ကောင်းကင်တာအိုအံ့ဖွယ်မျဉ်းဓား

စကြာဝဠာမှာ မျိုးနွယ်တွေမီလီယံချီရှိတယ်။ လူသားမျိုးနွယ်ကလွဲပြီး လူသားမျိုးနွယ်၊ ရောင်ခြည်စက်ဝန်းမျိုးနွယ်နဲ့ အခြားမျိုးနွယ်အနည်းငယ်ကလွဲပြီး မျိုးနွယ်အများစုက သူတို့ရဲ့သွေးမျိုးဆက်အပေါ် မူတည်ကြတယ်။ သမန်းဝံပုလွေမျိုးနွယ်က ချွင်းချက်တစ်ခုမဟုတ်ပါဘူး။

ပိုမိုအားကောင်းတဲ့စိတ်ဝိညာဉ်နဲ့တိုးမြင့်လာတဲ့အလားအလာကြောင့် ဖြစ်နိုင်တယ်၊ သမန်းဝံပုလွေလီဖူချန်းရဲ့ဝံပုလွေအမွေးတွေက ရွှေရောင်အရိပ်အယောင်တွေ ပေါင်းစပ်နေတယ်။ သူက ရွှေရောင်သမန်းဝံပုလွေတစ်ကောင်အဖြစ်သို့ တိုးတက်ပြောင်းလဲလာနေတယ်။

"စိတ်ဝင်စားစရာပဲ"

စိတ်ဝိညာဉ်စွမ်းအားက သွေးမျိုးဆက်ထဲကို နက်နက်ရှိုင်းရှိုင်းဖြာထွက်သွားပြီး သမန်းဝံပုလွေလီဖူချန်းက သမန်းဝံပုလွေသွေးမျိုးဆက်ရဲ့ဆန်းကြယ်မှုကို နောက်ဆုံးတော့ တွေ့ရှိခဲ့တယ်။

အကြိမ်များစွာချဲ့ကြည့်လိုက်ရာ သမန်းဝံပုလွေသွေးမျိုးဆက်ကို ရှေးကျပြီးဆန်းကြယ်တဲ့အက္ခရာတွေနဲ့ဖွဲ့စည်းထားတာကို သူက မြင်လိုက်ရတယ်။ ဒီအက္ခရာစာလုံးတွေက အခြေခံအားဖြင့် ထပ်ခါတလဲလဲတည်ရှိပေမယ့် ရွှေရောင်အက္ခရာလိုပိုပြီး‌တော့ရှေးကျပြီးဆန်းကြယ်တဲ့အက္ခရာအချို့ရှိတယ်။ ရွှေရောင်အက္ခရာက ရွှေရောင်သမန်းဝံပုလွေတစ်ကောင်အဖြစ်ဆင့်ကဲပြောင်းလဲနိုင်ဖို့အတွက် ‌သော့ချက်ဖြစ်တာကို လီဖူချန်းက ယူဆထားတယ်။

"တစ်ချက်စမ်းကြည့်ရတာပေါ့" ‌သမန်းဝံပုလွေလီဖူချန်းက စွမ်းအင်အချို့ကို စုစည်းကာ အဲဒါကို ရွှေရောင်အက္ခရာထဲသို့ ပို့ဆောင်လိုက်တယ်။

ဝုန်း......

အံ့အားသင့်စရာမြင်ကွင်းတစ်ခုက ထွက်ပေါ်လာတယ်။ စွမ်းအင်က ရွှေရောင်အက္ခရာကို ဝင်ရောက်သွားတဲ့အခါ အဲဒါက နှစ်ပိုင်းကွဲသွားတယ်။ ပြီးနောက် နှစ်ဆလေးပိုင်းကွဲသွားပြန်တယ်။

"ငါ အခု သိပြီ" သမန်းဝံပုလွေလီဖူချန်းက သဘောပေါက်သွားတယ်။

သူ့ရဲ့စိတ်ဝိညာဉ်က အားကောင်းလွန်းပြီး အဲဒါက သူ့ကို သမန်းဝံပုလွေသွေးမျိုးဆက်ရှိရွှေရောင်အက္ခရာကို ရှာတွေ့ဖို့ လွယ်ကူစေတယ်။ ဒါပေမယ့် သမန်းဝံပုလွေတစ်ကောင်သာဆိုရင် သူတို့က  အကန့်အသတ်ချိုးဖြတ်တဲ့အခါမှသာ ရွှေရောင်အက္ခရာရဲ့တည်ရှိမှုကို အာရုံခံစားနိုင်တယ်။

ကြမ်းတမ်းတဲ့စွမ်းအင်တစ်ခုက တိုးဝင်လာတာကြောင့် ရွှေရောင်အက္ခရာက အကန့်အသတ်မရှိကွဲထွက်သွားပြီး သမန်းဝံပုလွေလီဖူချန်းရဲ့အ‌မွှေးတွေက ရွှေရောင်ပိုတောက်လာတယ်။

ဝူး......

တစ်ရက်ကြာပြီးနောက် နောက်ဆုံးမှာ သမန်းဝံပုလွေလီဖူချန်းက ရွှေရောင်ဝံပုလွေတစ်ကောင်အဖြစ်သို့ ဆင့်ကဲပြောင်းလဲသွားတော့တယ်။ ရွှေရောင်ချီလှိုင်းတစ်ခုက ပေါက်ကွဲထွက်လာပြီး အနှိုင်းမဲ့ရက်စက်ခြင်းတွေနဲ့ ပြည့်သွားတော့တယ်။

"အထွတ်အထိပ်အဆင့်သူတော်စင်လား....." သမန်းဝံပုလွေလီဖူချန်းကို ကြည့်ရင်း လီဖူချန်းက ပြုံးလိုက်မိတယ်။

သမန်းဝံပုလွေလီဖူချန်းရဲ့ချီတည်ရှိမှုအရ သူက အထွတ်အထိပ်အဆင့်သူတော်စင်အရှင်ကို ရောက်ရှိနေပြီဖြစ်တယ်။

ဒါက လီဖူချန်းမှာ အထွတ်အထိပ်အဆင့်သူတော်စင်တစ်ယောက်ရဲ့အပိုအကူအညီရှိနေပြိီလို့ ဆိုလိုတယ်။

"‌ရွှေရောင်ဝံပုလွေက အကန့်အသတ်မဟုတ်သေးဘူးပဲ။ အရင်ကမထွက်ပေါ်လာတဲ့အနက်ရောင်အက္ခရာတစ်ခု ရှိတယ်"

ရွှေရောင်ဝံပုလွေတစ်ကောင်အဖြစ်သို့ ဆင့်ကဲပြောင်းလဲသွားပြီးနောက် လီဖူချန်းက သူ့မျက်လုံးတွေကို မဖွင့်တော့ပါဘူး။ သူက သူ့ရဲ့သွေးမျိုးဆက်အထဲရှိအနက်ရောင်အက္ခရာတစ်ခုကို ရှာတွေ့ခဲ့တယ်။

အရင်တုန်းက သူ့ရဲ့သွေးမျိုးဆက်မှာ အနက်ရောင်အက္ခရာတစ်ခုမှမရှိတာ သူက လုံးဝသေချာတယ်။

"အနက်ရောင်အက္ခရာက သမန်းဝံပုလွေရဲ့နောက်ဆုံးပုံစံလို့ ဆိုလိုတယ်" သမန်းဝံပုလွေလီဖူချန်းက တွေးတောဆင်ခြင်နေတယ်။

စွမ်းအင်က စုစည်းသွားပြီး အနက်ရောင်အက္ခရာထဲသို့ ပို့ဆောင်လိုက်တယ်။

ဝုန်း......

အနက်ရောင်အက္ခရာက နှစ်ပိုင်းကွဲသွားတယ်၊ ပြီးနောက် နှစ်ဆလေးပိုင်းဖြစ်သွားတယ်။ အနက်ရောင်အက္ခရာတွေက အဆရာထောင်ကွဲထွက်သွားတဲ့အခါ သမန်းဝံပုလွေလီဖူချန်းမှာ စွမ်းအင်လုံလုံလောက်လောက်မရှိတော့ပါဘူး။

အနက်ရောင်အက္ခရာတွေက အောက်ခြေမရှိတဲ့တွင်းပေါက်တွေပမာ ဖြစ်ပြီး စွမ်းအင်များစွာ လိုအပ်တယ်။

သမန်းဝံပုလွေလီဖူချန်းက သူ့ရဲ့မျက်လုံးတွေကို ဖွင့်ကာ ပြောလိုက်တယ်"အနက်ရောင်အက္ခရာတွေက အမှောင်ချီတည်ရှိမှုနဲ့ ပြည့်နေတယ်။ သမန်းဝံပုလွေရဲ့နောက်ဆုံးပုံစံက အမှောင်ဝံပုလွေပဲ ဖြစ်မယ်"

လီဖူချန်းက ခေါင်းညိတ်ကာ ပြောလိုက်တယ်"အလျင်လိုစရာမလိုပါဘူး။ မင်းက အားထုတ်ဖို့ဆန္ဒရှိနေသရွေ့ မင်းက တစ်နေ့တော့ အဲလိုဖြစ်လာမှာပါ"

လီဖူချန်းက စိတ်ဝိညာဉ်စွမ်းအားတစ်ပိုင်းကို သမန်းဝံပုလွေလီဖူချန်းထံ မျှဝေခဲ့ပြီးဆိုပေမယ့် သမန်းဝံပုလွေလီဖူချန်းရဲ့အစစ်အမှန်စိတ်ဝိညာဉ်က စိတ်ဝိညာဉ်စွမ်းအားနဲ့သမန်းဝံပုလွေတို့ပေါင်းစပ်ရာမှ ဖြစ်ပေါ်လာတာလေ။ သူ့မှာ သူ့ရဲ့ကိုယ်ပိုင်တစ်မူထူးခြားတဲ့စရိုက်ရှိပြီး အဲဒါက စိတ်တန်ခိုးစွမ်းအားရုပ်တုက မပိုင်ဆိုင်နိုင်တဲ့အရာပါပဲ။

"သူ့ရဲ့မှတ်ဉာဏ်တွေကို ချေဖျက်ပြီး အကျိုးရှိတာတစ်ခုခုများရှိသေးသလားကို ကြည့်ပေးပါ" သမန်းဝံပုလွေလီဖူချန်းက ပြောလိုက်တယ်။

"ကောင်းပြီလေ"

လီဖူချန်းက မျက်လုံးမှိတ်ကာ မှတ်ဉာဏ်တွေကို စတင်ချေဖျက်လိုက်တော့တယ်။

လီဖူချန်းရဲ့သူ့ရဲ့သမန်းဝံလွေလူဝင်စားမှာ တူညီတဲ့စိတ်ဝိညာဉ်ရှိတယ်၊ ဒါကြောင့် သမန်းဝံပုလွေလီဖူချန်းရဲ့မှတ်ဉာဏ်တွေက သူ့မှတ်ဉာဏ်တွေပါပဲ။ မှတ်ဉာဏ်တွေကို ပြောင်းလဲဖို့မလိုအပ်ပါဘူး။

သမန်းဝံပုလွေသူတော်စင်အရှင်ရဲ့မှတ်ဉာဏ်တွေက များလွန်းပါတယ်။ မွေးရာကနေသေဆုံးတဲ့အထိ နှစ်ပေါင်းငါးသောင်းကျော်တယ်။

လီဖူချန်းက နှစ်ငါးသောင်းမှတ်ဉာဏ်ကို ချေဖျက်ပြီးတာနဲ့ သူ့ရဲ့ဓားတာအိုမှာ ချိုးဖြတ်မယ့်လက္ခဏာတွေ ရှိလာတာကို လီဖူချန်းက ခံစားမိတယ်။

"ဘဝမှတစ်ဆင့်သင်ယူတဲ့ဖြစ်စဉ်က စုဆောင်းတဲ့ဖြစ်စဉ်တစ်ခုလည်း ဖြစ်တယ်။ စုဆောင်းမှုက လုံလောက်ရင် သင်ယူမှုက မြန်ဆန်ပါလိမ့်မယ်။ ဒီမတိုင်ခင် ငါ့ရဲ့စုဆောင်းမှုက သေးငယ်လွန်းတယ်၊ ဒါပေမယ့် နှစ်ပေါင်းငါးသောင်းနဲ့ဆိုရင် အဲဒါက သမန်းဝံပုလွေတစ်ကောင်ရဲ့မှတ်ဉာဏ်ဆိုပေမယ့် အစားထိုးဖို့လုံလောက်တယ်"

ယခုဆိုရင် လီဖူချန်းရဲ့မျက်လုံးတွေက နက်နဲမှုတွေဖြစ်တည်နေတယ်။

"သူ့ရဲ့မှတ်ဉာဏ်တွေက အပိုင်းပိုင်းဖြစ်နေတယ်။ ကြည့်ရတာ ဆုံးရှုံးသွားတဲ့မှတ်ဉာဏ်များစွာ ရှိသေးပုံပဲ" သမန်းဝံပုလွေလီဖူချန်းက ဆိုလိုက်တယ်။

လီဖူချန်းက ခေါင်းညိတ်လိုက်တယ်"မှတ်ဉာဏ်တစ်စိတ်တစ်ပိုင်းဆုံးရှုံးတာလောက်က အဆင်ပြေပါတယ်။ အရေးကြီးဆုံးအရာက‌တော့ သူ့ရဲ့စိတ်ဝိညာဉ်အရှိန်အဝါကို ပုံတူကူးဖို့ပဲ။ မဟုတ်ရင် ဒီသမန်းဝံပုလွေကိုသိတဲ့အခြားသမန်းဝံပုလွေတွေက မင်းကို အလွယ်တကူဖော်ထုတ်ကြလိမ့်မယ်"

လီဖူချန်းက သမန်းဝံပုလွေလီဖူချန်းကို သူ့နောက်လိုက်စေဖို့ အစီအစဉ်မရှိပါဘူး၊ လီဖူချန်းက သမန်းဝံပုလွေလီဖူချန်းကို သူ့ရဲ့ကိုယ်ပိုင်လမ်းကြောင်းပေါ်မှာ လမ်းလျှောက်ပြီးသူ့ရဲ့ကိုယ်ပိုင်ဘဝကို တွေ့ကြုံခံစားစေချင်တယ်။ ဒီနည်းလမ်းနဲ့ ဘဝအတွေ့အကြုံတွေ၊ ဘဝနားလည်မှုတွေ၊ စကြာဝဠာဗဟုသုတတွေကို အဆက်မပြတ်ထောက်ပံ့ပေးပါလိမ့်မယ်"

"ကြိုးစားကြည့်တာပေါ့"

သမန်းဝံပုလွေလီဖူချန်းက သမန်းဝံပုလွေသူတော်စင်မှကျန်ရှိနေတဲ့စိတ်ဝိညာဉ်အရှိန်အဝါကို စုစည်းခဲ့ပြီး ခရမ်းနီရောင်စိတ်ဝိညာဉ်ပတ်ပတ်လည်မှာ လွှမ်းခြုံစေလိုက်တယ်။

တဖြည်းဖြည်းနဲ့ သမန်းဝံပုလွေလီဖူချန်းရဲ့စိတ်ဝိညာဉ်‌အရှိန်အဝါက ပြောင်းလဲသွား‌တော့တယ်။

လီဖူချန်းက ပြုံးကာ ပြောလိုက်တယ်"ငါတို့ ဒီနေရာကနေ လမ်းခွဲကြတာပေါ့"

နှစ်ငါးသောင်းမှတ်ဉာဏ်နဲ့အတူ လီဖူချန်းက လျှို့ဝှက်ကျင့်ကြံဖို့ စီစဉ်ထားတယ်။

"လမ်းခွဲဖို့အချိန်ကျပြီ" သမန်းဝံပုလွေလီဖူချန်းက ရွှေရောင်အလင်းတန်းတစ်ခုအဖြစ်သို့ ပြောင်းသွားပြီး အရိပ်အယောင်တစ်ခုပင်မကျန်ရှိတော့ဘဲ ပျောက်ကွယ်သွား‌တော့တယ်။

"စိတ်ဝင်စားစရာပဲ"

သမန်းဝံပုလွေလီဖူချန်းရဲ့မြန်နှုန်းက သူ့အောက်မကျတာကို လီဖူချန်းက အလိုလိုသိတယ်။ အနာဂတ်မှာ ဖြစ်နိုင်တာက သမန်းဝံပုလွေလီဖူချန်းက သူ့ထက်တောင် ပိုမြန်နိုင်လောက်တယ်။

"နောက်တစ်ကြိမ်ငါတို့ပြန်တွေ့မဲ့အချိန်ကို ငါ စောင့်နေမယ်" လီဖူချန်းက ဓားအလင်းတစ်ခုအဖြစ်သို့ ပြောင်းသွားပြီး ပျောက်ကွယ်သွားတော့တယ်။

…

စိတ်ဝိညာဉ်အမှတ်အသားနောက်ကို လိုက်လျက် လီဖူချန်းက အပ်ပေါက်အရွယ်အစားအနက်ရောင်ရေဝဲကို အောင်မြင်စွာ ရှာတွေ့ခဲ့ပြီး နက်ပြာပလိန်းရဲ့အရှေ့ယူနီကွန်တိုက်ကြီးဆီ ပြန်ရောက်လာတယ်။

…

"သူ့ရဲ့ချီတည်ရှိမှုပျောက်ကွယ်သွားတာလား"

စကြာဝဠာထဲမှာ ရွှေရောင်ခြင်္သေ့တစ်ကောင်က မယုံနိုင်လောက်တဲ့မြန်နှုန်းတစ်ခုနဲ့အတူ ရွေ့လျားနေတယ်။

ရွေရောင်ခြင်္သေ့က အလွန်ကြီးမားပြီး အရွယ်အစားအားဖြင့် မိုင်ဆယ်မီလီယံရှိတယ်။‌‌ ရွှေရောင်ခြင်္သေ့နဲ့ နှိုင်းယှဉ်ရင် ဘယ်နက္ခက်တာရာသားရဲမဆို ပုရွက်ဆိတ်ပမာ ဖြစ်သွားပါလိမ့်မယ်။

ဒါပေမယ့် ဂရုတစိုက်လေ့လာရင်တော့ ရွှေရောင်ခြင်္သေ့က အစစ်အမှန်ခန္ဓာကိုယ်မဟုတ်ဘူး၊ ရွှေရောင်အလင်းတွေနဲ့ ဖွဲ့စည်းထားတာကို နားလည်ပါလိမ့်မယ်။

ရွှေရောင်ခြင်္သေ့ထဲမှာ ရွှေရောင်မျက်လုံး၊ ရွှေရောင်ဆံပင်နဲ့လူတစ်ယောက်ရှိတယ်။

အစွန်းအလင်းကြယ်ပိုင်နက်ရှ်ိတစ်ယောက်‌ယောက်က ဒီနေရာမှာ ရှိရင် သူတို့က ရွှေရောင်မျက်လုံးလူကို သိရှိပါလိမ့်မယ်။ သူက ဖြာထွက်အံ့ဖွယ်ဘုရားကျောင်းရဲ့ခါဒီနယ်ဘုန်းတော်ကြီးဖြစ်တဲ့ရွှေရောင်ခြင်္သေ့ကောင်းကင်ဘုံအရှင်ပါပဲ။

…

အရှေ့ယူနီကွန်တိုက်ကြီးကို ပြန်ရောက်လာပြီးနောက် လီဖူချန်းက သီးခြားကျင့်ကြံဖို့အတွက် သွားခဲ့တယ်။

နှစ်ပေါင်းငါးသောင်းမှတ်ဉာဏ်တွေက သူတော်စင်အရှင်တစ်ယောက်အတွက် သာမန်ပေမယ့် လီဖူချန်းအတွက်ကတော့ များလွန်းတယ်။

လီဖူချန်းမှာ နှစ်၁၀၀မှတ်ဉာဏ်တောင် မရှိသေးဘူး၊ နှိုင်းယှဉ်ရင် တကယ်ကိုသေးနုပ်လှပါတယ်။

…

အဲဒါက အောင်မြင်တဲ့သီးခြားကျင့်ကြံခြင်းတစ်ခုပါပဲ။ သုံးရက်အတွင်း လီဖူချန်းက မူလအဆုံးစွန်းဓားပညာရဲ့ဒုတိယကွက်ဖြစ်တဲ့မူလဘူတဓားကို ထိပ်တန်းအဆင့်အထွတ်အထိပ်အခြေအနေသို့ မြှင့်တင်နိုင်ခဲ့တယ်။ ပြီးနောက် သူက နောက်ထပ်တစ်ပတ်အသုံးချကာ ကောင်းကင်မျဉ်းဓားပညာရဲ့နဝမကွက်ကို နားလည်စေခဲ့တယ်။ အဲဒါက ကောင်းကင်မျဉ်းဓားပညာရဲ့နောက်ဆုံးကွက်ကောင်းကင်တာအိုအံ့ဖွယ်မျဉ်းဓားလည်း ဖြစ်တယ်။

ဒီဓားကွက်ကို နားလည်ပြီးနောက် လီဖူချန်းရဲ့ဓားတာအိုကျွမ်းကျင်မှုက ဓားအရှင်နဲ့နီးကပ်လာတယ်။ အနည်းဆုံး‌တော့ ဓားပညာအားဖြင့် နီးကပ်တယ်။

တစ်ချိန်တည်းမှာပဲ ကောင်းကင်မျဉ်းဓားပညာရဲ့ပထမရှစ်ကွက်က ၎င်းရဲ့နက်နဲသိမ်မွေ့မှုနဲ့စွမ်းအားမှာ ကြီးမားစွာမြင့်တက်လာတယ်။

ကောင်းကင်မျဉ်းဓားပညာရဲ့ကိုးကွက်စလုံးက ပေါင်းစည်းခြင်းတစ်ခုပါပဲ။ တိကျသေချာတဲ့ကျွမ်းကျင်မှုအဆင့်တစ်ခုကို ရောက်ရှိတာနဲ့ နက်နဲသိမ်မွေ့မှုနဲ့စွမ်းအားက အလိုအလျောက်တိုးလာပါလိမ့်မယ်။

***