ကျောက်စိမ်းကြယ်သူတော်စင်အရှင်ရဲ့သေရေးရှင်ရေးအခြေအနေ

"ကျောက်စိမ်းကြယ်သူတော်စင်အရှင်၊ ဘယ်လောက်တောင်တိုက်ဆိုင်လိုက်သလဲ" နှုတ်ဆက်ရင်း ကောင်းကင်လှည့်သားရဲအာဏာရှင်က ကျောက်စိမ်းကြယ်သူတော်စင်အရှင်ကို ကြည့်ကာ နှုတ်ခမ်းသပ်လိုက်တယ်။

"ဒါက တိုက်ဆိုင်တာပဲ။ မင်း ငါ့ကို မနှောင့်ယှက်ဖို့တော့ ငါ မျှော်လင့်တယ်" ကျောက်စိမ်းကြယ်သူတော်စင်အရှင်က ဂရုမစိုက်ဟန် ပြောလိုက်တယ်။

"မစိုးရိမ်ပါနဲ့၊ ငါ မင်းကို မနှောင့်ယှက်ပါဘူး။ ငါ မင်းနဲ့ ပူးပေါင်းချင်တာပါ" ကောင်းကင်လှည့်သားရဲအာဏာရှင်ရဲ့မျက်လုံးတွေက ရက်စက်တဲ့အရိပ်အယောင်တစ်ခု လျှပ်တစ်ပြက်လက်သွားတယ်။

"ဒီမဟာပျက်ဆီးခြင်းသားရဲနှစ်ကောင်က ရင်ဆိုင်ရတာ မလွယ်ဘူး။ သူတို့ကို အရင်ရှင်းပြီးမှ ငါတို့ ဘာလို့ စကားမပြောကြတာလဲ" ကျူးစန်းချိုးက မဟာပျက်ဆီးခြင်းသားရဲရုပ်တုတွေကို ထက်ရှတဲ့မျက်လုံး‌တွေနဲ့ စိုက်ကြည့်လိုက်တယ်။

"သူတို့က အားကောင်းရင်တောင် သူတို့က အများဆုံး မဟာပျက်ဆီးခြင်းသားရဲအာဏာရှင်တွေပဲ ဖြစ်လောက်မှာပါ။ ဘာကြောက်စရာရှိလို့လဲ။ ငါ အရင်သွားမယ်"

အမည်မသိသားရဲအာဏာရှင်က သူ့ရဲ့ညာလက်ကို ခပ်မြင့်မြင့်မြှောက်ကာ ဧရာမမှင်ပြာရောင်သားရဲလက်သည်းတစ်ခုကို ဖြစ်တည်စေလိုက်တယ်။ ပြီးနောက် သူက မဟာပျက်ဆီးခြင်းသားရဲရုပ်တုတွေထဲကတစ်ခုထံ ရိုက်ချလိုက်တယ်။

ဝူး.......

သားရဲရုပ်တုရဲ့ကျောက်တုံးအရေပြားက ပေါက်ကွဲထွက်လာပြီး အကြည့်တစ်ချက်နဲ့အတူ အလင်းတန်းနှစ်ခုကို ပစ်လွှတ်လိုက်တယ်။ သူတို့က မင်ပြာရောင်သားရဲလက်သည်းကို ဆုတ်ဖြဲခဲ့ရုံသာမက အမည်မသိသားရဲအာဏာရှင်ကိုပါ ခွဲဖြတ်ခဲ့တယ်။

အနေအထားကို မြင်ပြီး အမည်မသိသားရဲအာဏာရှင်က ထိတ်လန့်တကြားထခုန်ကာ လက်သီးတစ်လုံးနဲ့ လျင်မြန်စွာ တန်ပြန်တိုက်ခိုက်လိုက်တယ်။

ဝုန်း........

ချီလှိုင်းပေါက်ကွဲမှုတစ်ခုဖြစ်သွားပြီး အမည်မသိသားရဲက နောက်သို့ လွင့်ထွက်သွားတယ်။

"သန်မာလွန်းတယ်"

သူက အတော်လေးတုန်လှုပ်သွားတယ်။ စောစောကတိုက်ခိုက်မှုမှာ သူက ခွန်အားအပြည့်မသုံးခဲ့ပေမယ့် သူက အထွတ်အထိပ်အဆင့်သားရဲအာဏာရှင်တစ်ကောင်ပါပဲ။

ကောင်းကင်လှည့်သားရဲအာဏာရှင်က ပြောလိုက်တယ်"မိကျောင်းပြာသားရဲအာဏာရှင်၊ ဂရုမစိုက်လို့မရဘူး။ ဒီမဟာပျက်ဆီးခြင်းသားရဲရဲ့မျက်လုံးတွေက အတော်လေးထူးခြားတယ်"

အလင်းတန်းနှစ်ခုရဲ့စွမ်းအားက အတော်လေးကြောက်စရာကောင်းတယ်။ မိကျောင်းပြာသားရဲအာဏာရှင်အသာထား၊ ကောင်းကင်လှည့်သားရဲအာဏာရှင်တောင် ရှုံးသွားနိုင်တယ်။

ဝုန်း......

မူမမှန်တာကို ခံစားမိပြီး အခြားမဟာပျက်ဆီးခြင်းသားရဲကလည်း လှုပ်ရှားလာတယ်။ အကြည့်တစ်ချက်နဲ့အတူ အလင်းတန်းနှစ်ခုက အနီးကပ်ဆုံးမှာရှိနေတဲ့ကျူးစန်းချိုးထံ တိုးဝင်လာတယ်။

"ဟမ့်......" ကျူးစန်းချိုးက မကျေမနပ်ဖြစ်သွားကာ ကြက်သွေးနီရောင်တိုက်ပွဲပုဆိန်တစ်ခုကို ဝှေ့ယမ်းကာ တားဆီးလိုက်တယ်။

"ကြယ်ဖျက်ဆီးခြင်းလက်သီး......"

ကြယ်အလင်းစက်‌တွေနဲ့လက်သီးအားတစ်ခုက လေကို ဖြတ်ကာ မဟာပျက်ဆီးခြင်းသားရဲရဲ့ဦးခေါင်းအပေါ် ကျရောက်လာတယ်။ ဒီတိုက်ခိုက်မှုကို ဖော်ထုတ်ခဲ့တဲ့သူက‌တော့ ကျောက်စိမ်းကြယ်သူတော်စင်အရှင်ကလွဲပြီးအခြားမဟုတ်ပါဘူး။

"ဒီလိုကြမ်းတမ်းခဲ့ခုခံမှု"

ကျောက်စိမ်းကြယ်သူတော်စင်အရှင်ရဲ့မျက်လုံးတွေက လေးနက်သွားတယ်။ သူ့ရဲ့စွမ်းအားအပြည့်လက်သီးက မဟာပျက်ဆီးခြင်းသားရဲရဲ့ဦးခေါင်းကို အနည်းငယ်သာ လှုပ်ယမ်းစေနိုင်ခဲ့တယ်။

ဝုန်း ဝုန်း ဝုန်း.......

ရင်ပြင်ပေါ်မှာ တိုက်ပွဲက အထွတ်အထိပ်ကို ချက်ချင်း ရောက်ရှိလာတယ်။

ကောင်းကင်လှည့်သားရဲအာဏာရှင်နဲ့အခြားသားရဲအာဏာရှင်နှစ်ကောင်က ညာဘက်ရှိမဟာပျက်ဆီးခြင်းသားရဲကို တိုက်ခိုက်နေစဉ် ကျောက်စိမ်းကြယ်သူတော်စင်အရှင်နဲ့ကျူးစန်းချိုးတို့က ဘယ်ဘက်ရှိမဟာပျက်ဆီးခြင်းသားရဲနဲ့ ရင်ဆိုင်နေတယ်။

အချက်အလက်အားဖြင့် မဟာပျက်ဆီးသားရဲတွေက မပြောင်မြောက်ပါဘူး၊ သူတို့က အဆင့်မြင့်သားရဲအာဏာရှင်တစ်ကောင်ဒါမှမဟုတ်အဆင့်မြင့်သူတော်စင်အရှင်တစ်ယောက်ရဲ့အဆင့်သာ ရှိကြတယ်။ မျက်လုံးတွေမှပစ်လွှတ်နေတဲ့အလင်းတန်းတွေကတော့ အထွတ်အထိပ်အဆင့်သားရဲအာဏာရှင်တစ်ကောင်ဒါမှမဟုတ်အထွတ်အထိပ်သူတော်စင်အရှင်တစ်ယောက်နဲ့တူညီတဲ့အဆင့်မှာသာ ရှိကြတယ်။ သူတို့က သတိထားနေသရွေ့ သူတို့က ထိမှန်ခြင်းမရှိပါဘူး။

ဒါပေမယ့် မဟာပျက်ဆီးခြင်းသားရဲတွေရဲ့ခံစစ်က ကြမ်းတမ်းလွန်းတယ်။ ကျောက်စိမ်းကြယ်သူတော်စင်အရှင်နဲ့ကောင်းကင်လှည့်သားရဲအာဏာရှင်တို့ရဲ့အစွမ်းကုန်တိုက်ခိုက်မှုတွေကတောင် အများကြီးမသက်ရောက်နိုင်ဘူးဖြစ်နေတယ်။

သူတို့က ဒီမဟာပျက်ဆီးခြင်းသားရဲနှစ်ကောင်ကို ဖြည်းဖြည်းချင်းဖိနှိပ်ရမယ်ဆိုတာကို သူတို့က ရှင်းလင်းစွာ သိခဲ့တယ်။

…

အဆများစွာပိုသေးငယ်တဲ့နန်းတော်တစ်ခုမှာ လီဖူချန်းလည်း မဟာပျက်ဆီးခြင်းသားရဲတစ်ကောင်နဲ့ တိုက်ခိုက်နေတယ်။

ဒီမဟာပျက်ဆီးခြင်းသားရဲရဲ့ခွန်အားက အဆင့်နိမ့်သားရဲအာဏာရှင်တစ်ကောင်ခန့်သာ ရှိပေမယ့် ခုခံမှုက အလွန်အမင်းကြမ်းတမ်းခိုင်မာတယ်။ ကောင်းကင်ဆက်ဓားကို မသုံးဘဲနဲ့ လီဖူချန်းရဲ့စွမ်းအားပြည့်ခုတ်ချက်က ဓားဒဏ်ရာတိမ်တိမ်လေးတစ်ခုကိုသာ လှီးဖြတ်နိုင်လိမ့်မယ်။

"မူလဘူတဓား......"

ကောင်းကင်ဆက်ဓားကို ဓားအိမ်မှချွတ်ကာ ဓားတစ်သောင်းကို ဓားတစ်လက်အဖြစ်သို့ ပြောင်းလဲစေပြီး လီဖူချန်းက မဟာပျက်ဆီးခြင်းသားရဲရဲ့ရင်ဘက်ကို ထိုးဖောက်ခဲ့တယ်။

ဒါပေမယ့် ဒီဒဏ်ရာက မဟာပျက်ဆီးခြင်းသားရဲရဲ့တိုက်ပွဲခွန်အားအားလုံးကို ဆုံးရှုံးစေဖို့တော့ မလုံလောက်ပါဘူး။

"ကောင်းကင်တာအိုအံ့ဖွယ်မျဉ်းဓား"

မှိန်ဖျော့ဖျော့ဓားခုတ်ချက်တစ်ခုက ဟင်းလင်းပြင်မှာ ဖြစ်တည်သွားတယ်။

ဖောက် ဖောက် ဖောက်......

မဟာပျက်ဆီးခြင်းသားရဲရဲ့ခန္ဓာကိုယ်မှာ အရိုးနက်ဓားဒဏ်ရာတွေ ထွက်ပေါ်လာတယ်။ အနက်ဆုံးဓားဒဏ်ရာက သားရဲအရိုးတွေရဲ့တစ်ဒါဇင်ကို ကျိုးပဲ့သွားစေခဲ့တယ်။

ကောင်းကင်တာအိုအံ့ဖွယ်မျဉ်းဓားကို စွမ်းအားနဲ့အရှိန်ရဲ့ပြီးပြည့်စုံတဲ့ဟန်ချက်ညီမှုတစ်ခုလို့ စဉ်းစားနိုင်တယ်။ မူလဘူတဓားကတောင် မယှဉ်နိုင်ပါဘူး။

နှစ်နာရီကြာပြီးနောက် လီဖူချန်းက မဟာပျက်ဆီးခြင်းသားရဲကို ‌အားအင်ကုန်ခန်းစေကာ သတ်ဖြတ်နိုင်ခဲ့ပြီး သားရဲအာဏာရှင်အဆင့်မဟာပျက်ဆီးခြင်းပုလဲတစ်လုံးကို ရရှိခဲ့တယ်။

ကျွီ......

နန်းတော်ဂိတ်ကို ပွင့်ပြီးနောက် လီဖူချန်းနဲ့ရန်ချင်းဟူတို့က ဝင်ရောက်သွားခဲ့တယ်။

…

နောက်ထပ်ခုနှစ်ရက်အကြာမှာ......

ဖြောက်......

ကြက်သွေးနီရောင်တိုက်ပွဲပုဆိန်ရဲ့ခုတ်ချက်နဲ့အတူ မဟာပျက်ဆီးခြင်းသားရဲက‌ ကြေမွသွား‌တော့တယ်။

"အဆုံးစွန်းအဆင့်လက်နက်က တကယ်ကို မယုံနိုင်စရာပဲ" ကျောက်စိမ်းကြယ်သူတော်စင်အရှင်က အတော်လေးစိုးရိမ်မိတယ်။

ကျူးစန်းချိုးရဲ့ခွန်အားက သူ့ထက် နိမ့်ကျပေမယ့် မီးနတ်ဘုရားပုဆိန်က ကြီးမားတဲ့စွမ်းအားရှိပြီး အဲဒါက သေချာတဲ့အတိုင်းအတာတစ်ခုအထိ ခုခံမှုတွေကို လစ်လျူရှူနိုင်တယ်။

"ကောင်းကင်ဘုံမီးသူတော်စင်အရှင်၊ မင်း ငါတို့ကို ကူညီပေးနိုင်မလား။ တန်ဖိုးကို မင်းညှိနှိုင်းနိုင်ပါတယ်"

အခြားတစ်ဖက်မှာတော့ ကောင်းကင်လှည့်သားရဲအာဏာရှင်က စိုးရိမ်တကြီးဖြစ်နေတယ်။ သူတို့မှာ အဆုံးစွန်းအဆင့်လက်နက်တစ်ခုမှ မရှိဘူး၊ ဒီလောက်ရက်တွေကြာပြီးတောင် သူတို့က မဟာပျက်ဆီးခြင်းသားရဲကို ဘာမှ မလုပ်နိုင်ဘူးဖြစ်နေတယ်။

မပြောခင် ကျူးနန်းရှန်းနဲ့နှုတ်ခမ်းက အနည်းငယ်ရွေ့လျားသွားတယ်"ကောင်းပြီ"

ကောင်းကင်လှည့်သားရဲအာဏာရှင်က အံ့ကြိတ်လိုက်လေတယ်။

ကောင်းကင်ဘုံမီးဓားသူတော်စင်အရှင်ရဲ့အကူအညီနဲ့အတူ နှစ်ရက်ကြာပြီးနောက် ဒဏ်ရာတွေဖုံးလွှမ်းနေတဲ့မဟာပျက်ဆီးခြင်းသားရဲကို နောက်ဆုံးတော့ သတ်ဖြတ်နိုင်ခဲ့တယ်။

"ကျောက်စိမ်းကြယ်သူတော်စင်အရှင်၊ စောင့်နေရတဲ့အတွက် တောင်းပန်ပါတယ်" ကောင်းကင်လှည့်သားရဲအာဏာရှင်က ကျောက်စိမ်းကြယ်သူတော်စင်အရှင်ကို ပြုံးဖြဲပြလိုက်တယ်။

မဟာပျက်ဆီးခြင်းသားရဲအာဏာရှင်နှစ်ကောင်ကို အတူတကွမဖယ်ရှားနိုင်ရင် ဂိတ်က ပွင့်လိမ့်မှာမဟုတ်ပါဘူး။

ဒါကြောင့် ‌ကျောက်စိမ်းကြယ်သူတော်စင်အရှင်က သူတို့ကို နှစ်ရက်လောက် စောင့်နေရတယ်။

ကျောက်စိမ်းကြယ်သူတော်စင်အရှင်က ဘာတစ်ခုမှ မပြောပါဘူး၊ သူက ဂိတ်ပေါက်ကို တွန်းဖွင့်ဖို့ လျှောက်သွားတယ်။

ပြင်းထန်တဲ့ဖြာထွက်အလင်းတစ်ခုက ပေါက်ကွဲထွက်လာတယ်.....

တောက်ပလွန်းတာကြောင့် ကျောက်စိမ်းကြယ်တော်စင်အရှင်က သူ့မျက်လုံးတွေကို အလိုအလျောက် ပိတ်လိုက်ရတယ်။

နန်းတော်ထဲမှာ အလင်းအရင်းမြစ်သုံးခုရှိတယ်။ ဘယ်ဘက်မှာ အနက်ရောင်အလင်းအရင်းမြစ်တစ်ခု၊ အလယ်မှာ အနီရောင်အလင်းအရင်းမြစ်တစ်ခုနဲ့ ညာဘက်မှာ ခရမ်းရောင်အလင်းအရင်းမြစ်တစ်ခု ရှိတယ်။

အလင်းအရင်းမြစ်သုံးခုလုံးက မဟာပျက်ဆီးခြင်းရတနာတွေဆိုတာ သိသာတယ်။ တစ်ခုချင်းစီက သူတော်စင်အရှင်တွေကို ရူးနှမ်းစေနိုင်ပြီး ကောင်းကင်ဘုံအရှင်တွေကို သွေးဆောင်ဖြားယောင်နိုင်တယ်။

အနောက်မှာ ကောင်းကင်လှည့်သားရဲအာဏာရှင်နဲ့ကျူးနန်းရှန်းတို့က နန်းတော်အထဲရှိအနေအထားကို မြင်နေရတယ်။ သူတို့မျက်လုံးတွေမှာ ရက်စက်ခြင်းတွေ၊ စိတ်လှုပ်ရှားမှုတွေ ပြည့်လျှံလာတယ်။

"ကောင်းကင်ဘုံမီးဓားသူတော်စင်အရှင်၊ မင်း ဘာလုပ်နေတာလဲ"

ဂိတ်တွေပွင့်သွားတဲ့အခိုက်မှာ ကျောက်စိမ်းကြယ်သူတော်စင်အရှင်က ရုတ်တရက်လှည့်ကာ ဟင်းလင်းပြင်ထံ လက်သီးတစ်ချက်ထုတ်ဖော်လိုက်တယ်။

ဝုန်း......

ကြက်သွေးနီရောင်ပုဆိန်အားက လက်သီးအားကို ခုတ်ပိုင်းခဲ့ပြီး နှစ်ခုလုံးက ပေါက်ကွဲထွက်သွားတယ်။

ခိုးကြောင်ခိုးဝှက်တိုက်ခိုက်မှုကို ကျူးစန်းချိုးက ဖော်ထုတ်ခဲ့တာပါ......

"ကျောက်စိမ်းကြယ်သူတော်စင်အရှင်၊ မင်းက လီဖူချန်းနဲ့နီးကပ်လွန်းတယ်။ ငါ့ကျူးကလန်နဲ့လီဖူချန်းက သွေးရန်ငြိုးတစ်ခုရှိတာကို မင်းသိသင့်တယ်" ကျူးစန်းချိုးက တည်ငြိမ်စွာ ပြောလိုက်ပေမယ့် သူ့လေသံက သတ်ဖြတ်ချင်စိတ်တွေ ပြည့်နှက်နေတယ်။

"ကျောက်စိမ်းကြယ်သူတော်စင်အရှင်၊ မင်း ဒီနေ့သေရမယ်" သားရဲအာဏာရှင်သုံးကောင်က အတူတကွ တိုက်ခိုက်လာကြတယ်။

သူတို့က သူတို့ရဲ့သတ်ဖြတ်ကွက်ကို ချက်ချင်း ဖော်ထုတ်ခဲ့ပြီး ကျောက်စိမ်းကြယ်သူတော်စင်အရှင်ကို ဝိုင်းလိုက်တယ်။

ကျောက်စိမ်းကြယ်သူတော်စင်အရှင်က အလွန်အမင်းမချိတင်ကဲဖြစ်နေတယ်။

သူက ကျူးနန်းရှန်းနဲ့ပတ်သက်ပြီး ကြိုတင်ကာကွယ်ထားတယ်၊ ဒါပေမယ့် ကျူးနန်းရှန်းကို နတ်ဆိုးသားရဲတွေနဲ့ ပူးပေါင်းကြံစည်မယ်လို့တော့ မမျှော်လင့်ထားခဲ့ဘူး။

"ကောင်းကင်ဘုံမီးသူတော်စင်အရှင်၊ ဒါအတွက် မင်း နောင်တရလိမ့်မယ်" ကျောက်စိမ်းကြယ်သူတော်စင်အရှင်က အထွတ်အထိပ်အဆင့်သူတော်စင်တစ်ယောက်ပါ၊ ဒါကြောင့် သူက အချိန်အတိုင်းအတယတစ်ခုအထိတော့ သူတို့လေးယောက်နဲ့ တိုက်ခိုက်နိုင်သေးတယ်။

"နောင်တလား"

ကျူးနန်းရှန်းက လှောင်ပြုံးပြုံးကာ ပြောလိုက်တယ်"ငါ ကျူးစန်းချိုးက စကြာဝဠာအနှံ့ လှည့်လည်ခဲ့တယ်၊ ဘယ်တော့မှ နောင်တမရခဲ့ဘူး"

အကွက်တစ်ရာရှိပြီးနောက် ကျောက်စိမ်းကြယ်သူတော်စင်အရှင်က အရှုံးဘက်မှာ ရှိနေဆဲဖြစ်တယ်။

ခွန်အားအရ ကောင်းကင်လှည့်သားရဲအာဏာရှင်နဲ့ကျူးနန်းရှန်းတို့က သူ့ထက် အနည်းငယ်သာ နိမ့်ကျတယ်။ သူတို့နှစ်ယောက်ရဲ့ပူးပေါင်းမှုနဲ့အတူ သူက တန်ပြန်တိုက်ခိုက်ဖို့တောင် ခက်ခဲတဲ့အချိန်တစ်ခု ရှိလာတယ်။

"ကောင်းကင်ဝါးမျိုခြင်း"

မိကျောင်းပြာသားရဲအာဏာရှင်က အခွင့်အရေးကို ဆုပ်ကိုင်ကာ သူ့ရဲ့‌မွေးရာပါစွမ်းရည်ကို အသက်သွင်းလိုက်တယ်။

ဧရာမမိကျောင်းပုံရိပ်က ကျောက်စိမ်းကြယ်သူတော်စင်အရှင်ကို ဝါးမျိုဖို့ ကြိုးစားနေတယ်။

ကျောက်စိမ်းကြယ်သူတော်စင်အရှင်က ဧရာမမိကျောင်းပုံရိပ်ကို ချက်ချင်း ဆုတ်ဖြဲခဲ့ပေမယ့် သူ့ခန္ဓာကိုယ်မှာ ဒဏ်ရာတွေ ထွက်ပေါ်လာပါသေးတယ်။

ပြီးနောက် ‌ကျောက်တုံးနက်သားရဲအာဏာရှင်ကလည်း ကျောက်စိမ်းကြယ်သူတော်စင်အရှင်အပေါ်မှာ လက်သည်းဒဏ်ရာအချို့ ချန်ထားခဲ့တယ်။

"ကျောက်စိမ်းကြယ်သူတော်စင်အရှင်၊ မင်းမှာ ရွေးချယ်စရာမရှိတော့ဘူး"

ကျူးစန်းချိုးရဲ့မီးနတ်ဘုရားပုဆိန်မှ ကြောက်စရာကောင်းတဲ့မီးလျှံတွေ ပန်းထွက်လာတယ်။ မီးလျှံတွေမှ သေစေနိုင်တဲ့အန္တရယ်ခံစားချက်တစ်ခုကို ပေးစွမ်းနေတယ်။

မီးနတ်ဘုရားပုဆိန်က အာကာသ-အချိန်ကို လစ်လျူရှူပြီး ကျောက်စိမ်းကြယ်သူတော်စင်အရှင်ရဲ့ပုခုံးကို ခုတ်ပိုင်းလိုက်တယ်၊ ကျောက်စိမ်းကြယ်သူတော်စင်အရှင်ကို နှစ်ပိုင်းဖြစ်စေလုနီးပါး ခုတ်ပိုင်းနေလျက်ရှိတယ်။

အူး.....

ဧရာမဝံပုလွေတစ်ကောင်က ထွက်ပေါ်လာပြီး ကျောက်စိမ်းကြယ်သူတော်စင်အရှင်ရဲ့အခြားပခုံးတစ်ဖက်ကို ကိုက်ဖြတ်လိုက်ချေတယ်။

***