ဖော်ထုတ်ခံလိုက်ရသော သတင်းအချက်အလက်များ၊ စစ်ပွဲ၏ အချိုးအကွေ့

ပုပ်အက်သော အနံ့အသက်က လေထဲ ပြည့်နေသည်။ အမှောင်ထုနှင့် အေးစက်သောလေက အရိုးထဲသို့ ထိုးဖောက်ဝင်ရောက်လာသည်။

မှောင်မည်းနေသော လှိုဏ်ဂူတစ်ခုတွင် သေးငယ်သော လူတစ်ဦးသည် ကျုံ့ကျုံ့လေးထိုင်ရင်း တုန်လှုပ်နေသည်။

အော်ရိုရာသည် စစ်တပ်သုံး ဘီစကွတ်အိတ်ကို ဖြည်းညှင်းစွာ ဆုတ်ဖြဲနေပြီး တစ်ချက်ဖြဲလိုက်တိုင်း အသံသည် ရန်သူများကို ဆွဲဆောင်လာမည်ကို စိုးရိမ်သဖြင့် ရပ်တန့်သွားသည်။ အိတ်ကိုဖွင့်ပြီးနောက် သူမသည် မာကျောသော ဘီစကွတ်များပေါ်တွင် သေးသေးလေးကိုက်ကာ ပြီးအောင် အချိန်ယူခဲ့ရသည်။

ဤအသံများသည် ဂူထဲမှ ထွက်မလာနိုင်သော်လည်း ဟန်ရှောင်း၏သတိပေးချက်ကို စိတ်ထဲရှိနေပြီး မည်သည့်အသံမှ မထွက်ဝံ့ပေ။

ဤသည်မှာ ဆယ့်သုံးကြိမ်မြောက် အစာဖြစ်နေပြီဟု အော်ရိုရာ စဉ်းစားမိသည်။

လှိုဏ်ဂူထဲမှာ အချိန်မည်မျှကုန်သွားသည်ကို မခံစားနိုင်ပေ။ သူမ ဗိုက်ဆာတာနဲ့ စားသောက်ပြီး အချိန်ကို အစားအစာ အရေအတွက်ပေါ် မူတည်ပြီး တွက်ချက်ထားသည်။

တောက်ပသော မျက်လုံးတစ်စုံသည် အရိပ်ထဲတွင် ပုန်းကွယ်ကာ ဂူဝင်ပေါက်ဆီသို့ အမြဲကြည့်နေ၏။

လှိုဏ်ဂူထဲမှာ အရင်းအမြစ်များ၊ အသက်ရှုသံများ၊ သူမ၏ နှလုံးခုန်သံများနှင့် အမှောင်ထဲတွင် စောင့်ဆိုင်းနေမှုများသာ ရှိနေသည်။

…

ရက်အနည်းငယ်ကြာပြီးနောက်၊ အန်ဒရီရာ၏ တောင်ဘက်စစ်မြေပြင်ရှိ ကြယ်နဂါးနိုင်ငံ စခန်းရှေ့တန်း၌။

ယာဉ်တန်းသည် စခန်းအတွင်း၌ ရပ်တန့်ကာ လူများက ငြီးငွေ့စွာ စောင့်ဆိုင်းနေကြသည်။

ဒိုင်ယာနာသည် သူမ၏လက်ချောင်းများကြားတွင် မီးပွားများနှင့်အတူ ခဏကြာကစားပြီးနောက် စိတ်မရှည်တော့ဘဲ မေးလိုက်သည်။ “ငါတို့ စောင့်နေတာ နှစ်ဆယ့်နှစ်နာရီရှိပြီ၊ ဘယ်လောက်ကြာအောင် စောင့်ရမှာလဲ”

"စိတ်ရှည်ရှည်ထားပါ။ သိပ်မကြာတော့ဘူး” ဟန်ရှောင်းက သူ့ပါးစပ်တွင် စီးကရက်တစ်လိပ်တေ့ရင်း ပြောလိုက်၏။

ခေါင်းဆောင်၏ ခြုံခိုတိုက်ခိုက်မှုကို ဖြတ်ကျော်ပြီးနောက် သူတို့သည် ဂျာမီနယ်အဖွဲ့အစည်း၏ နယ်မြေကို ချောမွေ့စွာဖြတ်သန်းကာ နိုင်ငံ၆နိုင်ငံပိုင်နက်သို့ ရောက်လာကြသည်။ သူတို့၏ မူလနေရာသည် တောင်ပိုင်းစစ်မြေပြင်ရှိ ယာယီအခြေစိုက်စခန်းတစ်ခုဖြစ်သော်လည်း ဟန်ရှောင်းသည် တစ်စုံတစ်ဦးကို စောင့်ရမည်ဟုဆိုကာ ဤနေရာ၌ ရုတ်တရက်ရပ်တန့်ရန် တောင်းဆိုခဲ့သည်။

သူတို့သည် လုံခြုံနေပြီဖြစ်သောကြောင့် နိုင်ငံ၆နိုင်ငံမှ ပြည်သူများသည် ကန့်ကွက်မှုတစ်စုံတစ်ရာမရှိခဲ့ပေ။ သူတို့မှာ ဟန်ရှောင်းကို စောင့်ကြည့်ပြီး သတင်းအချက်အလက်များကို နိူင်ငံခြောက်နိုင်ငံကို ပေးအပ်ဖို့ မစ်ရှင်တစ်ခုရှိတာကြောင့် သူတို့ ထွက်ခွာမသွားခဲ့ပေ။။ အလွန်အရေးကြီးသော ကိစ္စဖြစ်သောကြောင့် နိုင်ငံ၆နိုင်ငံမှ သေချာအောင်ပြုလုပ်ရမည်ဖြစ်သည်။

ဘေးနားတွင် ဟီလာသည် စိုးရိမ်တကြီးဖြင့် ရှေ့လျှောက်လိုက် နောက်လျှောက်လိုက် ဖြစ်နေကာ စခန်းအ၀င်ဝကို ဆက်တိုက် စိုက်ကြည့်နေသည်။

ဖြတ်သွားသော စစ်သားများက သူတို့ကို လေးစားမှုများ ကြည့်နေကြသည်။ များသောအားဖြင့် သူတို့သည် ဤမျှအဆင့်မြင့်သောသူများကို တွေ့ခွင့်မရှိပေ။

ရုတ်တရက် စခန်းအ၀င်ဝမှာ ရုန်းရင်းဆန်ခတ်ဖြစ်သွားတယ်။

ဟီလာသည် နေရာတွင် ရပ်လိုက်ပြီး စိတ်လှုပ်ရှားစွာ ကြည့်လိုက်သည်။

အစောင့်တွေက တံခါးကိုဖွင့်လိုက်သောအခါ ဟူဒီ ဝတ်ထားတဲ့လူက ကလေးမလေးရဲ့လက်ကို ကိုင်ထားပြီး ဖြည်းဖြည်းချင်း လျှောက်လာသည်။ ကလေးမလေး၏ မျက်နှာသည် ဖြူဖျော့နေပြီး စူးစမ်းလိုစိတ်များဖြင့် ပြည့်နေ၏။ သူမ ဘယ်ညာ ကြည့်လိုက်ပြီး ဟီလာကို မြင်လိုက်သောအခါ အကြည့်များ မလွှဲနိုင်တော့ပေ။

ဒီယွန်နှင့် အော်ရိုရာဖြစ်သည်။

ဟီလာသည် ခြေလှမ်းကျယ်ကြီးများဖြင့် ရှေ့သို့ လှမ်းကာ အော်ရိုရာကို တင်းတင်းကျပ်ကျပ် ပွေ့ဖက်လိုက်ပြီး အော်ရိုရာသည် အသက်ရှုမဝလုနီးပါး ဖြစ်သောအခါမှ လွှတ်လိုက်သည်။ သူမထိုင်ချလိုက်ပြီး အော်ရိုရာ၏မျက်နှာကိုထိကာ ဂရုတစိုက်ကြည့်သည်။ အော်ရိုရာသည် ဒဏ်ရာမရထားသည်ကို မြင်လိုက်သည့်အခါမှ သူမ ချက်ချင်းသက်သာရာရသွားသည်။ ထို့နောက် သူမသည် အော်ရိုရာ၏ ဖြူဖျော့သောမျက်နှာကိုကြည့်ပြီး တောင်းပန်စကားဆို၏။ "တောင်းပန်ပါတယ်၊ ငါမင်းကိုဘယ်တော့မှ ထားခဲ့မှာမဟုတ်ဘူး"

အော်ရိုရာသည် သူမ၏ မျက်လုံးများကို လက်ခုံဖြင့် သုတ်လိုက်ပြီး တောက်ပစွာ ပြုံးလိုက်သည်။

အပြုံးသည် ကမ္ဘာတစ်ခုလုံးကို တောက်ပစေခဲ့ပုံရသည်။

"အစ်မက ညီမလေးခေါ်ဖို့လာမယ်ဆိုတာ သိတယ်"

သူ့ညီမလေး ဘေးကင်းကြောင်းတွေ့လိုက်ရတော့ ဟီလာစိတ်သက်သာရာရသွားသလို လေက အရမ်းနူးညံ့ပြီး နေရောင်က နွေးထွေးနေတာကို ရုတ်တရက် ခံစားလိုက်ရသည်။

လွတ်လပ်မှု၏ ခံစားချက်ဖြစ်သည်။

တစ်ဖက်မှာတော့ ဒီယွန်က ဟန်ရှောင်းကိုရှာပြီး "ငါစိတ်မပျက်စေဘူး မဟုတ်လား"

ဒီယွန်၏ မမြင်နိုင်သော စွမ်းရည်သည် အန္တရာယ်ရှိသော နေရာအားလုံးကို ခိုးဝင်ရန်အတွက် အသင့်တော်ဆုံးဖြစ်သည်။ ဟန်ရှောင်းပေးထားသည့် သြဒိနိတ်များဖြင့် အော်ရိုရာကို တွေ့ရှိပြီး သူမကို ခေါ်ထုတ်လာခဲသည်။ ဟန်ရှောင်းကို ချောင်းမြောင်းတိုက်ခိုက်ခြင်း မအောင်မြင်သည့်အချိန်ကတည်းက ဂျာမီနယ်အဖွဲ့အစည်း၏ သတိပေးချက်အဆင့်သည် သိသိသာသာ ကျဆင်းသွားသောကြောင့် ဘေးကင်းစွာ လွတ်မြောက်သွား၏။

“ကျေးဇူးတင်ပါတယ်။” ဟန်ရှောင်းက ခေါင်းညိတ်ပြီး ပြုံးလိုက်သည်။ "မင်းကို စွန့်စား‌စေလို့ တောင်းပန်ပါတယ်၊ အဲဒါအတွက် မင်းကို ငါအကြွေးတင်နေပြီ။"

“မလိုပါဘူး။ မင်းက ငါ့ကို တစ်ခါလောက် ကယ်ခဲ့ဖူးတယ်။ အဲဒါကို ငါပြန်ပေးတယ်လို့ တွက်လိုက်။ ဒါက ကြီးကြီးမားမား ကိစ္စတော့ မဟုတ်ပါဘူး။” ဒီယွန်သည် သူ့လက်များကို ဝှေ့ယမ်းလိုက်သည်။ "ဂျာမီနယ်အဖွဲ့အစည်းရဲ့ ဌာနချုပ်ကို မင်း စိမ့်ဝင်နေတာနဲ့ ယှဉ်ရင် ဒါက အန္တရာယ် လုံးဝ မရှိဘူး"

ဟန်ရှောင်းဟာ ခဏတာ စကားစမြည်ပြောပြီး အလုပ်အကြောင်း စပြောတော့သည်။ "ငါတောင်းထားတဲ့ ပစ္စည်းတွေ ပြင်ဆင်ပြီးပြီလား"

“မင်းရဲ့တောင်းဆိုချက်အတိုင်း ငါ့ရဲ့လူတွေကို ဂိုဒေါင်ထဲကနေ ထုတ်ယူဖို့ ငါအမိန့်ပေးထားပြီးသား။ အဲဒါတွေကို တောင်ပိုင်းတိုက်ကြီးကို တိုက်ရိုက်ပို့လိမ့်မယ်။ မင်းအဲဒီကိုပြန်သွားပြီးတာနဲ့ လာယူလို့ရပြီ။"

“ကောင်းပြီ။ အဲဒီအခါမှာ မင်းကို လိုအပ်တာမှန်သမျှ ငါပေးမယ်။"

ခဏကြာ စကားစမြည်ပြောပြီးနောက် ဒိုင်ယွန် ထွက်သွားသည်။ ဒိုင်ယာနာက စိတ်မရှည်စွာနဲ့ "အခုသွားလို့ရမလား"

“ခဏလေး။” ဟန်ရှောင်းသည် ဟီလာနှင့် အော်ရိုရာဆီသို့ လျှောက်သွားသည်။ သူတို့က စကားပြောနေကြတုန်းပင်။ သူ နီးကပ်လာပြီးနောက် အော်ရိုရာက မေးခွန်းတစ်ခု မေးသံကို ကြားလိုက်ရသည်။

"အစ်မ အခုဘယ်သွားမှာလဲ" အော်ရိုရာက သူမမျက်နှာကို လှမ်းမျှော်ကာ မေးသည်။

ဟီလာရုတ်တရက် ရပ်တန့်သွားသည်။

ဒါမှန်တယ်၊ သူတို့ လွတ်သွားပြီ။ ဘယ်ကို သွားသင့်လဲ။

ဘယ်သူ့အတွက်မှ အလုပ်လုပ်စရာ မလိုတော့ဘူး။ ဒီကမ္ဘာကြီးမှာ သူတို့ဘယ်သွားသင့်လဲ။

ဟီလာလမ်းပျောက်သွား၏။

"သွားစရာနေရာမရှိရင် ငါနဲ့လိုက်ခဲ့။ ငါ့နယ်မြေက အရမ်းလုံခြုံတယ်။” ဟန်ရှောင်းလျှောက်လာသည်။

"မင်းနဲ့?" ဟီလာ တုံ့ဆိုင်းသွားသည်။ သူမက အော်ရိုရာ၏ခေါင်းကို ထိလိုက်၏။

သူ့ညီမကို ကမ္ဘာကို စူးစမ်းချင်နေသည်။

“မင်းညီမ ထောင်ကျနေတာ ကြာပြီ။ သူ့ကျန်းမာရေးအခြေအနေက အရမ်းဆိုးနေတယ်” ဟန်ရှောင်းက ပြောသည်။ "မင်း သူ့ကို အခြားနေရာတွေကို ခေါ်သွားချင်ရင်တောင် အနည်းဆုံးတော့ သူမရဲ့ ကျန်းမာရေး အခြေအနေကို အရင်ကောင်းအောင် လုပ်ထားရမယ်။"

"မင်းပြောတာမှန်ပါတယ်။" ဟီလာ၏ မျက်နှာ တင်းမာသွားသည်။ သူမက ဟန်ရှောင်း၏အချက်ကို ချက်ချင်းသဘောတူသည်။ အခု ဦးစားပေးကတော့ ညီမလေး၏ အခြေအနေ တိုးတက်ဖို့ပင်။ အော်ရိုရာ ဘယ်လောက် အားနည်းပြီး ပိန်ပါးနေသည်ကိုမြင်တိုင်း နာကျင်ခံစားရသည်။ သူမသည် ဂျာမီနယ်အဖွဲ့အစည်းအပေါ် အတိုင်းအတာတစ်ခုအထိ မုန်းတီးနေသေးသော်လည်း ယခုအခါတွင် သူမသည် ညီမဖြစ်သူကို အာရုံစိုက်နေပြီး လက်စားချေရန် စိတ်ကူးမရှိသေးပေ။ သူမသည် ပထမဆုံး အော်ရိုရာနှင့် အခြေချချင်သည်။

ညီမလေး၏ သဘောထားကို လေးစားပြီး အော်ရိုရာကို မေးလိုက်သည်။ "မင်းဘယ်လိုထင်လဲ"

“ကောင်းတယ်” အော်ရိုရာက ဝမ်းမြောက်စွာ ပြန်ဖြေသည်။ အချိန်အတော်ကြာ အကျဉ်းချခံရပြီးနောက်၊ ပြင်ပကမ္ဘာရှိ အရာအားလုံးသည် သူမအတွက် အသစ်အဆန်းဖြစ်ပြီး စိတ်လှုပ်ရှားစရာဖြစ်လာသည်။

အော်ရိုရာရုတ်တရက် တစ်ခုခုကို တွေးမိသွားသည်။ သူမက ဟန်ရှောင်းကို မဝံ့မရဲဖြင့် "ငါ့ကို ကယ်ပေးလို့ ကျေးဇူးတင်ပါတယ်"

ဟန်ရှောင်းပြုံးပြီး ဘာမှပြန်မပြောပေ။ သူ့လက်ကို ဆန့်ထုတ်လိုက်ပြီး အော်ရိုရာ၏ မျက်နှာကို ညှစ်လိုက်သည် အော်ရိုရာက မခုခံပေ။

ဟီလာက ဟန်ရှောင်းကို ရှုပ်ထွေးစွာ ကြည့်နေ၏။

ဤလူသည် သူ့ညီမလေးကို ကယ်တင်မယ်လို့ ဘယ်တုန်းကမှ မတွေးခဲ့မိပေ။ ဤမျှကြီးမားသော အရာတစ်ခုအတွက် သူမ မည်သို့ပြန်ဆပ်ရမည်ကို သူမ မသိတော့ပေ။

ငါတို့ အခုလောလောဆယ်တော့ သူ့နောက်ကို လိုက်မယ်...

...

ရက်အနည်းငယ်ကြာပြီးနောက် စခန်းအနည်းငယ်ကိုဖြတ်ကျော်ကာ တောင်ပိုင်းစစ်မြေပြင်ရှိ ယာယီအခြေစိုက်စခန်းသို့ ရောက်လာကြသည်။ နိုင်ငံခြောက်နိုင်ငံမှ ကိုယ်စားလှယ်များသည် အစည်းအဝေးခန်းတွင် စုဝေးကြပြီး ဟန်ရှောင်ရောက်ရှိလာခြင်းကို စောင့်ဆိုင်းနေကြသည်။

ဟီလာနှင့် အော်ရိုရာတို့ကို စိတ်လျှော့လိုက်ပြီးနောက် အစောင့်များသည် ဟန်ရှောင်းကို အစည်းအဝေးခန်းထဲသို့ ခေါ်သွားခဲ့သည်။ သူဝင်လာတော့ အာရုံက ချက်ချင်းပဲ သူ့ဘက်လှည့်သွားတယ်။

အစောင့်တွေက တံခါးကို ပိတ်လိုက်တယ်။

ဒီကိုယ်စားလှယ်တွေက အများအားဖြင့် သူစိမ်းတွေပါ။ ဟန်ရှောင်းသည် ကြယ်နဂါးနိုင်ငံကိုယ်စားလှယ် ကူဟွေ့ကိုသာ သိသည်။

“ရို့၊ အားလုံး ဒီမှာ ရှိနေတာပဲ။” ဟန်ရှောင်းက ပေါ့ပေါ့ပါးပါး နှုတ်ဆက်သည်။ သူသည် ကုလားထိုင်တစ်လုံးကို ခြေထောက်ဖြင့်ဆွဲကာ လူတိုင်းကို သိနေသည့်အတိုင်း ပေါ့ပေါ့ပါးပါး ထိုင်လိုက်သည်။

တက်ရောက်လာတဲ့လူတွေက သူ့ကို အကဲမခတ်ဘဲ မနေနိုင်တော့ပေ။ တော်တော်များများက ဟန်ရှောင်းကို သူတို့မျက်စိနဲ့ မြင်ဖူးကြတာ ပထမဆုံးဖြစ်သည်။ သူလုပ်ခဲ့တဲ့အရာတွေကို တွေးကြည့်တော့ လူအများက ရိုသေလေးစားမှု နှင့် ကြောက်ရွံ့မှုများ ခံစားရသည်။

သူတို့ရှေ့ကလူက သတင်းကို တလျှောက်လုံး လျှို့ဝှက်စွာ ပံ့ပိုးပေးခဲ့သူဖြစ်သည်။ သူသည် နိုင်ငံ၆နိုင်ငံနှင့် ဂျာမီနယ်အဖွဲ့အစည်းကြားရှိ ရန်လိုမှုကို အသုံးချကာ လှိုင်းလုံးများပေါ်တွင် လိုက်ပါစီးနင်းပြီး အရာအားလုံးနောက်ကွယ်မှ ကြိုးကိုင်သူ ဖြစ်လာခဲ့သည်။

ဒီလိုလူတွေက အရမ်းအန္တရာယ်များ၏။

ထို့အပြင် နောက်ဆုံးရသတင်းများအရ ဟန်ရှောင်းသည် ပါဝါမျက်နှာကျက်ကို ချိုးဖြတ်သွားခဲ့ပြီး ယခုအခါ ကမ္ဘာတစ်ခုလုံးတွင် အသန်မာဆုံးလူသား ဖြစ်နေသည်။ နိုင်ငံ၆နိုင်ငံ၏ ရှုထောင့်မှကြည့်လျှင် အခြားအဖွဲ့အစည်းတစ်ခုနှင့် ပတ်သက်သည့် အလွန်အားကောင်းသော တစ်စုံတစ်ဦးကို ကြောက်ရွံ့နေမည်မှာ သေချာသည်။

Dark Net တွင် ယခင်က အသန်မာဆုံးဖြစ်သော Bennett နှင့် ယခုအခါ အသန်မာဆုံးဖြစ်သည့် ဟန်ရှောင်းတို့ နှစ်ဦးစလုံးရှိနေသည်။ နိုင်ငံ၆နိုင်ငံ မည်ကဲ့သို့ ရှုမြင်သည်ဖြစ်စေ ၎င်းတို့သည် စိုးရိမ်စရာ အဖွဲ့အစည်း ဖြစ်လာ၏။

ကံကောင်းစွာဖြင့်၊ Dark Net သည် အမြဲကြားနေခဲ့သည်။ အနည်းဆုံးတော့ ဒါဟာ သတင်းကောင်းပင်။

ကူဟွေ့က စားပွဲကို ခေါက်လိုက်ပြီး "ဟန်ရှောင်း၊ ငါတို့ သဘောတူညီချက်ကို ဖြည့်ဆည်းပြီးပြီ။ အခု မင်းအလှည့်ရောက်ပြီ။"

"လာစမ်းပါ၊ ငါတို့ တစ်ယောက်နဲ့တစ်ယောက် သိတယ်မဟုတ်ဘူးလား? ဒီလို သမားရိုးကျ လေသံကြီးက ဘာကြီးလဲ။" ဟန်ရှောင်းက ရယ်ရယ်မောမောပြောသည်။ “ငါတို့ မတွေ့တာကြာပြီ။ အခုတလော ဘယ်လိုနေလဲ။ ရာထူးတိုးပြီးပြီလား။ မင်းရာထူးက ရာထူးတိုးတာထက် ရာထူးဆင်းဖို့ ပိုလွယ်တယ်ဆိုပေမယ့်…”

ကူဟွေ့၏ နဖူးတွင် သွေးကြောများပေါ်လာသည်။ စားပွဲကို ပြင်းပြင်းထန်ထန် ခေါက်လိုက်ပြီး “အလုပ်! ကိစ္စအကြောင်း! ပြော! ကြမယ်!"

“အိုင်း၊ ခုခေတ်လူတွေက စကားတောင် မပြောချင်တော့ဘူး။ သူတို့စိတ်ထဲမှာ အလေးအနက် ပြောချင်တာတွေပဲ - စီးပွားရေး၊ အလုပ်နဲ့ အနာဂတ် အဲဒါတွေပဲ။” ဟန်ရှောင်းခေါင်းခါလိုက်သည်။ "ဘဝက ဒီ့ထက်မကဘူး။"

“အဲဒါက အဓိကမဟုတ်ဘူး။ မင်းမှာ ဘာလို့ ပြောစရာတွေ အများကြီးရှိနေတာလဲ" ကူဟွေ့စိတ်ညစ်လာသည်။

ကျေးဇူးပြု၍ တရားဝင် သမရိုးကျ အချိန်အခါကို လေးစားပါ။

နိုင်ငံ့ကိုယ်စားလှယ်များ၏ ပါးစပ်များမှာ တဆတ်ဆတ်တုန်နေတယ်။ ဟန်ရှောင်းက သူတို့ စိတ်ကူးထားတာနဲ့ ယှဉ်ရင် လုံးဝ ကွဲပြားတဲ့ ခံစားချက်ကို ပေးနေသည်။

ကြိုးကိုင်သူသည် ရက်စက်ကြမ်းကြုတ်ကာ လျှို့ဝှက်ဆန်းကြယ်ပြီး စကားနည်းနည်းသာ ပြောတတ်သူ ဖြစ်သင့်သည် မဟုတ်လား။ ဌာန၁၃၏ ညွှန်ကြားရေးမှူးချုပ်နှင့် စကားစမြည် ပြောနေခြင်းက ဘာကြီးလဲ။ ဘယ်လို ကြိုးကိုင်သူမျိုးက ဒီလောက် ဖော်ရွေတာလဲ?

သူ့ကို ဘယ်သူမှ ခန့်မှန်းမရကြတော့ပေ။

သူတို့ ပေါက်ကရများ ပြောနေကြစဉ် ဟန်ရှောင်းသည် အခန်းဖွဲ့စည်းပုံကို လျှို့ဝှက်စွာ စောင့်ကြည့်နေ၏။ ခြုံခိုတိုက်ခိုက်ခြင်း သို့မဟုတ် အမှားအယွင်းမရှိဟု အတည်ပြုပြီးနောက်၊ သူသည် အဓိပ္ပာယ်မရှိသော စကားများကို ချက်ချင်းရပ်လိုက်ပြီး ခရီးဆောင်ဟာ့ဒ်ဒရိုက်ကို ထုတ်ကာ ၎င်းကို ကွန်ပျူတာနှင့် ချိတ်ဆက်ကာ အစည်းအဝေးခန်းရှိ မျက်နှာပြင်ကြီးပေါ်တွင် ရုပ်ပုံကို ပြသလိုက်သည်။

ဂျာမီနယ်အဖွဲ့အစည်း၏ လျှို့ဝှက်ချက်များ တစ်ခုပြီးတစ်ခု ပေါ်ထွက်လာသည်။ သူတို့၏ အစီအစဉ်များ၊ တပ်ဖြန့်မှုများ၊ စစ်အင်အားနှင့် ဝှက်ဖဲအားလုံးကို ပေါ်ပေါက်သွားသည်။