Black Phantom ၏ ယန္တရားသေတ္တာ - ၁

ဟန်ရှောင်း အမှန်တကယ် လိုချင်ခဲ့သော အကျိုးကျေးဇူးမှာ ကစားသမားများက အားကစားကွင်းသည် ပင်မမြို့၏ အစိတ်အပိုင်းတစ်ခုအဖြစ် မည်မျှဆွဲဆောင်မှုရှိသည်ကို ဖြန့်ကျက်စေလိုသည်။ အားကစားကွင်းအတွက် သန့်ရှင်းရာဌာနသို့ လူများလာလည်စေကာ ရွှေ့ပြောင်းအခြေချသူ အများအပြားကို ပိုမိုများပြားလာစေလို၏။ ပို၍အရေးကြီးသည်မှာ ဖောက်သည်များ ပိုမိုရောက်ရှိလာရန်ဖြစ်သည်။

ယန္တရားပညာရှင်ကြီးဟန်တွင် တရားဝင်လောင်းကစားများဖွင့်ခြင်းနှင့် PVP အဆင့်သတ်မှတ်ခြင်း စနစ်ဖန်တီးခြင်းကဲ့သို့သော စိတ်ကူးစိတ်သန်းအနည်းငယ်ရှိပြီး၊ ထိုနှစ်ခုလုံးသည် ကစားသမားများကို ပိုမိုဆွဲဆောင်နိုင်မည်ဖြစ်သည်။ သို့သော်လည်း သူစဉ်းစားပြီးနောက် နှစ်မျိုးလုံးကို ဆောင်ရွက်ရန် မလွယ်ကူသည့်အပြင် ၎င်းတို့သည် ဂိမ်းဆော့ဖ်ဝဲရေးဆွဲသူများက ပြုလုပ်မှသာ တရားဝင်ဖြစ်လာမည် ဖြစ်သောကြောင့် မလုပ်တော့ရန် ဆုံးဖြတ်လိုက်သည်။ သူလို NPC က အဲဒါကို လုပ်ခဲ့မယ်ဆိုရင် အန္တရာယ်နဲ့ အပျက်သဘောဆောင်တဲ့ သက်ရောက်မှုတွေ ရှိနိုင်တယ်လို့ သူ ခံစားရ၏။

အရေးအကြီးဆုံးမှာ၊ သူသည် ဤဆုများကို 'တရားဝင်' ပေးလိုက်ပါက၊ သူသည် ဤစတူဒီယိုများနှင့် သရုပ်ဆောင်များကို ၎င်းတို့၏ လုပ်ငန်းအားလုံးကို ဆုံးရှုံးသွားစေနိုင်သည်။ သူ့အရင်ဘဝက သူ၏စီးပွားရေးလုပ်ငန်းတစ်ခုတွင် ထိုအလုပ်များ ပါဝင်တာကြောင့် ဟန်ရှောင်းသည် ဘယ်တော့မှ ဒီလိုလုပ်မှာမဟုတ်ပေ။

သူက ကစားသမားတွေဆီက အကျိုးကျေးဇူးတွေရခဲ့သော်လည်း ကစားသမားများသည်လည်း သူ့ဆီက အကျိုးကျေးဇူးများ ရရှိသည့်အတွက် နှစ်ဦးနှစ်ဘက်လုံး အကျိုးရှိ၏။ ထို့ကြောင့် ဟန်ရှောင်းအတွက် အလုံခြုံဆုံးနှင့် သက်တောင့်သက်သာအရှိဆုံး အနေအထားမှာ ကြားနေခြင်းဖြစ်ပြီး နေရာနှင့် တရားမျှတမှုကိုသာ ပေးဆောင်ကာ ကျန်ရှိသည်များကို ကစားသမားများအား စူးစမ်းခွင့်ပေးလိုက်သည်။ 'ဂြိုလ်သားများကို ၎င်းတို့၏ အပိုစွမ်းအင်ကို အသုံးပြုရန် လမ်းပြခြင်း' ဟုလည်း ယူဆနိုင်သည်။

အဓိကမြို့တော်၏ အနေအထားသည် ခိုင်မာပြီး လူဦးရေ မြင့်မားသည်နှင့် တပြိုင်နက် ဟန်ရှောင်း၏ အစီအစဉ်အရ၊ နောက်တဆင့်သည် အိမ်ခြံမြေ ဖြစ်လာမည် ဖြစ်သည်။

တာဝန်ခံ ကြီးကြပ်မှူးအနေဖြင့် ဒုက္ခသည်များကို အကာအကွယ်ပေးမည့် နေရာများမှလွဲ၍ ကျန်နေရာများသည် သူ့အတွက် အကျိုးအမြတ်ရရှိစေမည် ဖြစ်သည်။

ငအလေးတွေ… အဟမ်း… ဖောက်သည်ကြီးတွေက၊ ဟုတ်တာပေါ့၊ အဲဒီ အသင်းအဖွဲ့ကြီးတွေပဲ ဖြစ်လိမ့်မယ်။

“ဟူး၊ စီးပွားရေး…”

ရင်ပြင်မှာ လှုပ်ရှားနေတဲ့ လူတွေကို မြင်တော့ ဟန်ရှောင်းက သူ့မေးစေ့ကို လှမ်းကိုင်လိုက်ပြီး သက်ပြင်းချလိုက်တယ်။

…

ဟွမ်ယုသည် လုံးဝယုံကြည်သွားခဲ့သည်။

အားကစားကွင်းသည် အရင်းအမြစ်များကို လုံးလုံးလျားလျား ဖြုန်းတီးသည်ဟု သူထင်ခဲ့ဖူးသော်လည်း ဆယ်ရက်ကျော် စောင့်ကြည့်ပြီးနောက် အလားအလာရှိသော အကျိုးကျေးဇူးများကို သူ တဖြည်းဖြည်း နားလည်လာသည်။ ဟွမ်ယုသည် ဟန်ရှောင်း၏ ရေရှည်စီမံချက်ကို နားမလည်သလို 'ကစားသမားများ' ၏ သဘောတရားကိုလည်း သူနားမလည်သော်လည်း စာရင်းအင်းအစီရင်ခံစာများကို ရေးဆွဲသည့်အခါတွင် ဂြိုဟ်သားများအတွက် ကောက်ခံသည့် အခကြေးငွေမှာ သူတို့ ပြုပြင်မှုများအတွက် ပေးဆောင်ရသည့် ပမာဏထက် များစွာကျော်လွန်သွားသည်ကို သတိပြုမိသည်။ ရေရှည်တွင်၊ ကုန်ကျစရိတ်သည် သိပ်မကြာမီ ပြန်လည်ရရှိမည်ဖြစ်ပြီး၊ ၎င်းတို့ရရှိသည့်အရာသည် အမြတ်အစွန်းစစ်စစ် ဖြစ်လာမည်ဖြစ်သည်။ ၎င်းသည် အကျိုးကျေးဇူးများထဲမှ တစ်ခုသာဖြစ်၏။

ဂြိုဟ်သားများသည် သန့်ရှင်းရာဌာန ဆောက်လုပ်ရန် အဓိက လူအင်အားများ ဖြစ်ကြသော်လည်း ၎င်းတို့သည် ထူးဆန်းပြီး စီမံခန့်ခွဲရန် ခက်ခဲသည်။ ဟွမ်ယုသည် ဂြိုလ်သားများကို ဒုက္ခသည်များနှင့် အလွန်အမင်း အဆက်အသွယ် မပြုလုပ်စေလိုသောကြောင့် ဂြိုလ်သားများအသုံးပြုရန် နေရာများကို သီးသန့်ထားပေးခဲ့သော်လည်း ဂြိုလ်သားများသည် ဒုက္ခသည်များကို မကြာခဏ ရှာဖွေနေဆဲဖြစ်သည်။ သူတို့၏ ရည်ရွယ်ချက်မှာ ကူညီရန်ဖြစ်သော်လည်း၊ ဟွမ်ယု၏ စီမံခန့်ခွဲမှုအစီအမံများ ပျက်ကွက်သွားခဲ့သည်။ အားကစားကွင်းကို တည်ဆောက်ပြီးနောက် ဂြိုလ်သားများသည် အားကစားကွင်းအား ၎င်းတို့၏ လှုပ်ရှားမှုဗဟိုချက်အဖြစ် တက်ကြွစွာ အသုံးပြုနေကြ၏။ ရင်ပြင်နှင့် အားကစားကွင်းသည် သဘာဝအလျောက် 'ဂြိုလ်သားများ၏ အသိုက်အဝန်းများ' ဖြစ်လာပြီး ၎င်းသည် သူ့အား စီမံခန့်ခွဲရန် ကြိုးပမ်းအားထုတ်မှုများစွာကို သက်သာစေခဲ့သည်။ သန့်ရှင်းရာဌာနတစ်ခုလုံး ပိုမိုစနစ်ကျလာ၏။

ဤတစ်ကြိမ်တွင်၊ ဟွမ်ယုသည် ဟန်ရှောင်းအား ရုံးတွင် အလွန်အကျူး မြှောက်ပင့်နေသည်။ ဟန်ရှောင်းသည် မည်မျှအမြော်အမြင်ရှိကြောင်း၊ ဘယ်လို ဉာဏ်ပညာရှိကြောင်းနှင့် သူတွေးနိုင်သော အခြားချီးမွမ်းထိုက်သော ချီးကျူးစကားများကို ချီးမွမ်းနေသည်။ ဤစကားများသည် ဟွမ်ယု၏ ပါးစပ်မှ အဆက်မပြတ်ထွက်ပေါ်ပြီး ဟန်ရှောင်း၏ နားထဲသို့ ခုန်ဆင်းသွားသဖြင့် ဟန်ရှောင်းမှာ အလွန်အော်ဂလီဆန်သလို ခံစားလိုက်ရပြီး ကြက်သီးများပင် ထလာ၏။

ဟွမ်ယုကို နောက်ဆုံးတွင် သူနှင်ထုတ်ပြီးနောက်၊ ဟန်ရှောင်းသည် ကစားသမားများ၏ အဓိကမြို့တော် အစီအစဉ်အတွက် နောက်တစ်ဆင့်ကို စတင်စဉ်းစားနေသည်။ ကွင်းအတွင်း ပေးဆောင်နိုင်သည့် အကျိုးကျေးဇူး အများစုသည် အနာဂတ်တွင်သာ ဖြစ်မည်ဖြစ်သော်လည်း သူက ထိုအရာကို မကျေနပ်သေးပေ။

ခိုလှုံရေးစခန်းကို အဓိကမြို့တော်အဖြစ် ပိုပြီးဆွဲဆောင်မှုရှိဖို့ဆိုရင် ပြိုင်ကွင်းက အကြောင်းရင်းတစ်ခုပဲ ရှိသေးတယ်။ အခြားနည်းလမ်းတစ်ခုက မကြာခဏဆိုသလို ပွဲတော်တွေ ရှိနေဖို့ပဲ။ တရားဝင် ဂိမ်းဆော့ဖ်ဝဲရေးတဲ့သူတွေဆီက ပွဲတော်အခမ်းအနားတွေအပြင် ကစားသမားတွေကို အခြားပွဲတော်တွေမှာ ပါဝင်ဖို့ ဆွဲဆောင်ချင်ရင်၊ တကယ့် အကျိုးခံစားခွင့်တွေကို ပြရလိမ့်မယ်။

ဟန်ရှောင်းက စားပွဲပေါ်ကို လက်ညိုးနဲ့ ခေါက်လိုက်ပြီး စဉ်းစားနေသည်။ ရုတ်တရက် သူ့စိတ်ထဲ လက်ခနဲဖြစ်သွားပြီး အကြံတစ်ခု ပေါ်လာ၏။

ကတ်စ်လွင်ပြင်ရှိ နံနက်ခင်းသည် သဲများနှင့် မြူများ ပြည့်နှက်နေပြီး၊ တစ်ချိန်တည်းတွင် စိုစွတ်ပြီး ခြောက်သွေ့သော ခံစားချက်ကို ပေးစွမ်းသည်။ ၎င်းသည် အလွန်အဆင်မပြေလှပေ။ သို့သော် သန့်ရှင်းရာဌာနအနီးရှိ နေရာများသည် သန့်ရှင်းပြီး လန်းဆန်းနေသောကြောင့် အခိုးအငွေ့များကို ပိတ်ဆို့ထားသည်။ သန့်ရှင်းရာဌာနတွင် အခြေခံအုတ်မြစ်မှာ ပုံစံကြမ်းပေါ်လာပြီး ၎င်းတွင် အလွန်ကြီးမားသော လေစစ်ထုတ်စက်များ တပ်ဆင်ထားသည်။ သန့်ရှင်းရာဌာနသည် ဓာတ်ရောင်ခြည်သင့်ခြင်း၊ လေထုညစ်ညမ်းမှုနှင့် လေထုအရည်အသွေး ယိုယွင်းပျက်စီးခြင်းတို့ကို ကာကွယ်ရန် အရေးကြီး၏။

ကစားသမားတွေက ခိုလှုံရေးစခန်း တည်ဆောက်ရာမှာ ပါဝင်ခဲ့ကြသည်။ အကာအကွယ်တံတိုင်း၏ သံတန်းများပေါ်တွင် ကစားသမားတစ်စုက ဂဟေဆော်နေသည်။ ဤအလုပ်သည် ငြီးငွေ့ဖွယ်ကောင်းပြီး အန္တရာယ်များ၏၊ ကစားသမားများသည် ကြိုးတန်းများပေါ်တွင် လှုပ်လှုပ်ရွရွ နင်းသွားကြသည်။

"သတိထား၊ ပြုတ်မကျစေနဲ့။"

ထိုလူပြောလိုက်ချိန်မှာပဲ သူ့ဘေးနားက တခြားလူ ချော်ကျသွားသည်။ ပြုတ်ကျသွားသောလူ၏ ဝမ်းနည်းဖွယ် အော်ဟစ်သံ သည် တဖြည်းဖြည်း ဝေးသွားပြီး လူများက ကြည့်နေရုံသာ တတ်နိုင်၏

အကာအကွယ်တံတိုင်းသည် အလွန်မြင့်သည်။ ၎င်းသည် ဆောက်လုပ်ရေးမစ်ရှင်အားလုံးတွင် အန္တရာယ်အရှိဆုံး မစ်ရှင်ဖြစ်ပြီး ကစားသမားများသည် မကြာခဏဆိုသလို မတော်တဆသေဆုံးကြသည်။

"သတိထားဖို့ ပြောပါတယ်။"

အခြားတစ်ဖက်တွင်၊ ‘Half A Cigarette When Lonely’ ID ပါသော ကစားသမားတစ်ဦးက "‌ချီးပဲ၊ ပိုလုံခြုံပြီး ပိုလွယ်တဲ့ မစ်ရှင်တွေကို အသင်းအဖွဲ့ကြီးတွေက ထိန်းချုပ်ထားတယ်။ ငါတို့သာမန်ကစားသမားတွေဟာ ဒီပိုဆိုးတဲ့မစ်ရှင်တွေကိုပဲ လုပ်နိုင်ကြတယ်။”

လူများရှိတိုင်း ပဋိပက္ခဖြစ်လိမ့်မည်။ သန့်ရှင်းရာဌာန ဆောက်လုပ်ရေးမစ်ရှင် အမျိုးအစားများစွာရှိခဲ့ပြီး ကြွယ်ဝသောဆုကြေးငွေဖြင့် လွယ်ကူသောမစ်ရှင်များကို ကြီးမားသောအသင်းများကြားတွင် ခွဲဝေယူထားကြသည်။ တစ်ကိုယ်တော် ကစားသမားအများစုသည် အကြွင်းအကျန်များကိုသာ ယူနိုင်ကြ၏။ ကစားသမားအများစုသည် ပေါ့ပေါ့ပါးပါး ကစားကြပြီး စိတ်အနှောက်အယှက် မဖြစ်ကြသော်လည်း ထိုသို့မဟုတ်သည့် ကစားသမားများလည်း ရှိသည်။

အထင်သေးမှုများ ပြည့်နှက်နေသော လေသံဖြင့် ‘Half A Cigarette When Lonely’ က ညည်းညူ၏။ “ဒီအသင်းအဖွဲ့ကြီးတွေက အရင်းအမြစ်တွေ ပိုင်ဆိုင်ထားတော့ ငါတို့က အစကတည်းက ရှုံးနေပြီ။ အနာဂတ်မှာ သူတို့ကို ဘယ်လိုတိုက်ခိုက်နိုင်မှာလဲ"

ဘေးနားက တစ်ယောက်က ရယ်ပြီး “ဒါက ဂိမ်းတစ်ခုပဲ။ ဘာတွေစိတ်ပူနေတာလဲ?"

“ဂိမ်းတစ်ခုကစားတာက အသန်မာဆုံးဆိုတာ အကောင်းဆုံးပါပဲ။ မဟုတ်ရင် ဘာလို့ကစားမှာလဲ” ‘Half A Cigarette When Lonely’ က ပြန်ပက်၏။ "အဲဒါကြောင့် မင်းတို့အားလုံးက အားနည်းနေကြတာ၊ မင်းတို့မှာ ဘာအိပ်မက်မှ မရှိဘူး"

"မင်း သိပ်မနာလိုဖြစ်ရင် မင်းဘာလို့ အသင်းအဖွဲ့တွေကို မဝင်တာလဲ"

“ဟမ့်၊ အားနည်းသူတွေသာ အုပ်စုဖွဲ့နေတာ။ သန်မာတဲ့သူတွေက တစ်ကိုယ်တော်ပဲ ကစားတယ်” ‘Half A Cigarette When Lonely’ က ပြောလိုက်သည်။ သေချာပါသည်၊ အသင်းအဖွဲ့တစ်ခုထဲဝင်ဖို့ လျှောက်ထားပြီးနောက် ငြင်းပယ်ခံရသည့် ဆိုးရွားသော အတွေ့အကြုံကို သူတို့ကို ပြောပြမှာ မဟုတ်ပေ။

သူတို့က အပေါ်ကနေ ငုံ့ကြည့်လိုက်တော့ ခိုလှုံရေးစခန်း ရင်ပြင်မှာ ပုရွက်ဆိတ်အရွယ် ကစားသမားတွေ စုဝေးနေကြတယ်ဆိုတာ ရုတ်တရက် သိလိုက်ရသည်။ ဤသည်မှာ ဟန်ရှောင်းပေါ်လာခြင်း၏ ထင်ရှားသော အမှတ်အသားဖြစ်သည်။ ရုတ်တရက်၊ အခြားကစားသမားများထံမှ ကြေညာချက်များ ဧရိယာချန်နယ်တွင် ပေါ်လာသည်။ Black Phantom က လုပ်ဆောင်ချက် အသစ်တစ်ခုကို မိတ်ဆက်လိုက်သလိုပင်။ အကာအကွယ်တံတိုင်းကို တည်ဆောက်နေသော လူများက သူတို့လုပ်နေတာတွေကို ပစ်ချပြီး တံတိုင်းပေါ်မှ အလျင်စလို ဆင်းသွားကြသည်။ စိတ်မရှည်သူအချို့က ဆင်းသွားသည့်အချိန်ကို သက်သာစေရန် တံတိုင်းပေါ်မှ တိုက်ရိုက်ခုန်ချကာ သေဆုံးပြီးနောက် ရင်ပြင်တွင် ပြန်လည်ရှင်သန်လာ၏။

‘Half A Cigarette When Lonely’ ရင်ပြင်သို့ ပြေးသွားသောအခါ၊ လူများပြည့်လျှံလျက်ရှိသည်။ ဟန်ရှောင်းသည် ရင်ပြင်၏ ထောင့်တစ်နေရာတွင် ရပ်နေပြီး သူ့နောက်တွင် ကုန်တင်ကားကြီးတစ်စီးရှိသည်။ အခြားကစားသမားများကဲ့သို့ပင် ‘Half A Cigarette When Lonely’လည်း လည်ပင်းကိုဆန့်ကာ စပ်စုကြည့်မိသည်။

လူအုပ်ကိုကြည့်လိုက်ပြီး ဟန်ရှောင်းက ချောင်းတစ်ချက်ဆိုးကာ “လတ်တလောမှာ ရှင်းပစ်ဖို့ လိုနေတဲ့ မပြီးသေးတဲ့ လုပ်လက်စတွေ အများကြီး ရှိနေတယ်။ အဲဒါတွေအားလုံးကို သေတ္တာထဲမှာ ထည့်ထားတယ်။ တစ်ယောက်ယောက်က ဝယ်ချင်ရင် လျှော့ဈေးနဲ့ ရောင်းပေးလို့ရတယ်"

ရင်ပြင်ရှိ ကစားသမားများသည် အကြည့်ချင်း ဖလှယ်လိုက်ကြသည်။

သေတ္တာထဲ ထည့်ထားတယ်၊ အဲဒါက ဘာကိုဆိုလိုတာလဲ။

မပြီးသေးတဲ့ လုပ်လက်စတွေဆိုတော့ ဝယ်ရတာ တန်လို့လား။

“ငါ့ကို ၁၀ခုပေးပါ” ‘ကောင်းကင်ကျောက်စိမ်း’ က ချက်ချင်းပြောလိုက်သည်။

'Black Phantom သည် အရည်အသွေးမြင့် ထုတ်ကုန်များကိုသာ ရောင်းချသည်' ဟူသော အတွေးဖြင့် သူသည် ပထမဆုံး စမ်းသုံးကြည့်ရန် ဆန္ဒရှိခဲ့သည်။ ဒီလုပ်ဆောင်ချက်အသစ်က ဘာပဲဖြစ်ဖြစ် သူတို့သုံးလိုက်တာနဲ့ သိမှာပင်။

"တစ်လုံးအတွက် ရေပင်လယ် ဒေါ်လာ ၃,၀၀၀"

“အရမ်းစျေးကြီးတယ်” ‘ကောင်းကင်ကျောက်စိမ်း’ အံ့သြသွားသည်။ အားတင်းပြီး သူ့မှာရှိသမျှ ပိုက်ဆံအကုန်အကျခံပြီး ဝယ်လိုက်သည်။ သူသည် အသင်းအဖွဲ့ခေါင်းဆောင်ဖြစ်သော်လည်း၊ သူနှင့်အတူ နေရာတိုင်းတွင် အသင်းအဖွဲ့ရန်ပုံငွေများကို ယူဆောင်လာနိုင်သည်ဟု မဆိုလိုပေ၊ ဤသည်မှာ သူ့ကိုယ်ပိုင်ငွေများဖြစ်သည်။

ဟန်ရှောင်းက ပိုက်ဆံယူပြီးနောက် ထရပ်ကားပေါ်မှ သေတ္တာဆယ်လုံးကို ထုတ်ယူလိုက်သည်။ ‘ကောင်းကင်ကျောက်စိမ်း’ က ကိုးလုံးဆက်တိုက် ဖွင့်လိုက်ပြီး သူ့မျက်နှာ ချက်ချင်းမည်းသွားသည်။ ကုန်သေတ္တာများ အားလုံးသည် ပျက်စီးနေသော အစိတ်အပိုင်းများနှင့် စျေးပေါသော ပစ္စည်းများဖြင့် ပြည့်နေ၏။ ဒါကိုမြင်တော့ ဘေးက ကစားသမားများက ခေါင်းခါသည်။

“ဘာကို မပြီးသေးတဲ့ လုပ်လက်စတွေလဲ။ ဒါတွေအားလုံးက အမှိုက်တွေချည်းပဲ။ အလကားတောင် မလိုချင်ဘူး"

“ငတုံးတွေသာ ဒီလိုမျိုးဝယ်မှာ”

‘ကောင်းကင်ကျောက်စိမ်း’ သည် လှည့်ကာ ကြောက်စရာကောင်းအောင် စိုက်ကြည့်ပြီးနောက် မျှော်လင့်ချက်မရှိဘဲ နောက်ဆုံးသေတ္တာကို ဖွင့်လိုက်သည်။ သို့သော် သူသေတ္တာကိုဖွင့်လိုက်သည်နှင့် ‘ကောင်းကင်ကျောက်စိမ်း’ ၏ မျက်လုံးများသည် အေးခဲသွားပြီး သေတ္တာအတွင်းရှိအရာအား သူစိုက်ကြည့်နေသည်။

ပြန်သိမ်းနိုင်သော ဓားတစ်ချောင်းသည် သေတ္တာထဲတွင် လဲလျောင်းနေသည်။

သူ့အမြင်တွင် ဓား၏အမည်သည် အံ့သြစရာကောင်းလောက်အောင် ခရမ်းရောင်ဖြစ်သည်။

ဤအရာသည် ခရမ်းရောင်အဆင့် ကိရိယာတစ်ခုဖြစ်သည်။

လူအုပ်ကြီးက သူ့အမူအရာကို မြင်ပြီး စပ်စုကြသည်။ သူတို့သည် သေတ္တာထဲသို့ကြည့်ရန် ခြေဖျားထောက်ကြည့်လိုက်ကြပြီး အားလုံးသည် ထိုသေတ္တာထဲရှိ ပစ္စည်းကို တွေ့ပြီးနောက် အသက်ရှူမှားသွားကြသည်။

တုန်လှုပ်မှုများ၏ အာမေဋိတ်သံသည် လှိုင်းလုံးများကဲ့သို့ အပြင်ဘက်သို့ ကျယ်ပြန့်သွား၏။

ယခုအချိန်အထိ ကစားသမားများသည် ခရမ်းရောင်အသုံးအဆောင်ပစ္စည်းများကို မတွေ့ရသေးပေ။ ဒါက ကစားသမားတွေရဲ့ မျက်စိရှေ့မှာ ပထမဆုံး ပေါ်လာခြင်းဖြစ်၏။

‘ကောင်းကင်ကျောက်စိမ်း’ ၏ မေးစေ့သည် ကြမ်းပြင်ပေါ်သို့ ထိလုနီးပါး ဖြစ်သွားသည်။ သူ့ရှေ့က သေတ္တာ ၁၀လုံးကို ကြည့်လိုက်ပြီး ရုတ်တရက် ရင်းနှီးတဲ့ ခံစားချက်ကို ခံစားလိုက်ရသည်...

"နေပါဦး! ဤလုပ်ဆောင်ချက်က... တိုက်ခိုက်ပြီးရတဲ့ သေတ္တာတွေ ဖွင့်တာမျိုး မဟုတ်ဘူးလား။”