Galaxy Times - ပင်မဇာတ်ကြောင်း၏ အခြားဖြစ်နိုင်ခြေများ

“သုံးကြိမ်ဆက်တိုက် တစ်ခေါက်ခြင်းဆွဲတဲ့ အံ့ဖွယ်ပဲ၊ ငါ့ဒူးတွေနာတယ်…”

“ကလေးရေ၊ ထွက်လာပြီး ဘုရားသခင်ကို ကြည့်လိုက်ပါ။”

ဟန်ရှောင်းလည်း ထိတ်လန့်သွားသည်။ သူသည် ဤအသုတ်တွင် ခရမ်းရောင်ပစ္စည်းသုံးမျိုးသာ ထားရှိခဲ့ပြီး ၎င်းတို့အားလုံးကို တူညီသောလူက ဝယ်ယူခဲ့သည် - သူ၏ကံသည် မယုံနိုင်လောက်အောင်ပင် ကောင်းမွန်ခဲ့သည်။ ဟန်ရှောင်းသည် ‘Half A Cigarette When Lonely’ ကို အရေခွံခွာပြီး Bennett များ ဖြစ်နေမလားဟု စစ်ဆေးကြည့်ချင်နေသည်။

နောက်ကွယ်က ခြယ်လှယ်နေတာလား? မဟုတ်တာ။

‘Half A Cigarette When Lonely’ လုံးလုံးအံ့အားသင့်နေသည်။ ဒီတစ်ကြိမ်တွင် ’ဆင်းရဲလွန်းလို့ ငါ့မှာ ပိုက်ဆံပဲကျန်တော့တယ်’ က သူ့မျက်နှာတွင် လေးစားမှုများဖြင့် လျှောက်လာ၏။

"မင်းမှာ နည်းစနစ် ဒါမှမဟုတ် တစ်ခုခုရှိလား။ ကျေးဇူးပြု၍ သင်ပေးပါ။ ငါ မင်းကို ပေးချေလို့ရတယ်။" ’ဆင်းရဲလွန်းလို့ ငါ့မှာ ပိုက်ဆံပဲကျန်တော့တယ်’ ၏ မျက်လုံးများ တောက်ပနေသည်။

"ဘာနည်းစနစ်လဲ။ ငါကံကောင်းတာပါ။" ‘Half A Cigarette When Lonely’ က သူ့လက်ကို အလျင်စလို ဝှေ့ယမ်းလိုက်သည်။

‘ကံစမ်းမဲဘုရင်’၏ အမြင်အာရုံသည် မည်းမှောင်သွားသည်။

အရာရာသည် ကံတရား၏ ရှေ့မှောက်တွင် ပေါက်ကရဖြစ်ကုန်၏။

သေတ္တာတွေရောင်းပြီးတာနဲ့ ဟန်ရှောင်းထွက်သွားသည်။ ‘Half A Cigarette When Lonely’ မှာ ချက်ခြင်း အဝိုင်းခံလိုက်ရပြီး ကစားသမားအားလုံးက သူ့ကိုကြည့်နေကြသည်။ အချို့က သူ့တွင် လုယက်ပုံးများဖွင့်ရန် အထူးနည်းစနစ်ရှိသည်ဟု အချို့က ယုံကြည်ကြသော်လည်း အချို့မှာ မကောင်းသောသော ရည်ရွယ်ချက်များ ရှိကြသည်။ သို့သော် အဓိကမြို့တော်သည် ဘေးကင်းသောဇုန်ဖြစ်သောကြောင့် သူတို့ဘာမှ မလုပ်ရဲကြပေ။

"သူငယ်ချင်း၊ မင်း ခရမ်းရောင်ပစ္စည်းတွေ ရောင်းမလား။ ဈေးနှုန်းညှိနှိုင်းနိုင်ပါသည်။"

“မရောင်းပါဘူး” ‘Half A Cigarette When Lonely’ က ပြန်ဖြေသည်။ သူလှည့်ကြည့်လိုက်တော့ သူနဲ့စကားပြောတဲ့လူက ယောင်္ကျားကစားသမား ဖြစ်သည်။ ‘Half A Cigarette When Lonely’ ကြည့်လိုက်သောအခါတွင် သူ၏ ID ကိုကြည့်ပြီး အသက်ပြင်းပြင်း ရှူသွင်းလိုက်သည်။

[ရှေးမင်းဆက်အသင်း] အဖွဲ့ခေါင်းဆောင် - Morning Snow Twilight Frost ‘နံနက်ခင်း ဆီးနှင်းခဲ’။

တရုတ်နိုင်ငံ၏ e-sports တွင် အကြီးဆုံးနာမည်သုံးခုမှာ Temple of God ‘နတ်ဘုရားများအသင်း’၊ Dynasty ‘မင်းဆက်’နှင့် Fried Eggplants with Fish ‘ငါးနှင့် ခရမ်းသီးကြော်အသင်း’ တို့ဖြစ်သည်။ Ancient Dynasty ‘ရှေးမင်းဆက်‘သည် ‘နန်းဆက်အသင်း’ Dynasty E-sports Club ၏ တရားဝင် အသင်းအဖွဲ့ဖြစ်သည်။ ‘နတ်ဘုရားများအသင်း’မှ Li Ge သည် တရုတ် ပရော်ဖက်ရှင်နယ် ကစားသမား တရားဝင် ဦးဆောင်ဇယားတွင် ဒုတိယအဆင့်၌ ရပ်တည်ခဲ့ပြီး ပထမအဆင့်မှ ကစားသမားသည် ‘မင်းဆက်’၏ အကောင်းဆုံးကစားသမားဖြစ်သည်။ ရှေးမင်းဆက်သည် အခြားအသင်းအဖွဲ့များနှင့် ကွဲပြားသည် - သူတို့သည် အလွန်လျှို့ဝှက်စွာ နေထိုင်ကြသည်၊ သို့သော် သူတို့၏နေရာသည် သာလွန်ဆဲဖြစ်ပြီး ၎င်းတို့ကို မည်သူမျှ လျစ်လျူမရှုနိုင်ပေ။

“သဘောပေါက်ပြီ…” ‘နံနက်ခင်း ဆီးနှင်းခဲ’ က မေးစေ့ကို ကုတ်ပြီး “ဒါဆို မင်းက ငါတို့ အသင်းအဖွဲ့ထဲဝင်ချင်လား”

‘Half A Cigarette When Lonely’ က အံ့သြပြီး ချက်ချင်း သဘောတူလိုက်သည်။ ‘နံနက်ခင်း ဆီးနှင်းခဲ’ က သူ့ကို ဖိတ်စာပို့ပြီး ‘Half A Cigarette When Lonely’ က သဘောတူလိုက်သောအခါတွင် အဖွဲ့အစည်း၏ အစစာလုံးသည် သူ၏ အင်တာဖေ့စ်တွင် ပေါ်လာသည်။ ဒီလိုလေးပါပဲ၊ ‘Half A Cigarette When Lonely’ သည် ကျော်ကြားတဲ့ အသင်းအဖွဲ့ထဲ ဝင်လာသည့်အခါ အားလုံးက အိပ်မက်တစ်ခုလို ခံစားနေရသည်။

သူပါဝင်ရန် တောင်းဆိုခဲ့သော အသင်းအဖွဲ့များအားလုံးက သူ့ကို ငြင်းပယ်သောကြောင့် အသင်းအဖွဲ့များကို မကြိုက်ကြောင်း သူပြောခဲ့ဖူး၏။ ထို အသင်းအဖွဲ့ငယ်များသည် ရှေးမင်းဆက်နှင့် ယှဉ်လျှင် ဘာမှမဟုတ်ပေ။ အသင်းအဖွဲ့ခေါင်းဆောင်ကိုယ်တိုင်က သူ့ကိုပါဝင်ဖို့ ဖိတ်ကြားထားတာကြောင့် ‘Half A Cigarette When Lonely’ မှာ လန်းဆန်းပြီး ရွှင်မြူးနေသည်။

အသင်းအဖွဲ့များသည် အရင်းအမြစ်များကို ကိုင်ဆောင်ထားသော်လည်း ဤကံစမ်းမဲမျိုးသည် ငါတို့အတွက် သာမန်ကစားသမားများ တိုးတက်လာနိုင်သည့် အခွင့်အရေးဖြစ်သည်။ ဤသည်မှာ ငါတို့သည် ကုန်ကျစရိတ်အနည်းငယ်ဖြင့် အဆင့်မြင့်စက်ကိရိယာများကို ရရှိနိုင်သည့် တစ်ခုတည်းသော နည်းလမ်းဖြစ်သည်။ Black Phantom ၏ ယန္တရားသေတ္တာသည် အမှန်တကယ်ကောင်းချီးတစ်ခုဖြစ်သည်။

‘Half A Cigarette When Lonely’ မှာ ကျေနပ်အားရနေ၏။

…

[Black Phantom ၏ ယန္တရားသေတ္တာ] ၏ လူကြိုက်များမှုက ဆက်လက်ကြီးထွားလာသည်။ ကစားသမားများသည် ဖိုရမ်များတွင် ပို့စ်အမျိုးမျိုးကို ထုတ်ပြန်ခဲ့သည်။ ရှားပါးအခွင့်အလမ်းကို တွက်ချက်သော ပို့စ်အချို့တွင် ‘ကံစမ်းမဲဘုရင်’နှင့် ’ဆင်းရဲလွန်းလို့ ငါ့မှာ ပိုက်ဆံပဲကျန်တော့တယ်’ တို့ကို အပျက်သဘောဆောင်သော ဥပမာများအဖြစ် ရည်ညွှန်းခဲ့ကြပြီး၊ သူတို့၏ဒဏ်ရာကို ဆားသိပ်ခြင်းပင်ဖြစ်သည်။ အထူးသဖြင့် ’ဆင်းရဲလွန်းလို့ ငါ့မှာ ပိုက်ဆံပဲကျန်တော့တယ်’ ၏ တစ်ခါတည်း သေတ္တာတစ်ရာ ဝယ်ယူပြီး အပြာရောင်ပစ္စည်းများသာ ရယူရသည့် အဖြစ်အပျက် ဖြစ်သည်။

‘Half A Cigarette When Lonely’ ၏ အံ့ဖွယ်အနိုင်ပွဲများကိုလည်း ဖော်ပြခဲ့သည်။ နောက်ထပ်သေတ္တာအနည်းငယ်ကို ဖွင့်လိုက်သောအခါတွင် သူ၏ကံကောင်းမှုများ ကျန်ရှိနေသေးပြီး ခရမ်းရောင် ကိရိယာပစ္စည်းနှစ်ခုကို ထပ်မံရရှိသဖြင့် အံ့သြမှုနှင့် မနာလိုမှုများ ပိုမိုဖြစ်ပေါ်စေခဲ့သည်။ ခရမ်းရောင် ကိရိယာ ပစ္စည်းများစွာကို လက်ထဲတွင် ကိုင်ဆောင်ထားခြင်းဖြင့် သူ၏ ခွန်အားသည် အားနည်းလိမ့်မည် မဟုတ်ပါ။ သူသည် ရှေးမင်းဆက်အသင်းတွင် ပါဝင်ခဲ့သည်ကို လူအများက သတိပြုမိကြပြီး အခြားဂိုဏ်းများသည် အခွင့်အရေးကို မရယူနိုင်ခဲ့သည့်အတွက် နောင်တရနေကြသည်။

ဟန်ရှောင်းသည် ‘Half A Cigarette When Lonely’ ကို သူ့အသင်းသို့ ခေါ်ယူရန် အတော်လေး စိတ်ဝင်စားခဲ့သော်လည်း စဉ်းစားပြီးနောက်တွင် သူအကြံကို စွန့်လွှတ်ခဲ့သည်။ ကံကောင်းခြင်းဆိုတာ တစ်စုံတစ်ယောက်အပေါ် မှီခိုအားထားရမယ့် အရာတစ်ခု မဟုတ်ပါဘူး။ ‘Half A Cigarette When Lonely’ ၏ အရည်အချင်းသည် သူ့ရဲ့ စုဆောင်းမှုစံနှုန်းနဲ့ မကိုက်ညီဘဲ၊ ကံတရားနဲ့ ယှဉ်ရင် ဟန်ရှောင်းက စစ်မှန်တဲ့ အရည်အချင်းကို ပိုယုံကြည်၏။

ဖိုရမ်များတွင် လူအချို့သည် စက်ယန္တရားများ၊ အသုံးဝင်သောပစ္စည်းများနှင့် အစိတ်အပိုင်းများအပါအဝင် သေတ္တာများမှရရှိသော အသုံးဝင်ပစ္စည်းများအားလုံးကို စာရင်းပြုစုထားသည်။ များပြားလှသော ပမာဏသည် ကစားသမားများကို ပိုမိုဆွဲဆောင်ခဲ့ပြီး တိုက်ကြီးတစ်ခွင်ရှိ အခြားကစားသမားများအားလုံး ခိုလှုံရေးစခန်း ၃ရှိ လုယက်ပုံးပွဲတော်ကို မနာလိုဖြစ်ခဲ့ကြသည်။

ဒီအကြောင်းကြားပြီးနောက် တောင်ပိုင်းတိုက်ကြီးရှိ ကစားသမားများ ထပ်ရောက်လာ၏။ စစ်ဆင်ရေးခရီး သွားကြသည့် ကစားသမားများပင် အခုချက်ချင်း ပြန်လာချင်ကြသည်။ စစ်ပွဲအတွင်း မစ်ရှင်များနှင့် အခွင့်အလမ်းများစွာရှိမည်ဟု သူတို့ထင်ခဲ့ကြသော်လည်း အခြေအနေများ မြန်ဆန်စွာ ပြောင်းလဲလာမည်ကို မည်သူသိမည်နည်း။ ဟန်ရှောင်းသည် ဂျာမီနယ်အဖွဲ့အစည်း၏ လျှို့ဝှက်ချက်များကို ခိုးယူပြီးနောက် ရုန်းကန်ခြင်းပင် မတတ်နိုင်သောကြောင့် ကစားသမားများသည် စောင့်ကြည့်ရင်းသာ အဆုံးသတ်သွားကြသည်။

အနောက်ပိုင်းတိုက်ကြီးနှင့် မြောက်ပိုင်းတိုက်ကြီးရှိ ကစားသမားများသည် တောင်တိုက်ကြီးတွင် မွေးဖွားလာစေရန် ဆန္ဒရှိကြပြီး တောင်ပံတစ်စုံ ပေါက်ကာ ခိုလှုံရေးစခန်း ၃ သို့ ပျံသန်းနိုင်စေရန် ဆန္ဒရှိကြသည်။ ကံမကောင်းစွာဖြင့်၊ စစ်ပွဲကြောင့် တိုက်ကြီးအချင်းချင်း လေကြောင်းခရီးစဉ်များကို ခေတ္တပိတ်ထားခဲ့ရသည်။ Andrea ကစားသမားများသည် ကံအဆိုးဆုံးအုပ်စုများဖြစ်သည်။ ၎င်းတို့၏ဇာတ်ကောင်များကို ဖန်တီးပြီးကတည်းက ကောင်းမွန်သောအရာတစ်ခုမှ မခံစားခဲ့ရသလို ခံစားခဲ့ရသည်။

လုယက်ပုံးပွဲတော်သည် အကြီးအကျယ်အောင်မြင်ခဲ့သည်။ ဟန်ရှောင်းသည် သူ၏နေရာကို ပိုမိုခိုင်မာစေရန်အတွက် နောက်ထပ်ပွဲတော် အသစ်တစ်ခုကို စတင်လိုက်သည်။ ယခုအကြိမ် အစီအစဉ်သည် ပင်မမြို့၌ နောက်ထပ် ထပ်တလဲလဲ မစ်ရှင်အဖြစ် ဆုပေးပွဲ မစ်ရှင် အမျိုးအစားကို ထုတ်ဝေခြင်းဖြစ်သည်။ တုံ့ပြန်ချက်ကလည်း အတော်လေး အပြုသဘောဆောင်၏။ ကစားသမားများသည် အကျိုးကျေးဇူးများကို ပိုမိုသိမြင်လာကြပြီး တစ်ချိန်တည်းတွင်ပင် မြို့တော်ရှိ ပွဲတော်မျိုးစုံလည်း တိုးမြင့်လာသည်။

ဟန်ရှောင်းသည် ရှိုး၏နောက်ထပ်အပိုင်းအတွက် Bun-hit-dog အား ကုန်ကြမ်းအချို့ပေးခဲ့သည်။ ဖိုရမ်များရှိ ပို့စ်ထက် ဟန်ရှောင်း၏ အတိတ်နှင့်အတွေ့အကြုံကို၊ ပိုမိုအသေးစိတ်ဖော်ပြခြင်းဖြင့်၊ ၎င်းသည် ကစားသမားများ၏ အထင်ကြီးလေးစားမှုကို တစ်ဖန်ပြန်လည်အားကောင်းစေကာ ခိုလှုံရေးစခန်း ၃ကိုလည်း ကြော်ငြာပြီး ဖြစ်သွားသည်။

ဖိုရမ်များမှတစ်ဆင့် ဖိုရမ်များကိုကြည့်ရင်း အချိန်အများစုကို ကုန်ဆုံးခဲ့သော ဟန်ရှောင်းအတွက် ကစားသမားများ၏ တုံ့ပြန်မှုသည် အလွန်အရေးကြီးသည်။ ဟီလာနှင့် ကျန်သူများအတွက်မူ ဟန်ရှောင်းက အနက်ရောင်ထဲသို့ စိုက်ကြည့်နေပုံရနေ၏။

“Galaxy Times က အပိုင်းသစ်ကို ထုတ်ဝေခဲ့ပြီး၊ ခေါင်းစဉ်မှာ ‘ရေပင်လယ်ဂြိုလ်စစ်ပွဲ?’ ဖြစ်သည်။ Galaxy Times က ဂြိုဟ်တစ်လုံးကို သူတို့ရဲ့ ခေါင်းစဉ်အဖြစ် တကယ် အသုံးပြုခဲ့ပေမယ့် အခုတစ်ကြိမ်တော့ သူတို့က ရေပင်လယ်ဂြိုလ်ကို အာရုံစိုက်နေ၏။ ဒီအပိုင်းကို အရင်ဘဝက မမှတ်မိတော့ဘူး…”

ဟန်ရှောင်း၏ မျက်လုံးများ တောက်ပလာပြီး ဗီဒီယိုကို နှိပ်လိုက်သည်။

“မင်္ဂလာပါ ကစားသမားများ” အစီအစဉ်မှူး အမျိုးသား နွေဦးက နှုတ်ဆက်သည်။ “ဒါဟာ ကိုယ်တွေ့ဂိမ်းအချက်အလက်တွေကို မျှဝေဖို့ ရည်ရွယ်ထားတဲ့ Galaxy Times ဖြစ်ပါတယ်။ မင်းရဲ့ ဂိမ်းကစားတဲ့ အသက်မွေးဝမ်းကြောင်းက ငါတို့ရဲ့ ထိပ်တန်းဦးစားပေးပါပဲ။”

"နွေဦး၊ ငါ မကြာသေးမီက တူရိယာတစ်ခု သင်ယူနေတယ်။"

"တကယ်လား? ဆောင်းဦးက ဘာကိရိယာကို သင်ယူနေတာလဲ။”

"ငါ မင်းကို တီးပြမယ်၊ မင်း ခန့်မှန်းကြည့်ပေါ့။"

အစီအစဉ်မှူး အမျိုးသမီးက ဂစ်တာကိုထုတ်ပြီး ရင်းနှီးတဲ့ ရစ်သမ်ကို တီးခတ်တယ်။ ပြီးသွားတော့ သူက “နွေဦး၊ ငါဘာတီးခဲ့တယ်ဆိုတာ မင်း ခန့်မှန်းနိုင်လား”

"မင်း ဂစ်တာတီးနေတာလား။"

“…”

အဖွင့်ဟာသက အမြဲလိုလို ကိုးရိုးကားရားနိုင်၏။

ထိုအပိုင်းကို ခံနိုင်ရည်ရှိစွာ ကျော်ဖြတ်ပြီးနောက် နောက်ဆုံးတွင် သူတို့သည် လေးနက်သောကိစ္စများကို စတင်ပြောဆိုခဲ့ကြသည်။ အစီအစဉ်မှူးများသည် ပရော်ဖက်ရှင်နယ်ဇာတ်ဝင်ခန်းတွင် ဖြစ်ပျက်နေသည့်အရာများ၊ ကစားသမားများတွေ့ဆုံခဲ့သည့် ပြဿနာများအကြောင်းကို ဦးစွာစတင်ပြောဆိုကြပြီး၊ ထို့နောက် သူတို့၏အကြောင်းအရာအဖြစ် ဤအပိုင်းအတွက် ခေါင်းစဉ်ကို ပြောင်းလဲလိုက်သည်။

“… မကြာသေးမီက ရေပင်လယ်ဂြိုလ်တွင် အရာများစွာ ဖြစ်ပျက်ခဲ့ပါတယ်။ နိုင်ငံ၆နိုင်ငံနှင့် ဂျာမီနယ်အဖွဲ့အစည်းတို့ကြား စစ်ပွဲဖြစ်ပွားခဲ့ပြီး ကမ္ဘာမြေတစ်ခုလုံးကို ထိခိုက်ခဲ့တယ်။ ကစားသမားတွေက ဤအဖြစ်အပျက်ကို ကြုံတွေ့နေရပါတယ်။ သံသယရှိစရာမလိုဘဲ၊ ဤအရာက ဂြိုလ်ရဲ့ အဓိကဇာတ်ကြောင်းများထဲမှ တစ်ခုဖြစ်ပြီး၊ အခြားဂြိုလ်များနှင့် နှိုင်းယှဉ်မယ်ဆိုရင် ရေပင်လယ်ဂြိုလ်ရဲ့ အဓိကဇာတ်ကြောင်းက အစောဆုံး ထွက်ပေါ်လာခဲ့တယ်။ ဒါကြောင့် တကယ်အရေးကြီးပါတယ်နော်။ ဒီနေ့အပိုင်းမှာ၊ ကျွန်တော်တို့က ရေပင်လယ်ဂြိုလ်ရဲ့ ပင်မဇာတ်ကြောင်းစစ်ပွဲကို ပိုင်းခြားစိတ်ဖြာပြီး ပင်မဇာတ်ကြောင်းဖြစ်ရပ်များရဲ့ ဝိသေသလက္ခဏာများကို ကောက်ချက်ချမယ်၊ အနာဂတ်မှာ အဲဒါရဲ့ လွှမ်းမိုးနိုင်မှုကို ခန့်မှန်းပေးပါမှာ ဖြစ်ပါတယ်။"

ဒါကိုကြားပြီးနောက် ဟန်ရှောင်းက ဤအပိုင်း ဘာကြောင့်ပေါ်လာသလဲဆိုတာကို နောက်ဆုံးနားလည်သွား၏။ သူ၏လွှမ်းမိုးမှုအောက်တွင်၊ နိုင်ငံ၆နိုင်ငံနှင့် ဂျာမီနယ်အဖွဲ့အစည်းကြား စစ်ပွဲ၏ အဓိကဇာတ်ကြောင်းသည် တစ်နှစ်ကြိုတင် ဖောက်ထွက်ခဲ့ပြီး ကစားသမားများသည် ယခုအချိန်တွင် အစောပိုင်းအဆင့်တွင် ရှိနေဆဲဖြစ်သည်။ အစပျိုးဂြိုလ်များပေါ်ရှိ ပင်မဇာတ်ကြောင်းအများစုသည် အရှိန်ယူနေဆဲဖြစ်၏။ ထို့ကြောင့်၊ ရေပင်လယ်ဂြိုလ်ပေါ်ရှိ ကမ္ဘာလုံးဆိုင်ရာစစ်ပွဲသည် အာရုံစိုက်မှုအခံရဆုံးဖြစ်နေသည်။ ဇာတ်လမ်းတွဲတစ်ခုအတွက် အလွန်ကောင်းမွန်သော အကြောင်းအရာတစ်ခု ဖြစ်ခဲ့သည်။

အစီအစဉ်မှူး နှစ်ဦးသည် ရေပင်လယ်ဂြိုလ်၏ ဂြိုဟ်နောက်ခံကို ဦးစွာမိတ်ဆက်ပြီးနောက် အခြေအနေကို ခွဲခြမ်းစိတ်ဖြာရန် စတင်ခဲ့သည်။

“စစ်ပွဲဟာ နှစ်လနီးပါးကြာပြီး အခုနောက်ဆုံးအဆင့်ကို ရောက်နေပါပြီ။ ဂျာမီနယ်အဖွဲ့အစည်းသည် ရှုံးနိမ့်မှု၏ အစွန်းတွင် ရှိနေပါတယ်။ စစ်ပွဲက ဂြိုလ်ရဲ့ဖွဲ့စည်းပုံအပေါ် အရမ်းထင်ရှားတဲ့ အကျိုးသက်ရောက်မှုကိုလည်း ဖြစ်ပေါ်စေပါတယ်။ ကစားသမားတွေအတွက် ကြီးမားတဲ့အဖွဲ့အစည်းတစ်ခုဖြစ်တဲ့ [ဂျာမီနယ်အဖွဲ့အစည်း] ဟာ အခုအချိန်မှာ သူတို့ရဲ့အဆုံးသတ်ကို ရင်ဆိုင်နေရပါပြီ။ ဂျာမီနယ်အဖွဲ့အစည်းမှ ကစားသမားတွေက အခြေအနေတွင် ဆိုးရွားနေပြီး စစ်ပွဲအပြီး ဘယ်သွားရမည်ကို မသိဖြစ်နေကြပါတယ်။ ဖြစ်နိုင်ခြေအနည်းငယ် ရှိနေတာက၊ ဂျာမီနယ်အဖွဲ့အစည်း၏ အကြွင်းအကျန်တွေ ဖြစ်လာခြင်း၊ နိုင်ငံ၆နိုင်ငံနှင့် ပေါင်းစည်းခြင်း၊ ဒါမှမဟုတ် လှည့်လည်သွားလာသူများ ဖြစ်လာနိုင်ပါတယ်”

"ဤဖြစ်ရပ်မှ၊ ပင်မဇာတ်ကြောင်း၏ ဝိသေသလက္ခဏာများထဲမှ တစ်ခုမှာ ၎င်းသည် ကြီးမားသော အကျိုးသက်ရောက်မှု ရှိလိမ့်မည်၊ ပြင်းထန်သော အပြောင်းအလဲကို ဖြစ်ပေါ်စေမည်၊ မြင်သာသော ပမာဏတစ်ခုရှိမည် စသည်ဖြင့် ကောက်ချက်ချနိုင်ပါတယ်။"

“သို့သော်လည်း၊ ရေပင်လယ်ဂြိုလ် ကစားသမားတွေက စစ်ပွဲရဲ့ အဓိကဇာတ်ကြောင်းမှာ ပါဝင်ခဲ့ကြပေမယ့် သူတို့က သက်ရောက်မှုများစွာကို မပြုလုပ်ခဲ့ကြပါဘူး။ သူတို့က သာမန်စစ်သားတွေပဲဖြစ်ပြီး ဖြစ်ရပ်တစ်ခုလုံးပေါ်တွင် အကန့်အသတ်နဲ့ပဲ သက်ရောက်မှုရှိနေပါတယ်။ ဟုတ်ပါတယ်၊ ဒီကနေ ဖြစ်နိုင်ခြေများစွာကိုလည်း ကျွန်တော်တို့ တွေ့ခဲ့ရပါတယ်။ ယခုအခါမှာ ကစားသမားတွေရဲ့ ပျမ်းမျှအဆင့်က အနည်းငယ်နိမ့်ကျနေပြီး သူတို့ရဲ့အဆင့် မြင့်လာတာနဲ့အမျှ ကွဲပြားလာမှာပါ။ ဒါကြောင့် အခြားဂြိုလ်တွေက ကစားသမားတွေလည်း၊ သင်တိုရဲ့ ကိုယ်ပိုင် ဇာတ်ကြောင်း ဖြစ်ရပ်များကို စောင့်မျှော်ကြည့်ရှုကြပါ။”

“ကစားသမားတွေရဲ့ ပါဝင်မှုအဆင့်က မမြင့်မားတဲ့အတွက် ရေပင်လယ်ဂြိုလ်ရဲ့ အဓိကဇာတ်ကြောင်းကို ကောင်းကောင်း မြန်မြန်ဆန်ဆန် အကောင်အထည်ဖော်နိုင်မယ်လို့ ကျွန်တော်တို့ ကောက်ချက်ချနိုင်ပါတယ်။ ဒါက ကစားသမားတွေအတွက်ဆိုရင် cutscene (မစ်ရှင်တစ်ခုနဲ့ တစ်ခုအပြီးမှာပြတဲ့ ဇာတ်လမ်း) နဲ့ ပိုတူနေတယ်။ ဒီအတွေးနဲ့ ကျွန်တော်တို့အဖွဲ့တွေက ဖိုရမ်မှာရှိတဲ့ ကစားသမားတွေဆီက အချက်အလက်တွေကို စီစဉ်ကြည့်ပြီး အရမ်းစိတ်ဝင်စားဖို့ ကောင်းတာတစ်ခုကို သတိပြုမိပါတယ်။ ကျေးဇူးပြု၍ အောက်မှာကြည့်ကြပါ။ ဤအရာများသည် ကျွန်တော်တို့၏ချန်နယ်မှ နုတ်ယူထားသော ရေပင်လယ်ဂြိုလ်ပင်မဇာတ်ကြောင်း၏ ဖြစ်နိုင်ခြေရှိသော အခြေအနေနှစ်ခုဖြစ်ပါတယ်။"

ဤတစ်ကြိမ်တွင်၊ စခရင်ပေါ်၌ စစ်ဆင်ရေးခရီး မစတင်မီ တော်လှန်ရေးဖြစ်ရပ်တစ်ခုကို ဖော်ပြသည့် မတူညီသောအကြောင်းအရာဖြင့် ဇယားနှစ်ခုပေါ်လာသည်။

ဟန်ရှောင်းမျက်ခုံးပင့်လိုက်သည်။ ဇယားတစ်ခုတွင် ဂျာမီနယ်အဖွဲ့အစည်းမှ ထွက်ပြေးခြင်း၊ ဂျာမီနယ်အဖွဲ့အစည်းအခြေစိုက်စခန်းများ ပျက်စီးစေသည့် သတင်းအချက်အလက်များကို ဖော်ထုတ်ခြင်းစသည့် သူလုပ်ဆောင်ခဲ့သော အရာများ ပါဝင်သည်။ ၎င်းသည် လက်ရှိဇာတ်ကြောင်း ဖြစ်သည်။ သူသည် ၎င်း၏ အထောက်အထားကို ထုတ်ဖော်ပြသခဲ့ပြီး ဤအချက်အလက်များကို မတူညီသော အရင်းအမြစ်များမှ ကစားသမားများထံ ပေးအပ်ခဲ့သည်။ စားပွဲပေါ်ရှိ သူ၏ လုပ်ဆောင်မှုများ အားလုံးမှာ အနီရောင်များ ဖြစ်နေသည်။

အခြားဇယားတစ်ခုက သူလုပ်ခဲ့တဲ့အရာတွေကို ဖယ်ထုတ်လိုက်ပြီး ရလာတဲ့ရလဒ်က လုံးဝကို ကွဲပြားသွား၏။ နိုင်ငံ၆နိုင်ငံ နှင့် ဂျာမီနယ်အဖွဲ့အစည်းတို့ကြား ပဋိပက္ခသည် ကစားသမားအားလုံး ပါဝင်နိုင်သည့် တိုက်ကြီးများမှ စတင်လာမည်ဟု ယူဆရသည်။ ကစားသမားများသည် ယင်းအခွင့်အရေးများမှတစ်ဆင့် ကြီးထွားလာမည်ဖြစ်ပြီး ကစားသမားတွေရဲ့ အဆင့်က အများကြီး မြင့်မားလာသောအခါမှသာ စစ်ပွဲသည် ဖြစ်ပေါ်လာမည် ဖြစ်သည်။ အချိန်က အခုထက် အဆများစွာ ပိုကြာရှည်နေပါဦးမည်။

ဒါက ဟန်ရှောင်းရဲ့ အာရုံကို ဖမ်းစားပြီး သူ ဆက်ကြည့်နေသည်။ စိတ်ဝင်စားဖို့ကောင်းတာက ဒါက ငါ့အရင်ဘဝက ဇာတ်ကြောင်းနဲ့ အရမ်းဆင်တူတယ်။ ဒါကို သတိပြုမိနိုင်ဖို့ သူတို့ရဲ့ ယုတ္တိဗေဒနဲ့ လေ့လာတွေ့ရှိချက်တွေက တကယ်အသေးစိတ် ရှိရလိမ့်မယ်။ နောက်တစ်ခုက ကစားသမားတွေမှာ ဝှက်ထားတဲ့ အရည်အချင်းတွေ ရှိနေတယ်။

“… လူတိုင်းမြင်တဲ့အတိုင်းပဲ၊ ဒီဇယားနှစ်ခုရဲ့ ရလာဒ်က လုံးဝကွဲပြားပါတယ်။ ၎င်းတို့ထဲမှ တစ်ခုမှာ လက်ရှိ ဇာတ်ကြောင်းဖြစ်ပြီး နောက်တစ်ခုက ဆင်းသက်လာသော ဇာတ်ကြောင်းတစ်ပုဒ်ဖြစ်ပါတယ်။ သို့သော်၊ ဆင်းသက်လာသော ဇာတ်ကြောင်းက ပင်မဇာတ်ကြောင်း ဖြစ်သင့်တဲ့ သွင်ပြင်လက္ခဏာတွေ ပိုပြီးရှိနေပုံပေါ်နေတယ်၊ ဒါကြောင့် ဘယ်အရာတွေက ရလဒ်တွေ ကွာခြားမှုကို ဖြစ်စေတာလဲ။

"မှန်ပါတယ်၊ အနီရောင်နဲ့ အမှတ်အသားပြုထားတဲ့ ဒီအဖြစ်အပျက်တွေဟာ တကယ်ပဲ စစ်ပွဲတွေ ကြိုတင်ဖြစ်ပွားခဲ့တဲ့ စစ်ပွဲရဲ့ နောက်ကွယ်က သော့ချက်အလှည့်အပြောင်းတွေပါပဲ၊ ဒါတွေကို အဓိက ပြုလုပ်ခဲ့သူက ရေပင်လယ်ဂြိုလ်ကစားသူတွေ အားလုံးနဲ့ အလွန်ရင်းနှီးတဲ့သူတစ်ယောက်ဖြစ်တဲ့ Black Phantom၊ ဇီးရိုး၊ ဟန်ရှောင်းပဲ ဖြစ်ပါတယ်။"