နောက်ထပ် အတန်းအဆင့် ပြောင်းလဲမှုအတွက် လိုအပ်ချက်

[ပြန်ကန်ခြင်း - ဆူး] ကို သင် ရရှိပါပြီ။

[သံမဏိကိုယ်ထည်] ကို သင် ရရှိပါပြီ။

_____________________

ဟန်ရှောင်း၏ ခန္ဓာကိုယ်အနှံ့ မလှုပ်မရှားနိုင်ဖြစ်သွားသည့် ခံစားချက်တစ်ခုက သူ့ကို ပိုမိုအာရုံစိုက်လာစေသည်။ သူ့လက်တွေကို ဆန့်ထုတ်လိုက်တဲ့အခါ သူ့ခန္ဓာကိုယ်က ပိုမိုအကြမ်းခံလာသည်ကို သိလိုက်ရ၏။ စမ်းသပ်ပြီး ရိုက်နှက်ကြည့်သောအခါတွင် သူ၏ ရင်ဘတ်သည် ကျေနပ်အားရဖွယ် ပဲ့တင်သံများကိုပင် ထုတ်ပေးနေသည်။

စစ်မှန်တဲ့ အသားအရေ အကာအကွယ်တစ်ခု ဖြစ်လာဖို့ ငါက ကောင်းကောင်းတိုးတက်နေပုံပဲ။ ဟန်ရှောင်းသည် ယခုတစ်ကြိမ် မစ်ရှင်ဆုအတွက် အလွန်ပျော်နေသဖြင့် စိတ်ကောင်းဝင်နေသည်။

သူသည် သူ၏ ဒုတိယပုံသွင်းနိုင်စွမ်းကို ရရှိခဲ့သည်။ စစ်မှန်သော ထိခိုက်ပျက်စီးစေမှုသည် အခြားကာကွယ်မှုဆိုင်ရာ ကိန်းဂဏာန်းများကို ထည့်မတွက်ဘဲ လူတစ်ဦး၏ သွေးအမှတ်ကို တိုက်ရိုက်လျော့ကျစေသည့် ထိခိုက်ပျက်စီးစေမှုဖြစ်သည်။ ဥပမာအားဖြင့်၊ တိုက်ခိုက်ရေးစွမ်းအား ၁၀၀ ရှိသော သာမန်တိုက်ခိုက်မှုတစ်ခုသည် တစ်စုံတစ်ဦးထံ ကျရောက်သောအခါ၊ တိုက်ခိုက်ခံရသူ ဝတ်ဆင်ထားသည့် သံချပ်အပေါ်မူတည်၍ ပမာဏအချို့ လျော့သွားမည်ဖြစ်သည်။ အခြားတစ်ဖက်တွင်မူ၊ စစ်မှန်သော ထိခိုက်ပျက်စီးစေမှုသည် လျှော့ချခြင်းမရှိဘဲ ထိခိုက်ပျက်စီးစေမှုကို ၁၀၀တိတိ ဖြစ်စေနိုင်သည်။

ဤစွမ်းရည်ဖြင့်၊ သူကို သတ်ဖြတ်ရန် ပိုမိုခက်ခဲစေပြီး ဘော့စ် ဇာတ်ကောင်နှင့် ပို၍ပို၍တူလာသည်။

အင်တာဖေ့စ်တွင် သူ၏ [သံလိုက်စက်ကွင်း ယန္တရားပညာရှင်] အတန်းအစားကို မြှင့်တင်ပြီးနောက်၊ ဟန်ရှောင်းသည် အတွေ့အကြုံရမှတ် ၁၂၅,၀၀၀,၀၀၀ ကျန်ရှိနေဆဲဖြစ်ရာ၊ သူသည် [ယန္တရားပညာ : နောက်ဆုံးရပ်တည်ချက်] နှင့် [ပြန်ကန်ခြင်း - ဆူး] တို့ကို တိုက်ရိုက်ပင် အမြင့်ဆုံးအဆင့်ထိ မြှင့်တင်နိုင်လိုက်သည်။ နောက်ထပ် ၁၃,၀၀၀,၀၀၀ အတွေ့အကြုံအမှတ်ကို သုံးပြီးနောက်၊ သူသည် နောက်ထပ် အလားအလာပွိုင့် နှစ်ခုကို ရရှိခဲ့သည်။

ဒီစွမ်းရည်နှစ်ခုစလုံးသည် အလွန်အသုံးဝင်၏။ [ယန္တရားပညာ : နောက်ဆုံးရပ်တည်ချက်] သည် နာမည်တွင် ပြောထားသည့် အတိုင်းပင်။ ၎င်းသည် အခြေခံအားဖြင့် ယန္တရားပညာရှင်များအတွက် တိုက်ခိုက်ရေး Viagraကဲ့သို့ဖြစ်သည်။ [ပြန်ကန်ခြင်း - ဆူး] သည် ဝင်လာသော ပျက်စီးမှုအားလုံး၏ တစ်စိတ်တစ်ပိုင်းကို တိုက်ရိုက်လျော့ပါးသွားစေနိုင်သောကြောင့် အလွန်အားကောင်းသော ခံစစ်စွမ်းရည်ဖြစ်သည်။

[သံလိုက်စက်ကွင်း ယန္တရားပညာရှင်] အား မြှင့်တင်ခြင်းသည် အတန်းအစားပြောင်းလဲမှု လိုအပ်ချက်များကို လော့ခ်ဖွင့်ပေးလိုက်သည်။

_____________________

အတန်းအစား ပြောင်းလဲမှုလိုအပ်ချက် - အဆင့် ၈၀ သို့ရောက်ရှိပြီး ဥာဏ်ရည်ရမှတ် ၄၀၀ ကို ရယူကာ အဆင့်မြင့် ယန္တရား အသိပညာငါးခုကို သင်ယူပါ။

_____________________

အင်း ဒါက အံ့သြစရာပဲ။ ဟန်ရှောင်း၏ မျက်လုံးများ တောက်ပလာသည်။

ပင်မအတန်းအစားများအတွက် အတန်းအစားပြောင်းလဲခြင်းဆိုင်ရာ လိုအပ်ချက်အများအပြားသည် လူတိုင်းအတွက် တူညီပါသည်။ ဟန်ရှောင်းသည် အတန်းပြောင်းချိန် လေးကြိမ်ရှိခဲ့ပြီး [ယန္တရားပညာရှင် (စတင်သင်ယူသူ)]၊ [အလုပ်သင်နည်းပညာရှင်]၊ [အလုပ်သင်ယန္တရားပညာရှင်] နှင့် [သံလိုက်စက်ကွင်း] တို့ဖြစ်သည်။ သံလိုက်စက်ကွင်း အတန်းအစား ပြောင်းလဲမှုသစ်ပင်အတိုင်း ပြောင်းလဲကြမည့် ယန္တရားပညာရှင် ကစားသမားများအားလုံးသည် တူညီသောလိုအပ်ချက်များကို ပြီးမြောက်ရမည်ဖြစ်သည်။

လုံလောက်သော အဆင့်မြင့် အသိပညာကို သင်ယူပြီး ဉာဏ်ရည်ကို မြှင့်တင်နိုင်မှသာ နောက်တစ်ဆင့်သို့ တက်လှမ်းနိုင်မည်ဖြစ်သည်။

ငါ့ရဲ့ ဉာဏ်ရည်အမှတ်က ၃၂၁ မှတ်ကို ရောက်နေပြီ။ မသတ်မှတ်ရသေးတဲ့ရမှတ် ၄၀နဲ့၊ ဒီလိုအပ်ချက်ကို ဖြည့်ဆည်းဖို့ အခု ၃၉မှတ်ပဲ လိုတော့တယ်။ ဒါကြောင့်၊ အခုအရေးကြီးတဲ့အချက်က အဆင့် ၈၀ တစ်ခုလုံးကို ရရှိဖို့၊ အတန်းခွဲတစ်ခုကို အမြင့်ဆုံးအထိ ရောက်အောင်လုပ်ရမယ်။

အခြေခံအားဖြင့် ဉာဏ်ရည်တွင် အမှတ်များသာ သတ်မှတ်ပေးထားသည့် ဟန်ရှောင်းကဲ့သို့သော လူတစ်ယောက်ပင်လျှင် အတန်းအစားပြောင်းလဲမှုကို ပြုလုပ်ရန် မလုံလောက်ပေ။ ပိုပြီးမသိသည့် ယန္တရားပညာရှင် ကစားသမားတွေအတွက်ဆိုလျှင် ပိုဆိုးလိမ့်မည်။ ဤကစားသမားများသည် အမှတ်များရရှိရန် နောက်ထပ်အတန်းခွဲများကို ခက်ခက်ခဲခဲရှာဖွေရန်မှတပါး အခြားရွေးချယ်စရာမရှိပေ။

ဗားရှင်း 2.0 ရှိ အပိတ်သည် အဆင့် ၉၀ ဖြစ်သည်။ အလုံးစုံအဆင့်မြင့်လေ၊ အတန်းခွဲများကို အဆင့်မြှင့်တင်ရန် လိုအပ်သော အတွေ့အကြုံအမှတ် မြင့်မားလေဖြစ်သည်။ ထို့အတွက်ကြောင့် နောက်ပိုင်းတွင် အတန်းအစားပြောင်းလဲခြင်းဆိုင်ရာ လိုအပ်ချက်များကို ဖြည့်ဆည်းပေးသည့်အတွက် ကုန်ကျစရိတ် ပိုများလာမည်ဖြစ်သည်။

နောက်ဆုံးတွင်၊ ကစားသမား၏ အတန်းခွဲများ၏ အဆင့်များသည် ၎င်းတို့၏ အလုံးစုံအဆင့် အများစုကို ပေါင်းစပ်လိုက်သောအခါ၊ ၎င်းတို့၏ အမှန်တကယ် ခွန်အားသည် ရယ်မောစရာ ဖြစ်လိမ့်မည်။

ယခင်က၊ အချို့သော Galaxy ကစားသမားများသည် အဆင့် ၈၀ သို့ ရောက်သည်နှင့် သူတို့၏ အတန်းအစား ပြောင်းလဲမှု လိုအပ်ချက်များကို ဖြည့်ဆည်းပေးနိုင်ခဲ့သည်။ အတန်းအစား ပြောင်းလဲပြီးနောက် ၎င်းတို့၏ ပင်မအတန်းအစားကို အဆင့်မတက်မီ၊ မကြာမီတွင် ၎င်းတို့သည် ဗားရှင်းအပိတ်သို့ ရောက်သွားကြသည်။ အံ့သြစရာမရှိပေ၊ ထိုကစားသမားတွေသည် PVP တွင် အားအနည်းဆုံး ဖြစ်ကြသည်။

ဟန်ရှောင်းက မသတ်မှတ်ရသေးသော အမှတ်လေးဆယ်လုံးကို ဉာဏ်ရည်အမှတ်ထဲကို ပစ်ထည့်လိုက်ပြီး “ငါလည်း အတန်းခွဲတစ်ခုကို ရှာဖို့လိုတယ်။ ငါ့ခွန်အားက ဗားရှင်းအပိတ်ကို ကျော်လွန်နေပြီဆိုတော့ အခုအချိန်မှာ အဆင့်တက်ဖို့ အာရုံစိုက်စရာ မလိုအပ်တော့ဘူး။ ဟမ်... ရှားပါးတဲ့ အတန်းခွဲတွေထဲက တစ်ခုကို ရှာကြည့်သင့်တယ်။ အဲဒါတွေက အဆင့်အလိုက် ကျွမ်းကျင်မှု အမှတ်တွေ ပိုပေးတတ်တယ်၊ ဒါဆို အများကြီး အဆင့်မတက်ဘဲ အတန်းအစားကို ပြောင်းလဲနိုင်မယ်။

အဆင့်မြင့် ယန္တရား အသိပညာရရှိရေးနှင့် ပတ်သက်၍ သူစိတ်မပူပေ။ သူ၏တိုးတက်မှုနှုန်းသည် လက်ရှိဗားရှင်းတွင် စံနှုန်းကို ကျော်လွန်နေပြီဖြစ်သောကြောင့် ခက်ခဲပုံရသည်။ အဆင့်မြင့် အသိပညာသည် အနှေးနှင့်အမြန်ဆိုသလို ရောက်လာမည့်အရာဖြစ်သည်။

“ဟေ့ Black Phantom။ ငါ့လက်နက် ပြန်ရနိုင်မလား"

တစ်စုံတစ်ယောက်က သူ့နောက်ကနေ ဟန်ရှောင်းကို ခေါ်လိုက်သည်။ ဟန်ရှောင်းကို မေးရင်း ဟာဗာလင်က လမ်းလျှောက်လာ၏။

သူသည် rocket-boosted တူကို ပိုင်ဆိုင်သော တိုက်ခိုက်ရေးယန္တရားပညာရှင် ဖြစ်သည်။ တူသည် ယခုအချိန်တွင် ဟန်ရှောင်းနှင့်အတူ ရှိနေသေးသည်။

ဟန်ရှောင်းက လှည့်ပြီး ပြန်ပြောတယ် "အိုး.. အရင်က ကျွန်တော် အဲဒါကို အသေးစိတ် စစ်ဆေးကြည့်တော့ မင်းရဲ့လက်နက်က ကောင်းကောင်းအလုပ်လုပ်ပုံမပေါ်ဘူး။ အရင်ပြင်ပေးပါရစေဦး။"

ဒါမှမဟုတ် ဟန်ရှောင်းရဲ့စိတ်ထဲတွင်... ဒီအရာအတွက် ဒီဇိုင်းပုံစံကို ငါရှာတွေ့ပြီးရင် မင်း အဲဒါကို ပြန်ရနိုင်တယ်။

ဟာဗာလင်သည် သံသယများဖြင့် ပြည့်နှက်နေသော မျက်နှာဖြင့် "ချို့ယွင်းချက်ရှိနေတာလား။ ဒါပေမယ့် ကျွန်တော်သုံးနေတဲ့အချိန်မှာတော့ အဆင်ပြေပါတယ်။”

"အိုး၊ မင်းသိပါတယ်၊ ပြင်းထန်တဲ့တိုက်ပွဲတွေမှာ လက်နက်တွေ ပျက်စီးသွားတာက ရှောင်လွှဲလို့မှမရတာ။"

“အာ၊ ဒီလက်နက်ကို သီးစီးရပ်စ်ရဲ့ စစ်ဘက်စက်ရုံက တီထွင်ခဲ့တာ၊ နည်းပညာနဲ့ပတ်သက်တဲ့ တစ်စုံတစ်ရာကို ပေါက်ကြားမသွားစေဖို့ အမိန့်ထုတ်ထားပါတယ်…” ဟာဗာလင်က စိတ်ရှုပ်သွားသည်။ ဟန်ရှောင်းသည် ယန္တရားပညာရှင်ဖြစ်သည်ကို သူသိသောကြောင့် သူသည် သဘာဝအတိုင်း စိတ်ပူနေ၏။

“အဲဒါ မဟုတ်ဘူးလေ” ဟန်ရှောင်းက မှန်ကန်သော အသံဖြင့် ပြန်ဖြေသည်။ "ငါက ဒီလိုလူနဲ့တူနေတာလား။ ငါတို့က အခု မင်းနဲ့ငါက အသင်းဖော်တွေပဲ”

ဟန်ရှောင်းက ဒီကိစ္စအတွက် အပြစ်ရှိတယ်လို့ လုံးဝမခံစားရပေ။ အသင်းဖော်များကို အသုံးပြုသင့်သည် သို့မဟုတ် စျေးကွက်ရှိ ငါးများနှင့် မည်သို့ကွာခြားမည်နည်း။

ဟာဗာလင်သည် စက္ကန့်အနည်းငယ်မျှ တုံ့ဆိုင်းသွားပြီးနောက်ဆုံးတွင် အလျှော့ပေးလိုက်ကာ ယခင်နေရာသို့ ပြန်သွားသည်။

ဟန်ရှောင်းပြောသည့် စကားတစ်ခွန်းကိုမှ သူမယုံခဲ့ပေမဲ့ ဒီကောင်က တခြားလူတိုင်းထက် အများကြီး ပိုသန်မာသည်။

သူဘာလုပ်နိုင်မှာလဲ။

နိုင်ငံ၆နိုင်ငံ၏ အေးဂျင့်များသည် လက်ရှိအခြေအနေကို သူတို့၏ အထက်အရာရှိထံ သတင်းပို့ရန် အလုပ်များနေကြသည်။ နိုင်ငံတိုင်းက ဒီကိစ္စကို အပြည့်အ၀ အာရုံစိုက်နေကြ၏။ ဟန်ရှောင်းက လုံးဝ စိတ်မ၀င်စားပေ။ နောင်တွင် နားလည်မှုလွဲမှားခြင်းများကို ရှောင်ရှားနိုင်စေရန်အတွက် နိုင်ငံ၆နိုင်ငံမှ လူတို့အား သူမည်မျှသန်မာကြောင်း သိစေချင်သည်။

Bennett လူအနည်းငယ်နှင့် စကားပြောနေသည်ကို ဟန်ရှောင်းမြင်လိုက်ရသဖြင့် လျှောက်သွားလိုက်သည်။ ပြုတ်ကျနေသော ဘီးပေါ်ကနေ အော်ဟစ်နေကြသည်ကို သတိထားမိပြီး မေးလိုက်သည်။ “ဒါက ဘာဖြစ်တာလဲ”

"မင်း သတိထားမိလားတော့ မသိဘူး၊ ဒါပေမယ့် ဒီဘီးကို ပြင်ဖို့ ကြိုးစားနေတယ်" Bennett က စိတ်ရှုပ်နေသော လေသံဖြင့် ပြောသည်။

ဟန်ရှောင်းက သူ့ကို ထူးဆန်းစွာ ကြည့်လိုက်သည်။ “ကျွန်တော့်မှာလည်း မျက်လုံးပါတယ်။ ဦးလေးက ကျွန်တော့်ကို လာလှောင်နေတာလား။"

နှစ်ယောက်သား တစ်ယောက်ကိုတစ်ယောက် စိုက်ကြည့်ရင်း ဟန်းနက်စ်မနေနိုင်နိုင်တော့ဘဲ “ဒီဘီးက အပစ်ခံရတယ်။ ဗူးထဲမှာ ကိရိယာတချို့ရှိတယ်။ အဲဒါကို ပြင်ဖို့ မင်း ငါတို့ကို ကူညီနိုင်မယ်လို့ မင်းထင်လား။ မင်းက ယန္တရားပညာရှင် မဟုတ်လား"

“စောစောက ပြောပါ‌လား။” ဟန်ရှောင်းသည် သူ့အင်္ကျီလက်ကို ဆွဲတင်ကာ သူ့ကိရိယာများကို ထုတ်ယူကာ ခေါက်သံများ တတောက်တောက် မြည်ပြိး ဘီးကို စတင်ပြုပြင်သည်။ လူတစ်စုက သူ့ဘေးမှာ ရပ်နေပြီးအူကြောင်ကြောင်နှင့် ငေးကြည့်နေကြသည်။

ဟန်ရှောင်းပြီးသွားသောအခါ ဟန်းနက်စ်က ဘီးကို ကားပေါ်ပြန်တင်လိုက်တယ်။ Bennett သည် နောက်ဆုံးတွင် ဟန်ရှောင်းကိုကြည့်ကာ အချက်ပြပြီး ဘေးဘက်သို့ ထွက်သွားသည်။ ဟန်ရှောင်းသည် ခေါင်းကို အနည်းငယ်ခါယမ်းလိုက်ပြီး နောက်မှ ကူကယ်ရာမဲ့ လိုက်သွား၏

အကြွေးတောင်းတဲ့သူက နောက်ဆုံးတော့ ရောက်လာပြီ။

သူတို့ စခန်းချတဲ့နေရာနှင့် ခပ်ဝေးဝေးရောက်လာသောအခါ Bennett က ရပ်လိုက်ပြီး ဟန်ရှောင်းလည်း ရပ်လိုက်သည်။

"ဟမ့်!" Bennett က ဟန်ရှောင်းကို လှည့်ပြီး စိုက်ကြည့်ကာ "ကိုယ့်ဖာသာ ရှင်းပြ"

ရှင်းနေသည်မှာ၊ သူသည် ဟန်ရှောင်း၏နှစ်ထပ်သွင်ပြင်လက္ခဏာအကြောင်းပြောနေခြင်းဖြစ်သည်။ Bennett က ဒါကို မကျေနပ်သေးပေ။

ဒါကိုကြားတော့ ဟန်ရှောင်းဝမ်းသာသွားသည်။ Bennett အသံက ငြူစူနေတဲ့ချွေးမရဲ့ အသံလိုပင်...

"ဒါဆို မင်းဒီအကြောင်း မပြောချင်ဘူးလား? ကိုယ့်ကိုယ်ကိုယ်တောင် ဘယ်သူမှန်း မမှတ်မိဘူး ဟုတ်လား၊ အရမ်းနှိပ်စက်ခံခဲ့ရတယ် ဟုတ်လား။" လွန်ခဲ့သည့် ရက်အနည်းငယ်အတွင်း ဖြစ်ပျက်ခဲ့သော အဖြစ်အပျက်များကို ပြန်တွေးရင်း Bennett စိတ်ဆိုးသွားသည်။ "မင်းက ဂြိုလ်သားတစ်ယောက်လို့ ငါတို့ကို ဘာလို့မပြောတာလဲ။"

ဟန်ရှောင်းသည် ဆွံ့အသွားသည်။

မင်း ခန့်မှန်းတာ မှန်နိုင်တယ်...

သို့သော်၊ ဟန်ရှောင်းသည် အလွန်အရေထူပြီး Bennett မည်မျှ ညည်းတွားနေပါစေ၊ ဟန်ရှောင်းသည် သူနားထောင်နေသေးကြောင်း အခြားသူတစ်ဦးအား အသိပေးသည့် အနေဖြင့် ရံဖန်ရံခါ "အမ်" ဟုသာ စကားထောက်ပေးနေသည်။ ဟန်ရှောင်းက စကားလုံးဝမပြောချင်တာကို သူမြင်လိုက်တဲ့အခါ Bennett က ဒီအကြောင်းကို ကူကယ်ရာမဲ့ခံစားရပြီး သက်ပြင်းချလိုက်၏။ "ဘာပဲဖြစ်ဖြစ် ဒါတွေအားလုံးက အတိတ်ပဲ"

ဟန်ရှောင်းသည် သူငယ်ချင်းဖြစ်ပြီး Dark Net တွင် ကြီးမားသော ပံ့ပိုးကူညီမှုများ ပြုလုပ်ပေးခဲ့သူဖြစ်သည်။ သူသည် Shelter အစီအစဉ်တွင် သူ့ကိုယ်သူ မြှုပ်နှံထားပြီး Bennett က သူ့ကို လုံးဝယုံကြည်ခဲ့သည်။ ဒီလိုအရာမျိုးနဲ့ ပတ်သက်ပြီး သူ သိပ်စိတ်မရှုပ်ပေ။ ထို့အပြင် Bennett သည် ဟန်ရှောင်း၏ အောင်မြင်မှုများ အတွက် တိတ်တဆိတ် လေးစားနေသည်။

Bennett သည် အနည်းငယ် ချောင်းဆိုးကာ မသဲမကွဲအသံဖြင့် "မင်း... ကန့်သတ်ချက်ကို ဘယ်လိုကျော်ဖြတ်လိုက်တာလဲ"

စူပါလူသားတစ်ယောက်အနေဖြင့်လည်း သူသည် ပိုမိုသန်မာလာချင်သည်။ Bennett သည် သူ့ကိုယ်သူ ဉာဏ်အလင်းရရှိရန် မျှော်လင့်ချက်ဖြင့် ဟန်ရှောင်း၏ အတွေ့အကြုံကို မေးလို၏။ ဟန်ရှောင်က သူ့ထက်သာလွန်နေမည်ကို အမှန်တကယ် ဂရုမစိုက်ခဲ့ပေ။ Bennett သည် ဤအသေးအမွှားကိစ္စများကို ဂရုမစိုက်ဖူးသူတစ်ဦးဖြစ်ပြီး သူ့သူငယ်ချင်းများကို ယုံကြည်ခြင်းဖြင့် အမြဲတမ်း နေထိုင်ခဲ့သည်။ ဟန်ရှောင်းသည် ထိုကဲ့သို့သော သူငယ်ချင်းတစ်ယောက်ဖြစ်သည်။ ဤလူငယ်သည် ရံဖန်ရံခါ သူ့ကို စိတ်ဆိုးစေသော်လည်း သူသည် နှစ်သက်ဖွယ်ကောင်းသော အထောက်အပံ့တစ်ဦး ဖြစ်နေဆဲပင်။

ဟန်ရှောင်းက ခဏလောက်စဉ်းစားပြီး ရုပ်တည်ကြီးနဲ့ ပြန်ဖြေသည်။ "ရှေးဟောင်းက သွန်သင်ချက်အတိုင်းပဲ... ပထမဆုံး အသက်ပြင်းပြင်းရှူပြီး ခဏစောင့်ပါ။ ကိုယ့်ရဲ့ဝမ်းဗိုက်တစ်ဝိုက်မှာ စွမ်းအင်ကို စတင်လည်ပတ်ဖို့လည်း လိုအပ်တယ်။ ကျွန်တော်ပြောနေတဲ့နေရာကို ဦးလေးသိတယ်မဟုတ်လား? ပြောရရင် ဆီးအိမ်နားတဝိုက်ပဲ။ အဲဒီအခါမှာ ကိုယ့်ဆီကနေ စွမ်းအင်တွေ တဖြည်းဖြည်း ယိုစိမ့်လာသလို ခံစားလာရလိမ့်မယ်၊ ဒါပေမယ့် စိတ်မပူပါနဲ့၊ ဒါက စတင်သူတွေအတွက် ဖြစ်ရိုးဖြစ်စဉ်ပဲ။ ဒီခံစားချက်ကို ထိန်းချုပ်နိုင်ပြီး ယိုစိမ့်လာတဲ့ စွမ်းအင်တွေကို ထိန်းထားနိုင်ပြီဆိုရင်တော့ ကန့်သတ်ချက်ကို ဖြတ်ကျော်နိုင်မှာပါ။ အဲ့လောက်လွယ်ပါတယ်။"

"... မင်းက ငါ့ကို ထပ်ပြီး ပေါက်ကရတွေ ပြောနေတာပဲ မဟုတ်လား" Bennett အံ့သြသွားသည်။ သူ့ပါးစပ်ထဲမှာ ထွေးထုတ်ပစ်ဖို့ စောင့်ဆိုင်းနေတဲ့ မကောင်းတဲ့ အသုံးအနှုန်းတွေ ပါးစပ်ထဲမှာ ပြည့်နှက်နေ၏။

မင်းဘာလို့ ဘယ်တော့မှမပြောင်းလဲတာလဲ! ငါက ဒီလောက် လိမ်ရလွယ်လို့လား ‽

ထိုအချိန်တွင် နှစ်ယောက်သား တစ်စုံတစ်ယောက် ချဉ်းကပ်လာသည်ကို သတိပြုမိသဖြင့် ရုတ်တရက် ငြိမ်သက်သွားသည်။ ဟန်းနက်စ် ဖြစ်သည်။

ဟန်းနက်စ်က သူတို့နှစ်ယောက်ကို တစ်ချက်အကဲခတ်ပြီး “မင်းတို့ကို ငါပြောစရာရှိတယ်။ ဂျာမီနယ်ခေါင်းဆောင်ရဲ့ ဇစ်မြစ်ကို ငါရှာတွေ့ပြီထင်တယ်။”

သူတို့နှစ်ယောက် အံ့အားသင့်သွားပြီး သူတို့၏ အမူအရာများ သိသိသာသာ ပြောင်းလဲသွားသည်။

Bennett က “သူဟာ ကျွန်တော့်လိုပဲ အစွမ်းထက်တယ်။ “ဒီလို ဇာတ်ကောင်မျိုးက ကြုံရာကျပန်းလူဆိုး မဟုတ်တာတော့ သေချာတယ်၊ ဒါပေမယ့် ကျွန်တော် သူ့ကို လုံးဝ မမှတ်မိဘူး။ အရမ်းထူးဆန်းတယ်။”

"ဒါဆို သူက ဘယ်ကလာတာလဲ" ဟန်ရှောင်းက စိတ်ဝင်တစား မေးသည်။

“Black Phantom… အိုး၊ ငါ မင်းကို ဟန်ရှောင်းလို့ ခေါ်မယ်။ မင်းအတွက် ငါတို့ပေးခဲ့တဲ့ မစ်ရှင်ကို မင်းမှတ်မိသေးလား။"

ဟန်ရှောင်းခေါင်းညိတ်လိုက်သည်။ လျှို့ဝှက် A အဆင့် ပင်မဇာတ်ကြောင်းမစ်ရှင် [ခေတ်သစ် - မူလအစ] ၏ ရည်ရွယ်ချက်မှာ ရေပင်လယ်ဂြိုလ်၏ မြှုပ်နှံထားသော အတိတ်ကို တူးဖော်ရန်ဖြစ်သည်။ သူသည် မစ်ရှင်ကို မတူညီသောအပိုင်းများအဖြစ် ခွဲထုတ်ပြီး မစ်ရှင်ကိုကိုင်တွယ်ရန် ပရော်ဖက်ရှင်နယ် Galaxy ကစားသမားများကို တာဝန်ပေးအပ်ခဲ့သည်။ မစ်ရှင်၏ပထမပိုင်း ပြီးသွားသော်လည်း ဟန်ရှောင်းက ၎င်းကို လှည့်မကြည့်ခဲ့ပေ။

ခေါင်းဆောင်သည် လျှို့ဝှက်ထားသော ပင်မဇာတ်ကြောင်းနှင့် ပတ်သက်မှုတစ်ခုခုရှိမည်ဟု သူဘယ်သောအခါမှ တွေးမထင်မိဘဲ၊ ယင်းက ချက်ချင်းပင် သူ့စိတ်ဝင်စားမှုကို တိုးလာစေသည်။