ဝာာလုကလန်

လီဖူချန်းကတော့ ဘေးမှ တိတ်ဆိတ်စွာ နားထောင်နေတယ်။

သူက ဓားတာအိုသူတော်စင်အရှင်သုံးယောက်ကို အရင်တုန်းက မသိဘူး။ မစ်ရှင်ကို လက်ခံပြီးနောက်မှ သူက သူတို့နဲ့ပတ်သက်ပြီး တဖြည်းဖြည်းသိလာခဲ့တယ်။

သူတို့က လေပြင်းဓားသူတော်စင်အရှင်၊ သွေးမျက်ရည်ဓားသူတော်စင်အရှင်နဲ့ မိုးချုံးသံဓားသူတော်စင်အရှင်တို့ပါပဲ။ သူတို့သုံးယောက်လုံးက အထွတ်အထိပ်သူတော်စင်အရှင်တွေပါပဲ။

လေပြင်းဓားသူတော်စင်အရှင်က လေစိတ်ဝိညာဉ်မျိုးနွယ်မှဖြစ်တယ်။ လေစိတ်ဝိညာဉ်မျိုးနွယ်က လေတာအိုဥပဒေသကို ကျွမ်းကျင်တယ်။ သူက လှုပ်ရှားမှုအရှိန်မြန်ဆန်ရုံတင်မကဘူး၊ သူ့ရဲ့ဓားပညာမြန်နှုန်းကလည်း မယုံကြည်နိုင်စရာကောင်းလောက်တဲ့မြန်နှုန်းမှာရှိတယ်။

သွေးမျက်ရည်ဓားသူတော်စင်အရှင်က သွေးမျိုးနွယ်သူတော်စင်အရှင်ဖြစ်တယ်။

ဟုတ်တယ်၊ သူက သွေးဆာသူတော်စင်အရှင်နဲ့မျိုးနွယ်အတူတူပါပဲ။ ဒါပေမယ့် သူက သွေးဆာသူတော်စင်အရှင်လောက်မပြောက်မြောက်ဘူး၊ သူ့ကို သာမန်အထွတ်အထိပ်သူတော်စင်အရှင်လို့သာ သတ်မှတ်နိုင်တယ်။

သူတို့အထဲမှာအသန်မာဆုံးကတော့ မိုးချုံးသံဓားသူတော်စင်အရှင်ဖြစ်တယ်။ မိုးကြိုးခေါ်မျိုးနွယ်ဝင်တစ်ယောက်အနေနဲ့ သူက အလွန်ပြောင်မြောက်ပြီး အံ့ဖွယ်သစ်ရွက်မြို့ရဲ့ဓားသမားအစည်းအရုံးရှိဓားသူတော်စင်အရှင်တွေကြားမှာ ထိပ်ဆုံးနှစ်ဆယ်ထဲ သေချာပေါက်ဝင်တယ်။

နောင်ရက်အနည်းငယ်ကြာပြီးနောက် သူတို့က အမှောင်ပူဆွေးခြင်းမြို့ကို ရောက်ရှိလာတယ်။

"မျှော်လင့်ထားတဲ့အတိုင်းပဲ" လီဖူချန်းက ပျော်ရွှင်သွားတယ်။

အမှောင်ပူဆွေးခြင်းမြို့က အမှောင်ထုရှေးဦးမူလဖရိုဖရဲနေရာလပ်ဇုန်ထဲမှာလီဖူချန်းရှာတွေ့ခဲ့တဲ့အင်းဆက်အုံနဲ့ အတိအကျတူတယ်။ အဲဒါက အဆအနည်းငယ်ပိုကြီးတယ်။

အမှောင်ပူဆွေးခြင်းကောင်းကင်ဘုံအရှင်က အင်းဆက်မျိုးနွယ်နဲ့ တိုက်ခိုက်ခဲ့ပုံရတယ်ဒါမှမဟုတ်ကောင်းကင်ဘုံအရှင်အဆင့်အင်းဆက်အုံတစ်ခုပါဝင်တဲ့အင်းဆက်မျိုးနွယ်အပျက်အစီးနယ်မြေတစ်ခုကို ရှာတွေ့ခဲ့ပုံရတယ်။ ပြီးနောက် ထိုအင်းဆက်အုံကို အမှောင်ပူဆွေးခြင်းမြို့ကို တည်ဆောက်ဖို့ အခြေခံအုတ်မြစ်အနေနဲ့ အသုံးပြုခဲ့တယ်။

ကောင်းကင်ဘုံအရှင်အဆင့်အင်းဆက်အုံတစ်ခုကို အုတ်မြစ်တစ်ခုအနေနဲ့ထားရှိခြင်းက မယုံနိုင်စရာကောင်းတဲ့လုပ်ဆောင်မှုတွေ သေချာပေါက်ရှိလိမ့်မယ်ဆိုတာ စိတ်ကူးယဉ်စရာမလိုပါဘူး။ တစ်ယောက်ယောက်က အမှောင်ပူဆွေးခြင်းမြို့ကို တိုက်ခိုက်ချင်ရင် သူတို့က သေချာပေါက် ပြန်စဉ်းစားဖို့လိုလိမ့်မယ်။

…

အမှောင်ပူဆွေးခြင်းမြို့ထဲမှာ တာလုကလန်က အလွန်စိုးရိမ်ဖွယ်အခြေအနေတစ်ခုမှာ ရှိတယ်။

တာလုကလန်မှာ အဖွဲ့ဝင်အများကြီးမရှိပါဘူး၊ ဒါပေမယ့် သူတို့က သူတော်စင်အရှင်အဆင့်ကလန်တစ်ခုဖြစ်ပြီး အမှောင်ပူဆွေးခြင်းမြို့ထဲမှာလည်း အဆင့်အတန်းကောင်းတစ်ခုရှိတယ်။

ဒါပေမယ့် သူတို့ရဲ့ကလန်ခေါင်းဆောင်အလုံးစုံလေပြင်းသူတော်စင်အရှင်ပျောက်ကွယ်သွားကတည်းက တာလုကလန်က ဆုတ်လျော့လာတယ်။

ကလန်ရဲ့လွှမ်းမိုးနိုင်စွမ်းဆုတ်လျော့လာတာကြောင့်မဟုတ်ဘူး၊ တာလုကလန်က သူတို့မှာမရှိသင့်တဲ့ရတနာတစ်ခုကို ရရှိခဲ့တာကြောင့်ပဲ။

အဲဒါက တစ်ဝက်တစ်ပျက်အဆုံးစွန်းအဆင့်အသုံးအဆောင်ပစ္စည်းတစ်ခုဖြစ်တယ်။

တစ်ဝက်တစ်ပျက်အဆုံးစွန်းအဆင့်အသုံးအဆောင်ပစ္စည်းတွေက ထုလုပ်ရာမှာကျရှုံးခဲ့တဲ့အဆုံးစွန်းအဆင့်အသုံးအဆောင်ပစ္စည်းတွေဖြစ်တယ်။

ဒါပေမယ့် အဲဒါက အလွန်အမင်းအားကောင်းနေတုန်းပဲ၊ သာမန်ကောင်းကင်အရှင်တွေကတောင် အဲဒါကို မရင်ဆိုင်နိုင်ပါဘူး။

အလုံးစုံလေပြင်းသူတော်စင်အရှင်ရှိစဉ်အခါတုန်းကတော့ သူက ဒီအသုံးအဆောင်ပစ္စည်းကို အပြည့်အဝအသုံးချနိုင်ခဲ့တယ်။ ကောင်းကင်ဘုံအရှင်အောက်မှာ တာလုကလန်ကိုရန်ရှာရဲတဲ့သူတော်စင်အရှင်တွေအများကြီးမရှိပါဘူး။ ဒါပေမယ့် အလုံးစုံလေပြင်းသူတော်စင်အရှင်အဝေးကိုထွက်သွားပြီးကတည်းက တာလုကလန်မှာ အထက်တန်းသူတော်စင်အရှင်တစ်ယောက်တောင်မရှိခဲ့ဘူး၊ အသုံးအဆောင်ပစ္စည်းကိုလည်း အပြည့်အဝအသုံးမချနိုင်တော့ပါဘူး။

အမှောင်ပူဆွေးခြင်းမြို့က အခြားစကြာဝဠာမြို့တွေနဲ့ မတူပါဘူး။ တိုက်ပွဲတွေကို ခွင့်ပြုပေမယ့် သတ်ဖြတ်ခြင်းကိုတော့ ခွင့်မပြုဘူး။ တာလုကလန်က အလွန်ခက်ခဲတဲ့အခြေအနေမှာ ရှိနေပြီး အထွတ်အထိပ်သူတော်စင်အရှင်အချို့ရဲ့ခြိမ်းခြောက်မှုကြောင့် တာလုကလန်က တစ်ဝက်တစ်ပျက်အဆုံးစွန်းအဆင့်အသုံးအဆောင်ပစ္စည်းကို လက်လျှော့ဖို့ စီစဉ်ထားတယ်။

ကံကောင်းတာကတော့ အလုံးစုံလေပြင်းသူတော်စင်အရှင်ရဲ့မိတ်ဆွေတစ်ယောက်က အမှောင်ပူဆွေးခြင်းမြို့ကို ရောက်ရှိလာပြီး တာလုကလန်က အခက်အခဲဖြစ်နေတာကို တွေ့ရှိခဲ့တယ်။

သူက  အလုံးစုံလေပြင်းသူတော်စင်အရှင်ရဲ့မိတ်ဆွေလည်းဖြစ်သလို အံ့ဖွယ်သစ်ရွက်မြို့ဓားသမားအစည်းအရုံးရဲ့အဖွဲ့ဝင်တစ်ယောက်လည်းဖြစ်တယ်။ သူက နံနက်ခင်းကြယ်အဆင့်မစ်ရှင်တစ်ခုကို ထုတ်ပြန်ခဲ့ပြီး အဲဒါက တာလုကလန်ကို အံ့ဖွယ်သစ်ရွက်မြို့သို့ ခေါ်ဆောင်လာပေးဖို့ပါပဲ။

***

တာလုကလန်ရဲ့ပင်မခန်းမ......

"မီးလျှံဖျက်ဆီးခြင်းနတ်ဆိုးရှင်ဘုရင်က နောက်ဆုံးသတိပေးထားတယ်။ ငါတို့က ပျက်သုန်းခြင်းလက်ပတ်ကို မလွှဲပေးရင် သူက တာလုကလန်တစ်ခုလုံးကို ဖျက်ဆီးလိမ့်မယ်" သူတော်စင်တစ်ယောက်က အကူအညီမဲ့စွာ ပြောလိုက်တယ်။

တာလုကလန်မှာ သူတော်စင်စုစုပေါင်းလေးယောက်ရှိပြီး သူတို့အားလုံးက စုဝေးနေကြတယ်။

"မင်းက ဒီလိုနဲ့ ပျက်သုန်းခြင်းလက်ပတ်ကို လက်လျော့ချင်နေတာလား။ ဒါက ဖြုန်းတီးမှုတစ်ခုပဲ......" အငယ်ရွယ်ဆုံးသူတော်စင်က ဆန္ဒမရှိဘူးဖြစ်နေတယ်။

သူက အလုံးစုံလေပြင်းသူတော်စင်အရှင်ရဲ့မြေးဖြစ်သူအပီတာလုဖြစ်ပြီး တာလုကလန်ရဲ့လက်ရှိကလန်ခေါင်းဆောင်လည်းဖြစ်တယ်။ ပျက်သုန်းခြင်းလက်ပတ်က သူ့ရဲ့ပိုင်ဆိုင်မှုအလိုအလျောက်ဖြစ်လာတာကြောင့် သူက လက်လျော့ဖို့မလိုလားဘူးဖြစ်နေတယ်။

တစ်ဝက်တစ်ပျက်အဆုံးစွန်းအဆင့်အသုံးအဆောင်ပစ္စည်းတစ်ခုက တန်ဖိုးရှိလွန်းပြီး အဲဒါက အနည်းဆုံးအထွတ်အထိပ်အဆင့်ဝိညာဉ်ကျောက်တုံး၅မီလီယံထိုက်တန်တယ်။

သူက သာမန်သူတော်စင်တစ်ယောက်ဖြစ်ပြီး သူတော်စင်အရှင်တစ်‌ယောက်ရဲ့အဆင့်ကိုရောက်ရှိဖို့ ပျက်သုန်းခြင်းလက်ပတ်ကို မှီခိုနေရတယ်။ သူက အထွတ်အထိပ်အဆင့်သူတော်စင်တစ်ယောက်ရဲ့ခွန်အားကို ပိုင်ဆိုင်တာနဲ့ သူက အထွတ်အထိပ်သူတော်စင်အရှင်တစ်‌ယောက်ရဲ့ခွန်အားကို ထုတ်ဖော်နိုင်လောက်တယ်။

"မီးလျှံဖျက်ဆီးခြင်းနတ်ဆိုးရှင်ဘုရင်က အမှောင်ပူဆွေးခြင်းမြို့ရှိ ထိပ်ဆုံးသူတော်စင်အရှင်ဆယ်ယောက်ထဲကတစ်ယောက်ပဲ။ သူက တန်ဖိုးအချို့ပေးချေဖို့ဆန္ဒရှိရင် သူက တာလုကလန်ကို ဖျက်ဆီးဖို့လုံလောက်တယ်" စီနီယာအကျဆုံးသူတော်စင်က သက်ပြင်းတစ်ချက်ချလိုက်တယ်။

အမှောင်ပူဆွေးခြင်းမြို့မှာ တစ်‌ယောက်ယောက်ကို သတ်ဖို့က ဖြစ်နိုင်တယ်၊ ဒါပေမယ့် ကြီးမားတဲ့တန်ဖိုးတစ်ခုကို ပေးချေရမယ်၊ အထွတ်အထိပ်သူတော်စင်အရှင်တွေကတောင် အဲဒါအတွက် မတတ်နိုင်ပါဘူး။

"နည်းနည်းလေးထပ်စောင့်ကြရအောင်၊ သူက နံနက်ခင်းကြယ်အဆင့်မစ်ရှင်တစ်ခုကို ထုတ်ပြန်ခဲ့တယ်လို့ အရှင်ခရီဝိီက ပြောခဲ့တယ်။ ဓားသမားအစည်းအရုံးရဲ့လူတွေ‌က ရက်အနည်းငယ်အတွင်းရောက်လာလိမ့်မယ်လို့ ငါ ယုံကြည်တယ်" အပီတာလုက အံ့ကြိတ်ကာ ပြောလိုက်တယ်။

"ဓားသမားအစည်းအရုံးရဲ့လူတွေ‌ဒီနေရာမှာရှိနေတော့ရောဘာထူးလဲ။ ငါတို့က မီးလျှံဖျက်ဆီးခြင်းနတ်ဆိုးရှင်ဘုရင်နဲ့ပတ်သက်ပြီးပြောနေတာလေ" တိတ်ဆိတ်နေတဲ့သူတော်စင်က သူ့ရဲ့တိတ်ဆိတ်မှုကို မထိန်းချုပ်နိုင်တော့ပါဘူး။

စကြာဝဠာမြို့တစ်မြို့မှာထိပ်ဆုံးဆယ်ယောက်ထဲဝင်ဖို့အတွက် သူတော်စင်အရှင်တစ်ယောက်က အထွတ်အထိပ်သူတော်စင်အရှင်တစ်ယောက်ဆိုတာကိုတော့ ပြောစရာမလိုပါဘူး။ သူတို့ကို အခြေခံအားဖြင့် ပြိုင်ဘက်ကင်းသူတော်စင်အရှင်တွေလို့ ခေါ်ဆိုနိုင်တယ်။

သာမန်အားဖြင့် အထွတ်အထိပ်သူတော်စင်အရှင်တစ်ယောက်ကို သတ်ဖို့ခက်ခဲလိမ့်မှာမဟုတ်ဘူး။ မည်သည့်ပြိုင်ဘက်ကင်းသူတော်စင်အရှင်ဒါမှမဟုတ်ပြိုင်ဘက်ကင်းလုနီးပါးသူတော်စင်အရှင်မဆို အထွတ်အထိပ်သူတော်စင်အရှင်တစ်ယောက်ကို အလွယ်တကူသတ်ဖြတ်နိုင်တယ်။

ဒါပေမယ့် ပြိုင်ဘက်ကင်းသူတော်စင်အရှင်တစ်ယောက်ကို သတ်ဖို့က ခက်ခဲတယ်၊ အခြေခံအားဖြင့် မဖြစ်နိုင်ပါဘူး။ ပြိုင်ဘက်ကင်းသူတော်စင်အရှင်တွေက သူတော်စင်အရှင်တွေရဲ့အထွတ်အထိပ်မှာရပ်တည်နေတယ်၊ ပိုသန်မာတဲ့ပြိုင်ဘက်ကင်းသူတော်စင်အရှင်တစ်ယောက်ဆိုရင်တောင် ခြားနားချက်က ကြီးလေးလွန်းမှာမဟုတ်ဘူး။

မီးလျှံဖျက်ဆီးခြင်းနတ်ဆိုးရှင်ဘုရင်လိုလူအတွက် ပြိုင်ဘက်ကင်းသူတော်စင်အရှင်များစွာက ကြီးမားတဲ့အချိန်ပမာဏတစ်ခုပေးပြီးသူ့ကိုမဝိုင်းရံရင် သူ့ကိုသတ်ဖြတ်ဖို့ မဖြစ်နိုင်ပါဘူး။ သူတို့က သူထွက်မပြေးအောင်လည်းကာကွယ်ရသေးတယ်။ မီးလျှံဖျက်ဆီးခြင်းနတ်ဆိုးရှင်ဘုရင်က ထွက်ပြေးခြင်းမှာကျွမ်းကျင်ရင် ပြိုင်ဘက်ကင်းသူတော်စင်အရှင်ဆယ်ယောက်ကတောင် သူ့ကိုသတ်ဖြတ်နိုင်လိမ့်မှာမဟုတ်ဘူး။

သာမန်အနေအထားမှာ ဓားသမားအစည်းအရုံးက အထွတ်အထိပ်သူတော်စင်အရှင်အချို့ကိုသာ ပို့လွှတ်လိမ့်မယ်။ စကြာဝဠာမြို့တစ်မြို့မှာ ပြိုင်ဘက်ကင်းသူတော်စင်အရှင်အနည်းငယ်သာရှိတာကြောင့် သူတို့အတွက် ပြိုင်ဘက်ကင်းသူတော်စင်အရှင်တွေကို ပို့လွှတ်ဖို့က မဖြစ်နိုင်ပါဘူး။ အံ့ဖွယ်သစ်ရွက်မြို့ရဲ့ဓားသမားအစည်းအရုံးက ကန့်လန့်ဖြတ်မြစ်ကြယ်ပိုင်နက်ရှိပြိုင်ဘက်ကင်းဓားတာအိုသူတော်စင်အရှင်တွေအားလုံးကို စုဆောင်းထားရင်တောင် ဆယ်ယောက်ထက်မပိုပါဘူး။ ဒီပြိုင်ဘက်ကင်းသူတော်စင်အရှင်ဆယ်ယောက်ကလည်း မစ်ရှင်တွေကို ထမ်းဆောင်လိမ့်မှာမဟုတ်ဘူး၊ ကြီးမားတဲ့တန်ဖိုးတစ်ခုမပေးရင် သူတို့က လာလိမ့်မှာမဟုတ်ဘူး။

"အထွတ်အထိပ်သူတော်စင်အရှင်တွေဆိုရင်လည်း အဆင်ပြေတယ်။ မီးလျှံဖျက်ဆီးခြင်းနတ်ဆိုးရှင်ဘုရင်က ဓားသမားအစည်းအရုံးမှသူတော်စင်အရှင်တွေကို သတ်ရဲမယ်လို့တော့ ငါ မယုံဘူး။ ဒါ့အပြင် ဓားသမားအစည်းအရုံးက စကြာဝဠာရဲ့အဓိကဂိုဏ်းတွေထဲကတစ်ခုဖြစ်တယ်။ သူတို့မှာ ငါတို့စိတ်ကူးမယဉ်နိုင်လောက်တဲ့နည်းလမ်းတွေရှိတယ်" အပီတာလုက ဓားသမားအစည်းအရုံးအပေါ်မျှော်လင့်ချက်ထားနေတုန်းပါပဲ။

"ကလန်ခေါင်းဆောင်၊ ဓားသမားအစည်းအရုံးရဲ့အဖွဲ့ဝင်တွေရောက်ရှိလာပြီ" ထိုအချိန်မှာ တာလုကလန်ရဲ့ဥပဒေသပြောင်းလဲခြင်းနယ်ပယ်ဧကရာဇ်တစ်ယောက်က ပြေးဝင်လာတယ်။

"ဓားသမားအစည်းအရုံးရဲ့အဖွဲ့ဝင်တွေ ရောက်လာပြီးလား။ မြန်မြန်၊ သူတို့ကို ဖိတ်ခေါ်လိုက်" အပီတာလုက အလွန်ပျော်ရွှင်သွားတယ်။

မကြာမီမှာပဲ လီဖူချန်းတို့လေးယောက်က တာလုကလန်ရဲ့ပင်မခန်းမဆီ ရောက်ရှိလာတော့တယ်။

"ငါက တာလုကလန်ခေါင်းဆောင်အပီတာလုပါ။ ဧည်သည့်တော်ငါးယောက်ကို နှုတ်ဆက်ပါတယ်"

အပီတာလုက ခေါင်းငုံ့ကာ ဦးညွှတ်လိုက်တယ်။

ပြီးနောက် သူက ထိုလေးယောက်ကို အကဲဖြတ်လိုက်တယ်။

"သူတိူ့လေးယောက်လုံးက အလွန်သန်မာတယ်၊ ငါ့အဖိုးထက်တောင်ပိုသန်မာနိုင်တယ်။ သူတို့က အနည်းဆုံးအထက်တန်းသူတော်စင်အရှင်ဖြစ်လောက်တယ်။ အထူးသဖြင့်ခေါင်းဆောင်ပဲ၊ သူ့ရဲ့ချီတည်ရှိမှုက တကယ်အံ့အားသင့်စရာကောင်းပြီး အထွတ်အထိပ်သူတော်စင်အရှင်တစ်ယောက်ဖြစ်လောက်တယ်"

အပီတာလုက သူတော်စင်အရှင်များစွာကို အမှောင်ပူဆွေးခြင်းမြို့မှာ တွေ့ဆုံခဲ့ဖူးတယ်၊ သူတို့ရဲ့ချီတည်ရှိမှုအပေါ်အခြေခံပြီး သူတို့ရဲ့ခန့်မှန်းခွန်အားကို သူက ဆုံးဖြတ်နိုင်တယ်။ သူ့အမြင်အရ လီဖူချန်းဘေးနားကလူက ‌အသန်မာဆုံးဖြစ်တယ်။ ထိုလူက မိုးကြိုးနဲ့တူတဲ့မျက်လုံးတွေရှိတဲ့သက်လတ်ပိုင်းလူတစ်ယောက်ပါပဲ။

"ကလန်ခေါင်းဆောင်အပီ၊ မင်း ငါ့ကို လေပြင်းဓားသူတော်စင်အရှင်လို့ခေါ်ဆိုနိုင်တယ်။ ဒါက သွေးမျက်ရည်ဓားသူ‌တော်စင်အရှင်၊ ဒါက မူလအဆုံးစွန်းဓားသူတော်စင်အရှင်၊ ဒါကတော့ ငါတို့ဓားသမားအစည်းအရုံးရဲ့ကျော်ကြားတဲ့မိုးချုံးသံဓားသူတော်စင်အရှင်ဖြစ်တယ်"

အရင်စကားပြောတဲ့သူက လေပြင်းဓားသူတော်စင်အရှင်ပါပဲ။

"ကျေးဇူးပြုပြီး ထိုင်ခုံမှာထိုင်ပေးကြပါ"  အပီက သူ့ရဲ့ညာဘက်လက်နဲ့ ညွှန်ပြလိုက်တယ်။

လက်ဖက်ရည်တစ်ငုံသောက်ပြီးနောက် လေပြင်းဓားသူတော်စင်အရှင်က မေးလိုက်တယ်"ကလန်ခေါင်းဆောင်အပီ၊ တာလုကလန်မှာ အဖွဲ့ဝင်တွေဘယ်နှစ်ယောက်ရှိလဲ"

"ဧည့်သည်တော်လေးယောက်ကို နှုတ်ဆက်ပါတယ်၊ ငါက ခီအာပါ။ တာလုကလန်မှာ အဖွဲ့ဝင်စုစုပေါင်း၁၅၈၉၂ယောက်ရှိတယ်" ပြောနေတဲ့သူက တာလုကလန်ရဲ့အသက်အကြီးဆုံးသူတော်စင်အရှင်ဖြစ်တယ်။

"အမ်၊ သိပ်မများဘူးပဲ။ စီစဉ်စရာရှိတာစီစဉ်ထားလိုက်၊ ငါတို့ချက်ချင်း ထွက်ခွာသွားမယ်" မိုးချုံးသံဓားသူတော်စင်အရှင်က ခေါင်းညိတ်လိုက်တယ်။

စကြာဝဠာမြို့တစ်မြို့ထဲမှာ အဖွဲ့ဝင်တစ်သောင်းကျော်သာရှိတဲ့သူတော်စင်ကလန်တစ်ခုကို အလွန်နည်းတယ်လို့ ယူဆရတယ်။ အုတ်မြစ်ခိုင်မာတဲ့သူတော်စင်ကလန်အချို့ဆိုရင် အဖွဲ့ဝင်သိန်းကျော်ဒါမှမဟုတ်တစ်သန်းလောက်ရှိတယ်။

"ငါတို့ ချက်ချင်း ထွက်သွားတော့မှာလား" အပီက အချိန်မီမတုံ့ပြန်နိုင်ပါဘူး။

"မင်းမှာ အကြံဉာဏ်တစ်ခုခုရှိရင် မင်း ပြောလို့ရတယ်" လေပြင်းဓားသူတော်စင်အရှင်က ဆိုလိုက်တယ်။

အသက်ကို ရှုသွင်းကာ အပီက ပြောလိုက်တယ်" ဒီနေ့မှာ မီးလျှံဖျက်ဆီးခြင်းနတ်ဆိုးရှင်ဘုရင်က ပျက်သုန်းခြင်းလက်ပတ်ကို လက်လွှဲပေးဖို့ နောက်ဆုံးသတိပေးချက်တစ်ခုကို ပို့ပေးခဲ့တယ်။ အပြင်ဘက်မှာ မီးလျှံဖျက်ဆီးခြင်းနတ်ဆိုးရှင်ဘုရင်လက်အောက်မှာ အလုပ်လုပ်နေတဲ့သတင်းပေးတွေအများကြီးရှိတယ်"

"မီးလျှံဖျက်ဆီးခြင်းနတ်ဆိုးရှင်ဘုရင်........" မိုးချုံးသံဓားသူတော်စင်အရှင်က မေးငေါ့လိုက်တယ်။ သူက မီးလျှံဖျက်ဆီးခြင်းနတ်ဆိုးရှင်ဘုရင်နဲ့ပတ်သက်ပြီးကြားဖူးတယ်၊ ရင်ဆိုင်ရတာမလွယ်ဘူးဆိုတာကို သူသိတယ်။ မိုးချုံးသံဓားသူတော်စင်အရှင်လည်း ယုံကြည်ချက်မရှိပါဘူး။

"ငါတို့အခုပဲထွက်သွားသွားဒါမှမဟုတ်နောက်မှပဲထွက်သွားသွားအတူတူပါပဲ။ မီးလျှံဖျက်ဆီးခြင်းနတ်ဆိုးရှင်ဘုရင်က ငါတို့ဓားသမားအစည်းအရုံးကို ထိရဲမယ်လို့တော့ ငါမထင်ဘူး" သွေးမျက်ရည်ဓားသူ‌တော်စင်အရှင်က သူ့ရဲ့သွေးနီရောင်နှုတ်ခမ်းတွေကို လျှာသပ်လိုက်လေတယ်။

"သွေးမျက်ရည်ဓားသူ‌တော်စင်အရှင်ပြောတာမှန်တယ်။ ငါတို့ ဘယ်အချိန်ပဲထွက်သွားသွားအတူတူပဲ၊ ငါတို့က သူ့ရဲ့အစီအစဉ်ကိုတောင် အနှောင့်အယှက်ဖြစ်စေနိုင်တယ်" ပြောတဲ့သူက လီဖူချန်းပါပဲ။

နက်ပြာပလိန်းမှာ သူ့ကို ဓားသူတော်စင်အရှင်လို့ခေါ်တယ်။

ဒါပေမယ့် ဒုက္ခတွေမဖိတ်ခေါ်ဖို့အတွက် သူက သူ့ကိုယ်သူ မူလအဆုံးစွန်းဓားသူတော်စသ်အရှင်လို့ အမည်ပေးခဲ့တယ်။

ဓားသူတော်စင်အရှင်လေးယောက်ရဲ့အကြံပြုချက်နဲ့အတူ တာလုကလန်က ချက်ချင်း ထုတ်ပိုးသိမ်းဆည်းလိုက်တော့တယ်။

နာရီအနည်းငယ်ကြာပြီးနောက် ကလန်တစ်ခုလုံးက မြို့ဂိတ်ဆီ စတင်ရွေ့လျားလာတယ်။

…

"မီးလျှံဖျက်ဆီးခြင်းနတ်ဆိုးရှင်ဘုရင်၊ တာလုကလန်က ကလန်တစ်ခုလုံးကို ‌ရွှေ့ပြောင်းဖို့စီစဉ်နေတယ်"

မီးလျှံဖျက်ဆီးခြင်းနတ်ဆိုးရှင်ဘုရင်က တာလုကလန်နဲ့ပတ်သက်ပြီးသတင်းကို ချက်ချင်းရလိုက်တယ်။

"ထွက်သွားချင်နေတာလား"

မီးလျှံဖျက်ဆီးခြင်းနတ်ဆိုးရှင်ဘုရင်မှာ နွားထီးတစ်ကောင်ရဲ့ဦးချိုတစ်စုံရှိတယ်။ သူက အနီရင့်ရောင်မျက်လုံးတွေနဲ့နတ်ဆိုးရှင်ဘုရင်တစ်ယောက်ဖြစ်တယ်။

…

အမှောင်ပူဆွေးခြင်းမြို့မှ ထွက်လာပြီးနောက် မိုးချုံးသံဓားသူတော်စင်အရှင်က လက်ကို ဝှေ့ယမ်းလိုက်ရာ ဓားသဏ္ဍာန်သင်္ဘောတစ်စင်းက ထွက်ပေါ်လာတယ်။

ဓားသဏ္ဍာန်သင်္ဘောက အဆင့်မြင့်အထွတ်အထိပ်အသုံးအဆောင်ပစ္စည်းတစ်ခုဖြစ်ပေမယ့် သင်္ဘောအမျိုးအစားအထွတ်အထိပ်အသုံးအဆောင်ပစ္စည်းတစ်ခုဖြစ်တာကြောင့် ၎င်းရဲ့တန်ဖိုးက သာမန်ထူးကဲအဆင့်အထွတ်အထိပ်အသုံးအဆောင်ပစ္စည်းတွေထက် ပိုဈေးကြီးတယ်။

ဓားသဏ္ဍာန်သင်္ဘောက ကြီးမားလာပြီး ခရီးသည်တစ်သောင်းထက်ပိုဝင်ဆန့်တယ်။

သင်္ဘောပေါ်မှာ တာလုကလန်က ပို‌၍ဝေးကွာလာနေတဲ့အမှောင်ပူဆွေးခြင်းမြို့ကို ငေးကြည့်နေမိတယ်၊ စိတ်သက်သာရသလို တစ်ချိန်တည်းမှာပဲ ဝမ်းနည်းသလို ခံစားမိတယ်။

အမှောင်ပူဆွေးခြင်းမြို့က နေထိုင်ဖို့မကောင်းပေမယ့် တာလုကလန်မှာ ဒီနေရာမှာ နေထိုင်လာတာ နှစ်ပေါင်းများစွာကြာပြီ၊ ဒါကြောင့် ဝန်လေးမှုအချို့ရှိနေသေးတယ်။

"အဖေ၊ အမေ၊ ငါတို့ပြန်မလာတော့ဘူးလား" တာလုကလန်ရဲ့ကလေးလေးတစ်ယောက်က သူ့မိဘတွေကို မေးလိုက်တယ်။

"ငါတို့ပြန်မလာတော့ဘူး၊ ငါတို့က အမှောင်ပူဆွေးခြင်းမြို့ထက် ပိုကောင်းတဲ့မြို့တစ်မြို့ကို သွားနေတယ" ကလေးလေးရဲ့မိဘတွေက ကလေးရဲ့ခေါင်းကို ပွတ်သပ်လိုက်တယ်။

"ဒီသူတော်စင်လေးယောက်က ဓားသမားအစည်းအရုံးကလား။ ငါတို့တာလုကလန်မှာ သူတော်စင်အရှင်တစ်ယောက်ရှိရင် ဒီလိုသနားစဖွယ်အခြေအနေကို ကြုံတွေ့ရလိမ့်မှာမဟုတ်ဘူး" အပါဗီယယ်က ဓားသူတော်စင်အရှင်တွေကို အားကျစိတ်၊ ဖြစ်ချင်စိတ်တွေနဲ့ ကြည့်နေတယ်။

သူမက အပီရဲ့သမီးဖြစ်တယ်။ သူမက တာလုကလန်ရဲ့သမိုင်းတစ်ခုလုံးမှာထိပ်ဆုံးဝင်တဲ့ပါရမီနဲ့ထိုးထွင်းသိမြင်မှုတွေရှိတယ်။ မကြာမီမှာပဲ သူမက သူတော်စင်တစ်ယောက်ဖြစ်လာလိမ့်မယ်၊ ဒါပေမယ့် သူတော်စင်နဲ့သူတော်စင်အရှင်တွေကြားခြားနားချက်က ကြီးလွန်းတယ်။ သူမက သူတော်စင်အရှင်တစ်ယောက်ရဲ့ခွန်အားကို ပိုင်ဆိုင်ချင်မိတယ်။

ဓားသဏ္ဍာန်သင်္ဘောက ခပ်ဝေးဝေးမရောက်ခင် ပိုမြန်တဲ့သင်္ဘောတစ်စင်းက လိုက်မိလာတယ်။

အဲဒါက မီးကဲ့သို့ရဲရဲတောက်အရှိန်အဝါတစ်ခုနဲ့အနက်ရောင်သင်္ဘောတစ်စင်းပါပဲ။

"အဲဒါက မီးလျှံဖျက်ဆီးခြင်းနတ်ဆိုးရှင်ဘုရင်ရဲ့သင်္ဘောပဲ" အပီနဲ့တာလုကလန်ရဲ့အခြားသူတော်စင်တွေက သွေးဆုတ်သွားတော့တယ်။