲရခြင်းအကြောင်းရင်းမှာ နိုင်ငံ၆နိုင်ငံသည် စစ်သားများကို စစ်ပွဲထဲသို့လက်ခံခဲ့သော်လည်း ၎င်းတို့သည် ၎င်းတို့၏မှတ်တမ်းများကို စစ်ဆေးပြီး မယုံနိုင်လောက်သောသူများကို ခွင့်မပြုခဲ့ပေ။

သူ၏ Black Phantom အထောက်အထားသည် ယခင်က ဂျာမီနယ်အဖွဲ့အစည်းကို တိုက်ခိုက်ရန် ကူညီပေးရုံသာမက Dark Net တွင်လည်း ပါဝင်ခဲ့သည်။ ၎င်းသည် အလွန်ယုံကြည်စိတ်ချရသော အထောက်အထားတစ်ခုဖြစ်ပြီး လွယ်ကူစွာ အတည်ပြုနိုင်ခဲ့သည်။ Black Phantom ၏ အထောက်အထားကို အသုံးပြုခြင်းသည် Dark Net ၏ ခိုင်မာသော ကြားနေအခြေအနေကို အပျက်သဘောဆောင်နိုင်သော်လည်း၊ ၎င်းတို့အားလုံးသည် ဟန်ရှောင်း၏ မျက်လုံးထဲတွင် သေးငယ်သောပြဿနာများ ဖြစ်သည်။

သူ့မှာ မျက်နှာပြောင်းလဲ၍ တခြားသော ကြေးစားတစ်ယောက်ကို အစားထိုးပြီး လေယာဉ်ကို လျှို့ဝှက်စွာတက်ဖို့ နောက်ထပ် ရွေးချယ်စရာတစ်ခု ရှိသော်လည်း တရားဝင်လမ်းကြောင်းကနေ ဝင်နိုင်ရင် စည်းမျဉ်းစည်းကမ်းတွေကို လိုက်နာဖို့ မလိုအပ်ဘူးလို့ သူခံစားရသည်။

သူ့အိတ်ကပ်ထဲက ဖုန်းက တုန်ခါလာသည်။ ဟန်ရှောင်းက ၎င်းကို ထုတ်ယူလိုက်၏၊ Bennett ထံမှ ဖုန်းဖြစ်သည်။

သူဖုန်းကိုင်ပြီး နောက်အခိုက်အတန့်တွင် Bennett ၏ အော်သံကြောင့် နားစည်ကွဲလုနီးပါး ဖြစ်သွားသည်။

"အခုပြန်လာခဲ့!"