နတ်ဆရာပညာရပ်ရုပ်သေးရုပ်

"ရွှမ်း"

အလင်းတောက်ပမှုတစ်ခုက မိုင်သိန်းအကွာအဝေးမှ လက်သွားပြီး သတ္တုဂိတ်ဆီ ပျံသန်းသွားတော့တယ်။

အလင်းတောက်ပမှုမှ အခြားမျိုးနွယ်သူတော်စင်အရှင်တစ်ယောက်ဆိုတာကို လီဖူချန်းက မြင်လိုက်ရတယ်။

နတ်ဆရာဘိုးဘေးအပျက်အဆီးနယ်မြေက ရှာဖွေသူရဲ့ခွန်အားအတွက် အလွန်အမင်းမြင့်မားတဲ့လိုအပ်ချက်ရှိတယ်။ သူတော်စင်အရှင်အောက်ဘယ်သူမဆို အပျက်အဆီးနယ်မြေထဲမှာ သေချာပေါက်ပျောက်ကွယ်သွားရလိမ့်မယ်။ အတားအဆီးတွေ၊ ထောင်ချောက်တွေ၊ နတ်ဆရာပညာရပ်အားလုံးက သူတော်စင်အရှင်တွေနဲ့ ကိုက်ညီတယ်။ သူတော်စင်အရှင်အောက်တစ်ယောက်ကမှ ခံနိုင်ရည်ရှိလိမ့်မှာမဟုတ်ဘူး။

မကြာခင်မှာ လီဖူချန်းလည်း သတ္တုဂိတ်ကို ဝင်ရောက်သွားခဲ့တယ်။

သတ္တုဂိတ်ရဲ့အတွင်းနဲ့အပြင်က လုံးဝခြားနားတဲ့ကမ္ဘာနှစ်ခုရှိတယ်။

သတ္တုဂိတ်အထဲမှာ ဧရာမလမ်းတစ်ခုရှိတယ်။ အဲဒါက ဆယ်မီတာအမြင့်၊ အကျယ်က ဆယ်မိုင်ရှိပြီး လမ်းကို ဆယ်မီတာရှိတဲ့အညိုရင့်ရောင်ကျောက်ပြားတွေ ခင်းကျင်းထားတယ်။ လမ်းနံရံတွေပေါ်မှာ မိုင်ရာအနည်းငယ်ရှိတဲ့မီးတိုင်တွေရှိတယ်။ မီးတိုင်တွေက ဒီနေရာမှာ အရောက်တလက်လက်နဲ့တည်ရှိနေတာ နှစ်ပေါင်းမရေမတွက်နိုင်လောက်အောင်ပဲ၊ သူတို့ကို ဘယ်တော့မှ ပျောက်ကွယ်သွားလိမ့်မှာမဟုတ်ဘူး။

"သတ္တုဂိတ်က ဝင်ရောက်လာသူတိုင်းကို နတ်ဆရာဘိုးဘေးအပျက်အဆီးနယ်မြေရဲ့အပြင်ဘက်နယ်နိမိတ်တွေဆို တည်နေရာကျပန်းပို့ဆောင်ပို့လိမ့်မယ်။ အခုလက်ရှိ ငါ ဘယ်ရောက်နေသလဲကို မသိဘူး"

ဓားသမားအစည်းအရုံးမှာ နတ်ဆရာဘိုးဘေးအပျက်အဆီးနယ်မြေနဲ့ဆက်စပ်တဲ့မစ်ရှင်တွေအများကြီးရှိတယ်။ မစ်ရှင်တွေထဲကတစ်ခုကတော့ ရေရှည်မစ်ရှင်တစ်ခုဖြစ်ပြီး အကြောင်းအရာကတော့ နတ်ဆရာဘိုးဘေးအပျက်အဆီးနယ်မြေရဲ့မြေပုံကိုဖြည့်စွက်ဖို့ ဖြစ်တယ်။

နတ်ဆရာဘိုးဘေးအပျက်အဆီးနယ်မြေက အန္တရာယ်များလွန်းတယ်။ တစ်ယောက်ယောက်က ဂရုမစိုက်ဘဲသွားလာမိရင် ကောင်းကင်ဘုံအရှင်တစ်ယောက်ကတောင် သူတို့ရဲ့အသက်တွေ ဆုံးရှုံးသွားရလိမ့်မယ်။

ဒါပေမယ့် မြေပုံတစ်ခုရှိရင် အချိန်အများကြီးသက်သာစေသလို အန္တရာယ်ပမာဏကိုလည်း လျော့ချစေလိမ့်မယ်။

စိတ်မကောင်းစရာတစ်ခုကတော့ နတ်ဆရာဘိုးဘေးအပျက်အဆီးနယ်မြေက အန္တရာယ်ရှိရုံသာမက ဧရာမကြီးမားလွန်းတယ်။ လက်ရှိအချိန်မှာ ဓားသမားအစည်းအရုံးစုဆောင်းထားတဲ့မြေပုံအချက်အလက်က နတ်ဆရာဘိုးဘေးအပျက်အဆီးနယ်မြေရဲ့တစ်သောင်းပုံတစ်ပုံအောက်သာ ရှိတယ်။

ပုံဆောင်ခဲဘောလုံးကို ယူထုတ်ပြီးနောက် လီဖူချန်းက မြေပုံကို စတင်ဖြည့်လိုက်တယ်။

အဲဒါက ကောင်းကင်ဘုံပုံဆောင်ခဲဘောလုံးတစ်လုံးဖြစ်ပြီး အရိုင်းလျှို့ဝှက်နယ်မြေမှာ လီဖူချန်းအသုံးပြုခဲ့တဲ့ကောင်းကင်ဘုံပုံဆောင်ခဲဘောလုံးနဲ့အတူတူပါပဲ။

ဒါပေမယ့် ကောင်းကင်ဘုံပုံဆောင်ခဲတွေမှာလည်း အဆင့်တွေရှိတယ်။ နက်ပြာပလိန်းရဲ့ကောင်းကင်ဘုံပုံဆောင်ခဲက အဆင့်နိမ့်ဖြစ်တယ်။ ဒီလက်ရှိကောင်းကင်ဘုံပုံဆောင်ခဲက အဆင့်မြင့်ဖြစ်တယ်။ အဲဒါကို စကြာဝဠာအဆင့်အပျက်အဆီးနယ်မြေတွေ၊ အန္တရာယ်နယ်မြေတွေရဲ့မြေပုံ‌တွေကို ရေးဆွဲဖို့အတွက် အထူးအသုံးပြုတယ်။ တကယ်တော့ အဆင့်နိမ့်ပုံဆောင်ခဲဘောလုံးတစ်လုံးက လုံလောက်တဲ့နေရာလပ်စွမ်းအားမပါရှိဘူး၊ စကြာဝဠာအဆင့်အပျက်အဆီးနယ်မြေတွေနဲ့အန္တရာယ်နယ်မြေတွေကို မှတ်တမ်းတင်ဖို့ မလုံလောက်ဘူး။ အလွယ်တကူပျက်ဆီးသွားရလိမ့်မယ်။

လီဖူချန်းက မနှေးလွန်းမမြန်လွန်းတဲ့အရှိန်နဲ့ လမ်းတစ်လျှောက် ခရီးနှင်လာခဲ့တယ်။

မိုင်ထောင်အနည်းငယ်ရောက်ရှိပြီးနောက် လမ်းမှာလမ်းခွဲနှစ်ခုရှိလာတယ်။ တစ်ခုက ဘယ်ဘက်ကို ဦးတည်ကာ အခြားတစ်ခုက  ညာဘက်ကို ဦးတည်တယ်။

"ဘယ်က ယောင်္ကျား၊ ညာက မိန်းမ"

ဗွမ်း ဗွမ်း.......

လမ်းနှစ်ဖက်စလုံးပေါ်ရှိရေမြောင်းတွေထဲမှာ ရေပွက်သံတွေ မြည်နေပြီး ကြည့်ရတာ အထဲမှာ တစ်စုံတစ်ခုကူးခတ်နေပုံရတယ်။

လီဖူချန်းက သူ့ရဲ့လိပ်ပြာအသိစိတ်အာရုံနဲ့ စစ်ဆေးကြည့်လိုက်တယ်၊ ထူးဆန်းတဲ့ငါးတစ်အုပ်ဆိုတာ သိလိုက်ရတယ်။

လီဖူချန်းက သူတို့ကို ဂရုမစိုက်ဘူး၊ ရှေ့ဆက်တိုးသွားလိုက်တယ်။

နောက်နှစ်ရက်ကြာပြီးနောက် လီဖူချန်းက ကောင်းကင်ဘုံပုံဆောင်ခဲဘောလုံးကို တစ်ချက်ကြည့်ပြီး‌နောက် မျက်‌မှောင်ကြုတ်လိုက်တယ်။ ကောင်းကင်ဘုံပုံဆောင်ခဲဘောလုံးအထဲမှာရေးဆွဲထားတဲ့မြေပုံက မည့်သည့်အပိုင်းအကန့်တစ်ခုမှမဖွဲ့စည်းထားတဲ့ကွေ့ကောက်တဲ့လမ်းကြောင်းတစ်ခုဖြစ်တယ်။

မသိလိုက်မသိဘာသာနဲ့ လီဖူချန်းက ကြီးမားတဲ့ခန်းမတစ်ခုကို ရောက်ရှိလာတယ်။

ခန်းမအတွင်းမှာ တောက်ပနေတဲ့မီးအိမ်တွေရှိပြီး နှလုံသားကိုလောင်မြိုက်စေတဲ့ရ‌တနာတွေလည်းရှိတယ်။

ဒါပေမယ့် ခန်းမကို ဝင်ဖို့က မလွယ်ပါဘူး။ ကျောက်ပြားတွေပေါ်မှာ မတူညီတဲ့အရောင်ငါးမျိုးရှိတဲ့လမ်းအကန့်တစ်ခုရှိတယ်။ စောစောက ပျံသန်းသွားချင်ခဲ့တဲ့သူတော်စင်အရှင်တစ်ယောက်ရှိခဲ့တယ်၊ ဒါပေမယ့် သူ့ကို အဆုံးမဲ့ဟင်းလင်းပြင်ချည်မျှင်တွေက လှီးဖြတ်သွားတယ်။ ပြီးနောက် ထိုသူတော်စင်အရှင်ကို ပျံသန်းနေတဲ့အင်းစက်တစ်အုပ်က အပြည့်အဝဝါးမျိုသွားတယ်။

"ပျံသန်းဖို့ကမဖြစ်နိုင်ဘူး" ကြီးမားတဲ့ခန်းမအ‌ရှေ့မှာ မြူခိုးမျိုးနွယ်သူတော်စင်အရှင်တစ်ယောက်လည်း ရှိတယ်။

သူက မျက်မှောင်ကြုတ်ကာ ကျောက်ပြားတွေပေါ်ရှိအရောင်ငါးမျိုးကို ကြည့်လိုက်တယ်။

ခန်းမကိုဝင်ရောက်ဖို့သော့က ကျောက်ပြားတွေပေါ်မှာဆိုတာ သိသာတယ်။

"ကျောက်ပြားတွေအပေါ် မင်းရဲ့ထင်မြင်ချက်ကို ငါ သိချင်တယ်" မြူခိုးမျိုးနွယ်သူတော်စင်အရှင်က လီဖူချန်းကို မေးလိုက်တယ်။

လီဖူချန်းက ပြောလိုက်တယ်"ဒါက အတားအဆီးထောင်ချောက်တစ်ခုမှန်းသိသာတယ်။ သနားစရာကောင်းတာကတော့ ငါက အတားအဆီးထောင်ချောက်တွေနဲ့ပတ်သက်ပြီး အများကြီးမသိဘူး"

အတားအဆီးထောင်ချောက်တွေမှာ ကျွမ်းကျင်တဲ့တစ်ယောက်ယောက်သာဆိုရင် ပုံစံအညွန်းတစ်ခုကို ရှာတွေ့ဖို့ ဟင်းလင်းပြင်ထဲရှိစွမ်းအင်စီးဆင်မှုနဲ့ကျောက်ပြားအရောင်တွေကို ခွဲခြမ်းစိတ်ဖြာနိုင်လိမ့်မယ်။

ဒါပေမယ့် လီဖူချန်းက အတားအဆီးထောင်ချောက်တွေနဲ့ပတ်သက်ပြီးအသိပညာတစ်ခုမှမရှိရင်တောင် သူ့ရဲ့စိတ်ဝိညာဉ်က အကန့်အသတ်ထောင်ချောက်တွေကို ဖြတ်မြင်နိုင်တယ်။

အရောင်ကျောက်ပြား‌အချို့ရဲ့အောက်မှာ ဖုံးကွယ်ထားတဲ့စက်ယန္တရားတွေရှိတယ်၊ အချို့မှာတော့ စက်ယန္တရားတစ်ခုမှမရှိဘူး။

"အနီ၊ အဖြူ၊ အစိမ်း၊ အဝါ၊ အနက်" လီဖူချန်းက မှန်ကန်တဲ့လမ်းကြောင်းကို ချက်ချင်းရှာတွေ့ခဲ့တယ်။

တုံ့ဆိုင်းမနေဘဲ လီဖူချန်းက ကျောက်ပြားတွေအပေါ်အစဉ်လိုက် ခြေချလိုက်တယ်။

မျက်စိတစ်မှိတ်အတွင်း လီဖူချန်းက ဆန့်ကျင်ဘက်ကို ရောက်ရှိသွားတယ်။

"မယုံနိုင်စရာပဲ၊ သူက ပုံစံအညွှန်းကို တစ်ခဏအတွင်း ရှာတွေ့ခဲ့တာပဲ"

" ငါ သူ့ကို သတ်ချင်ခဲ့တာ....... ငါ မလှုပ်ရှားခဲ့တာ ကံကောင်းသွားတယ်"

မြူခိုးမျိုးနွယ်သူတော်စင်အရှင်က ပျော်ရွှင်သွားပြီး နောက်မှ ကပ်လိုက်သွားတယ်။

"မဟုတ်ဘူး"

မြူခိုးမျိုးနွယ်သူတော်စင်အရှင် အစိမ်းရောင်ကျောက်ပြားအပေါ် ခြေချမိချင်းချင်း အစိမ်းရောင်အရည်တစ်စက်က သူ့ခန္ဓာကိုယ်အပေါ် ရုတ်တရက် ကျဆင်းလာတယ်။

အစိမ်းရောင်အရည်စက်က အလွန်အမင်းကြောက်စရာကောင်းတယ်။ မြူခိုးမျိုးနွယ်သူတော်စင်အရှင်ရဲ့ခန္ဓာကိုယ်ပေါ်မှာ ကြီးမားတဲ့အပေါက်တစ်ခုက ချက်ချင်းတိုက်စားသွားတယ်။ အစိမ်းရောင်အရည်က လျင်မြန်စွာ ပျံ့နှံ့ကူးစက်လာနေတယ်။

မြူခိုးမျိုးနွယ်သူတော်စင်အရှင်က တိုက်စားခြင်းစွမ်းအားကို တန်ပြန်ဖို့ မြူအတိဖုံးလွှမ်းခြင်းကို အသုံးပြုချင်ခဲ့ပေမယ့် အသုံးမဝင်ခဲ့ဘူး။ အစိမ်းရောင်အရည်က သိပ်သည်းတဲ့မြူတွေထဲမှာ ပျံ့နှံ့လာတယ်။ မကြာမီမှာ မြူအားလုံး အစိမ်းရောင်ဆိုးသွားပြီး မြူတွေက စတင်ပြန့်ကျဲသွားတော့တယ်။

"ဒီလို‌ ကြောက်စရာကောင်းတဲ့အရည်" လီဖူချန်းရဲ့အမူအရာက အနည်းငယ်ပြောင်းလဲသွားတယ်။

မြူခိုးမျိုးနွယ်ဝင်တွေ မြူအတိဖုံးလွှမ်းခြင်းကို ဖော်ထုတ်ပြီးနောက် ထိခိုက်မှုအများစုကို သူတို့က လစ်လျူရှုနိုင်ခဲ့တယ်။ အကျိုးသင့်အကြောင်းသင့်ပြောရရင် အဆိပ်ရည်တစ်စက်က သူ့ကို သတ်ဖို့မလုံလောက်သင့်ဘူး။

"ငါ့ရဲ့ကြယ်မသေမျိုးခန္ဓာကိုယ်နဲ့ဆိုရင် ငါက ဒီအဆိပ်ရည်ကို ကြောက်စရာမလိုပေမယ့် ငါလဲပဲ ဒဏ်ရာရနိုင်‌တယ်"

လီဖူချန်းက ခန်းမထဲကို မဝင်သေးပါဘူး။ အဲ့အစား သူက မြူခိုးမျိုးနွယ်သူတော်စင်အရှင်ရဲ့နေရာလပ်လက်စွပ်ကို ကောက်ယူဖို့ ပြန်လှည့်သွားတယ်။

"မဆိုးဘူး၊ အထွတ်အထိပ်အဆင့်ဝိညာဉ်ကျောက်တုံးငါးသိန်းထိုက်တန်တယ်" နေရာလပ်လက်စွပ်အထဲကို ကြည့်ပြီး‌နောက် လီဖူချန်းက ခေါင်းညိတ်လိုက်တယ်။

ခန်းမထဲကို ဝင်ရောက်ပြီးနောက် လီဖူချန်းက ခန်းမရဲ့အဆုံးမှာ သေးငယ်တဲ့သစ်သားရုပ်သေးတစ်ရုပ်နဲ့စာလိပ်တစ်ခုကို မြင်လိုက်ရတယ်။ ဒီပစ္စည်းနှစ်ခုက အလင်းတလက်လက်တောက်ပနေတယ်။

လီဖူချန်းက ၎င်းတို့ထံ လျှောက်သွားတယ်။

ချွမ်း......

လီဖူချန်းက ပစ္စည်းတွေဆီ ရောက်ခါနီးမှာ ဘေးနားရှိချပ်ဝတ်ရုပ်သေးနှစ်ရုပ်က အသက်ဝင်လာတယ်။

ချပ်ဝတ်ရုပ်သေးနှစ်ရုပ်က အထဲမှာ ဗလာဖြစ်နေပြီး အပြင်ဘက်ကို ချပ်ဝတ်နဲ့ ဖုံးအုပ်ထားတယ်။ မမြင်နိုင်တဲ့စွမ်းအားတစ်ခုက ချပ်ဝတ်ကို ထောက်ပံ့နေတာနဲ့ တူတယ်။

"ဒါက နတ်ဆရာပညာရပ်ရုပ်သေးတွေပဲ " လီဖူချန်းက အံ့အားသင့်တာတော့ မရှိဘူး။

နတ်ဆရာပညာရပ်က ထူးဆန်းပြီးဆန်းကြယ်တယ်။ လီဖူချန်းရဲ့အမြင်အရ နက်ပြာပလိန်းရဲ့မန္တန်တာအိုမှာ နတ်ဆရာပညာရပ်ရဲ့အရိပ်တွေရှိတယ်။

ဘယ်ဘက်ရှိနတ်ဆရာပညာရပ်ရုပ်သေးက ပုဆိန်ကို မထားကာ လီဖူချန်းကို ခုတ်ပိုင်းလိုက်တယ်၊ ညာဘက်ရှိနတ်ဆရာပညာရပ်ရုပ်သေးက လှံကို မထားကာ ထိုးထည့်လိုက်တယ်။

ဝုန်း......

လီဖူချန်းက သူ့ဓားကို သုံးကာ နတ်ဆရာပညာရပ်ရုပ်သေးနှစ်ရုပ်ကို တိုက်ခိုက်လိုက်တယ်။ တစ်စက္ကန့်အတွင်း ဓားက ဘယ်ဘက်ရှိနတ်ဆရာပညာရပ်ရုပ်သေးရဲ့ဦးခေါင်းကို ဖြတ်တောက်လိုက်တယ်။

‌ဦးခေါင်းချပ်ဝတ်က လီဖူချန်းကြောင့် လွင့်ထွက်သွားတယ်၊ ဒါပေမယ့် ဦးခေါင်းချပ်ဝတ်က လျင်မြန်စွာထပ်မံပျံသန်းလာတာကြောင့် လီဖူချန်းက မျက်မှောင်ကြုတ်လိုက်မိတယ်။ ပြီးနောက် အဲဒါက နတ်ဆရာပညာရပ်ရုပ်သေးရဲ့ပခုံးတွေပေါ် ပြန်၍ဆင်းသက်သွားတော့တယ်။

"နတ်ဆရာပညာရပ်ရုပ်သေးရဲ့စွမ်းအင်ကို ကုန်ခန်းအောင် လုပ်ရမှာလား"

အဲအတိုင်းဆိုရင်တော့ နတ်ဆရာပညာရပ်ရုပ်သေးက တကယ်ကြောက်စရာကောင်းတယ်။

လီဖူချန်းရဲ့ခွန်အားက အထက်တန်းသူတော်စင်အရှင်တွေကို ဓားကြုံသလိုဝှေ့ယမ်းရုံနဲ့ ဖယ်ရှားဖို့ လုံလောက်နေပြီဖြစ်တယ်။