ငရဲမီးလက်သီး

"မင်းတို့က ဘယ်သွားချင်နေတာလဲ"

အနက်ရောင်သင်္ဘောက ပေများစွာမြင့်တယ်၊ မီးလျှံဖျက်ဆီးခြင်းနတ်ဆိုးရှင်ဘုရင်က သင်္ဘောဦးပိုင်းပေါ်မှာ ရပ်နေကာ ဓားပုံသဏ္ဍာန်သင်္ဘောပေါ်ရှိလူတိုင်းကို ကြည့်‌နေတယ်။

"မီးလျှံဖျက်ဆီးခြင်းနတ်ဆိုးရှင်ဘုရင်၊ ဓားသမားအစည်းအရုံးကို မျက်နှာပေးတဲ့အနေနဲ့ သူတို့ကို သွားခွင့်ပြုလိုက်ပါ" လေပြင်းဓားသူတော်စင်အရှင်က ပြောလိုက်တယ်။

"ဘာဓားအစည်းအရုံးလဲ။ ငါ မင်းတို့ကို ရွေးချယ်စရာနှစ်ခုပေးမယ်။ မင်းတို့က တာလုကလန်နဲ့အတူသေမလားဒါမှမဟုတ်ထွက်သွားမလား" မီးလျှံဖျက်ဆီးခြင်းနတ်ဆိုးရှင်ဘုရင်က ဓားအစည်းအရုံးကို သူ့မျက်လုံးထဲမှာ မထည့်ထားပါဘူး။ ဒါက အမှောင်ပူဆွေးခြင်းမြို့ဖြစ်ပြီး အံ့ဖွယ်သစ်ရွက်မြို့မဟုတ်ဘူး။ ဓားသမားအစည်းအရုံးက အမှောင်ပူဆွေးခြင်းမြို့ထဲမှာ သူ့ကို သတ်ဖို့ တစ်ယောက်ယောက်ကို လွှတ်ရဲလိမ့်မှာမဟုတ်ဘူး။

"စိတ်ဝင်စားစရာပဲ။ ငါတို့ကလည်း တာလုကလန်ကို သေချာပေါက်ကာကွယ်ရလိမ့်မယ်" သွေးမျက်ရည်ဓားသူ‌တော်စင်အရှင်ရဲ့မျက်လုံးတွေက အန္တရာယ်အလင်းတန်းတွေ ဖြာထွက်သွားတော့တယ်။

"သေချင်နေကြတာပဲ။ ငါ့ရှင်ဘုရင်၊ သူတို့ကို သုတ်သင်ခွင့်ပြုပါ"

ပြိုင်ဘက်ကင်းနတ်ဆိုးရှင်ဘုရင်တစ်ယောက်အနေနဲ့ မီးလျှံဖျက်ဆီးခြင်းနတ်ဆိုးရှင်ဘုရင်မှာ အထွတ်အထိပ်သူတော်စင်အရှင်နောက်လိုက်အချို့ရှိတယ်။ သူတို့ထဲမှတစ်‌ယောက်က ရဲဝံ့စွာအော်လိုက်တယ်။

မီးလျှံဖျက်ဆီးခြင်းနတ်ဆိုးရှင်ဘုရင်က ခေါင်းညိတ်ပြလိုက်တယ်။

မီးလျှံဖျက်ဆီးခြင်းနတ်ဆိုးရှင်ဘုရင်မှအတည်ပြုချက်ကိုရရှိပြီးနောက် ထိုအထွတ်အထိပ်သူတော်စင်အရှင်က အနက်ရောင်သင်္ဘောမှ ပျံသန်းထွက်လာတယ်။

"ငါက မန်ဗသူတော်စင်အရှင်ပဲ၊ ဘယ်သူ ငါနဲ့ တိုက်ခိုက်ရဲလဲ"

"ငါပဲ" သွေးမျက်ရည်ဓားသူ‌တော်စင်အရှင်က ဓားပုံသဏ္ဍာန်သင်္ဘောပေါ်မှ ပျံသန်းထွက်လာတယ်။

"မင်းနာမည်ကိုပြော" မန်ဗသူတော်စင်အရှင်က မြွေပုံသဏ္ဍာန်လက်နက်တစ်ခုကိုကိုင်ဆွဲထားကာ သွေးမျက်ရည်ဓားသူ‌တော်စင်အရှင်ကို ညွှန်ပြလိုက်တယ်။

"အရှုံးသမားတစ်ယောက်က ငါ့နာမည်ကို သိစရာမလိုဘူး" သွေးမျက်ရည်ဓားသူ‌တော်စင်အရှင်က ပျံသန်းလာပြီး  မန်ဗသူတော်စင်အရှင်ကို တိုက်ခိုက်လိုက်တယ်။

"သေစမ်း......"

မန်ဗသူတော်စင်အရှင်က မြွေပုံသဏ္ဍာန်လက်နက်ကို ကိုင်ဆောင်ထားတယ်၊ အဆုံးမဲ့ပုံရိပ်ယောင်မြွေတွေက ထွက်ပေါ်လာပြီး သွေးမျက်ရည်ဓားသူ‌တော်စင်အရှင်ကို ဝန်းရံသွားတယ်။

ရွှမ်း.......

သွေးမျက်ရည်ဓားသူ‌တော်စင်အရှင်ရဲ့ခန္ဓာကိုယ်က အဆုံးမဲ့အနက်ရောင်လင်းနို့တွေအဖြစ်ပြောင်းသွားပြီး  မန်ဗသူတော်စင်အရှင်ရဲ့တိုက်ခိုက်မှုကို လွဲချော်သွားစေတယ်။

သွေးမျိုးနွယ်က သမန်းဝံပုလွေမျိုးနွယ်နဲ့နှိုင်းယှဉ်နိုင်တဲ့တိုက်ပွဲခွန်အားရှိတယ်။ ဒုက္ခပေးနိုင်စွမ်းအရ သူတို့က သမန်းဝံပုလွေမျိုးနွယ်ထက် ပိုမြင့်တယ်။

ဒါပေမယ့် သွေးမျိုးနွယ်အဖွဲ့ဝင်တွေကြားမှာလည်း ခွန်အားကွာခြားချက်တွေရှိတယ်။ အဲဒါက သွေးဆာသူတော်စင်အရှင်ဆိုရင် သူက အများကြီးပိုသေးငယ်တဲ့အနက်ရောင်လင်းနို့တွေအဖြစ်ပြောင်းနိုင်ပြီး အနက်ရောင်မီးခိုးတစ်ခုအလား ဖြစ်စေတယ်။

အနက်ရောင်လင်းနို့တွေအများကြီးရှိတယ်၊ အမှောင်စွမ်းအင်က ပြောင်းလဲစေခဲ့တာကြောင့် သူတို့က အစစ်အမှန်ခန္ဓာကိုယ်တွေတော့ မဟုတ်ဘူး။  မန်ဗသူတော်စင်အရှင်က အနက်ရောင်လင်းနို့တွေအများအပြားကို ဖျက်ဆီးနိုင်ရင်တောင် အသုံးမဝင်ဘူး။ သူက တစ်စက္ကန့်အတွင်းမှာ အနက်ရောင်လင်းနို့အားလုံးကို ဖျက်ဆီးနိုင်ရင်တော့တစ်မျိုးပေါ့။

သွေးမျက်ရည်ဓားသူ‌တော်စင်အရှင်က  မန်ဗသူတော်စင်အရှင်ရဲ့အနောက်မှာ ထွက်ပေါ်လာပြီး  မန်ဗသူတော်စင်အရှင်ရဲ့ခန္ဓာကိုယ်ကို ထိုးဖောက်လိုက်တယ်။

"ငါ၊ မြူခိုးစိတ်ဝိညာဉ်သူတော်စင်အရှင်လည်း မင်းရဲ့အရည်အချင်းကို သိချင်တယ်" မြူတစ်ခုက တိုက်ပွဲကွင်းပြင်ထဲမှာ ထွက်ပေါ်လာပြီး သွေးမျက်ရည်ဓားသူ‌တော်စင်အရှင်ကို တိုက်ခိုက်လိုက်တယ်။

"အရှက်မဲ့လိုက်တာ၊ ငါ၊ လေပြင်းဓားသူတော်စင်အရှင်က မင်းနဲ့တိုက်ခိုက်ပေးမယ်"

ဓားပုံသဏ္ဍာန်သင်္ဘောပေါ်မှာ လေပြင်းဓားသူတော်စင်အရှင်က လေပြေတစ်ခုအဖြစ်ပြောင်းသွားပြီး မြူခိုးစိတ်ဝိညာဉ်သူတော်စင်အရှင်ထံ ပျံသန်းလာတယ်။ သူက မရောက်ရှိခင် အဆုံးမဲ့ဓားချီတွေက ပေါက်ကွဲထွက်လာတယ်။

"သွားတော့"

မီးလျှံဖျက်ဆီးခြင်းနတ်ဆိုးရှင်ဘုရင်ရဲ့‌ဘေးနားမှာကျန်ရှိနေတဲ့အထွတ်အထိပ်သူတော်စင်အရှင်တွေက တိုက်ပွဲပြင်ဆီ တစ်ဟုန်ထိုးပြေးဝင်လာကြတယ်။

သွေးမျက်ရည်ဓားသူ‌တော်စင်နဲ့အရှင်လေပြင်းဓားသူတော်စင်အရှင်တို့က သာမန်အထွတ်အထိပ်သူတော်စင်အရှင်မဟုတ်မှန်းသိသာတယ်။ သူတို့က ရန်သူများစွာနဲ့တောင် ယှဉ်ပြိုင်နိုင်တယ်။

"အမှိုက်တစ်အုပ်ပဲ၊ ငါကိုယ်တိုင်လုပ်‌ရတော့မယ်" မီးလျှံဖျက်ဆီးခြင်းနတ်ဆိုးရှင်ဘုရင်ရဲ့အမူအရာက ရှက်ရွံ့နေတယ်။

လောင်ကျွမ်းနေတဲ့သံတစ်ခုပမာ မီးလျှံဖျက်ဆီးခြင်းနတ်ဆိုးရှင်ဘုရင်ရဲ့ခန္ဓာကိုယ်က စွမ်းအင်အဖြစ်ပြောင်းလဲသွားတယ်။ နောက်အခိုက်မှာ သူက သွေးမျက်ရည်ဓားသူ‌တော်စင်အရှင်ရဲ့အရှေ့မှာ ထွက်ပေါ်လာတယ်။

"သေစမ်း"

စွမ်းအင်လက်ဝါးရိုက်ချက်က သွေးမျက်ရည်ဓားသူ‌တော်စင်အရှင်ထံ ကျရောက်လာတယ်။

"လွတ်မြောက်စမ်း" သွေးမျက်ရည်ဓားသူ‌တော်စင်အရှင်ရဲ့မျက်လုံးတွေက ပြူးကျယ်သွားရတယ်။

မီးလျှံဖျက်ဆီးခြင်းနတ်ဆိုးရှင်ဘုရင်ရဲ့လက်ဝါးက သူ့ကိုပျောက်ကွယ်သွားစေဖို့အခွင့်အရေးတစ်ခုရှိတယ်လို့ ခံစားချက်တစ်ခု သူ့မှာရှိတယ်။

သွေးမျက်ရည်ဓားသူ‌တော်စင်အရှင်ရဲ့ခန္ဓာကိုယ်က အဆုံးမဲ့လင်းနို့တွေအဖြစ်ပြောင်းသွားပြီး ဦးတည်ဘက်တိုင်းကို ပြေးထွက်သွားတယ်။

နောက်မှာတော့ မီးလျှံဖျက်ဆီးခြင်းနတ်ဆိုးရှင်ဘုရင်ရဲ့စွမ်းအင်လက်ဝါးက ဟင်းလင်းပြင်ထဲသို့ ရောက်ရှိသွားတယ်။ ဟင်းလင်းပြင်ပတ်ဝန်းကျင်ဧရိယာက အရည်ပျော်ကျသွားပြီး အနက်ရောင်လင်းနို့ကိုးဆယ့်ကိုးရာခိုင်နှုန်းက ပြာတွေအဖြစ် ချက်ချင်းပြောင်းလဲသွားတော့တယ်။

မိုင်ဒါဇင်အဝေးမှာ သွေးမျက်ရည်ဓားသူ‌တော်စင်အရှင်ရဲ့အမူအရာက ဖြူဖတ်ဖြူရော်ဖြစ်နေပြီး ကြောက်ရွံ့မှုတွေ တဝဲဝဲတလည်လည်ဖြစ်နေတယ်။

သူက နည်းနည်းလေးနောက်ကျသွားရင် ဒီလက်ဝါးရိုက်ချက်က သူ့ကို သေသွားစေလိမ့်ပြီ။

"ပြောင်းပြန်ပျောက်ကွယ်မိုးကြိုးဓား....."

ကန့်လန်ဖြတ်မိုးကြိုးနှစ်ခုက တိုက်ပွဲကွင်းပြင်ကို ထိုးဖောက်လာပြီး မိုးချုံးသံဓားသူတော်စင်အရှင်က တိုက်ပွဲထဲ ပါဝင်လာတယ်။

"မဆိုးဘူးပဲ" သူ့ခန္ဓာကိုယ်ပေါ်ရှိကန့်လန့်ဖြတ်ဓားဒဏ်ရာကိုမြင်ပြီး မီးလျှံဖျက်ဆီးခြင်းနတ်ဆိုးရှင်ဘုရင်က ရက်စက်စွာပြုံးလိုက်တယ်။

"တိုက်ခိုက်မှုက မထိရောက်ဘူးလား" မိုးချုံးသံဓားသူတော်စင်အရှင်ရဲ့မြင်ကွင်းထဲမှာ မီးလျှံဖျက်ဆီးခြင်းနတ်ဆိုးရှင်ဘုရင်ရဲ့ခန္ဓာကိုယ်ပေါ်ရှိဓားဒဏ်ရာတွေက ချက်ချင်း ပျောက်ကင်းသွားတယ်။

မီးလျှံဖျက်ဆီးခြင်းနတ်ဆိုးရှင်ဘုရင်က အရည်ကျိုထားတဲ့သံလိုပဲ ဘယ်တိုက်ခိုက်မှုကိုမဆို လစ်လျူရှုနိုင်တယ်။ အများဆုံး စွမ်းအင်အရိပ်အယောင်တစ်ခုကသာ ဆုံးရှုံးသွားပြီး ဒီလိုသေးငယ်တဲ့စွမ်းအင်ပမာဏတစ်ခုကို မီးလျှံဖျက်ဆီးခြင်းနတ်ဆိုးရှင်ဘုရင်ကို လစ်လျူရှုနိုင်တယ်။

"ငါ့ရဲ့လက်ဝါးကိုလည်း လက်ခံစမ်း"

မီးလျှံဖျက်ဆီးခြင်းနတ်ဆိုးရှင်ဘုရင်ရဲ့လက်ဝါးက အရည်ကျိုထားတဲ့သံပမာ သိပ်သည်းသွားပြီး အလွန်အမင်းတောက်ပနေတယ်။

"ခေါင်းသုံးလုံးလက်ခြောက်ဖက်၊ တားဆီးစမ်း"

မိုးချုံးသံဓားသူတော်စင်အရှင်ရဲ့လက်ခြောက်ဖက်လုံးမှာ ဓားတစ်လက်စီရှိတယ်။ ဓားခြောက်လက်က ကန့်လန့်ဖြတ်အနေအထားနဲ့ အရည်ကျိုသံလက်ဝါးအားကို တားဆီးလိုက်တယ်။

ဝုန်း......

အလုံးစုံဖျက်ဆီးခြင်းချီလှိုင်းတစ်ခုက ပေါက်ကွဲထွက်သွားတယ်။ အနက်ရောင်သင်္ဘောဖြစ်စေ၊ ဓားပုံသဏ္ဍာန်သင်္ဘောဖြစ်စေ၊ သူတို့အားလုံးက မိုင်အနည်းငယ်အထိ လွင့်သွားတယ်။ ဒါ့အပြင် ဒီသင်္ဘောတွေကို တစ်‌ယောက်ယောက်က ထိန်းချုပ်ထားလို့ပဲ။ ထိန်းသာမထိန်းချုပ်ထားရင် သူတို့အနေနဲ့ မိုင်ဆယ်မီလီယံလောက်ထိ လွင့်ထွက်ရင်‌တောင် ပုံမှန်ပါပဲ။

မီးလျှံဖျက်ဆီးခြင်းနတ်ဆိုးရှင်ဘုရင်နဲ့မိုးချုံးသံဓားသူတော်စင်အရှင်ကလွဲပြီး အခြားသူ‌တွေက တိုက်ခိုက်နေတာကို ချက်ချင်းရပ်လိုက်ကြတယ်။ တိုက်ခိုက်ဖို့အသာထား၊ အခုဆိုရင် သူတို့က သူတို့ရဲ့အသက်ကိုတောင် မကာကွယ်ချင်နိုင်ဘူး။

ချီလှိုင်းတွေ တစ်လှိုင်းပြီးတစ်လှိုင်းပေါက်ကွဲထွက်နေတယ်။

အား.......

သွေးအန်ထွက်သွားပြီး မိုးချုံးသံဓားသူတော်စင်အရှင်က လွင့်ထွက်သွားရတယ်။

မီးလျှံဖျက်ဆီးခြင်းနတ်ဆိုးရှင်ဘုရင်က အလွန်အမင်းအားကောင်းလွန်းတယ်။ ဓားသမားအစည်းအရုံးမှပြိုင်ဘက်ကင်းဓားတာအိုသူတော်စင်အရှင်တွေကသာ သူနဲ့ ယှဉ်နိုင်လိမ့်မယ်။

"မင်းရဲ့နာမည်ကိုပြော" မီးလျှံဖျက်ဆီးခြင်းနတ်ဆိုးရှင်ဘုရင်က မေးလိုက်တယ်။

"မိုးချုံးသံဓားသူတော်စင်အရှင်" မိုးချုံးသံဓားသူတော်စင်အရှင်က စိုးရိမ်တဲ့အမူအရာဖြစ်နေတယ်။

"မိုးချုံးသံဓားသူတော်စင်အရှင်၊ တာလုကလန်ကို စွန့်ပစ်ပြီးအခုထွက်သွားဖို့ ငါ မင်းတို့ကို အခွင့်အရေးတစ်ခုပေးမယ်။ မဟုတ်ရင်၊ မင်းတို့လဲ သူတို့နဲ့အတူ ဒိီနေရာမှာ ‌သဂြိုလ်ခံရလိမ့်မယ်"

သူက ဓားသမားအစည်းအရုံးကို မျက်နှာသာပေးထားပြီးပြီလို့ မီးလျှံဖျက်ဆီးခြင်းနတ်ဆိုးရှင်ဘုရင်က ယုံကြည်တယ်။ သို့မဟုတ်ရင် သူကိုယ်တိုင်လည်း ထွက်ပေါက်တစ်ခုကို ရှာထားရလိမ့်မယ်။ သူက ဓားသမားအစည်းအရုံးရဲ့အဖွဲ့ဝင်တွေကို သတ်ခဲ့ရင် သူက အမှောင်ပူဆွေးခြင်းမြို့ထဲမှာပဲ တစ်သက်လုံးနေရင်တော့ အဆင်ပြေတယ်၊ ဒါပေမယ့် သူ အပြင်ဘက်ကို တစ်ကြိမ်ထွက်သွားမိတာနဲ့ သူ့ကို ဓားသမားအစည်းအရုံးက သေချာပေါက်လိုက်လံလိမ့်မယ်"

"သဘောမတူပါနဲ့" အပီက သူ့နှလုံးသားထဲမှာ အော်လိုက်တယ်။

ဓားသမားအစည်းအရုံးက သူတို့ကို စွန့်ပစ်လိုက်တာနဲ့ သူတို့အတွက်အဆုံးသတ်က သနားစဖွယ်ဖြစ်နေရတော့မယ်။

သူတို့က ပျက်သုန်းခြင်းလက်ပတ်ကို ထုတ်ပေးရင်တောင် သူတို့ကို မီးလျှံဖျက်ဆီးခြင်းနတ်ဆိုးရှင်ဘုရင်က နှိပ်စက်ညှင်းပန်းလိမ့်မယ်။

ကျန်ရှိတဲ့တာလုကလန်သားတွေကလည်း ထုံထိုင်းသွားကြတော့တယ်။

အခု သူတို့ရဲ့ကံကြမ္မာက ဓားသမားအစည်းအရုံးရဲ့လက်ထဲမှာ ရှိတယ်။

"မီးလျှံဖျက်ဆီးခြင်းနတ်ဆိုးရှင်ဘုရင်၊ မင်းက ငါတို့နဲ့ဓားသမားအစည်းအရုံးကို လျှော့တွက်ထားတာပဲ"

သွေးမျက်ရည်ဓားသူ‌တော်စင်အရှင်နဲ့လေပြင်းဓားသူတော်စင်အရှင်တို့က မိုးချုံးသံဓားသူတော်စင်အရှင်ရဲ့ဘေးနားကို ရောက်ရှိလာတယ်။

"ဓားသမားအစည်းအရုံးက ဘယ်တော့မှ မတွန့်ဆုတ်ဘူး၊ အကြွင်းမဲ့ဓားသုံးလက်နည်းဗျူဟာ"

ဓားသူတော်စင်အရှင်သုံးယောက်ရဲ့ချီတည်ရှိမှုက ရုတ်တရက် ချိတ်ဆက်သွားတယ်။ ပြီးနောက် အရောင်မတူညီတဲ့ဓားသုံးလက်က သူတို့သုံးယောက်ရဲ့ဦးခေါင်းအထက်မှာ ဖြစ်တည်လာတယ်။

"အထွတ်အထိပ်တိုက်ပွဲနည်းဗျူဟာလား" လီဖူချန်းရဲ့မျက်လုံးတွေက ဝေ့ကြည့်လိုက်တယ်။

အဆင့်အမျိုးမျိုးရှိတဲ့တိုက်ပွဲနည်းဗျူဟာတွေက မတူညီတဲ့ကျင့်ကြံခြင်းနယ်ပယ်တွေနဲ့ လိုက်လျောညီထွေရှိတယ်။

ဥပမာအားဖြင့် အဆင့်၈တိုက်ပွဲနည်းဗျူဟာက ဥပဒေသပြောင်းလဲခြင်းနယ်ပယ်ဧကရာဇ်တွေရဲ့တိုက်ပွဲခွန်အားတွေကို ပေါင်းစပ်ထားတယ်။

သာမန်အဆင့်၉တိုက်ပွဲနည်းဗျူဟာကို သာမန်သူတော်စင်တွေကသာ ဖွဲ့စည်းနိုင်တယ်။

အထွတ်အထိပ်တိုက်ပွဲနည်းဗျူဟာတွေက အဆင့်၉အထွတ်အထိပ်တိုက်ပွဲနည်းဗျူဟာတွေဖြစ်တယ်။ သူတို့ကို အထွတ်အထိပ်အဆင့်သူ‌တော်စင်ဒါမှမဟုတ်သူတော်စင်အရှင်တွေက ဖွဲ့စည်းနိုင်တယ်။

ဒါပေမယ့် အထွတ်အထိပ်တိုက်ပွဲနည်းဗျူဟာတွေမှာလည်း ခွန်အားအဆင့်အမျိုးမျိုးရှိတယ်။ အဆင့်မြင့်အထွတ်အထိပ်တိုက်ပွဲနည်းဗျူဟာက ပိုသန်မာတဲ့တိုက်ပွဲနည်းဗျူဟာစွမ်းအားကို ဖော်ထုတ်နိုင်တယ်။

အကြွင်းမဲ့ဓားသုံးလက်နည်းဗျူဟာက ဘယ်အဆင့်လဲကိုတော့ မသိဘူး။

"တိုက်ပွဲနည်းဗျူဟာလား။ လာစမ်းပါ......" မီးလျှံဖျက်ဆီးခြင်းနတ်ဆိုးရှင်ဘုရင်က သည်းမခံနိုင်လောက်အောင် စိတ်ကြီးဝင်နေတယ်။

"လေအကြွင်းမဲ့ဓား.......သွားစမ်း........."

ဓားသူတော်စင်အရှင်သုံးယောက်က အော်လိုက်တယ်၊ အလင်းရောင်ထိုးဖောက်နိုင်တဲ့ဓားတစ်လက်က ရုတ်တရက် ပျံသန်းလာတယ်။ အဲဒါက ထိတ်လန့်တုန်လှုပ်စရာဓားအလင်းတစ်ခုအဖြစ်သို့ ပြောင်းသွားပြီး မီးလျှံဖျက်ဆီးခြင်းနတ်ဆိုးရှင်ဘုရင်ကို ထိုးဖောက်သွားခဲ့တယ်။

"လာစမ်း......" မီးလျှံဖျက်ဆီးခြင်းနတ်ဆိုးရှင်ဘုရင်ရဲ့လက်သီးက ဓားအလင်းအပေါ်ကျရောက်လာတယ်။

ဝုန်း ဒုန်း.......

ဓားအလင်းက မိုးချုံးသံဓားသူတော်စင်အရှင်ရဲ့ဓားပညာထက် ပိုအားကောင်းပြီး မီးလျှံဖျက်ဆီးခြင်းနတ်ဆိုးရှင်ဘုရင်ကို ယိမ်းယိုင်သွားစေတယ်။

"အမှောင်အကြွင်းမဲ့ဓား......."

ဓားတစ်လက်က မလုံလောက်တာကြောင့် သူတို့သုံးယောက်က ဒုတိမြောက်ဓားကို ထုတ်လွှတ်လိုက်တယ်။

ဒီတစ်ခါမှာတော့ အနက်ရောင်ဓားဖြစ်ပြီး အဲဒါမှာ ထိတ်လန့်တုန်လှုပ်စရာအမှောင်စွမ်းအင်ပါရှိတယ်။

"ငါ နားလည်ပြီ" လီဖူချန်းက သဘောပေါက်သွားတယ်။

အကြွင်းမဲ့ဓားသုံးလက်နည်းဗျူဟာက နားလည်ထားတဲ့မတူညီတဲ့ဓားတာအိုဥပဒေသတွေအပေါ်အခြေခံပြီး မတူညီတဲ့ဓားတွေကို ထုတ်လွှတ်လိမ့်မယ်။

ပထမလေအကြွင်းမဲ့ဓားက လေပြင်းဓားသူတော်စင်အရှင်မှဖြစ်တယ်။ ဒုတိယအမှောင်အကြွင်းမဲ့ဓားက သွေးမျက်ရည်ဓားသူ‌တော်စင်အရှင်မှဖြစ်တယ်။ တတိယအပြာရောင်ဓားက မိုးကြိုးအကြွင်းမဲ့ဓားဖြစ်ပြီး မိုးချုံးသံဓားသူတော်စင်အရှင်မှ ဖြစ်လောက်တယ်။

ဝုန်း.......

အနက်ရောင်ဓားချီရဲ့ဖျက်ဆီးခြင်းစွမ်းအားက မီးလျှံဖျက်ဆီးခြင်းနတ်ဆိုးရှင်ဘုရင်ကို ခြေတစ်လှမ်းနောက်ဆုတ်သွားစေတယ်။

"မိုးကြိုးအကြွင်းမဲ့ဓား......."

မီးလျှံဖျက်ဆီးခြင်းနတ်ဆိုးရှင်ဘုရင်က မတုံ့ပြန်နိုင်ခင် တတိယဓားက ရောက်ရှိလာတယ်။

အဲဒါက အပြာရောင်ဓားတစ်လက်ဖြစ်ပြီး ထုတ်လွှတ်လိုက်တဲ့အချိန်မှာ မိုးကြိုးဓားအလင်းတစ်ခုအဖြစ်သို့ ချက်ချင်း ပြောင်းသွားတော့တယ်။

ဝုန်း ဒုန်း......

မီးလျှံဖျက်ဆီးခြင်းနတ်ဆိုးရှင်ဘုရင်ကို မိုးကြိုးဓားချီက ဖုံးအုပ်ထားပြီး ခြေလှမ်းနောက်ဆုတ်ဖို့ ထပ်ခါတလဲလဲဖိအားပေးနေတယ်။ သူ့မျက်လုံးတွေမှာ နာကျင်ခြင်းအရိပ်အယောင်တွေ ပြနေတယ်။

မိုးကြိုးအကြွင်းမဲ့ဓားက သူ့ကို ဒဏ်ရာရစေခဲ့တယ်။

"မင်းတို့ကောင်တွေက သေချင်နေတာပဲ" မီးလျှံဖျက်ဆီးခြင်းနတ်ဆိုးရှင်ဘုရင်က ဒေါသထွက်သွားတယ်။

အရည်ကျိုထားတဲ့သံပုံရိပ်တစ်ခုက ဖြစ်တည်လာပြီး မှင်တက်စရာစွမ်းအင်တွေ စုဆောင်းနေတယ်။

"သူ့ကို အခွင့်အရေးတစ်ခုမှမပေးနဲ့။ ဓားသုံးလက်လုံးနဲ့တိုက်ခိုက်ကြ"

လေပြင်းဓားသူတော်စင်အရှင်ရဲ့အသံက ပဲ့တင်ထပ်သွားတယ်၊ မတူညီတဲ့ဓားအလင်းရောင်စုံက မီးလျှံဖျက်ဆီးခြင်းနတ်ဆိုးရှင်ဘုရင်ထံ တိုက်ခိုက်လာတယ်။

"ပြိုင်ဘက်ကင်းနတ်ဆိုးရှင်ဘုရင်တစ်ယောက်ကို ရင်ဆိုင်ရတာ ဒီလောက်လွယ်နေရင် သူတို့ကို ပြိုင်ဘက်ကင်းလို့ ခေါ်ဆိုကြမှာမဟုတ်ဘူး" လီဖူချန်းက ခေါင်းခါလိုက်တယ်။

အကြွင်းမဲ့ဓားသုံးလက်နည်းဗျူဟာက အဆင့်မြင့်အထွတ်အထိပ်တိုက်ပွဲနည်းဗျူဟာတစ်ခုမဟုတ်ဘူး၊ အလယ်ဆင့်အထွတ်အထိပ်တိုက်ပွဲနည်းဗျူဟာတစ်ခုဆိုတာကို လီဖူချန်းက မြင်နိုင်တယ်။

အဲဒါက အဆင့်မြင့်အထွတ်အထိပ်တိုက်ပွဲနည်းဗျူဟာတစ်ခုဆိုရင် မီးလျှံဖျက်ဆီးခြင်းနတ်ဆိုးရှင်ဘုရင်ကို ဖိနှိပ်နိုင်မှာပါ။

"ငရဲမီးလက်သီး......"

မီးလျှံဖျက်ဆီးခြင်းနတ်ဆိုးရှင်ဘုရင်က ပေါက်ကွဲသွားတယ်။ သူ့ခန္ဓာကိုယ်ထဲမှာ ဘယ်လိုစွမ်းအင်မျိုးပါဝင်သလဲကို စိတ်ကူးယဉ်ဖို့ခက်ခဲတယ်။ သူက သူ့လက်သီးနဲ့ တိုက်ခိုက်လိုက်တာကြောင့် အမှောင်စကြာဝဠာက ရုတ်တရက်လင်းထိန်သွားပြီး စကြာဝဠာတစ်ခုလုံးက မီးလောင်နေသလိုနီရဲပူပြင်းနေတယ်။

ဝုန်း.......

မီးလှိုင်းတွေ ပေါက်ထွက်လာတယ်။ ဓားအလင်းသုံးခုက အသက်ရှုချိန်အနည်းငယ်သာ ခုခံနိုင်ခဲ့ပြီးနောက် ‌ ပျက်ဆီးသွားတော့တယ်။

နောက်ပိုင်းမှာတော့ မီးလှိုင်းတွေက ဓားသူတော်စင်အရှင်သုံးယောက်ထံ ရောက်ရှိလာတယ်။

ဖြောက်.......

အကြွင်းမဲ့ဓားသုံးလက်နည်းဗျူဟာက ပျက်ပြားသွား‌တော့တယ်။

"သေကြစမ်း....."

မီးလျှံဖျက်ဆီးခြင်းနတ်ဆိုးရှင်ဘုရင်က သတ်ဖြတ်ခြင်းဆန္ဒစီးဆင်းနေပြီး သူ့ရဲ့စိတ်က သတ်ဖြတ်လိုစိတ်တွေ ပြည့်နှက်နေတယ်။

"မကောင်းတော့ဘူး"

ဓားသူတော်စင်အရှင်သုံးယောက်က သူတို့ရဲ့အထွတ်အထိပ်ခုခံမှုအသုံးအဆောင်ပစ္စည်းတွေကို လျင်မြန်စွာ အသက်သွင်းလိုက်ကြတယ်၊ သူတို့က တိုက်ခိုက်မှုကို တောင့်ခံနိုင်ပါစေလို့ မျှော်လင့်နေကြတယ်။

"မီးလျှံဖျက်ဆီးခြင်းနတ်ဆိုးရှင်ဘုရင်၊ ငါ့က်ို မင်းရဲ့စွမ်းရည်တွေကို စမ်းသပ်ခွင့်ပြုပါ" ပုံရိပ်တစ်ရိပ်က သုံးယောက်သားရဲ့အရှေ့မှာ ထွက်ပေါ်လာတယ်။

ပုံရိပ်က ဓားတစ်လက်ကို ဆွဲထုတ်ပြီး ဝင်လာနေတဲ့မီးလှိုင်းကို ခုတ်ပိုင်းလိုက်တယ်။

မီးလှိုင်းက နှစ်ပိုင်းကွဲသွားပြီး ချက်ချင်းပျောက်ကွယ်သွားတယ်။

"မူလအဆုံးစွန်းဓားသူတော်စင်အရှင်လား" လေပြင်းဓားသူတော်စင်အရှင်က ကြောင်အသွားတယ်။

လေပြင်းဓားသူတော်စင်အရှင်ရဲ့အမြင်ထဲမှာ လီဖူချန်းက ဒီမစ်ရှင်ကို အဆက်အသွယ်တွေကြောင့် ပူး‌ပေါင်းနိုင်ခဲ့တယ်၊ ဒီနေရာကိုလာတာ အစည်းအရုံးအမှတ်အချို့ကို အချောင်ရယူဖို့ပေါ့။

လီဖူချန်းက ဒီလောက်အားကောင်းမယ်၊ မီးလျှံဖျက်ဆီးခြင်းနတ်ဆိုးရှင်ဘုရင်ရဲ့အမှတ်အသားတိုက်ကွက်ကို ဓားတစ်ချက်တည်းနဲ့ ဖြတ်တောက်နိုင်မယ်လို့ သူတို့ မမျှော်လင့်ထားခဲ့ဘူး။

"ဘာ....." မီးလျှံဖျက်ဆီးခြင်းနတ်ဆိုးရှင်ဘုရင်က အတော်လေးအံ့အားသင့်သွားတယ်၊ သူက လီဖူချန်းကို စိုက်ကြည့်လိုက်တယ်။