ငါ့ရဲ့ ယုံကြည်ချက်က... ပြဿနာဖန်တီးတာပဲ

ခိုလှုံရေးစခန်းတွင် တိုက်ပွဲတားမြစ်ရေးဥပဒေအသစ်ကို ဖန်တီးခဲ့သည်။ အမှိုက်သရိုက်များ တားမြစ်ခြင်းကဲ့သို့ပင် အစောင့်များနှင့် ရိန်းဂျားများက လှည့်ပတ်ကြည့်ရှုပြီး မလိုက်နာသူများကို အချိန်အတိုင်းအတာတစ်ခုအထိ ဖမ်းဆီးထိန်းသိမ်းထားမည်ဖြစ်သည်။ ကစားသမားများ၏ အဓိကမြို့သည် ကစားသမားများ လုံခြုံသည်ဟု ခံစားရစေရန်အတွက် ဟန်ရှောင်းက သင့်လျော်တဲ့ ဥပဒေတစ်ခုအတွက် တစ်ညလုံး အလုပ်လုပ်ဖို့ ဟွမ်ယုကို ပြောခဲ့၏။

ကစားသမားများသည် PVP လုပ်ချင်ပါက၊ သူတို့သည် မြို့အပြင် ထွက်နိုင်သည် သို့မဟုတ် ပြိုင်ကွင်းသို့သာ သွားနိုင်သည်။

ကစားကွင်းကို ရင်ပြင်အနီးတွင် တည်ဆောက်ထားပြီး ကစားသမားများ ပြန်လည်ရှင်သန်ရန်နေရာနှင့် အလွန်နီးကပ်သည်။ တစ်ခါတစ်ရံတွင် ကစားသမားများသည် PVP ကာလအတွင်း နောက်ပြန်ဆုတ်သွားနိုင်သည်။ တခြားအချိန်များတွင် တစ်ဖက်ကို မတော်တဆ သတ်မိပြီး အတွေ့အကြုံအမှတ် တစ်ချို့ ဆုံးရှုံးသွားနိုင်၏။ ထိုသို့ဖြစ်လျှင်တောင်မှ ကစားသမားတွေ သွေးဆာနေတာမျိုး မဖြစ်အောင် မတားဆီးနိုင်ပေ။ မြို့ပြင်ထွက်ရန်မှာ ခရီးပိုရှည်သောကြောင့် ကစားကွင်းသည် ထိပ်တန်းရွေးချယ်မှု ဖြစ်လာ၏။

ကွင်း၏အခြေခံဖွဲ့စည်းပုံမှာ ကြီးမားသော ရင်ပြင်တစ်ခု ပါဝင်ပြီး ထိုရင်ပြင်၏ဗဟိုတွင် အမြင့်ဆုံးနှင့်အကြီးဆုံး ပြိုင်ပွဲစင်မြင့်ဖြစ်ပြီး သေးငယ်သော ပြိုင်ကွင်းများဖြင့် ဝန်းရံထားသည်။ အပြင်ဘက်တွင် အားကစားကွင်းကဲ့သို့ လှေကားပုံစံရှိ ပရိတ်သတ်ထိုင်ခုံများရှိသည်။ ကစားသမားများသည် ရင်ပြင်တွင်သာ PVP ကို အလကားရနိုင်သည်။ ကွင်းများအားလုံးကို ပိတ်ထားပြီး အချို့သော စုံစမ်းမှုအပြီးတွင် အဆိုပါကွင်းများသည် လောင်းကစားပွဲများအတွက်သာဖြစ်ပြီး အခကြေးငွေပေးဆောင်သူများအတွက်သာ ဖွင့်လှစ်ထားကြောင်း သိရှိရသည်။

ဤလုပ်ဆောင်ချက်သည် ဆန်းသစ်သော်လည်း၊ ၎င်းသည် အခပေးလုပ်ဆောင်မှုတစ်ခုဖြစ်ပြီး ကစားသမားအများစုမှာ မွဲတေနေသောကြောင့် ယခုအချိန်တွင် မည်သူမျှ ဤလုပ်ဆောင်ချက်ကို အသုံးမပြုဘဲ၊ ရင်ပြင်တွင် အခမဲ့တိုက်ခိုက်ခြင်းသာဖြစ်သည်။ အားကစားကွင်းသည် အလွန်အသက်ဝင်ပြီး စည်ကားခဲ့ပြီး မကြာမီမှာ တရားဝင် PVP တည်နေရာ ဖြစ်လာတော့သည်။

ဟွမ်ယုက ဤအရာသည် အရင်းအမြစ်များစွာကို ဖြုန်းတီးခြင်းဖြစ်သည်ဟု ခံစားမိသည်။ ဘယ်သူမှ မပေးချင်ကြပေ။ အမြတ်အစွန်းမရှိရုံသာမက ပြုပြင်မှုလည်း ပြုလုပ်ပေးနေရသည်။ ဟန်ရှောင်း၏ ဆုံးဖြတ်ချက်သည် အလွန်ပြဿနာရှိသည်ဟု သူခံစားမိသည်၊ ဂြိုဟ်သားတွေကို မြို့ပြင်မှာ တိုက်ခိုက်ခွင့်ပေးတာက ပိုကောင်း၏။

ကွင်းတည်ဆောက်ခြင်းမှာ အသုံးမဝင်ဟု သူခံစားရသော်လည်း ဟန်ရှောင်း၏ စကားကို နားမထောင်ဘဲ မနေဝံ့သောကြောင့် သူ့စိတ်ထဲတွင်သာ ငြီးတွားနေနိုင်သည်။

အခြေအနေက ဟန်ရှောင်းကို အနည်းငယ် အံ့သြသွားစေသော်လည်း ဘာကြောင့်လဲဆိုတာ သူနားလည်သွားသည်။

ကစားသမားများသည် လောလောဆယ်တွင် စူးစမ်းလေ့လာနေဆဲဖြစ်ပြီး၊ ကိုယ့်ကိုယ်ကို ယုံကြည်မှုရှိသော ကစားသမားများသာ လောင်းကစားတိုက်ပွဲတွင် ပါဝင်ဝံ့မည်မှာ ထင်ရှားသည်။ ပြိုင်ကွင်းထဲမှာ တိုက်ပွဲပြုလုပ်ခြင်းက ပရိသတ်ကို ဆွဲဆောင်နိုင်ပြီး အဲဒါက ထိတွေ့မှုရှိလာမှာဖြစ်လို့ အသင်းအဖွဲ့များနှင့် ပရော်ဖက်ရှင်နယ်ကစားသမားတွေက ကွင်းအတွက် ပေးချေရမယ့်သူတွေ ဖြစ်လာနိုင်သည်။

ပြိုင်ကွင်း၏ လုပ်ဆောင်ချက်များကို ကစားသမားများ စူးစမ်းလေ့လာရန် လိုအပ်သောကြောင့် အချိန်အနည်းငယ်ကြာမည်ဖြစ်သည်။ သို့သော် သူသည် စောင့်ဆိုင်းနေမည့်သူမဟုတ်ပေ။

ပြိုင်ကွင်းထဲက လောင်းကစားတိုက်ပွဲတွေ ပြုလုပ်ခြင်းရဲ့ အသုံးပြုပုံကို နားလည်စေဖို့ သူတို့ကို ငါစပြီး မီးမွှေးရမယ်။

ဟန်ရှောင်း၏ မျက်လုံးများ တောက်ပလာသည်။

…

ရက်အနည်းငယ်တိုင်း၊ ဟန်ရှောင်းသည် သူ၏စွမ်းရည်များကို သင်ကြားပေးရန်နှင့် အတွေ့အကြုံအမှတ်များ ရယူရန် ကစားသမားများရှေ့တွင် ပေါ်လာသည်။ စွမ်းရည်ဆိုင်ခန်းတွင် သူထည့်သွင်းထားသော စွမ်းရည်များသည် ကစားသမားများ သင်ယူပြီးသော အခြေခံစွမ်းရည်များဖြစ်သည်။ သူ၏ဆိုင်တွင် အတွေ့အကြုံအမှတ် သုံးစွဲမှုသည် သူတို့၏ စွမ်းရည်အဆင့်ကို ကြီးမားစွာတိုးမြှင့်နိုင်ပြီး စွမ်းရည်များကို အဆင့်မြှင့်တင်ရန်အတွက် အတွေ့အကြုံအမှတ် ကို တိုက်ရိုက်သုံးစွဲခြင်းထက် များစွာ ပို၍တန်ဖိုးရှိသည်။

၎င်းသည် ကစားသမားများထံမှ ရရှိသည့် အဓိက အတွေ့အကြုံအမှတ် ဝင်ငွေဖြစ်သည်။

သူ့အနေနဲ့ သူ့ကိုယ်သူနဲ့ ကစားသမားတွေကြားက ခြားနားချက်ကို ထိန်းသိမ်းထားရတာကြောင့် ပင်ကိုယ်စွမ်းရည်တွေကို သင်ကြားပေးခြင်းမရှိခဲ့ပါဘူး။ သို့သော်၊ ကစားသမားများသည် ယန္တရားပညာရှင် စွမ်းရည် [လျပ်စစ်သံလိုက် စွမ်းအင်ထုတ်ယူခြင်း] နှင့် [စေ့စပ်သေချာစွာ ပြုပြင်မှုများ] ကဲ့သို့သော ကစားသမားများ သိပ်မကြာမီတွင် သင်ယူရမည့် အရေးမပါသော စွမ်းရည်အချို့ကို ရွေးချယ်သင်ကြားပေးခဲ့ပြီး၊ ယန္တရားပညာရှင် အတန်းအစား ကစားသမားများ၏ ခွန်အားကို မြှင့်တင်ပေးခဲ့သည်။ သူက ယန္တရားပညာရှင် နည်းပြတစ်ဦးအဖြစ် ပြုမူကာ၊ ယန္တရားပညာရှင် အတန်းအစားကို ရွေးချယ်ရန် ကစားသမားများကို ပိုမိုဆွဲဆောင်နိုင်ခဲ့၏။ ရေပင်လယ်ဂြိုလ်တွင် ယန္တရားပညာရှင် ကစားသမားများသာ သူကဲ့သို့ ကောင်းမွန်သော နည်းပြတစ်ဦးရှိသည်။

ကစားသမားများသည် [စွမ်းအင်လေ့ကျင့်ရေးနည်းစနစ်] အဖြစ်အပျက်ကို ဖြတ်သန်းခဲ့ကြသောကြောင့် ၎င်းတို့သည် ပိုမြင့်သောအဆင့်တွင် ဟန်ရှောင်းသင်ကြားနေသည့် ပြင်းထန်သောစွမ်းရည်များကို သဘာဝကျကျ သင်ယူကြမည်ကို အကြမ်းဖျင်းသိရှိခဲ့ကြသော်လည်း ကစားသမားအများစုမှာ ယခုအချိန်၌ မြင့်မားသောစွမ်းရည်များကို သင်ယူလိုစိတ် ရှိနေဆဲဖြစ်သည်။ သူတို့၏ လက်ရှိအင်အားကို တိုးမြှင့်ထားခြင်းသည် ရေရှည်တွင် ပိုမိုအကျိုးဖြစ်ထွန်းစေ၏။

‘အက်စ်ပါ’နှင့် ‘တိုက်ခိုက်သူ’အတန်းအစား၏ တိုးတက်မှု အသိပညာအတွက် ဟန်ရှောင်းသည် ၎င်းတို့အား ရောင်းချရန် အစီအစဉ်မရှိပေ။ ဤအရာတို့သည် ဝှက်ဖဲနှင့်တူ၏။ ကစားသမားတွေ ဝယ်နိုင်စွမ်းအား ပိုကြီးလာသည့်အခါ အမြတ်အစွန်း ကြီးကြီးမားမား ရချင်နေသည်။

သူသည် ကစားသမားများရှေ့တွင် ပေါ်လာတိုင်း၊ တစ်နေ့တာလုံးတွင် အတွေ့အကြုံအမှတ် ၁၀,၀၀၀,၀၀၀ ကျော် တည်ငြိမ်သော ၀င်ငွေရရှိမည်ဖြစ်ပြီး မစ်ရှင်များလုပ်ဆောင်ခြင်းထက် အဆများစွာ ပိုမြန်သည်။ ခိုလှုံရေးစခန်း ၃ရှိ ထောင်သောင်းချီသော ကစားသမားများသည် ရေပင်လယ်ဂြိုလ်ရှိ ကစားသမား စုစုပေါင်း၏ ငါးရာခိုင်နှုန်းခန့် ပါဝင်သည်။ ကစားသမားအသစ် အများအပြားသည် ဂိမ်းသို့ ဝင်ရောက်လာကြသည်။ စျေးကွက်အလားအလာ အလွန်မြင့်မားပြီး ကစားသမားများ၏ အဓိကမြို့တော် အစီအစဉ်သည် တောက်ပသောအနာဂတ်ရှိနေ၏။

ထိုနေ့တွင် ဟန်ရှောင်းသည် ထုံးစံအတိုင်း ရင်ပြင်ထောင့်တွင် ပေါ်လာပြီး ကစားသမားများဖြင့် လုံး၀ ဝိုင်းရံထားသည်။ သူသည် အတွေ့အကြုံအမှတ် အချို့ကို သိမ်းယူပြီးနောက်၊ နာမည်တွင် အစပြုစကားလုံးများပါရှိသော အသင်းအဖွဲ့ ကစားသမားအုပ်စုကြီးကို သူတွေ့လိုက်ရသည်။ ၎င်းတို့သည် ‘ကောင်းကင်နယ်မြေ’ ၏ ကစားသမားများဖြစ်ပြီး အဖွဲ့၏ခေါင်းဆောင်ကို 'Rebels Shall Rule' ဟုခေါ်သည်။ သူသည် သူတို့အမာခံအသင်း၏ ဒု-ကပ္ပတိန်ဖြစ်သည်။

ဒီမှာ အခွင့်အရေး ရောက်လာပြီ။

ဟန်ရှောင်း မျက်ခုံးပင့်လိုက်သည်။ စွမ်းရည်များကို သင်ကြားပြီးသောအခါတွင်၊ သူသည် သူ့ကိုယ်သူ စကားပြောနေသကဲ့သို့ ရုတ်တရက် "ဟူး၊ အခုတလော ကံမကောင်းပါလား..."

Rebels Shall Rule သည် ချက်ချင်း သတိထားမိသည်။ အတွေ့အကြုံရှိ ကစားသမားတစ်ဦးအနေဖြင့် NPC သည် သူ့ဖာသာ စကားပြောသောအခါတွင် မစ်ရှင်အသစ်တစ်ခုကို အစပျိုးနိုင်သည်ဟု ဆိုလိုသည်။

"မစ္စတာ Black Phantom၊ မင်းဘာတွေစိတ်ရှုပ်နေတာလဲ" Rebels Shall Rule က မေးလိုက်သည်။ "ဒါကို ဖြေရှင်းဖို့ ငါတို့ မင်းကို ကူညီပေးနိုင်တယ်။"

ဟန်ရှောင်းက သူ့ကိုကြည့်ကာ ခေါင်းခါလိုက်သည်။ "မဟုတ်ဘူး၊ ငါ့ကိုကူညီဖို့ အနည်းဆုံး လူဆယ်ယောက်ရှိရမယ်။"

‘ကောင်းကင်နယ်မြေ’ မှလူများသည် ရုတ်တရတ် အားတက်သွားသလို ခံစားလိုက်ရသည်။ ၎င်းသည် အမှန်တကယ် မစ်ရှင်တစ်ခုဖြစ်ပြီး အဖွဲ့လိုက်မစ်ရှင်တစ်ခုဖြစ်သည်။

ဤသည်မှာ Black Phantom ကိုယ်တိုင်က ပေးအပ်သည့် မစ်ရှင်ဖြစ်ပြီး၊ သူသည် သူတို့ကို ဘယ်တုန်းက လှည့်စားခဲ့ဖို့လို့လဲ။

အသင်းအဖွဲ့ကြီးတွေမှာ အမြဲတမ်း အဖွဲ့ဝင်တွေ အများကြီးရှိ၏။ Rebels Shall Rule သည် ချက်ချင်းပင် လူဆယ်ယောက်အဖွဲ့ကို ဖန်တီးခဲ့သည်။ ဒါကိုမြင်တော့ ဟန်ရှောင်းက ဖြည်းညှင်းစွာပြောတယ် "ဟူး၊ ငါ့စက်ရုပ်တစ်ရုပ် ချို့ယွင်းသွားလို့ ငါမထိန်းနိုင်တော့ဘူး။ မင်းသူ့ရဲ့ ချစ်ပ်ပြားကို ငါ့ဆီ ပြန်ယူလာပေးနိုင်မယ်လို့ မျှော်လင့်တယ်…”

သူပြောနေရင်း မစ်ရှင်တစ်ခု သတ်မှတ်လိုက်သည်။

___________________

[အလုပ်မလုပ်သော ချစ်ပ်ပြားကို ရှာဖွေခြင်း – ၁]

မစ်ရှင်အမျိုးအစား- အဖွဲ့လိုက် ကွင်းဆက်မစ်ရှင်

မစ်ရှင် နိဒါန်း - အမည်မသိ အကြောင်းအရင်းများကြောင့်၊ အစောင့်စက်ရုပ်သည် ချွတ်ယွင်းသွားပြီး မထိန်းချုပ်နိုင်‌တော့ပါ။

ပထမအချီလိုအပ်ချက်များ - ရိန်းဂျား X204 ကိုအနိုင်ယူပြီး ချစ်ပ်ပြားကို Black Phantom ဆီသို့ ပြန်ယူလာပါ။

ပထမအချီဆုများ - အတွေ့အကြုံအမှတ် ၂၅,၀၀၀၊ Black Phantom နှင့် ဆက်ဆံရေးအမှတ် +၁

___________________

"ကွင်းဆက်မစ်ရှင်လား?" Rebels Shall Rule အံ့သြသွားသည်။ ပထမအချီအတွက် ဆုကြေးက သင့်တော်ပြီးသားဖြစ်လို့ ဆုကြေးက နောက်ပိုင်းအချီတွေမှာ ပိုများပြားလာပြီး Black Phantom ရဲ့ ဆက်ဆံရေးအမှတ်တွေကိုတောင် တိုးလာနိုင်သည်။ Black Phantom ၏ ဆက်ဆံရေး အမှတ်များသည် ငွေမည်မျှပင်ပေးသည်ဖြစ်စေ ၁၀ ရောက်ပြီးနောက် တိုးလာမည်မဟုတ်ပေ။

သူ၏ဆက်ဆံရေးအမှတ်များအတွက် ကစားသမားတွေအားလုံးက ဆန္ဒရှိခဲ့သော်လည်း အားကိုးရာမဲ့ဖြစ်ခဲ့ရသည်။ သူ့ပစ္စည်းဆိုင်မှာ အားကောင်းသော စက်ပစ္စည်းအနည်းအကျဉ်း ပြသထား၏။ အပြာရောင်နှင့် ခရမ်းရောင်အဆင့်အထိ ရှိခဲ့ဖူးသည်။ သို့သော် ယင်းတို့ကို ဝယ်ယူရန် ဆက်ဆံရေးအချက် လိုအပ်ချက်မှာ ၁၀မှတ် မကပေ။ ၎င်းတို့ကို ကြည့်ရုံသာ ကြည့်နိုင်သည်၊ ၎င်းတို့အားလုံးမှာ ဟန်ရှောင်း၏ 'ငါးစာ' ဖြစ်သည်။

ဆက်ဆံရေးအမှတ်များသည် သာမန်အားဖြင့် တန်ဖိုးမရှိသော်လည်း၊ ၎င်းကို တစ်စုံတစ်ခုတန်ဖိုးရှိအောင် ပြုလုပ်ထားပြီး၊ ဤသည်မှာ ငွေကြေးစနစ် ဖန်တီးပုံဖြစ်သည်။

‘ကောင်းကင်နယ်မြေ’ သည် မစ်ရှင်ကို လက်ခံပြီး ပျော်ရွှင်စွာ ထွက်ခွာသွားခဲ့သည်။ ဒါကို ပတ်ဝန်းကျင်က ကစားသမားတွေက မြင်ပြီး အသင်းတွေလည်း ဖန်တီးထားကြသော်လည်း ဟန်ရှောင်းကတော့ သူတို့ကို စိတ်မ၀င်စားပေ။

အခုတော့ ကစားသမားတွေက ‘ကောင်းကင်နယ်မြေ’ က ဘာကြောင့် မစ်ရှင်ကို အစပျိုးနိုင်ပြီး၊ သူတို့က အစမပျိုးနိုင်လဲဆိုတာ သိချင်နေကြသည်။

သို့သော်လည်း၊ သူတို့သည် Black Phantom ၏ မစ်ရှင်များအတွက် ကျပန်းလုပ်ဆောင်သည့် ပုံစံကို အသားကျခဲ့ကြသောကြောင့် တွယ်ကပ်မနေကြတော့ပေ။ ထိုကံကောင်းသော ဥရောပသားများကိုသာ မနာလိုဖြစ်ခဲ့ကြသည်။

ရုတ်တရက် ရင်းနှီးသော ID နှင့် အသင်းအဖွဲ့နာမည်ရှိသော အဖွဲ့တစ်ဖွဲ့သည် သူ့အမြင်အာရုံထဲသို့ ဝင်ရောက်လာပြီးနောက် ဟန်ရှောင်းက နောက်တစ်ကြိမ် သူပြောခဲ့သည့်စကားကို ထပ်ပြော၏။

"ဟမ်? လျှို့ဝှက်မစ်ရှင်လား?"

‘နတ်ဘုရားများအသင်း’ အဖွဲ့ဝင်များ အံ့သြသွားကြသည်။

၎င်းတို့သည် ကျော်ကြားသော e-sports ‘နတ်ဘုရားကျောင်းဆောင်’ကလပ်, ‘နတ်ဘုရားများအသင်း’ ၏ တရားဝင်အသင်းမှ ကစားသမားများ ဖြစ်သည်။

ဟန်ရှောင်းသည် သူတို့နှင့် အလွန်ရင်းနှီးသည်။ သူတို့ရှာနေသည့် ပစ်မှတ်ဖြစ်နေသည်။

ဟန်ရှောင်း၏ ဝိသေသလက္ခဏာကို ဖော်ထုတ်ပြီးနောက်၊ ‘နတ်ဘုရားများအသင်း’ မှလူများသည် ၎င်းတို့ရှာဖွေနေသော ဇီးရိုးမှာ ဟန်ရှောင်းဖြစ်သည်ကို သိရှိခဲ့ကြပြီး ဟန်ရှောင်းသည် အချိန်တိုင်း လွတ်မြောက်သွားခဲ့သည်။ ဟုတ်ပါသည်၊ သူတို့ မစ်ရှင် ကျရှုံးခဲ့၏။

အသင်းအဖွဲ့ခေါင်းဆောင် ဂျူပီတာသည် ဒေါသတကြီး ဖြစ်နေသည်။ သူသည် အစာမစားနိုင်ဘဲ ကောင်းကောင်းအိပ်မပျော်နိုင်။ သူအရမ်းစိတ်ပျက်နေတော့ ဝမ်းချုပ်လုနီးပါးပါပဲ။

သို့သော် ဟန်ရှောင်းကို တွယ်ကပ်ခြင်းသည် အလွန်အကျိုးရှိပြီး အခြားအသင်းအဖွဲ့များနောက်မှ မကျန်ခဲ့စေရန်အတွက်၊ သူတို့မည်မျှ စိတ်ပျက်နေပါစေ ခိုလှုံရေးစခန်းသို့ လာရန်မှတပါး ရွေးချယ်စရာမရှိပေ။ အသင်းတိုင်းတွင် ခိုလှုံရေးစခန်း၌ စုရုံးထားသော အဖွဲ့များရှိ၏။

“ဒါက တော်တော်ကောင်းတဲ့ မစ်ရှင်ပဲ။” ဂျူပီတာသည် အလွန်ပျော်ရွှင်နေသည်။ လမ်းပေါ်တွင် လမ်းလျှောက်ရုံဖြင့် လျှို့ဝှက်မစ်ရှင်တစ်ခုကို သူတွေ့ခဲ့ရသည်။ နောက်ဆုံးတော့ ကံကောင်းခြင်းမှာ သူ့ဆီရောက်လာ၏။

လက်တစ်ချက် ဝှေ့ယမ်းလိုက်ပြီး၊ ‘နတ်ဘုရားများအသင်း’ သည် အဖွဲ့တစ်ဖွဲ့ကို ချက်ချင်း ဖန်တီးပြီး မစ်ရှင်ကို လက်ခံလိုက်သည်။

…

တစ်နာရီအကြာတွင် ခိုလှုံရေးစခန်း မြို့တော်မြောက်ပိုင်းအတွင်း၌ လိုက်လံဖမ်းဆီးခြင်း ပြုလုပ်နေကြသည်။ အလွန်လျင်မြန်သော ရိန်းဂျားနောက်မှ လိုက်လာစဉ် လူဆယ်ဦးသည် အမောဖောက်လာကြသည်။။

"မြန်မြန်-မြန်မြန်၊ ပြေးမလွတ်နဲ့!" Rebels Shall Rule သည် အမောဖောက်နေ၏။

သူတို့သည် မစ်ရှင်လိုအပ်ချက်ကို လိုက်နာကာ ဤဆောက်လုပ်ရေး ဧရိယာသို့ ရောက်ရှိလာကြပြီး ထိန်းချုပ်မှုလွတ်နေသည့် ရိန်းဂျားနောက်သို့ လိုက်ခဲ့ကြသည်။ ရိန်းဂျားသည် အလွန်ပြင်းထန်သော ပစ်ခတ်နိုင်စွမ်းရှိသည်။ သူတို့အဖွဲ့ထဲက လူတော်တော်များများ သေဆုံးသွားပြီးမှသာ ရိန်းဂျားကို ချပ်ဝတ်တန်ဆာနည်းနည်းပဲကျန်တော့တဲ့ ပျက်စီးသွားစေခဲ့သည်။ သို့သော် ထိုသို့ဖြစ်သောအခါ ရိန်းဂျားသည် ရုတ်တရက် ထွက်ပြေးသွား၏။

"သေစမ်း၊ ဒီကောင်က ဘာလို့ ဒီလောက် မြန်နေတာလဲ!"

‘ကောင်းကင်နယ်မြေ’ မှ လူများ၏ မျက်နှာမှာ ခါးသီးလျက်ရှိသည်။ "ဒါက ငါတို့ထက် ပတ်ဝန်းကျင်နဲ့ မြေပြင်ကို ပိုရင်းနှီးတယ်၊ အသိဥာဏ်တွေ ဖွံ့ဖြိုးလာပြီလား"

ထိုအချိန်တွင် ခိုလှုံရေးစခန်း၏ အလယ်ဗဟိုရှိ အဆင့်မြင့်အခန်းတွင် ဟန်ရှောင်းသည် လက်ထဲတွင် လက်ပ်တော့တစ်လုံးကို ကိုင်ဆောင်ကာ ဆိုဖာပေါ်တွင် တစ်ဝက်ခန့်လဲလျောင်းနေသည်။ သူ၏လက်ချောင်းများသည် ဖန်သားပြင်ပေါ်တွင် ပေါ့ပေါ့ပါးပါး ရွေ့လျားနေပြီး ထိုပုံရိပ်သည် 'ထိန်းချုပ်မှုမရှိတော့သော' ရိန်းဂျား၏ မြင်ကွင်းဖြစ်သည်။

ဒီရိန်းဂျားသည် တကယ်တော့ သူ့ထိန်းချုပ်မှုအောက်မှာ အပြည့်အဝ ရှိနေသည်။ မနေ့က စက်ရုပ်၏ ခဲယမ်းမီးကျောက် အမြောက်အမြားကို ထုတ်ယူပြီး သူ့ရဲ့အင်အားကို ကန့်သတ်ထား၏။ ‘ကောင်းကင်နယ်မြေ’ မှလူများအား ခက်ခဲသောအောင်ပွဲများ ရရှိစေရန် ရည်ရွယ်၍ အဆင့်နှိမ့်ထားသော ဗားရှင်းတစ်ခုဖြစ်သည်။ အကယ်၍ ၎င်းသည် ပြီးပြည့်စုံသော မျိုးဆက် ၂.၅ ရိန်းဂျားဖြစ်ပြီး ပစ်ခတ်နိုင်စွမ်းအပြည့်ဖြင့် လွတ်လပ်စွာ တိုက်ခိုက်ပါက၊ အဆိုပါကစားသမား ထက်ဝက်ကျော်သည် ချက်ခြင်းသေဆုံးသွားမည်ဖြစ်သည်။ ဟုတ်ပါသည်၊ ‘ကောင်းကင်နယ်မြေ’ ကစားသမားတွေက ဒါကို မသိခဲ့ကြပေ။ သူတို့က ပူးပေါင်းလုပ်ဆောင်မှု အလွန်ကောင်းနေသည်ဟု ထင်နေကြပြီး ဒီ 'ထိန်းချုပ်မှုမဲ့' စက်ရုပ်ကို ဖျက်စီးနိုင်လုနီးပါးဖြစ်နေပြီလို့ ထင်ခဲ့ကြ၏။ ဒါကလည်း ဟန်ရှောင်းက သူတို့ကို တွေးစေချင်တာ အတိအကျပင်။

'ထိန်းချုပ်မှုမဲ့' တာလား၊ အဲလိုမရှိပါဘူး။

"ငါတို့ မိတော့မယ်!" အကွာအဝေးက ပိုနီးကပ်လာသည့်အတွက် ‘ကောင်းကင်နယ်မြေ’ က သူတို့ကိုယ်သူတို့ အာရုံစူးစိုက်ပြီး နောက်ဆုံးတိုက်ခိုက်မှုအတွက် ပြင်ဆင်လိုက်ကြသည်။

ဟန်ရှောင်းသည် ရေဒါမြေပုံကို ကြည့်လိုက်သည်။ ရုတ်တရက် သူ နတ်ဆိုးဆန်ဆန် ပြုံးလိုက်၏။ သေလုနီးပါး ဖြစ်နေသော ရိန်းဂျားကို ထိန်းချုပ်ကာ ရုတ်တရက် အရှိန်မြှင့်လိုက်သည်၊ လှည့်ပတ်သွားပြီးနောက် ‘ကောင်းကင်နယ်မြေ’ နှင့် ဝေးကွာသွားပြီး ပစ်မှတ်ကို ရှာဖွေနေသော နတ်ဘုရားများ အသင်းအဖွဲ့ဆီ ပြေးဝင်သွား၏။

ဂျူပီတာနှင့် ကျန်လူများသည် ရိန်းဂျားစ်ပေါ်လာသောအခါ တုန်လှုပ်သွားကာ အလွန်ဝမ်းသာသွားကြသည်။

“ဒါက ပစ်မှတ်ပဲ။ မြန်မြန်၊ အာရုံစိုက်ပြီးပစ်!"

တစ်ကြိမ်သာ တိုက်ခိုက်ပြီးနောက် ရိန်းဂျားသည် အပိုင်းပိုင်းကွဲသွားကာ အစိတ်အပိုင်းများ မြေပြင်ပေါ်တွင် ပြန့်ကျဲသွားသည်။

‘နတ်ဘုရားများအသင်း’က ခေါင်းရှုပ်သွား၏။ သူတို့ဘာမှ မလုပ်ရသေးဘဲ ဒီစက်ရုပ်က ဘာလို့ပေါက်ကွဲသွားတာလဲ။

သံသယကို ခဏထားလိုက်ပြီး၊ ဂျူပီတာသည် ပျက်စီးနေသော အစိတ်အပိုင်းများမှ မစ်ရှင်ပစ္စည်း ['ထိန်းချုပ်မှုလွတ်' ရိန်းဂျား၏ချစ်ပ်] ကို ကောက်ယူလိုက်သည်။

ထိုအချိန်တွင် နောက်ကျမှရောက်လာသော ‘ကောင်းကင်နယ်မြေ’ သည် ဖြစ်ပျက်ခဲ့သည်ကို မြင်လိုက်ရသဖြင့် ဒေါသထွက်သွသည်။

"မင်းတို့ ‘နတ်ဘုရားများအသင်း’ က ငါတို့မွန်းစတားကို ခိုးရဲတယ်လား!"

Rebels Shall Rule ဒေါသတကြီး ဖြစ်သွားသည်။

လမ်းပေါင်း တစ်ဒါဇင်ကျော်ကို ဖြတ်ကျော်လိုက်ခဲ့ရသော ပစ်မှတ်သည် ခိုးယူခံခဲ့ရသည်။ မည်သူမဆို ဒေါသထွက်နေပေလိမ့်မည်။

ထို့အပြင်၊ ‘နတ်ဘုရားများအသင်း’ နှင့် ‘ကောင်းကင်နယ်မြေ’ သည် တစ်ယောက်ကိုတစ်ယောက် အမြဲတမ်း မနှစ်သက်ကြပေ။

…

မျက်နှာပြင်က မည်းသွား၏။

ဟန်ရှောင်းသည် လက်တော့ပ်ကို ဘေးသို့ပစ်ချလိုက်သည်။ စီးကရက်မီးညှိကာ မီးခိုးများမှုတ်ထုတ်ပြီး ရယ်မောလိုက်သည်။

ကစားသမားများသည် လောင်းကစားတိုက်ပွဲအတွက် လိုအပ်ချက်မရှိသောကြောင့် ၎င်းတို့အတွက် တောင်းဆိုမှုတစ်ခုကို ဖန်တီးခဲ့သည်။ ဤသည်မှာ ဟန်ရှောင်း၏ စီးပွားရေးယုံကြည်ချက်ဖြစ်သည်။

ငါက ပြဿနာဖန်တီးရာမှာ ကျွမ်းကျင်တဲ့သူပါ။