လေတိမ်ဓားသူတော်စင်အရှင်

တစ်ဝက်တစ်ပျက်အန္တိမသိုင်းပညာတစ်ခုကို နားလည်ဖို့ အလို့ငှာ တစ်စုံတစ်ယောက်က ကောင်းကင်ဘုံအရှင်တစ်ယောက်ဖြစ်ဖို့ ခြေလှမ်းဝက်မှာ ရှိလိမ့်မယ်။

မတော်တဆမဖြစ်ခဲ့ရင် သစ်ရွက်နီသူတော်စင်အရှင်မက နှစ်အနည်းငယ်အတွင်း ကောင်းကင်ဘုံအရှင်တစ်ယောက်ဖြစ်လာလိမ့်မယ်။

"ဓားချီမူလပြန်သွားခြင်း"

တစ်ဝက်တစ်ပျက်အန္တိမဓားကွက်တစ်ခုကို တစ်ဝက်တစ်ပျက်အန္တိမဓားကွက်တစ်ခုနဲ့သာ ရင်ဆိုင်နိုင်တယ်။

ဝုန်း.......

သိုင်းစင်မြင့်ရဲ့အလယ်မှာ အနက်ရောင်အပေါက်တစ်ခုထွက်ပေါ်လာပြီး ကြောက်စရာကောင်းတဲ့ဆွဲအားတစ်ခုက ဟင်းလင်းပြင်ကို တွန့်လိမ်သွားစေတယ်။

ဓားကို ဓားအိမ်ထဲ ထည့်သွင်းရင်း သစ်ရွက်နီဓားသူတော်စင်အရှင်မက ပြောလိုက်တယ်"ငါ သင့်ကို အနိုင်မယူနိုင်ဘူး"

"ငါလဲပဲ သင့်ကို မနိုင်ပါဘူး"

အရိုးသားဆုံးပြောရရင် နတ်ဆရာဓားသာမရှိရင် လီဖူချန်းရဲ့ခွန်အားက သစ်ရွက်နီဓားသူတော်စင်အရှင်မထက် အနည်းငယ်ကိုနိမ့်ကျတယ်။

နောက်ရက်တွေမှာလည်း လီဖူချန်းက သစ်ရွက်နီဓားသူတော်စင်အရှင်မနဲ့ လေ့ကျင့်နေခဲ့တယ်။ သူတို့နှစ်ယောက်က ဓားတာအိုသိသာတဲ့ပမာဏတစ်ခုကို နားလည်လာတယ်။

အိမ်တော်ထဲမှာ.......

ဖြောက်.....

လီဖူချန်းက ဓားကွက်ကို ထုတ်ဖော်လိုက်တဲ့အခါ ဟင်းလင်းပြင်က အနက်ရောင်အပေါက်ကြီးတစ်ခုနဲ့အတူ ပေါက်ကွဲထွက်သွားတယ်။

"၀.၁ရာခိုင်နှုန်း" လီဖူချန်းက အသက်ရှုထုတ်လိုက်တယ်။

အချိန်တစ်ခုအထိနားလည်စေပြီးနောက် သူ့ရဲ့ဓားချီမူလပြန်သွားခြင်းက ထပ်မံတိုးတက်လာပြန်တယ်။ ဒီဓားကွက်ကို ထုတ်ဖော်ဖို့ သူက သူ့ဓားစွမ်းအင်ရဲ့၀.၁ရာခိုင်နှုန်းနဲ့ချီ‌သွေးအရင်းမြစ်တစ်ခုကိုသာ အသုံးပြုဖို့သာ လိုအပ်လိမ့်မယ်။

ချွင်း ချွမ်း ချွင်း ချွမ်း........

ဓားသမားအစည်းအရုံးရဲ့သိုင်းစင်မြင့်မှာ လီဖူချန်းနဲ့သစ်ရွက်နီဓားသူတော်စင်အရှင်က ထပ်မံလေ့ကျင့်နေပြန်တယ်။

ဒါပေမယ့် ဒီတစ်ကြိမ်မှာတော့ သစ်ရွက်နီဓားသူတော်စင်အရှင်မက အရှုံးဖက်ကို ရောက်နေတယ်။

"မယုံနိုင်စရာပဲ၊ မင်းက အများကြီးတိုးတက်လာတာပဲ" သစ်ရွက်နီဓားသူတော်စင်အရှင်မရဲ့မျက်လုံးတွေက အလင်းတွေ လက်သွားတယ်။

အရင်တုန်းက သူမရဲ့ခွန်အားက လီဖူချန်းနဲ့ နှိုင်းယှဉ်နိုင်တယ်။ ဓားပညာအရ သူမကတောင် လီဖူချန်းထက် ပိုမြင့်တယ်။

ဒါပေမယ့် အခု လီဖူချန်ရဲ့ဓားပညာက သူမနဲ့ တူညီတဲ့အဆင့်ကို ရောက်ရှိလာပြီ‌။

ဒါတွေအားလုံးက သစ်ရွက်နီဓားသူတော်စင်အရှင်မကိုပဲ ကျေးဇူးတင်ရမှာပဲ" သူ့ရဲ့ဓားတာအိုက အလွန်ကောင်းတဲ့စုဆောင်းမှုရှိတယ်လို့ လီဖူချန်းက ခံစားမိတယ်။ သူက ဓားတာအိုစာအုပ်တွေမရေမတွက်နိုင်လောက်အောင် ဖတ်ခဲ့ပြီး သူ့ရဲ့စိတ်ထဲမှာ ဓားတာအိုကျွမ်းကျင်မှုတွေ အဆုံးမဲ့ရှိနေတယ်။ သူက သစ်ရွက်နီဓားသူတော်စင်အရှင်မနဲ့ လေ့ကျင့်ရင်း သူက ဓားတာအိုကျွမ်းကျင်မှုအားလုံးနဲ့ တဖြည်းဖြည်းချိတ်ဆက်ခဲ့ပြီး သူတို့ကို ဓားချီမူလပြန်သွားခြင်းထဲသို့ ရောစပ်နိုင်ခဲ့တယ်။

"ဒါက ကိုယ်ရဲ့ထိုးထွင်းသိမြင်မှုနဲ့ပဲ သက်ဆိုင်တာပါ။ ကြီးကျယ်တဲ့ထိုးထွင်းသိမြင်မှုမရှိရင် ဓားတာအိုကောင်းကင်ဘုံအရှင်တစ်ယောက်ရဲ့ညွှန်ပြချက်တွေကတောင် အသုံးဝင်လိမ့်မှာမဟုတ်ဘူး"

နောက်ဆုံးမှာတော့ သစ်ရွက်နီဓားသူတော်စင်အရှင်မက လီဖူချန်းရဲ့ကြောက်စရာကောင်းတဲ့ပါရမီကို မြင်တွေ့ခဲ့ရတော့တယ်။

"ဓားသမားအစည်းအရုံးရဲ့တတိယမြောက်ကောင်းကင်ဘုံအရှင်က သင်နဲ့လေတိမ်ဓားသူတော်စင်အရှင်တို့ထဲက တစ်ယောက်ယောက်ဖြစ်လာမှာပါ" သစ်ရွက်နီဓားသူတော်စင်အရှင်မက ဆိုလိုက်တယ်။

"ဒါဆို ငါက သစ်ရွက်နီဓားသူတော်စင်အရှင်မရဲ့ဆုမွန်ကောင်းအတွက် ကျေးဇူးတင်ပါတယ်" လီဖူချန်းက နှိမ့်ချစွာ ပြောလိုက်တယ်။

…

"မူလအဆုံးစွန်းဓားသူတော်စင်အရှင်၊ ဓားသမားအစည်းအရုံးကို တစ်ချက်လာပါ"

တစ်လကြာပြီးနောက် သစ်ရွက်နီဓားသူတော်စင်အရှင်မက ဆက်သွယ်ရေးတိုကင်နဲ့အတူ လီဖူချန်းကို အကြောင်းကြားလာတယ်။

လီဖူချန်းက ဓားသမားအစည်းအရုံးဆီ ချက်ချင်းဦးတည်လာခဲ့တော့တယ်။

ဓားသမားအစည်းအရုံးရဲ့ဆွေးနွေးခန်းမထဲမှာ သစ်ရွက်နီဓားသူတော်စင်အရှင်က ပြုံးကာ ပြောလိုက်တယ်"မူလအဆုံးစွန်းဓားသူတော်စင်အရှင်၊ သင့်ကို လေတိမ်ဓားသူတော်စင်အရှင်နဲ့ မိတ်ဆက်ပေးပါရစေ။ လေတိမ်ဓားသူတော်စင်အရှင်၊ ဒါက စောစောကငါပြောခဲ့တဲ့မူလအဆုံးစွန်းဓားသူတော်စင်အရှင်ပဲ"

တွေ့ဆုံရတာ ဝမ်းသာပါတယ်၊ မူလအဆုံးစွန်းဓားသူတော်စင်အရှင်"

လေတိမ်ဓားသူတော်စင်အရှင်က တည်ငြိမ်တဲ့မျက်လုံးတွေနဲ့ခန့်ညားတဲ့လူရွယ်တစ်ယောက်ပါပဲ။

"နှုတ်ဆက်ပါတယ် လေတိမ်ဓားသူတော်စင်အရှင်" သူက လေတိမ်ဓားသူတော်စင်အရှင်ကို မြင်တွေ့လိုက်ချိန်မှာ လီဖူချန်းရဲ့နှလုံးသားက အေးစက်သွားရတယ်။

လေတိမ်ဓားသူတော်စင်အရှင်က ကောင်းကင်ဘုံအရှင်တစ်ယောက်ဖြစ်လာဖို့လမ်းကြောင်းမှာ ရှိနေတာ သိသာတယ်။ သူ့ခန္ဓာကိုယ်မှာ အန္တိမအရှိန်အဝါတစ်ခု ပါဝင်နေတယ်။ သူ့ရဲ့သွေးမျိုးဆက်က တစ်ဝက်တစ်ပျက်အန္တိမဓားပညာရဲ့စွမ်းအားနဲ့ ပေါင်းစပ်ထားပြီလို့ ဆိုလိုတယ်။

မတူညီတဲ့မျိုးနွယ်တွေမှာ ကောင်းကင်ဘုံအရှင်တစ်ယောက်ဖြစ်လာဖို့ ကွဲပြားတဲ့လမ်းကြောင်းတွေရှိတယ်။ ဒါပေမယ့် မျိုးနွယ်အားလုံးအတွက်တူညီတာတစ်ခုတော့ရှိတယ်၊ အဲဒါက သွေးမျိုးဆက်ပါပဲ။

ဘယ်မျိုးနွယ်ပဲဖြစ်ဖြစ်၊ ကောင်းကင်ဘုံအရှင်တစ်ယောက်မဖြစ်လာခင် အန္တိမသွေးမျိုးဆက်တစ်ခုဖြစ်ရမယ်။

တစ်ခုတည်းသောခြားနားချက်ကတော့ သိုင်းတာအိုသွေးမျိုးဆက်ဖြစ်တဲ့လူသားမျိုးနွယ်သွေးမျိုးဆက်ပါပဲ။

သိုင်းတာအိုသွေးမျိုးဆက်က ကျောရိုးသွေးမျိုးဆက်တစ်ခုဖြစ်ပြီး သိုင်းတာအိုက ‌တိကျတဲ့အတိုင်းအတာတစ်ခုကို ရောက်ရှိပြီးမှသာ ထုတ်လုပ်နိုင်လိမ့်မယ်။

သိုင်းတာအိုသွေးမျိုးဆက်ကို အန္တိမအဆင့်သွေးမျိုးဆက်တစ်ခုအဖြစ်သို့ ပြောင်းလဲချင်ရင် တစ်စုံတစ်ယောက်က အန္တိမသိုင်းပညာတစ်ခုကို ကျင့်ကြံရမယ်။ အန္တိမသိုင်းပညာတစ်ခုကို ကျင့်ကြံလိုက်တာနဲ့ အဲဒါက အန္တိမသိုင်းပညာရဲ့သိုင်းတာအိုစွမ်းအားအရင်းမြစ်နဲ့ ချိတ်ဆက်သွားပြီး သွေးမျိုးဆက်ကို တိုးမြင့်လာစေတယ်။

လီဖူချန်းရဲ့ဓားတာအိုကို ဥပမာအနေနဲ့ ယူပါ၊ အဲဒါက ဓားတာအိုအရင်းမြစ်စွမ်းအားနဲ့ ချိတ်ဆက်လိမ့်မယ်။

အခြားတစ်ဦးချင်းစီရဲ့သိုင်းတာအိုအတွက် အခြားတာအိုတွေပါဝင်နိုင်တယ်၊ ဒါကြောင့် အဲဒါက သိုင်းတာအိုအရင်းမြစ်စွမ်းအားအမျိုးမျိုးနဲ့ ချိတ်ဆက်လိမ့်မယ်။ သိုင်းတာအိုအရင်းမြစ်စွမ်းအားအားလုံးက အတူတကွပေါင်းစပ်သွားတဲ့အခါ သိုင်းတာအိုအရင်းမြစ်စွမ်းအားအသစ်တစ်ခု ဖွဲ့စည်းလာလိမ့်မယ်။

အတိုချုပ်အားဖြင့် လူသားမျိုးနွယ်ရဲ့သိုင်းတာအိုသွေးမျိုးဆက်ကို မူကွဲအများဆုံးသွေးမျိုးဆက်တစ်ခုလို့ သတ်မှတ်နိုင်တယ်။ အခြေခံအားဖြင့် တစ်ဦးချင်းစီရဲ့သွေးမျိုးဆက်က ခြားနားလိမ့်မယ်။

လူသားမျိုးနွယ်က စကြာဝဠာရှိအသန်မာဆုံးမျိုးနွယ်‌တွေထဲကတစ်ခုလည်းဖြစ်တယ်။

သိုင်းတာအိုသွေးမျိုးဆက်ပြောင်းလဲပြင်လွယ်ရှိမှုက လူသားမျိုးနွယ်ကို နတ်ဘုရားမျိုးနွယ်နဲ့နှိုင်းယှဉ်နိုင်တဲ့အလားအလာ ရှိစေတယ်။

"လေတိမ်ဓားသူတော်စင်အရှင်၊ သင် အံ့ဖွယ်သစ်ရွက်မြို့ကို မပြန်လာတာ ရာစုနှစ်အနည်းငယ်ရှိပြီ။ လေတိမ်ဓားသူတော်စင်အရှင်က ဘယ်အဆင့်ကို ရောက်နေသလဲကို ငါ သိချင်တယ်"

သူက လွန်ခဲ့တဲ့ရာစုနှစ်နဲ့ အတူတူဆိုရင် သူမရဲ့သစ်ရွက်နီဓားပညာက လေတိမ်ဓားသူတော်စင်အရှင်နဲ့ ယှဉ်နိုင်မယ်လို့ သစ်ရွက်နီဓားသူတော်စင်အရှင်မက ယုံကြည်ထားတယ်။

"သစ်ရွက်နီဓားသူတော်စင်အရှင်မက စိတ်ဝင်စားနေမှတော့ သိုင်းစင်မြင့်မှာ လေ့ကျင့်ကြတာပေါ့" လေတိမ်ဓားသူတော်စင်အရှင်က ရယ်လိုက်တယ်။

မကြာမီမှာပဲ သူတို့သုံးယောက်က သိုင်းစင်မြင့်ကို ရောက်ရှိသွားတယ်။

"လေတိမ်ဓားသူတော်စင်အရှင်၊ ဂရုစိုက်ပါ" သစ်ရွက်နီဓားသူတော်စင်အရှင်မက သူမရဲ့ဓားကို ဝှေ့ယမ်းလိုက်ပြီး အဆုံးမဲ့အနီရောင်သစ်ရွက်တွေက လေတိမ်ဓားသူတော်စင်အရှင်ကို ဝန်းရံသွားတယ်။

လေတိမ်ဓားသူတော်စင်အရှင်က ခေါင်းခါကာ‌ ပြောလိုက်တယ်"သစ်ရွက်နီဓားသူတော်စင်အရှင်မ၊ သင် သင့်ရဲ့အသန်မာဆုံးအကွက်ကို  အသုံးပြုတာ ပိုကောင်းမယ်။ လွန်ခဲ့တဲ့ရာစုနှစ်အနည်းငယ်က တစ်ယောက်မှ ငါ့ရဲ့ခွန်အားအပြည့်ကို ဖိအားမပေးနိုင်ဘူး" လေတိမ်ဓားသူတော်စင်အရှင်က သူ့ရဲ့ဓားကို ဝှေ့ယမ်းလိုက်တယ်၊ သစ်ရွက်နီဓားသူတော်စင်အရှင်မရဲ့ဓားကွက်ကို အလွယ်တကူပျက်ပြယ်သွားစေတယ်။

"ကောင်းပြီ၊ သစ်ရွက်နီလှည့်လည်ခြင်း" သစ်ရွက်နီဓားသူတော်စင်အရှင်မက သူမရဲ့တစ်ဝက်တစ်ပျက်အန္တိမဓားကွက်ကို သုံးလိုက်တယ်။

လေတိမ်ဓားသူတော်စင်အရှင်ရဲ့မျက်လုံးတွေက လက်သွားတယ်" သင်က တစ်ဝက်တစ်ပျက်အန္တိမဓားကွက်တစ်ကွက်ကို နားလည်နေပြီးပေါ့။ သင် ငါနဲ့ ယှဉ်ပြိုင်ချင်နေတာ အံ့ဩစရာမရှိဘူးပဲ။ ကံမကောင်းတာကတော့ အဲဒါက မလုံလောက်သေးဘူး။ ချိုးဖြတ်စမ်း......."

လေတိမ်ဓားသူတော်စင်အရှင်ရဲ့ဓားက ခုတ်ပိုင်းလာပြီး ဆုတ်ဖြဲသံတစ်ခုထွက်လာတယ်။ စွမ်းအားတစ်ခုပေါက်ကွဲထွက်သွားပြီး မုန်တိုင်းတစ်ခုက စကြာဝဠာကို တိုက်ခတ်လာတယ်။ အဲဒါက သစ်ရွက်နီလှည့်လည်ခြင်းကို ချက်ချင်းချိုးဖြတ်သွားတယ်။

သွေးတွေ ပန်းထွက်လာပြီး သစ်ရွက်နီဓားသူတော်စင်အရှင်မက လွင့်ထွက်သွားတယ်။

"ဘာ။ ဒီလောက်တောင် အားကောင်းတာလား" သစ်ရွက်နီဓားသူတော်စင်အရှင်မက မယုံကြည်နိုင်ဖြစ်နေတယ်။

လွန်ခဲ့တဲ့ရာစုနှစ်အနည်းငယ်က သစ်ရွက်နီလှည့်လည်ခြင်းကို နားလည်ပြီးနောက် သစ်ရွက်နီဓားသူတော်စင်အရှင်မက အခြားကံကြမ္မာအခွင့်အလမ်း‌တွေနဲ့ တွေ့ဆုံခဲ့ပြီး သူမက သိသိသာသာတိုးတက်လာတယ်။ သူမက လေတိမ်ဓားသူတော်စင်အရှင်နဲ့ ယှဥ်ပြိုင်နိုင်မယ်လို့ ယုံကြည်ထားခဲ့တယ်၊ ဒါကြောင့် ဓားတစ်ကွက်တည်းနဲ့ ရှုံးနိမ့်သွားရလိမ့်မယ်လို့ သူမ ဘယ်တော့မှမမျှော်လင့်ထားခဲ့ဘူး။

လေတိမ်ဓားသူတော်စင်အရှင်က ဓားကို ဓားအိမ်မှချွတ်ကာ ပြောလိုက်တယ်"လွန်ခဲ့တဲ့ရာစုနှစ်အနည်းငယ်အတွင်း ငါက ‌လေတိမ်ဓားတာအိုအရင်းမြစ်စွမ်းအာနဲ့ ချိတ်ဆက်ထားပြီဖြစ်တယ်။ သင် ငါ့အတွက် ပြိုင်ဘက်တစ်‌ယောက်မဟုတ်တာ သာမန်ပါပဲ"

သူ့ရဲ့ဓားတာအိုက လေတိမ်ဓားတာအိုဖြစ်ပြီး လေတာအို၊ တိမ်တာအို၊ ဓားတာအိုတို့ပါဝင်တယ်။  ဒါကြောင့် အဲဒါက လေတာအိုအရင်းမြစ်၊ တိမ်တာအိုအရင်းမြစ်၊ ဓားတာအိုအရင်းမြစ်တို့နဲ့ ချိတ်ဆက်ထားတယ်။ ပြီးနောက် သူတို့ကို လေတိမ်ဓားတာအိုအရင်းမြစ်စွမ်းအားထဲသို့ ပေါင်းစပ်ခဲ့တယ်။

"အံ့ဩစရာမရှိဘူး။ သင်က အရင်းမြစ်စွမ်းအားနဲ့ တကယ်ချိတ်ဆက်ခဲ့တာပဲ" သစ်ရွက်နီဓားသူတော်စင်အရှင်မက လုံးဝလက်ခံသွားတယ်။

"မူလအဆုံးစွန်းဓားသူတော်စင်အရှင်၊ မင်းက ပြောင်မြောက်တယ်လို့ ငါ ကြားတယ်။ မင်းရော ငါနဲ့ ယှဉ်ပြိုင်ချင်လား" လေတိမ်ဓားသူတော်စင်အရှင်က လီဖူချန်းကို လှည့်ကြည့်လိုက်တယ်။

"ငါ မင်းရဲ့ဖိတ်ခေါ်မှုကို လက်ခံတယ်" လီဖူချန်းက လေတိမ်ဓားသူတော်စင်အရှင်နဲ့ လေ့ကျင့်ဖို့ဆန္ဒရှိတယ်။

သိုင်းစင်မြင့်ပေါ်မှာ ပြိုင်ဘက်ကင်းဓားတာအိုသူတော်စင်အရှင်နှစ်ယောက်က မီတာတစ်ရာခြားလျက် ရပ်နေတယ်။

သူတို့နှစ်ယောက်က ချက်ချင်းမလှုပ်ရှားကြဘူး။ အဲအစား သူတို့က ငြိမ်သက်စွာ ရပ်နေကြပြီး မဖော်ပြနိုင်လောက်တဲ့ချီစက်ကွင်းတစ်ခုက ကြီးမားလာတယ်။

အသက်ရှုချိန်အနည်းငယ်သာရှိသေးပေမယ့် အချိန်အတော်ကြာနေသလို သစ်ရွက်နီဓားသူတော်စင်အရှင်မကို ခံစားမိစေတယ်။

အဲဒါက သူမကို မျက်မှောင်ကြုတ်မိသွားစေတယ်။

လေတိမ်ဓားသူတော်စင်အရှင်က ပျောက်ကွယ်သွားပြီး ကြီးမားကျယ်ပြန့်တဲ့တိမ်ပင်လယ်တစ်ခုနဲ့တူတဲ့ဓားတာအိုအားတစ်ခုက လီဖူချန်းထံ ရုတ်တရက် တိုက်ခိုက်လာတယ်။

"ဒီလိုကြောက်စရာကောင်းတဲ့စွမ်းအား"

လီဖူချန်းရဲ့မျက်လုံးများက ကျဉ်းမြောင်းသွားတယ်။ တုံ့ဆိုင်းခြင်းမရှိဘဲ သူက ဓားချီမူလပြန်သွားခြင်းကို ထုတ်ဖော်ကာ ဟင်းလင်းပြင်ကို တိုက်ခိုက်လိုက်တယ်။

အုန်းအုန်း......

ဟင်းလင်းပြင်က အဆုံးစွန်းအထိတွန့်လိမ်သွားပြီး အနက်ရောင်အပေါက်တစ်ခုက မွေးဖွားလာတယ်။ ကြောက်မက်ဖွယ်ရာအနက်ရောင်အလင်းတန်းတွေက ပျံ့နှံ့ထွက်လာနေတယ်။

"မင်းက ငါရဲ့တိုက်ကွက်ကို တကယ်ခုခံနိုင်ခဲ့တာပဲ။ ကောင်းတယ်......" လေတိမ်ဓားသူတော်စင်အရှင်ရဲ့အသံက ဦးတည်ဘက်တိုင်းမှ ပဲ့တင်ထပ်သွားတယ်။

ပြီးနောက် ကြီးမားတဲ့လေတိမ်ဧရိယာတစ်ခုက လီဖူချန်းပတ်လည်မှာ စုဝေးလာတယ်။ လေတိမ်က မှင်တက်ဖွယ်ရာဓားတာအိုအားတစ်ခုကို ဝှက်ထားပြီး လီဖူချန်းထံ လှိုင်းတွေနဲ့အတူ ရိုက်ခတ်တိုက်ခိုက်လာတယ်။

လီဖူချန်းရဲ့အမူအရာက မပြောင်းလဲဘူး၊ သူက တိုက်ခိုက်မှုအသီးသီးကို သူ့ဓားကို ဝှေ့ယမ်းလျက် ကြိုဆိုနေတယ်။ သူဖော်ထုတ်ခဲ့ဓားကွက်တိုင်းက ဓားချီမူလပြန်သွားခြင်းပါပဲ။

အကွက်တိုင်းက ဓားချီမူလပြန်သွားခြင်းဖြစ်ပေမယ့် သူတို့မှာ မတူညီတဲ့ပုံစံတွေရှိတယ်။

ဓားပညာက ဒီအဆင့်ကို ရောက်ရှိလာတဲ့အခါ ဓားကွက်မှာ အဆုံးမဲ့ဖြစ်နိုင်ချေတွေ ပါဝင်နိုင်တယ်။ မတူညီတဲ့ရန်သူတွေနဲ့ရင်ဆိုင်ရတဲ့အခါ ဓားကွက်က မတူညီတဲ့တိုက်ခိုက်မှုနည်းလမ်းတစ်ခုကို ပြောင်းလဲသွားလိမ့်မည်ဖြစ်တယ်။

ဝုန်း ဝုန်း ဝုန်း.......

သိုင်းစင်မြင့်ပေါ်မှာ တံလျှပ်တွေနဲ့ကြောက်စရာကောင်းတဲ့မြင်ကွင်းမျိုးစုံဖြစ်ပျက်နေတယ်။ စကြဝဠာမှာသာ ထွက်ပေါ်လာမယ့် အန္တရာယ်‌နေရာရှုခင်းအချို့ရှိတယ်။

"မူလအဆုံးစွန်းဓားသူတော်စင်အရှင်ရဲ့ဓားပညာက ထပ်တိုးတက်လာပြန်ပြီးလား" သစ်ရွက်နီဓားသူတော်စင်အရှင်မက အလွန်အမင်းအံ့အားသင့်သွားခဲ့ရတယ်။

ဘယ်လိုလုပ်ပြီး ဒီလိုကြောက်စရာကောင်းတဲ့ဓားတာအိုပါရမီရှင်တစ်ယောက် ဒီကမ္ဘာမှာ ရှိနေရတာလဲ...….........

အဆုံးမှာတော့ လီဖူချန်းက လေတိမ်ဓားသူတော်စင်အရှင်အတွက် ပြိုင်ဘက်မဟုတ်သေးဘူး။ သူက ဓားတာအိုအားတစ်ခုကြောင့် လွင့်ထွက်သွားပြီး သွေးတစ်ပွက်အန်လိုက်ရတယ်။

"လေတိမ်ဓားသူတော်စင်အရှင်က တကယ်အံ့မခန်းပဲ။ ငါ အရှုံးပေးတယ်" လီဖူချန်းက ထပ်မလှုပ်ရှားတော့ပါဘူး။

လေတိမ်ဓားသူတော်စင်အရှင်က ပြန်ထွက်ပေါ်လာပြီး သူ့ခေါင်းကို ခါလိုက်တယ်၊ သူက ရယ်ကာ ပြောလိုက်တယ်" မင်းလည်း မယုံနိုင်စရာပဲ။ ငါက ငါ့ရဲ့ခွန်အားအပြည့်ကို အသုံးပြုရလုနီးပါးပဲ"

လေတိမ်ဓားတာအိုက လေ၊ တိမ်နဲ့ဓားတာအိုစွမ်းအားတို့ရဲ့ပေါင်းစပ်မှုတစ်ခုပါပဲ။ ဒါကြောင့် သူက လေဖြစ်တယ်၊ တိမ်ဖြစ်တယ်၊ ဓားဖြစ်တယ်။ စောစောက လီဖူချန်းနဲ့တိုက်ခိုက်တုန်းက လေတိမ်ဓားပညာရဲ့အနှစ်သာရကို သူက အသုံးပြုနေတယ်။

ဒီလေ့ကျင့်ခြင်းဖြစ်စဉ်ပြီးဆုံးပြီးနောက် သူတို့သုံးယောက်က အရက်အတူတကွသောက်ပြီး အဖွဲ့ငယ်တစ်ခုကို ဖွဲ့စည်းလိုက်တော့တယ်။