သမိုင်းဝင်အခိုက်အတန့်

ခေါင်းဆောင်သည် ပြင်းထန်သော ဒဏ်ရာများရရှိခဲ့ပြီး ယင်းကြောင့် ဂျာမီနယ်တပ်ဖွဲ့များ ချက်ချင်းပြိုလဲသွားသည်။

အချို့သော တပ်ဖွဲ့များသည် ခေါင်းဆောင်ကို ဝန်းရံကာကွယ်ရန် အလျင်အမြန် ပြေးလာကြပြီး အချို့မှာ တိုက်ပွဲတွင် နစ်မြုပ်နေဆဲ ဖြစ်သည်။ နိုင်ငံ၆နိုင်ငံမှ ကျွမ်းကျင်ပညာရှင်များသည် ဤအခွင့်အရေးကို တစ်နေရာတည်းကို စုပြုံပစ်ခတ်ပြီး ဂျာမီနယ်၏ ဖွဲ့စည်းပုံတွင် အပေါက်တစ်ခုကို ဖန်တီးလိုက်သည်။

"ကားပေါ်တက်!" တန်တန်က အော်လိုက်တယ်။

ကားများသည် ဟန်ရှောင်းကိုဖြတ်ကျော်ကာ မောင်းနှင်သွားတော့မည်ဖြစ်ကာ ဤကားပေါ်တက်ရန် အကောင်းဆုံးအခွင့်အရေးဖြစ်သည်။

ဟန်ရှောင်းသည် ခေါင်းဆောင်ရှိရာသို့ တစ်ချက်ကြည့်လိုက်တော့ သူ့အား သက်တော်စောင့်တပ်များစွာက ပိတ်ဆို့ထားသည်ကို တွေ့လိုက်ရသည်။

ခေါင်းဆောင်သည် သူ့သွေးအမှတ်၏ ဆယ့်လေးရာခိုင်နှုန်းကျန်နေသေးပြီး သူ့အားဝိုင်းရံထားသည့် တပ်များလည်းရှိနေ၍ ဟန်ရှောင်းသည် ခေါင်းဆောင်ကို အချိန်တိုအတွင်း သတ်ဖြတ်ရန်မှာ လွယ်ကူမည်မဟုတ်ပေ။ သူ၏မဟာမိတ်များအားလုံး ဂျာမီနယ်တပ်ဖွဲ့များထံမှ အောင်အောင်မြင်မြင် လွတ်မြောက်ရန် ကြိုးပမ်းနေပုံကို ကြည့်ပြီး နှောင့်နှေးနေပါက သူတို့သည် နောက်ထပ်တစ်ကြိမ် ဝိုင်းရံခံရမည့် အန္တရာယ်ရှိနိုင်သည် ။

ဟန်ရှောင်းကိုယ်တိုင်က ဒါကို သိပ်စိတ်မ၀င်စားပေ။ သူ၏ လက်ရှိအင်အားဖြင့် ပြိုကွဲခါနီး ဂျာမီနယ်စစ်တပ်ကို အလွယ်တကူ တစ်ကိုယ်တော် တိုက်ခိုက်နိုင်သည်။ သို့သော်လည်း Bennett မှလွဲ၍ အခြားအဖွဲ့သားများ အားလုံး ဒဏ်ရာများ ရရှိခဲ့ကြပြီး သူတို့ ဆက်လက် တိုက်ပွဲဝင်ပါက အသေအပျောက်များ ရှိလာမည် ဖြစ်သည်။

ဟန်ရှောင်းသည် တစ်ချိန်က သူတို့၏ ကယ်တင်ရေး ပစ်မှတ်ဖြစ်ခဲ့သော်လည်း ယခုအခါတွင် သူတို့ကို ကာကွယ်ရန် လိုအပ်သော သူတစ်ယောက်အဖြစ် ပြောင်းလဲသွား၏။

ဒါကို ဟန်ရှောင်းက ရယ်ရမလား ငိုရမလား မသိတော့သော်လည်း ခဏလေးအတွင်းမှာ ယုတ္တိတန်တဲ့ ဆုံးဖြတ်ချက်ကို ချလိုက်သည်။

[သစ္စာဖောက်၏ ခြုံခိုတိုက်ခိုက်ခြင်း] မစ်ရှင်ပြီးသွားပြီ၊ ငါ့အလုပ်ပြီးပြီ။ အခုလုပ်ရမှာက လျှို့ဝှက်အချက်အလက်တွေကို နိုင်ငံ၆နိုင်ငံဆီ ပြန်ပို့ပေးပြီး ကျန်တာတွေ သူတို့ဆက်လုပ်ပါစေ။

ဒီအချိန်မှာ သူ့အတွက် တကယ်အရေးမပါတာကြောင့် နောက်ဆုံးထိုးနှက်ချက်ကို မလုပ်တော့ဖို့ ဆုံးဖြတ်လိုက်သည်။

ကားတွေ ဖြတ်သွားခါနီးမှာ တံခါးတစ်ချပ် ပွင့်လာပြီး ဟန်ရှောင်းက အမြန်ခုန်တက်ပြီး တပ်တွေကို ဖုန်တောထဲတွင် ချန်ထားခဲ့သည်။

ဤတစ်ကြိမ်တွင် ဂျာမီနယ်တပ်များသည် လုံးလုံးလျားလျား ကျန်ရစ်ခဲ့ပြီး မိုးကုတ်စက်ဝိုင်းတွင် တဖြည်းဖြည်း အမှုန်အမွှားများအဖြစ်သာ မြင်ရတော့သည်။

“ပြီးပြီ။” ဟန်ရှောင်းသည် နောက်ဆုံးတွင် အသက်ပြင်းပြင်းရှူထုတ်လိုက်သည်။ ခေါင်းဆောင်သည် ယခုအချိန်တွင် သူ့ကိုရပ်တန့်ရန် အခွင့်အရေးမရှိတော့ပေ။

ဒါက တကယ့်ကို ရင်ဖိုစရာ အတွေ့အကြုံတစ်ခု ဖြစ်ခဲ့၏။

ဤတစ်ကြိမ်တွင်၊ သူသည် အော်ရိုရာနှင့် ဟီလာကို ဂျာမီနယ် ဌာနချုပ်မှ ကယ်တင်၊ သူတို့၏ ဓာတ်ခွဲခန်းမှ အဆင့်မြင့် ယန္တရားအသိပညာကို ခိုးယူပြီး အရေးကြီးသော စစ်သတင်းအချက်အလတ်များကိုပင် ဆုပ်ကိုင်ထားနိုင်ခဲ့သည်။ သတ်ဖြတ်ခြင်းဖြင့် သူ့လမ်းကို ဖောက်ကာ၊ သူ့ကိုယ်သူ ထုတ်ဖော်လိုက်ခြင်းက ကမ္ဘာပေါ်ရှိ ဒဏ္ဍာရီတစ်ဉီးအဖြစ် သူ့အနေအထားကို ခိုင်ခံ့စေသည့်အပြင်၊ ကစားသမားများကြားတွင်လည်း သူ၏ နာမည်ဂုဏ်သတင်းကို တိုးမြင့်လာစေခဲ့သည်။ မရေမတွက်နိုင်သောအဆင့်မြင့် ဂျာမီနယ်အမှုဆောင်များကို သတ်ပြီးနောက် ဗားရှင်း ၁.၀ ၏ ကန့်သတ်ချက်ကို ကျော်ဖြတ်ကာ၊ ခေါင်းဆောင်ကိုပင် ရိုက်နှက်၍ ခေါင်းဆောင်၏ စွမ်းရည်နှစ်ခုအတွက် ကံစမ်းမဲများကို ရယူခဲ့၏။

လမ်းတစ်လျှောက်တွင် အဆုံးမဲ့အန္တရာယ်နှင့် ရင်ဆိုင်ခဲ့ရသော်လည်း ဆုလာဘ်က ၎င်းကို တန်ဖိုးရှိစေသည်။

ဟန်ရှောင်းက တစ်ခုခုကို တွေးပြီး ကားပြတင်းပေါက်ကနေ ဂျာမီနယ်ခေါင်းဆောင်ကို ရုတ်တရက် ပြန်ကြည့်လိုက်တယ်။

ခေါင်းဆောင်သည် အဝေးကသဲခုံပေါ်တွင် တုန်လှုပ်ချောက်ချားစွာ ရပ်နေပြီး ယခုအခါ သူ၏ အားနည်းနေသောပုံစံသည် လေထဲတွင် ယိမ်းထိုးနေသည်။

ဟန်ရှောင်းနှင့် ခေါင်းဆောင်၏ အကြည့်များသည် ဝေးကွာနေသော်လည်း တစ်ယောက်ကိုတစ်ယောက် စိုက်ကြည့်ထားသည်။

ခေါင်းဆောင်သည် အမူအရာပြောင်းလဲခြင်း မရှိပေ။ ဤတစ်ကြိမ်တွင် သူသည် သူ၏အရင်းအမြစ်အားလုံးကို စုဆောင်းထားသော်လည်း အဆုံးတွင် ၎င်းအတွက် ပြစရာတစ်ခုမျှမရှိပေ။ သို့သော် ထိုအရာအပေါ် ဒေါသတကြီး အမျက်မထွက်ဘဲ ခေါင်းဆောင်၏မျက်လုံးထဲတွင် ဟန်ရှောင်းမြင်သမျှမှာ နာကျင်ခြင်း၊ စိတ်ပျက်ခြင်း နှင့် လွတ်မြောက်ခြင်း နှင့် ငြီးငွေ့ခြင်း ခံစားချက်များပင် ဖြစ်သည်။ သူ့စိတ်အင်အားအားလုံးကို အသုံးချပြီး၍ ဒေါသကို ထုတ်ပစ်ဖို့ ခွန်အားမရှိတော့သလိုပင်။

ဟန်ရှောင်းသည် အနည်းငယ် ပဟေဠိဖြစ်နေပြီး ဤဇာတ်ကောင်အကြောင်းကို သိချင်လာသည်။

အင်အားကြီး နိုင်ငံ၆နိုင်ငံကို ဖြုတ်ချရန် ဂျာမီနယ်အဖွဲ့အစည်းကို ဦးဆောင်ခဲ့သည်။ သူဘာကြောင့် ဒါတွေအကုန်လုပ်တာလဲ။ သူက ဘယ်လိုလူလဲ။

ရည်မှန်းချက်ကြီးတာလား? ရက်စက်ကြမ်းကြုတ်တာလား? အကျင့်ပျက်တာလား?

ခေါင်းဆောင်နှင့် ကာလအတန်ကြာ ရန်လိုနေသော်လည်း ဟန်ရှောင်းသည် သူ့ရန်သူအကြောင်း မသိသလောက်ပင်။

အိုး ဟုတ်တယ်။ သူ့နာမည်တောင် မသိဘူး။

ဟန်ရှောင်းသည် ခေါင်းဆောင်ကို စူးစိုက်စိုက်ကြည့်နေပြီး ခေါင်းဆောင်သည် အဝေးမှ ငေးကြည့်နေသည်ကို တွေ့လိုက်ရသည်။

ထိုအချိန်တွင်၊ တစ်စုံတစ်ယောက်သည် ခေတ္တရပ်ရန်ခလုတ်ကို နှိပ်လိုက်သလို အချိန်ပင် သူ့အလိုလို ရပ်တန့်သွားသည်။ သူတို့နှစ်ယောက်ကြားက အကြည့်တွေက ပန်းချီကားတစ်ချပ်လိုပါပဲ။

ဒါက ခေါင်းဆောင်နှင့် ဟန်ရှောင်း၏ ပထမဆုံး မျက်နှာချင်းဆိုင် ထိတွေ့မှုပင်...

… ပြီးတော့ နောက်ဆုံးအကြိမ်လည်း ဖြစ်၏။

နောက်ပိုင်းမှာတော့ နိုင်ငံ၆နိုင်ငံ၏ တိုက်ခိုက်ရေးသမားများက ဒီမြင်ကွင်းကို ဖော်ပြပြီး တစ်ကမ္ဘာလုံးကို ပေါက်ကြားစေခဲ့သည်။

စစ်ပွဲပြီးသွား၍ နိုင်ငံများ ပြန်လည်ဖွဲ့စည်းသည့်အခါမှာ ဒါက စစ်ပွဲရဲ့ အချိုးအကွေ့ဖြစ်ကြောင်း သိရှိလာကြလိမ့်မည်။ ဇီးရိုးနှင့် ဂျာမီနယ်ခေါင်းဆောင်ကြားတွင် စိုက်ကြည့်ခြင်းသည် သမိုင်းဝင်အခိုက်အတန့်တစ်ခု ဖြစ်လာမည်ဖြစ်ပြီး ရေပင်လယ်ဂြိုလ်၏ သမိုင်းတွင် မှတ်တမ်းတင်ခံရမည် ဖြစ်သည်။

…

လသည် ညဘက်၌ လင်းထိန်နေပြီး ကောင်းကင်ယံ၌ ကြယ်များ ပြန့်ကျဲနေသည်။ ကြယ်ပင်လယ်သည် ဤတောင်ကုန်း၏တစ်ဖက်ခြမ်းတွင် လင်းထိန်နေပြီး ညဘက်တွင် ဖန်တီးထားသော အလင်းရောင်ပင် မလိုအပ်ပေ။

ကားသုံးစီးသည် တောအုပ်ငယ်တစ်ခု၏အလယ် လျှို့ဝှက်ထားသော တောင်ကုန်းတစ်ခုပေါ်တွင် ရပ်ထားသည်။ ကားစက်သတ်လိုက်ပြီး ပတ်ဝန်းကျင်မှာ တိတ်ဆိတ်မှုတွေ ပြည့်နေ၏။ လူတိုင်းဟာ သူတို့ရဲ့ကားပေါ်မှ ဆင်းပြီး ကိုယ့်အလုပ်ကိုယ် အာရုံစိုက်နေကြသည်။ အချို့က ရိက္ခာကိုဝါးစားနေကြပြီး အချို့က ဒဏ်ရာများကို ကုသနေကြသည်။ အချို့က စကားအနည်းငယ် ပြောနေ၏။

တစ်နေကုန် ပြင်းထန်သော တိုက်ပွဲအပြီးတွင် တစ်ညတာ အနားယူရန် ၎င်းတို့သည် ထိုနေရာတွင် ရပ်ရန် ဆုံးဖြတ်ခဲ့ကြသည်။ သူတို့ရှေ့က လွင်ပြင်တွေကို ဖြတ်ကျော်ပြီးလျှင် နိုင်ငံ၆နိုင်ငံနဲ့ ဂျာမီနယ် စစ်ဇုန်ကြား နယ်နိမိတ်ကို ရောက်သွားလိမ့်မည်။ ဂျာမီနယ်သည် ဤဧရိယာအပေါ် အကန့်အသတ်ဖြင့်သာ ထိန်းချုပ်ထားပြီး ဌာနချုပ်ကို လှည့်ပတ်နေသော တပ်ဖွဲ့များနှင့် နှိုင်းယှဉ်ပါက ဘာမှမဟုတ်ပေ။ အစောပိုင်းက ၎င်းတို့ကို လိုက်၍ ခြုံခိုတိုက်ခိုက်ခဲ့သော တပ်ဖွဲ့များသည် ပြင်းထန်သော အသေအပျောက် ကြုံတွေ့ခဲ့ရပြီး အသင်းအား အမှန်တကယ် ခြိမ်းခြောက်မှု မရှိပေ။

ဟန်ရှောင်းသည် နောက်ဆုံးတွင် သူ၏ မျိုးနွယ် တိုးတက်ပြောင်းလဲခြင်းမှ ရရှိသော အပြောင်းအလဲများကို ခံယူရန် အချိန်တစ်ခု ရရှိသွားသည်။

ဟုတ်တယ်၊ ငါစိတ်ကူးယဉ်နေတာ မဟုတ်ဘူး‌ပဲ။

[အုပ်စုခွဲ ၁ - အာကာသလူသား] သည် သူ့ခန္ဓာကိုယ်နှင့် အလွန်လိုက်ဖက်မှုရှိသည်။ ၎င်းသည် အာကာသထဲတွင် လိုက်လျောညီထွေ နေထိုင်ခဲ့ကြသော လူသားမျိုးနွယ်ဖြစ်ပြီး နှစ်များအတွင်း အမျိုးမျိုးသော ဓာတ်ရောင်ခြည် အမျိုးမျိုးနှင့် ဂြိုဟ်၏ ပတ်ဝန်းကျင်တို့ကို ထိတွေ့ခဲ့ကြသော မျိုးနွယ်တစ်ခု ဖြစ်သည်။ ၎င်းသည် ဆင့်ကဲဖြစ်စဉ်၏ နိယာမများကို တင်းတင်းကျပ်ကျပ် လိုက်နာသော လူမျိုးတစ်မျိုးဖြစ်ပြီး သဘာဝအတိုင်း လိုက်လျောညီထွေ မနေနိုင်သူများ မရှင်သန်နိုင်ပေ။ နောက်ကွယ်က ယုတ္တိဗေဒသည် ကမ္ဘာပေါ်ရှိ လူသားများ မတူညီသော မျိုးနွယ်များအဖြစ် ဆင့်ကဲပြောင်းလဲလာပုံနှင့် ဆင်တူသည်- အာရှသားများ၊ အသားဖြူသူများ၊ အာဖရိကန်များ စသည်တို့ဖြစ်သည်။ ကွဲပြားမှုများ အားလုံးသည် မတူညီသော နေထိုင်မှုပတ်ဝန်းကျင်မှ ဆင်းသက်လာကြသည်။ [အုပ်စုခွဲ ၁ အာကာသလူသားများသည် စကြဝဠာရှိ မရေမတွက်နိုင်သော သာမန်လူသားများအဖြစ် စတင်ခဲ့သည်။ အခြားဂြိုလ်သားမျိုးနွယ်များက ကာဗွန်မျောက်များ၊ ကပ်ပါးကောင်များ၊ ခိုးကြောင်ခိုးဝှက် လူယုတ်မာများ၊ ဘဝင်မြင့်သတ္တဝါများ၊ လူမျိုးရေးခွဲခြားသူများ၊ အရသာမရှိသူများအဖြစ် အသိအမှတ်ပြုထားလေ့ရှိသည်။

အာကာသ၏ ကြမ်းတမ်းမှုကြောင့် အုပ်စုခွဲ ၁ - အာကာသလူသားများတွင် ပိုမိုသန်မာသော ခန္ဓာကိုယ်များရှိသည်။ ၎င်းတို့တွင် ပိုမိုပြီးပြည့်စုံသော ခန္ဓာကိုယ်ဖွဲ့စည်းပုံရှိပြီး ၎င်းတို့၏အင်္ဂါများသည် စွမ်းဆောင်ရည်မြင့်မားစွာ လုပ်ဆောင်နိုင်မည်ဖြစ်သည်။ သာမာန်လူများသည် စက္ကူပါးလွှာသော စာရွက်များနှင့် နှိုင်းယှဉ်ပါက၊ ၎င်းတို့သည် ရော်ဘာကဲ့သို့ဖြစ်ပြီး ပျက်စီးရန် ပို၍ခက်ခဲမည်ဖြစ်သည်။

ဟုတ်ပါတယ်၊ ခန္ဓာကိုယ်က သာမန်လူတစ်ယောက်လို အနည်းနဲ့အများတော့ တူညီနေဆဲပင်။ အစိမ်းရောင်အရေခွံ သို့မဟုတ် ရှည်လျားသောသွားများကဲ့သို့ အရာများ မရှိပေ။

မျိုးနွယ်နှင့် မျိုးစိတ်တစ်ခုစီ၏ ဆင့်ကဲဖြစ်စဉ်လမ်းကြောင်းများသည် ခြေရာခံနိုင်သည်။ ကာဗွန်အခြေခံသော သက်ရှိများသည် ရုတ်တရက် စက်မှုပုံစံများ ဖြစ်မလာနိုင်ပေ။ အသက်စွမ်းအင်ကို အသုံးချရန် အလားအလာရှိ‌သည့် ဆင့်ကဲပြောင်းလဲလာသူ သို့မဟုတ် ပြောင်းလဲသွားသူများကို အစစ်အမှန်ဝိဉာဏ်သယ်ဆောင်သူဟု အများအားဖြင့် လူသိများသည်။ တွေးခေါ်နိုင်စွမ်းရှိသော မျိုးစိတ်အများစုသည် ဤစွမ်းအားကို ဖွံ့ဖြိုးတိုးတက်ရန် အလားအလာရှိသည်။

သာမန်လူသားတစ်ဦးတွင် ရွေးချယ်ရန် ဆင့်ကဲပြောင်းလဲမှု လမ်းကြောင်းများစွာရှိသော်လည်း၊ ပို၍ ဆင့်ကဲပြောင်းလဲလာလေလေ၊ ပြန်လည်တိုးတက်ပြောင်းလဲရန် လိုအပ်ချက်များ ပိုမိုပြင်းထန်လေလေ ဖြစ်သည်။ အာကာသလူသားသည် အများအားဖြင့် ပင်မလမ်းကြောင်းတစ်ခုသာရှိသောကြောင့် ဆင့်ကဲပြောင်းလဲရာတွင် ရွေးချယ်စရာနည်းပါးသော်လည်း ဆင့်ကဲဖြစ်စဉ်များ ပိုမိုများပြားလာသည်နှင့်အမျှ လိုက်ဖက်ညီမှုလည်း တိုးလာမည်ဖြစ်သည်။ အလွန်အစွမ်းထက်သော မျိုးနွယ်များ အားလုံးသည် မြင့်မားသော လိုက်ဖက်ညီမှု လိုအပ်ပြီး အလားအလာ အရှိဆုံးလည်း ဖြစ်သည်။

ဟန်ရှောင်းခေါင်းညိတ်လိုက်သည်။ ဆင့်ကဲဖြစ်စဉ်သည် တစ်ဆင့်ချင်းသွားသော လုပ်ငန်းစဉ်တစ်ခုဖြစ်သည်။ အစောပိုင်းတွင် ကြီးမားသော ပါဝါရရှိခြင်းသည် သဘာဝအားဖြင့် တစ်စုံတစ်ဦးသည် နောက်ပိုင်းတွင် ဆုံးရှုံးရမည်ဟု ဆိုလိုခြင်းဖြစ်သည်။ ပိုကျယ်တဲ့လမ်းပေါ် လျှောက်လှမ်းမှသာလျှင် အနာဂတ်မှာ ရွေးချယ်စရာတွေ ပိုရှိလာလိမ့်မည်။

ဆင့်ကဲဖြစ်စဉ်လမ်းကြောင်းသည် သူ့အတန်းအစားနှင့် မည်မျှ ကောင်းမွန်စွာ လုပ်ဆောင်ခဲ့သည်မှာလည်း အရေးကြီးသည်။ ထိုကဲ့သို့ ကြွက်သားသ ရှိပြီး ဦးနှောက်မရှိသည့် မျိုးနွယ်များအတွက် သူရွေးစရာမလိုသောကြောင့် [အုပ်စုခွဲ ၁ - အာကာသလူသား] ဆင့်ကဲဖြစ်စဉ်သည် ဟန်ရှောင်းအတွက် အလွန်သင့်လျော်၏။

[သစ္စာဖောက်၏ ခြုံခိုတိုက်ခိုက်ခြင်း] ကိုလည်း အခုပဲ ပြီးအောင်လုပ်နိုင်တယ်။

ဟန်ရှောင်းသည် သူ့လက်များကို ပွတ်သပ်ကာ လောင်းကစားသမားအို တစ်ယောက်လို မျှော်လင့်ချက်အပြည့် ရှိနေ၏။

အဟမ်း။ လစာရခါနီး ခံစားရတဲ့ စိတ်လှုပ်ရှားမှုနဲ့တူတယ်။

_____________________

[သစ္စာဖောက်၏ ခြုံခိုတိုက်ခိုက်ခြင်း] ပြီးသွားပါပြီ။

ဂျာမီနယ်ခေါင်းဆောင်၏ စွမ်းရည်နှစ်ခုအတွက် ကံစမ်းမဲရရှိထားသည်။

ကံစမ်းမဲများ စတင်နေသည်…

ကျေးဇူးပြု၍ အောက်ပါစွမ်းရည်ငါးမျိုးထဲမှ နှစ်ခုကို ရွေးချယ်ပါ။

1. [အဆင့်မြင့် ကိုယ်ခံပညာ] – စွမ်းရည်- ‘တိက်ခိုက်သူ’စွမ်းရည်ကို အသုံးပြုသည့်အခါ စွမ်းအင်သုံးစွဲမှုကို ၃၀% လျှော့ချပြီး ပျက်စီးထိခိုက်စေမှုကို ၁၅% တိုးစေသည်။

2. [အဆိပ်ပြင်းတိုက်ကွက်] – စကေး - လုပ်ကြံသတ်ဖြတ်သူ အမျိုးအစား စကေး။ မြွေတစ်ကောင်လို အမြန်တိုက်ခိုက်နိုင်သည်၊ သင့်ပြိုင်ဘက်ကို ၄ – ၇ ချက် ဆက်တိုက် ထိုးနှက်ပါ။ ပထမဆုံးရိုက်ချက်သည် ၄၁ – ၅၉ အပိုထိခိုက်ပျက်စီးမှုကို ပေးမည်ဖြစ်ပြီး နောက်ထိုးနှက်မှုတိုင်းသည် ၅% လျော့နည်းမည်ဖြစ်သည်။

3. [ပြန်ကန်ခြင်း - ဆူး] – စကေး - ဝင်လာသောတိုက်ခိုက်မှုအားလုံး၏ ၃၀% ကို စုပ်ယူရန် သင့်စွမ်းအင်ကို အသုံးပြုပါ။ အကယ်၍ ၎င်းသည် အနီးကပ်တိုက်ပွဲဖြစ်ပါက၊ သင့်ပြိုင်ဘက်ထံ စုပ်ယူထားသော ထိခိုက်ပျက်စီးစေမှု ပမာဏကို ရောင်ပြန်ဟပ်ပါ။ စွမ်းအင် ၃၀၀၊ သက်လုံ ၅၀၀ကိုအသုံးပြုပြီး ပြန်လည်အသုံးပြုနိုင်မည့်အချိန်မှာ ၁၁၀ စက္ကန့် ဖြစ်သည်။

4. [သံမဏိလက်သီး] – အရည်အချင်း - လက်ဗလာ တိုက်ခိုက်မှုများသည် ထိခိုက်ပျက်စီးစေမှု ၇% တိုးလာပြီး ပိတ်ဆို့နိုင်ခြေ ၃% တိုးလာသည်။

5. [သံမဏိကိုယ်ထည်] – အရည်အချင်း - စစ်မှန်သော ထိခိုက်ပျက်စီးစေမှုများအတွက် ကိုယ်ခံအား။

_____________________

ကံမကောင်းစွာဖြင့်၊ Lucky Halo သည် ဆုမဲများထဲတွင် တစ်ခုမပါခဲ့ပေ။

သူ့မှာ မရှိဘူးလား၊ ဒါမှမဟုတ် ငါ့ကံက အရမ်းဆိုးနေလို့လား။ ဟန်ရှောင်းခေါင်းခါလိုက်သည်။

ခေါင်းဆောင်တွင် မတူညီသောစွမ်းရည် ဒါဇင်များစွာရှိပြီး၊ ဆုမဲငါးကြိမ်အတွင်း ရရှိရန် အခွင့်အလမ်းမှာ အမှန်တကယ်နည်းပါးလွန်းလှသည်။ ထို့ကြောင့် ဟန်ရှောင်းသည် ထိုမျှစိတ်ပျက်ခြင်းမရှိပေ။

ခေါင်းဆောင်သည် ‘တိက်ခိုက်သူ’ဖြစ်သောကြောင့် မဲနှိုက်ထားသော စွမ်းရည်အများစုသည် ကိုယ်ခံပညာနှင့် သက်ဆိုင်၏။ သူ့အတွက် အရည်အချင်းငါးခုထဲက နှစ်ခုကို ရွေးချယ်နိုင်ခဲ့တယ်။

"ဒါက ကောင်းတယ်! ဒါဟာ ပုံသွင်းစွမ်းရည်!” ဟန်ရှောင်း၏ မျက်လုံးများ တောက်ပလာသည်။

ပုံသွင်းခြင်းစွမ်းရည်များသည် အလွန်အစွမ်းထက်၊ တိကျပြီး သီးသန့်ဖြစ်သည်။ ထိခိုက်ပျက်စီးစေမှုများအတွက် ကိုယ်ခံအားကဲ့သို့ ထူးခြားသည်။ ဒါက ဟန်ရှောင်းရှာနေတာ အတိအကျပင်။

[သံမဏိကိုယ်ထည်] သည် အခြေခံအားဖြင့် ဘော့စ်၏ ပုံစံကွက်ဖြစ်သည်။ ၎င်းသည် စစ်မှန်သော ထိခိုက်ပျက်စီးစေမှုများကို ခံနိုင်ရည်ရှိစေသည်။ ၎င်းသည် မတော်တဆမှု ဖြစ်ပွားရန် အခွင့်အလမ်းကို များစွာ လျှော့ချနိုင်မည်ဖြစ်ပြီး တစ်ချက်တည်းနှင့် သေဆုံးရန် ခက်ခဲမည်ဖြစ်သည်။ ဥပမာအားဖြင့်၊ ဤစွမ်းရည်မရှိလျှင်၊ [မီးလျှံအလိုတော်] နှင့်ဆင်တူသော ကျွမ်းကျင်မှုရှိသူတစ်ဦးသည် စစ်မှန်သောထိခိုက်ပျက်စီးစေမှုကို ပြုလုပ်နိုင်ပြီး ဟန်ရှောင်းအတွက် ကြီးမားသော ခြိမ်းခြောက်မှုတစ်ခု ဖြစ်လာမည်ဖြစ်သည်။ သို့သော်၊ [သံမဏိကိုယ်ထည်] ဖြင့် ထိုအန္တရာယ်ကို လုံးဝ ရှောင်လွှဲနိုင်သည်။ ဟန်ရှောင်းကိုယ်တိုင်က ဖောက်ခွဲတိုက်ခိုက်မှုတွေ အများကြီးလုပ်သည့်အတွက် စစ်မှန်သော ထိခိုက်ပျက်စီးစေမှုများ၏ ကောင်းကွက် ဆိုးကွက်များကို ကောင်းကောင်းသိနေသည်။

လက်ကျန်ဆုမဲများတွင် အခြားပိုကောင်းသည့် ရွေးချယ်ခွင့်မရှိသောကြောင့် [ပြန်ကန်ခြင်း - ဆူး] ကိုရွေးချယ်ခဲ့သည်။ ကျန်သူများအားလုံးသည် 'တိုက်ခိုက်သူ'များ၏ စကေးများဖြစ်သည်။

Bennett နှင့် ခေါင်းဆောင်ကြားတွင် ယခင်တိုက်ပွဲကို ပြန်တွေးကြည့်သောအခါတွင် ခေါင်းဆောင်သည် Bennett ၏ ငါးဆတိုး ထိခိုက်ပျက်စီးစေမှု လက်သီးချက် ကို ခံနိုင်ရည်ရှိရန် ဤစွမ်းရည်ကို အသုံးပြုထားရခြင်း ဖြစ်ရမည်။

ဟန်ရှောင်းသည် ခေါင်းဆောင်အကြောင်းကို ပြန်တွေးသောအခါတွင်၊ သူသည် ဤပင်မဇာတ်လမ်း ဇာတ်ကောင်အပေါ် သူ၏စိတ်ဝင်စားမှုကို ဖျောက်ဖျက်၍မရပေ။