ဂျာမီနယ်အဖွဲ့အစည်း၏ မူလအစ

“မင်းတွေ့ခဲ့တဲ့ သတင်းအချက်အလက်တွေက ငါတို့ကို သဲလွန်စအသစ်တွေပေးတယ်။ စုံစမ်းစစ်ဆေးမှု အမျိုးမျိုး၊ နိုင်ငံသေတစ်ခုရဲ့ တံဆိပ်ခတ်ထားတဲ့ လျှို့ဝှက်စာလိပ်က ဂျာမီနယ်အဖွဲ့အစည်း၏ ဇစ်မြစ်ကို ငါတို့တွေ့ရှိခဲ့တယ်…”

သူ့စကားဆုံးသည်နှင့် အကြောင်းကြားချက်က အင်တာဖေ့စ်မှာ ပေါ်လာသည်။

_____________________

[ခေတ်သစ် – မူလအစ] ပထမအချီပြီးပါပြီ။

သင်သည် အတွေ့အကြုံအမှတ် ၃၅၀,၀၀၀ ရရှိပါသည်။

ပြီးမြောက်မှုအဆင့် - ကောင်းသည်။

သင်သည် အတွေ့အကြုံအမှတ် ဘောနပ်စ် ၂၈၀,၀၀၀ ရရှိပါသည်။

အဆင့် ၄၅ Rare Large Dungeon Crystal – [ဂေါလမ် Protection Warfare] x ၅ခု ကို သင်လက်ခံရရှိပါသည်။

ဟန်းနက်စ်စကားကို နားထောင်ပါ။

_____________________

“ခေတ်ဟောင်းမှာ ဂေါလမ်လို့ခေါ်တဲ့ နိုင်ငံငယ်လေးရှိတယ်။ သူတို့ရဲ့ အစိုးရက သမိုင်းတစ်လျှောက် အပြောင်းအလဲတွေ နဲ့ တော်လှန်မှုတွေ အများကြီးကို ဖြတ်သန်းခဲ့တယ်။ ခေတ်ဟောင်းရဲ့ တစ်နှစ်မှာ၊ ဂေါလမ် ကို ပစ်မှတ်ထားတဲ့ အကြမ်းဖက်အဖွဲ့တစ်ဖွဲ့က 'မီမော့' နာမည်နဲ့ ပေါ်လာတယ်။ သူတို့သည် ဂေါလမ် နိုင်ငံကို အကြိမ်များစွာ တိုက်ခိုက်ခဲ့ပြီး လူ့အဖွဲ့အစည်းအတွင်းမှာ ထိတ်လန့်မှုတွေ ဖန်တီးခဲ့တယ်။ အစိုးရက အရေးယူ ဆောင်ရွက်တယ်။

“ဒါပေမယ့် မီမော့ အဖွဲ့ဝင်တွေက နေရာတိုင်းမှာ ရှိနေသလိုပဲ။ ထပ်ခါတလဲလဲ တိုက်ခိုက်မှုတွေက ဂေါလမ် လူမျိုးတွေရဲ့ လုံခြုံတယ်ဆိုတဲ့အသိကို ဖျက်စီးပစ်လိုက်တယ်။ အစိုးရကို တင်းတင်းကျပ်ကျပ် အရေးယူဖို့ တောင်းဆိုပြီး အစိုးရကလည်း လုပ်ခဲ့တယ်။ တင်းကျပ်တဲ့ ဥပဒေ အမျိုးမျိုးနဲ့ ထွက်လာတယ်။ နိုင်ငံတွင်းရှိ စည်းမျဉ်းတွေ တင်းကျပ်လာပြီး ဂေါလမ် က လူတွေက အမြဲမပြတ် စောင့်ကြည့်ခြင်းနှင့် စီမံခန့်ခွဲခြင်းအောက်တွင် ရှိနေကြသည်။ အဲဒါကို 'အကာအကွယ်အစီအမံ' လို့ခေါ်တယ်။ အဲဒီနောက်မှာတော့ မီမော့ ဟာ တစ်ညတည်းနဲ့ ပျောက်ကွယ်သွားပုံရပါတယ်။ တိုက်ခိုက်မှုတွေ မရှိတော့ဘူး။ အစီအမံတွေက အလုပ်ဖြစ်ပုံရတယ်။

“သို့သော်၊ မီမော့ က တ‌ကယ်တော့ လူတွေကို အကြမ်းဖက်ဖို့ ဂေါလမ် အစိုးရမှ လျှို့ဝှက်ဖန်တီးထားသည့် အဖွဲ့အစည်းတစ်ခုပဲ။ လုံခြုံရေးအတွက်၊ ဂေါလမ် က လူတွေ တင်းကျပ်သော 'အကာအကွယ်' ကို တလိုတလားလက်ခံခဲ့ကြတာပေါ့။ အစိုးရက ပြည်သူတွေရဲ့ ရပိုင်ခွင့်တွေကို တစ်ခုပြီး တစ်ခု ပြန်ယူတယ်။ မီဒီယာသတင်းရင်းမြစ်တွေနဲ့ ပြည်သူတွေရဲ့ အသံကို ပေးနိုင်တဲ့ ဘယ်ပလက်ဖောင်းမဆို အစိုးရရဲ့ တင်းကျပ်တဲ့ ထိန်းချုပ်မှုအောက် ရောက်ကုန်ကြတယ်။”

Bennett က ခေါင်းညိတ်ပြီး “အဲဒါက အကြောက်တရားနဲ့ အုပ်ချုပ်ခြင်းပဲ။ ပြည်သူအတွက် ရန်သူဖန်တီးပြီး ပြည်သူဘက်မှာ ရှိနေမယ်။ သူတို့ကိုယ်တိုင် အန္တရာယ်ကို ခံစားရလိမ့်မယ်။ ဘေးကင်းရေး အာမခံချက်မရှိတဲ့အခါ၊ တင်းကျပ်တဲ့ စည်းမျဥ်းစည်းကမ်းတွေကို လက်ခံပြီး လူအများစုကို အကြောက်တရားက လွတ်လပ်မှုကို စွန့်လွှတ်ဖို့ တွန်းအားပေးလိမ့်မယ်။”

"မှန်တယ်။" ဟန်းနက်စ်က ခေါင်းညိတ်ပြီး ဆက်ပြောသည်။ “အဲဒီတုန်းက အစိုးရက ဘာကြောင့် နိုင်ငံကို အုပ်ချုပ်ဖို့ ဒီနည်းလမ်းကို ရွေးခဲ့တာလဲဆိုတာ မသိနိုင်ဘူး။ သမိုင်းမှာ လုပ်ခဲ့တဲ့ အလားတူအမှားမျိုး မလုပ်ချင်ကြလို့လည်း ဖြစ်နိုင်တယ်။ ဒါပေမယ့် အချို့သောလူတွေက မီမော့နဲ့ ပတ်သက်တဲ့ အမှန်တရားကို ရှာတွေ့သွားကြတယ်။ အစိုးရရဲ့ လှည့်စားမှုတွေ ပေါ်ကုန်တယ်။ အဲဒါက သူတို့ကို ဆွဲချနိုင်တဲ့ အရှုပ်အရှင်းတစ်ခု ဖြစ်လာခဲ့သည်။ ဂေါလမ် က လူတွေ ဒေါသတကြီး ဖြစ်လာတယ်။ ချီတက်ဆန္ဒပြကြပြီး အရပ်သားတော်လှန်ရေးအဖွဲ့အစည်းကို ထူထောင်ခဲ့ကြတယ်။ အစိုးရကို ဖြုတ်ချလိုတဲ့ ပဋိပက္ခတွေ တစ်ခုပြီးတစ်ခု ဖြစ်လာတယ်။

“ဂေါလမ် မှာရှိတဲ့ ပြည်တွင်းပဋိပက္ခတွေ အရှိန်အမြင့်ဆုံးဖြစ်တဲ့အခါ၊ ကြယ်စင်စု လူမှုအဖွဲ့အစည်း ပေါ်လာတယ်။ ကမ္ဘာကြီးကို ပြောင်းလဲပစ်နိုင်တဲ့ အသိပညာတွေ ယူဆောင်လာကြတယ်။ အဲဒီအချိန်မှာ ကမ္ဘာတစ်ဝှမ်း နေရာအနှံ့ မငြိမ်မသက်မှုများ ပေါ်လာတယ်။ အဲဒီနောက် စစ်ဖြစ်တော့ ဂေါလမ်ကို သူတို့ရဲ့ အိမ်နီးချင်းနိုင်ငံက ကျူးကျော်လာတယ်။ ဂေါလမ်က ပြည်တွင်းပဋိပက္ခအပေါ် အရမ်း အာရုံစိုက်နေတယ်။ ပြည်တွင်းနဲ့ ပြည်ပက ခြိမ်းခြောက်မှုတွေကြောင့် အစိုးရ ပြုတ်ကျသွားတယ်။ နိုင်ငံကို ကျူးကျော်ပြီး သိမ်းပိုက်လိုက်ကြတယ်။ ဂေါလမ်က သေဆုံးသွားတယ်။

“ဒါဆို ဂျာမီနယ်အဖွဲ့အစည်းက မီမော့ပေါ့။

“လက်ရှိ ဂျာမီနယ်အဖွဲ့ ခေါင်းဆောင်က ဂေါလမ်နိုင်ငံသား။ သူက တစ်ချိန်က ဂေါလမ် အရပ်သားတော်လှန်ရေးအဖွဲ့အစည်း၏ အဖွဲ့ဝင် ဖြစ်ခဲ့တယ်။"

"အိုး? ဂေါလမ် အရပ်သားတော်လှန်ရေးအဖွဲ့အစည်းက မီမော့ ရဲ့ ရန်သူဖြစ်သင့်တယ်” ဟန်ရှောင်းက တအံ့သြတပြောသည်။ "သူ့ရဲ့ အစစ်အမှန် အထောက်အထားက ဘာလဲ။ သူ့နာမည် ဘယ်လိုခေါ်လဲ?"

ဟန်းနက်စ်က ခေါင်းယမ်းပြီး ပြော၏။ “အဲဒီခေတ်က သိပ်ကိုကြာခဲ့ပြီ။ အသေးစိတ် အထောက်အထားကို ရှာမတွေ့တော့ဘူး။ ငါတို့သေချာသိတာတစ်ခုက ဂျာမီနယ်အဖွဲ့အစည်းရဲ့ခေါင်းဆောင်ဟာ တစ်ချိန်က ဘာမှမဟုတ်ခဲ့ဘူး။ ဂေါလမ် သေဆုံးသွားပေမယ့် မီမော့ က လွတ်မြောက်သွားသည်။ အစိုးရထိန်းချုပ်မှုမှ လွတ်မြောက်ပြီးနောက် မီမော့ ခေါင်းဆောင်က ရည်မှန်းချက်ကြီးသည်။ သူက အဖွဲ့အစည်းကို စစ်ပွဲမှာ အခွင့်အရေးရှာဖို့ အစာငတ်နေသော ဝံပုလွေအဖြစ် ပြောင်းလဲခဲ့တယ်။

“သူတို့က ခေတ်ဟောင်းစစ်ပွဲမတိုင်ခင် တချိန်က တက်ကြွလှုပ်ရှားခဲ့ကြတယ်။ ဒါပေမယ့် တစ်နေ့မှာတော့ မီမော့ ရုတ်တရက် ပျောက်သွားတယ်။ နှစ်အနည်းငယ်ကြာပြီးမှ ပြန်ပေါ်လာတယ်။ သူတို့ပြန်ပေါ်လာတဲ့အခါ သူတို့ကို ဂျာမီနယ်အဖွဲ့အစည်းလို့ ခေါ်တယ်။ သူတို့ရဲ့ စွမ်းအားက အဆပေါင်းများစွာ ချဲ့ထွင်လာတယ်။ ပုစွန်ကနေ ငါးမန်းဖြစ်လာတယ်။ မူလ မီမော့ ခေါင်းဆောင်ကိုတော့ ဘယ်မှာမှ ရှာမတွေ့တော့ဘူး။ ဒါကျွန်တော်ရှာတွေ့နိုင်တဲ့ သတင်းအချက်အလက်တွေပဲ။"

တိတ်ဆိတ်သွားပြီး တစ်ယောက်ကိုတစ်ယောက် စိုက်ကြည့်နေကြတယ်။

"ခေါင်းဆောင်က မီမော့ကို သိမ်းသွားသလိုပဲ" ဟန်ရှောင်းက အသံတိုးတိုးဖြင့် ပြောသည်။

Bennett သည် နောက်ထပ်ပြဿနာတစ်ခုအတွက် ပိုစိုးရိမ်ခဲ့သည်။ "ဂေါလမ်က တခြားလူတွေ ဘာဖြစ်သွားတာလဲ"

“တချို့က ဂေါလမ်ကို ကျူးကျော်တဲ့နိုင်ငံရဲ့ သတ်ဖြတ်ခံရတယ်၊ တချို့က နိုင်ငံပြောင်းသွားပြီး ကျန်တဲ့သူတွေက လှည့်လည်သွားလာကြတယ်။” ဟန်းနက်စ်က ဆက်မပြောခင် ခေတ္တရပ်လိုက်ပြီး “ဒါ့အပြင်… ဂေါလမ်ကို ကျူးကျော်ခဲ့တဲ့ နိုင်ငံကို အခု ရိုင်းလင်းလို့ ခေါ်တယ်”

“ဒါဆို၊ ဒီလို ဖြစ်ခဲ့တာပေါ့။ အခု ဂျာမီနယ်အဖွဲ့အစည်း ခေါင်းဆောင်က နိုင်ငံ၆နိုင်ငံအပေါ် ရန်လိုနေတာရဲ့ ရည်ရွယ်ချက်ကို ကျွန်တော်တို့ သိပြီ - လက်စားချေခြင်းပဲ” ဟန်ရှောင်းခေါင်းညိတ်လိုက်သည်။

လူတိုင်းက ကိုယ့်ဘဝအတွက် မျှော်လင့်ချက်များ ရှိကြသည်။ မျှော်လင့်ချက်သည် ဆန္ဒတစ်ခုဖြစ်လာပြီး ထိုဆန္ဒသည် ယုံကြည်ချက်ဖြစ်လာမည်ဖြစ်သည်။ မတူညီသောယုံကြည်ချက်များသည် မတူညီသောလမ်းကြောင်းများဆီသို့ ဦးတည်စေကာ အချင်းချင်း ထိပ်တိုက်တွေ့စေမည့် ပဋိပက္ခများဖြစ်ပေါ်စေပြီး အဆုံးစွန်သောပုံစံဖြစ်သည့် စစ်ပွဲပင်ဖြစ်နိုင်သည်။

ဂျာမီနယ်အဖွဲ့အစည်းကို ခေတ်ဟောင်းမှ ဖန်တီးခဲ့သည်။ ၎င်းတို့သည် ပဋိပက္ခ၏ ရှေ့တန်းတွင် ရှိနေခဲ့သော်လည်း ၎င်းတို့သည် ဆက်လက်တည်ရှိနေရုံသာမက ပိုမိုအားကောင်းလာခဲ့သည်။ ခေါင်းဆောင်၏အတိတ်သည် ဒဏ္ဍာရီဆန်၏။ မည်သူမျှ မကြားဘူးသော သာမန်လူတစ်ဦးမှသည် နိုင်ငံ၆နိုင်ငံကို တိုက်ခိုက်နိုင်သော အဖွဲ့အစည်း၏ ခေါင်းဆောင် ဖြစ်လာခဲ့သည်။ သူသည် ရေပင်လယ်ဂြိုလ်တွင် အဓိကဇာတ်ကောင်တစ်ဦးအဖြစ် ပါဝင်ခဲ့သည်မှာ သေချာသည်။

သို့သော် ခေါင်းဆောင်ကိုယ်တိုင်ကသာ သူ၏ အတွေးအမြင်နှင့် အတွေ့အကြုံများကို အမှန်တကယ်သိသည်။

ဤအချိန်တွင်၊ [ခေတ်သစ် - မူလအစ] ၏ ဒုတိယအကျော့ မစ်ရှင်များသည် အင်တာဖေ့စ်ပေါ်တွင် ပေါ်လာသည်။ ၎င်းသည် ကမ္ဘာတစ်ဝှမ်းရှိ သဲလွန်စများကိုရှာဖွေရန် သေးငယ်သောမစ်ရှင်များစွာပါဝင်ပြီး ပထမအကျော့နှင့် တူညီသော မစ်ရှင်အမျိုးအစားဖြစ်သည်။ မစ်ရှင်စုစုပေါင်း ကိုးခုရှိ၏။ ဟန်ရှောင်းက သူ့၏နည်းလမ်းဟောင်းကို အသုံးပြုပြီး သူတို့ကို ခွဲထုတ်ကာ ကစားသမားတွေကို ခွဲဝေပေးဖို့ ဆုံးဖြတ်လိုက်သည်။

ဤလျှို့ဝှက်ဇာတ်လမ်းသည် မြှုပ်နှံထားခဲ့သော သမိုင်းကြောင်းကို တူးဖော်ခြင်းအကြောင်းဖြစ်သည်။ နိဒါန်းတွင် ၎င်းသည် ရေပင်လယ်ဂြိုလ်တွင် မသိရသေးသော အကျိုးသက်ရောက်မှုများ ရှိလိမ့်မည်ဟု ဆိုသည်။ ဤမျှထိတ်လန့်ဖွယ်ရာ တစ်စုံတစ်ရာပေါ်လာပြီး ကမ္ဘာတစ်ခုလုံးနှင့်ပတ်သက်သည့် လူတို့၏ အသိပညာကို ပြောင်းလဲစေမည်လား။ ဟန်ရှောင်းမှန်းဆလိုက်သည်။

ဒုတိယအကျော့၏ အခြေခံဆုလာဘ်မှာ အတွေ့အကြုံအမှတ် ၈၀၀,၀၀၀ ဖြစ်ပြီး အဆင့်ဆုကြေးကို မသိရသေးပေ။ မစ်ရှင်၏ပထမအကျော့တွင် လူနှစ်ဆယ်ကျော်ရှိသော dungeon ကြီးကြီးတစ်ခု၏ Dungeon Crystals ငါးခုကို ပေးအပ်ခဲ့ပြီး အမှတ်များသိမ်းဆည်းကာ ရက်ပေါင်းများစွာ ဆက်လက်လုပ်ဆောင်နိုင်သည့် အမျိုးအစားဖြစ်သည်။ အသင်းအဖွဲ့ကြီးတွေက စိတ်ဝင်စားမှာ သေချာ၏။ ဟန်ရှောင်းသည် ဤအရာမှ ကြွယ်ဝချမ်းသာအောင် ပြုလုပ်နိုင်သည်ဟု ခံစားမိသည်။

စကားစမြည်ပြောပြီးနောက် ယာဉ်တန်းဆီသို့ ပြန်သွားကြသည်။

ဟန်ရှောင်းက ဘေးမှာထိုင်ပြီး အစာခြောက်စားနေသည်။ ရုတ်တရက် မွှေးရနံ့လေးတစ်ခု ရလာ၏။

ဟီလာက သူ့အနားရောက်လာပြီး လေးနက်တဲ့မျက်နှာနဲ့ “ငါတို့ လွတ်မြောက်သွားပြီ။ ညီမလေးကို ဘယ်တော့ခေါ်သွားမလဲ။ ငါသူမကို အရမ်းစိတ်ပူတယ်။"

ဟန်ရှောင်းက နောက်ဆုံး ဘီစကွတ်ကို စားကာ ပါးစပ်ကို သုတ်လိုက်ပြီး "မင်းညီမကို ခေါ်ဖို့ ငါတို့ အဲဒီကို ပြန်သွားရမယ်။ နိုင်ငံ၆နိုင်ငံက ဒီလူတွေက ငါတို့ကို စွန့်စားဖို့ သဘောတူမှာမဟုတ်ဘူး”

"ဒါဆို ငါတို့ကိုယ်တိုင်သွားမယ်" ဟီလာက မဆိုင်းမတွပြောသည်။

ဟန်ရှောင်းခေါင်းခါလိုက်သည်။ "ငါပြန်သွားရင် ခေါင်းဆောင်က နောက်တစ်ကြိမ် ပြန်တိုက်နိုင်တယ်၊ ဒုက္ခ ပိုများလိမ့်မယ်။"

ဟန်ရှောင်းက အစမှာ ပြောခဲ့သလိုပဲ အော်ရိုရာကို ခေါ်ယူရတာ အရမ်းခက်ခဲပါတယ်။ သို့သော်လည်း လူခွဲခြင်းမှာ မရှိမဖြစ်လိုအပ်သည်။ အော်ရိုရာကို ခေါ်လာခြင်းမှာ သူမကို ဂရုစိုက်နေရပြိး စွမ်းအားကုန် မတိုက်နိုင်တော့သည့် အဓိပ္ပါယ်ရှိသည်။ ကန့်သတ်ချက်များ များစွာရှိမည်ဖြစ်ပြီး အော်ရိုရာသည် အန္တရာယ်နှင့် ရင်ဆိုင်ရနိုင်ကာ ရန်သူအတွက် ဟာကွက်များ ပေါ်ပေါက်လာနိုင်သည်။ အကယ်၍ သူတို့နှစ်ဦးသည် အော်ရိုရာကို ကာကွယ်နေကြောင်း သတိပြုမိသွားပြီး အော်ရိုရာကို ဦးတည်တိုက်ခိုက်ရန် ဆုံးဖြတ်ခဲ့လျှင် ၎င်းတို့နှစ်ဦးသည် တိုက်ပွဲတွင် အားနည်းချက်များ ပို၍ ပေါ်လာနိုင်မည်ဖြစ်သည်။ သူမကို ခေါ်ခဲ့မယ်ဆိုရင်တောင် သူတို့က ထွက်ပြေးနိုင်မည် မဟုတ်ပေ။

ဟီလာက ဟန်ရှောင်းကို မျက်မှောင်ကြုတ်ပြီး ဘာမှပြန်မပြောပေ။ သူတို့သည် သေခြင်းရှင်ခြင်း အခြေအနေများကို အတူတကွ ဖြတ်သန်းခဲ့ကြသောကြောင့် ဟန်ရှောင်းသည် သူ့စကားကို ပြန်မရုတ်သိမ်းနိုင်ဟု သူမယုံကြည်ထားသည်။

ဟီလာနှင့် ဟန်ရှောင်းကို ရဲဘော်များဟု ယူဆနိုင်သည်။

ယခု ဟီလာသည် ရေခဲလိုအေးစက်ပြီး မခန့်မှန်းနိုင်သော သူ၏မှတ်ဉာဏ်ထဲရှိ သေမင်းနတ်ဘုရားမနှင့် နှိုင်းယှဉ်လျှင်ငယ်ရွယ်ပြီး သံယောဇဉ်တွယ်တတ်၏။ ဟန်ရှောင်းသည် အနာဂတ်တွင် အသန်မာဆုံးလူတစ်ဦးဖြစ်လာမည့်သူ၏ သံယောဇဉ်ရှိသည့်ဘက်ခြမ်းကို မြင်တွေ့ရသည်မှာ အလွန်ပျော်ရွှင်နေ၏။

ခက်ခဲတဲ့အချိန်တွေမှာ ရခဲ့သည့် သူငယ်ချင်းတွေက အောင်မြင်ပြီးနောက်ပိုင်း ရင်းနှီးတဲ့သူတွေထက် ပိုရင်းနှီးလာမှာ သေချာသည်။

သူက မတ်တပ်ထရပ်ပြီး ဟီလာပခုံးကို ပုတ်ကာ ပြုံးပြသည်။ "စိတ်မပူပါနဲ့ ငါ့မှာ ပိုကောင်းတဲ့ လူတစ်ယောက် ရှိတယ်"

ဟီလာမျက်မှောင်ကြုတ်လိုက်သည်။ ရိုးရိုးသားသားပြောရရင် သူမညီမကို ပြင်ပလူတစ်ယောက်က မခေါ်စေချင်သော်လည်း ဟန်ရှောင်းက ဒီလိုပြောဖို့ သူ့အကြောင်းပြချက်နဲ့သူ သေချာပေါက်ရှိလောက်သည်။ "အဲဒီလူက ယုံကြည်ရလား။"

ဟန်ရှောင်းက သူ့မေးစေ့ကို ထိပြီး ခေါင်းညိတ်လိုက်တယ်။ “ငါတို့က ကုန်သွယ်မှုလုပ်တဲ့ ဆက်ဆံရေး ရှိတယ်။ သူ့မှာ ငါ့ရန်သူဖြစ်စရာ အကြောင်းမရှိဘူး၊ သူ့အရည်အချင်းတွေက ဒီအလုပ်အတွက် အသင့်တော်ဆုံးပဲ။”

ဟီလာခေါင်းညိတ်လိုက်သည်။ သူမက ဟန်ရှောင်းကို ယုံကြည်ဖို့ ရွေးချယ်ပြီး ဘေးမှာ ရပ်လိုက်သည်။ ဟန်ရှောင်းသည် သူ့လက်ပ်တော့ပ်ကို ထုတ်ကာ ဆက်သွယ်ရေးလမ်းကြောင်းသို့ ခေါ်ဆိုလိုက်သည်။ စက္ကန့်အနည်းငယ်ကြာပြီးနောက် လက်တော့ပ်ထဲမှ အသံတစ်ခုထွက်လာသည်။

"Black Phantom?"

"ကျွန်တော်ပါ။" ဟန်ရှောင်းက ပြုံးပြီး "နေကောင်းရဲ့လား ဒီယွန်"

“ဒီအချိန်မှာ မင်းငါ့ကိုခေါ်မယ်လို့ မထင်ထားဘူး။ မင်း စစ်မြေပြင်မှာ မဟုတ်ဘူးလား၊ မင်းအကြောင်း သတင်းတွေက နေရာအနှံ့ပဲ။" ဒီယွန် အံ့သြသွားသည်။ ဟန်ရှောင်းသည် ယခုအခါ အံ့အားသင့်လောက်စရာ လွှမ်းမိုးမှုအဆင့်ရှိနေပြီဖြစ်သောကြောင့် သူ့လေသံမှာလည်း အနည်းငယ် နူးညံ့သည်။

"ဒါဆို မင်းနောက်ဆုံးသတင်းကို စောင့်ရမယ်" ဟန်ရှောင်းက ပြောသည်။ "အခု စီးပွားရေးက ဘယ်လိုလဲ"

"တော်တော်ကောင်းပါတယ်၊ ဖောက်သည်ကြီးတွေက စစ်ဖြစ်တဲ့အချိန်မှာ သုံးစွဲဖို့ ဆန္ဒရှိနေတယ်။"

"ငါ မင်းဆီက ဝယ်စရာ နည်းနည်းရှိတယ်" ဟန်ရှောင်းက ပြောသည်။ “The Bonfire Reaction Furnace၊ PE0 နာနိုနည်းပညာဖိုက်ဘာ အဲဒါတွေပေါ့။ အဲဒါတွေကို နောက်ထပ်ယူနစ်နည်းနည်း ဝယ်ချင်တယ်။ ပိုက်ဆံက ပြဿနာမဟုတ်ဘူး။ စာရင်းကို ပို့ပေးလိုက်မယ်။"

Viper က ပျက်စီးသွားပြီဖြစ်၍ ဟန်ရှောင်းက အသစ်တစ်ခု ဆောက်ချင်နေသည်။ သူ့ရဲ့ အရည်အချင်းတွေ တိုးတက်လာသည့်အတွက် ဒီထက်ပိုပြီး အားကောင်းတဲ့ ဗားရှင်းကို ဖန်တီးချင်၏။

ယန္တရားပညာရှင်တစ်ဦးအနေဖြင့် ယခင် စက်ယန္တရားပျက်စီးသွားပါက၊ အသစ်တစ်ခု ဆောက်လုပ်ရမည်ဖြစ်သည်။ ဒါက ဘဝနေထိုင်မှုပုံစံပင်။

"ကောင်းပြီ။" ဒီယွန် ချက်ချင်း သဘောတူလိုက်သည်။ “ငါကလည်း Andrea မှာ ရောက်နေတယ်။ သိတဲ့အတိုင်း စစ်ပွဲဆိုတာ စီးပွားရေးအခွင့်အလမ်းပဲလေ။ မင်းနေရာတစ်ခုကို ဆုံးဖြတ်လိုက်၊ ပစ္စည်းတွေ ပို့ပေးမယ်။ Ordina အနီးတဝိုက်မှာ မဟုတ်ရင် အကောင်းဆုံးပဲ။”

"မင်းက အန်ဒရီရာမှာလား။ ဒီလိုဆိုရင် မင်းကို တောင်းဆိုစရာလေး တစ်ခုရှိတယ်။"

"ဘာလဲ?"

"ငါ့အတွက် တစ်ယောက်ယောက်ကို သွားခေါ်ပေးပါလား"