ရှေးကျောက်တုံးဥယျာဉ်

ဇာတ်ကြောင်းပြန်ရရင် ကွေ့လီကို သစ္စာဖောက်ခဲ့တာ ကွေ့စဲနဲ့စိုလော့တို့ကလွဲပြီးအခြားသူမဟုတ်ပါဘူး။

ထိုနှစ်ယောက်ရဲ့ခိုးကြောင်ခိုးဝှက်တိုက်ခိုက်မှုကြောင့် ကွေ့လီက ဒဏ်ရာအပြင်းအထန်ရပြီး သေလုမျောပါးဖြစ်ခဲ့ရတယ်။ သေရေးရှင်ရေးအခြေအနေမှာ သူက အထွတ်အထိပ်တည်နေရာရွှေ့ပြောင်းရေးအစီအရင်ကို သုံးကာ လွတ်မြောက်နိုင်ခဲ့တယ်။

စိတ်မကောင်းစရာတစ်ခုကတော့ ကွေ့လီရဲ့ဒဏ်ရာက ပြင်းထန်လွန်တယ်။ နောက်ဆုံးမှာတော့ သူက ဥက္ကာခဲတွေကြားမှာ ပျောက်ကွယ်သွားတော့တယ်။

သမန်းဝံပုလွေလီဖူချန်း ဂလင်းမာမြို့ကို ပြန်လာတဲ့အကြောင်းပြချက်ကတော့ ကွေ့လီအတွက် လက်စားချေဖို့ပါပဲ။

ဝံပုလွေအရိပ်ဌာနချုပ်သို့သွားရာလမ်းပေါ်မှာ......

"ကွေ့စဲ၊ ကွေ့လီက ပြန်ရောက်လာပြီ။ သူက သေချာပေါက် ငါတို့ကို လက်စားပြန်ချေလိမ့်မယ်။ ဂရုစိုက်အုံး" ကွေ့လီအသက်ရှင်ကာ ပြန်ရောက်လာတာကို သိပြီးနောက် စိုလော့က အတော်လေးစိုးရိမ်သွားတယ်။

ကွေ့စဲက လှောင်လိုက်တယ်"ဘာစိုးရိမ်စရာရှိလို့လဲ။ သူ့ခွန်အားက မင်းနဲ့အတူတူပဲ၊ ငါ့ထက် အများကြီးနိမ့်ကျတယ်။ ငါက ငါတို့ကို လာရှာရဲရင် ငါက သူသေရင်တောင် အုတ်ဂူမရှိစေရဘူး"

"ငါ မကြောက်ပါဘူး၊ ကိစ္စတွေက ထင်သ‌လောက်မရိုးရှင်းဘူးလို့ ငါ ခံစားနေရတယ်"

"မင်းက တမင်ခေါင်းအရှုပ်ခံစဉ်းစားနေတာပဲ။ ပြန်လာဖို့ရွေးချယ်တာက သူလုပ်ခဲ့သမျှမှာ အရူးမိုက်ဆုံးအရာဖြစ်စေရမယ်" ကွေ့စဲရဲ့မျက်လုံးတွေက သတ်ဖြတ်ခြင်းအရှိန်အဝါတွေ တောက်လောင်နေတယ်၊ သူက ဝံပုလွေအရိပ်ရဲ့ဌာနချုပ်ထဲ ဝင်ခဲ့တယ်။

***

ရှေးကျောက်တုံးကြယ်ပိုင်နက်၊ အချိန်သဲမြို့......

ရိုးရှင်းတဲ့ရွက်လွှင့်သင်္ဘောတစ်စင်းက ကောင်းကင်အထက် ခုတ်မောင်းလာပြီး ဟင်းလင်းပြင်ထဲသို့ ပျောက်ကွယ်သွားတော့တယ်။

…

လီဖူချန်းက သင်္ဘောရဲ့ဦးပိုင်းမှာ ရပ်နေတယ်။

"ဒီလိုမြန်ဆန်တဲ့အရှိန်"

သူက အလွန်မြန်ဆန်တယ်လို့ လီဖူချန်းက ယုံကြည်ထားတယ်၊ ဒါပေမယ့် ရွက်လွှင့်သင်္ဘောနဲ့နှိုင်းယှဉ်ရင် သူက သေးငယ်လွန်းပါတယ်လေ။

ရွက်လွှင့်သင်္ဘောက သာမန်ကောင်းကင်အရှင်တွေလောက်မြန်တယ်လို့ လီဖူချန်းက ယူဆထားတယ်။

သင်္ဘောကုန်းပတ်ပေါ်မှာတော့ လီဖူချန်းတို့ရှာဖွေဖော်ထုတ်ရေးအဖွဲ့ဝင်တွေ ရှိ‌နေတယ်။

ဒီအဖွဲ့က အလွန်အမင်းအားကောင်းတယ်။ သူတို့ကြားမှာ အားအနည်းဆုံးကတောင် အဆင့်မြင့်သူတော်စင်အရှင်အဆင့်မှာ ရှိတယ်။ ပိုသန်မာတဲ့သူတွေဆိုရင် ကျောက်စိမ်းကြယ်သူတော်စင်အရှင်ထက် တောင် ပိုမြင့်တယ်၊ အထူးသဖြင့် ဒုခေါင်းဆောင်နဲ့ခေါင်းဆောင်တို့ပဲ။ အခြားမျိုးနွယ်သူတော်စင်အရှင်နှစ်ယောက်ကတောင် လီဖူချန်းကို ဖိအားအချို့ပေးစွမ်းနေတယ်။

အဖွဲ့ရဲ့အရေးကြီးအဖွဲ့ဝင်ဖြစ်တဲ့ကူးလီရှာ‌ကလည်း မရိုးရှင်းပါဘူး။ အချိန်သဲမြို့ရဲ့အရှိန်အဝါနဲ့အလားတူတဲ့မဖော်ပြနိုင်တဲ့အရှိန်အဝါကို သူမထံမှ လီဖူချန်းက ရှာဖွေတွေ့ရှိထားတယ်။ စွမ်းအားသာ ပေါက်ကွဲထွက်လာရင် ကူးလီရှာက ဒုခေါင်းဆောင်နဲ့ခေါင်းဆောင်တို့ထက် ပိုမြင့်နိုင်တယ်လို့ လီဖူချန်းက အလိုလိုသိတယ်။

လီဖူချန်းက အခြားသူတွေကို လေ့လာနေသလို အခြားသူတွေကလည်း သူ့ကို လေ့လာနေတယ်။

"ဒီလူသားသူတော်စင်က မရိုးရှင်းဘူးပဲ"

ရွက်သင်္ဘောမှာ အထပ်နှစ်ထပ်ရှိတယ်။ ဒုတိယထပ်ရဲ့စောင့်ကြည့်ရေးအခန်းမှာ ပုံရိပ်သုံးခုက ဖောက်ထွင်းမြင်နိုင်တဲ့ပုံဆောင်ခဲရဲ့အရှေ့မှာ ရပ်နေတယ်။ သူတို့က ရှာဖွေရေးအဖွဲ့ဝင်တွေကို စောင့်ကြည့်‌နေကြတယ်။ လီဖူချန်းက အဖွဲ့ဝင်အသစ်ဖြစ်တာကြောင့် သူက စောင့်ကြည့်ပစ်မှတ်ဖြစ်နေတယ်။

ကူးလီရှာက ပြောလိုက်တယ်"သူက ထင်သလောက် မရိုးရှင်းဘူး။ အခြားသူတော်စင်အရှင်တစ်ယောက်က မရင်းနှီးတဲ့အဖွဲ့တစ်ဖွဲ့နဲ့ ပူးပေါင်းရင် သူက အလွန်သတိရှိနေလိမ့်မယ်။ ဒါပေမယ့် သူက ပိုတောင် တည်ငြိမ်နေပြီး ဘာအန္တရာယ်ကိုမှ မကြောက်သလိုပါပဲ"

ဆံပင်တွေတဖျပ်ဖျပ်လှုပ်ခတ်နေတဲ့ခန့်ညားတဲ့လူတစ်ယောက်က ပြောလိုက်တယ်"သူက အထွတ်အထိပ်အဆင့်သူတော်စင်အရှင်တစ်ယောက်ဆိုတာ သေချာတယ်။ ဒါပေမယ့် အထွတ်အထိပ်အဆင့်သူတော်စင်အရှင်တွေမှာလည်း ခွန်အားကွာခြားချက်တွေ ရှိတယ်။ သူ ဘယ်နေရာမှာရပ်‌တည်နေမလဲကို ငါ သိချင်မိတယ်"

"ကိစ္စမရှိဘူး၊ သူက အဖွဲ့ကို အန္တရယ်မပြုသရွေ့ သူပိုသန်မာတာက ပိုမကောင်းဘူးလား။ဒါပေမယ့် သူက အဖွဲ့ကို အန္တရာယ်ပေးရင်တော့ ငါက သူ့ကို အရင်ရိုက်ချရလိမ့်မယ်" ထိပ်ပြောင်တစ်ယောက်က ကြေညာလိုက်တယ်။

တစ်လကြာပြီးနောက် ရွက်သင်္ဘောက ရပ်သွားခဲ့တယ်။

အရှေ့မှာတော့ အစိမ်းရင့်ရောင်ကြယ်တစ်လုံးရှိတယ်။

"ဒါက ရှေးကျောက်တုံးဥယျာဉ်သို့သွားရာဝင်ပေါက်ပဲ။ ရှေးကျောက်တုံးဥယျာဉ်တစ်ခုလုံးကို ကြောက်စရာကောင်းတဲ့အစီအရင်တစ်ခုနဲ့ ပိတ်ဖုံးထားတယ်၊ ဒါကြောင့် အထဲရှိတစ်ခုခုကို မြင်ဖို့က မဖြစ်နိုင်ဘူး။ တစ်ခုတည်းသောဝင်ပေါက်ကတော့ ဒီကြယ်ပေါ်မှာရှိတယ်" ကူးလီရှာက လီဖူချန်းကို ရှင်းပြလိုက်တယ်။

လီဖူချန်းက ခေါင်းညိတ်လိုက်တယ်။ ထူးခြားတဲ့အထွတ်အထိပ်အစီအရင်တစ်ခုကို ကြယ်စနစ်တစ်ခုလုံးကို လွှမ်းခြုံဖို့ အသုံးပြုထားတယ်။ အဲဒါက အဆုံးစွန်းအဆင့်အစီအရင်ဖြစ်နိုင်လောက်တယ်။

အဲဒါက အဆုံးစွန်းအဆင့်အစီအရင်တစ်ခုသာဆိုရင် ကောင်းကင်အရှင်တစ်ယောက်တောင် မချိုးဖြတ်နိုင်ဘူး။ သူတို့က ဝင်ပေါက်ကနေသာ ဝင်ရပေလိမ့်မယ်။

ကူးလီရှာက ပြောနေရင်း ရွက်သင်္ဘောက အစိမ်းရင့်ရောင်ကြယ်ရဲ့လေပိုင်နက်ထဲကို ဝင်ရောက်ခဲ့တယ်။

ရွက်သင်္ဘောရဲ့အရှိန်ကို လျော့ကျစေတဲ့အားကောင်းတဲ့ခုခံမှုတစ်ခုရှိတယ်။ ရွက်သင်္ဘောရဲ့အရှိန်က အနည်းဆုံးအဆတစ်မီလီယံလောက် လျော့ကျသွားတယ်လို့ လီဖူချန်းက ယူဆထားတယ်။

အဲဒါက အစီအရင်စွမ်းအားကြောင့်ဆိုတာ အလွန်သိသာတယ်။

ကြယ်စွမ်းအားဆိုရင် ရွက်သင်္ဘောကို မတားဆီးနိုင်ပါဘူး။

နောက်ဆုံးမှာတော့ ရွက်သင်္ဘောက အစိမ်းရင့်ရောင်ကြယ်မျက်နှာပြင်အထက်မီတာတစ်သောင်းအမြင့်ကို ရောက်ရှိလာခဲ့တယ်။

"အောက်မှာ နွယ်ပင်တွေရှိတာကြောင့် အောက်ဆွဲချမခံနဲ့"

ကူးလီရှာက ပြောနေရင်း နွယ်ပင်တစ်ပင်က ကောင်းကင်ကို ထိုးတက်လာပြီး ရွက်သင်္ဘောဆီ ရိုက်ခတ်လိုက်တယ်။

ဝုန်း......

ရွက်သင်္ဘောက ဖြာထွက်အလင်းတစ်ခုကို ထုတ်လွှတ်ကာ နွယ်ပင်ကိုဖယ်ရှားလိုက်တယ်။

ဝုန်း ဝုန်း ဝုန်း......

နွယ်ပင်ရာပေါင်းများစွာက ရွက်သင်္ဘောရဲ့ဖြာထွက်အလင်းပေါ်ကို ထပ်ခါတလဲလဲရိုက်ခတ်လာတယ်။

"ဒီနွယ်ပင်တွေမှာ ‌အဆင့်မြင့်သူတော်စင်အရှင်တွေရဲ့စွမ်းအားရှိတယ်။ အချို့က အထွတ်အထိပ်အဆင့်သူတော်စင်အရှင်တွေရဲ့ခွန်အားတောင် ရှိနိုင်တယ်"

သူက ရှေးကျောက်တုံးဥယျာဉ်ကို တစ်ယောက်တည်း ရှာဖွေရင်  ဘယ်လောက်တောင်ခက်ခဲကြမ်းတမ်းမလဲကို လီဖူချန်းက စိတ်ကူးယဉ်ကြည့်နိုင်တယ်။ သူက ဂရုမစိုက်ရင် သူက နွယ်ပင်တွေအတွက် မြေဩဇာဖြစ်သွားလိမ့်မယ်။

နွယ်ပင်တွေက များလွန်းပါတယ်။ ရွက်သင်္ဘောက ထိပ်တန်းအဆင့်အထွတ်အထိပ်အသုံးအဆောင်ပစ္စည်းတစ်ခုဖြစ်ပေမယ့် အဲဒါက အခုလိုအကြိမ်ကြိမ်တိုက်ခိုက်မှုတွေကို မခုခံနိုင်ပါဘူး။ နွယ်ပင်တွေကို ဒီလိုတိုက်ခိုက်ခွင့်ပြုနေရင် ရွက်သင်္ဘောရဲ့ဖြာထွက်အလင်းက သေချာပေါက် ပျက်ဆီးသွားလိမ့်မယ်။

"အားလုံးပဲ အတူတူတိုက်ခိုက်ကြ"

ကူးလီရှာက ပထမဆုံးလှုပ်ရှားသူဖြစ်တယ်။ သူမက လက်ကို ဝှေ့ယမ်းကာ အဝါရောင်စူးတစ်ခုကို ပစ်လွှတ်လိုက်တယ်။

ဝုန်း ဒုန်း.....

နွယ်ပင်လေးပင်မှငါးပင်အထိ ဖြတ်တောက်သွားပြီး အရည်တွေက နေရာတိုင်းကို ပက်ဖျန်းသွားတယ်။

ပြီးနောက်ချက်ချင်းပဲ ကျန်ရှိနေတဲ့အဖွဲ့ဝင်တွေလည်း တိုက်ခိုက်လာကြတယ်။

တိုက်ပွဲအနေအထားအရ အဖွဲ့ခေါင်းဆောင်ဆံရှည်လူက အားလုံးထဲမှာ အသန်မာဆုံးဖြစ်တယ်။ သူ တိုက်ခိုက်တဲ့အချိန်တိုင်း သူက နွယ်ပင်ရှစ်ပင်မှကိုးပင်အထိ ဖြတ်တောက်ခဲ့တယ်။ ဒုတိယအသန်မာဆုံးက ဒုခေါင်းဆောင်ထိပ်ပြောင်ကြီးပါပဲ။ သူ့တိုက်ခိုက်မှုအသီးသီးက နွယ်ပင်ခုနှစ်ပင်မှရှစ်ပင်အထိ ဖြတ်တောက်သွားခဲ့တယ်။

အဖွဲ့ဝင်အချို့က လေးပင်မှငါးပင်အထိ ဖြတ်တောက်နိုင်ပြီး အချို့က နှစ်ပင်မှသုံးပင်အထိ ဖြတ်တောက်နိုင်တယ်။ တစ်ပင်ကိုတောင် မဖြတ်နိုင်တဲ့အချို့သူတွေလည်း ရှိတယ်။

လီဖူချန်းလည်း အများကြီးမချွန်ထွက်နေပါဘူး။ သူက ဓားဝှေ့ယမ်းလိုက်တိုင်း နွယ်ပင်လေးပင်မှငါးပင်အထိ ဖြတ်နိုင်ခဲ့တယ်။ ဒါက ကူးလီရှာနဲ့အတူတူပါပဲ။

ဒါပေမယ့် အဲဒါတွေက သာမန်နွယ်ပင်တွေကိုသာ ကိုယ်စားပြုတယ်။ အထွတ်အထိပ်အဆင့်သူတော်စင်အရှင်ခွန်အားရှိတဲ့နွယ်ပင်တွေအတွက်က‌တော့ တစ်ယောက်မှ ၎င်းတို့ကို မဖြတ်တောက်နိုင်ဘူး၊ အများဆုံး ထိခိုက်မှုသာ ဖြစ်စေနိုင်တယ်။

သင်္ဘောဦးပိုင်းမှာ ဓားအလင်းတစ်ခုလက်သွားတယ်။ နွယ်ပင်တစ်ပင်ကို ပိုင်းဖြတ်သွားပြီး ၎င်းရဲ့လမ်းကြောင်းကို သွေဖယ်သွားစေတယ်။ ရလဒ်အနေနဲ့ အဲဒါက ရွက်သင်္ဘောကို မတားဆီးနိုင်‌တော့ပါဘူး။

ဓားခုတ်ချက်ကို ဖော်ထုတ်ခဲ့သူကတော့ လီဖူချန်းကလွဲပြီးအခြားသူမဟုတ်ပါဘူး။

"ဒီနွယ်ပင်က အလွန်မာကျောပြီး ငါ့ရဲ့ကြယ်မသေမျိုးခန္ဓာကိုယ်နဲ့တောင် နှိုင်းယှဉ်နိုင်တယ်" လီဖူချန်းက တိတ်တဆိတ်အံ့အားသင့်သွားရတယ်။

သူက အခုထိခွန်အားပြည့်မထုတ်သုံးရသေးပါဘူး။ ဒါပေမယ့် သူ့ခွန်အားနဲ့ဆိုရင် သာမန်ကာလျှံကာခုတ်ချက်တစ်ခုက ဘယ်အရာကိုမဆို ဖြတ်ဖို့လုံလောက်တယ်။

နွယ်ပင်တွေရဲ့မာကျောမှုက အစီအရင်နဲ့ဆက်စပ်‌တယ်လို့ သူက ယူဆထားတယ်။ အစီအရင်က ယိုယွင်းပျက်ပြားသွားရင် နွယ်ပင်တွေက ဒီလောက်အံ့ဩဖွယ်ကောင်းနေတော့မှာမဟုတ်ဘူး၊ ချက်ချင်းတောင်သေသွားနိုင်လောက်တယ်။

ဒါပေမယ့် အဆုံးစွန်းအဆင့်အစီအရင်တစ်ခုကို ဖျက်ဆီးနိုင်တဲ့လူအနည်းငယ်သာ ရှိတယ်၊ အကြိုနတ်ဘုရားတစ်ယောက်ကတောင် အဲလိုမလုပ်နိုင်လောက်ပါဘူး။

နောက်ထပ်တစ်နာရီကြာပြီးနောက် ရွက်သင်္ဘောက ‌နွယ်ပင်တွေနဲ့ယှက်ဖွဲ့နေတဲ့ဧရာမဂိတ်တစ်ခုကို နောက်ဆုံးတော့ ရောက်ရှိလာတယ်။

ရွှမ်း.....

ရွက်သင်္ဘောက ဝင်သွားခဲ့တယ်။

…

"ဒါက ရှေးကျောက်တုံးဥယျာဉ်လား"

ရွက်သင်္ဘောက ကြယ်တွေကြားကို ရောက်ရှိလာတယ်။ ဒီကြယ်တွေက အရောင်မျိုးစုံနေတယ်။ ကြယ်တွေပေါ်မှာ ပန်းပင်တွေက မရေမတွက်နိုင်လောက်အောင်ရှိပြီး အချို့ပန်းပင်တွေက ဧရာမကြီးမားလွန်းတယ်။ အချို့က မိုင်သောင်းသိန်းကျော်တောင် ရှိတယ်။ ဟင်းလင်းပြင်ထဲမှာလည်း ပန်းခင်းတွေ ရှိပြီး ပန်းပင်တွေမရေမတွက်များစွာ စိုက်ပျိုးထားတယ်။

သူတို့က အလွန်ကွာဝေးနေသေးပေမယ့် လီဖူချန်းက ပန်းရနံတွေကို အနံ့ခံနိုင်တယ်၊ အဲဒါက သူ့စိတ်ကို လန်းဆန်းစေတယ်။

***